2002 年 12 月 25 日 星期三 【晴】

哇！今日真係凍到震呀！！~~~~~~~差o的郁唔到添！！

今日都無乜特別，剩係返工又返o左6個鐘，因為太凍啦！都無乜點去過邊，一放工就返o左屋企lu！聽日出街，仲要係夜晚呀，希望唔好凍死啦！！

P.S.各位，今晚得7度咋，新界仲會凍o的添呀！要著多幾件衫呀！！

>>December 26, 2002 at 4:51:45 PM GMT+8

2002 年 12 月 24 日 星期二 【晴】

又到聖誕！！又到聖誕！！~~~~~~~

今朝訓到成11點幾先起身，跟住無耐又要同炭炭出街啦！去o左荃灣呀，好彩比我想像中少人，唔係好迫o者！買o左幾份禮物，就用曬我o的錢啦！好窮呀，仲要仲未買齊住o架！！不過今年都係我第一年真真正正咁買聖誕禮物俾朋友仔，無計啦！！

>>December 25, 2002 at 11:57:45 AM GMT+8

2002 年 12 月 24 日 星期二 【晴】

各位親愛o既朋友仔︰

聖誕節又到啦！o係呢度祝各位聖誕節快樂！不過記住要多o的o黎留言呀！！！！

>>December 24, 2002 at 4:41:38 PM GMT+8

2002 年 12 月 23 日 星期一 【晴】

平安夜終於到o左啦！平安夜快樂呀各位！！~~~

琴晚返到hall之後就繼續我未做完o既o野！本來諗住同阿真去買o野o既，但係阿媽最終都係叫我同佢地返深圳！所以又無得去買住，唉！最慘係無得同阿真單獨行街街嘛！！(我知你好想o既！)咁之後我就落o左二樓度還返件衫俾爸爸(又真係keep o左佢好耐o既！！)同埋幫rita借書！(但係就俾自己個好harsh o既爸爸留難o羅！)最重要係落去問下o的兄弟同埋爸爸覺得我織俾阿哥o個條頸巾夠唔夠長o羅！！(但係好明顯男仔同女仔o既意見係唔同o架o羅！關b敏同埋同房都覺得ok，再長o的都無所謂；但係o的男仔就好似認為條頸巾會貼地咁，猛咁話夠曬長，好似嫌我條頸巾太長咁！)算啦！就信佢地一次咁多啦！！

之後見無聊，就同爸爸傾o下偈，但係一傾都傾到成5:00，我都覺得自己阻o左佢好耐o架啦！！不過我就好慘咁俾佢屈我，話俾同房聽話我o係度識緊男仔喎！！仲要係o個個同爸爸好似o既亞歷山大呀！！@_________@ 唉！都唔知會唔會攪到我同房訓唔著呀，o係度諗緊佢同房唔知係咪傻o左呢？！ 不過老實講，我覺得o係無功課做(我講緊我咋！！)同埋唔使溫書o個陣，傾下偈都好o既！！嘻！而且............同我傾偈喎！簡直可以列入"人生十大愉快事件簿"度啦！！ YvY

原本諗住可以訓一陣就起身，但係最後發現係唔得o架o羅！仲訓超o左一個鐘呀！！但係都未超過9:00！之後就趕返屋企，因為要返深圳嘛！！其實每次返去我都無乜興趣，但係返去都係探下o的親戚，最難頂都係過關好麻煩嘛！係就係無聊o的，但係都幾開心o既！！

>>December 25, 2002 at 4:39:43 AM GMT+8

2002 年 12 月 22 日 星期日 【晴】

哇！今日真係開心到震呀！~~~~~~

期待已久o既最後一日考試已經o黎o左啦！！雖然都係唔知自己答o左o的乜，但係應該好過之前o個個1003o既！！考完試就好輕鬆咁返o黎，不過本來諗住完成自己仲未完成o既o野，但係趕唔切，所以就走o左先啦！！

跟住就準時出到沙田，見到黃慧雅啦、黃映真啦、炭炭，但係最開心就係見到王佩雯啦！佢都無乜點變，係高o左！(咁係因為佢著o左一對好高o既鞋o者！！)但係就睇得出佢無咁多o野講o羅！！雖然都有笑，但係都唔係好似以前咁笑啦！！希望佢開心o的啦！今年又可以去佢度燒o野食啦！但係可能係最後一年，因為佢間屋要賣啦！！好唔捨得添！！佢好快就走o左啦，所以剩番我地四個人，黃慧雅就依然係改唔到佢過度興奮o既性格，好high，不斷咁話好開心，梗係啦！見到我喎！！/\./\

