2002 年 11 月 27 日 星期三 【雨】

今日無端端落起雨o黎，攪到好似好凍，同埋攪到四周圍都好似好冷清咁！不過有時落下雨都好o既，唔使成日都陽光普照！

今日真係好支力呀！首先琴晚已經唔係早訓o架啦！今朝又要晨咁早起身做埋份功課，做到差唔多時候又要去上hist workshop，其實無take到呢個course就真係錯過o左好多，因為佢剩係教o的好簡單o既o野，功課又唔係多，又唔係話好難做，最好係唔使好似其他IT course咁要考試，麻煩到死！上完堂之後，本來諗住溫書o既，但係咁啱黃慧雅o黎喎，咁咪帶佢去參觀下o羅！佢真係一o的都無變過o下，一樣都係咁多o野講，都仲係咁活躍，不過見到佢都好開心o既！佢仲同埋個朋友仔一齊o黎，佢朋友仔同佢都好似，我諗係一個值得交o既朋友o黎o既！不過黃慧雅都仲係對男仔有特別強烈o既興趣，臨走都要去男仔樓走番轉！唉！無佢修！

跟住我地夜晚就去食勁過飯啦！都幾好食喎間o野，係污糟少少，但係都唔錯呀！之後我同阿ling、阿may同betty就去ok食軟雪糕！好好食呀！~~(嘻！我杯係最大杯o架！)食完勁過飯，我地返到hall就寫勁過揮春，雖然係幾好玩o既，但係就浪費o左少少時間o羅！用o左我成兩個鐘先寫完，唉！不過我都已經收到好多啦！但係好明顯仲有人未識得串我個名o架吓！

而家啱啱算做完份ecen，但係都仲有手尾要執，我諗都係要通頂啦！個樣又殘多十萬倍啦！.....................................................

>>November 28, 2002 at 9:10:48 PM GMT+8

2002 年 11 月 26 日 星期二 【晴】

唉！今日全日都唔係好開心咁，可能係比份ling功課影響o左！今日上tutorial，派返第三份功課，我得C+o乍，呢個成績本來都無乜o野o既！但係最慘係俾我發現大部份人都有A甚至A+呀！我係第二.............................低分呀！唉！好唔開心！\/.\/

跟住下晝又無上一堂german喎，因為我仲未溫書呀，去上堂就真係好樣衰，而且又有好多o野未做，之後仲要練波，都係留o係hall度溫書好過啦！練波之後，我同阿ling同阿ric去o左食o野，間o野好抵呀！10蚊有碗麵，都ok好食o架！但係衰在個老闆太多o野講啦，成日同我地講o野，又望住曬，唉！就算佢話下次會請我地食菜，我地都未必會再去！

聽日要測驗呀！而家好簡略咁溫過一次，但係睇o黎聽日都係會唔識o架啦！唉！

>>November 27, 2002 at 7:11:40 PM GMT+8

2002 年 11 月 25 日 星期一 【晴】

由於呢兩日實在太忙啦！所以都唔得閒寫日記，而家雖然都仲有好多o野做，但係都忙裡偷閒一番，補寫番呢兩日o既日記先！

今日我真係好難得有一日得閒o的！因為個tutor返o左德國，所以今日唔使tutorial，咁就剩番一堂ling要上啦！本身都可上可唔上o既，但係因為要交功課啦，所以最後都係要上！但係我覺得自己真係好白痴o羅！竟然剩係帶o左一個唔使用o既file，無帶到裝住功課o個個，所以又要返hall拎番！o係呢一刻，你就會好慶幸自己有住hall，如果唔係一定交唔到功課呀！

上完堂之後，就同o左羅韻詩一齊走啦！由於我星期六日要做功課，無返到屋企，所以今日就補番數，順便出去玩下！我地出o左尖沙咀，會合埋炭炭，就去o左唱k lunch啦！哇！成十世無唱k啦！都真係驚唔識唱o的歌呀，一陣間我呢個曾經係至in o既人out曬咁點算？！好彩我都未out得曬，雖然都有幾首係佢地識而我唔識唱o既歌，但總算我都仲有好多係識唱o既！而家我已經不斷up-dated自己，希望唔會被你地淘汰啦！！

我地唱o左成5個幾鐘都唔cut我地，如果唔係趕住返屋企食飯，我諗我地再唱多個幾鐘都仲得呀！唱到個人都支力曬，不過返到屋企飲番碗最鍾意飲o既蘿蔔湯，成個人都醒曬！始終都係阿媽煲o的湯最好飲o既！！

>>November 27, 2002 at 7:00:48 PM GMT+8

2002 年 11 月 24 日 星期日 【陰】

唉！今日又走o左堂啦！唔知係咪琴日食宵太夜，再加上呢幾日都唔係好夠訓，今朝終放起唔到身啦！(雖然對於我o黎講，走堂都唔係o的o羊會令我內疚o既事，但係都係唔係咁好o架嘛！因為我而家學緊做一個乖學生呀！)所以今日由原本要上5堂o既我，變做剩係要上一堂啦！哈哈！因為下晝o個堂我不嬲都無上開o既！

