2003 年 10 月 27 日 星期一 【晴】

今天天氣好....哈哈!小學生作文咩!或者係琴晚早訓啦~~訓得夠夠地啦~~所以今日一早起身都絕精神呀!哈哈~~其實我都唔係太願起身嫁咋~~因為今早就已經發左個怪怪既夢啦!呼.....你地估下呀~~kakakaka呢排我成日都做既!之唔係踢波lor~~真係服左我啦!估唔到平時個心已經成日想踢波啦,又成日踢啦,呀~~估唔到係訓左覺發夢既都係掛住踢波既~~真係冇曬符啦!哈哈~~不過今日所發既夢我都幾英下嫁!哈哈~~同自己友仔一隊啦!一開始我已經黎料啦,成個尼維特咁樣樣呀!哈哈~~總之個feel就好正啦!keee~~~我仲記得仲係入左球靚波嫁!不過踢波舍地方就比較怪怪啦~~哈哈!個球場竟然係水塘度wor!!呵呵~~

返工啦~~嘩!都唔知點解已經搭早左一班車嫁啦!都仲係岩岩好先返到公司既?今日就58分鐘啦~~哈哈!差少系咋~~再遲多班就大單啦!呼......返到去今早又係好多野做既!坐呢個hotel位或者係咁掛?一早都係多多野做咁既~~更住做曬又唔知做咩嫁啦!哈哈~~所以我都係忙左一陣啦!之後行下行下等飯飯啦!呼.....今日我記得帶飯飯呀!!哈哈~~唔洗挨餓啦!kakakaka~~今日我澎澎聲食曬個飯之後就訓lu!呼.....真係爽呀~~不過d飯氣就頂住個肚都幾辛苦呀!呼...... LUNCH後啦~~都係差唔多啦!唔太多野做啦~~諗住可以輕輕鬆咁等收工啦!點知.....臨收工前先黎多野做bor!激死人啦~~攪到我幾咁亂呀!忙到踢曬腳呀~~早唔黎遲唔黎,臨收工先黎!激死人啦~~哼!我仲約左小公主一齊街街睇戲嫁!仲叫埋佢過黎等我呀~~如果遲一陣都死呀!所以我快快攪埋手尾佢啦!都係有d做唔曬既~~算啦!留返聽日先做啦!呼......鬆人啦!

收左工個人都鬆曬啦~~見到小公主幾開心呀!哈哈~~我地去左買戲飛先啦!kakakaak~~我地諗左陣結果去左陣瘋狂初戀啦!yeah~~終於有得睇啦!呵呵~~正呀!係皇室買左8:00場呀~~見仲有時間我地去左食南記先啦!更住行左陣反斗,之後又食M記呀~~哈哈!終於入場睇啦~~呼.....結果睇左成差唔多兩個鍾啦!kakkakaak~~都幾好睇呀~~係我預期中差左少少咁啦!不過都幾好笑幾感人呀!哈哈~~唔錯呀!我俾佢''75分''啦!keeeee~~不是定下諗番都有幾個鏡頭幾好笑呀!(笑左出黎呀!)又幾咁感人(都差dd喊嫁啦,不過差dd呀!呼.....)呀~~有樣野特別想講嫁~~kakakka!都係留番最尾先講啦!keeee~~ 睇完送小公主搭車之後自己都返屋企啦!都幾累啦~~呼!之後白白上網,打埋日記又覺覺啦!聽日又要加油努力啦!呼......順順利利呀!

頭先咪話有野想講既~~kakakak!之唔係套戲個男主角lor~~車太玹呀!哈哈~~佢真係好好笑呀!個樣已經攪野嫁啦,再加埋佢7情上面既表情就更加....哈哈!好笑呀~~呀!仲有呀~~佢係套戲入面果兩個髮型我都幾鍾意呀~~一個就係爆炸曲曬既(成個貝多芬咁)一個就好似我咁唔理佢成個蓋咁係個頭上面!哈哈~~真抵死呀!套戲係最後係最感人既.....呼!所以個結尾其實都算係幾好呀!真係唔錯呀~~好呀!

好啦~~睇完呢套戲之後我最期待既係.....keeeee!聽日先開估啦!


>>October 31, 2003 at 5:59:01 PM GMT+8

2003 年 10 月 26 日 星期日 【颳風】

呼......又迎接新的一個禮拜啦!!希望今個禮拜會係順風順水啦~~

琴晚本來諗住訓一陣起身睇場波既!之唔係國米對羅馬lor~~諗住捧下國米場,睇下沙哲朗尼咩料都好呀!哈哈~~點知都係訓左之後就醒唔到啦!我有醒過既~~睇見0-0嫁!之但係都係頂唔順啦!走番上床度訓啦~~哈哈!之後今早睇返戰果.....呼!好彩冇睇咋~~大部份報導都話係場悶戰,kakakakak!

