2003 年 7 月 9 日 星期三 【晴】

點解又係咁既?明知今日放假嫁啦~~點解琴晚會咁早就走去訓覺嫁??哎呀~~浪費曬啦!琴晚我應該要打機打夜d......o my got!唉.....或者呢排個人早訓左習慣左啦!咁都好既~~起碼早睡早起身體好呀!哈哈~~之但係今日我都唔早起身啦!12點先彈起身~~如果唔係聽電話真係訓~訓~訓~呀!

起左身就食飯先~~更住上網睇報紙,玩CS,打winning......連CM都玩埋呀!哈哈!今日既我真係成日掛住玩啦~~咩games都差唔多玩曬啦~~yeah! 就係咁啦~~我成日既節目就是如此!冇出街冇做過其他野啦~~叉下電留係屋企休息下都幾好呀~~係呀!聽日我又要返工嫁啦~~所以我諗今晚自己都會早訓!聽日咁先至有精神做野嫁ma~~呼!

見今日個日記冇咩野好寫~~咁不如講下題外話啦! 係呢?你大個左想做咩呀?我指既係份工呀!我諗識我既又或者我識既人仔都同我差唔多年齡嫁啦!18-20嫁啦~~大部份都係時候出黎做野嫁啦!投入呢個社會~~ 係我身邊既friends有d出左黎做緊野啦!有d F.7完,有d ive完.....唉!唔知佢地自己有咩打算呢?希望有得讀既就讀埋佢啦~~好過家下出黎做野啦! 不過我諗你地都係時候諗定自己既路向啦~~唔好等到時先算啦!諗定就差唔多嫁啦!總之大個仔人個女啦!要為自己諗清諗楚啦~~take care!

我自己最想既係.......中六合彩啦!哈哈~~咁樣就唔洗做啦!仲可以有錢即時娶老婆仔呀!kaakakaka~~~不過家下都好既~~有份工! 呀~~我細個最想做既係......無線一哥!哈哈~~更住就係.....導遊啦!其實我自己都有幾份工自己都有興趣既~~例如:社工,足球員,DJ......好多好多活動既我都鍾意!你地都知我嫁啦!多野講坐唔定呀~~如果有份咁既工就最好啦!kakakakak~~ 不過家下做ticketing都不失為一份好工既!right?

>>July 18, 2003 at 7:21:13 AM GMT+8

2003 年 7 月 8 日 星期二 【晴】

今日要返工夜晚要踢波所以琴晚就一早訓左lu.....之不過,唔知仲乜鬼野呀!失眠wor......你阿媽個仔呀!都唔知仲乜野.....其實我琴晚打完波真係好累啦.....好想訓覺覺~~但係又唔知仲乜野訓極都訓唔著,成個身仲鬼死咁熱tim!流汗tim嫁.....頂呀!哎呀....救命呀!俾我訓覺得唔得呀.....結果典黎典去最終都要成2點半先訓得著呀!唉.......咁樣我諗你地都知我今日一起身就知我會講咩啦?''好眼訓呀/唔洗做就好啦/訓多陣得唔得呀?''哈哈~~麻鬼煩呀~~

返到公司......之但係又幾精神下wor!唔太眼訓wor~~不過原來精神只係可以維持一陣嫁咋!哈哈~~之後......眼訓lor!做野果陣d手腳都特別慢過人既~~好彩唔算太多野做咋~~如果唔係....都唔知點死俾你睇呀!仲話今晚踢波tim呀~~呼...... lunch時間我永遠都會好珍惜佢既~~~一路食飯就一路上網睇太陽報係我每日既指定動作,更住......仲洗講既緊係sleep一陣先啦!叉下電都好呀!kaakaka~~~ lunch完既下午d時間真係過得特別快既.......呼!話咁快又放工鬆人啦!yeah~~踢波!不過始終都係好掛住奀豬豬呀!所以點都過一過銅仔陪埋佢dinner先啦!因為佢今晚要加班返夜呀~~呼.......食完就出發踢波lu!

今日有9個人仔黎呀~~都好呀!good~~真俾面呀!哈哈~~阿腳指途中射左個波入草叢度呀!之後我地差唔多成隊人都走左去作地毯式搵波呀!到頭黎都係......搵唔到個波,不過反而就搵到第二個波呀!真係攪野呀~~我地成日都係d草叢唔見左個波~~我懷疑果度有個黑洞專係食足球既~~哈哈!傻傻地嫁......

