2003 年 3 月 12 日 星期三 【晴】

今日係關ｂ敏生日，講番句：生日快樂先！！２０歲啦！！心想事成啦！！考好個試大家就可以一齊去玩啦！！

今朝訓o左三個鐘就要起身上中文ｔｕｏｒｉａｌ啦！好彩起到身o者！上完中文就去上中史，第一次上中文ｔｕｔｏｒｉａｌ，乜都無睇過、亦都無預備過！！好彩佢都無問中我！！之後就返ｈａｌｌ溫ｇｅｒｍａｎ啦！！今次測驗唔算好識，但係我諗我都會合格o既！！

上完堂就同阿圓形一齊買o野啦！！買完o野就返去一齊煮飯食啦！

>>March 15, 2003 at 1:51:39 PM GMT+8

2003 年 3 月 11 日 星期二 【晴】

今日係起級極忙o既一日呀！！由於一早已經放棄o左上９：３０堂ｇｅｒｍａｎ，所以尚且可以訓多一陣，但係１１：４０就開始我o既上堂生活啦！！上完中文就上中文，但係發現唔見羅韻詩喎，佢係一個唔會走堂o既人o黎o架嘛，所以初時嚇親我，後來先知原來沙官中樂今日比賽，佢去o左睇！！(仲有第二我都真係覺得係好好彩啦，雖然我無睇過佢地練，但係睇返呢班師弟妹平時o既表現，都知佢地無心啦！！)之後我就去上ｌｉｎｇ，原來今日真係唔使做ｌａｂ，好開心咁返ｈａｌｌ繼續溫ｓｃｉｅｎｃｅ啦！！好求其咁測完個驗，又要趕住去返工啦！！

今日就真真正正咁遲到啦！！．．．好慘呀，不過就同貝貝女一齊坐，都好o的，無咁眼訓！但係好不幸地要做埋過戶，我地仲要係最後走o個１０幾個之一呀！！之後就要趕返ｈａｌｌ，因為今日要開會呀！！～～返到ｈａｌｌ都１２：３０啦！！就即刻開會！最後都總算有個結論，但係都１：ｘｘ啦！我地之後傾埋都２：ｘｘ啦！！聽日又要測ｇｅｒｍａｎ喎，所以就諗住溫啦，但係就一路傾一路溫，到５：ｘｘ先開始真係溫，本來諗住通頂啦，但係到６：ｘｘ就眼訓，所以先訓咋！！

>>March 15, 2003 at 2:18:25 PM GMT+8

2003 年 3 月 10 日 星期一 【晴】

今日訓到１１：ｘｘ就起身沖涼啦，之後就返o左一堂ｔｕｔｏｒｉａｌ啦！！上完呢堂我就同ｂｅｔｔｙ一齊去睇波啦！我地一齊去睇ｈｏｃｋｅｙ，都未睇過咁好睇過咁好睇o既ｈｏｃｋｅｙ，仲要係第一次睇埋佢地加時同射１２碼添呀！！雖然最後都係輸o左，但係都真係雖敗猶榮呀！！之後我地就再去睇埋ｂａｄｍｉｎｔｏｎ，四個隊員有２個都係９樓，梗係要支持下啦！！雖然，最後都係輸埋！！但係又係好好睇喎！！

>>March 15, 2003 at 2:30:14 PM GMT+8

2003 年 3 月 9 日 星期日 【晴】

．．．．．．今日又走曬o的堂啦！！因為屋企太舒服啦，所以就訓多o左一陣陣咁啦！！今日無乜做過o野，所以無o野好寫啦！！.........../\_________________/\

>>March 15, 2003 at 2:39:52 PM GMT+8

2003 年 3 月 8 日 星期六 【晴】

好耐無返工啦，今日終於都有得返下啦！！不過都無乜特別！！．．．．．．

>>March 17, 2003 at 5:51:05 PM GMT+8

2003 年 3 月 7 日 星期五 【晴】

今日又係ｉｎｔｅｒ－ｆｌｏｏｒ足球比賽o既大日子啦！！因為今日踢２：００，所以都可以好輕鬆，不過因為我琴日唔記得要交功課喎，所以今朝一早就去交番啦！！交完之後就同阿ｍａｙ去買水同埋面包！

今日本來我地都打得唔錯o架，但係又係下半場一開波仲亂o個陣就俾人入o左一球啦！！之後又係一球１２碼，都唔知點解每一場都有球１２碼o既？！不過今日我無得落場呀，可能剩係打一場掛？o的人都唔使換o既？！但係今日我地已經達到我地要打開心足球o既目的啦！完場之後我地仲ｄｅｍ　ｃｈｅｅｒｓ添！！勁呀～～～

