2003 年 3 月 22 日 星期六 【雨】

今日又要返工啦！不過今次o係屋企出發，所以可以訓得晏o的！！

本來諗住自己一個，點知阿吳小姐實在太掛住我啦，所以就o係馬會門口等我啦！！不過好彩阿ｍａｙ　ｍａｙ見到我，唔係吳小姐就真係等我等到頸都長啦！！．．．．/\__________/\之後入到去仲見到我自從第一次返工就無見過o既ｓｕｋｉ添！四個人齊曬！！

放工返到屋企就做ｌｉｎｇo既功課！好耐都無試過o係屋企做到功課啦！！～～～跟住睇埋《洗寃錄》大結局，然後就溫ｇｅｒｍａｎ啦，好難，好多o野溫！！..........

>>March 24, 2003 at 6:41:51 AM GMT+8

2003 年 3 月 21 日 星期五 【晴】

今朝訓到１１：００就起身啦，因為今日約o左大家姐出街嘛！！

出o左荃灣，食o左大家樂o既下午茶！好飽！！之後就四圍行下咁啦，但係而家o既荃灣好似又無乜o野行咁啦！大家姐買o野仲多過我！雖然全部都係佢俾錢，但係睇唔中，想使佢o的錢都使唔到添！！今日o既目標係黃色靚衫，但係都係睇唔中！！.........行到５：ｘｘ就走啦，不過可能係太支力o既關係，又唔講o野啦我！！...........

之後我再自己o係沙田行o左一陣，買o左好多粟米片，好平呀！又減到１０蚊啦！！～～同埋我又穿番隻耳啦！！

>>March 22, 2003 at 1:46:36 PM GMT+8

2003 年 3 月 20 日 星期四 【晴】

今朝好無聊咁抄緊ｌｉｎｇo既功課(係上網搵番o的資料填落去o者) 之後就輕鬆一會兒！無耐阿樓主就話ｊｏｌｌｙ一陣會帶班人上o黎，攪到我地鬼咁緊張，我同ｂｅｔｔｙ就不停咁走來走去幫手搬o野！女子支力口牙！！～～～＞．＜........不過上o黎o個班係一班中六學生，而且全部都係女仔，無乜特別，我地剩係做o左一陣佈景版就走ｌｕ！！

夜晚就我同樓主、ｂｅｔｔｙ同埋ｊｅｓｓｉｃａ一齊食！食到好飽喎，之後仲有提子同木瓜做飯後甜品！！跟住我地就攪生日會，幫ｗｉｎｎｉｅ同ｋａｒｅｎ慶祝！不過今晚實在太少人o係度啦，男仔得３個、女仔得４個（包括佢地喎！）好彩有班唔係組員o既樓友仔支持下o者！！今次我第一次整蛋糕，個個都話好好食，不過我自己就覺得麻麻o者！！

夜晚原來唔使幫手ｄｒａｍａ，同大嘉傾o左一陣，之後又o係ｐａｎｔｒｙ傾o左一陣，睇住美國佬突襲伊拉克！打仗＝好恐怖！唔鍾意打仗！！

Ｐ．Ｓ．今晚聽o左個好好笑o既笑話︰原來侯賽因係曾經打過薩達姆o架！！.........

>>March 22, 2003 at 1:21:47 PM GMT+8

2003 年 3 月 19 日 星期三 【晴】

今朝訓到１２點左右，阿ｂｅｔｔｙ就打o黎問有冇人幫手化妝喎，咁樣俾佢嘈醒o左之後呢就訓唔返啦！起身無耐ｄｒａｍａ又打o黎啦喎，我都知我會遲，又見你咁急咁叫我落去，我就以為大部分人都到齊啦，點知我落到佢係得兩個演員o係度o羅！？我就真係俾佢吹脹！！等o左一陣無o野做就上返樓啦！我都好醒目咁吹水吹o左好耐先再落去啦，點知落到去都係無o野做o架喎？！……….原先係約好１－４o既，但係最後我係等到３點度先至要落去o羅！！真正咁睇佢地採排一次，又係一o的低級趣味o羅！不過總會有人欣賞掛？！

完o左採排就要準備ｈｉｇｈ　ｔａｂｌｅ啦！終於都要“返炒“啦！著返上次ａｎｎｕａｌ件衫，無所謂啦，都無人識得o既！！今次去黃克兢o個邊o既大家樂食西餐呀，不過最期待都係有鄭丹瑞個嘉賓呀！！咁當然，我地ｉｎａｕｇ都係好好好重要o既！今日o個餐都ｏｋ得o既，但係食o左個頭盤沙律已經好飽啦！！好快咁食完o野就到阿旦講o野啦，果然係勁呀下！講o野一o的都唔悶o架喎？！可能好似佢講，只要講得有氣勢o既，o的人實會聽你、實會信你o架喎！！同埋好重要o既係而家打緊仗、又有咁多病毒等等o既不利因素或者條件，其實反而係最好訓練自己o既時候！！佢走o左之後就係我地ｉｎａｕｇ啦，我地係第二隊出去，當然我咁低調，就梗係唔會講o野啦，留返俾o的鍾意高調o既人去做啦！！上莊送俾我地o既係一個橙色、都幾得意o既ｃｄ盒！而我地份禮物啦喎，就如我所願咁將貴少少o個份送o左俾我o既樓友啦！不過佢地都話好靚，梗係啦，我揀o架喎？！