今日都差dd就遲到啦~搭遲左班車啦!買埋早餐好彩返到去公司仲差2分鐘咋~~真係好好彩呀!kakakaka~~今個禮拜開始我係跟Peggy(酒店部)學野啦~~都係我最後一個禮拜係總行既生活啦!heee~~一早就已經有幾多野做啦!教就唔洗點教嫁啦!因為星期六半天都已經提前教左我嫁啦!所以我都幾快上到手啦d野~~我大約講講做d乜啦~~e.g.一早同事會fax d booking過黎,而我就用好快既時間將d booking 打一次e-mail過去外地既lan度做hotel啦!哈哈~~簡單d即係e-mail姐都係哈哈! 更住又收下果邊D e-mail啦!comfire就番自己同事,冇房就再試啦~~如是者我一早都係做呢d野啦!話唔易又唔係難又唔係既~~但我d英文就差dd啦!因為d e-mail都係用英文既~~呼......下午飯飯時間啦!kakakaak~~我冇出去食呀~~因為太累啦!懶呀~~唔想行呀~~結果叫左人買麥樂雞俾我食呀~~今日M記做promo呀~~買一送一,真係抵到你呀!哈哈~~正呀!!結果我食曬lu,食完仲出左去小食亭飲番杯巨廉先啦!哈哈~~爽呀!

下午就開始做第二樣野啦!就係出飛啦,我既意思係親手出果隻呀~~唔係叫人地出呀!呢方面就真係比較難左d啦!都幾深呀~~我都要摸幾下先得呀!呼.....更住都冇乜野做啦!可以話係等收工啦~~突然有大單野啦!我個PKG成份野唔鬼見左呀~~嚇死人啦!我即刻發散曬人叫人幫拖搵啦!呼.....等左一陣啦!驚左陣啦~~原來份野係旺角行度,頂呀~~原來係新黎條女攪錯左既!激死人啦~~佢做錯唔打緊呀,問佢有冇佢又扮傻仔話冇bor,真係唔負責任呀!哼..... 收工啦~~收左工Carol請我食雪糕佢呀!哈哈~~正呀!我地一齊搭車車返屋企呀~~呼!我返到去即上陣網先啦,打點好一切,飯飯埋就覺覺豬啦!太累啦~~呼.....好累呀!我一訓就訓到11:30pm先起身啦!更住上網icq wingwing啦!之後就白白啦~~更住佢竟然覺左wor!呀~~唔等埋我呀!之後打埋日記睇陣電話就再訓過lu~~!!kekeekekeke~~~

最後一個禮拜係總行啦!
突然有點兒唔捨得tim......或者咁講呀~~我突然唔係咁想去跑數tim,唔係咁想落番分行果種壓力掛?係總行我終於明白其好處啦~~呼......不過哈哈!我呢d咪叫自傷矛盾lor!前果排又話要落行跑數,家下又.....哈哈!唉.....人就係咁嫁啦!我都冇曬符啦~~kaakakakak!

>>October 31, 2003 at 5:57:45 PM GMT+8

2003 年 10 月 25 日 星期六 【微冷】

嘩~~嘩~~嘩~~打到黎啦!哈哈~~係唔係好似一個收迫機電台既節目名呢?kakaakak~~琴晚呀!累到我喊曬口呀~~係勁累呀~~日頭返工放工,教波=踢波,夜晚睇波.....仲打埋機tim!唉.....今日訓醒既時候.....頂呀!累到暈呀~~呀!周身骨痛呀~~仲要係好痛果隻呀!咁點攪好辛苦呀~~落床既時候!嘩.....骨又痛腳又痛~~點攪呀!勁辛苦呀~~呼!原先係諗係訓耐d既今日因為太眼訓太累啦~~想叉叉電呀!不過.....都係唔得呀!因為要起身食午飯wor!唉.....冇計啦!鬼叫自己為食咩~~食左野先啦!諗住食完野之後又覺番陣啦!點知.....呀!訓唔到呀~~好累呀!個人好辛苦呀~~d骨又鬼死咁痛,咁點攪呀?頂呀~~

更住都唔知做乜好啦~~又唔想出街又唔想呢樣果樣,大雄佢地叫我打波呀!不過我都係say no啦!因為太累太痛啦!隻腳仔又未好番wor!琴日一戰仲好似衰多兩錢重tim呀!激死人啦~~所以我成個下午都係留左係間電腦房度咋!冇出過去呀~~哈哈!一味係度打winning lor !kakakkaka~~太累啦!不過打機打到個人都好累呀~~呼......咁就一日啦!唉.....真浪費呀!之但係又冇計呀!鬼叫自己琴日又咁激咩! 夜晚飯飯睇陣電視打埋日記上陣網就坐定定睇波啦!kakaakak~~今晚又有大戰啦!國米對羅馬呀!哈哈~~應該都會係一場幾好睇既大戰黎既~~呼.....不過聽日我要返工呀!所以.....都睇唔得夜嫁啦!唉.....都係早d抖聽日返工工啦!

