2003 年 5 月 14 日 星期三 【晴】

哈哈！！今日阿媽休息呀，所以一早已經預留o左o黎陪佢o架啦！！

今朝一早就俾老豆嘈醒o左，所以就起埋身啦！！之後睇o左陣報紙，然後就溫書啦！！溫到咁上下就出去啦！約埋又要放一個禮拜假o既大家姐一齊出去旺角買o野！！我地先去飲茶，成個世紀未飲過茶啦，唔係阿媽話想飲我都唔去呀！！～～～o係聯合飲完茶之後，就去睇錶啦，大家姐話順便送埋生日禮物俾我喎！！(實在有點兒早o左少少呀！！～～～）終於買o左一隻唔係太貴o既鋼錶啦！！

之後阿媽就話佢睇電話，本來我都無諗住換住o既，因為我阿哥呢部又真係幾好用，同埋近排我都無乜心水，但係阿媽預o左今日出o黎同我一齊出，咁我最後又睇中一部摩記o既電話喎！！(因為ｎｏｋｉａ近排o的機唔o岩我心水呀！！而我就剩係睇樣o架嘛！！)黑色o既，仲有個紅色殼送！！彩芒！有震機！(其他有乜功能我都唔知啦，因為我剩係用呢o的功能o者！！)之後阿媽就出o左部ｎｏｋｉａ，但係佢就鐘意番８２５０，係舊o左少少o既，但係佢話呢隻收得好喎，是旦啦！！

諗住走得之際，佢地突然話不如睇埋相機啦，咁我地就去o左睇！中途阿媽買o左對鞋行山！行行下就買埋！係ｃａｎｏｎ最新o個部ＩＸＵＳＩＩ，３２０萬像，有聲短片３分鐘，ＯＫ細部，＄２８ＸＸ，阿媽俾錢買！！跟住我地就真係走啦！！今日唔知做乜，買o左好多o野，使o左成５ｘｘｘ蚊，好少有！！(雖然我都無出過錢！！)唔識o既，仲以為我地發o左達，但係我都唔知點解今日會買咁多o野！突然間覺得阿媽俾我感染o左，大使o左！！但係明明而家非典型時期，個個都無得出咁多糧，唔知點解反而大使過以前？！所以呢，都係要回復番以前o個種節儉少少o既生活先得啦，唔係使大o左個胃就收唔返！！

不過，講到尾今日都係勁開心o既！唔怪得o的闊太一唔開心就會去ｓｈｏｐｐｉｎｇ啦！！

ｐ．ｓ．阿低ｂ敏同學呀！！唔好意思呀，我知你一路諗住同埋我一齊買相機o既，但係o係琴日o既情況，都幾難唔買o既！！唔緊要啦，我考完試就陪你去買啦，我仲可以借我部俾你試下先，好o既咪買o羅！係咪？！／＼_________________________________________________／＼

>>May 16, 2003 at 5:37:34 AM GMT+8

2003 年 5 月 13 日 星期二 【晴】

ＨＡ．．．．．．．．．終於訓番１２個啦！無咁眼訓！

今日起身之後就係睇報紙，睇完報紙就差唔多要出門口啦，因為今日仲要返工，同埋要去勞工處度交政府工份ｆｏｒｍ呀！！希望抽中啦！！之後仲行o左一陣，買o左兩件衫，咁就去返工啦！！本來都好地地o既，返工o個時天氣仲係好晴朗o架嘛，點知我聽聽下ｃａｌｌ，都聽到o的人話︰終於落雨啦！我心諗︰死啦，我日日有帶遮佢唔落雨，今日一換o左袋無帶遮佢先落雨.........點知，唔止落好大雨，仲行雷添！！=.="

>>May 15, 2003 at 2:51:39 AM GMT+8

2003 年 5 月 12 日 星期一 【晴】

續︰

訓到１２：ｘｘ大家姐打o黎諗住叫我飲茶，但係好明顯我係唔得啦，咁我就起身做埋佢啦！！最後做到５：ｘｘ先做完，叫人幫我交之後我就返屋企啦！！～～～～

食飯＋睇電視＝無溫書呀！！

>>May 14, 2003 at 7:22:29 AM GMT+8

2003 年 5 月 11 日 星期日 【晴】

今日返o左ｈａｌｌ，因為要食奶醬多o既勁過飯，同埋諗住做曬份中史！！

１：ｘｘ左右返ｈａｌｌ，先去旺角拎番副眼鏡，跟住行o左一陣，但係無買o野就走啦！返到去首先拎番份ｇｅｒｍａｎo既ｐａｓｔ　ｐａｐｅｒ，之後就返ｈａｌｌ啦！點知一返去就要攪埋層樓條數，原來我地已經係負資產啦！！攪o黎攪到，都無曬時間做o野！！６：３０ｌｏｂｂｙ　ｇａｔｈｅｒ曬之後就出發，同上次ｒｅ－ｕ比，實在人少得可憐呀！！今次去聖羅蘭食，同上次士美菲比又係無得比呀，呢度好食好多！！（雖然我地成日話第二o的組一係食ｂｕｆｆｅｔ，一係食大久保，我地就食ｃｈｅａｐo野，但係有時好食o既話平o的都唔係問題o既)