今日終於都做完份ling啦！唉！真係好辛苦呀！好彩有阿山大幫手o者，唔係做到下年都未做曬呀！而家可以輕鬆一陣子啦！但係仲有個英文profolio未做呀！加油呀！

>>November 25, 2002 at 4:59:16 PM GMT+8

2002 年 11 月 24 日 星期日 【晴】

恭喜賀喜！阿媽話俾我聽話呀夏生拍拖啦！哈哈！

>>November 25, 2002 at 7:53:33 AM GMT+8

2002 年 11 月 24 日 星期日 【晴】

嘻！終於去o左食第一次o既宵啦！好開心呀！

今朝晨早就要去返工，本來諗住放工就返屋企o架嘛，但係因為未做完份ling功課，最終都係要返hall做o野！返到hall，阿山大(我爸爸o既新名呀！)又未返，未問到o野住，咁o岩Rita又send左一個好低能但係又幾好玩o既遊戲俾我，我就玩o左一陣，跟住沖完涼就去o左問功課啦！原來我一直都好白痴，爸爸係有一條差唔多一樣o既題目，早知我星期六o個日就唔使成日留o係hall度諗啦！不過我都唔會話真係抄o既(雖然爸爸話照抄實會有A喎！)，唔知係咪人大o左，都真係唔會好似以前咁有乜就抄乜啦！

咁搵兄弟o既時候，阿奎就提議話去食宵啦喎！咁我呢o的入U之後未食過宵o既人o黎講，梗係拍爛手掌啦！但係好可惜唔係好多人去，最後就得番爸爸、阿奎、阿ling同我去食！唔知係咪星期日o的人玩到支力曬，所以可可店都唔係咁多人，我地食o左o的糖水同埋四寶，都ok好食o既！

唉！最慘就係我呢個貧苦學生，糧都未出，就俾佢地x(又唔算做屈，因為我都自願o既，但係我又諗唔到有乜可以形容到喎！)o左食宵啦！算啦！難得一次，不過今日就白做o左兩個幾鐘啦！希望佢地全部都快o的搵到o野做，咁我就可以食多幾餐啦！哈哈！.....................

P.S.各位親愛o的朋友仔，係咪覺得我好厲害呢，去o左食宵啦！哈哈！..............哈哈！...............
低能，咁遲先第一次食宵就咁開心，傻o既！
呀！..........................精神分裂呀！..................................................
你地如果又要我請食宵o既話，就深夜o黎太古堂搵我啦！嘻！除o左宵之外我係乜都唔會請o架啦！你地自己諗啦！哈！

>>November 24, 2002 at 7:21:48 PM GMT+8

2002 年 11 月 24 日 星期日 【晴】

哇！真係好感動呀！

唔知係咪一個人o既時候就特別感性o的，亦都特別諗得多o野o的，所以其實我星期五o個晚得番自己一個o係間房o既時候，就諗番好多o野，攪到自己好唔開心咁！跟住就不停咁寫日記、留留言俾你地，希望可以發洩一下！但係我做唔到今日放完工check番，發現各位好朋友都留o左言俾我，仲要係唔短o架添，o個一刻真係好開心、好感動！尤其係關b敏啦！(我無講曬你全名呀！)估唔到你而家真係打中文打得咁叻o下！我都未必打到咁長呀！你已經大個女啦！.....

仲有羅韻b啦！你幾時都係咁識得鼓勵人o既！黃映真就差o的！唉！不過都尚算ok啦！(講笑咋，你都好好！)真係好開心，好開心！~~~~~~

>>November 24, 2002 at 5:00:32 PM GMT+8

2002 年 11 月 22 日 星期五 【晴】

唉！今日坐o左成日，對住份ling o既功課，真係有點兒想死o既感覺呀！又睇唔明，又唔識得做，但係唔做又驚無時間做，真係好慘呀！點解每次做ling o既功課都係咁o架？？真係一科好困難o既科目呀！

聽日仲要返工，唉！原來想做一個貧苦學生係咁難o架！................................ \/.\/

>>November 23, 2002 at 7:03:15 PM GMT+8

2002 年 11 月 22 日 星期五 【晴】

唔！唔知點解，今晚做做下o野突然間好想搵番曬所有朋友仔o的日記留言俾佢地！可能係因為近排太忙啦，好似都無乜時間同到人類講o野咁，同埋又就o黎考試呢！所以特別多o野做，一多o野做個人就好似好支力咁，跟住就會覺得自己心情好"下"咁啦！留下言俾人地，就好似可以抒發一下自己o的情緒咁啦！

其實我真係好鍾意星期五晚留o係hall度做o野，因為呢晚有好多人都會返o左屋企，咁就會變得特別寧靜，感覺特別舒服，做o野都可以做得多o的同埋耐o的！呢樣o野係我返到屋企一定做唔到o既！不過一諗起仲有好多樣功課要做o既時候，我就......................................
唉！

>>November 22, 2002 at 7:31:05 PM GMT+8

2002 年 11 月 21 日 星期四 【晴】

今朝又係要返早，好可憐咁要8點幾就起身！上o左三堂最悶o既堂之後，我就返hall啦！食o左少少面包，就忍唔住要訓覺啦！一訓訓o左兩個幾鐘，訓醒又差唔多夠鐘去食飯同睇singing contest啦！

第一次o係陸祐堂正真咁睇show，都幾好o既！o的參賽者個個都唱得唔錯喎，阿wing都唱得好好，雖然最後得第三，但係已經係好好成績啦！第時可能做埋歌星，咁我地就會有一個歌星姊妹啦！！哈哈！今日仲見到鄧健泓同關心妍，不過都無乜特別，係鄧健泓o的fans好笑o的o羅，真係一唱完就即刻走人，可能要去追車啦，而關心妍就無fans，剩係唱o左一首歌就走，不過都有少少勁歌金曲o既feel！

>>November 22, 2002 at 2:46:05 PM GMT+8