第一場同左班勁野踢呀....結果大敗呀!更住跟其他隊啦~~嘩!等呢場波等到我......冇半個都有9個未呀~~激死人呀!等死人呀!兩隊好似鬥唔入波咁wor~~哼! yeah~~終於到我地既時刻啦~~等左幾耐呀!要比心機踢呀~~點知.......係就係有個形出黎既!不過我成日都係形係住形住咁差d野既~~係咩我又講唔出wor!呼......結果我地又輸左啦! 第二場.......又輸! 第三場......唉!失望+傷心呀!不過話雖如此呀!但我見到各隊員都好肯跑多兩步出多分力既~~好呀!之後就開始散水lu......得返我文仔威仔傑仔!吹水啦~~吹吹下有人叫我同傑仔鬥波呀~~好呀! 同勁人踢波先會進步嫁!不過都係以學野既心態去踢既姐!睇下人地踢波同我地踢波有咩分別呢?

呼~~式燈啦!嘩~~我都係第一次咋!雖然式左燈但我同傑仔未走住呀~~吹左陣水咁啦!哈哈~~講下頭先踢波既問題啦,點樣改善啦~~呼.......傑仔我同你要出200分力呀! 返到屋企.......白白飯飯上網啦!食......腸仔蛋+撈面呀!正呀~~yeah!飽曬呀!更住打埋日記同埋女朋友仔傾埋電話都要早d覺覺啦!因為我真係好累呀~~琴晚既打波,失眠,今日既返工,踢波......呼!覺覺豬啦~~

係wor~~聽日我又放假啦!kakaak~~突然間同人地轉左呀!都好既~~叉電呀!我要訓覺呀~~哈哈!

豬豬sorry ar !琴日打波今日又走去踢波~~成日掛住玩~~希望妳唔好嬲啦!至多遲d陪妳街街啦~~ok?錫啖啦~~heeee!

>>July 9, 2003 at 6:37:54 PM GMT+8

2003 年 7 月 7 日 星期一 【晴】

嘩今日雖然係放假咋~~之但係琴晚我都好早就訓左啦!兩點幾啦~~哈哈!琴日太多野做啦~~好累呀!唔早d訓都唔得啦~~就因為咁其實我想今日為訓覺的一天嫁!都係唔好太浪費啦~~我今日好早就起身啦!10:00am呀~~哈哈!真係傻嫁!唔知仲乜鬼突然自己好想食早餐呀~~所以今日我就咁早起身走左落街買早餐啦!

原居民落街呀~~平凡+傻仔既ALAN呀~~結果我去左book場先!更住就去左KFC買早餐啦~~係啦~~唔知仲乜鬼野突然好想食KFC既早餐既?哈哈~~我外賣拎返屋企食呀~~一路對住電腦一路食住咁真係爽呀!哈哈~~~ 正呀~~加埋係間充滿冷氣既房度真係爽曬呀!kakaakak~~~好好味呀!不過好難先再有下次嫁啦~~呼!食完野都睇完報紙lu之後玩左陣CS就訓覺覺啦!哈哈~~始終都係要訓既!冇辦法啦~~我真係幾累幾眼訓呀!!

一訓就訓到4點幾啦~~之後同江少吹吹水講開不如打波啦!結果真係打呀~~爽呀!好過成日係屋企呀! 上到山頂冇人lor~~等左陣佢地上黎啦!不過......落雨wor~~幾驚佢有排落呀!好彩係路過既姐!之後就黎料啦~~就係鬥波啦!西利呀~~爽呀!我/江少/大雄3個人仔呀~~第一場就已經係苦戰啦!對方一個就好高兩個就好矮諗住掂啦!easy食啦~~點知第一場就對方打左成5次加時呀~~冇錯真係5次嫁!我都話痴線嫁!哈哈~~不過到最後都羸左好彩呀!不過呢場就用左我地唔少氣力啦!

