2003 年 5 月 31 日 星期六 【晴】

今日~~好早起身啦!點解~~哈哈!俾人嘈醒lor!晨咁早就叫人出街幫拖搬野啦!頂呀~~激死人啦!仲諗住琴晚可以夜訓啦~~今日我唔訓餐包都唔得啦!點知.....激死啦!想好好訓一覺都咁辛苦既~~

起左身啦~~都冇計啦!做咩?上下網啦~~打陣機啦!又係咁啦~~我d生活都好悶下啦!玩到咁上下5:30pm就出門口啦!去邊?之唔係踢波lor~~哈哈!又係黃記呀~~我呢排真係成日都踢嫁wor!我自己都覺得係呀~~自己都冇曬符啦!哈哈~~ 今日得好少人咋~~所以我就叫左大雄江少肥鵬阿姑佢地過黎一齊踢啦!冇計啦~~鬼叫自己既隊員好多都要考試溫書咩!唉.....算啦!嬲都冇用啦~~ 今日我.....好唔得呀!好唔掂呀~~水準之下下下!或者係我呢排多左野諗啦!又唔太開心啦~~so.....踢左兩個鍾都唔太上力既!唉.....之前仲諗住搵踢波黎放鬆下tim!唉......我地踢到8點幾就走人啦!我同大雄佢地行左出去呀~~呼!一路行就一路水啦!我自己都唔太想講野啦~~唉.....

返到屋企.....白白同埋女朋友仔傾電話打埋日記都要覺啦!近接聽日既working la !唉.....如果可以唔洗返就好啦!唔知點解突然之間我....驚左返工呀!應該話係驚左.....返總行至真啦!

唉......琴晚我發左個勁得人驚既夢呀!好嚇人~~我好驚呀!家下我仲係記得嫁~~攪到我....唔太想訓覺tim!

或者係......呢排太多野發生啦!我真係好唔開心啦!唉.....

>>June 1, 2003 at 5:31:27 PM GMT+8

2003 年 5 月 30 日 星期五 【晴】

今日我放假呀~~yeah!第二日啦!爽曬呀~~所以琴晚都好夜先訓呀!更住今日緊係好遲先起身嫁啦~~right?訓到12點度就起左身啦!都算早嫁啦~~或者都好期待今日既來臨啦!因為.....大件事呀!約左成大班老同學一齊出黎食餐飯聚聚舊咁啦!heeee~~

起左身睇左報紙,打左陣機.....白白就出街啦!我呢就早左些少出街既自己~~因為要上去大久保度落些少訂咁wor!是但啦~~之不過出到去其實都差唔多時候夠鍾食野嫁啦!哈哈~~ 平時同佢地班野出得街多啦~~知佢地實遲到既~~所以今日我突登約佢地早半個鍾呀!kakaak~~開頭得我B仔wingwing阿華....之後就越來越多啦!而我就越來越都開心啦!因為可以見返d朋友仔~~ 之後人齊啦~~我地成班攻上去lor!一行15人先~~阿立遲d自己黎!哈哈~~我多人呀!因為我book左間大房''搭搭mi''呀~~好日本feel呀!我見大家都好開心~~我都放心啦!之後我地就發揮我地既獸性啦!叫野食~~勁多呀!叫左好多呀~~多到食唔曬啦! 另外阿華仔因為今個月生日所以送左個cake同兩支檳俾我地啦!哈哈~~真開心啦!爽呀!我地個個都好開心~~不停食野!一路說笑就一路食野!真係.....攪笑呀!食完野之後埋單啦!每人$98啦~~都唔太貴啦!不過我諗都冇計啦!難得一次~~right?

