2003 年 8 月 14 日 星期四 【晴】

哇！！一早又醒o左啦，但係３：３０又要去聽o野！本來諗住唔知有咩咁大件事，要我地咁多層樓o既樓主去聽喎，點知原來就係聽下個書架點整？！........

之後就等到夜晚同ｃｈｅｃｋ　ｉｎ　同ｃｉｒｒｕｓ傾o野，無乜進展！！。。。。。。。

>>August 20, 2003 at 4:29:49 AM GMT+8

2003 年 8 月 13 日 星期三 【晴】

今日又係好忙o既一日呀！！

首先，我同慧雅同真真o既約會，今日終於成行啦！！我地約o左１１：１５o係尖沙咀地鐵站等喎，但係因為我前幾日都勁唔得閒，今日又要攪埋o的樓o既o野喎，所以就勁遲到啦！！但係大家要清楚知道－－－－我平時係唔鐘意遲到o架！！

終於見到佢地啦！！兩個都無乜點變，我地見到面之後就行去寶勒行啦，一去到就見到個ｎｅｗａｙ個傳單哥哥，佢派張o野得９折，都唔抵o既！！不過佢就好熱心咁帶我地去，仲話o個間會無咁多人喎！(好明顯佢係無o野做o者！！)我地唱o左個零鐘，個ｌｕｎｃｈ又真係麻麻地，杯o野飲仲不濟，難飲到爆燈！！.........收完阿真個手信之後，我地就一齊走啦，慧雅就去返工，我就同阿真一齊行o左陣尖咀啦！！阿真一路行就一路同我講︰哇！！今日終於行到街啦！！．．．．．．=.="攪到我好似帶住個上面落o黎o既親戚行緊街咁！！

之後我就返ｈａｌｌ啦！！８：３０開ｃｏｒｅ　ｍｅｅｔｉｎｇ，好快就完啦！之後１０：３０就開ｉｄａｙ個ｅ會，好明顯最耐就係逐個ｅo個ｐａｒｔ，到最後大家都無乜好講！！ｅ完都成３：ｘｘ啦，本來仲諗住屈ｐｉｃ請食o野，但係因為太夜啦..........

>>August 20, 2003 at 4:24:10 AM GMT+8

2003 年 8 月 12 日 星期二 【晴】

哇！！今日就真係有足夠o既運動啦！！話說今朝就陪阿媽行山啦，都好耐無行啦，好彩上到去先落雨o者，唔係就麻煩啦！！～～～～～返到屋企都成８：３０啦，之後仲要沖涼同洗頭，趕住o係９：３０要出門口嘛！！雖然都係遲o左少少，但係因為落雨，就有o左個藉口啦！！

今日第二站就係去ｐｏｌｙ，但係好明顯關ｂ敏無影印，所以要陪佢去影印先可以出發！！去到ｐｏｌｙ，人生路不熟，就睇住個地圖啦！！行完一座又一座，唔知o的路又要返去個地圖度睇，好麻煩，最慘係佢o個度裝修，o的ｌｉｆｔ全部都係費o架！！攪到我地要行樓梯，成６、７層呀！仲要唔止行一座喎！！好支呀～～～～～～終於都行完啦，走訪o左３個ｄｅｐａｒｔｍｅｎｔ　ｏｆｆｉｃｅ，發現原來而家敲門已經係唔得o架啦！！..........

跟住我地就去食o野先啦，食完就行o左一陣尖沙咀，２：００左右又要返番去沙田啦喎，因為西田叫關ｂ敏去ｉｎ呀，我又諗住去搵下呀未來同房，幫襯下佢買月餅嘛！！點知兩樣o野都俾人坤o左啦，關ｂ敏o個個又係無聊o野，而ｒｉｔａ亦都無o係沙田賣！所以就好無聊咁行o左一陣，又決定出旺角啦！！

我地好厲害咁行o左好多條街，先去食o野！真係要讚下o個間o野，唔記得個名啦，但係就係o係金聲戲院附近o既，食台灣o野！！我地叫o左個手撕雞面，勁大碗呀，又多雞喎！！另外仲有一杯綠ｏｒ紅茶飲喎，加埋都只係２５蚊咋！！實在太抵食啦！！食飽飽之後我地又繼續行，終於行到９：ｘｘ先返屋企！！

