2003 年 1 月 13 日 星期一 【晴】

哇！！期待已久o既A-meet已經o黎到啦！！大家都好耐無試過一早7點零就起身啦！！好似返中學咁呀！！好眼訓！！

跟住我地又有跟旅遊巴去沙灣徑運動場喎！！攪到好似中學生去旅行一樣呀！好攪笑！！好求其咁開始o左之後，就開始玩啦！但係同中學好唔同o既一樣o野就係原來o的項目一開始o左之後呢，係無乜人o係個看台度o架！所以根本唔需要擔心樣衰o既問題！！就算跑100米，都無人會好留意到你o架！！我呢o的勁人，就梗係留力，玩一o的少兒科o既玩意------推鉛球同埋鏢鎗啦！！推鉛球都無乜特別，中學o個時成日玩o架啦！但係鏢鎗就真係好新鮮啦！原來都有少少難o架！！個鎗頭成日都唔會落地先！！好彩我都唔衰得曬！最後一擲都成功成為生鎗！！哈哈！！..............

好無聊咁完o左之後，我地就落o左swire canteen食樓飯啦！！食o左個金菇肥牛卷米線，都幾好喎！！食完飯之後，本來諗住無聊下，點知俾candy叫o左我去佢地個新hall莊o既mock campaign幫手抄o野，我都係第一次去呢o的咁認真o既場合，都幾大壓力！！同埋好耐無抄過o野！都有o的支力！！好似考返一次中史咁！！

>>January 15, 2003 at 4:46:59 AM GMT+8

2003 年 1 月 12 日 星期日 【晴】

今朝起身都無做過o的乜，食完飯就已經返hall啦！！返到hall發現佢地整o左o的曲奇餅俾我食呀！！好好食o既朱古力曲奇餅！！

跟住夜晚o個時，Queenie買o左《隔離位係古惑仔》返o黎一齊睇！！但係樓主就話佢地係叫做《隔離位係飛仔》o羅！！都有o的好笑位o既！但係成齣戲都過分地使用暴力，唔係好鐘意睇！由於聽日係athletic meet，所以大家都一早走o左去訓lu！！

>>January 14, 2003 at 4:27:09 PM GMT+8

2003 年 1 月 11 日 星期六 【晴】

今日又係訓到12點先起身！之後阿媽仲整o左牛腩麵俾我食！！本來約o左關思穎2點半o既！但係因為關b敏打o黎問o野！咁傾多o左一陣，所以我就遲o左少少去啦！！嘻嘻！好彩關思穎無怪我o者！！不過佢都唔係變o左好多！o的頭髮長o左o的咁啦！但係同羅俊豪上次俾我睇o既卡差唔多！！

跟住我就同佢去o左仙ｘｘ度飲o野！！一傾就傾o左個幾鐘啦！！之後我地就四圍行下，四圍兜下！！最後仲影o左張卡添！！好開心咁就過o左一個下午啦！！

P.S.思穎，自己一個去外個讀書要小心o的呀！！努力o的讀書就得o架啦！！不過你記住帶返隻真o既袋鼠同樹熊返o黎呀！！前面抱一隻，後面孭一隻！！兩件hand carry o岩o岩好！！哈哈！！^_________________________________________^

講開又講！呢個世界真係細呀！原來我o係馬會認o既貝貝女，係jolly個朋友仔o既女朋友同埋係佢師妹！！個關係真係複雜呀！！！世事難料！！

>>January 12, 2003 at 5:26:43 PM GMT+8

2003 年 1 月 10 日 星期五 【晴】

今日一早就起o左身啦！！雖然琴日游水唔係游o左好耐，但係都有o的訓唔係好著，所以今朝起身都幾眼訓！！

之後就返工啦！！我好醒目咁整o左o的公仔麵去食，但係竟然俾阿貝貝女話我無聊，帶杯麵好過！咁人地唔鐘意食杯麵嘛！！今日又係無聊中渡過！但係今日落飛就差o的訓著！真係好眼訓！！.......

放工之後仲同貝貝女行o左一陣沙田！我仲o係新開o個間McTreat度拎o左個氣球呀！！好得意！雖然都有o的樣衰！但係真係好耐無拎過氣球行街街啦！！^__^

>>January 12, 2003 at 5:10:30 PM GMT+8

2003 年 1 月 9 日 星期四 【晴】

哈哈哈！！今日本來都幾無聊下！！係今朝阿真o黎o左買書！跟住就同我去拎番份功課，之後我就好無聊咁聽下收音機，好難先等到9點睇戇夫成龍！！好攪笑！！

今日又有食神啦！！阿湘琴日燒o野食剩o左o的雞翼同牛扒，所以樓主就拎o左去焗飯！！好好食呀！！哈哈！之後我地就開始我地o既ｎｉｇｈｔ　ｄｒｉｌｌ啦！但係今日因為唔係好多人，應該話咁o岩得四個人，所以我地就決定改變下我地o既形式，唔跑步啦，唔做腳部運動，轉做手部運動！！諗住"游下水"咁啦！！但係我地就乜都冇！攪到要不停去借！！好攪笑係樓主去問四樓借檯，點知佢地得康樂棋o的檯喎！！樓主為保全面子，就順勢話我地要玩康樂棋啦！！但係好失敗就係佢地入臨走之前俾麥連發發現o左佢地唔記得拎棍！樓主亦都好聰明咁答佢話我地興用筷子玩o架！！真係樣衰死！好彩我係負責去二樓借麻雀o者！！好順利！！我地好勁咁o係個幾兩個鐘頭就打曬四圈啦！！好彩我都食o左幾鋪！！玩到而家先玩完！！最後差o的無人肯還檯呀！因為實在太樣衰啦！！