又一個禮拜啦~希望聽日會有個開始啦!希望下個禮拜冇咩西瓜豆腐啦!求卸拜佛啦!(All 李吉弟)

琴晚立仔同曾仔傑仔佢地話我以前間屋企個名好好笑呀!點解?哈哈~~因為佢個地址叫做---香港仔大道''六樓後座''!!哈哈~~又會咁岩既!kakakaak~~所以佢地都講講話想有自己一個既地方住下,e.g.睇完波搵個地方打下機?冇野做可以有地方打麻雀,打邊爐?總之佢地想有個地方啦!!哈哈~~我自己都好想呀!我都好想可以出去自己住呀!之但係我知道如果真係出去既話係有好多野要攪既!$$係主因啦.搬一搬出黎住我諗都要洗好多錢啦!哈哈~~希望可以搵到多d錢啦!呼......

今日睇到報紙係PS2度話會出''超時空要塞''呢隻game呀!唔知你地知唔知呢個係乜家伙呢?好正嫁~~我好鍾意佢嫁!好型嫁~~可以變身wor,真係正呀!不過我記得都係好細個以前晚事啦!果陣有電視播既,所以我成日追住佢嫁!哈哈~~我成日都想佢出呢隻game終於等到啦!希望會係幾好玩啦~~話時話我都有好耐時間冇玩其他既game啦!...............好啦!黎緊呢次出糧我決定左要買番幾隻game返黎玩呀!kakaak~~


>>October 31, 2003 at 5:57:13 PM GMT+8

2003 年 10 月 24 日 星期五 【酷熱】

琴晚因為又攪呢樣又攪果樣所以.....今日起身都唔太願起啦!唉.....不過算啦!仲有半日仔姐~~更住就可以放番日半假嫁啦!呵呵~~諗起都爽呀!哈哈~~好啦!返工啦~~起身刷牙洗面飲左杯麥精先出街啦~~因為都幾肚仔餓呀!哈哈~~又冇錢買早餐食bor,所以出此下冊啦!唉.......今日排隊搭車既時候.....呀!先醒起八達通係冇錢嫁!咁點算??即去7-11增住$50都好啦!之後澎澎聲搭車啦~~怕怕遲到呀!呼.....點知返到去仲係好早既姐!唉.....上陣網先啦!更住投入工作啦!又要做啦~~希望求神拜佛今日冇咩大樹啦!點知.....一早就已經.....kakakaka!! 有生意啦~~呵呵!呢個客仔我都做左好耐嫁啦~~佢今日一早就走左落CB啦!kakakak~~爽呀!又有數啦~~呵呵!計計埋埋都仲唔少野嫁!kaakak~~另外.....過多陣關島個客仔又俾埋$$啦!kakaak~~正呀!今個月條數都肯定唔少野啦!呵呵~~之後仲整多個奧克蘭機票啦!kakakak~~正曬呀!哈哈~~

不過......呢d都係一少部份姐!其實今日最主要既係學左基本酒店果邊既野呀!e.g.new booking / e-mail / 回覆 / 搵價錢.....好多好多野呀!攪到我都好辛苦好難呀!因為有太多英文啦!又有好多野要記bor~~真辛苦呀!唉.....下個星期我就係做呢d野啦!希望自己應付得黎啦~~唉.....我都有dd驚驚啦!呼~~ 之後見就收工啦~~行行企企走黎走去啦!哈哈~~真係快呀~~咁又半日啦!呼.....收工即鬆人啦!去左食個車仔面先~~更住就去黃記啦!因為今日約左利安同藍風踢友誼波呀~~哈哈!見班小朋友咁鍾意去大球場就去啦!今日藍風都9係太多人出席咋~~呼!不過人腳都唔差既~~kakakaka!反之利安都唔係咁齊人啦!呼......過左陣就開波啦!大家友誼賽啦!

今日我幫藍風既,或者多多少少因為星期四啦!所以我既狀態都好好呀~~都keep得住呀!哈哈~~正呀!最初係踢後面先既,正中堅呀~~唔係咁上啦,怕失波呀!嘩~~好西利呀!今日我係後面既狀態都係一流呀~~有好幾球都清得清脆呀!而且今日我係制空能力更係NO.1呀~~哈哈!勁呀~~ 過左冇耐我就前左去踢中場啦!走黎走去,走左走加,時分波時翼鋒,呼.....總之又係勁啦!冇處不在呀!係中場我都做左唔少既幫助,進攻防守都出左唔少既力呀!不過有點兒辛苦左少少啦~~因為今日差唔多成場都係得我一個係咁落力,走足全場,而且天氣又熱呢!呼.....不過我都好開心既! 最後就踢左前面啦~~係前面迫佢地啦!都有成功過既~~哈哈!雖然自己冇入波但都係助攻呀~~我今日總括黎講係攻方面有幫手但唔係主要既,反而防守就多左啦!係中場成功截左好多波先啦!哈哈~~而且係護球能力方面都係好好既,對手1都唔係咁容易搶到我個腳下球!呼......總之就好啦!今日既狀態都係一流呀!之但係......唉!又整親啦~~左腳腳板面舊腳指尾骨,仲有右腳都仲係未好番曬!呼.....要小心啦!