第二場大雄抖抖啦~~轉左肥鵬細嘔阿權呀!哈哈~對方又係兩矮一高呀!我睇住高果個啦~~冇計啦!呢場開個頭唔差嫁!好彩人地射極都唔入咋~~我地又把握得到咋!到到最後可以係爆左個小冷啦! 其實照睇就輸既~~不過佢地3個都好串呀!激起我鬥志呀!我認真黎料既時候你地知我會點嫁啦~~哈哈!我地羸緊8-3既時候佢仲係我面前講''放心啦!追到wor,羸埋有突呀!''頂你個仔呀~~好就睇下你點羸!結果我最後射左個3分ok左佢地啦.....佢地拜拜10-3kakaakak~~

最後一場啦~~呢場開個頭又係好既點知....我地個個死曬火!人地又追返上黎兼反勝到到8-3既時候見細色唔對啦!我/大雄/江少......認真啦!黎料啦~~連追上黎呀!平手又加時呀~~哈哈!都唔知係唔係玩嫁~~呢場波又加左成4次呀!今日totel就加左9次呀~~9*3=27分啦!哈哈~~ 不過......我地唔可以做長勝軍呀!2-3lose la !好失望呀~~本來有次加時我連入兩球諗住掂啦!2-0啦~~點知.....唉!鬆左落黎呀!可惜呀~~之後我地坐埋場邊傾下錯乜啦~~大家都講出黎真係好呀!講左對方既問題!有讚有彈咁下次我地先會進步嫁ma!好呀~~下次再努力啦!

返到屋企......岩岩做衛斯理姐好彩睇得到呀!諗住白白既~~不過越睇越爽咪睇埋先啦!之後就白白啦~~更住飯飯埋.....呼!好累呀~~我諗今晚又要好昊就訓嫁啦!

*今日打完波發生左段小插曲呀!我打完波諗住話俾wingwing聽我打完返屋企啦!點知......打左好耐通左好耐都冇人聽呀!死啦~~屋企又唔係度去左邊呀? 我勁擔心呀~~唔知佢發生左咩事嫁!個心真係勁驚勁擔心呀~~呼.....好彩到到最後佢都聽左!我即時鬆左一口氣呀~~不過........唉!我咁擔心妳,妳知唔知嫁?

>>July 9, 2003 at 6:38:16 PM GMT+8

2003 年 7 月 6 日 星期日 【晴】

琴晚好早就訓左啦~~12點都未夠就走左去訓lu~~呼~~訓之前緊係同wingwing傾左陣計計先訓嫁啦!咁隸訓落去既時候人都甜d嫁~~哈哈!(好肉麻呀)就因為琴晚咁早訓~~結果今日起身既時候都好精神呀!唔似得之前果幾日咁~~打唔開隻眼仔咁既!原來早d訓早d起身個人真係會精神d嫁wor~~哈哈!

返到公司就係惡夢既開始啦~~嘩!一早我只係坐左10分鐘更住就有好多野做啦~~嘩!又呢樣又果樣呀!Rockie叫我跟d booking啦!Elize就叫我聽電話啦!Dicky就叫我拎ticket啦~~總之真係冇停過手啦!成朝早走上走落,走出走入~~唉......真係想做死人嫁wor!諗住做完一樣野可以抖下啦~~點知另一單又黎啦!真係......我成朝未痾過尿同飲水tim呀~~哈哈! lunch.....痴線嫁!得半個鍾咋~~因為自己又遲左lunch又澎澎聲食完就再次做野啦!唉......真係好累呀!都唔知仲乜鬼野嫁!係要等人地聽日放假既時候先咁多野做嫁~~(係呀!我聽日放假呀~~)

呼~~不過唔知係唔係多野做未停過手呢?一陣間又過左半個鍾一陣又過左半個鍾啦!yeah~~轉眼間就已經係6pm啦!又係時候放工走人啦~~kakaakak!爽呀!有咩都唔理唔攪啦~~澎澎聲就鬆人啦!heeee~~~更住收左工我走左過去銅仔呀!因為幫Carol拎ticket俾佢呀! 上返去我既母會之後.....好有感觸呀!唉......好懷念以前係CB既日子呀!呼~~我希望有朝一日會重返母啦!呼~~同Alex仔Sendy姐Jack羊傾左陣計之後我都走啦!過左去搵女朋友仔呀~~heeee!我既主要目的呀!如果唔係為左見wingwing一面我都唔過黎呀! 係果度坐左陣啦!順便幫親下咁啦~~結果我地買左個情侶袋呀!yeah~~之後我自己又買左糖糖食!同埋買左''New York芝士蛋糕''呀!正呀~~間野新開嫁~~真係好好味呀!下次我要坐係果度食呀~~kaakakaka不過都幾貴下啦!