買完o野，阿富婆真請我地食雪糕呀！！哇！真係好好食o羅！！不過佢話當係聖誕禮物喎！都幾無誠意，不過算佢啦！之後我地仲去o左影貼紙相呀，我地全部都好低能o羅！！跟住我地就分手啦，我就返hall做埋我未做完o既o野！！

>>December 23, 2002 at 4:53:41 PM GMT+8

2002 年 12 月 21 日 星期六 【晴】

今日o係平靜中渡過！！

今朝訓到12點先起身，o個時仲以為係8點！！跟住就預備開始溫書啦！..............溫得好慢好慢，所以晨咁早就去o左沖涼，仲俾死人黎海玲話我係阿婆，驚凍親喎！！

之後就同同房兩個人做節呀！因為我o係屋企帶o左o的雞同埋魚香茄子，所以好豐富，都好有做節feel，o的菜又好食喎！！^___^

到o左夜晚都係無乜心機溫書，因為實在太有假日o既感覺啦！！同埋阿真又約我去食飯喎！攪到我鬼死咁想去街街！！努力o的啦，好快就考完，可以玩o架啦！！

>>December 22, 2002 at 5:47:18 PM GMT+8

2002 年 12 月 20 日 星期五 【陰】

今朝一早又要起身返工啦！！返足6個鐘咁滯，真係口水都乾埋！！

跟住就返hall啦，諗住睇下past paper，點知又唔係好上到網喎！所以就出o左去睇《奪命狂呼2》，樓主叫得好大聲呀！之後仲見到阿真，佢終於約我啦！(我都係俾面佢先講到好似我好想佢約咁，但係其實當然係佢真係好想約我出街啦！哈哈！) 不過最特別就係收到關思穎個e-mail，佢原來要去澳洲啦，真係多人去澳洲呀！！好想快o的見到佢同埋許寶雲添！！

聽日要俾多o的心機去溫書先得呀！！

>>December 21, 2002 at 6:43:53 PM GMT+8

2002 年 12 月 19 日 星期四 【雨】

唉！死o左！完完全全地死o左！！

考試完全唔識o羅！同以前做功課都唔同o既！！有o的仲至唔知佢問緊o的乜o羅！！算啦，唔死都死o左o羅！不過我下個sem就可能會完全放棄讀geog啦，因為都好似唔係好o岩我讀咁o既！！

>>December 20, 2002 at 4:34:00 AM GMT+8

2002 年 12 月 18 日 星期三 【陰】

唉！今日又係無做過o的乜，但係又唔係話全力溫書o個o野衰呀嘛！不過算啦，人唔經過少少o既教訓，都係唔會努力o的o既！尤其係我呢種人！

有時都覺得自己都幾衰，有時間溫又唔去溫喎！(咁當然我相信大部份人都係咁o架啦！)不過最慘係通常o係呢o的時候就會有最多人搵你，我夜晚本來好眼訓，但係突然又有好多人ic蕉我喎！蕉蕉下就無乜溫書啦！！但係個人就精神o左o羅！仲同爺爺傾o左一陣添！！攪到3點幾先訓，仲要訓唔著添！！唉！

今日仲玩o左個精神年齡鑑定o既遊戲，都幾準喎！因為o個o的我認為諗o野成熟o的o既人，佢地個精神年齡都係大o的o既！我就有28歲，阿may成34歲呀！不過最好笑係同房o羅，佢得15歲咋！應該係一個精神白痴o羅！嘻嘻！

>>December 25, 2002 at 4:46:18 AM GMT+8

2002 年 12 月 17 日 星期二 【陰】

哇！今日又係超勁支力呀！！~~~~

今日我雖然唔使考試，但係都10點幾起o左身(同房要考試，都成1點幾先起身！)不過起身都係睇o左少少o野，跟住中午就去o左拎番o的hist功課！(俾佢扣o左一分)拎完就去百佳買o野，終於買o左米啦！但係返到o黎又唔夠時間食飯，所以要帶去食，攪到我好似o的師奶咁！

夜晚放工又要趕返o黎hall，諗住溫下geog，所以好趕、好支力！！

>>December 18, 2002 at 5:23:40 PM GMT+8