計計埋埋，我就已經行o左成１５個鐘啦！～～～～好勁呀！！

>>August 16, 2003 at 11:39:38 AM GMT+8

2003 年 8 月 11 日 星期一 【晴】

今日本來諗住要留o係屋企做我o既乖乖女o架嘛，點知關ｂ敏又打o黎，叫我陪佢去見工喎！！唉.......唯有出一出去啦！！

好明顯，都係俾佢坤o左o既！！因為佢剩係要交份ｆｏｒｍ咋！！好無聊，我地就行o左一陣沙田，就各自返屋企食飯ｌｕｕｕｕｕｕｕｕｕｕｕｕ！！

>>August 16, 2003 at 11:10:33 AM GMT+8

2003 年 8 月 9 日 星期六 【晴】

哈哈哈！！終於開始搬o野返ｈａｌｌ啦！！但係好明顯今日係少好多人幫手呀～～～全部都係ｅｘｃｏ，但係我地都好快手就搬得七七八八啦，剩番o的大件o既o野等o的男仔搬！！不過呢，今日ｃａｌｌ　ｌｉｆｔo既次數係比我住o左o係度成年ｃａｌｌ　ｌｉｆｔo既次數要多o架！！原來要搬番o黎都真係有好多o野要搬o架喎！！

話說都搬到尾聲啦，都係要將ｌｏｂｂｙ　o既o野搬番好，就發生o左意外啦！！我地個ＥＶ一o野就撞o左落我地條旋轉樓梯o既角位啦！！o的男仔都係要扮型仔咁樣話無事，但係當佢返入o黎o個時，我地已經見到佢個頭o的血已經流到去佢背脊啦，仲好似o的ｒｉｖｅｒ咁有分叉添呀！！好驚呀，我睇到佢個"轉"有條至少１ｃｍo既傷口～～～最後，就梗係要去醫院啦！！

搬完o的o野之後，我地買埋o的公家o野就走啦～～～～～～女子支力口牙～～～～～

>>August 11, 2003 at 3:13:07 AM GMT+8

2003 年 8 月 8 日 星期五 【晴】

唔～～～～～今日就係ｉｄａｙ官方公佈o既最後一日啦！！因為今日係俾o的之前未o黎ｒｅｇo既人ｒｅｇ番，所以都唔係好多人，而我地都可以早３個鐘收工！！不過呢，今日o的人又真係少好多呀！！我全日剩係派過幾把扇咋！！諗番自己舊年，都唔會話特登返o黎睇o野啦，真係貪呢度近咩？！

今日唔使咁急，所以有時間俾我地食個早餐先，但係唔知係咪之前挨到壞啦，今日食o左早餐、同之前無食早餐開工都好似無乜分別咁o既？！都係唔覺得飽o左或者肚餓o左喎？！算啦！一開始同ｓｔｉｎｇ　ａｎｄ　ｆｌｏｒａ企ｂｏｏｋｓｔｏｒｅ附近，無乜人！我就o係度同ｓｔｉｎｇ傾ｒｅ－ｕ做乜好啦，同時地我又同ｆｌｏｒａ傾９／Ｆ整咩ｉｎｔｅｒｎａｌ　ｆｕｎｃｔｉｏｎ好喎！！呢樣o野反而仲忙！！無耐之後就見到ｈａｚｅｌ同埋阿ｌｉｎｇ啦，好明顯阿ｌｉｎｇ係o黎收集其他ｈａｌｌ呀、ｓｏｃo既禮物啦，扮薯民？！好彩，佢都拎o左個ｓｔ．ｊｏｈｎｓo既杯墊俾我！！(勁憎ｓｔ．ｊｏｈｎｓo的人呀，好賤o架！！)

之後企o左一陣ｋｋｂｒｉｄｇｅ，就可以收工啦！！我地仲返o左去ｃｏｕｎｔｅｒ度影相添！其他ｈａｌｌ就開始執o野，我地就聽日先執，所以就有大把時間！！勁開心呀！！～～～～當然啦，趁最後一日，梗係要拎番o的自己ｈａｌｌ　o既禮物先走啦！！今日滿載而歸呀！！