之後走人啦!不過我就自己返屋企先~~wingwing佢約左同學仔飯飯呀!自己小心d呀~~我返到屋企.......嘩!屋企人係度打緊邊爐wor~~唔係ar fa ?天時鼠熱玩埋d咁既野呀?哈哈~~我都唔知食唔食好啦!不過可能我食左好多糖同埋件芝士蛋糕啦!飽飽地tim!食左少少就收爐啦! 之後就打機啦!打到咁上下就睇''衛斯李''啦~~今個week係結局week呀!點都要追呀!good~~睇完又上陣網啦!之後都唔知做咩好啦~~係wor!白白呀!白白完~~等埋wingwing返屋企之後傾左陣都覺覺啦!呼~~~

係wor~~唔知仲乜鬼呀!今日我覺得自己好型tim突然之間!著左件西仔之後成個人都型左d咁呀~~攪到自己家下返工都好似好high卡咁呀!哈哈~~

>>July 9, 2003 at 6:38:43 PM GMT+8

2003 年 7 月 5 日 星期六 【晴】

嘩琴晚打winning打到成5點先捨得走去訓呀!真係西利呀~~哈哈!冇計啦~~鬼叫祖記買左米哥利/歷哥達利/艾比達.....咩!話曬都係下季個陣呀!所以係要幫親下既~~不過新既winning都就出lu!唔知果隻野會有咩正野呢? 係呀~~琴晚我做左衰人呀!大炒國米5-1結果佢要降落D2比賽啦~~哈哈!(實激死周傑呀)就因為咁所以今日我都諗住訓死佢嫁啦~~做一做睡公主呀!哈哈~~不過wingwing12pm就打黎啦~~因為佢太掛住倫倫啦!哈哈~~yeah!聽到把聲成個人都精神d呀~~更住就起身啦!雖然都係早嫁啦!想再訓番嫁~~不過算啦!都起左身啦!

起左身食返個靚面先~~更住就睇下報紙啦!之後就同wingwing諗下一陣去邊好呢?街街呀~~因為我地好耐冇街街啦!結果我地去左......Mongkok呀!好耐冇去啦~~ 出到去~~嘩見到阿長毛佢地呀~~咩野野打倒董建華,打倒23號wor~~heeeee!有好多市民都支持佢地咁bor~~有人寫左d字句俾阿董生睇呀~~''死董狗,收皮啦''/''老懞董唔該你落台呀!''......真係有好多人對佢好不滿咁bor! 算啦~~我唔理啦!我有我行街街啦~~更住同wingwing行左去睇波衫呀!嘩~~皇馬新波衫,italy,Man.Ult.....好多呀!靚靚呀!不過就好貴啦~~我地行左冇幾耐之後就大件事啦......

wingwing個肚仔唔舒服呀!我見佢咁辛苦我就澎澎聲送佢返屋企啦!見佢咁辛苦我都好心痛tim~~係車車度佢覺左呀!而我就發呆lor~~送左wingwing返屋企之後自己都返屋企啦!返去食飯飯啦!早d返去都好既~~唔洗咁累咁夜先返!聽日仲要返工呀~~呼......咁就放左1日假啦~~好想放多幾日tim!kakaka~~~

食完飯都冇咩好做啦~~睇下電視發呆咁啦!更係就白白覺覺啦~~今日都算早訓呀!或者自己累啦~~所以話訓就訓lu!

>>July 9, 2003 at 6:39:11 PM GMT+8

2003 年 7 月 4 日 星期五 【晴】

琴晚發生左件大事......真係好大件事!不過到到最後都係冇樹既~~我都放心d!之不過......琴晚既事令到我同佢都好唔開心!唉.....所以琴晚都係好夜先訓到!都差唔多成3點幾啦~~呼~~真係好眼訓好累呀!

今日一起身既時候~~隻眼仔仲更加辛苦呀!幾辛苦先可以打開呀~~唉.....全都因為琴晚......呼~~所以今日搭車既時候即訓呀~~差d落唔切車呀!好彩呀~~不過就好肚餓呀!好想食早餐食野呀~~不過算啦!費事行黎行去啦! 撐住先啦~~今日.....開頭忙既!不過做曬所有野之後就.....得個坐字啦!唉.....都唔知點好啦!自己又眼訓wor!結果我搵野做住先啦~~點都好過坐字呀?1點啦~~又走人啦!放左工即走返屋企啦~~因為真係勁眼訓呀!嘩~~收工行出去條街既時候熱到阿媽都唔認得呀!痴線嫁~~不過咁好太陽都好既......如果有得swimming就好啦!一下插落水度~~真係勁爽呀!不過.......唉!搵鬼陪我去咩~~

