2002 年 12 月 16 日 星期一 【陰】

今日全日都o係房度溫書，無做過其他o野啦！但係又係好似前幾日咁無乜點溫過o野，好奇怪！

今日下晝o個時收到王佩雯個電話，好想搵佢，但係又要考試喎！我同同房夜晚整o左龍堡pizza食，第一次用焗爐整o野，原來都幾好食o架，因為整到好脆，不過係o的料少o左o的o羅！如果唔係就仲好o的添！

夜晚諗住寫日記o個時先發現原來有咁多人今日都留o左言俾我o架喎！真係好開心呀！好明顯考緊試o的人都會係唔想溫書o既！o的局外人就會覺得唔o岩，哼！睇下你個關b敏到時會唔會都話唔想溫書！！

>>December 17, 2002 at 3:13:40 PM GMT+8

2002 年 12 月 15 日 星期日 【晴】

哈！今日全日都留o左o係房度咁滯！好想溫書，不過又力不從心喎！剩係睇o左少少notes咋！唉！算啦！我諗我今次考試都係死得o架啦！完全都無考試個心，點會考得好呀！都係放鬆一下自己，考得唔好咪有得佢o羅！

>>December 16, 2002 at 3:49:44 PM GMT+8

2002 年 12 月 14 日 星期六 【晴】

哇！今日真係超級勁支力呀！！好耐都無試過咁支力啦！

今日因為要返工，所以一早又要出門口，但係阿媽都好好咁整o左o的瑤柱粥俾我食，仲有油菜添，真係好好好豐富呀！雖然我呢幾日都唔會再返去，但係阿媽就當我好似成年都唔返咁，整o左好多樣菜俾我帶！開心就梗係好開心o架啦！但係就重o左o的o羅！要拎o黎拎去，都幾係o野o下！！

跟住就返o左成6個幾鐘頭工，講o野講到口水都乾埋，仲要超時工作呀！不過有得賺多幾蚊都好過無！返完工仲要去尖沙咀地鐵站度拎返琴日o個100蚊呀！以前不嬲都覺得由火車站行去地鐵站唔係好遠，但係今日唔知係咪太支力啦，條路突然長o左好多咁，好辛苦！跟住仲要送970o既車尾，真係無陰公呀！！

P.S.寫日記其實都真係好好好好O既一樣O野，一o黎又可以記事，得閒睇番都幾攪笑；二o黎又可以抒發自己o既喜怒哀樂！最重要係可以感受到真正o既朋友對自己o既關懷嘛！！近排都係比較感觸o的，不過呢兩日心情又好返o的，算啦！呢o的低潮期都係一年先逢一閏o者，由得佢啦！！ o係呢度都要借個機會多謝曬所有關心過我o既人啦！^.^

>>December 15, 2002 at 5:18:15 PM GMT+8

2002 年 12 月 13 日 星期五 【晴】

唉！要選"黑仔"o既日子，我諗今日都將會係榜上有名o羅！

今日本來諗住同大家姐去行街街，買番o的冬天衫o架嘛！點知搭103就由山頂塞車塞到落山腳，用o左足足一個鐘頭先至去到尖沙咀！跟住又行o左好耐都無收穫，剩係買o左一件褸，本來諗住買鞋，但係到o左最後都係無買到，好可惜！！但係全日o既重點係我諗住o係旺角地鐵站入八達通之時，佢竟然"食"o左我張100蚊喎！豈有此理呀！攪o左我鬼咁耐，仲要我第二日去尖沙咁拎番，太過份啦！！真係好慘呀！！

>>December 15, 2002 at 2:34:59 PM GMT+8

2002 年 12 月 13 日 星期五 【晴】

關b敏︰
查實，我真係覺得你o既留言.............................................好文化！攪到真係有o的煩呀！...........不過我都好多謝你同羅韻b，得啦！我好快就會變返開心o架啦！或者我嘗試叫聖誕老人帶o的開心俾我o羅！哈！

>>December 14, 2002 at 1:55:27 PM GMT+8

2002 年 12 月 12 日 星期四 【陰】

今日訓到成11:00先起身，跟住就同關b敏出o左市區！佢要拎返張保險cert喎！之後我地就o係灣仔行o左一陣，仲去o左金紫荊廣場度睇o個棵聖誕樹添！不過好核突o既！o個度又多大陸團喎，想搵人拍返個照都難呀！最好笑係我地搵o左人幫我地拍啦，但係佢數1,2,3真係好用力，仲要係用普通話喎！好好笑！跟住食埋o野就一齊返hall啦！

