2003 年 6 月 29 日 星期日 【晴】

嘩~~琴晚場波真係呀!激死我呀~~我撐足成晚先得果一球波上落!真係可以話係悶戰呀~~作死你呀!閔死人啦~~仲諗住會好精彩啦~~唉.....家下既足球真係無復當年之勇啦! 琴晚場波最後由法國佬係加時Henry既一下符碌波入左球黃金入球啦!哈哈~~真係兒戲呀!不過法國就做左個記錄既~~係唯一既隊伍可以衛冕呢個''周傑杯''呀!哈哈~~都幾好聽wor!yeah~~

因為琴晚咁所以我成晚只係訓左3個鍾咋~~呼......8點又起身啦!返工真係勁辛苦呀~~我成日隻眼仔都開唔大既~~嘩!真係好苦呀!最衰既就係今日返到公司又冇咩野做果下先死wor!攪到我得個坐仔,又唔知做咩好wor~~行黎行去咁!我真係好想訓呀~~ lunch我真係有得訓啦~~15分鐘咁多多啦!哈哈!之後又要發''牛逗''啦!唉.....好彩撐埋今日姐!聽日有得放假呀~~yeah!就係咁我死撐落去到收工啦!yeah~~放監啦!呢刻係我感到重新既feeling呀!哈哈~~

放左工就算累,眼訓都冇計呀!因為夜晚先係戲肉呀!放左工走左過去搵女朋友仔先!途中見到''足球小將no.9''出左wor~~唔理佢37廿一啦!買左先呀!一路行就一路睇呀!哈哈~~爽呀!等左我幾耐呀! 睇呀睇~~等埋女朋友仔就行啦!去左食野先~~''car boy noodle''知唔知係咩先?哈哈~~我知自己英文水平低嫁啦!食完野就搭車車啦~~ the next station is 紅館啦!yeah~~冇錯~~今晚我地既大節目係''左倫右李演唱會''呀!yeah~~

其實如果唔係咩SAS既話佢一早就做左嫁啦~~家下先黎做到好呀!yeah~~仲要係唔洗錢嫁!因為wingwing個mother唔去得,所以由我頂上啦!kaakaak~~~good呀!可以二人世界啦! 呢個演唱會由頭到尾其實都唔錯嫁!不過我對阿倫d歌就唔太熟啦~~所以阿倫d我唔識既歌時候我係訓著左嫁!哈哈~~反而勤仔既歌都識多d呀! 中段更有宗仔出黎玩下野tim!唔錯呀~~好戲在後頭呀!岩呀~~佢地最尾果半個鍾真係好high好勁嫁!有伊有慢有悲有歡真係西利呀!佢地遲下仲話攪多次part3 wor~~哈哈!

睇完都成11:30pm啦!更住我地就走人啦~~搭車車!勁多人走lor!傻嫁~~我送wingwing返埋屋企先!更住自己先返啦~~如果我唔親自送wingwing返屋企個心真係會好譫心嫁!驚有咩西瓜豆腐呀!哈哈~~大吉利是呀!

我自己返到屋企即白白啦~~更住飯飯!同埋wingwing傾多陣電話自己又打埋日記就去訓啦!真係好眼訓呀~~想打陣機都頂唔順呀!要訓啦~~如果唔係聽日冇精力踢波嫁啦~~哈哈!係呀~~聽日我又踢波啦!yeah~~

聽日係7 月1號呀!回歸既大日子~~本來係既~~不過更係我地香港仔既大日子呀!因為聽日我地會有個大歸模遊行呀!為左係反對23條嫁!哈哈~~據我所知都有好多人會參加嫁!攪到我自己都想想地去tim!不過呀~~我搵人去冇人肯陪我癲呀!佢地話我癲就真~~哈哈!攪野~~我地香港人應該出點力保障自己既利益嫁!

>>June 30, 2003 at 7:17:01 PM GMT+8

2003 年 6 月 28 日 星期六 【晴】

今日好好天呀!早知係咁就去swimming啦~~唉!失敗~~之前想去又rainning家下又......真pk呀!今日我一訓就訓到差唔多兩點先起身啦~~勁呀!真係好爽呀~~訓覺真係人生一大樂事呀!哈哈~~起左身刷牙洗面冇野食呀~~好肚餓呀!更住就上網啦~~睇下報紙啦都係咁嫁啦!更住係時候出門口啦~~不過.......

到最後都係去唔成啦~~算啦!今日原先係諗住出去搵古仔嫁!因為今日古仔係銅記呀~~唉.....冇計啦!同左女朋友仔傾左一陣電話更住就出街啦~~搵野食呀!heee~~餓死人啦!不過我都係食左個下午茶餐咋~~唉.....唔飽既!算啦~~ 更住就上左波仔屋企lu~~上去佢度打winning呀!~!~哈哈!我部ps2借左俾佢呀~~所以要上佢度玩啦!今日我狀態大勇呀!西利~~打咁多場只係輸左一場咋~~kakaakak!波子都話我西利呀~~上黎拆招牌咩?哈哈~~玩下姐!

