2003 年 7 月 5 日 星期六 【晴】

之前大家姐話佢公司攪o左個本地遊，平平地，就叫我同阿媽去啦！！今朝９：３０集合，但係我地都早到o左，變o左我地等架車！！車到o左，但係都仲要等人！！.........

第一站，原來只不過係去曾大屋，無導遊，無目的咁行行行！！好曬，之後.....返上車！！第二站就係去志蓮淨苑，同之前一樣，分別就係有多少少o野睇咁o羅！！跟住，返番去大埔，去許願樹，同我想像中有o的分別，就係o的香多o的，o的煙大o的！！好無聊！！再由大埔入北區，先去流浮山附近睇過去中國，望到蛇口咁o羅！！之後就係全個行程最抵而又最好o既一個節目，就係食o野啦～～～～～入流浮山就梗係食海鮮啦，我個人其實係唔鐘意食海鮮o架，但係o係咁無聊o既情況下，已經係好好啦！！

然後我地就去o左一條不知所謂o既街，又熱、又曬、又無o野睇！！最後我地就去參觀恆香o既做餅廠，比我想像中簡陋喎，而且o的老婆餅同埋o的叉燒酥都係用手整o架！！好勁呀！臨走仲有得試食添呀，o的老婆餅熱辣辣咁，好好食呀～～～～～～

終於．．．可以坐車返屋企啦！！返屋企之前，仲同阿媽去實惠，買o左張６８．９o既"碌碌"凳添！！

>>July 7, 2003 at 5:24:47 AM GMT+8

2003 年 7 月 4 日 星期五 【晴】

遊玩o左兩日之後，今日，就梗係要o黎休息o架啦！！

>>July 7, 2003 at 4:38:47 AM GMT+8

2003 年 7 月 3 日 星期四 【晴】

．．．．我地個個食得飽飽之後呢，就出發去旺角o既新方向唱ｋ啦！！～～～～～好彩炭炭有張優惠券可以用，咁我地四個就可以俾少成舊水啦！！旺角果然係旺角呀，比起我上次去香港仔中心o個間真係多超級多人呀！！間房係超勁細啦！！

不過，今次又無上次咁，唱到最後就個個謝曬咁喎，仲越唱越起勁。我地唱唱下就好似上次咁啦，玩人地o個個《百萬ｆｕｎ》，炭炭同燮燮賭啤酒喎，咁我地就梗係要玩埋啦！！我？就梗係嬴呀燮燮啦，佢就輸o左一罐啤酒啦！！唱到人地差唔多ｃｕｔo個時，我地仲有成３張o既歌等住唱！！不過，好明顯佢都係有少少呃人o架啦，唱到未夠５：３０就ｃｕｔo左啦！！一時間就全部人走，原來真係好多人唱通宵o架！可能佢地都係放榜掛？！

由於時間尚早啦，所以我地就去o左麥當當度靜坐啦！！睇下報紙、雜誌！！燮燮一早就頂唔順啦，o係度訓！！我就唔知點解一o的都唔眼訓！！坐到咁上下，我地就出發去九龍灣啦，途中，收到ｍｉｓｓ　ｔｏo既追魂ｃａｌｌ「記得食早餐呀～～～～～～」！！搵埋阿羅韻ｂ，就去食早餐ｌｕ！！差唔多走o既時候，羅韻ｂ就接到曄曄o既電話，因為自修生８：００就知成績o架嘛！！哇，佢今年考得唔錯喎，中史竟然Ａ到喎！！勁呀！！但係另一邊廂，關ｂ敏又收到翠碧個電話，又係唔係咁好呀！！．．．．．．．攪到關ｂ敏要即係返學校啦！！第一次上去佢間學校，好攪笑！！