踢完之後....返屋企白白啦!更住.....上陣網抖抖啦~~又落街啦!因為今晚約左肥權阿wing幾個一齊聚舊呀!哈哈~~加埋睇波呀!食埋晚飯呀~~我就冇曬錢啦!結果傑傑仔請左我吃啦!kakkaakk~~正呀!飽飽呀~~夜d立仔曾仔都有黎埋呀!呼....睇完之後好累呀~~諗住訓啦!佢地上黎打機呀~~哈哈!5角賽wor~~好啦好啦!打一陣啦!好辛苦先羸到波子一球,更住漸入佳境羸埋曾仔立仔呀~~kakakak~~爽呀!但好眼訓呀~~

sorry呀~~小公主希望妳唔好嬲倫倫啦!掛住睇波打機又唔訓.....sorry呀!


>>October 31, 2003 at 5:56:41 PM GMT+8

2003 年 10 月 23 日 星期四 【晴】

今日......呼!我又返番上去總行lu~~點解??因為Carol放左假呀~~主任叫左我上去撐住先啦!!哈哈~~一早我其實已經唔知醒啦!!因為琴晚一戰.....好累呀!!kakakak~~查實我今日就應該返早既即係9am但我扮曨野返左10am!!呵呵~~太累啦!訓多陣啦~~扮傻仔啦!呼...... 返到去......都唔知做乜好啦!聽下電話先.....又整下自己個file啦!因為下個月落返分行既時候要有自己一個既file啦!哈哈~~以前我好期待有自己一個既file呀~~家下願望達成啦!yeah~~呵呵!!

今日lunch.....你地估下我同左乜水食??之唔係主任LOR~~佢突然間叫左我去吃呀!呀~~都唔知點解啦!結果我地去左間野叫肥肥既餐廳度呀!叫左兩碟野一齊食呀!!呀~~間野d野食都幾正嫁wor~~好得下呀!之後我地邊吃邊吹啦!唉...... 乜都講呀~~到到夠鍾鬆人啦!睇見張單要成$34蚊!嘩~~我身上得果廿幾蚊咁點算呀??點呀??突然佢出手拎左張單話請我吃呀~~哈哈!!多謝曬呀~~kakaakk!心諗好彩好彩呀!kakakaak~~好啦!!飽飽啦~~下午再做過啦!時間過得好快呀~~一陣就收工啦!不過話時話今日都唔知自己係唔係返緊工既!都冇認真做過野呀~~哈哈!!

收左工啦~~去接小公主啦!見到皇太后呀!我即刻請安啦~~''萬歲萬歲萬萬歲...''kakaakak~~真攪野呀!之後我同左小公主行左陣啦!更住就搭車車啦~~點知......嘩!有個傻佬不停咁望住我呀~~佢真係飯嫁!仲同我笑呀~~拜拜埋呀!哈哈~~ 到目的地啦!我地今晚又係打邊燼呀~~諗住食唔知乜Q但冇曬呀!失望呀~~我就走左去買其他野食拾拾下啦!kakaakak~~有雲吞同埋福字面呀!kakakak~~正呀!!爽呀~~飽死啦!今獲真係......哈哈!之後送左小公主返皇宮啦!自己都返屋企啦~~諗住....... 搭2X上車之際!先醒起冇錢呀!所以轉搭77啦~~點知岩岩開左,睇見99開車啦!唔好理三7廿1啦!上左車先啦!結果唔洗多講呀......行左幾個字先返到屋企啦!呼......返到屋企白白上陣網啦!好累呀~~撐唔住啦!要訓啦......呼!

今日同主任嗲計.....唉!聽到d唔係咁好既消息!我都好唔開心好唔知點啦!就係減人工啦!頂佢個仔呀~~岩岩先升左已經冇得加人工嫁啦!家下仲要減,咁點算呀?玩我咩?所以我真係要好好諗清諗楚啦.....點算好呢?