食完野之後其實我都個個都唔知去邊好做咩好嫁?........諗左陣結果去左維園大家坐低玩下吹下水啦!當我地成班行去既時候我望後去~~見到佢地成大班幾似黑社會呀!真係.....又多人著黑蚜wor!真係頂癮呀!我同wingwing去左buy老啤呀!因為要黎玩killer呀!爽呀~~因為有d人都唔太識玩既~~所以開頭大家都唔知做緊乜既?但之後就越來越好玩好攪野啦! 你都知我地成班傻嫁啦~~玩呢d野輸左緊係要罰嫁啦!罰咩?哈哈~~真係乜都有啦!總之大家開心就得啦!玩到咁上下阿tim阿wing阿son都走人先啦!呼~~走左兩個tim!算啦~~我地都照玩呀!雖然少左d人不過no problem la !哈哈~~

之後我地去左行石春路呀!過左陣都係玩第二d啦~~就係.....並澎嘩啦!哈哈~~因為有好多人都唔太識玩所以開頭都係唔知玩緊乜既?之後都係咁啦~~ok 啦!哈哈~~最攪野既係我輸左要同個女仔影張相同埋阿立問果個女仔叫咩名lor!真係.....低B嫁!之後我地又攪埋d傻仔動作呀!又唱歌~~又扮人snake呀!哈哈~~又奇洛李維倫wor!真係大白痴啦!不過我地成班都玩得好開心呀~~哈哈!

夜啦~~我要送wingwing返屋企啦!果陣都成12:15am啦!而我自己就搭MTR啦!死火~~出斬唔見左張ticket呀!點算~~哈哈!同車長講啦~~好彩都俾我出去!之後我返到屋企白白啦~~同女朋友仔傾左陣電話啦!就都覺覺啦~~呼.....

今日.....真係好開心呀!成大班人先好玩嫁ma!同佢地玩真係唔同feel嫁~~開心d嫁!雖然有d人都係冇黎~~有d人又早走左!不過唔打緊啦!出左黎食飯飯都好開心嫁啦~~希望下次大家都仲有機會出黎啦!

今日一個個既笑聲片段都已經留在我既心裡啦!多謝你地......

>>May 31, 2003 at 6:24:36 PM GMT+8

2003 年 5 月 29 日 星期四 【晴】

呼~~終於有假放啦!仲要係3日咁多多tim呀~~heee!琴晚同wingwing傾左好耐電話呀!傾到成2點幾都有呀!所以今日都一訓就訓到成1點啦~~之前仲諗住一早起物睇NBA牛仔對馬仔tim!不過都係有心冇力呀!算啦~~起身第一時間唔係刷牙洗面呀!反而係打俾女朋友仔先呀~~kkaakk!!我要好好珍惜呢幾日可以放假成日搵女朋友仔至得!

我地都傾左成個鍾啦~~之後我刷牙洗面啦!睇下報紙新聞啦~~又打左陣CS啦!呼....而女朋友仔就要溫書書呀!所以唔好阻住佢都係好d啦! 之後.....其實今日放假又出左糧我好想同女朋友仔街街嫁~~不過女朋友仔話唔出wor!唔想出呀~~唉....失望呀!算啦~~留番聽日先啦! 所以今日成日afternoon都係係屋企打下機呀~~睇下website呀!咁啦~~都冇咩好做啦!仲諗住夜晚可以打下波啦~~點知.....失望呀!算啦~~之後我打電話去book位先呀!book咩?之唔係聽日既聚餐lor~~哈哈!好難得嫁!我地好辛苦先至可以坐定定食餐飯咋~~不過今次攪手唔係我呀!係阿曾既~~不過因為佢係大佬呀!我做細既緊係....call人做埋d細務嫁啦!哈哈~~ 計計下都有成15個人去呀~~都唔好話唔驚!我都係第一次咁成功約到咁多人仔咋~~呼!不過.....點都好啦!希望聽日見到大家會開開心心啦! 嘩~~原來今晚有兩出戲都係大結局嫁bor~~凡間同埋十萬噸呀!之不過我都係冇睇曬全部既!睇左些少啦~~因為都冇太在意追開!睇完之後就同小朋友落街掃野食啦~~嘩出血呀!買左好多野呀!不過.....我真係好耐冇入過百佳啦!哈哈~~

返到屋企.....白白先!更住打左陣CS之後再同wingwing打左幾鋪sina麻雀tim呀!,到最後緊係傾埋電話啦!傾完果陣都成3點啦~~嘩!哈哈~~或者咁夜啦......wingwing佢訓著左呀!佢成日都係咁既~~一夜呢佢就會覺左去嫁啦!如果佢一訓左就死啦!大件事啦~~因為好難先可以叫番醒佢嫁!......都唔係知好嬲定好笑啦!收線又唔係唔收又唔係...結果不停咁叫佢起身啦為有!哈哈~~sorry ar !女朋友仔可能我叫醒妳既語氣會過火果頭.....sorry ar !唔好嬲倫倫呀!下次眼仔訓就出聲啦~~ok ?

