2003 年 4 月 8 日 星期二 【雨】

今日一早起o左身，食完蛋撻之後就返ｈａｌｌ啦！因為今日ＩＤａｙ要開會呀！！返到去就差唔多夠鐘啦，但係ｂｅｔｔｙ仲未起身喎！真係懶訓呀！！～～～

開會o個時我都唔知講乜好，我舊年又無去過任何ｈａｌｌ度參觀喎，又無睇過ｃｏｕｎｔｅｒ，我剩係知道ＩＤａｙ係要吸引o的人揀自己ｈａｌｌ咋嘛！咁呢o的咁簡單o既o野又點可以成為我地個ｏｂｊｅｃｔｉｖｅｓ呢？所以成程我都無乜意見！！

開完會就同佢地傾o左一陣偈，之後就去返工啦！！又要同吳小姐一齊返工啦，佢今日好醒目咁帶o左佢想食o既朱古力啦！放工我地仲一齊食添，但係最攪笑係佢扮阿吳應仕o個個樣o羅！真係笑爆咀呀！！～～～

>>April 10, 2003 at 6:22:27 AM GMT+8

2003 年 4 月 7 日 星期一 【陰】

今日留o左o係屋企，都無乜做過o野！剩係做o左中文個ｔｅｓｔ，都仲要未做曬！好難喎，成４０條，仲要鬼咁多字，問邊個成語無錯別字喎，連o的成語係乜都未識，邊知佢有冇錯字喎！？

之後就做o左中史o個幾條問題啦，唉！而家o的大學生都真係無陰公呀，為o左o個５分，就攪o左我成兩個鐘咁滯！！

>>April 10, 2003 at 6:14:12 AM GMT+8

2003 年 4 月 6 日 星期日 【雨】

今朝８：ｘｘ就起身啦！都真係好耐無試過咁早起身啦！！因為今日會去拜凱怡同埋約o左成班朋友仔食飯呀，但係最主要係因為我要起身洗頭呀！！

攪掂曬就出門口啦，到o左街市都仲未夠鐘，但係羅韻詩竟然比我仲早到呀！！黃真真打o黎話會遲啦，咁我地就一齊去買花啦！仲知道有隻花叫做「彩星」添！！o係火車站見到阿真啦，大家先知原來彭慧妍都係去o架？！我地一齊去拜o左一陣就走啦！

然後我就同羅韻ｂ一齊到和民度拎定位！一開始都無乜人，但係無耐就坐滿曬咁滯！！到佢地o黎到啦，先知我地今日係會有８個人o架！！（我地原先以為得６個咋！）但係又無曬位啦喎，所以我地就要迫埋一齊坐啦！！點知佢o的o野食又懶係o野咁，有鬼咁多樣配件，仲要o的餐飲一開始就上曬，原本已經無位放o野啦，仲更加無位啦！！o的o野食都ｏｋo既！係o的「先生」好似好忙咁行得好快o者！！

食完o野大家就去做每一次ｒｅ－ｕ都會做o既-------影貼仔相啦！！攪笑o野又會出現！！

之後大家就解散啦，我同羅韻詩就繼續行，點知俾我地先後見番炭炭、曉彤同大聲人、阿凱呢兩孖人，好明顯大家都係無聊咁行緊o架！！羅韻ｂ走o左之後我就去o左圖書館啦，諗住做下ｇｅｏｇ功課，但係做o左少少就唔想做啦！就自己行下先，跟住大家姐o黎到我地就一齊行啦！！

先去睇o左我話靚o個條裙，大家姐都話o個條裙ｏｋo架喎，但係原來著上身係唔係咁好睇o架！之後就試埋阿吳小姐話靚o個條，又幾好喎，所以最後就買o左呢條啦！跟住就好快咁又買埋件衫同埋對鞋，咁我地就去食o野啦！呢個世界就真係細呀，我地去食o野o個時竟然撞到大家姐個老細喎？！食完o野行兩行就走o羅！！

>>April 8, 2003 at 5:35:39 AM GMT+8

2003 年 4 月 5 日 星期六 【陰】

因為改o左今日跑馬啦，所以就要返工啦！！約o左吳小姐，又係我早到呀～～～～

返完工之後就要返ｈａｌｌ啦，因為ｉ　ｄａｙ要開會呀！返到去就見到同房o岩o岩走，佢話俾我聽話唔使開會喎？！我話唔係呀？！原來佢地分o左兩個時間俾我地去開會o既，所以都係要開！！.........但係原來個會只係開半個鐘都唔使o架！！浪費曬我o的時間同車錢呀！～～～

之後就睇金像獎啦，個結果都係大路o既！！最難得就係睇番四大天王同台演出o羅！！

>>April 8, 2003 at 5:11:27 AM GMT+8

2003 年 4 月 4 日 星期五 【陰】

今日本來諗住出旺角行，但係突然又無乜興趣出去喎，咁就搭番１０３返屋企啦！！架車行到中環，我突然見到一幢好似好熟悉o既大廈，原來o個幢就係文華酒店...........