等o左一陣，諗住同炭炭去個廁所先啦，點知出到o黎，無一個班房見到關ｂ敏喎，原來佢已經走o左出去，仲知道成績啦！！雖然我諗呢個成績係無佢想像中咁好，但係都算唔錯啦，要入ｕo既就應該十拿九穩啦！！睇下佢想讀乜o架o者！！我地幾個之後仲等o左佢勁耐，佢先同人傾完出o黎！！

之後佢就梗係勁打電話啦！！燮燮就決定又再唔返學，選擇返屋企訓覺啦！！而我地四個，就返返沙官，諗住搵阿陸志毛啦！！當然，次次返去搵佢之前，總係會遇到一班唔係好想見、但係無奈要見o既老師們！！我地都未同陸ｓｉｒ傾到，我同羅韻ｂ就已經俾ｍｉｓｓ　ｔｏ迫o左去解答一個同學仔o既問題啦！！跟住返返去，關ｂ敏就仲諗緊點揀好，坐o係教員室門口，差唔多見曬所有o既老師︰屈ｓｉｒ、ｍｉｓｓ潘、超ｓｉｒ、ＫＫＫ、陳欽麒、ｍｓ　ｗｕ、忍者人、陳友、小明、馬太、楊楊、曾太（彈弓人）、ｍｓ顏、ｍｉｓｓ　ｃｈａｎ、ｍｉｓｓ　ｌａｍ、垃圾婆、蜥蝪陳、王徵、鍾太、最唔想見o既馮太．．．．．．．．．．仲有好多個新o黎又唔識o既老師！另外，我地又見番冗員一號阿ｎａｓｈ同埋二號阿肥仔哥哥，但係三號阿猛就見唔到啦！！諗諗下，自己都勁耐無返過o黎啦！！停車場o個幢o野都差唔多起好啦，不過攪到間學校好似好焗促咁o羅！！

傾o左好耐，我地先走，咁我地本來諗住去睇《新紮師妹２》o架嘛，點知關ｂ敏最後都係無睇到，剩番我同炭炭，仲諗住好快ｆｕｌｌ，實無曬o的靚位啦，點知仲俾我地買到我地坐開o既最後一行！！雖然我都好長時間無訓，以往o既我可能一早就要訓啦，但係今日又好勁咁無訓過喎，炭炭就ｃｈｅａｐo的，竟然o係戲院訓o左一陣喎！！講番套戲，雖然都係勉強少少o架啦，但係又真係幾攪笑o架喎！！好值得睇！！～～～～～～

睇完戲返到屋企，我沖完涼、刷埋牙就去訓啦！！諗住都訓到聽朝啦，點知訓到咁上下就有電話響啦，我都好醒目咁o係我訓之前將屋企同埋自己個電話放o左o係我側邊，但係當個人好支力o個時就真係分唔出係邊個電話響！！我明明聽到音樂聲，但係就走去拎個屋企電話聽喎！！..........原來只不過係阿ｒｉｃ打o黎問我做乜唔去，我一早就話o左我今日唔得o架啦，跟住仲話我點做樓主喎，原因就係今日無一個女出席呢個為阿媽攪o既生日會！！咁其他人我控制唔到o架！！聽完，睇番個電話，原來我之前係同阿媽傾過３３秒o架，但係我一o的印象都無，仲要之後阿媽再打o黎，我都聽唔到！！之後１０：ｘｘ就收到關ｂ敏個電話，然後再收到燮燮個電話，竟然問我有邊個讀ｅｃｏｎ同ｐａ喎？！大佬呀，我呢兩科都無讀o架嘛，你問我？！仲要問佢地考成點喎！！唉！！..........就係咁樣用o左個腦，就決定起身啦！！個人都精神曬o羅！！


>>July 7, 2003 at 4:35:04 AM GMT+8

2003 年 7 月 2 日 星期三 【晴】

隔o左好耐都無陪阿媽行山啦，今朝都好唔想起身，但係最後都係叫自己起，行完都成８：ｘｘ啦！！沖完涼就訓，諗住訓耐o的，咁今晚先可以玩得耐o的o架嘛！！點知就俾阿媽同阿哥o既對話嘈醒o左，再俾關詩敏o既任務整到我精神曬，於是決定下晝先再訓！！

