2003 年 4 月 28 日 星期一 【晴】

嘩~~今日係大日子!因為出糧啦~~kakaka!!爽呀~~復活啦!開心死啦~~辛苦左成個月挨左成個月啦!終於可以舒服下啦~~heeee!! 諗下買咩好先?哈哈~~~出左糧個人都醒d嫁!yeah~~嘩今日大佬佢遲大到呀!遲左成半日呀差唔多~~成朝都係得番我自己一個咋!驚驚呀~~ 不過睇黎我都攪得掂bor,應付得黎呀仲~~kakaak!!又冇客又靜都唔知做咩好啦!結果大佬教我第二樣野!整file呀~~唔好睇少佢!做呢行最重要就係呢樣! 所以我都好驚整錯嫁~~怕怕!不過整左差唔多成個下午啦!慢慢慢咁開始真係識得點整啦!!呼~~ 又學多左樣野啦!強呀~~掂曬!嘩整整下都唔記得食lunch tim!當我諗住去食既時候......有個電話我聽左啦!嘩有booking做啦!爽呀~~雖然唔多錢但係有都好過冇啦! 攪掂曬丁埋個飯啦~~yeah有得食飯啦!但係食之前又有野攪呀!就係幫個同事出去拎張機票呀!真係呀~~阻住我食飯!如果唔係我仲細彩你都傻啦~~呼!攪掂啦!終於有得食飯啦~~食完之後出街行左陣呀!我今日食飯既時間成4點幾先有得食呀!餓死人咩~~ 諗住可以抖下冇野做啦可以坐到放工啦!點知~~阿Rockie又叫我過去拎機票再更住送去俾個客~~真係玩死啦!!想食餐飯都咁苦~~可憐! 銖彩之後都冇咩野做咋~~咁就放工啦!

放左工~~有個靚女黎接我呀!嘩~~佢今日好索呀!差d都暈左係度嫁啦! 因為出左糧~~所以我地就去左食好野啦!!好耐冇黎啦~~''元氣''嘩都係咁多人既?等左一陣啦半個鍾度!! 今日wingwing佢好西利呀!未家過手!係咁食係咁食~~我都嘩嘩聲啦!或者我遲食lunch呀!所以都冇咩胃口食壽司tim!不過no problem la !wingwing鍾意就得啦!佢真係好攪野呀~~ 更住我地去左time's佢連連then我就買左件衫衫黎賀一賀出糧咁大日子呀!Puma呀~~靚野黎嫁!我好鍾意佢嫁!!等左成3個月有多啦~~終於買到啦!yeah~~不過最衰女朋友仔又唔買呀!情侶裝妳話幾好呀!可惜...... 不過是但啦~~更住我仲諗住買多件衫同褲仔嫁~~但係......唔係咁靚bor!其實我都幾鍾意嫁!不過有佢啦~~唉!下次先啦~~ 之後行呀行~~都唔知去邊啦!同埋女朋友仔同埋我都幾累下所以我地就返屋企啦!! 累死人啦~~呼!返屋企前去左打陣機啦~~kakaka!!咁就過左一日啦!呀~~但係好似仲係差d野咁.......

wingwing sorry ar !今日倫倫可能累過頭所以都冇咩心情街街同出聲!!唔好嬲我呀~~對唔住呀!! 我都知妳又累又閔嫁啦~~我識點做嫁啦!激少d妳攪少d妳啦!ok ?sorry ....but i love u so much !!

今日有條友仔同我按摩果陣時我個心甜左一甜嫁~~可惜呀!得果一陣間!
如果可以耐d就好啦!

>>April 29, 2003 at 5:10:37 PM GMT+8

2003 年 4 月 27 日 星期日 【晴】

今日係星期一!換句話黎講又係一個星期既開始啦!呼~~計下計下仲有三日又一個月啦!時間真係過得快呀~~唉! 嘩琴晚國米又失分啦~~唉!可惜可惜~~仲諗住國米可以同祖記有番龍爭虎鬥tim!好失望啦~~周傑如果你有留意既話!國米對上真係失左好多分啦~~兩敗AC兩和拉素等等!......其他琴晚國米都打得唔差~~好彩阿恩沙基咋!多得佢入果球呀真係~~經過琴日之後今年既聯賽冠軍都已經......哈哈哈哈!! 第廿八次啦!要贏埋皇馬贏埋個歐聯呀!加油祖記~~最後一個月啦!

