2003 年 4 月 23 日 星期三 【晴】

今日本來要去測番ｇｅｒｍａｎ，所以就１１：ｘｘ就起身啦！！點知溫o左一次左右，ｃｈｒｉｓｔｙ就打o黎話可以唔使返去測驗喎，因為ｆｒａｕ　ｆｕｎｇ已經將個測驗放o左上網啦！！咁我地就決定埋唔去上堂，因為我地都未溫好，費事佢叫我地落堂之後測番啦！！～～～

之後就開始做ｇｅｏｇ啦，發現都唔係好識做o既？！到o左夜晚啦，ｄｒａｍａ又要練啦喎，但係因為我地要開ｃｏｒｅ會，所以我剩係攪o左一陣就去o左開會啦！！開個會都係個零鐘左右，之後我返去ｄｒａｍａ度幫手，但係又咁o岩放ｂｒｅａｋ喎，咁就返樓啦！跟住同房就話佢都唔識做ｇｅｏｇ喎，我地就去問爸爸啦！！本來諗住問一陣，點知佢講錯o野，所以我地就決定煩住佢啦(因為佢第二日要ｐｒｅｓｅｎｔ呀！！）哈哈！！不過就係因為咁，我走o個時ｄｒａｍａ已經練完啦！！～～

>>April 27, 2003 at 5:28:12 AM GMT+8

2003 年 4 月 22 日 星期二 【晴】

又係好難得o既一個禮拜三呀，因為今日又無馬跑，可以唔使返工ｌｕ！唔知係咪放o左兩個禮拜合法o既肺炎假，個人懶散o左好多！(俾羅韻詩見到實話我不嬲都係咁o架o者！！) 本來係可以起到身上堂中史o既，換埋衫，到最後都係無去到上！！之後就去交中文同ｌｉｎｇo既功課啦，諗住之後去傾o野，點知原來改o左！行行下聽到人地話出o左考試時間表喎，第一時間就去o左ｌｉａｂｒａｒｙ度上網睇啦，唉！要考到成２７號呀！！～～～雖然都幾平均分佈（１９：ｇｅｒｍａｎ、２３：中文、２７：ｇｅｏｇ）但係都有排先考完呀！

之後就去上o左堂中文，林先生以為自己講o的o野好好笑咁！！跟住我就返o左ｈａｌｌ啦，點知就眼訓得滯訓o左！！訓醒已經係４：ｘｘ，又無上到ｓｃｉｅｎｃｅ啦～～

跟住就諗住上網續借o的書啦！(因為實在太多啦，所以費事自己拎去續借啦！)點知原來有本書有人ｈｏｌｄo左喎，但係我又收過ｅ－ｍａｉｌ，仲話要罰我３０蚊呀～～其他書又唔可以網上續借喎，攪到我要自己拎住o的書去，好彩去到o個個人好人，話減番之前停課o既日子，就剩係罰o左我６蚊，唔係就破財啦！！但係奇怪o既o野就係無端端我張學生證度有６蚊未俾o既錢喎，但係我之前都無借過書，不過我最終都俾o左！！

返到ｈａｌｌ就食飯，本來諗住溫書o架啦，點知阿小良又走o左o黎玩一個神奇o既玩意，攪到我睇得o黎都夠鐘沖涼，然後就要開ｏｃ會啦！！開會都係講o的無聊o野，講o左成２個鐘都係傾緊個ｔｈｅｍｅ！！不過最後有西瓜食，好開心～～～


>>April 24, 2003 at 9:43:53 AM GMT+8

2003 年 4 月 21 日 星期一 【晴】

今朝１０：ｘｘ就起o左身啦，因為今日要去睇ｊｏｉｎ　ｈａｌｌ　ｄａｎｃｅ　ｓｈｏｗ，所以就要早o的起身啦！！

起o左身做o左一陣o野之後，阿ｍａｙ就走o左入o黎啦，俾佢攪到我都做唔到o野！！～～～１２：００左右，我地就一齊出去開心公園啦！去到o個時都仲未係有好多人，我地就行行企企，四周圍搜索下有冇靚仔，又睇下其他ｈａｌｌo的人跳成點喎！！……..無耐之後就已經有超多人啦！我地諗住霸返個有利o既位啦，點知要俾o的ｄａｎｃｅｒｓ行先喎，所以我地就好辛苦咁睇o左頭三隊，好彩我地係第四隊o者，唔係就有排等呀！！～～雖然係跳得無人地ｈａｌｌ咁型o架啦，但係都算做攪笑搭救啦！！(阿ｍａｙ四周圍影o的男仔相喎，雖然都無乜邊個靚仔，但係都總算有o的ｏｋ型啦！！)

