2003 年 6 月 23 日 星期一 【晴】

出發ｌｕ！！～～～～其實心情都無乜緊張o既，係有少少失望咁o者，因為個領隊係女人o黎o架！！(個樣仲要好似我細姨添！！)我諗住係同我一間房o架啦，點知原來我地o個團４２個人，即係o岩o岩好夠分，好心佢就派個男領隊o黎啦，就算呢幾日無聊都有個靚仔望下呀嘛！！～～～最慘o既就係連團友都係o的伯伯婆婆，頂多有兩個同我差唔多年紀咋，但係好可惜都係女仔o黎o架........................

坐o左２個幾鐘頭飛機，終於到o左清邁啦......一去到，睇到個機場就已經知道，唉！！又係一個一睇就知落後就地方啦！成個機場就剩係得兩架飛機，真係同香港差好遠！！之後仲要o係機上面o係咁等佢o架接駁巴士，但係條路程係自己行仲快過佢架車o架！！入到去仲衰，o的人做o野真係慢過o的八九十歲阿婆阿伯呀！！等o左勁耐先過到去！！架車原來都係o岩o岩夠位咋，太多人啦！！之後就去一間所謂o既夜總會，o的人跳舞又係慢吞吞！！食完飯就走啦，返到酒店，同我同房o既係一個後生師奶，但係原來佢個仔已經讀中五啦！！今日，無乜特別！！

>>June 27, 2003 at 10:10:15 AM GMT+8

2003 年 6 月 22 日 星期日 【晴】

哈哈哈！！今日終於可能留o係屋企休息下啦！！！本來今晚要開ＩＤａｙ會o既，但係我咁懶，梗係以要執o野做理由而唔返去開啦！！～～～～～～所以今日全日無都無做過啦！聽日就去旅行ｌｕ，好緊張呀！！

>>June 24, 2003 at 3:11:44 AM GMT+8

2003 年 6 月 21 日 星期六 【陰】

唔！！最後一個賽馬日啦，即係話今日之後，我就要等成兩個月先可以有錢賺啦！！

今日都無乜特別，係多o的人打o黎之外，都無乜特別，不過我就計住邊個係我接o既最後一個客、同埋第十場有好多人買o左好多錢落５號馬度呀！！（但係最後呢隻係三甲不入o架！！).........同埋就係完場之後原來係要全場做過戶o架，都幾壯觀！！不過，今日俾我發現到一樣o野呀，就係原來轉o左去做賭波、係無得轉返o黎做賭馬o架！！我都係睇定o的先！！話曬賭馬個時間都o岩我地做o的呀！！～～～～～～

臨走o個時仲見到阿嬰嬰添！！(係呀！！今日仲見到o個個唯一o既新男組長添呀！！真係好靚仔o架！！好得！聽聞話好得o的師奶歡心o架，仲話佢似ｅｄｉｓｏｎ添！！）哈哈！！

>>June 23, 2003 at 4:58:26 AM GMT+8

2003 年 6 月 20 日 星期五 【晴】

今朝本來９：３０要返到開會o既，但係當然唔好傻啦，咁早喎？！我實起唔到身o架喎，所以訓到成１２：ｘｘ先起身，再打返去話俾佢聽話我唔係好舒服o羅！！(咁我係呀嘛！！)

之後就食飯，再幫二家姐剪頭髮，然後就換衫出街啦！！約o左炭炭o既，我梗係要遲到下先似樣啦！！點知一去到佢話俾我聽話佢頭先見到陳豪喎，唉，早知早o的到啦！！～～～跟住我地就去我地今日唯一個目的地－－－旅行社！！諗住去關鍵拎番o的我去旅行o既資料啦！(係呀，我到而家都仲未知到底我係去邊度o架，因為我老豆竟然話︰去到咪知去邊o的地方o羅！！俾佢激死！！)點知o個間o野o的人服務態度認真麻麻！我問佢拎泰北o既資料，竟然細細聲講話佢地無做泰北o架喎！？但係就大大張貼住"清邁"o既宣傳紙，你唔好話俾我聽你唔知清邁係o係泰北o架？？唉......拎完就走啦，不過話俾人聽旅行社不境氣都無人信啦，鬼咁多人，賺到笑就真啦！！