今日差d起唔到身呀~~好彩wingwing打一打俾我咋!wingwing佢今日係上緊堂果陣時冒住生命危險咁打俾我嫁!好偉大呀~~哈哈!抵鍚~~ 呀!又係死氣沉沉咁呀!冇客呀~~想死啦!救命呀~~不過上午都幾忙下既!忙copy忙其他野!但冇忙係客既野啦~~ 唉~~坐呀坐呀!直到lunch既時候江少大雄打黎話一齊lunch wor !依依~~點解大雄又係度既?因為佢今日扮病唔返工呀!幾衰呀~~唉!不過都好佢出黎陪我飯飯!kakakak~~不過今日lunch既地點就heeee!!係M記呀~~要我帶埋個飯係入面食呀!唉~~痴線嫁!俾佢地激死呀~~我地仲講下咩野野香港一日遊ar !!睇完之後都有d心情想去!一於咁話啦~~之不過唔知有冇人真係肯去呢?唉~~ lunch完之後坐lor!係咁坐坐到放工lor!呼~~望一望個鍾,又7點啦!係時候走人啦~~呀!如果下個月仲係咁既話都唔知點死啦!唉~~我成日坐係度發呆發白日夢~~都唔知遲下我會唔會傻傻地啦!

返到屋企白白飯飯kakaka~~又打CM啦!!呢排真係.......玩到人都癲呀!!哈哈~~ 我祖記收購左維尼拍查仔同迪比亞路!! 中場戴維斯,尼維特,森保達,托迪 後面就勁lor~~保方,杜陀,尼斯達,盧斯奧 後備仲勁呀~~祖記二隊呀!!費爾,蒙迪路,杜林,捷禾,費迪南/泰基拿迪,維辛迪,朗拿癲勞,列基美/亨利,列高巴,迪華奧!!

呢排女朋友仔都係好早就訓左啦~~佢累累呀!!我知嫁~~所以我都唔成日激佢咁多啦!!wingwing我知幾時麻妳幾時唔麻妳嫁~~kaakkka!! 我要''波波''呀~~哈哈!!你地唔好諗衰野呀~~呢d係我同老婆仔既術語呀!!

>>April 29, 2003 at 5:15:51 PM GMT+8

2003 年 4 月 26 日 星期六 【晴】

爽呀~~今日放假假!訓到成點先起身~~如果唔係鵬鵬打一打俾我!我諗可以再訓耐d既~~kakaka!!爽呀~~訓覺真係人生一大樂事呀!!哈哈~~ 起左身就玩icq啦!上去會一會女朋友仔先~~好掛住佢呀!!因為琴晚佢好早就覺覺啦!!冇得同wingwing傾電話個人都係死死氣咁既!! 所以要on會一會佢啦!!傾左一陣都係唔夠!!聽埋把聲就最好啦~~yeah!!kaakak~~聽到把聲個人都醒d呀!!最衰勤勤要用呀~~如果唔係實傾多陣呀!!唔制呀~~ 都唔知做咩好啦~~為有打打機啦!!又係CM呀~~呢排我既至愛呀!!真係越玩越爽呀!!我隊祖記越玩就越勁!!直指聯賽/歐聯/意大利杯既冠軍進發啦!!哈哈~~玩到傻傻地啦!! 更住大雄打黎問我打唔打波~~是但啦!!還掂都冇野好做嫁啦~~之後就過左去Ap Lei Chu啦!!上左雄雄屋企先~~問佢借VCD睇呀!!佢屋企真係好多嫁~~多到可以開VCD鋪呀!! 結果俾我一掃就掃左成十幾隻呀!!好大既收獲呀~~哈哈!!!上左山頂度打波呀~~個場整過曬!!好靚呀~~我好耐都冇上去打波啦!!有d感觸tim~~今日打波既又係果幾個嫁啦!! 大雄/肥鵬/江少/我/肥鵬細路呀!!就係咁~~同人地鬥左幾場波就射下波仔就算啦!!呼~~累死啦!!或者我太耐冇打波啦!!成個人都好唔協調呀!! 唔得我要打番多d波~~跑步~~游水keep番個狀態先得!! 打到好累呀~~更住同埋佢地一齊去左飯飯呀!!飯完我要澎澎聲走番屋企呀!!點解? 我要返去支持祖記呀~~嚇得我呀!!比布雷追番球~~好彩迪比亞路即刻入番球勁靚既波姐!!''泰基拿迪''長傳~~迪比亞路禁區左腳球不著地起腳射成2-1!!靚曬呀~~祖記真係祖記!!我愛你呀~~kaakak!! 睇完就白白啦~~白白完同wingwing傾左陣電話咁啦!!因為女朋友仔聽日要返早呀~~我驚佢聽日唔精神所以我都唔俾傾得太夜呀!! 傾完啦!!當我諗住訓既時候睇一睇電視~~有曼聯睇bor!!結果.....heee!!如果俾我選~~訓覺同睇波我會選睇波呀!!哈哈~~不過我睇既時間都就完場啦!! 結果曼聯又贏一場啦!!咁即係代表''阿仙佬''佢想羸冠軍睇怕都幾難啦!!哈哈~~睇埋就覺覺啦!!我都幾累下啦!!打完波~~咁好啦!!為有放棄今晚既大戰國米對拉素啦!! 我要聽女朋友仔既話呀~~佢想我早d訓!!我就要早dd覺覺啦!!唉~~~可惜呀!!睇唔到國米點輸波失分tim!!可惜可惜~~

