2003 年 5 月 2 日 星期五 【晴】

今朝訓到１２點幾先起身，食完o野之後我就出o左沙田行街街啦！好明顯o的人已經唔再受非典型o既影響，新城市又回覆番以前咁樣咁多人啦！！我諗住行下西田，點知就買o左件衫同埋一把縮骨遮，臨走o個時仲買埋個斜(咩)袋，所以又使o左成三舊水啦！！無錢啦！仲要買母親節禮物，又想配眼鏡同買錶喎，但係都唔知有冇得返工，唉………

跟住返屋企就諗住做ｓｃｉｅｎｃｅ　ｐｏｓｔｅｒ，點知明珠台又做《ｓａｖｉｎｇ　ｐｒｉｖａｔｅ　ｒｙａｎ》我又要睇喎，佢仲要做到１２：４５先做完！好彩最後都做曬，交埋！！


>>May 14, 2003 at 6:49:15 AM GMT+8

2003 年 5 月 1 日 星期四 【晴】

今日要去搵阿中文ｔｕｔｏｒ李仕芬博士喎，所以又要一早起身啦！去搵佢都係諗住講下我地個拍檔係幾咁唔得o既o者！不過好明顯佢係唔主張我地要求減佢分o架啦！！算啦！！

跟住我就返ｈａｌｌ啦，執完o野我就返屋企，本來都諗住去行下先o既，但係因為太眼訓啦，所以最終都剩係返o左屋企就算啦！！今日女子支力口牙！！


>>May 14, 2003 at 6:48:21 AM GMT+8

2003 年 4 月 30 日 星期三 【晴】

哇哇哇！！等o左咁耐、籌備o左咁多日，就係為o左今日o既蒞臨！！無錯，今日就係樓主ｉｎａｕｇo既大日子啦！！首先要恭喜自己！！(嘻嘻！多謝喎！)不過本來我諗住呢幾日早o的訓，用埋我之前買o既ｍａｓｋｓ，就可以靚靚咁出場啦，點知呢幾日仲要比平時遲o左訓！！算啦！！起身之後都無乜做過o野，睇埋《邪留丸》就換衫啦！！攪呢攪路之後，就梗係靚爆鏡啦！(哈哈哈哈．．．．．．)但係時間都係o岩o岩好！！無耐我地就出發啦，但係因為ｈａｚｅｌ約o左大傑喎，所以我地呢兩個原本係要早o的到o既人就變o左最後先去啦！去到第一次ｐｒｅ－ｄｒｉｎｋ，原來好無聊，又細喎、又迫喎！！不過我地層樓就最ｓｈａｐｅ啦，因為我地有ｄｒｅｓｓｉｎｇ　ｃｏｄｅ，大部分樓友都著曬黃色衫或者裙，好勁！！

第一次去何添堂食o野啦，第一個感覺就係唔好(因為好遠)，第二個感覺係唔錯(因為場地都算靚)，第三個感覺係好差(因為o的o野食係好唔得，都唔知係中定係西，又唔係一碟碟分好曬喎，好多碟o野都係一堆汁，無飯，唔知想點？！)

食完o野之後就ｉｎａｕｇ，我地係第二隊，所以好快就完啦！但係今日又係我ｏｄｄ爆o既大日子啦，本來我講o野o個度都ｏｋ啦，叫做過得去啦！但係點知o係返埋位唱樓歌o個時，我竟然唔記得樓歌點唱喎！(其實我今日成日都o係度諗樓歌第一句係乜o架啦！！)但係勢估唔到我真係帶錯o左！！我仲要係帶o左《高桌晚唱》(係每次ｈｉｇｈ　ｔａｂｌｅ開始之前都要唱o既歌！！)好彩唔係好大聲，都係得附近o的人聽到o者，唔係就樣衰死啦！！跟住話說１０樓拎女子ｉｎｔｅｒ－ｆｌｏｏｒ　ｓｏｃｃｅｒ第一，我地就３ｃｈｅｅｒｓ　ｆｏｒ佢地啦，人地通常係唔會數１，２，３，但係我唔記得，不過都好彩o係數到1o個時我已經收o左，唔係就仲樣衰啦！！～～～不過都有樣好彩o既就係樓主唔記得帶我地條樓寶──珠鏈，唔係我就要即場戴住啦！！