之後我就陪炭炭食o野啦！！跟住我地就行行行，好不無聊呀！～～～～～～～～o係我地臨走之前，仲俾我撞到兩個ｈａｌｌ友，但係同時佢地兩個都係同沙官係有關係o架，第一個係ｓｈｒｏｎ（簡稱斌妹，因為佢就係錦斌個女朋友啦！！），緊接住我又見到薛家輝喎，佢地兩個都一條友仔行街，咁攪笑o既？！

今日終於忍到手唔買o野啦！！

>>June 23, 2003 at 4:50:22 AM GMT+8

2003 年 6 月 19 日 星期四 【陰】

哇！終於上埋最後一堂ｔｒａｎｓｉｔｉｏｎ　ｃｏｕｒｓｅ啦！一返到去，阿ｈｅｒｒ　ｌｉ就播番琴日錄o既白痴o野！！睇番落去我先知原來佢地琴日個個都ＮＧo左好多次o架喎，等我仲同ｊｅｓｓｉｃａ勁練添！！睇埋我地o個個之後ｈｅｒｒ　ｌｉ問我話要唔要錄過喎，因為有一段就陽光唔夠、一段就聲錄得唔好！！咁我就梗係話唔使啦，但係點知佢話阿ｄｅｐａｒｔｍｅｎｔ　ｈｅａｄ（即係o個個腰圍係等於兩個甚至三個正常男仔o既一個德個男人呀！！)好鐘意我地兩個喎！！=.="我心諗，係鐘意我地o個段呀？定係鐘意我地兩個呀？同埋都唔知係咪佢自己亂講o既o者！！唉！！嚇死我呀！！～～～～～～

上完堂之後我就返ｈａｌｌ拎埋o的o野就同羅韻ｂ同佢個意大利文朋友（我剩係記得佢個名點讀，唔知點串？！）一齊去搭車啦，原來我地兩個都好耐無見啦！！～～～～但係好可惜佢約o左阿真去尖沙咀，我就去旺角，所以我地好快又分手啦！！之後我就同阿朋友仔一齊搭９７０，去到新世紀都未夠５：３０，所以就去先施行下先啦！！順便撞下關ｂ敏嘛！！點知都真係幾易見到佢o架喎！！諗住o係o個度行到佢收工啦，但係發現都係唔係好o岩我行o架！！所以就去o左其他地方行下等佢收工啦！！我地今日分別撞到各自o既朋友仔，佢就撞到陳凱迪，瘦o左好多呀，我仲見到佢男朋友仔添！！之後我地就去食o野，上演o左一段"以為自己唔見o左銀包記"添！！之後就諗住行去聯合行先啦，下次都係唔好跟住關ｂ敏行呀，原來佢呢個o係旺角返工o既人係唔識旺角o的路o架！！行緊o既時候我地就撞到文集夫啦，即係你地個個睇過我o的組相都話o個個係比較ｏｋo既高大男仔呀～～～～當然關ｂ敏都係咁講o既！！據我所知佢而家係無拍拖o架，所以有興趣o既朋友仔可以向我報名，等我介紹佢俾你地識啦！！哈哈！！～～～～～～～～～～～～～～～～

