2003 年 2 月 1 日 星期六 【晴】

哈哈！！因為呢幾日都唔得閒，所以要家先寫番之前o個o的！！

今日係年初二，終於出去拜年啦！首先就係去四叔公度拜年，跟住返屋企，阿媽個工友又o黎啦！之後再去阿叔度拜年！！自己出馬o既收入都真係唔係咁多，無所謂啦！！

>>February 5, 2003 at 5:06:55 PM GMT+8

2003 年 1 月 31 日 星期五 【晴】

大年初一啦！！～～～新年快樂！！每一日都過得開開心心！！

今日訓到１２點幾先起身，起身o個時大家姐已經過o左o黎食埋飯添ｌｕ！！當然，第一年o既利是都好醒目咁俾o左啦！！．．．．跟住舅父佢地又o黎坐o左一陣，o係我仲未清醒之前，佢地就已經走曬啦！！之後老豆話要去行大運----即係遊車河呀----，我就無咁無聊啦，所以我選擇o左唔去，留o係屋企聽下歌，無耐佢地就返o黎啦！！夜晚阿媽煮飯啦，食完就睇電視，本來諗住上網o架，點知俾老豆搶先一步，用o左部腦！！咁我等等下就因為太眼訓啦，忍唔住去o左訓啦喎！！點知１１點半就俾個電話嘈醒o左，原來係爸爸打o黎，話聽晚成班人去飲o野喎，唉，我呢o的乖乖女o黎o架嘛！！又點會去呢！！就係咁，攪到我要再訓過一陣子先可以訓得著．．．．．．．．．．．ＺＺZZｚｚzzzｚｚＺＺＺＺzzzzzz

Ｐ．Ｓ．阿大聲人呀，你唔好以為自己好醒喎，成日想捉我錯字？哈！！出年啦！我打呢個送字係因為正確o個個有o的人部腦係睇唔到o架！！唉....................

>>February 2, 2003 at 6:20:31 AM GMT+8

2003 年 1 月 31 日 星期五 【晴】

新年快樂啦咁多位好好好朋友仔！！雖然我都已經去曬你地o既日記度留曬o的祝福語，但係我都會照顧埋o個o的無寫日記o既朋友仔o架！！

希望大家o係新o既一年︰
羊羊得意！！
喜氣洋洋！！
學業進步！！
身體健康！！
萬事如意！！
新春大吉！！
財源廣進！！
笑口常開！！
大吉大利！！
心想事成！！
如意吉祥！！
龍馬精神！！
恭喜發財！！
萬事亨通！！
行運超人！！
百事可樂！！
花開富貴！！
出入平安！！
五福臨門！！
順順利利！！

上面o岩o岩好有２０句祝福語，希望所有見到o既朋友仔都可以集齊以上o既祝福啦！！只要集齊所有o既幸運，將佢地放入信封入面，寫上你o既姓名、地址、電話等個人資料，連同一個回郵信封，寄返去香港大學太古堂９１４室收，咁你地就有機會可以得到大獎o架啦！！記得踴躍參加呀！！～～～～

>>January 31, 2003 at 6:42:40 PM GMT+8

2003 年 1 月 30 日 星期四 【晴】

哇！！話咁快又到o左中國人o既一年之中o既最後一日啦！！(呀.........外國人一次、中國人又一次，好無陰公呀！～～）但係今日又係無年三十，總係無咁有氣氛o既！！

咁琴日行完花市之後呢，我就成４點先訓喎！所以今朝都訓到成１點先起身，起身o個時同房都已經走o左啦！！跟住我就諗住執埋o野就走啦，我終於都明白點解每年都要有個年廿八洗邋遢o既傳統啦，原來唔理唔理，半年都可以有好多o野執o架！！何況係一年？！攪掂之後我就出沙田啦，出到去都成３點幾啦！！咁就同同樣要出去買o野o既楊潔炭行下啦！但係一開始我地就遇到好耐無見o既尹潔儀啦！！大家無乜好講，好彩佢都識趣話要去買o野走先！！之後我地就四圍行、點知臨走前又俾我地見到阿大聲人同埋黃婷婷喎！！放假時候行沙田都總係會好易就撞到以前o既沙田友o既！！