特別報告.....
歌影視大紅人---古仔出左新碟啦!
主打:Mr.Cool
請各位多多支持.....

>>May 30, 2003 at 7:04:52 PM GMT+8

2003 年 5 月 28 日 星期三 【晴】

juventus......琴晚佢係歐聯決賽輸左啦!我好唔開心呀~~我支q仲佢成晚竟然......我著埋件老祖波衫都唔掂!真係.....喊呀!激死呀~~點解會咁嫁!冇理由嫁~~仲諗住兩冠王啦!家下只係得意大利聯賽冠軍咋! 真係接受唔到呀我~~我當堂都為左佢地流左幾滴淚啦!佢地真係好可憐嫁~~亞軍真係.....當亞軍令獎時會經過個歐聯冠軍獎坐呀!呢下先至係最可憐呀!因為......高佢獎杯並唔係自己,自己只係擦身而過既過路人! 我係電視見到佢地咁我都.....身同感受啦!而且有某幾個更係第二次嫁啦!唉......打左成年都係唔得!只係個亞軍....可惜可惜!呼~~我見到佢地抱頭痛哭個樣真係......我都喊埋一份啦! 點解迪達咁奸走出咁多救12碼?點解佢救左咁多12碼?點解干地個頭除唔入?點解查仔/達哥/路路射唔入d球12碼?點解呀~~真係點解呀.....我好唔開心呀!祖記....

因為琴晚一戰今日當我起身既時候如果係問我姓乜既話我諗我自己都唔記得左啦!哈哈~~真係好累呀!又眼訓又謝曬唔開心bor!叫我點攪呀?最衰真係要返工呀!如果唔係.....不過最重始終係返老總呀!如果唔係....都可以射下波呀!唉..... 返到公司成個人真係2003暈遊太空咁啦!都唔知自己想做乜?冇黎心機又眼訓bor~~真係......想好好咁訓訓呀!不過.....唉!冇計啦!如果係CB既話都可以扮病唔返工呀!都可以訓下呀~~都唔洗咁辛苦呀!唉......直到lunch啦!我等左好耐啦~~因為可以澎澎聲食完個飯之後就去訓陣啦!點知.....阿rockie仔又搵我吹水bor~~本來可以訓成半個鍾變做得番成5分鐘咋.....我好眼訓呀!好累呀~~救命呀! 如果俾著以前返學既話真係唔洗講咁多野啦!一返到去同班波友吹左輪之後就要同阿周生吹啦!哈哈~~直到放學都仲得呀!kakaak~~~

放工啦~~我等到啦!我等左成日既一刻啦~~點解我咁期待?好簡單因為我要返屋企訓覺覺呀!我要訓死呀~~同埋返埋今日又可以放假3日啦!雖然唔係多之不過.....都好嫁啦!我終於挨完啦!有得俾我抖下先啦~~yeah! 同埋又有個好消息呀~~就係聽日出老薪啦!嘩~~好窮呀!等左成個月啦~~辛苦左成個月啦!之不過......諗返又計下都唔知得番幾多啦!唉.....係車車度我即訓左啦~!~!返到屋企又即訓左啦!起身一陣食個飯又即訓啦~~實在太好啦!有得訓!更住.....咁上下就起番身lor~~因為我都未白白呀!又未搵女朋友仔bor~~同埋又要約人食飯呢!所以....起左身啦!gd~~順便打埋今日個日記啦!heee~~~