食飽飽我地就行返去啦！！本來諗住唔做功課o架啦，點知打返屋企阿媽話佢改o左星期四休息喎，咁我一返屋企就起碼到星期五先走得，咁咪趕唔切交功課o羅，所以我就決定通頂做埋佢啦，點知原來都好多o野做o架，我做到朝早９：ｘｘ左右就太眼訓訓o左啦！（待續．．．）

>>May 14, 2003 at 7:20:23 AM GMT+8

2003 年 5 月 10 日 星期六 【晴】

今日訓到１２點先起身，之後就食o野啦！食完o野就開始睇書啦，要做中史功課，不過都無乜心機睇o既，到o左夜晚就溫ｇｅｒｍａｎ，但係發現明珠台有《地久天長》做過，就一路睇一路溫啦！！所以個進度係好慢o架！！……



>>May 14, 2003 at 6:53:10 AM GMT+8

2003 年 5 月 9 日 星期五 【晴】

哇！被隔離o左十日，終於可以返工啦！可惜阿嬰嬰要溫書，唔返工住，我地又未可以見面住啦！！

好耐無返工，有少少唔慣！但係最唔慣係要我地o係每場完o左之後同每個人客講一段宣傳"快線投注"o既o野，我講唔悶，o的客都悶啦！！～～～

>>May 14, 2003 at 7:07:21 AM GMT+8

2003 年 5 月 8 日 星期四 【晴】

今日係最後一日返學o既日子，雖然對於我o黎講，係咪最後一日都無乜分別o架啦，因為我今日都無堂！！

今日本來有個ｇｅｒｍａｎ同學仔話１２點幾會俾o的影印我，所以一早就起身啦！(點知佢最後係無o黎o架！！)訓醒就做埋ｇｅｏｇ份功課啦，做完就去交埋，諗住順便交埋ｓｕｍｍｅｒ　ｈａｌｌ　ｆｅｅ啦，點知見到ｃｃ個匯豐好多人喎，就諗住行落去般咸道o既恆生啦，點佑去到佢部ＡＴＭ壞o左喎？！攪到我又要行返上去攪！交完錢之後，就差唔多食勁過飯啦！！

今次係我第一次去士美菲度食，之前成日都有人話o個度好食，唔知係乜原因，o的o野食o既質素低o左好多，唔好食，又細碟，最慘係俾個老闆娘"扼"o左嘛，食o左成千蚊！！

返到ｈａｌｌ，我地就切燒豬啦！！好明顯我都係唔慣拎菜刀o架啦，切唔開個燒豬，要由我呢個好武有力o既上莊幫手先得！！食完燒豬之後啦，我地就去後樓梯叫"勁過"啦！！叫到我聲都沙埋！！跟住我地就揀房啦，總算攪掂曬！！～～～

>>May 14, 2003 at 7:04:22 AM GMT+8

2003 年 5 月 7 日 星期三 【晴】

今日放假呀！！雖然對於我o黎講，而家返學同放假都真係無乜分別，但係話曬都係一個假期嘛！！

之前一早約o左大家組去行街街，諗住買母親節禮物俾阿媽，所以就出o左旺角啦！！出到去都成２：ｘｘ啦，先行o左一陣聯合，跟住就行o左一陣女人街啦，我就無買o野呀，大家姐就一袋二袋！行到支力，我地就去o左一間茶餐廳度食o野啦，都ｏｋ啦！本來諗住買電話俾阿媽o既，點知原來老豆買，咁我地出去都係無目的o既！！跟住就去Ａ－ｌｏｏｋ度睇眼鏡，話配咁耐終於都配到啦，攪得o黎都７：ｘｘ，大家姐話支力，佢返屋企，我就自己行o左一陣，仲買o左一條邪留丸o既電話繩添！！


>>May 14, 2003 at 6:54:29 AM GMT+8

2003 年 5 月 4 日 星期日 【晴】

今日無上到堂，訓到１２點左右就起身啦！！

起身之後就做ｇｅｒｍａｎ篇作文，完全諗唔到點作，所以都有少少求其咁作o左俾佢，總之作完就算啦！！休息o左一陣之後，我就自己煮麵食啦，食完o野無耐又要去開會啦，今次開o個個係樓主會！開完會又有人衝樓喎，但係我又要去同其他樓o既樓主食宵，所以無得玩！食宵？都真係一個幾浪費金錢同埋時間o既活動呀！！仲有，我證明o左我地層樓o的樓友，係全ｈａｌｌ最大食o架！！


>>May 14, 2003 at 6:51:32 AM GMT+8

2003 年 5 月 3 日 星期六 【晴】

今日訓醒都係１２點，因為今朝我地幢樓洗樓呀，所以嘈醒o左我！起身之後食埋飯就返ｈａｌｌ啦！今日又係搭金寶湯１０３呀！！返到ｈａｌｌ諗住做下ｇｅｒｍａｎ，又做唔到，諗住做ｇｅｏｇ，做得少少又唔識做！無耐就又開會啦，又係ＩＤａｙ，好彩開o左兩個鐘o者！！而家又要趕作文啦！

>>May 14, 2003 at 6:50:09 AM GMT+8