睇完自己間ｈａｌｌ就返ｈａｌｌ啦，之後就返屋企！但係o係返去之前，我自己一條友仔去o左行尖沙咀，唔知係咪太耐無行過啦，覺得都幾多o野行喎！！我仲振興o左香港好多經濟添！！買下衫、ｍａｓｋｓ、染髮o野…….就已經用o左我成３００蚊啦，今個月就要慳o的使啦！！～～～

行o左２個幾鐘之後，就返屋企啦！！食完飯，又要返ｈａｌｌ啦，因為要開一ｄｒａｍａ會，但係到最後我係無去開o架，因為我知道實係好無聊o既！～～


>>April 24, 2003 at 9:45:46 AM GMT+8

2003 年 4 月 21 日 星期一 【晴】

o岩O岩收到一個好消息，就係我地唔使考ｇｅｒｍａｎo既ｏｒａｌ呀～～～

>>April 22, 2003 at 11:39:28 AM GMT+8

2003 年 4 月 20 日 星期日 【晴】

今朝訓到１１：ｘｘ又醒o左啦，起身之後就開始做中文份功課啦，原來都好難做o架，好彩早o的開始做，唔係實做唔曬呀！！～～

由１２：ｘｘ開始，坐到６：ｘｘ先做完，寫o左接近３０００字呀！！之後無耐就到ｊｏｉｎ樓ｆｕｎｃｔｉｏｎ啦！大熱天時玩打邊爐喎，不過都係開住冷氣咁打！！唔知係咪做o野做得太耐，所以有o的支力，無乜胃口，攪到我剩係食o左少少o野食！！之後就唱ｋ啦，我地呢o的就梗係俾人玩o既多啦！！仲要出去唱o左兩次添！！唉！！～～～唱到１０：ｘｘ，終於完啦～～～

夜晚諗住做o野…….但係都係做唔到……………..


>>April 22, 2003 at 11:38:03 AM GMT+8

2003 年 4 月 19 日 星期六 【晴】

今日起身o個時都已經係１：００啦，之後又係食飯（返到屋企就係咁，唔係食就係訓啦！！）

之後４：００左右就返一返ｈａｌｌ，本來諗住買埋o野先返o既，但係阿媽又整o個o的送，天氣咁熱，驚會變壞，所以就要返一返ｈａｌｌ先啦！！今日就真係好鬼熱呀～～～雖則搭冷氣巴，但係行到返ｈａｌｌ都已經流緊汗啦！！

攪掂o的o野，等埋ｂｅｔｔｙ同阿ｌｉｎｇ就出發去買ｈｉｇｈ　ｔａｂｌｅo的禮物啦！我地先行潮流特區，再去兆萬，但係都睇唔中o野喎！！諗緊買乜之際，我地就去o左ｔｒｅｎｄｙｌａｎｄ度睇，見到有個米奇o既按摩器，就買o左三個俾o的副樓啦！！之後諗住買裙俾樓主，點知睇唔中，o係失望之際，就o係旺角中心o的仲未收舖o既地方度買o左一條都幾靚又好平o既裙，咁就完成任務啦！！

之後返到ｈａｌｌ，我地就一齊試衫，諗住自己幾個樓委睇下o者，點知越o黎就越多人，攪到無曬新鮮感！！


>>April 22, 2003 at 11:36:32 AM GMT+8

2003 年 4 月 18 日 星期五 【晴】

今日要返工，所以又要一早起身啦！！～～～

本來諗住試下搭８８ｋ，點知出門口o個時覺得可能唔夠時間喎，所以就改搭火車啦！但係原來搭火車又太早啦，去到仲有成１０分幾鐘剩，所以我就四圍行下啦！！跟住又俾我撞到ｍａｙ　ｍａｙ同佢男朋友！而阿嬰嬰又遲到喎，仲要見到佢慢慢行過o黎添！！

返工，又係不停咁聽電話，今日聽o左２５８個電話，仲要未計加時做過戶o個o的電話喎！！真係氣都無呀！！今日坐７Ａ內檔，個組長無端端同我ａｎｄ嬰嬰講o野喎？！嚇死我地呀！！～～