>>April 27, 2003 at 6:05:49 PM GMT+8

2003 年 4 月 25 日 星期五 【晴】

嘩今日要返工呀!不過係返成11點都冇咁苦~~好彩呀!起身既時候都幾精神啦! 返工前去左book場先呀!哈哈~~又book啦!呢排都成日book 場果條友仔認得到我啦!返到公司都係咁啦!慣曬啦~~唔打緊啦! 今日會冇咁悶既因為阿rockie落左黎頂行!起碼有條友仔可以吹吹水咁啦~~好過之前咁得個坐字!另外阿Alex今日佢冇返呀~~病左wor!呼~~ 上午攪掂左單機票係去BKK既!一舊水都好啦~~希望條友仔去得成啦!更住就同阿rockie玩下啤牌啦!都唔知做咩好啦~~阿江少佢突然打黎呀!叫話一齊飯飯wor同埋君君!不過我約左rockie先呀!下次先啦~~呀仲俾阿君君見到著住制服個樣tim!不過佢話好型呀~~哈哈! 之後女朋友仔打埋黎~~話佢出去BBQ wor!唉~~我都想BBQ呀!想食雞翼/腸仔/牛扒/墨丸/貢丸呀!lunch今日冇帶飯呀~~同阿rockie出左去食車仔面!嘩勁肚餓~~一陣就食曬啦!行左陣又上番去啦! 頂呀~~俾條友仔放我''L平''wor~~個死人客呀!激死呀~~咁就走左一舊水啦!真係生意難做啦~~呼!都冇野好做啦!影下印咁就等放工啦! 放左工同左女朋友仔一齊街街呀!!we are long tim no see la !成3日啦~~掛死倫倫啦!見到女朋友仔佢今日個樣就好似我同佢第一次去街既feel呀!佢著得好得意小朋友呀!i like it ar ! 周圍行下啦~~都行到悶啦成日都行!等出左糧我地要去遠d既地方呀!我地係10蚊店吉之島行左成個鍾呀!!睇下呢樣果樣呀~~又傢私又煮飯仔又呢樣果樣!都幾攪野~~ 咁上下就上左女朋友仔屋企睇左陣''太陽王傳說''好耐都冇睇叮噹啦~~我都好鍾意佢嫁!!哈哈~~大雄始終都係我最愛呀!!因為佢夠傻呀~~kakaak!!之後我同女朋友仔落左去食華記啦!!好味呀~~之後去左打5蚊機呀!! 嘩~~只係5蚊都已經玩左我成半個鍾啦!!呼~~送埋女朋友仔返屋企自己都返啦!!係車車度我肚仔勁痛呀!!痛死人啦~~好彩都冇樹!!返到屋企諗住澎澎聲白白之後同女朋友仔傾下電話!!點知女朋友仔好累啦~~佢就覺左啦!!唔打緊啦~~不過訓覺就辛苦d啦!!因為我訓之前係要聽下女朋友仔把聲嫁!!