返埋聽日又放假啦!要撐埋佢呀~~

聽日又要教波啦!哈哈~~不過我都有份落場踢埋!希望會布好既表現啦~~


>>October 31, 2003 at 5:56:08 PM GMT+8

2003 年 10 月 22 日 星期三 【晴】

呼......前晚祖記7分鐘已經兩球啦!!最後就4-2小勝啦!!哈哈~~穩奪出線一位啦!!反之.....國米就作客大敗而回啦!!古柏一走仲衰多二錢重呀??琴晚既AC又衰輕敵呀~~最後竟然主場敗陣wor!!哈哈~~有冇攪錯,真係爆大冷啦!!而拉素就作客車仔雖先入波入但都係守唔住,仲要輸個突既~~唉......今年拉素同文仙尼既魔法唔通用完??呼......其餘既曼聯,皇馬......都冇咩問題啦!!出線唔係問題嫁啦~~家下最令人期望既係.....16強既對手好值得關注呀!!哈哈~~肯定好好睇啦!!kakakak~~

琴晚原係諗係訓一陣就起身睇波既~~點知.....唉!!都係撐唔住啦!!好眼訓呀~~訓埋佢啦!!仲冇白白度tim~~呼......所以今日一早就起身白白啦!!kaakakk~~呀!!唔知係唔係一早白白個人會精神d既呢??哈哈~~好彩今日係返10am既姐!!買埋早餐返公司吃啦!!kakakak~~ 今日.....哈哈!!得我同埋Anna係度咋!!kakakaak~~又會咁既??冇大野係度睇住都有既~~唉!!所以一早我同Anna都幾譫心嫁~~因為怕撞到d麻煩友仔唔知點攪佢呀!!呼......不過......都好好彩成日都冇咩大單野既!不過.....成日都係冇乜生意啦!!又係得個坐字呀!!我就有個客仔上黎交尾數啦!!更住我都唔知做乜好啦~~ Anna都係一樣開左一張單咁大把啦!!呼......更住lunch啦!!佢食先既~~當我一個係度既時候起初都幾驚下嫁但慢慢就慣啦!!佢返黎啦~~我個心仲想自己撐多一陣嫁!!呼......激死人呀!!之後到我飯飯啦!!今日我帶返飯飯啦!!因為又到月尾啦~~唔洗多講嫁啦!!自己食自己啦!!有個飯食都好好嫁啦~~但唔知點解個人好累呀!!食左些少就覺左陣啦!!呼.......

下午撐埋佢啦~~更住就收工鬆人啦!!呵呵~~今日收左工約左成大把公司同事一齊踢波呀!!都幾好嫁wor!!原來返左工得閒同返公司d人仔一齊踢下波都幾正呀~~kakaakak!!今日我個狀態可以話係top fit呀~~kakakka!!係7咁多次維記黎講今次都可以算係數一數二好好既狀態嫁啦!!kakakaka~~一開始幫人地守龍先,更住就自己友對自己友啦!!又有人仔跟隊又踢埋啦!!kakakaak~~~ 今日我個維記好戰友周傑都有黎到既~~呵呵!!正呀~~一開始我地已經係敵人啦!!我都唔想呀~~不過猜左都冇計嫁啦!!唉......因為我好怕周傑睇住我嫁~~救命呀!!不過今日凡既狀態話明fit緊係冇有怕嫁啦~~哈哈!! 係射波,傳波,控波,帶波,分波,防守,進攻都有唔錯既表現,都幾可人嫁,哈哈~~正呀!!好耐都冇咁既feel啦!!真係正呀~~不過今日可能博果頭啦!!又整親啦!!個膝頭同周傑撞左下就痛痛地啦!!護住個波既時候俾人踢到腳眼啦!!長傳既時候又整親腳背舊骨啦!!唉.....不過我都照踢照撐住佢呀!! 因為我知今日既狀態唔可以錯過既,加上係維記都唔知有幾多次啦!!哈哈~~今日總括黎講我會俾自己70分啦!!都唔錯嫁啦~~今日一戰我加埋有兩個助攻一個入球呀!!kakakak~~對我黎講係維記已經係一個唔錯既表現啦!!呼......相對返黃記,維記d波真係好唔同既,對手出腳狠,準!射勁,準,有角度!總之係好唔同啦~~所以我家下都愛上維記啦!!kakaka~~今日傑仔既狀態都唔差嫁~~起初打後面都唔錯既!!人釘人就最出色啦!最後踢左前面,雖多入唔到波,但勝在勤力呀!!做第一道防守呀!!kakakaka~~

踢完之後去左接小公主收工啦!!之後去左食海皇粥店啦!!正呀~~因為我太肚餓啦!!kakkaak~~更住我地去埋食果d叫乜野呢??總之就好好味啦!!!kakakak~~送埋小公主搭車自己都快快返屋企白白打埋日記更住覺覺啦~~因為聽日又要返番總行啦!!呼....仲要係早果隻呀!!呼......咁點算??kakakkaka~~