不過我冇即時返屋企呀!因為我真係好餓呀~~諗極都極唔到食咩好tim!結果去左百佳啦~~點知就係惡夢既開始啦!依~~依~~薯片正呀,巨廉正呀,芝士餅爽呀,通粉掂曬......見到呢樣正呀,想食既就忍唔住手買啦!結果.....埋單既時候要成$140呀!真係.....哈哈! 另外我就買左$9.9飯食呀~~平呀!同埋我又買左啫哩粉諗住整啫哩呀!哈哈~~整俾wingwing食嫁!左又一袋右又一袋真係好多野呀!重到暈呀!返到屋企即食飯啦~~唔食野我真係死俾你睇呀!一路食就一路睇報紙on9咁啦~~諗住打機嫁.....不過我真係頂唔住啦!我要訓覺呀~~ 一訓就訓到.......成8點呀~~都咪話唔西利呀!勁呀~~

食飯啦~~不過岩岩訓醒都冇咩胃口嫁啦!算啦~~更住就on9 icq啦!同wingwing傾左陣~~佢就睇電視啦!而我就冇咩野好做啦~~睇下足球小將啦!之後就白白啦~~最後同埋女朋友仔就傾電話!呼~~要覺覺呀!我呢個禮拜其實成個人都好累呀!我諗要抖抖啦.....無論身心都係好累好辛苦呀!唉......人煩冇藥醫嫁!

>>July 5, 2003 at 6:07:45 PM GMT+8

2003 年 7 月 3 日 星期四 【晴】

琴晚打埋日記......先至訓咋!所以都幾夜下呀~~唔好話呀!就算上到張bed之後都係訓唔得著既.....諗呢樣諗果樣!足球?返工?女朋友?將來?哈哈~~唉.....就係咁好難先訓得著lor!!所以今日起身既時候真係勁辛苦呀~~隻仔都打唔開啦!呼.......撐住呀! 出門口啦!第一時間打電話.....俾波子/阿珠/婷婷呢3個中7生呀!係呀~~因為今日係A-Level放榜呀!其實琴晚我已經同佢地講左些少野嫁啦!今日一早又打俾佢地啦~~諗住幫下佢地減下壓都好呀!

因為9點先知成績~~所以我為有等佢地打俾我啦!波仔唔好灰心呀.....try your best!阿珠唔好咁驚啦~~等自己抖下啦!婷婷雖然成績中中廷廷啦!不過妳仲要加油呀!總言之......你地要加油比心機呀!有咩野可以倫倫幫拖既就出聲啦!我盡我既全力呀~~哈哈! 唔知係唔係因為譫心佢地呢?攪到自己做起野上黎都冇咩心機咁既?又或者係眼訓啦~~哈哈!係呀~~我真係好眼訓呀!撐住先啦~~lunch得好少飯食咋!岩岩好咁啦~~更住就訓一陣啦!呼~~一陣真係點夠喉呀? 更住就黎料啦~~做呀做呀!不停手咁做呀!日日都係下午先多野做既?都好呀~~等我唔洗咁眼訓!不過......半路俾個客仔嘈我手腳慢wor!check D 機位都咁耐!我心諗~~妳阿媽個女呀!賣貴d俾妳先得!哼~~ 到到咁上下又夠鍾啦!yeah~~等到我頸都長呀!哈哈~~yeah!鬆人!即刻走左過去搵女朋友仔啦~~因為佢好似唔太開心咁wor.....我要睇下佢先得!點知.....當我見到佢既第一眼真係好開心呀!不過佢唔理人地既......又唔同我講野?又唔彩人......我好灰呀!好唔開心呀~~送埋wingwing搭車,自己一個人行多陣都搭車啦!唉......我自己都唔知發生左咩事?

返到屋企......食飯都冇咩胃口啦!算啦~~咪打下CS lor~~更住睇下衛斯理咁啦!我打左好多次俾女朋友仔呀~~不過佢都係唔太彩我咁既.....算啦!唉.....今日真係好唔開心呀!成日都係唔開心呀~~1.朋友放榜,我都譫心埋一份2.女朋友仔唔知仲咩樹?3.受客人d死人氣4.係最傷心既一樣野......