我地行o左勁耐呀，兩個都有收獲，返到大圍仲陪個大食o既關ｂ敏食o野添！！～～～～～～

>>June 24, 2003 at 3:13:19 AM GMT+8

2003 年 6 月 18 日 星期三 【晴】

今日因為ｇｅｒｍａｎ會拍ｖｉｄｅｏ，諗住o係ＩＤａｙo個時播俾o的薯民睇，所以我就特登遲o的先返啦！！買完o的糖水料，我先返去，點知架車又鬼咁慢喎，又塞車，不過好彩我返到去佢地仲拍緊o者！！拍完之後我就返ｈａｌｌ啦，點知撞到阿ｍａｙ喎，佢話要去交ｆｏｒｍ，我又陪埋佢先啦！之後我地就一齊返去煲糖水啦，攪得呢樣o個樣o黎都差唔多開樓會啦！！.......好支力！！

之後仲要開ＩＤａｙ．．．．．個ｌｅａｄｅｒ真係有少少不滯啦，ｄｅａｄｌｉｎｅ成幾分鐘又唔講o的提議出o黎！唉..........

>>June 23, 2003 at 5:52:37 AM GMT+8

2003 年 6 月 17 日 星期二 【晴】

今日又係上堂啦，之後又係返工啦~~~~~

不過今日拉卡o個時，有咩"ｓｔａｆｆｉｎｇ”個字喎，仲以為做錯乜o野要俾人鬧啦，原來只係轉做ＩＣ，無乜特別，剩係接多o的長途同快線ｏｒ特快投注o既電話o者！！～～～～

>>June 23, 2003 at 5:33:06 AM GMT+8

2003 年 6 月 16 日 星期一 【晴】

今朝訓o左２個幾鐘就要起身啦，因為我地返o左九樓訓，費事o的裝修工人一早o黎到見到我地訓緊啦！點知等o左成個鐘英姐先返，跟住我就同佢一齊搬o的公家o野啦，好重，好支力！！～～～～跟住就返番去７樓度訓o左一陣，然後又起身返學啦！！上完堂我都係決定返屋企訓啦，好彩落到去巴士站無耐就有車o者！但係因為我太支力啦，所以見到丘文源我都無理到佢ｌｕ～～～～～～

>>June 23, 2003 at 5:29:55 AM GMT+8

2003 年 6 月 15 日 星期日 【雨】

哇！！今朝晨早１０：ｘｘ就起身，因為諗住執埋o的公家o野同埋自己o的o野都要開始搬啦嘛！！點知一起身就俾阿英姐係咁同我講o野啦！！o野都未食就不停咁搬呀搬呀！！原來搬o野真係好徙時間o架！！搬到成１：ｘｘ先搬完自己o的o野，之後仲要幫埋佢地手搬，好彩之後ｍａｙ哥哥肥包o黎o左o者，唔係就有排搬啦！！搬到成４：ｘｘ先落去ｓｗｉｒｅ　ｃａｎ食ｔｅａ，真係好支力呀！！～～～～

食完o野我仲要同ｂｅｔｔｙ執埋o的公家o野喎！！執執下仲諗緊一陣食乜好o個陣，點知就發生o左一件我地唔想發生o既事，就係７樓間房原來另一個床位係有人o架！！仲要係一個令人聞風喪膽o既ｔｒａｃｙ．．．．．．．．唉！！攪到我地又要執過o的o野啦！！最慘就係就我地兩個今晚仲要開ｉｄａｙ會呀！！～～～好彩最後都攪得掂！！不過我同ｂｅｔｔｙ就都係返番９樓沖涼同埋訓！！

>>June 21, 2003 at 7:26:08 AM GMT+8

2003 年 6 月 14 日 星期六 【陰】

唱完通宵ｋ，返到ｈａｌｌ沖埋涼我就順便返埋屋企先訓啦，因為費事唔知訓到幾多點呀！！拎住兩大袋o野，好彩落去無耐就有１０３o者，不過好明顯真係好眼訓，因為一上到車就訓，訓到明知入隧道都仲要訓多兩下，不過都記得起身落車！返到屋企就係咁訓，訓到４：ｘｘ先起身，攪下呢樣o個樣又要返ｈａｌｌ啦，因為第二日仲諗住要返學同埋要搬o野嘛！！

>>June 21, 2003 at 7:16:06 AM GMT+8