今晚有場必睇既波呀!就係......羅馬主場對AC!我睇好羅馬啦~~另外呢場可以話係今年意大利杯決賽既老翻呀! 之不過都係聽日既戲碼爽d啦!祖記對布雷/拉素對國米~~祖記一贏今年聯賽!哈哈~~國米聽日都失分嫁啦!

>>April 26, 2003 at 7:30:49 PM GMT+8

2003 年 4 月 24 日 星期四 【晴】

因為琴晚都算係早訓!所以今日都幾好精神啦~~今日一早就好攪野啦!女朋友仔打黎叫我起身但我唔願起身呀~~結果俾佢鬧左一陣啦!!kakka~~ 返到公司唉......咪又係咁!靜到上天~~又悶又死!就瓜嫁啦!悶到我都唔知做乜野好?突然有個同事叫我幫佢出張ticke呀~~好野都叫做有客有錢賺呀!哈哈~~ 少就少左d得果$100蚊算啦!好過冇呀~~家下計埋呢一舊水我個total數依家已經有$3200.2啦!呼~~仲差五舊呀!點攪好?諗諗計啦!唉.......攪埋單野後就lunch啦!江少今日又有出一齊飯飯啦! 去到維園熱到仆X呀~~我澎澎聲食完就去左M仔涼下冷氣飲番杯野吹住水咁啦!呼~~悶死啦!佢就好唔洗返工~~可以日日係屋企打機陪女朋友食飯街街!如我可以咁就好啦~~lunch完......又係咁得個坐字呀!都冇大樹發生啦! 唉......係度睇下''點解台北咁好玩''!睇完又睇~~悶死人啦! 放左工返屋企lu都冇野好攪大雄有叫我出去打波既~~但係唔打啦!留係屋企打下機仲好呀~~呢排都熱到喊呀! 痴線嫁~~想熱死人咩!天氣又熱又焗攪到個人都好閔啦!呼~~如果有得swimming就好啦!不過呀~~係我身邊班friends冇乜邊個鍾意go to 沙灘玩既?唉~~灰灰地嫁都!嘩~~你地試諗下當你係炎炎下日踢住對拖!一落到沙灘除曬衫褲一跑就跑去個海度個feel係......難以形容呀!家下諗諗下個人都high曬啦~~哈哈!如果有人陪我go 就好啦! 返到屋企原來屋企人過左阿爺度食飯呀~~頂呀!唔叫我既~~為有自己食面啦又!加兩條腸仔tim!食完就打左陣CM啦!呢排都玩CM玩到上曬手啦!我用果幾隊都win曬未輸過啦!開始黎料啦~~哈哈! 夜d睇埋電視~~爽呀!係我至愛既意大利足球呀!爽呀~~

聽日要返工呀!呼~~如果一放就放曬兩日就好lu!聽日星期六希望會有返d客仔啦!我都想條數好d嫁下~~唉!女朋友仔呀~~聽日我地街唔街街呀?我放6點呀!如果可以有人陪我雞雞就好啦! 唉~~唔知幾時出糧呢?出左糧我要.......買衫衫褲仔呀!我要食野呀~~街街!哈哈~~仲有就係買六合彩呀!如果我中左既話請你地街街啦!kakaak~~

>>April 25, 2003 at 3:42:46 PM GMT+8

2003 年 4 月 23 日 星期三 【晴】

琴晚我又同意大利足球一齊加油啦!我挨左成晚好彩意大利足球冇令我失望姐!不過丁晚AC真係贏得好險呀! 入一粒時阿積士又入一粒當二比二既時候最驚既係AC呀!不過到最後都贏3比2好彩呀~~不過佢入果3球都.....唉!(咁都入到既)如果唔係人地冇運都唔洗輸埋咁既波呀!! 基仔入兩粒高高入一粒攪掂~~不過有段小插曲呀!完場前尼士達俾人撞到爆頭呀!勁西利呀~~流血流血.......成頭都係呀!嚇死人啦~~臨尾仲想同人地開拖呀!又傻左呀~~都唔知米蘭d人特別容易痴線嫁?唉.......可憐呀!