因為要返屋企幫手啦，所以就５點度就走啦！！返到屋企都無乜o野做，玩下、訓下，無耐又食得飯啦！！好多送，好食呀！！～～～～夜晚就同阿媽去百佳同惠康買埋o的曲奇餅、朱古力等等，攪到好夜先沖涼呀，不過都好好彩o係１２點前沖好，唔係就成年無沖涼啦！！哈哈．．．．．．．．．

>>January 31, 2003 at 6:30:52 PM GMT+8

2003 年 1 月 29 日 星期三 【晴】

唔！！～～真係好啦，返學無耐又有假放啦！！真係開心！！

今日好彩剩係返一堂下宴堂o者，唔係呀，我又會走堂o架啦！！成７點先訓喎，訓到８點幾又要簽番我家姐走喎，跟住９點幾又俾老豆個電話嘈醒喎！！唉！！好彩最後都肯起身返學！但係我都真係發現我無o左真正學o野o既心呀！成日都要睇下o的朋友仔返唔返，佢地唔返o既話就會加強o左我走堂o既決心！！................=.="不過佢而家就真係教得好快呀！好！下定決心，放假之後就一定唔走堂先得！！呢個將會係我其中一個新年願望！！

之後我地就一齊煮飯啦！！本來話打完麻雀先去行花市o既，但係後來又變o左行花市先！！咁我地就１１點半度就搭巴士去維園啦！！（以前好恨去維園行花市o架，因為成日都o係電視度見到喎，同埋覺得維園係好好好好大o架嘛！但係奈何實在太遠啦！！而家變o左做城市人之後，去維園就快o左好多ｌｕ，唔使半個鐘就去到！！）去到就都唔算好多人，實唔夠年三十咁多o既！！但係賣o個o的o野已經無曬新意啦，每檔都係賣o個o的o野！！但係勝在夠大，所以我地都行o左成３個鐘先返ｈａｌｌ！！不過原來話行完先打牌呢樣o野就已經告吹o左啦！！無行打牌添！！

>>January 30, 2003 at 7:51:50 PM GMT+8

2003 年 1 月 28 日 星期二 【晴】

唉！今日又走o左堂啦，又係ｇｅｒｍａｎ呀！！～～我真係死得啦！！無計啦，無端端又變o左９：３０堂，又真係ｈａｒｓｈ我呀！

今日o的堂不停咁上，由１１：４０開始上到３：００，好彩今日未使上ｌｉｎｇ個ｔｕｔｏｒｉａｌ，唔係就直踩啦！！跟住仲要上埋堂４－５o既ｓｅｉｅｎｃｅ！！好悶！！

．．．．之後就係今日我最黑仔o既時候啦！！本來我好地地咁休息緊，聽下歌好開心o架嘛！！點知我二家姐就o係呢個時候打俾我，話今晚要o係我個ｈａｌｌ度訓喎？！因為佢聽日要一早去菲臘牙科度睇牙！！＝.＝"唉！即係我唔係話唔俾你o黎訓，但係我張床咁細，我點俾你訓呀？！你訓o左我又訓邊呀？最"興"就係我話得一張被，佢話佢唔使被都得喎！大佬呀，你平時差唔多廿度都要著羊毛底衫，你話俾我聽你唔使要被？唉！o黎到用完我o的o野又唔幫我洗番，又唔幫我回復番個原狀！.........真係好激氣呀！！～～攪到我今日唔想返工都要返一個鐘頭工，跟住去練ｃｈｏｉｒ，之後就到ｃａｍｐａｉｇｎ打疐！！１０點幾坐到１２點左右，沖完涼又去睇到第二朝７點幾！！唉！好彩我返o黎佢o岩o岩起身，我都有番個位訓下！！

>>January 30, 2003 at 8:28:19 AM GMT+8

2003 年 1 月 27 日 星期一 【晴】

今日又係星期二啦，即係又係我ｄａｙ　ｏｆｆo既日子啦！！不過我諗住遲o的可以o既話我會轉o左個ｔｕｔｏｒｉａｌ佢呀！！個ｍｉｓｓ係教得好o既話，我就真係唔介意剩係上佢一堂呀，可惜而家呢個唔係呢！！..........