上個月公司3個check當中我條數係$298另外兩個分別係$2010同埋$10630......佢地兩個仲要係女仔黎既!上個月放左成16日假大家都係咁多......點解另外兩個咁多數,而自己又......咁呢?我既神話俾人輕易咁打破左啦!一萬呀!過左一萬呀~~好難先做到咁既成績!我真係好想好似佢咁呀.......為自己既目標而努力發奮!當我見到張成績單時...我不禁流淚! 計埋今個月我地3個係公司既壽命仲有3個月......我唔知到時會點?不過我肯定可以話俾你地知.....佢地兩個既機會會大過我!我都唔知自己可以點啦!

唔跳仲乜鬼野~~呢排又多左咁多野諗既?又呢樣果樣?
1.足球比賽?藍風隊點攪好呢?
2.公司既問題?向左走向右走?
3.拍拖方面.....問題真係多左呢?

>>July 5, 2003 at 6:09:04 PM GMT+8

2003 年 7 月 2 日 星期三 【晴】

嘩~~琴晚打winning打到好夜呀!成5am先走去訓呀~~哈哈!不過真係好爽呀!yeah~~因為咁樣所以我今日諗住係訓覺的一天嫁啦!其實今日一早仲諗住去踢波嫁!不過見冇人去我都唔去咋!算啦~~原先今日文仔話去唱k既~~不過太累啦!都係唔去啦!~!~我好累好眼訓呀!不過經過威仔多次既''奪命追魂call''之後都係要起身嫁啦!不過就冇去唱K既~~反而就過左去威仔屋企打winning啦!係呀~~又一次既winning大賽啦!

我過到去就即刻同威仔過番幾招先~~結果今日狀態好fit呀!5場全勝呀~~哈哈!更住等埋周傑+埋阿健就開波lu!今日多左個敵人呀~~就係阿健啦!唔知佢勁唔勁既呢?好一陣試先知~~今日我用皇馬/周傑用曼聯/文仔用拉科/威仔用祖記/健仔用仙奴!好~~今日既winning大戰開始啦! 第一場就等我試下阿健先啦!結果係冇驚冇險低下win左2-0(唔通係魚腩??)第二場我對埋威仔3-1(兩戰全取6分)之後就係文仔對vieri啦(好一場龍爭虎鬥呀)之後我就等埋佢地先啦!文仔羸左更住vieri對肥威羸左,阿健羸威仔~~家下形成Alan6分/vieri3分/文仔3分/健仔3分/威仔0分啦!不過家下先係戲肉所在呀! 之後我對周傑啦~~輸左2-3呀!周傑既希望重現啦~~而當文仔輸左俾健之後就形勢大亂啦!更住當文仔對肥威諗住羸波取分既時候......肥威係臨完場前連換3人!更住開出死球,一腳一頭最後由DiViao窩利入呀!goal~~2-1win呀!從而令文仔冠軍希望幻滅啦! ok啦~~到到最後一輪啦!周傑對阿健/Alan對文仔......周傑or健仔win就可以拎冠軍啦!(不過要Alan輸波先得)所以呢兩場可以話係生死由關呀!好緊張呀~~~哈哈!不過.....賽果竟然......周傑輸左1-4呀!爆冷呀!我真係估唔到呀?結果令阿健羸波同時得失球都好過我啦!(最後一場我一家要羸多過2粒呀!)好啦~~到我啦!文仔呢場羸輸都係咁嫁啦~~而我就背住好大既壓力迎戰啦!上半場我地互文白卷.....死啦死啦!下半場.....開波冇耐就入波啦!goal~~係我個肥度呀!yeah~~更住再入多粒呀!goal~~好好好開心呀!成個人彈起呀~~打咁多次都係第一次咁激咋!結果2-0呀~~而我就順利羸取冠軍啦!yeah~~~ 老實講呀~~今日一戰係我玩咁多次最激既一次呀~~好激呀真係!好好玩呀~~本來係3大巨頭之爭,反而多左個黑馬阿健殺出黎~~我地幾個都好驚訝呀!今日真係激呀~~爽呀!哈哈!