返到ｈａｌｌ，大家都好支力啦！所以就一齊睇ｖｃｄ！我地睇o左《獸身戇男》，都幾好笑喎！！大家一邊食一邊睇！！好難得o既輕鬆呀！！～～～

>>March 17, 2003 at 5:47:25 PM GMT+8

2003 年 3 月 6 日 星期四 【晴】

今日真係無乜做過ｏ的乜，剩係中午o個陣同阿ｍａｙ、ｂｅｔｔｙ同埋ｕｅｅｎｉｅ一齊去o左西寶城間元祿食一個都幾抵o既餐，食到飽飽之後就去o左惠康買o野，買o左一大堆o野夜晚整！！

阿ｍａｙ整o左好多o野呀，又好好食喎！！之後我地樓委又開o左一個少少o既會，不過都係ｈａｉｒo既多！！


>>March 17, 2003 at 5:45:34 PM GMT+8

2003 年 3 月 5 日 星期三 【晴】

今朝上o左堂中文ｔｕｔｏｒｉａｌ，之後已經不停咁ｃｈｅｃｋ番ｅ－ｍａｉｌ啦，諗住睇下阿ｆｒａｕ　ｆｕｎｇ有冇覆返我啦！！點知發現都係無喎！好彩我知佢上堂之前o個一個鐘頭係無堂o既o者，所以就走上去搵佢補番個測驗啦，原來佢收唔到我個ｅ－ｍａｉｌ喎？！真係奇怪呀！！算啦，咁就自己o係ｌａｎｇｕａｇｅ　ｌａｂ度測番，今次唔知係咪真係俾o左o的心機去溫，所以都識好多！！

咁到夜晚啦，１０點就開o左一陣o既樓委會啦，費事好似上次咁俾人問到口啞啞！！不過都好快開完啦！之後我就要開ｃｈｏｉｒ會啦！！呢個真係一份苦差呀！傾o左好耐，份ｙｅａｒ　ｐｌａｎ咪又係跟番上年咁滯？！同埋就約o左爸爸呢個上上莊做ｖｉｓｉｔ！


>>March 17, 2003 at 5:44:59 PM GMT+8

2003 年 3 月 4 日 星期二 【晴】

今朝本來係要測ｇｅｒｍａｎ，但係好明顯琴晚已經係決定o左今日係唔去測驗o架啦！！所以訓到１１：ｘｘ先起身！！又係一連串o既堂，不過今日唔使上ｌｉｎｇ　ｔｕｔｏｒｉａｌ，所以就同羅韻ｂ去食ｔｅａ啦！！上埋堂ｓｃｉｅｎｃｅ，怪怪地咁返ｈａｌｌ喎，因為今日無馬跑呀！！唔使趕返工係輕鬆o的o既，但係就好似突然間無o野做咁呀！！(終於明白到o的阿伯伯阿婆婆點解成日都鐘意無o野搵o野o黎做o既原因啦！)

不過因為今日無去到測驗，所以就好俾心機溫ｇｅｒｍａｎ啦！！到o左１０：００就開ｃｏｓｔｕｍｅ會，本來都唔諗住玩o架啦嘛，但係都諗住幫埋今次啦，
不過點知咁不幸就因為ｔｒａｃｅ唔得閒而要我做埋ｃｕｓｔｕｍｅ　ｈｅａｄ！！呀！！～～～～點解o架！！


>>March 17, 2003 at 5:44:14 PM GMT+8

2003 年 3 月 3 日 星期一 【晴】

今日又係剩係上一堂，所以可以好"他條"！！

但係今日就比較攪笑啦，話說我今日收到２個由唔同人打俾我o既電話，但係佢地o既內容係差唔多一樣o架！！同樣地係問我今日上唔上ｔｕｔｏｒｉａｌ，同埋o係邊度上啦！！果然係同班o既好同學仔呀！！三個人一齊上ｔｕｔｏｒｉａｌ又真係開心o的o架喎，時間又會過得快o的！！

之後夜晚就要同圓形同埋ｃｈｅｃｋ－ｉｎ開ｃｈｏｉｒ會啦，真係想死呀，好無效率呀，講o左成個幾兩個鐘，都講唔到重點o既？！仲要呀，o個個圓小姐又o係度不停咁吹噓自己啦，得啦，係人都知你係ｍｕｓｉｃ　ｍａｊｏｒ啦，係人都知你識唱歌啦，全世界就係得你一個識得唱歌啦！！唔使o係度單打我地唔識音樂喎？！o車！～～～星期四仲要見多佢一次添呀～～～＼／．＼／

不過今晚被人罰煲糖水，煲o左海帶綠豆沙，又幾好飲喎！！仲拎o左o的俾班兄弟飲添！！


>>March 17, 2003 at 5:43:24 PM GMT+8