>>May 29, 2003 at 3:33:18 PM GMT+8

2003 年 5 月 27 日 星期二 【晴】

呢排都唔知仲乜鬼~~訓覺覺都訓得好舒服嫁bor~~heeee!或者個人累啦~~所以訓都訓得爽d啦!起身~~刷牙洗面~~慢慢習慣家下既生活啦!係車車度成日都合埋眼係訓訓先既~~呼! 我今日發現我日日做既動作都真係差唔多嫁bor!哈哈~~返到公司.....開頭都冇咩野做既!之不過突然多左幾多野做呀~~又要做澳洲簽証又要影印又要計數......真係要命啦!呼~~12點啦!終於可以累累啦!可以冇咁辛苦啦~~kakakak! lunch既時候......阿rockie上左黎呀!搵人食飯呀~~哈哈!今朝跟佢d booking都死人啦!好死嫁~~成日俾人點黎做野.....我個位真係越來越唔甘心啦!lunch之後阿Dicky豬叫我做個refund booking wor!頂呀~~我邊識呀!呢個都冇人教過我既~~或者因為我唔識啦!Dicky就係阿Rockie面前講左兩句啦~~阿Rockie就同我講番啦!我聽到都好唔開心嫁~~死嫁!我明明唔識嫁啦~~都冇計嫁!唔係話我fa~~搵位入我! 仲等我成日都幫佢做呢樣果樣tim!哼.....激死呀!不過....都係咁嫁啦!冇聲出可以點呀?right?放左工.....大雄黎左接我呀!佢話想睇下我點wor!明白嫁啦~~不過算啦!家下既我就真係.....已經跌落谷底嫁啦!成日諗野.....返工又好唔開心bor!又大壓力.....真係可以點呢? 撐埋佢等個市好返呀?定.....點呢?

同大雄吹下水咁啦~~行左陣啦!咩都講一餐啦!佢就好啦~~有錢....家下萬寧做特價呀!綠茶都只係$5咋~~真係呀!大雄佢一買就買左10支啦!嘩....傻嫁!不過totel都係$50姐!都抵嫁!如果我有錢我都會咁啦!哈哈~~今時唔同往日啦! 我仲走埋去check下價tim呀!因為星期六同班老中既人仔一齊出黎聚聚呀!結果.....$100有找呀!信我啦~~包好味包開心包平呀!哈哈~~

走人啦.....返到屋企唔想講野呀!係度不停咁聽海闊天空呀同埋追呀! 呼~~on左9之不過都冇現形呀!sorry ar ~~女朋友仔要妳擔心~~冇搵到妳!係度打埋日記就現形lor~~哈哈!

呀~~今晚有場必睇既波呀~~就係歐聯決賽啦!祖記大戰AC呀~~唔知點呢今晚!我老死都睇呀~~祖記我必定支持妳嫁!Alan支持妳呀!

>>May 28, 2003 at 2:03:10 PM GMT+8

2003 年 5 月 26 日 星期一 【陰】

今日都係咁啦~~或者呢排成日掛住攪隊波既野啦!所以成日丈3諗野既~~一起身好累呀!唔知仲乜鬼呢?唉.....返到公司都冇黎精神既~~死死氣咁呀!呼~~真係!算啦~~ 返到去都係咁嫁啦~~唔洗我多講啦?right?直到lunch既時候聽到個消息啦~~就係''開會''啦!幾突然呀!我都嚇左一野呀!唔係fa?仲咩野呀?又炒人~~我真係驚驚地tim! 之後個電話就不停響啦~~因為個個都打黎問我仲咩野開會既?點解呀?炒人呀?唉.....我都想知呀! 直到6點半就知啦!當各位都返曬黎既時候.....有種特別既feeling呀!唔知仲乜啦~~或者我地咁多個同事耐冇見啦!唉....都唔知點咁既!另外見佢地個個都係出面分行返黎既!我就諗番起以前我都係好似佢地咁啦......我想係分行呀! 今日見到好耐冇見既Zandy,羊仔,Tori....好多好多!不過佢地都好可憐嫁!本來放緊假都要突然走返黎~~真可惜呀!kakka~~而我...同阿rockie一齊坐呀!不過我係總行都聽到d嫁啦~~都係果樣啦!唔炒人咪no pay lor!唉.....成10日呀!點算好呀?真係......冇曬錢啦! 另外仲派左新既時間表呀!下個月既~~我下個月好攪野嫁!返一日放一日嫁!哈哈~~我諗下個月成日都可以見到女朋友仔嫁啦!又或者可以成日踢波嫁啦~~哈哈!