仲記得對上一次返屋企，又係搭１０３，唔知係咪太耐無搭，我發現佢o係立法會o個度改o左路喎，所以我就特別留意，仲見到o個幢插住好多國旗o既大廈，當時我都唔知o個幢o野係乜！！估唔到就o係兩日後，張國榮就o係o個度跳樓自殺！

今日再經過番o個度，我都特登望上去，望住o的報紙影到o既２４樓（唔知點解，我覺得呢間酒店起得一o的都唔靚？！好似觀塘o既一o的舊樓咁！）再望番落地下，原來一早已經有好多人o係o個度，唔知係因為清明節想拜祭下？定係全部都係淘大o個o的居民，諗住租房住呢？望到唔捨得望開，直到對眼望唔到先肯停..........

Ｐ．Ｓ．好攪笑，本來應該o係呢度就完，但係我坐坐下巴士，o係一個紅綠燈位時，巴士隔離停o左一架藍色o既七人車，本來好普通，但係個司機o的動作攪到我發現到呢架車除o左個擋風玻璃之外，其他o既窗都係拉曬o的廉o架喎！好奇心極大o既我就梗係望多兩眼啦，雖然到最後我都望唔到有邊個坐o左o係架車度，但係我相信一定係一個名人，o岩o岩去完文華！！.......直覺話俾我知，o個個係梅豔芳！！哈哈！！～～～～～～

>>April 5, 2003 at 10:29:25 AM GMT+8

2003 年 4 月 4 日 星期五 【陰】

今日係清明節，但係又無雨喎？！

今朝１１：ｘｘ就起身，之後就繼續努力咁睇埋o的ｒｅａｄｉｎｇ啦，睇睇下就出去ｐａｎｔｒｙ睇，點知佢地睇緊《律政可人兒》，我又一路睇ｖｃｄ一路睇ｒｅａｄｉｎｇ！睇到２：ｘｘ就換衫返屋企啦！！

>>April 5, 2003 at 9:35:01 AM GMT+8

2003 年 4 月 3 日 星期四 【陰】

今日係兒童節，呢個節日對於我o黎講就真係太過陌生啦，細細個又唔知有呢個節日，到o左大個啦，呢個節日又已經唔屬於我啦！！唉！！～～

咁今日我起身之後就睇報紙+食飯！！食完飯就返ｈａｌｌ啦，返去先去拎個人八達通張ｆｏｒｍ，再去拎番中史o的ｎｏｔｅｓ，好彩早去拎o者，剩番最後一份完整o既！！

返到ｈａｌｌ咁o岩同房佢地出曬街，得番我同樓主睇邪留丸，好攪笑！之後ｋｉｔｔｙ煮意粉，煮埋俾我地食，咁我地就一邊睇《獸身戇男》一邊食啦！好食！！～～跟住我地就一路溫書一路睇電視！！夜晚２：ｘｘ就訓啦！！

>>April 5, 2003 at 9:25:39 AM GMT+8

2003 年 4 月 2 日 星期三 【雨】

今朝１２點度先身，之後就睇報紙，好多版張國榮o既新聞！！

本來諗住今日返去o既，但係阿媽話留多日，咁我就聽日先返啦！！之後就開始做中文個ｐｏｗｅｒｐｏｉｎｔ啦！！做做下電視就話中、小學生繼續停學，再過多一陣就有人ｓｅｎｄ　ｉｃｑ　ｍｅｓｓａｇｅ俾我，原來大學都唔使返住！！又放多個禮拜假，都唔知好定唔好添！！～～～

做完個中文，就放鬆下自己，不停玩，唉！本來就唔夠時間俾我溫書o既，而家多o左一個禮拜，我諗我都係溫唔完o架啦！！算啦！！.................

>>April 3, 2003 at 2:24:13 PM GMT+8

2003 年 4 月 2 日 星期三 【雨】

又放多一個禮拜假ｌｕ！！

>>April 3, 2003 at 11:57:07 AM GMT+8

2003 年 4 月 1 日 星期二 【雨】

終於落到一場雨啦！！或者係因為個天笑緊我地呢班咁蠢o既香港人，笑到收唔到聲，就好似羅韻詩咁"笑到喊"啦！！不過，落完雨都唔覺得特別o既舒服！！～～

今朝１２：ｘｘ起身，睇報紙，全部都係o的唔開心o既o野！！之後就同阿媽染髮，自己又修下o的頭髮，攪到３：ｘｘ就換衫出街啦！！因為今日約o左吳小姐出去新城城行一陣呀！我早到o左，所以就去迪士尼行下先，全部特價呀，好似好平咁！跟住吳小姐發住雞盲咁o黎到，我地就四圍行下，我仲同佢去睇o左我話靚o既o個條裙！佢就係咁話佢拎住o個條靚o的喎，仲猛咁叫人平o的啦(但係我無話買o架喎？！)；個老闆又係咁叫人試o左先啦，完全唔理會我地o架喎！？點解呢個世界咁多人會唔理人地o既感受o既？(吳小姐，我唔係話你呀，我只係忽然有感o者！你幫我講價係好事o黎o架！！)

之後我地就一齊去批&撻度買o左o的酥食啦！點知發生o左意外，我唔小心食錯o左吳小姐一個，佢又食番我一個！總之就好白痴啦！！

今日返工竟然要我地戴曬口罩呀！！我之前都無戴過口罩出街，原來戴口罩係咁辛苦o架，又透唔到氣喎，又焗！但係我地又要不停咁講o野！好難頂！！

>>April 2, 2003 at 6:00:58 PM GMT+8