今次ｈｉｇｈ　ｔａｂｌｅ好早就完，可能因為無ｇｕｅｓｔ，所以一早就可以開樓會啦！！本來諗住應該好多o野講，但係又好快開完啦喎，咁之後就到o左全日重點時刻──抽籤啦！（大家係咪覺得抽籤咋嘛，有乜咁特別呢？但係其實當你係住ｈａｌｌo個時你就會知，抽籤係可以決定到你住邊間房o架，咁就成年o架啦，唔可以睇少o架！抽完籤，大家又要諗埋揀房o既問題，因為我地係有３間大房同３間單人房，但係o的未來大仙又唔夠分喎，所以到最後唯有有人住唔到所謂o既大仙房！！

成個人經過今日之後就好似虛脫o左一樣啦………….但係呢一晚我地仲要傾埋點樣寫樓友o個張講佢地表現o既ｆｏｒｍ喎！３點幾先訓得！！


>>May 14, 2003 at 6:47:22 AM GMT+8

2003 年 4 月 29 日 星期二 【晴】

今日終於有上過堂啦！！但係都係因為要上番個中史ｔｕｔｏｒｉａｌ，所以先咁勤力o者！！上完中史，又係乜都無講，o的人鬼咁勁，人地問你做功課有乜問題o者，唔係叫你曬你讀o左o的乜嘛？個個講一大堆o野都無作用o既！！之後就上埋ｓｃｉｅｎｃｅ啦，好耐無上，都係唔知佢教乜o架？！上完堂，我仲送羅韻ｂ去搭車添！！

返到ｈａｌｌ，食下飯咁樣又夠鐘開會啦！！今次開o既叫做「大大會」，顧名思義，呢個係一個大會，因為係關Ｏ’ｃａｍｐ事o既，由四Ｃ、ｌｅａｄｅｒｓ、ＯＣ同埋樓主一齊開o既，唔係一般人開得o架！！不過我都唔想開呀，講埋o的o野無聊到死，好彩同埋阿湘一齊去o者，唔係實悶死我呀！！～～～o的ｌｅａｄｅｒｓ根本就係搵o野o黎講！！好無畏呀！！最可憐係拖o左我地成６個鐘先開完呀！！（中途我又返o左樓傾下揀房o的o野啦！！又係一樣好煩o既o野呀！！～～）


>>May 14, 2003 at 6:46:34 AM GMT+8

2003 年 4 月 28 日 星期一 【晴】

今日同樣地係無上堂啦！！但係因為要煲樓湯，所以就一早起身去買料啦！！我地行o左一陣，就決定煲栗子煲瘦肉！！買完o野返o黎，阿ｌｉｎｇ就去o左訓，我就諗住o的栗子都好易搣，就自己攪啦！點知原來係好難o架！好彩之後有大嘉幫手，又有ｂｅｔｔｙ幫o左一陣，先好o的咋！！不過後來發現我用熱用浸得唔夠，先咁難o者！！原本諗住去睇波，最後都無去到！！

夜晚１０：ｘｘ就飲得啦，ｏｋ啦！！之後１１：ｘｘ就傾o左後日開樓會做o的乜，原來無乜o野講o者，最重要係抽籤！！

本來諗住做ｇｅｒｍａｎ作文啦，點知又俾阿ｍａｙ同ｈｏｌｌｙo既問題攪到我地傾o左成晚，好麻煩呀！！～～


>>May 14, 2003 at 6:45:41 AM GMT+8

2003 年 4 月 27 日 星期日 【晴】

今日雖然o係ｈａｌｌ，但係最終都係選擇三堂都唔去上o架！！

唔知係咪要懲罰我成日唔返學，而家成日都訓唔著！朝早好早就會醒，好慘呀！！～～起身之後諗住做好多o野，但係都剩係做到ｇｅｒｍａｎ少少！夜晚煮完飯之後就被迫去聽ｗａｎｄｅｒ－ｔｕｔｏｒ　ｉｎｆｌｏｗ，好無聊，個潛ｗａｎｄｅｒ講o野好似聲大夾惡咁喎，乜o野都唔關佢事？！哈！

之後就上番去沖涼，就諗住開第一次o既樓主會，點知佢地就咁o岩講緊非典肺(ｗａｎｄｅｒ講o既ｔｅｒｍ）就要我地９層樓o既新舊樓主一齊出去發表下意見喎！點知出到去都無o野要我地講o既！！......