琴晚１點幾就訓啦，訓到今朝１１點幾，十個鐘就真係會令到自己好精神！！起身就睇下報紙，玩o左一陣，之後就開始做ｇｅｒｍａｎ功課！！做到咁上下，就去睇羽毛球啦！！我地o的實力太強啦！！尤其係有個亞運金牌o係度，唔使４０分鐘就贏曬成個比賽！！

返到ｈａｌｌ就休息o左一陣，然後就煮飯！！我今日好慘呀，俾一個個頭好大o既中仙ｈａｒｓｈ呀！！話說我沖涼o既時候就慣o左將o的衫擺o係度門上面o架嘛，點知o個個賤人，竟然將我條毛巾、面衫同褲都拎走o左喎？！好彩到最後有個好人少少(但係都係咁衰)o既春春拎返俾我咋！！真係無陰公呀！！林愷燕，我會記住你o架！！鬼唔望你下個ｓｅｍo既ＧＰＡ跌到落新低呀！！唔過３都不特止，連２都係勉強過到！！哼！！

之後就做埋份ｇｅｒｍａｎ功課啦！！仲去o左聽新ｈａｌｌ莊個ｃａｍｐａｉｇｎ添！！唉！真係完全唔敢想像呢個莊點樣可以令太古堂變得更好呀！！同埋我發現原來大學生o既水平真係咁低___________________o架！！．．．．．．．．．．＞０＜

>>January 28, 2003 at 6:22:42 PM GMT+8

2003 年 1 月 26 日 星期日 【晴】

今朝真係唔係好想起身呀，琴晚失眠，攪到成４點幾都未訓得著！！

上堂之前，我就陪羅韻ｂ去拎成績表啦！咁佢o的成績好過我我都唔出奇呀！！但係我最唔開心係點解我同佢讀同一個ｃｏｕｒｓｅ，大家扣o左一樣分，我得ｂ－，佢有ｂ呀！～～～好唔公平呀！！～～～ 　　　　　　　　　　　　　　　　　　　　　　　　　　　　　　 ＞_______________________________________＜

今日堂ｇｅｏｇ比上次悶好好好多呀！我釣魚都釣到夠全層樓o既人食啦！！o的燈又暗喎，真係好辛苦呀！！之後就去上ｇｅｒｍａｎ啦，計番都成３堂無上啦！！原來ｆｒａｕ　ｆｕｎｇ真係唔理人感受o架，教得鬼咁快，無上幾堂，o的同學仔就好似去o左德國住o左幾個月咁啦！！真係慘呀！！今日連續聽到幾個人話原來要ｍａｊｏｒ一科外語就真係好ｈａｒｓｈ同好辛苦o架！！我呢o的咁懶o既人，真係要再考慮清楚呀！！大家快o的俾o的意見我啦！

之後２點就上完堂啦！！諗住無乜o野做就訓下覺啦，點知今日要煲糖水喎，所以４點幾等埋ｊｅｓｓｉｃａ落堂我地就一齊去街市買蕃薯啦！！行條奪命斜又再見到我最鐘意食o既馬仔啦，今次為o左要忍口，所以剩係買o左少少！！無耐就要練歌啦！！好無聊，首歌好難唱！！\/︿\/

練完歌，糖水都食得啦！！但係俾個阿婆呃o左呀，仲諗住佢送舊薑俾我地就實唔會呃我地添！！點知o的蕃薯都唔甜o既！？仲好淡呀，唔好食！！但係佢地個個仲話好食，唉！我對自己o的要求都係高o的！！