一路聽森美小儀，雖然唔係好眼訓，都迫自己訓o左一陣，但係好可惜，訓到未夠５點，又俾燮燮個電話嘈醒o左啦.............=.="之後就決定起身洗頭換衫啦！！攪下攪下，原來都差唔多夠鐘啦喎，就出門口啦！！去到新城市，我係最早到o既，之後就陪炭炭去訂蛋糕啦！！無耐關詩敏都o黎o左ｌｕ！！我地去o左旅行街，因為我老豆又想去旅行啦！！點知俾我地o係星晨度見到何嘉敏同張均平喎，佢地又係去旅行！跟住我地就去食o野啦，今次食打邊爐呀！！食食下阿燮燮又o黎埋，食到好飽，食完都過o左１２點ｌｕ！！我地就繼續出發去我地下一個目的地啦．．．．．．．

>>July 5, 2003 at 7:56:47 AM GMT+8

2003 年 7 月 1 日 星期二 【晴】

唔知係咪寫慣o左呢個日記呢，轉o左新日記網好似寫得唔慣咁喎，可能係用開呢款，用o個o的多花臣o的o既好似都唔係咁好！！雖然呢個日記有時間限制，但係都係幾個鐘唔寫得o者，我諗我都係用番呢個o黎寫日記好o的啦！！各位有心人，麻煩你地啦！！要追蹤我o既行程，就要繼續支持呢個日記啦！！～～～～～～

之前造成各位任何不便，敬請原諒！！／＼＿＿＿＿＿＿＿＿＿／＼

>>July 1, 2003 at 5:25:23 PM GMT+8

2003 年 6 月 30 日 星期一 【晴】

話說今日係七月一日，係香港回雞六年o既大日子，同時，亦都係繼八九民運之後最盛大o既一次運行活動舉行o既大日子！！可惜..............我無去參加！！

本來諗住琴晚好夜先訓，今朝應該會有排訓o架啦！！點知就係訓唔著，仲要晨咁早９：ｘｘ就起o左身啦！！為免一陣同遊行人士撞到，我就決定都係返屋企先！！當然啦，我呢o的，雖然無人陪我去遊行，但係我都係著o左黑色衫o黎表示我唔支持２３條o架！！不過，今日個太陽就真係好猛呀，就算我晨咁早走，都覺得勁熱呀！！～～～～～

返到屋企無耐，就收到炭炭個電話啦，話佢有免費飛睇戲喎！！咁呢o的咁正o既o野我梗係會去啦，因為近排都無乜戲睇，所以我地就決定睇番上o左好耐o既《衰鬼上帝》啦！！排隊o個度勁多人呀！！排完隊我地都差唔多入場ｌｕ！！買o左少少o野之後我地就入去啦，哇！！好涼爽呀！！套戲都係無想像中咁好笑，都有少少笑位o既，不過佢帶出o黎o既訊息都好正面，唔錯啦！！之後我地行多一陣就走啦！

返到屋企我先知原來今日成五十萬人上街呀！！阿媽就同我講︰阿女，總之今日我地都去啦！！......................