攪o左成個鐘先放我地走，開個樓主會都唔使一個鐘，好快就開完啦！！

>>May 2, 2003 at 11:57:53 AM GMT+8

2003 年 4 月 26 日 星期六 【晴】

今日唔使返工啦，但係又因為話o左俾佢地知我會遲o的返喎，所以就返屋企坐番陣同埋去旺角行下啦！！

行街街都係買o左一o的耳環同埋一條鏈，諗住遲幾日ｈｉｇｈ　ｔａｂｌｅ用o既！！之後走o個時又撞到阿湘喎，就一齊搭車走啦！！返到ｈａｌｌ，攪下呢樣o個樣，先過去陸佑，點知原來佢地仲o係６樓綵排緊，不過都好彩，因為咁我先睇到冠軍o個間ＳＫＹ　Ｌｅｅ套ｄｒａｍａ！！等到佢地o黎到，都無乜o野好做，無耐就出場啦，都算係排咁多次最好o既一次o羅！！

不過，話係最好o既一次o者，都要睇番個劇本o既，本身係唔得o既，就算做得幾好都無用啦！！所以我地呢間曾幾何時拎過最佳演員、什至第一名o既太古堂，最後都係得番個第七咋！！……唉！！人地o的ｈａｌｌ就落足本去做，我地就剩係可以整到一o的爛o既ｓｅｔｔｉｎｇ同借番o黎o既ｃｏｓｔｕｍｅ！！點同人地鬥呀？



>>May 5, 2003 at 6:43:27 PM GMT+8

2003 年 4 月 26 日 星期六 【晴】

今日諗住返工，點知馬會而家好似我阿媽間公司咁啦，發現到你住o個度有，就要放成１０假！！．．．．．．．我而家短期失業啦！！無陰公呀！！～～～～而家開始要節衣縮食啦！！要等到５月８日先有得返工呀！！～～～

>>April 27, 2003 at 5:49:37 AM GMT+8

2003 年 4 月 25 日 星期五 【晴】

今日１０：ＸＸ就起o左身啦，好耐都無試過！！之後就以為一陣ｄｒａｍａ要去陸佑練喎，就換好衫啦！跟住就幫ｅｕｎｉｃｅ煲糖水！！

跟住我就諗住睇下佢地幾時先出發去陸佑，好彩問一問先o者，原來佢地今日係去６樓（＝陸佑？！）咁仲好，唔使走o黎走去！！明明話３點完，點知攪攪下就攪到成４點咁滯，又唔俾o的人換衫先喎，我唔係負責企o係度等你o的衫o架！！．．．．．．＞.＜之後又要ｐａｃｋ好曬每個人一個袋，攪到成５點幾先走得！！好彩今日炭炭都遲到o者，唔係就俾到個位佢食住我啦！！但係唔知係咪今日走o黎走去，所以女子支力呀！～～行o左一陣，買o左少少o野，跟住就番屋企啦！！諗住返去食飯啦，點知大家姐聽錯o左，話我唔返去食喎，好彩都仲有o的送食剩，唔係就好陰公啦！！～～

>>April 27, 2003 at 5:46:01 AM GMT+8

2003 年 4 月 24 日 星期四 【晴】

今日唔使上堂，但係都唔係訓得咁好！！本來諗住煲番樓湯，點知個煲俾人用緊，所以唯有下次先啦！！

之後就同ｂｅｔｔｙ去買o野啦！！買完o野我就同同房、馬凱同ｊｏｌｌｙ一齊去睇ＰＤａｙ啦！！好曬，好無聊！！．．．．．不過都算多人去睇，攪到我差o的無位坐，同埋都唔使包尾，有七支旗！！ＹＥＡＨ！！

>>April 27, 2003 at 5:35:42 AM GMT+8