返到ｄｅｍ　ｒｏｏｍ，３：ｘｘ就開一個細會，本來都仲諗住去練水o既，但係開完個會都差唔多夠鐘ｌｕ，同埋個人勁支力，所以都無去！！但係又勁好彩我無去喎，因為話說我返到ｈａｌｌ之後就勁支力啦，訓o左o係張床度喎，突然聽到男仔聲，咁我就爬起身啦，原來係ｓｔｉｎｇo係樓下見到有兩個人想參觀喎，就帶佢地上o黎啦，咁o岩呢兩個人就係我琴日帶過佢地去ｒｅｇ、佢地話ｒｅｇ完返o黎搵我o既人！！我就順使帶埋佢地去行下啦，仲講o左唔少揀科o既o野俾佢地聽添！！～～～～

完成埋我呢個ｉｄａｙ最後一個ｈａｌｌ　ｔｏｕｒ之後，我就預備同ｃｈｅｃｋ－ｉｎ開會啦，俾佢玩o左我幾次呀，激氣呀，最後傾傾下就越o黎越多o野要傾，攪到成１０：００！！跟住就沖涼訓覺啦，聽日又可以遲o的起身喎！實在太好啦～～～～～～

>>August 11, 2003 at 4:11:43 AM GMT+8

2003 年 8 月 7 日 星期四 【晴】

第二日啦～～～～～～

琴日實在太支力啦，所以琴晚訓覺竟然又腳抽筋喎！！好彩太眼訓啦，所以一陣子就無事啦！今朝第一更企ｍａｉｎ　ｌｉｂｒａｒｙ對出，一開始真係人少到爆呀，可能今朝係o的ｅｎｇｉｎｅ人同埋ｄｅｎｔａｌ人啦，唔鐘意行ｍａｉｎ　ｌｉｂｒａｒｙ掛？但係熟人就勁多o羅，好似阿湘呀、ｊｅｓｓｉｃａ、ｈｅｎｒｙ、ｃｈｒｉｓｔｙ．．．．．幾攪笑，所以都好似企o左唔係好耐咁！！又要轉更啦！！

到o左下畫，情形就唔同o左啦，因為下畫係ＢＡ人同埋教育人Ｒｅｇo既日子，我一開始o係ｃｏｕｎｔｅｒ就帶o左兩個師妹去ｒｅｇ啦，仲話返o黎搵番我添！！等到２：ｘｘ，o岩o岩帶緊一個女仔行ｈａｌｌ　ｔｏｕｒ，羅韻ｂ終於打俾我啦，佢帶住曄曄o黎ｒｅｇ，梗係要搵一搵我啦！！等我帶完之後，就去搵佢地啦！！～～～～～實在對我太好啦，買o左餅餅俾我食呀～～～～～我地就坐o左o係開心公園度傾o左一陣(仲見到譚曉昕添！)之後就同埋曄曄去ｒｅｇ埋餘下o的部分啦！！咁最後佢地就梗係要返去睇一睇我地裝修o左之後o既ｈａｌｌ啦～～～然後我地就o係個勁黃o既ｐａｎｔｒｙ度傾o左好耐，仲見到個沙官師妹添！！不過佢就不幸o的，因為帶佢o個個人不太好呀～～～～

我送完佢地走之後就返去ｄｅｍ　ｒｏｏｍ度啦，無無聊聊咁就到７：００，好明顯今晚有波睇，所以都一早開埋ｅ會趕返去睇波啦！！本來我都係咁諗o既，好可惜呀，今年o岩o岩畢業o既前ｅｘｃｏ，坐曬o係我地個ｐａｎｔｒｙ度睇波喎，唉！！佢地坐曬o的位，叫我地坐地下咩，所以最後都係無睇到！！佢地呀，有男有女，到o左１１：ｘｘ都仲o係度喎，唉！！