今日.....終於有認命啦!始終都係冇奇蹟!要係總行~~唉!好唔開心tim!不過可以點呀~~我今日當我聽到同我一樣既clerk講d客既時候.....我個心都好唔知點咁啦!唉....家下!不過有樣好既~~就係星期六返半日既姐~~哈哈!可以踢波呀!另外放死係星期日假啦~~可以同女朋友仔街街啦!right ?不過點都好啦~~接受現實啦!

唔開心又可以點呀.....

>>May 27, 2003 at 4:10:55 PM GMT+8

2003 年 5 月 25 日 星期日 【晴】

今日係我終於發奮既第一天!有d緊張tim~~因為唔知我既計劃實唔實行得到呢?因為我家下呢個plan真係好有風險嫁!---我會接受係總行做野既命運,我會好好利用係總行既生活,我要係總行度學到更多野~~收更多野料! 雖然我家下係總行做既野只係好簡單好無聊!之但係我會利用呢段日子黎增進自己既料子~~我要其他人都跌曬眼鏡呀! 哈哈~~係2唔係好似d大魔王呢?講d野好似要征服全地球咁~~kaakak!!

返到公司.....清Q,影印,收機票,寫簿仔~~係咁多啦!之後都唔知做咩好啦~~睇下d fare list咁啦~~其實要我睇果d機票價錢細則係我最唔得果樣黎嫁~~所以我真係要好好利用家下得閒既日子黎攪攪佢啦!ok? lunch時間啦~~呢幾日我都係帶飯,今日都唔例外!食完又要做啦~~咁上下又係冇野做啦!又睇啦為有....登登登登!6:00pm啦~~又夠鍾啦~~係時候走人啦!今日女朋友仔黎左接我呀!係我自從過左總行第一次既接放工呀~~哈哈!今日當我見到佢第一眼既時候真係.....勁靚呀!我都暈得一陣陣呀!點解我個wingwing又索左既?哈哈~~ 女朋友仔就好啦~~返埋今日就放假啦!而且今日佢仲搵到份工仔呀!都好嫁啦~~放心啦!女朋友仔妳實做得黎既~~慢慢啦!ok?唔好咁驚驚啦~~有倫倫係度呀! 之後我地食左個M仔餐更住再走去食左10雞牛什呀!爽呀~~真係呀!之後行左觶就送wingwing過去啦!之不過我地冇咁快返屋企住!去左打幾鋪機啦~~之後仲去左食華記呀!真係呀~~琴日又食今日又食既!冇曬符啦~~真係熟客仔啦我地兩個!之後食完就真係返屋企啦!

今日我好累呀~~係車車度訓著左呀!放心冇遲落車車呀~~返到屋企白白打日記同女朋友仔傾左陣電話都覺覺啦!呼......

>>May 26, 2003 at 3:54:41 PM GMT+8

2003 年 5 月 24 日 星期六 【雨】

嘩~~琴日踢波踢到我呀......累到P曬啦!累到我呀~~所以琴晚睇皇馬vs華倫都好辛苦呀!其實琴晚開始成身都好累嫁啦~~周身痛咁啦!所以今日都諗住訓耐d嫁啦~~but......wingwing過左黎呀!所以12點就起左身啦!佢一黎就睇now.com既shin既採訪啦!而我睇左NBA呀~~嘩!今年第一次睇咋~~之但係睇都係睇左5分鐘咋!哈哈~~網隊真勁呀!4-0直win呀!

之後我地都訓左一陣先出街街啦!我地去左aberdeen既''謝記''食個面先!真好味呀~~之後我地就出去啦!第一站係CB呀!嘩~~今日又係鬼死咁多人既?我諗都因為''SAS''少左冇咁勁所以d人家下開始出動啦!哈哈~~都好既!家下睇下條街多左人都多左d人氣啦!迫就迫左d之但係好事黎既! 我地先去左星晨呀!因為我要拎番d野呀~~另外我仲收到個消息.....我下個月大有機會留係總行呀!唔應該咁講~~應該係以後.....聽左之後都好失望!不過今日放假同女朋友仔街街就應該開心先真既!heee~~