今日介紹另一套戲啦!!----絕種鐵金剛


>>October 23, 2003 at 5:19:51 PM GMT+8

2003 年 10 月 21 日 星期二 【晴】

今日....都係返銅仔呀!!有我同rockie兩個咋~~Anna姐同吳生都放左假呀!!所以......要撐住啦!!呼......今日返到公司都已經好多野做啦!!我指既係自己既野呀~~都係琴晚做既booking啦!!唉.....一早就要辛辛苦苦啦!!呼......自己又冇買早餐bor~~勁肚餓呀!!冇計啦~~都要撐住啦!!不過今日一早我又做左單生意仔啦!!kaakakak~~開左張單咁啦!!呵呵~~~都好過冇啦!!kkakaakak~~~成個早上就係等呢條友仔咋~~更住我同黃樂山都冇乜野好做lu~~上下網啦,做下影帝啦,行行企企,做埋PR呀~~哈哈!!(黃樂山=Rockie/影帝=影印機皇帝/PR=接客) 呼......飯飯啦!!希望飯完之後會好D生意啦!!唉......今日我去左樓下''大家樂見''度食呀~~哈哈!!下午茶餐,$13雞一個燒鴨米!!正呀~~送多杯華田熱既!!爽曬呀~~KAKAAKAK!!返返上去LU~~好啦!!不過.......哈哈!!估唔到下午既生意都係吉呀!!kakakak~~唉!!家下真係生意難做呀~~

突然上面總身2打落黎叫我地上番去開會bor~~呀??唔係fa咩大樹呀??岩岩先開完又有咩樹呢?我好出奇呀~~不過唔好理啦!!上左去先啦~~因為果陣就收工嫁啦!!所以......呼!!放鬆曬啦~~點知係想鬆人之際........朱老總又話唔洗上番去總行啦!!呀??咩樹呀?又要上又唔洗上既???冇計啦~~呢個時候緊係打個電話收收風先嫁啦!!kakaakakk~~ 打左過去沙田呀~~結果.......好驚訝呀!!唔係fa~~你地估下係乜??(作為一個打工仔最開心既係加人工升職啦,至於最唔開心既當然係.......冇錯,係減薪呀!!點都估佢唔到呀??咁突然既??岩岩放完NoPay咋WOR~~家下又攪d咁既野呀?唔好玩啦~起初我都係唔太信既直到...... 真係收工既時候,分行主任同佢嗲左幾句啦,先真係comfirmed啦......唉!!點解呀?SARS都完啦~~人地都冇咁既樹點解......呀!!咁唔好彩既~~激死人啦!!呀......唉......唔好理啦!!鬆人啦!!

收左工又係同左小公主一齊呀~~kqakakak!!見佢返工咪齊齊飯飯啦~~我地去左食許留山先啦!!更住.....搭車過去大家樂見啦!!我地又買左個福面呀~~正呀!!我好鍾意呀~~哈哈!!發現左樣野原來唔係得我地買其他野去打邊爐嫁啦!!睇見人地都冇咁樣樣嫁~~kakaakak!!哈哈~~~人地食出前一丁呀!!呵呵~~食完之後....我勁累呀!!澎澎聲返屋企啦!!我要覺覺豬啦~~

今日......小公主好索呀!!我呢個黑馬王子都差d流曬血呀!!總之一個字''索''呀~~不過.......唉!!妳越索我就越唔知點咁啦!!唉......

今日勁累呀~~返完工又街街搭車車......呼!!真係要抖抖啦~~我諗星期日都要叉叉個電啦!!呼.......不過今日有樣野好既~~就係今日我係sell客既狀態冇咁差啦!!冇咁驚啦~~好左些少啦!!我知咁係唔得既~~要再俾心機d呀~~希望我盡快會習慣得到啦!!呼.......

近排我有3套戲係好有興趣睇既.......今日先介紹第一套先啦!!---瘋狂初戀


>>October 23, 2003 at 4:31:15 PM GMT+8

2003 年 10 月 20 日 星期一 【晴】

今日一早起身又要迎接我新既一天啦!不過都係咁嫁啦~~返總行出面個counter坐.....唉!!咁點算點做到樹出黎呢?呀....真係辛苦呀!!一早我就已經坐左出面啦!!點知......突然主任叫左我落CB分行呀!!呀~~我都好驚訝呀!!點解會咁既?咁突然~~或者係經理知我出面電話又冇客又冇乜都冇所以派左我落CB仲好啦~~起碼有人仔有電話做下客先呀!!都幾好呀~~我知道後都幾開心啦!!因為可以唔洗咁悶啦~~最重要既係可以返回我既老家''CB''呼.......