放工，嬰嬰好激動咁講完一個電話，為o既只係可以有牌打！！～～（好似前世未打過咁！！）之後我就搭返巴士返屋企ｌｕ！！

返屋企，又係一大堆做極都做唔完o既功課！！心情因此而不停跌......跌........跌___________

>>April 19, 2003 at 2:41:29 PM GMT+8

2003 年 4 月 17 日 星期四 【晴】

今日終於都好天啦！！但係咁好o既天氣，本來話去海洋公園o既話就真係o岩曬啦！但係最後都成唔到行，好失望呀！！～～～

今朝諗住成１點幾２點先起身o架嘛，點知就俾吳小姐不停咁開門閂門嘈醒o左啦！(我知佢好有手尾，每次行出行入都會閂門，但係我地度門係唔使閂得咁實o架，輕掩就得o架啦，唔係就會發出好大o既聲響！！=.="嘈醒我！！)醒o左就填下ｇｒａｎｔ　ｌｏａｄ份ｆｏｒｍ，之後就出o左ｐａｎｔｒｙ睇雜誌，無耐，阿吳小姐就走啦！！佢走o左之後，我就沖涼同洗頭啦！！攪掂o的o野之後我就去洗衫，攪下呢樣o個樣咁啦！阿ｍａｙ又o係我張床度訓o左喎，我同同房講o野都要細聲o的呀！！～～～

終於有得ｒｅ－ｕ啦！６：００ｇａｔｈｅｒ，點知又要等ｓａｎｄｙ，攪到遲到，不過去到都未有人住！！o的人真係唔守時呀！！激氣呀！！去到間o野，都ｏｋ啦！！但係因為ｓａｎｄｙ坐o左我個位，攪到我要同o的ｃｏｒｅｓ一齊坐，好慘呀！好彩有ｒｉｔａ同春春o係度，先好o的咋！！o的o野食，無乜特別，o的魚又"鞋"、o的菜又大碟、o的ｐｉｚｚａ又鹹、仲要無甜品食添........好可憐！本來話去唱ｋ，但係最後都係去o左飲o野！我最唔鐘意就係成２０個人坐低飲o野o架啦，所以我選擇o左返屋企！！好難得o既一次ｒｅ－ｕ，就好似係大家為o左食番自己份錢o既情況之下完結o左啦！！

好耐無試過慢慢咁行返屋企啦，好舒服！！ ～～～

>>April 18, 2003 at 5:07:39 PM GMT+8

2003 年 4 月 16 日 星期三 【陰】

哈哈！今日本來可以返得切o黎上堂o既，但係我就o係屋企玩o左一陣先返，所以走o左o的堂！返到o黎本來諗住上中史o個堂ｔｕｔｏｒｉａｌ，但係原來個ｔｕｔｏｒ係唔同o既，所以唔返得！之後就俾o的朱古力羅韻ｂ，仲佢同四周圍走o黎走去！佢去上堂，我就返ｈａｌｌ！之後終於上o左ｇｅｒｍａｎ，乜都唔識！！～～～

之後諗住睇邪留丸，點知佢就做淘大花園報告，無得睇！跟住阿吳嬰嬰就o黎搵我，其實佢係諗住送禮物俾ｊｏｌｌｙ，所以都係搵我幫佢手o者！！佢o黎到就發揮佢o既高度活躍症，係咁走o黎走去！！仲係咁諗點樣送禮物俾ｊｏｌｌｙ，鬼咁多主意！

終於等到ｊｏｌｌｙ返o黎，佢地亦都o係好耐之後相遇啦！！咁我就可以休息一陣啦！！跟住夜晚我地就一齊行行企企，都無乜o野做過，就又過o左一日啦！！

>>April 17, 2003 at 7:29:45 PM GMT+8

2003 年 4 月 15 日 星期二 【陰】

哈哈！！今日本來係諗住１１：００起身o架喎，但係點知一訓就訓到１：ｘｘ啦喎？！所以一起身就唔去上堂啦，換完衫就去交功課，因為要交好多功課，所以都用o左我成個鐘，最慘係搵極都搵唔到中文個ｄｅｐａｒｔｍｅｎｔ，真係激氣呀！！

之後就出o左去沙田自己行一陣，仲買o左兩件衫添！！好開心！之後就去麥記買漢堡包，仲食o左佢新出o既麥旋風，都ｏｋ啦！！返工、放工，我仲送o左o的朱古力俾吳嬰嬰添！！佢都不知幾開心！！

>>April 17, 2003 at 7:15:50 PM GMT+8