>>January 28, 2003 at 6:05:52 PM GMT+8

2003 年 1 月 25 日 星期六 【晴】

今朝１０點幾起身之後呢，就睇下報紙同沖番琴日未沖o既涼啦！跟住就醒起中文簽導修唔知幾時截止喎，好驚自己簽唔到o架嘛！咁就不停咁問人啦，點知無人有個網址喎！！好擔心咁，後來見到ｅｕｎｉｃｅ上網，就即刻問佢啦！！好彩佢知個網址，原來夜晚先截，咁我就即刻簽o左啦！！之後仲出o左沙田，諗住穿番個耳同埋買條邪留丸o既電話繩o架嘛！點知呢兩樣o野都無做到，反而買o左個ｓｏｎｙ貓散銀包！好多毛、好靚、好平！！

之後我就出去佐敦地鐵站度ｇａｔｈｅｒ啦！！今日食團年，大家都好準時咁出發，點知一開始就去錯o左，個酒店名o岩，但係全部都係o的按摩o野o黎o架！！原來我地去錯o左舊址，新館就遠少少，同埋o係o的橫街窄巷度，不過上到去都ｏｋ靚o既，係細o左少少咁啦！！由於係半自助形式，所以自助o個部分都唔係話有好多o野揀！而好不幸咁我地幾個揀o既主菜又唔好食喎，唉！最慘係o的甜品無乜好食，不過因為有生日蛋糕同香檳送，所以就食到好飽！！我都好勁呀，飲o左四杯香檳，但係都無乜o野！有幾個唔係飲o左好多，都已經醉醉地啦！！嚇得我地差o的要禁止任何人上９樓，費事佢地會成為受害者呀！！

返到ｈａｌｌ就有抽獎啦！之前都提過有不少"好有用"o既o野，但係其實都有好多真係實用而又精美o既禮物o既！不過我就剩係抽到自己經營o既ｃｏ－ｏｐ５蚊禮券咋！！好過無，話曬現金券都係最實用o既！！^______________________^

夜晚仲要再同ｅｕｎｉｃｅ慶祝生日，又係蛋糕！！^__^"跟住就同o的兄弟傾o左一陣偈，3點幾訓，但係訓唔著o羅！！

Ｐ．Ｓ．今日係彤彤生日，生日快樂呀水瓶座人！！

>>January 27, 2003 at 2:25:18 AM GMT+8

2003 年 1 月 24 日 星期五 【晴】

唔.......今朝本來諗住臨返工先去拎成績o既，但係咁o岩ｅｕｎｉｃｅ又要一早拎完去開會喎，所以我就提早o左去拎啦！！初時我仲諗住我地差唔多踏正９點去拎，實俾o的人笑我地好心急啦，但係原來去到都有幾多人下，我地都唔係最早o個批啦！！．．．．．睇到個成績有好有唔好啦，但係全部都係Ｂ或者Ｂ-，係ｅｃｅｎ得Ｃ＋，攪到我個ＧＰＡ都係得２．８４咋！！不過我都好滿意啦，我都無溫書，有咁o既成績都係咁啦！！無所謂啦，成績於我如浮雲啦！！(嘻！！係咪睇得好透呢？我練仙o黎嘛！！)

拎完就去返工啦！！今日約o左ｍａｙ　ｍａｙ，大家都好準時呀！！但係今日入飛都比較多錯，好彩無俾人鬧o者！！

夜晚返屋企仲諗住上下網啦，點知上上o下就好鬼眼訓啦，一做華姐我就訓o左啦，涼又未沖，牙又未刷，好污糟，但係真係好眼訓呀！！～～３點幾醒o左一醒，刷番牙，又訓過！訓到今朝１０點幾！！哇！！真係好勁呀，十幾個鐘！！真係太支力啦！！～～～～

>>January 26, 2003 at 6:57:51 AM GMT+8