另外一場大大戰曼聯對皇馬!呢場波真係......都唔知可憐曼聯定笑佢傻仔啦!唉~~點知!贏波都出局啦!老費由開賽第一分鐘已經行錯左第一步啦!呼~~開頭個勢仲頂得住~~但係一比肥度入左粒就死火啦!我睇見佢入第一粒就知呢場波已經......整定啦! 雖然完半場前''雲尼士特Goal''入番粒!之不過......一個施丹都已經玩謝成隊曼聯啦!唉......傳波控波都超曬班啦!諗住曼聯下半場仲有機啦!點知......輸多粒lu!唉......神先都難救啦!又係肥度~~ 更住人地own goal球都冇用因為肥度又入番你一粒!玩野咩?今次真係令曼聯fans傷心死啦~~唉!主場都攪成咁~~唉!不過今場曼聯唔係冇得贏既!怪都怪''反應王''卡斯拿斯''今場好波~~救左幾球靚波!呼~~到最尾曼聯贏4-3呀!唉..... 最尾碧咸入番兩粒!一球罰球份得靚既!呼~~算啦!下年再黎過啦~~之不過......好難啦!又一次同歐聯say goodbye啦!雖然個杯就到左曼聯主場但係到唔度佢地手呢! 八強就咁完曬啦~~四強形勢![祖記vs皇馬]-----[國米vsAC]!今年真係好勁呀~~好耐都未試過咁強戲碼啦!

返到公司又係累到想死果隻呀!如果唔係wingwing一早打黎叫我起身我諗我都......唉! 番到公司又係做果d野啦~~開phone-mail/報數/收fax/清機.......更住就打日記啦!哈哈!都冇野做啦~~今日天氣咁好都竟然仲衰過琴日既?點解嫁?成乾估下我聽左幾多個客打黎既電話呀?-----係未聽過呀!死得佢呀~~walk in客都冇呀!呼~~開心好定喊好呀?開心既唔洗做/喊既就係悶lor! 悶死我啦~~結果我係lunch前''鍾下鍾下''咁訓左陣啦!呼~~之後就飯飯啦!今日有好多飯呀~~送既話係豬扒呀!呼~~好味呀!!飽飽啦~~更住又訓左陣啦!起身就俾個傻佬客攪~~癲嫁!更住都冇野做lu!坐下坐下都係時候收工嫁啦~~今日放左工冇約靚女街街!結果返屋企lu抖下白白飯飯~~好累呀!要早dd覺覺啦!

今晚又有波睇啦~~拉素對波圖呀!拉素要靜勝3粒先得!希望佢可以啦~~再為意大利爭光啦!不過......唉!女朋友仔放心啦~~今晚呢場我應該唔睇嫁啦!因為我唔鍾意佢地呀~~放心啦!男朋友仔會好早就訓鬼左去嫁啦!kakakak~~

>>April 24, 2003 at 5:08:41 PM GMT+8

2003 年 4 月 22 日 星期二 【晴】

呀~~勁眼訓呀!點解?因為......講左既話女朋友仔實鬧到我上天呀!驚驚呀~~ 琴晚好勁呀!祖記同國米竟然作客一齊爆冷擊敗西班牙兩隻老虎''巴塞隆拿''同埋''華倫西亞''真係估都估唔到呀!其實國米係輸左既但係多得''維尼''個作客入球呀!之不過睇怕佢地既代價都幾大下啦!! 因為佢地個國米寶貝''維尼''勇戰受傷啦!唉.......最衰托度自己友撞自己友!嘩~~琴晚阿托度都唔知係唔係傻左啦!救左幾球真係必入既波呀!!傻嫁~~上曬身咁呀!不過佢又傻得幾勻嫁bor!因為佢連迪拜阿治奧都敢打呀~~痴曬線啦!