>>January 10, 2003 at 5:43:14 PM GMT+8

2003 年 1 月 8 日 星期三 【晴】

今日都好開心！！琴晚傾偈傾到好夜，但係今朝11點幾就起o左身lu！跟住無耐同房又起埋身，我地就去o左旺角行街街啦！原來無乜人o既旺角係可以咁快行完o架！！我地大家都買o左一件衫！我仲買o野份禮物！！今日我地又係去o左麥當勞呀！！食o左新出o既飽，乜蝦堡，都ok啦！不過辣o左少少！！好開心呀！！~~~~~

跟住返hall，本來都諗住飽飽地唔使食，但係阿may話佢平時食我咁多，要補償番，整番o的蕃茄蛋俾我食喎！！但係明顯地最後係holly整o架啦！！不過都好豐富！！之後仲有腐竹蛋糖水食呀！！好好食！！食得好飽添！！

>>January 9, 2003 at 4:59:45 PM GMT+8

2003 年 1 月 7 日 星期二 【晴】

哈哈！經過琴日o既無聊之後，今日實在太充實啦！！

首先今朝一早就起身，點知差唔多出街之時，馬會就打o黎，話我拎o左個乜o野"十二月之星"喎！！真係好娘呀個名！！又要我拎三張生活照，攪到我掛住搵相唔記得帶好多o野之餘，我又遲到喎！！我好少遲到o架嘛！！

不過好彩我遲o左，原來爺爺佢地都係o岩o岩到沙田站o者！！所以我地就可以撘埋同一班車！！之後我地就去o左neway唱k啦！！咁彭慧妍又要返學校上堂！！爺爺又約o左人喎！！最後就剩番我同羅韻詩唱！以前o係neway唱就鬼咁快cut，但係今次得番兩個人又俾我地唱咁耐喎！！唱到聲都沙埋！！

跟住就要去返工！！o個個"十二月之星"都好好笑，攪到好似好大件事！！有頒獎禮添！！雖然得幾個人，但係都梗係覺得好好笑！！唉！不過我諗住佢會有獎金o架嘛！點知原來得張好薄o既紙，同埋馬會o既鎖匙扣加一支好似好明貴o既筆！！算啦！都好過無！！

然後我就返o左hall啦！！返到o黎就傾偈傾到而家都未傾完！！哈哈！！我之前仲開班教sandy、betty、queenie、阿may同同房織o野添！！死人rita，又話要我教，攪到我特登返o黎，但係佢又做其他o野！！哼！！

>>January 8, 2003 at 8:03:57 PM GMT+8

2003 年 1 月 6 日 星期一 【晴】

呀.........今日同樣地係無做過o的乜啦！！起身就都差唔多食晏ｌｕ！！食完o野就同阿媽落街，拎o左o的錢用，以後都可以自給自足ｌｕ！！

今晚大家姐返屋企食，攪到鬼咁遲先開始食！！哼！不過！！．．．．．．今日真係無乜ｏ野寫呀．．．

>>January 7, 2003 at 3:18:53 PM GMT+8

2003 年 1 月 5 日 星期日 【雨】

呀.........今日又係訓到12點先起身，太耐無過過呢種生活啦！！實在太爽呀！！~~~~

今日又無乜特別o野做喎！！又凍又落雨，所以本來諗住落去都無落到ｌｕ！！成日就係上網、打機、聽收音機！！不過呢o的生活都係間唔中有一兩日就唔錯，成日係咁都幾無聊o架！！

本來今日我係要返去hall度night drill！！但係諗諗下都係太無聊啦，無端端返去就係為o左跑步，所以最終都係無返到！！唉！時間就過得真係快呀，好快又要返學啦！！~~~~~~~~ >_______<"

>>January 6, 2003 at 4:34:36 PM GMT+8

2003 年 1 月 4 日 星期六 【陰】

哈！！諗真下，我都唔知有幾耐無試過全日o係屋企lu！今日好難得咁可以由朝到晚都留o係屋企，雖然係無聊o的，但都總算係難得o既舒服！！

今朝訓到成12點幾先起身！無耐又食飯啦，跟住2至4又聽o左商台個雷霆歌曲播放指數！！然後就睇電視播省港盃，係呀！係省港盃呀，即係踼波啦！睇香港波喎，可想而知我係幾咁無聊呢？？！

之後無耐又肴勁歌總選睇啦喎！！我又係好耐都無試過坐定定咁去睇一個電視節目啦！！睇下睇下，時間都過得幾快，個賽果一如以往啦，太公分豬肉，人人有份！！最唔抵就係關心妍要同鄭希怡分金獎嘛！！其他都ok啦！！有o的攪笑咁o羅！！

見無乜o野做，12點幾就去訓lu！！

>>January 6, 2003 at 6:10:58 AM GMT+8