>>July 2, 2003 at 6:50:27 AM GMT+8

2003 年 6 月 30 日 星期一 【晴】

哈哈！！各位，我個日記已經轉o左地址啦，各位有心人，可以去以下個網址o架！！

http://www.i-nix.net/diary/?id=3994

>>July 1, 2003 at 4:27:19 AM GMT+8

2003 年 6 月 26 日 星期四 【陰】

哈哈哈！！終於可以返香港啦！！好開心呀！！唔知係咪開心得滯，琴晚聽完電話之後，竟然唔記得放番個電話喎，攪到今朝早唔知醒，好彩今日唔趕時間o者！！刷o左牙，食埋早餐先攪埋o的行李，之後就出機場啦，好彩阿領隊一早出o左去攪我地o的證件o者，唔係又要攪成個鐘先得啦！！上到飛機，好開心！！

飛o左成三個鐘先到，仲以為香港會好天過泰國啦，點知仲差！不過都無影響到我返到香港o既興奮o既！！～～～～～～～～～～

>>June 27, 2003 at 10:46:57 AM GMT+8

2003 年 6 月 25 日 星期三 【陰】

今日算係最好陽光o既一日啦，因為o黎o左咁多日，都係陰陰地，無陽光！阿媽就話咁o既天氣係最好，但係我就覺得係好，不過我點話俾人聽我去過泰國呀？！

今日去清萊，即係泰國邊境，所以今朝係５：３０ｍｏｒｎｉｎｇ　ｃａｌｌo架！但係要坐好耐車先到，我地先o係個溫泉度停一停，無乜特別，係得３個ｈｏｌｅｓ，有熱水，其他乜都無！！之後我地就再出發，終於去到有「黃金三角」之稱o既金三角啦！！我地先坐一艘好簡陋o既船仔，去到三幅地，睇到曬泰國、遼國、緬甸三個國家(但係都係以黃色o既河水為主)！！跟住我地就去埋遼國，真係好荒蕪！！係得幾間賣紀念品o既舖頭！！食完飯就去睇苗族人啦！！其實呢o的o野o係中國就真係大把，不過佢講到有齊曬︰長頸、大耳"聾"、黑牙，所以就去睇下啦！都真係好恐怖呀！！～～～～～食完晚飯，就返清邁啦，因為今次係不停站o既路程，所以要坐成２個幾鐘！！又因為o個度o的路未有路燈，所以阿司機要睇清楚條山路就要熄曬所有燈先得，佢一熄燈，哇！！真係好正呀，因為有o個種o係非洲睇野生動物o個種ｆｅｅｌ～～～呀！！一路睇住佢落山，一路望住隔離就係好斜o既斜坡，真係又驚又正呀！！我覺得呢三個行程當中，最好最正就係呢個特別節目啦！！我諗我地上o個個山真係好高呀，因為我地落山都用o左成個鐘啦！！(但係最衰就係有幾個人，o係人地個個訓緊覺o個時就大大聲講o野，一o的都唔ｃｏｎｓｉｄｅｒａｔｅ！！）

返到去酒店都成１０：ｘｘ啦！！好支力！！～～～～～～諗起聽日返香港就好開心啦！！

>>June 27, 2003 at 10:40:58 AM GMT+8

2003 年 6 月 24 日 星期二 【陰】

今朝o個邊時間o既６：３０ｍｏｒｎｉｎｇ　ｃａｌｌ，好眼訓！！食完早餐就出發，去雙龍寺！都係傳統o既泰國寺廟啦！！跟住就開始一個旅行團必備o既節目，就係去買o野啦！！本來諗住無收穫o既，但係去到一間銀器廠度，阿媽叫我試下一隻銀手鐲喎，我覺得唔使咁貴，但係阿媽又話唔錯，講講下又勁多人走過o黎睇喎，又話好好睇呀！！講講下，我都好似無得唔買咁啦！！睇o左幾間o野之後，就去食飯啦！！食完飯，就去睇蘭花，跟住又去睇大象，好臭呀～～～～～～，但係就真係好近距離可以睇到o既，最終都係想呃錢o者！

睇完，食飯，就去睇人妖啦！！本來我就話唔睇o架啦，但係個導遊又話好好睇(原因就係佢同個老闆好熟.......)我覺得ｏｋ啦，但係唔值o羅！！完場之後仲可以同班人妖影相添！！好嘔心！！

>>June 27, 2003 at 10:21:05 AM GMT+8