Ｈｉｇｈ　ｔａｂｌｅ之後就開樓會啦，平時o既會明明開好耐o架嘛？但係今日就好少o野要講，攪到我地好快就開始ｃａｍｐａｉｇｎ啦！不過好彩之前準備足充，唔會口啞啞！！

夜o的o個時我就將我之前爛o左o既o個個拎去俾人食啦，佢地話好好食喎！不過呢隻粉又真係幾好o架！又平、又易整、又方便！！正！！


>>March 26, 2003 at 4:46:37 PM GMT+8

2003 年 3 月 18 日 星期二 【晴】

今日又係訓到成１２點先起身，不過總算有進步o既！！

起身之後睇下報紙、食下飯咁，又成２：００啦！跟住就執o野走！因為仲未買聽日用o既禮物啦，所以就要再出沙田買過啦，但係又要俾番o的簿羅韻ｂ喎，咁就約o左佢o係新城市度等啦！大家分手之後，我就諗住去買香薰，點知o係揀定要平定貴之後，佢先話俾我聽原來剩番一盒咋喎？！咁我好無奈，又唔想諗過第二份禮物啦，最後行o左一個圈返去，都係買o左兩個平一個貴！(但係就要話俾佢地知係一樣o架o羅！最慘係有眼o既都知邊個係貴o野啦！)

返到ｈａｌｌ放低o野就要去幫羅韻ｂ還書啦，佢竟然遲還書喎，好彩都係３日o者！之後我就行落去買花紙，順便買牛油，跟手再幫佢地買o左三盒飯，但係就等o左我成１５分鐘o羅！！包完禮物，攪下呢樣o個樣，又成１：ｘｘ啦，咁就諗住開始整蛋糕留返聽晚生日會用！我買o左o的一包乜都有齊o既蛋糕粉，以為好易整，點知原來要攪到佢“結”係好難o架！整完一個之後再整第二個啦(因為有兩個人生日)，呢個就易整o的，但就要焗！本來做埋最後個步驟就可以訓啦，點知ｑｕｅｅｎｉｅ唔小心，咁就整散o左個蛋糕啦！！……….好可憐咁我地要再整過！整完第二個都成６：ｘｘ啦！！咁我先可以訓咋！


>>March 26, 2003 at 4:44:57 PM GMT+8

2003 年 3 月 17 日 星期一 【陰】

今朝訓到１２點左右就起o左身啦！之後就剪頭髮啦，不過剪o左其實同無剪個分別都唔係好大！！

本來阿媽同老豆話去屯門o既，但係我剩係想去沙田喎，唔想去咁遠，所以最後佢地都無出街，剩係我自己出o左沙田！諗住睇下有乜特別o野買下，順便睇下有乜ｉｎａｕｇ禮物，不過賣o黎賣去o的o野都差唔多o既，剩係買o左一件衫！之後炭炭放學就出o左o黎一齊行街街啦！！

不過近排o的心情都係低落，成日都好似笑唔出咁o既？！太忙？我唔係呀！太支力？成日都係咁o架啦！更年期？唔係咁早下嘛？！.................算啦！！不過希望點忙都好啦，返到屋企都要做返真正o既我呀！！要笑多o的呀！！～～～

Ｐ．Ｓ．今日搭車返屋企o個陣時突然間諗番起以前中學o個時點解會講咁多o野，先發現以前轉堂係o的老師走，但係而家轉堂係o的同學走，咁樣就已經少o左個機會去講o野、去傾偈啦！而且以前來來去去都係o個班人，而家就連個樣都未認得！！我返o左學咁耐，真係熟o既(除o左羅韻詩同埋o的ｈａｌｌ友之外！）就剩係得兩個．．．．．．．唉！讀中學o個時就嫌無聊、嫌悶，仲好期待大學生活；但係上到大學啦，自由呢樣o野就真係多到瀉啦(以前日日都要返學，而家成個禮拜唔返學都無人理你！！)但係原來同想像都差得好遠下o架！？另外呢，唔知係咪住o左ｈａｌｌ呢，好似同以前o的朋友仔都隔得遠o左好多呀，見到面話題都無曬、好似唔知飛曬去邊咁！！最慘o既係返到屋企都係咁呢，以前o係屋企都話有時會講下笑，逗下阿爸阿媽開心呀，但係而家返到去就好趕咁啦，o野都講唔到兩句！.........可能呢o的就係我將來會面對o既難題啦！！

究竟係我唔同o左，所以令到我個生活同心態都唔同o左呀？定係真係個生活唔同o左，所以令到我改變o左呢？有無人可以答到我呀？

>>March 18, 2003 at 4:33:12 PM GMT+8

2003 年 3 月 16 日 星期日 【晴】

好難得，今日竟然未夠１２點就起o左身啦！！起身之後我就繼續努力做我o既德文作文啦！！做o左唔係好耐就做好ｌｕ！！咁就去ｂｅｔｔｙ間房打o左一陣機，之後同房返o黎我又返o左房啦！！