落到去.....呼!!感覺的而且係唔同左好多呀~~起碼落到黎真係似做野嫁ma!!有電話響,有walk in客仔.....仲有Anna同埋Rockie陪我呀!!之但係......我好驚呀!!唔知點解會咁既??咩野樹呀??自己老家有人磅住都係咁既??我由落到行果刻真至到收工為止我既感覺都係咁.....好緊張好緊張!!好驚呀~~why??我唔知點樣講出黎呀.....呼!!冇形之中產生左沈重既壓力!! 我知如果係咁樣既話都唔知點死好啦......呼!!點攪呀?我跟本就好似已經跟唔上咁樣啦~~我發現到自己sell客既時候真係好唔知點樣樣咁呀!!!真係死曬火啦.......我自己都知道但我可以點做呢??冇人教到我啦~~唉!!點攪.....點攪...... 今日雖然到到最後都係開左兩張單啦!!一張個客仔係去Cebu既PKG前後兩隻我諗都應該有$400-$500蚊既!!呼......希望又係做得成啦!!更住既就另一單啦~~個客仔去GUM既PKG......嘩!!呢個都算有有錢仔啦!!成萬蚊佢都死去既~~因為話要考咩咩試wor!!呼.......冇位都變有位,因為佢升級坐經濟客位呀~~哈哈!!加上佢又咩都肯......都幾好既!!!所以今日總括黎講做呢兩個客仔既時候都唔太難..... 唉!!!但我知係sell佢地既時候始終都係唔太得呀!!我自己知自己事......Rockie話我俾個客帶住走所以食唔到個客,加上自己個信心又唔足所以.....唉!!咁點算好呀.....唉!!又冇人教下我bor!!呼.......今日就係咁啦!!之但係.....

收左工同左wingwing街街飯飯呀!!突然中環Wendy打bor~~打親手提咁urgent都唔會好得去邊嫁啦!!唉.....原來我做錯左野呀!!幫琴日果個客仔book錯左Hotel呀~~激死人啦!!點解我又咁黑仔既~~呀!!唔制呀......死人頭呀!!結果叫左個客仔聽日先再俾過尾數啦!!!唉.....又俾人扣左些少分啦!!我好失望呀~~諗住攪掂嫁啦!!firm你酒店諗住有個好開始啦......家下真係激死人啦!! 今日返左一日咋聽日同埋後日都唔知點死好啦......好似多左咁多野做咁既??好辛苦呀~~好大壓力呀!!之前我都唔係咁嫁??家下......攪成咁??呼......真係好累呀.......sorry呀!!wingwing早知如此就唔叫妳出黎飯飯啦~~ 最初其實諗住叫妳出黎傾下計嗲兩句既.....之但係一落到黎一見到妳,妳就話我啦......攪到我連最少少既信心都冇埋......所以妳咪話我唔出聲又黑口黑面就係咁lor!!sorry呀......又要妳辛苦.......行左陣我地去左食元氣呀!!食左好少野咋......好飽呀!!我知自己好累.....食野都冇曬心機食啦!!只係知道好累好累.......食完野行多陣啦!!到到咁上下就返屋企啦!!

係電梯度我大聲叫左幾下......希望個心好d個人冇咁大壓力!!好左些少啦~~返到屋企唉.....都冇心機上網啦!!飲左杯水就訓啦!!好累.....好累.....呀!!突然個膝頭好痛呀~~就咁樣痛醒左我啦!!呀~~家下點幾啦!!白白.....同埋打日記啦!!呼......更住個心就想睇波既.....但係都係唔睇啦!!訓啦~~聽日又要撐住嫁啦!!唉.......

sorry呀!!wingwing.....要妳走出黎又要辛苦妳!!對唔住呀.....請原諒我啦!!wingwing sorry呀~~掛住訓冇同妳傾電話tim.....

好累呀.....好辛苦好大壓力呀!!當日既倫哥係邊??呀.......家下自知自己既最大毛病......點算呀!!點拆掂佢呀!!

呼.....''希望在明天啦''
希望聽日我既狀態會好返dd啦.......



>>October 21, 2003 at 6:41:38 PM GMT+8

2003 年 10 月 19 日 星期日 【晴】

今日.......嘩!悶死人啦~~你地都知我一悶成個都會冇黎精神嫁啦!唉.....激死人啦!!點解會咁悶......呼!上星期就跟主任學野~~學完啦!今個星期就出去坐灣仔counter啦!呼......一早就收拾好整齊d野就住出去啦!成個上午.....直到食午飯啦!哈哈~~一條友仔都冇呀!咁點算?係度真係得個坐字lor~~激死人啦!仲話叫我出去坐下試下一個人坐行,又話操番起d狀態.....咁樣樣你地話啦!我點可以操得起呀..... 結果成個朝早都係住係度一係就上網睇無聊野,一係就同下d領隊吹吹水咁lor~~再唔係就同d行出行入既人仔嗲兩句啦!唉....真人都死呀!點頂呀?今日先係星期一.....下星期先話好d跟第三個咋....呼!我都唔知點攪好啦~~好啦!飯飯啦~~今日班OA仔叫埋我一齊出去飯飯wor~~是但啦!見平時佢地成日叫我.....好啦!就出去啦~~而且我係呢度=總行既日子都唔太長啦!食得就食啦~~呼!