佢都逗留o左成個鐘先走o架！仲食o左我o的金柑條呀！哈！之後我仲同佢o係港大度兜o左個圈先送佢走！！佢今日好唔帶眼睇o野呀！竟然讀o左我個組名做"好醬多"o羅！真係唔知乜叫做"好醬"啦！唉！

夜晚就出o左去同henry慶祝生日，不過因為之前唔記得，食o左o野，所以都唔係好想食，就無食到啦！我就真係好慘呀！俾人話我係賊仔喎，又話我係o個隻白乜乜蚊，唉！好無陰公呀！！

P.S,羅韻b，你或者講得o岩o既！但係呢幾日都仲係唔係好開心咁啦！睇o黎我都要考完試，輕鬆番先可以改善到我呢o的低落o既情緒o架啦！算啦！我好似每年呢個時候都係咁o架啦！改唔到！

>>December 13, 2002 at 6:16:08 PM GMT+8

2002 年 12 月 11 日 星期三 【晴】

今日去o左加班呀！因為有超級六合彩，所以有得加班！好o野！！/\./\

不過今日都好無聊，除o左返工，都無做過o的乜！！

>>December 13, 2002 at 3:49:58 PM GMT+8

2002 年 12 月 10 日 星期二 【雨】

"娘"o的都要講一句︰我o既心情就同今日o既天氣一樣，好差好差！又凍又落雨！

唔知做乜o野，我以為我住o左hall之後，已經將我以前o的差o既脾氣 (好厲害呀！關詩敏教我點寫呢個字o架！佢o的中文越o黎越勁啦！文化A硬啦！！/\./\) 改o左好多，至少我o係hall度都無話對住邊個會覺得唔耐煩呀！但係我總係唔明，點解咁難得、咁少返o黎屋企，我o的脾氣就會不自覺咁返番o黎呢？我成日都搵正阿爸阿媽休息o既日子返屋企，就係想彌補番自己無o係屋企住o既日子呀嘛！但係點解自己唔可以做得好o的，攪到返屋企都好似剩係為o左食同訓咁！

唉！\/___________________________\/' 今日又為o左呢樣o野而發自己脾氣啦！雖然阿媽無話o的乜，但係自己覺得唔應該用o的咁o既態度去對佢o既！(唔係好差，只係無乜應佢！同埋我唔知佢今日又休息，如果唔係我一定會留番o係屋企陪佢！不過又一早自己話要今日出去，我又唔會甩人底o既！！) 最慘係我出到去都唔可以變得開心番，攪到羅韻b同關b敏都以為我同人鬧交，我都知我唔應該攪到你地好似好不知所措咁o架啦！唔好意思呀！其實我見到你地好開心o架！！

今日仲約o左陸志毛去食tea，佢雖然遲到o左好多，仲拎錯o左本相薄出o黎，但係都總算出o左o黎，同埋真係請o左我地食tea！好開心！好攪笑下，佢竟然話我今日靜o左o的？我不嬲都係文靜o架啦！你唔係發現唔到下嘛？！

P.S.聽日加班呀！要努力賺錢，咁先至有得使o架嘛！

>>December 11, 2002 at 6:29:15 PM GMT+8

2002 年 12 月 9 日 星期一 【晴】

今朝一早未夠一點就返o左屋企啦！之後就同阿媽落o左去樓下飲下午茶，食得好飽呀！~~

之後就去o左大圍行街街，其實都無乜好行啦！不過就買o左好多生果o羅！真係好抵呀！跟住仲買o左一o的打邊爐o既o野！係呀，又係打邊爐呀！一連打兩日都幾係o野！！不過最緊要都係大家一齊食o既過程o者！

今晚仲睇o左《我左眼見到鬼》呀！都真係幾好睇喎！~~值得推介！！

>>December 10, 2002 at 4:54:31 PM GMT+8

2002 年 12 月 8 日 星期日 【晴】

今日係持續地凍呀吓！真係可以話係凍到震呀！~~~~~

咁今朝早我就同jessica同christy返去拎german o既成績，唉！得B-咋！即係連3分都無呀！點算呀！！跟住佢地就上o左o黎，我帶佢地四周圍參觀，跟住就傾偈傾o左一個鐘左右就走啦！咁之後就同羅韻詩無聊地渡過十幾分鐘，之後就返hall繼續織o野俾我阿哥啦！到5:00左右就同阿ric同爸爸一齊去買o野食，因為今晚打邊爐呀！~~~~~哈哈！食到好飽呀！！/\./\今次係我入冬以o黎第一次打邊爐咋！咁o岩又咁凍，真係好有feel呀！

>>December 9, 2002 at 3:20:31 PM GMT+8