跟住見無乜o野做，咁我就打番之前o的日記啦！！之後就出o左ｐａｎｔｒｙ睇雜誌同睇電視！因為星期四要攪生日會，所以就諗住去西寶城度買啦！！買o左隻朱古力蛋糕同埋芝士蛋糕，我希望我會整得好食啦！！

返到ｈａｌｌ就煮o左隻麵同同房食啦，食完又差唔多要去ｄｒａｍａ啦！呢個係今日重點所在，就係因為呢樣o野而令我要特登走返o黎，同埋今日可以出街都唔出得o既！！點知我落到去係無o野要做o架o羅！真係好無聊呀！！～～～

為o左聽日唔使咁早趕返屋企，我就決定o左今晚走啦！返到屋企都成１２點幾ｌｕ！！

>>March 18, 2003 at 4:31:32 PM GMT+8

2003 年 3 月 15 日 星期六 【晴】

今朝好難得亦都好耐無試過咁訓到差唔多一點先起身！！o係屋企就真係好舒服，但係唔知係咪舒服得滯，所以我係乜都無做過o架！！

起身無耐就有飯食啦！！跟住就聽o左一陣收音機，同埋睇o左一陣波！好耐都無睇過一場咁好睇o既本地足球啦︰南華對愉圓，雖然對比起英國o個o的就仲"爭"一大截，但係都不失為一場好波！！

之後我又要返ｈａｌｌ啦！！因為今晚有人要試造型喎！攪到我又要返返o黎！！但係返到o黎佢自己試完就行開o左啦，我都未睇到，我亦都覺得今日返o黎係白痴o既！！下年我一定唔會再幫ｄｒａｍａ手，因為實在太無效率啦！！～～～～

>>March 17, 2003 at 7:05:52 AM GMT+8

2003 年 3 月 14 日 星期五 【晴】

今朝９：ｘｘ就起身，因為今日又係跑馬仔o既日子啦！！

返工都係比較無聊，但係今日遇到一個好攪笑o既客，佢落完一條飛之後，就問︰我想問下你個職員編號最後o個三個字有無３、４呀？（因為我地剩係會講我地個編號最後o個三個數字，而我o既就係︰ｘｘｘ０１０啦！）咁我就梗係答佢無啦，跟住佢就話咁無o野啦！！

放工返屋企就順便o係百佳行下，以前成日都覺得自己樓下間百佳好細，但係而家發現對比起般咸道o個間就真係好好多啦，o的o野又齊好多，又多o的o野特價喎！！不過近排要使好多錢，所以要忍手，唔可以買咁多o野！............
＞_____________＜

返到屋企，有好多o野好食！！食到好飽！！

>>March 15, 2003 at 6:11:07 PM GMT+8

2003 年 3 月 13 日 星期四 【晴】

今日又係忙碌o既一日啦！！

今朝一早起身就去惠康買麥芽糖，留番夜晚ｃｈｏｉｒ　ＡＧＭ用o既，但係去到又見唔到有喎，所以就行埋落街市，終於o係一間我地以為無o既舖頭度搵到喎！？再買埋魚旦，先知道原來今日係約o左羅韻ｂ佢地１２：３０傾中文（我仲記o左係１：００添！！）所以返到去又同佢地傾o左大半個鐘咁上下，之後就返ｈａｌｌ啦！！

返到去見到自己o個邊好亂喎，所以就決定執o野啦！！執執下ｂｅｔｔｙ打俾我，咁我地就一齊去拎返我地前排做打電o既糧啦！雖然我返得兩日零一個鐘，但係都有４２０蚊，都算係咁啦！！佢地好多都有成９００幾蚊呀！！．．．＾０＾之後就返ｈａｌｌ又繼續執o野！！

到差唔多o既時候，我就開始整o野食預備今晚ＡＧＭ啦！！先整麥芽糖餅啦，雖然好難攪，但係都好快攪掂！！之後就整埋蒜蓉包啦，好香，所以一路整就一路食，好好食！！

整完之後又玩o左一陣，玩得o黎又差唔多夠鐘要去幫ｄｒａｍａ啦！！下年都唔使旨意我會幫ｄｒａｍａ，o的人好慢、又無效率，好差！！無耐我就開始ＡＧＭ啦，唔可以話好緊張，但係都好耐無試過對住超過３０人講o野啦，面紅病發作！！～～～.=.=.好彩好快就問完啦！！..........(本來可以快o的完o架嘛！最衰就係圓形衰多口啦！！....)我地好認真咁整o左好多o野食，本來係預有成５０個人份量o既，但係發現雖然無咁多人，o的o野都係食曬o架！！(除o左煲糖水之外)太強勁啦o的人！！

完o左又要走返到ｄｒａｍａ度幫手，無聊無聊，極之無聊！！

>>March 15, 2003 at 1:38:48 PM GMT+8