打完咁激既winning之後我地打左陣麻雀呀!跑下馬仔咁啦~~kakaka!更住8pm就出去啦~~去食飯飯啦!我地去左食台南野呀!正呀~~大家一路食就一路吹水!講下呢樣果樣~~真係爽呀!吹到人地收鋪呀~~更住我地去左食糖水呀!又吹過呀!哈哈~~不過話時話今夜既吹水係我地既第一次一齊吹水咋wor好似?幾好呀~~大家都好開心呀!更住就當然係返屋企啦!我返到屋企就白白打日記啦~~同埋睇下d新聞呀!見到祖記好多有利既news呀!好似係人都好怕佢咁wor!哈哈~~國米有難啦!

wingwing.....sorry ar !我知妳嬲我掛住玩冇理妳呀!係唔係呀?對唔住呀~~人地有掛住妳嫁!唔好嬲倫倫啦.....sorry呀!至多聽日我出黎接妳放工呀......倫倫驚驚呀!

阿健魚腩變強隊? 周傑爆大冷大敗健仔?肥威home係佢黑星? 文仔大熱倒造敗係威係腳下? Alan係驚險既情況奪標~~ 嘩~~今日既winning大賽真係......激呀!哈哈~~ 今日既每一張片段真係令人又驚又喜呀!希望下次會同大家玩得都係咁開心啦~~

>>July 3, 2003 at 6:03:45 PM GMT+8

2003 年 7 月 1 日 星期二 【晴】

今日成點先起身呀~~不過對我黎講可以話係早嫁啦!其實自己都想諗多陣既~~不過算啦!訓覺既時間倒不如起身用黎玩又好點都好啦!right?成日訓會攪到個人好累冇咩神嫁~~

今日起身又係做同樣既野嫁啦~~上網刷牙洗面睇報紙,不過就少左樣野既,就係煮野食lor!哈哈~~因為家下屋企缺糧呀!死火啦!係時候入返d貸嫁啦!我要買豬古力,薯片,雪糕,汽水,出前丁丁.......咩都想要呀!最好就成間佳仔拎返屋企就最好啦!哈哈~~係wor係地有冇諗過,如果百佳是你家,野食任你拎呢個想頭呀!哈哈~~我諗會係好爽嫁!野食見鍾意就拎~~即時食任你話事呀!諗起都爽呀~~哈哈!(呢d咪就係叫做發白日夢lor!)kakaak! 更住3點就出街啦~~因為約左文仔威仔傑仔去睇戲呀!我地所睇既係.....千機變呀!咩野暑期猛片wor~~哈哈!嚇鬼咩?出野個內容都係麻麻嫁咋~~有d夾硬黎既!咩野彊屍wor~~哈哈!真係有d誇呀!總括黎講出野話差未至於好差果隻既~~因為出野都有d笑料睇下打架咁啦!話時話出戲真係由頭打到落尾嫁wor!都幾攪野呀~~哈哈!

睇完戲就各散啦!佢地去左188呀~~而我就會我既娘子啦!因為佢出左糧請食飯呀~~哈哈!爽呀!今次佢仲唔死我要食獲金既~~kakaak!等到佢放工我地7點就起行啦!我地過左去太古度食pizza呀!正呀~~好耐都未食過啦!掂曬~~ 嘩~~太古果間原來岩岩裝收左呀~~所以係勁靚呀!好有浪費既feel呀~~哈哈!我地食左唔太多野既!係wor~~今餐有wingwing同埋佢兩個阿妹同埋佢阿妹BF呀!食完野後我地就行左陣更住玩成成舊幾水冒險樂園呀!呼~~不過算啦!有幾多次呀?heeee~~~~ 玩到咁上下就行啦~~我地由太古行到去筲箕灣呀!一路行就買下d野食仔咁啦~~臨返屋企前仲食左個粥仔,一杯雪糕,燒賣,汽水咁啦!不過硬係好似唔太飽咁既?真麻煩呀~~

之後我自己都返屋企啦~~返到去開電腦,睇下d新聞咁啦!之後就白白啦~~另外仲問埋隊員開會開成點啦!之後就打日記啦~~今晚好累呀!wingwing早早就覺左啦!所以冇傾電話呀!算啦~~聽朝先啦!更住我自己都早d抖下啦~~因為聽日係我最後一日假咋!放埋聽日就要返工嫁啦!呼~~如果唔洗返就好啦!哈哈~~

呢個月我諗我會有好多野要攪啦~~
1.因為隊波參加左比賽8月份就黎料啦!我諗今個月要踢多d波黎提升自己既狀態先得啦!(wingwing sorry ar !今個月我可能成日都掛住踢波嫁!希望唔好嬲我啦~~或者我地會出少左街嫁!)
2.因為今個月係我同wingwing既大日子呀~~我諗自己會煩左些少,因為諗緊送咩野好呢?
3.返工都係咁嫁啦~~希望唔好有咩大件樹就ok啦!