另外祖記就仲西利呀~~激戰114分鐘同打少個都可以係魯營贏到波!真係堅呀~~巴塞既不敗傳說就此啦!呼~~祖記我愛妳呀!! 上半場同下半場頭頭果段祖記都係俾人切嫁!嚇死我啦~~好彩有保方!更住我愛將尼維特過3個射番近柱入呀~~定曬!不過久守必失俾沙維入番粒tim!下半場中段仲打少個戴維斯tim!哎呀~~佢今場打得好好嫁!更住落黎祖記真係俾人圍攻呀! 當祖記流既咩?後防打得好呀~~清曬d波仲俾比連杜利打個突擊!阿薩拉耶達入返粒呀~~勁呀!全統意大利既隱守突擊呀!果陣已經加時下半場25分鐘啦~~yeah!爽得我呀~~ 之前仲驚射12碼嫁!家下~~恭喜曬兩隊意國球隊呀!引以為榮呀~~意大利足球返黎啦! 我見到完場一刻祖記d球完既表情都已經令人感動啦!守你成45分鐘都抵錫啦掛~~就算得唔到冠軍d鬥心都贏曬啦!

就係咁~~我......kakaak!好累呀~~仲差d遲到呀!本來要9點正起身早D去攪埋比賽既野嫁~~點知!9點18分先起身咋~~嘩!澎澎聲呀!上去攪埋比賽既野更住就澎澎聲搭車返工啦!到最後......好彩冇遲到呀!之不過返到公司冇野好做自己又累又眼訓wor!呀~~好想覺覺呀!哎呀~~死火原來今日我唔記得帶電話呀! 望望隻錶先得果一點~~幾時先得黎放工呀? 另外我係度諗女朋友仔就好啦~~覺覺緊!呼~~唔知佢發咩夢呢?見唔見到我呢?我好掛住佢呀!呼......lunch前好彩都俾我搵到單生意仔!去台北淨ticket都好過冇啦~~$150水!更住睇下自己條數.....$3100啦!yeah~~今個月有咁既成績都已經好好嫁啦!好唔錯啦~~希望今個月盡量做夠數啦!唔得都唔打緊起碼都要好過同我一齊果班cleck呀! lunch既時候我又出左去同江少一齊飯飯啦!又係咁啦~~維園吹吹水食下飯!好眼訓呀~~今完返番上去都冇野好做啦!為有等放工啦~~冇帶電話真係好麻煩嫁! 放左工第一時間''走''~~要澎澎聲果隻呀!因為約左女朋友仔街街!我地去左吉之島呀!嘩好耐都冇黎啦~~見到有好多野食我都好鬼想食tim!吉之島睇住黎呀~~我出左糧......我要征服妳呀! 利左陣去買雞翼同壽司食呀!仲撞到我細姑姐tim~~傾左陣間計仔啦!同女朋友仔講''幾時上黎食飯呀?唔洗客氣''女朋友仔就答''遲下先啦!'......唔好扼我呀!更住行多陣就由太古公園行到去華記食個靚粉啦!好好味呀~~好耐都冇食過啦~~更住就返屋企啦!好唔捨得wingwing tim死火啦!咁點算......唉!係車車度覺左一陣!返到屋企白白抖下啦!留番d精神今晚......哈哈!

嘩今晚仲有呀~~係曼聯對皇馬呀!AC對阿積士~~又係唔睇都對唔住自己果隻呀!之不過......驚驚呀!女朋友仔呀~~如果我真係掛住睇波而冇理妳既話記住發脾氣鬧我呀! 放心啦~~我今日早d訓醒再起身先睇呀!唔洗驚妳男朋友仔唔夠精神呀~~頂得順!聽日記得我起身返工呀~~如果唔係就大獲遲到嫁啦!

>>April 24, 2003 at 2:37:48 AM GMT+8

2003 年 4 月 21 日 星期一 【晴】

嘩今日終於要返工啦!好可憐......人地仲想係屋企多陣tim嫁!唉~~如果可以唔洗返工就好啦! 唔得!我要努力買六合彩呀~~我要中頭獎呀!仲要係一個人獨得既!諗起都開心呀!嘩如果真係中左既話第一時間娶鬼左女朋友仔先!哈哈~~ 嗱~~睇緊日記既朋友Fans!呢d咪就係叫做''發白日夢''lor!!哈哈~~唉!鬼咩~~坐左成日一個人都冇呀!悶死啦~~發下夢好正想既姐?係咪?哈哈~~