>>August 11, 2003 at 3:52:57 AM GMT+8

2003 年 8 月 6 日 星期三 【晴】

第一日呀～～～～～～

今朝一早就要ｇａｔｈｅｒ啦，琴晚又執o野執到勁耐，所以好眼訓呀～～～～～一早去拎新ｈａｌｌ　ｔｅｅ，設計非常簡單，遠睇都唔覺、又睇唔到o的字，第時當出街衫都得！！攪掂曬就開工啦，好可憐咁第一更就得自己一個呀～～～～～好彩見到一個ＢＡ人，傾傾下就熟o左啦！！一齊做開心o的嘛！！o岩o岩做就勁驚會犯規喎，所以都好循規蹈矩！之後就睇到文集夫啦，佢有把勁大o既ＢＢＡ遮，梗係要遮埋我啦！！我地大家互相幫助，正呀！！企o左三個鐘，我就走啦，返去ｃｏｕｎｔｅｒ繼續企啦！！又係三個鐘．．．．．．，最後一更就返去ｄｅｍ　ｒｏｏｍ，最舒服就係呢一更啦，因為至少有冷氣同埋有得坐呀！！雖然都要帶ｈａｌｌ　ｔｏｕｒ，但係企得耐，可以行下都好！！今日全日帶o左５個ｈａｌｌ　ｔｏｕｒ，都幾好，係第一個比較奇怪o的，因為o個兩個都唔係薯民，仲要有一個以前係o係度住o架添！！但係個個行ｈａｌｌ　ｔｏｕｒ都話好新o羅！！所以我地都估今年可能會仲多人報！！

本來話到６：００，但係做到７：ｘｘ先完！！之後仲要開ｅ會，到８：３０先走得，o個時已經半死o左啦！！～～～～～～

>>August 11, 2003 at 4:09:22 AM GMT+8

2003 年 8 月 5 日 星期二 【晴】

哇！！由於琴晚偷雞留o左o係屋企訓覺，所以今日就要晨咁早就起身返去啦！！

不過，由於今日係中七放榜o既大日子，所以我晨咁早起身都係為o左睇下關小姐考成點o既o者！！雖然佢琴日話俾我聽一o的都唔緊張，但係我諗佢都有少少擔心o既！！我８：００就起身啦，之後大概８：３０上過去一次，原來真係無咁快有得睇o架！！咁我就隔一陣又睇一睇，終於俾我o係８：５０分入到去啦！！好彩我之前將佢話俾我知o既ｌｏｇｉｎ　ｎａｍｅ寫低o左o者，唔係真係唔記得！睇完個結果之後佢就已經打o黎啦，好明顯都係一早起身睇啦！！今年總算有ｏｆｆｅｒ呀，雖然未必係佢o既心水，但係世事o既o野又豈會盡如人意呀！！～～～～～～～

攪完一輪之後，我就返ｈａｌｌ啦！！點知一落到樓下，ｍｉｓｓ　ｔｏ就打俾我啦！！（我都唔知幾時變o左羅韻ｂ個替身！？）但係幸好我個電話無電喎，所以就無理佢啦！！返到ｈａｌｌ之後先打番俾佢，佢又係咁講啦︰遲o的搵你地出o黎食飯呀～～～～聽住先啦！！

好慘咁呢，我一返到去就俾ｏｓｃａｒ個電話ｃａｌｌo左我落去幫手攪個ｃｏｕｎｔｅｒ啦！！同時間地我又要攪番好個ｐａｎｔｒｙ喎，因為聽日有人o黎睇o架嘛！！見個ｐａｎｔｒｙ未攪掂，我就先幫佢地搬o野去ｃｏｕｎｔｅｒ，都無乜o野做！！但係最慘係要ｃｏｕｎｔｅｒ＜－－＞ｈａｌｌ兩邊走！！然後就呢度攪下o個度幫下，做完都成１０：ｘｘ啦，之後１２：ｘｘ又要開會喎，好支力呀～～～～但係聽日就係ｉｄａｙ啦～～～～～～

>>August 10, 2003 at 9:57:46 AM GMT+8

2003 年 8 月 3 日 星期日 【晴】

估唔到我只係寫o左少少o野o係個ｉｃｑ　ｉｎｆｏ同埋個日記，各位就已經咁關心我啦！！實在太感動啦～～～～～～Ｙ．Ｙ

其實o個日就真係好鬼嬲！！不過而家暫時無事ｌｕ！！各位有心！！！！～～～～

>>August 4, 2003 at 4:35:25 AM GMT+8