更住我地去左維園睇地攤呀!都冇咩野睇咁既~~更住我地去睇show呀!見到shin,鄧健宏,咩野陳嬅同黃容wor!嘩~~阿宏仔佢唱Live真係.....勁呀!勁好聽呀!幾爽呀!之後另外果兩個乜水都唱得幾好呀~~最後既shin啦!阿wing見到開心到佢呀!因為有又南呀!哈哈~~之後仲問shin拎簽名tim呀!之但係又南好串呀~~簽唔到反而天佑就簽到bor!哈哈~~其他既shin fans傻傻地嫁!問shin記唔記得我呀!又南我好掛住妳呀~~天佑我好鍾意你呀!哈哈~~真係傻嫁!

之後就落雨雨啦~~我地去左皇室,宜家,東角尺,時代就返屋企啦!雨雨濕濕唔想行呀~~更住大雄打黎話出去食飯wor!我呀~~事但啦!之但係.....我知女朋友仔唔係咁開心既!因為我今日應該陪佢街街既~~點知.....夜d要陪好朋友!sorry ar~~wingwing!唔好嬲倫倫啦! 之後我地去左華記食面呀~~食食下仲見到外母大人wor!嘩~~嚇死啦!傾左陣計仔咁啦~~之後走既時候就大件事啦!哈哈~~女朋友仔其實我好心痛嫁!咁就冇左.....算啦不過!請左陫母大人食飯飯呀~~我諗我個外母政策有計wor!kakaka~~遲下等有錢要請曬全部呀!哈哈~~

走啦~~出去會埋大雄佢地先!我地去左飲茶茶呀!好耐都冇茶茶啦!好開心呀~~之但係.....開頭我地個個都唔係咁開心咁既~~因為.....我地班兄弟自己先知啦!算啦~~唉.....嬲唔落既!鬼叫係兄弟咩!我知嫁啦~~大家心照啦!或者我呢排發生太多事啦~~所以明白嫁!我知你地想我好~~之但係我都唔知可以點做啦!不過多謝你地先啦!ok?更住越講越得啦~~咁先係我地嫁ma!哈哈~~ok?咁上下都要走人啦~~聽日要返工呀!ok?

返到屋企同女朋友仔傾左幾句就覺啦~~因為我知佢累累嫁啦!所以.....早d覺啦!聽日辛苦啦!之後我都白白啦~~打埋日記都覺啦!我要迎接聽日呀!聽日我要努力~~try again!我已經諗通啦~~唔可以咁嫁啦!我要比心機呀~~

yo~~壓力!洗乜驚呀~~
壓力又如何!

女朋友仔我知妳呢排都因為我而努心努力嫁啦!sorry ar!我識諗嫁啦~~有時可能會唔太開心sorry ar ~~我知點做嫁啦!妳唔好咁擔心我啦~~ok ?多謝曬呀~~有妳呢個靚靚女朋友仔真係.....我愛妳呀!heee~~

>>May 25, 2003 at 4:50:05 PM GMT+8

2003 年 5 月 23 日 星期五 【晴】



今日要返工呀!返銅記呀~~爽曬呀!好耐冇見啦~~銅鑼灣!我愛妳呀~~heeee!今日我返早呀!所以朝早冇人得我自己一個咋!呼~~都慣左嫁啦!家下冇話驚定唔定嫁啦!hee~~不過.....可惜呀! 早上我冇乜野做既~~幫下手放返好d野咁啦!幫下同事跟跟個booking咁啦!就係咁過左一朝啦!另外我仲可以on9on9呀!睇下報紙先~~kakaak!爽呀!真係''始終都係CB好呀''嘩~~係上面真係死人嫁! 12點阿carol返左黎啦!we are long time no see la !呼~~佢索左呀!電左髮呀!都真係幾靚嫁bor!哈哈~~之後我地吹下水咁啦!其實唔係冇客既!之不過大多數都係tours果邊既姐!所以....有d灰嫁!不過由佢啦! 其實琴日同今日我都睇到多左客嫁!之不過大多數既客家下都係報團先既姐!同埋大多都係格下價先既姐!所以.....遲下會好返嫁啦!不過今日我同carol真係好懶呀!電話響都費事聽呀!哈哈~~都唔係咁想做啦! 有位同事講得岩嫁~~放左隻咁耐放到個人都冇咩心機做野!哈哈~~公司真係!仲話下個月放多2 week no pay tim ar !真係.....唉!都唔明公司點Q諗嫁!不過算啦~~