一早就走鬼左去book場踢波啦!結果.....book左5月14號呀!6點至8點呀~~正呀!計下計下係bor......下個月14號至17號我放大假呀!4日咁大把呀~~正呀!諗起都開心啦!快d到下個月啦~~ 呼~~早上影下印睇下報紙玩下啤牌都冇野做lu!悶死人啦~~仲諗住放完假會冇咁靜tim!估唔到都仲係冇客......唔怪得公司旅行團果邊大攪Promotion啦!講你都唔信呀!去曼谷5日既都只係$759起~~問你驚唔驚?嚇死人啦!! 如果有人想去旅行就快啦!呢排各公司都鬥平嫁啦!漢城4天都係$1277起咋......攪到我都好想去tim!不過冇錢呀~~如果唔係我實去呀!唉...... lunch估下我食咩野野?唔講呀~~講左女朋友仔實鬧死我呀!呢排我都成日食既~~ 呼......落左街行一陣,入埋數睇下野都冇野好攪lu!不過今日lunch有個好怪既現象呀!平時冇人帶飯嫁~~今日有兩個帶飯四個買百佳$9.9既飯盒!唔係fa?我仲以為得我一個先係咁姐!估唔到......估唔到...... 呀~~好眼訓tim!不過算啦!坐到7點又放工嫁啦......等下啦!好快好快~~咁就7點放工lu!鬆曬!係車度度聽下MD呆下咁啦~~嘩今有好多人搭車呀!有幾個靚女上左車呀~~但係我望左一眼咁大把啦!之後都冇望lor!! 因為咩?因為我個心掛住佢lor~~係我心目中始終都係佢最靚!其他又如何?哈哈~~返到屋企飯飯啦!白白~~同女朋友仔玩下ICQ咁啦!好累呀~~要叉叉電留返d精力今晚同祖記打氣呀!!

嘩今晚唔洗訓啦!因為......祖記中戰巴塞呀!呢場野真係唔睇都對唔住自己呀~~不過我諗祖記就危危地啦!1.作客2.傷兵3.兵疲唉......真係希望佢輸鬼左佢等下年再黎過咁就算啦!出左局專注聯賽算鬼數仲好啦!不過點都好呢場波......祖記我支持你呀!加油俾心機~~ 另一場波就係華倫對國米啦!呢場波最好就兩敗驅傷就最好國米進級等佢d人更加累更加傷等古柏更頭痛!yeah~~不過我諗呢場又係一場好波黎既!照秤就五五波啦!不過都係華倫秤先既因為主場lor!kakaak~~鬼唔望國米呢場波傷咁幾個球員呀!哈哈!

女朋友仔今日返學la wor!有冇掛住妳條仔先?唔準話冇呀~~嬲死妳呀! kaakak~~俾心機呀!就考試嫁啦~~

>>April 22, 2003 at 12:35:42 PM GMT+8

2003 年 4 月 20 日 星期日 【晴】

嘩~~好累呀!!你地估下我訓到幾點?好遲呀~~成2點半呀!!成隻豬咁樣呀~~ 真係累死人啦~~如果唔係肚仔餓我都唔起身呀!!一起身成個人都好似散曬咁啦~~暈暈地tim呀!! 或者耐冇訓到咁晏掛?不過話時話真係好爽呀!!之不過.....都係爽埋今日咋!!聽日又要振作嫁啦!!要返工努力啦~~唉!!突然唔係咁想返tim!!想抖呀抖.....休息下妳似呢幾日咁食下玩下訓下!!最重要係可以同女朋友仔一齊呀ma!!kakak~~ 起左身同女朋友仔玩左一陣ICQ咁啦~~更住周傑上左黎啦!!拎野俾我呀~~同埋大家傾下計!!講下波經不知幾爽呀!!又玩下CD正呀~~國米唉.....周傑不如加盟祖記啦!! 哈哈~~更住我就要街街啦!!約左女朋友仔6點呀!!因為聽日大家都要返學返工所以都唔去得太遠啦!!just only銅記!!行左一陣食餐飯就係咁咋ma~~ 行黎行去,行黎行去~~結果去左''無斜氣''度食野呀!!不過今次就傻仔左啦.....都好似唔係咁抵食tim今日叫呢個餐!!算數啦~~都飽肚!!唔好餓親女朋友仔就得啦!! 更住又行左一陣咁啦~~就返屋企啦!!係車車度我同女朋友仔玩得好開心呀!!kakaka~~不過我有d唔係咁捨得佢呀!!因為....聽日開始又要返工啦!!好掛住佢呀...... 不過算啦!!呢幾日都見左好多次啦~~唔緊要啦!!yeah~~聽日要加油努力為我條數加油呀!!