好啦~~下午再撐落去啦!唉.....都係咁啦!坐~坐~坐~坐到收工呀!咁點算呀?又冇客仔俾到我做實習bor~~激死呀~~真係唔知點好啦!下個月仲話要出行跑數嫁.....呼!直到收工.....我坐足成日成日你地估下有幾多個客仔坐埋我個counter位呀!答案係1個....仲要係幫同事收錢既~~唉!真正問機票既客仔係0呀~~ 都有人仔問機票既.....自己友lor~~即係同事呀!呼.....依依......係收工前既一刻嘩!正呀~有個客仔呀~~終於有啦!佢最後買左個PKG係去吉仔既......機位就有啦!房方面就聽日先啦!救神拜佛希望做得成啦呢單生意.......

今日其實我又遲到啦~~今個月第2次啦!仲有一次咋~~其實今日果次都可以避免既!因為我遲到都係為左book場既姐.....之但係.....上到去頂呀!多人都暈呀~~點解又會一早就有咁多人book嫁?唔係fa......見咁多人我冇book到呀.....真係失敗呀!又book唔到場又要遲到!激死人啦~~

琴晚......嘩!米蘭對拉素.....想睇既旎住訓陣再起身既~~之但係都係有心冇力啦!訓....訓...一訓就大天光啦!呼.....真係好辛苦嫁自己一個夜麻麻咁睇波!加上又轉季啦~~凍凍呀!我諗過度過嫁啦~~決定左係每逢深夜播既波都唔睇!除左祖記之外.....kakakka!又或者係d大大大大大戰啦!ok~~為左我既前途著想一定要咁做嫁啦!唔通野野都睇波睇到夜麻麻第二朝又冇黎精神咩.....呼!

今日係我sell果條友仔既時候......我驚驚wor!哈哈~~唔知點解呢?我好想有客仔問野好想做得成......之但係到真係有既時候又另一個講法bor!!呼......我諗我真係要盡快投入返sell客呢一part啦!!呼......奸爸嗲!!

琴晚同小公主不停咁講去旅行既野......哈哈!我真係好想去呀!!現在我地首先會去既地方係......Leo Star,Bangkok,Taiwan

最後.....今日係10月20號.....哈哈!你地估下係咩野野既小日子呀~~係關於呢個日記既!!kakkaka~~我諗都幾難先估到嫁啦!!之唔係我打日記一週年lor!!kakaakak~~終於一年啦!!不知不覺......呀!真係~~kakaakk
你地睇下~~阿亨生都鄧我興奮呀!!(Herny:恭喜曬呀!!Alan.....show happy 一週年!!)



>>October 20, 2003 at 12:27:51 PM GMT+8

2003 年 10 月 18 日 星期六 【微雨】

琴晚....嘩!!睇睇下波都可以訓著既~~就因為可能係我訓著左呀!!祖記都差d就輸波呀~~嚇死呀!!本來諗住睇埋巴塞既~~之但係....好累好眼訓呀!!訓啦.....頂唔順呀!!kakak~~~一訓就訓到.....今日下午2點到啦!!真係西利呀!!話時話我都好耐未試過咁爽咁正啦~~kakakak!!叉足曬d電呀~~呵呵!!kakaakka~~起左身......搵野食啦!!食左個魚聊包餐更住......攪攪野啦!!我個意思係收拾好間房啦!!電腦房呀~~諗諗點駁番好個NOW寬頻電視同埋要整番好d電線呀!! 真係好煩呀~~打曬交呀!!結果成個下午都係咁啦~~呼......靚靚呀!!家下個電腦房有電腦,電視,PS2,FM....嘩真係乜都有呀!!十足十自己個小天堂呀!!哈哈~~遲下仲會買埋張床仔俾我呀~~正呀!!果陣時我都唔知點好啦!!家下諗定點攪都好bor??

之後就等飯飯啦~~堂妹恩恩同二伯佢地上左黎呀!!因為今晚開大食會wor!!kakaakak~~小朋友仔生日呀~~所以....佢就開心啦!!哈哈~~有好多野食呀!!雞翼,牛扒,豬扒,沙律......好多呀~~~飽飽呀!!kakakak~~之後就睇波lu!!呼...... 白白之後訓一陣先啦!!夜d又要起身呀~~因為有米蘭對拉素既大戰呀!!kakakak~~正呀!!希望齊齊失分啦!!祖記就爽啦~~呵呵!!因為琴晚祖記win左呀~~榮升榜首呀!!

星期日.....成日都留左係屋企.....會唔會係浪費左呢?我諗唔會既~~因為我真係好想抖抖呀!!叉足電下星期再黎過呀~~返工!!

呼.....以下係一則特別消息:油王班霸國際米蘭,係賽和布雷西亞之後不足廿四小時,已經被炒鬼左啦!!呼......賽後古柏仲話有信心領軍落去.....家下!!呼......
(堂堂古柏就此係意甲球壇失敗!之前仲帶領華倫兩入決賽....呼!傷心呀~~)
在此我為古生默禱一分鐘!


>>October 19, 2003 at 1:24:20 PM GMT+8