>>July 2, 2003 at 6:20:10 PM GMT+8

2003 年 6 月 30 日 星期一 【晴】

7月1係個大日子呀對於香港人既你!1.係回歸2.係遊行~~香港回歸祖國都不知不覺已經6個年頭啦!呼~~起來!起來!哈哈另外今日點都估唔到打破左香港有史以黎最多人遊行既一日呀!真有趣呀!最衰冇人陪我呀加上又要踢波如果唔係真係好想走出街遊下都好呀!真攪野呀~~

或者琴晚又夜訓又累啦~~今日我起身既時間係3pm呀!yeah~~好爽呀!好耐都冇試過咁爽啦!不過就好肚餓啦~~唉最衰咩野野食都冇呀!激死人呀~~為有食餅餅啦!呼~~頂住先啦! 更住就on9先~~嚇死我啦!開頭部野唔知仲咩又on9唔到wor~~驚驚呀!呼~~打去問啦!原來係小意思姐!kakaakak~~更住睇下報紙呢樣果樣就差唔多時間出門口啦!yeah~~踢波呀!爽呀~~ 我去到球場既時候......已經有幾個到左啦!sorry呀!周傑因為我打錯左你先咁早到既~~下次唔會嫁啦!(我都驚你早到嫁啦,都一早打左俾你嫁啦!)更住等左陣就岩數啦!人齊啦~~yeah!今日有好多人呀~~就連腳子/阿豪/波子都黎埋呀!不過最開心既係大部份藍風球員都有到場呀!呼~~都好呀!冇白費心機!kaakak~~~

好啦!開波~~上半part我都踢得唔錯嫁!幾好咁啦~~不過踢踢下就.....一聲''屌''!我就成個人仔落左地啦~~嘩!好痛呀!我成個人俾阿健撞左落地呀!痴線嫁~~踢波定打架呀? 如果唔係咩大件事我都會唔出聲冇咩野既~~不過今獲真係好過份呀!之後我起返身既~~不過自己都要就住黎踢啦!咁上下大家抖左陣啦!買水呀,休息呀.....ok 第2 round啦!呢場大家踢起黎個個都好似冇咩心機精神既?點解呢?我自己都唔知呀?唉......算啦!第二場我有波入既!同埋vieri都有球呀!good呀~~不過.....今日既踢波都做唔到我之前諗既較果既?因為見今日人齊,仲諗住可以認真咁踢個陣出黎呀!不過都係失敗.....呼!之後走左好幾個呀~~我地過左細場踢呀~~不過......走下又走d咁!冇曬人lu~~得番幾個咋!我/周傑/文仔係度不停咁射龍lor~~ 嘩~~澎!澎!澎!我聽到好多次澎澎聲呀~~點解?因為我地好多個都射中條柱lor!痴線嫁~~不過又好攪野wor!哈哈~~我中左最多次呀!都唔知係黑仔家點啦?或者射個角度太盡啦!途中我仲用發明左''殺肥威射球''同埋''直角假身''呀!西利呀!哈哈~~

呼~~之後走人lu!不過走之前我地開左個小小小藍風會既!哈哈~~成立左咁耐終於有次係大家坐定定面對面開次會啦!唔錯呀~~雖然唔多人,不過都好嫁啦!我地開會係關於個比賽既事呀!商議聽日邊個開會lor~~結果肥仔/老明/發仔作先頭部隊先啦!哈哈~~下次到我啦! 更住搭車車走人啦!睇下個電話.....嘩!有成24個miss左既call呀!死火啦!wingwing今獲實嬲死我啦~~怕怕呀!返到屋企飯飯先~~白白同icq啦!更住就覺左陣咁啦~~之後起身打日記啦!最後打埋俾女朋友仔今日既節目係咁多啦!完畢~~

wingwing sorry ar !唔好嬲倫倫啦~~我下次會打電話俾妳嫁啦!要妳譫心對唔住呀~~下次唔敢啦!ok?錫番妳啦~~

係呀~~今日仲有樣野未講tim!唔知係黑仔定點啦?周傑今日著23號波衫啦!佢今日又入人散又整親又見血wor~~哈哈!都唔知係唔係今日個個要打倒23先係咁呢?kakaak~~

>>July 1, 2003 at 5:42:34 PM GMT+8