2003 年 6 月 3 日 星期二 【晴】

哇！！今日本來跑夜馬，應該返６點咁上下，但係原來今日跑十場喎，所以就俾我地返３：４５啦！！一返到去就ｂｒｅａｋ，一早食o左糉，又飽飽地喎，都唔想食o野！！之後就不停咁做做做！！～～～～～女子支力口牙！！

>>June 4, 2003 at 5:04:47 PM GMT+8

2003 年 6 月 2 日 星期一 【晴】

哈哈！！今日９：ｘｘ就起o左身啦！！好早呀！！因為今日約o左大家姐出街啦，同埋琴晚早o左訓o既關係！！

１１：ｘｘ大家姐就打o黎，我就出發去尖沙咀啦！！我次好精明呀，因為我睇雜誌o個陣發現有度開倉，賣運動o野喎！！仲有我最想買o既泳衣呀！！所以就約o左大家姐去啦！！都叫o左佢早o的起身o架啦，去到要排隊等，好彩一陣o者！！入到去，o的o野都ok整齊，我梗係一o野就睇泳衣啦，都算抵啦，＄１３０ｓｐｅｅｄｏ，好靚o架！！～～～但係我o既預言都好準呀，我話大家姐實買o野多過我呀！！點知真係，佢買o左ｐｕｍａ一個大袋，一對ｂｂ鞋，一件Ｔ．．．．．收穫非常豐富！！但係有o的人就真係好誇張，o的鞋係抵，不過都唔使買成６－７對o架！！仲要唔只一個人咁做喎！！

之後我地就去o左百人一ｘ度食啦！！麻麻地，不過食得好飽，因為大家姐送o左泳衣俾我，所以我就請佢食o野啦，都係打番個和o者！！

跟住我地就一齊返屋企做節啦！！好多送，食到好飽呀！！～～～～～～～～

>>June 4, 2003 at 4:57:52 PM GMT+8

2003 年 6 月 1 日 星期日 【晴】

呀！！今日等o左好耐都等唔到ｒｉｔａ打俾我喎，我諗佢實係唔記得啦，點知原來係我唔記得開電話！=.="""""算啦！！就當大家無緣把啦！！

今日本來諗住同阿媽去睇醫生o既，點知佢起身之後就話好似好返o的啦喎，咁我就好無聊咁o係屋企坐啦！！.............睇番琴日o個套《廿二世紀殺人網絡》，都係一般o者！！之後就無無聊聊，索性就剪下頭髮啦，都係修短少少o者！！

一日孝順女o既生活就係咁樣過去o左啦！！～～～～～～～～～～～～～～～～

>>June 3, 2003 at 3:06:26 AM GMT+8

2003 年 5 月 31 日 星期六 【晴】

今朝一早就由ｈａｌｌ搭車返工啦！！沿路非常順利，唔使等好耐就有車搭啦！！但係去到新城市打俾吳嬰嬰先知佢仲o係粉嶺，我諗佢實遲o架啦，所以就行一陣先，仲見到選民登記o個o的活動，我都唔知原來有咁多歌聲去o既，早知就行埋出去望下有邊個啦！！

點知去到馬會，原來吳小姐仲早過我到，算啦！之後我地三個一齊入去，但係事與願違，我地三個又要分開坐啦！！～～～但係好攪笑咁，竟然俾我同鄭智恆一齊坐喎！！哈！！不過太耐無見，都無乜好講啦！！～～～走o個時，就同埋嬰嬰個朋友仔波子一齊行，嬰嬰實在太過激動啦！！=.="我地仲影o左兩張相添！！

夜晚差唔多１２：ｘｘ阿媽返o黎先知佢整親隻腳，聽日請o左假，所以我諗我聽日都係要話俾ｒｉｔａ聽我唔出去啦！！（等我今日仲同嬰嬰講得好興起添！！）

>>June 3, 2003 at 3:00:40 AM GMT+8

2003 年 5 月 30 日 星期五 【晴】

哇！今日又要返ｈａｌｌ啦！為o既只係一個會.........算啦！得閒都要返下去o既，唔係就會變o左一個潛樓主o架啦！～～～

開個會開o左一個鐘左右，之後我就睇下電視同埋服務下o個個ｒｉｔａ啦，食o左通粉之後就決定執房啦！！執o左我成個鐘，原來間房真係好污糟o架！！攪掂之後沖完涼，攪下呢樣o個樣，又已經夠鐘訓覺啦！！～～～～～