嘩~~話咁快就夜工啦!今日放左工唔係同wingwing街街呀!反而係去左踢波波呀!kekeke~~今日一去到就好多人下啦!好彩我地醒目book左場姐!kakak~~第一場係同d唔識既人踢既~~之後我地自己友玩番lor! 今日有好耐冇見既華仔同周傑呀~~爽呀!分隊啦.....嘩自己分左!我地自己有波衫既一隊lor!哈哈~~問頭我都係諗要挨打嫁啦!點之...... 我地今日好西利呀!由其係中場上曬身呀~~好勁呀!打穩守突擊呀!勁呀~~入左好多波呀!哈哈~~今日真係踢得好爽呀!我地果邊個個都踢得''好''呀! 好開心呀~~所以今日我都唔識累啦!華仔都話我傻嫁Alan你~~哈哈!老實講句呀!今日咁人齊咁多人真係好開心嫁~~我呢個隊長都冇令你地失望呀!如果我都唔得唔掂不如死左去啦!我要出更多力嫁~~ 希望下次踢既時候都係咁爽咁正啦~~i like tiis time ar !我有助攻4個入波2個!哈哈~~

>>May 24, 2003 at 5:17:37 PM GMT+8

2003 年 5 月 22 日 星期四 【晴】

唔知仲乜鬼今日幾好精神bor~~哈哈!一早起身刷牙啦洗面啦!仲買左個雞尾包食tim!heee~~費事餓餓呀!今日返到公司精神係好左既.....之不過始終都係咁大壓力!冇黎心機咁啦~~好掛住銅鑼灣呀!如果有得我諗~~我會諗跑數係CB啦!唉...... 今日我冒住生命危險打俾女朋友仔呀~~係唔係好西利呀?hee~~~~又係咁啦!影下印做下接線生~~呼..... lunch既時候帶左飯既~~唉....由早到lunch我都好掛住以前既日子呀~~食完lunch又影印啦!呀~~點算!人地其他行都打電話黎問候下我~~呼~~算啦!面對現實吧啦! 不過有個壞消息我聽到呀~~就係如冇意外下個月會放兩星期no pay啦又~~另外.....我長註灣仔老總都差不多已成事實啦......唉! 我做完曬野啦~~死火啦!咁點算好呢?坐係度冇野做?唔得嫁bor~~實俾人叉啦!唉.....真係!冇野攪要搵野攪啦~~收左工我要落一落CB分行呀!仲咩?拾番d野上總行lor~~ 一返到去成個人精神呀~~好掛住CB呀!我的家呀~~嘩~~第一眼見到CB就幾鬼死亂呀!班野都唔知做咩黎既~~唉!又突然多左客wor!痴線嫁~~結果我出左聲呀!sell左幾個客咁lor!之不過....好爽呀!呢種感覺真係正呀!i like this ar !heee~~~ 唉.....之後搭車車走啦~~上左車見到新仔呀!嘩~~佢肥左呀!吹左陣水咁啦~~返到屋企即飯飯lor!餓到pk呀~~之但係....食唔飽呀!唉.....算啦!白白埋就打日記啦~~

家下係總行成日都係咁都唔知點死啦!再係咁我會.....唉!家下返工返到咁攪到個人都好閔好累~~好唔願出聲啦! 我成日係度諗點解要咁~~我好唔甘心呀!係上面得個坐字,影印,接線.....唉!可以點呀? 呼~~個老細坐係我格黎....攪到我做野都鬼死咁大壓力啦!做錯左又驚唔做又驚.... 只係兩日咋.....我成個人已經好累啦!

呼~~聽日要返工呀!之不過返既地方係CB呀~~我老地頭呀!哈哈~~都好d!唔洗死死氣咁~~ 聽日放左工仲有得踢波tim呀!爽呀~~之但係.....唉!

>>May 23, 2003 at 2:41:46 PM GMT+8