女朋友仔聽日妳都要返學啦!!要比心機啦~~知冇?唔好唔掛唔住我呀!!

>>April 21, 2003 at 2:56:49 PM GMT+8

2003 年 4 月 19 日 星期六 【晴】

今日又係好鬼死曬呀!!真係想死人啦~~原先今日係約左大雄/江少/君君/肥鵬/婷婷/阿基齊齊去ride a bicycle既!! 但係我隻腳仔因為琴日踢波整親都仲未好返反而仲衰多兩錢重呀!!呼~~結果攪左一輪我好為有推左佢地!!我同wingwing就咁冇去度啦!! 唉.....成個下午同wingwing都冇野做呀!!玩icq睇下電視咋!!悶死我地啦~~結果頂唔順啦!!我地出左去旺角街街呀!!不過我地既第一站係尖沙咀呀!! 由尖咀起點一路行下一路行去旺角既方向!!嘩.....真係又熱又閔呀!!想死咁瀉啦~~出曬汗仔啦!!不過途中都同左wingwing講左好多野!!有攪笑既/有以前既/有白痴既..... 講下講下話咁快就黎到旺角啦!!都幾快咁啦~~我都嘩左聲呀!!自己咁西利既?可以由咁遠行到咁遠~~又咁快!!係旺角就開始左我地惡夢既開始啦!! 首先我地去左買''班cook''食啦~~呼!!好好味呀~~正呀!!我同女朋友仔都好開心呀!!更住the next food is ''忌廉冬姑''又係一個十分之好味既野食呀!!又係個字掂呀~~正呀!! 我地兩個為食貓真係.....肥死啦!!行左一陣睇下衫衫呢樣果樣!!更住又行去.....the next food is ''勁辣魚蛋''又一傑作啦!!嘩嘩聲啦~~我地兩個都!!女朋友仔食到噴火啦就黎!!kakak~~我地澎澎聲救火啦!! 係太子行左一陣又返番去旺角啦!!只不過係行左幾步路.....the next food is ''Pezzia+糖糖''呀!!又係爽到暈啦~~我地係搭車走人既時候係車車度食既!!好味到.....停唔到口啦!!kakaka~~ 你地睇到呢度係唔係覺得我地食左好多野呢?但係都未算呀~~我地既晚飯係.....''扒王之王''嘩~~掂曬呀!!我就食牛扒wingwing就.....智利雞扒呀!!食埋呢兩樣之後.....我地都已經死死下啦!!因為飽到暈啦~~呼!! 好耐都未試過食咁多咁好味既野啦!!唔得~~下次出左糧我要更加博命呀!!wingwing記得陪我呀!!下次出左糧我要食.....''神戶牛扒''呀!!貴就貴左d成$208不過我諗實好味都暈係度都似啦!!kakaak~~~

食完啦~~食飽飽最好就做運動呀!!!結果我地去左.....kakak!!wingwing呢排至愛呀!!打機呀~~不過話時話都幾好玩bor!! 死火啦~~女朋友仔教壞我啦!!攪到我成日都玩埋tim ar ~~更住就返屋企lu!!今日既行程就係咁多多啦~~白白傾電話覺覺啦!!累死人啦.....!!聽日唔知去邊好呢? 仲有聽日咋~~過埋聽日又要返工嫁啦!!我要好好利用埋聽日先得?

女朋友仔呀~~講個好消息俾妳聽呀!!今日妳男朋友仔好開心呀~~因為.....kakaka!! 今日成日都同妳過得好簡單.....雖然係簡單但係我好感受得到拍拖既喜悅呀!! 今日真係好開心呀~~最衰冇照相呀!!如果唔係我諗....更加開心呀!!不過no problem la !we can a long time ......right ? 好難講呀~~今日果份開心真係.....由心發出黎嫁!!同妳一齊越來越開心啦!!因為我~~''越來越愛妳''呀!!

>>April 20, 2003 at 6:27:46 PM GMT+8