>>June 1, 2003 at 11:37:38 AM GMT+8

2003 年 5 月 29 日 星期四 【晴】

唔！！好耐都無試過啦，全日都留o左o係屋企呀！！～～～乜都無做過！！～～～

>>May 31, 2003 at 3:52:25 AM GMT+8

2003 年 5 月 28 日 星期三 【晴】

哈哈！終於回復返以活潑可愛o既彭嘉妤啦！！今日玩得好開心呀！！～～～

今朝１２：ｘｘ就出旺角，因為約o左炭炭去行街街嘛！！我地兩個係前日係咁以約完之後就無再聯絡啦，但係今日大家都差唔多咁上下到達，先發現大家都有過衝動去打俾對方，最後就梗係無啦！！我地首先去中銀，其實都係我陪佢去交租o者！！之後我地就去o左唱ｋ啦！！好耐無唱ｋ啦，計埋成４個月都有啦！！我地去o左綠盒子唱ｋ，我以前明明係ｋ歌之后o黎o架嘛，而家竟然連小小o既一舊炭都勁過我啦！！~~\/____________\/~~不過我地都係志在食o者，都ｏｋ喎，o的o野食都唔錯！！我地唱o左成３個鐘左右，最後竟然係以一首《小丸子的心事》作結，多得炭炭唔少啦！！

唱完ｋ之後，我地就開始行街啦，今日我有好多目標，好似要買衫、袋、手機套、相機套等等！！一開始都未有咩收穫住，但係行行下我就首先買o左件衫啦，跟住就去買o左個手機套啦(仲要係俾個老闆騙o左，俾個錯o既我！！！)，本來諗住買埋相機套o既，但係好似貴o左o的呀！！走之前我仲買埋個袋添！！

ｐ．ｓ．嘻嘻！今日我仲同炭炭買o左一樣o野添！！好開心，又好期待喎！！我地大家今日都好平安！！哈哈！！

>>May 29, 2003 at 6:07:05 PM GMT+8

2003 年 5 月 27 日 星期二 【晴】

考完試o既生活竟然仲比考試之前更加枯燥乏味，本來預o左今日去唱ｋo既，但係正所謂希望越大，失望就會更大呀嘛，不過算啦，俾我都會選擇去賺錢好過使錢啦！！但係就係因為呢個失望，又令到我呢一年唔係好受控制o既情緒無法宣洩地不停咁o係屋企發老"四"啦！！受害者就梗係我o的屋企人啦！！唉！好彩而家都好番o的o者！！聽日唔知會唔會又俾人放飛機啦！！～～

今朝訓唔係好著，起o左身之後都係睇下報紙咁啦！見到阿媽包糉，先發現六四係端午節！！哈哈！跟住就上下網，玩下遊戲消磨時間啦！點知就收到ｘｘ個電話，知道一o的我唔想發生o既o野！！希望無o野啦！！～～由於玩得太高興啦，所以本來諗住去新城市自己行街街個計劃就告吹o左，之後就返工啦！！今日終於同吳嬰嬰一齊返工啦，佢仲遲到添！！好明顯佢o的節目係豐富過我o架啦！！哼！！

我諗我今日都係唔係咁好彩o架啦，竟然俾我放工等巴士o既時候見到黎明明同佢條女阿屎喎(我諗o個個係阿屎掛，因為我唔係好識得佢個樣呀，剩係覺得佢成"ｐａｔ”屎咁咋！）最慘o既係俾我見到佢地做出一o的係正常人見到都會作嘔o既動作，好似男的咬女的手臂，兩人玩包剪ｘ．．．．．數之不盡！雖然我o係中午食完o野直到夜晚都未食o野，但係都有o的作嘔o既感覺！！仲有呀，阿屎講o野把聲大到佢呀，都唔知係咪秘密o係屋企不停咁練，希望快o的做到"大聲人"o既屋企人o架o者！！仲要把聲姣到死喎，真係細膽o的都會發惡夢呀！！～～就係o係咁o既情況下，我覺得今晚等車o既時間係最長同埋最難捱o既！！=.="

>>May 28, 2003 at 5:42:44 PM GMT+8

2003 年 5 月 26 日 星期一 【晴】

今日係阿哥生日，生日快樂呀！！

除o左呢句，今日就無o野想講啦.............

>>May 28, 2003 at 3:59:22 AM GMT+8

2003 年 5 月 25 日 星期日 【晴】

今朝１０：ｘｘ起身，之後就坐o左o係位度溫o左幾個鐘頭o既書啦！！溫到６：ｘｘ就煮晚餐食啦，睇埋《十萬頓情緣》就唔想溫書啦！！哈哈！！考埋聽日就考完啦，有排可以玩呀！！～～～不過要努力賺錢，唔係就無得使啦！！

>>May 27, 2003 at 12:53:37 PM GMT+8