不過今日有場真係好正嫁~~係last果場啦就係!當我走前既最後一場.......我用祖記佢用曼聯!呢場真係西利呀!我個迪比正路一開波1分08秒就入左球靚波啦!一開波迪迪仔自己帶呀帶.....先過華朗再過碧咸同費迪南,最後單對單巴夫斯一趟入網呀!西利呀~~波仔話Alan你癲嫁! 到到第二球啦!角球開出戴維斯禁區頂堆前兩步係細哨力壓同堅尼殺埋黎之制起腳勁射破網呀!又係球靚波呀~~ 第三球由右路既杜林轉方向大吊到左路既尼維特,控定堆順加腳一趟遠柱入網呀!yeah~~西利!入完3球都只係開賽既35分鐘度! 更住互無記錄啦!下半場戴維斯既 own goal.....到到最後迪迪仔一下漂亮既轉身壓過費迪南又係趟遠柱入網啦!靚曬呀~~最後4-1完場!真係精彩呀~~ 其實全場波阿波子都有攻擊嫁~~互有攻守真係場好波呀!哈哈~~波子仲話今晚唔訓打通宵wor~~真係爽呀!哈哈~~

打完啦~~返屋企玩一陣CS就飯飯啦~~好肚餓呀!結果食左兩碗飯呀!想至食嫁~~不過冇呀!食左聽日就冇得食嫁啦~~咁由佢啦!食完就走去覺左陣啦~~呼.......之後又起身on9 lu!打日記先~~同埋女朋友仔傾埋電話先!yeah~~

今晚有洲仔杯決賽呀!睇唔睇好呢?睇到就睇啦~~ok?

>>June 30, 2003 at 7:16:29 PM GMT+8

2003 年 6 月 27 日 星期五 【晴】

yeah~~今日係星期六呀!只係返半日姐~~爽呀!所以今日我買左個早餐黎醒醒神先~~heeee!我好少會買早餐嫁!哈哈~~今日.....返到公司,阿主任即刻同我講啦!''Alan:今日得我同你兩個返工咋,同埋我琴晚冇訓呀!今日睇你嫁啦~~''哈哈~~唔好玩我啦!佢咁講我都唔知點lor! 或姐今日係星期六啦!返半日啦~~所以心情都好好嫁!做野都爽手d呀!真係呀~~話時話返左一陣就好似又放工啦!哈哈~~今日d時間咁快過既?yeah~~

放左工......返屋企lu!返屋企食lunch先~~不過到最後都係食M仔咋!好味呀~~更住就訓左一個鍾就起身啦!係時候啦~~yeah!又係踢波呀!無錯~~又係踢波呀!家下我同我既隊員真係日踢夜踢呀!踢唔停呀~~哈哈! 不過到左球場就有d失望啦!因為今日得好少人咋~~好多人都冇黎呀!因為咁樣我地又唔夠人鬥波wor~~結果搵左班野黎同我地踢lor~~冇計啦!

同果班野踢都唔太大問題既~~都好嫁!可以同其他人熱下身~~kaakak!我地足足踢左成個幾鍾呀~~最後我地係羸3比1既~~yeah!好既開始呀~~不過途中就有段小插曲啦!就係人猿同對方有些少嘈交啦!算啦~~照踢啦! 今日都幾好既~~同街外人踢!起碼大家會集中d呀個心~~所以我都開心下嫁!見佢地都認真左~~都好!話曬都就黎比賽啦~~大家係時候黎料集中嫁啦!希望大家會越踢越好啦! 我家下唯一既希望就係.....想成隊藍風齊齊整整咁踢場比賽啦!因為我地好耐都未試過最強陣容啦!唔知到時會係點既呢?哈哈~~好期待呀!

踢完就歸家啦~~返到去飯飯同白白!更住就到藍風留言,check e-mail,日記~~就係咁啦!好累呀~~琴日又打波今日又踢波!哈哈~~不過咁活躍咁多野攪先至係Alan黎嫁ma!right?yeah~~

聽日係時候抖下啦~~所以就約左wingwing街街出去啦!聽日......要去銅仔搵古仔呀!yeah~~我要影相呀!哈哈~~今晚都要早d覺覺啦!

sorry ar ~~周傑聽日去唔到教會度踢波!下次我會去嫁啦~~ok?快d去維記啦~~

>>June 29, 2003 at 5:48:41 AM GMT+8

2003 年 6 月 26 日 星期四 【陰】

今朝原本係同阿文仔肥威去唱K既~~之但係真好累好眼訓呀!so sorry ar,sing with u the next time呀!因為琴晚睇波lor~~睇法仔呀!不過有個唔係咁好既消息聽到啦~~就係喀嘜隆既防守中場科爾佢不幸去左啦!唉.......呢件事可以話係足球界既一樣怪事?趣事?傷心事呢?唉......我睇返新聞佢真係好可憐呀!冇情情係中場圈,突然就訓低左啦~~一訓就冇醒啦!真係可怕呀!我會為佢默禱一分鐘!

好啦~~傷心事講完啦!更住我起身就緊係食字當頭嫁啦!哈哈~~食完午飯就出門口啦!因為去唔成K所以就過左去肥威屋企打番機啦!yeah~~今日係winning大賽呀!我上到去就黎抖開波啦~~第一round球會分組呀!結果.....我得到首round既3冠王呀!勁呀! 更住第2round係大好形勢中只得第二,呢round文仔威啦!到到最後一round啦!我都係得第二咋,激死呀~~唔制呀!哼~~下次我要再比心機呀!哈哈~~不過都係友誼第一比賽第二嫁啦!原本諗住打完一齊食飯既~~不過周傑話要返屋企呀!所以......next time啦!

我打完冇返屋企呀!反而上左去山頂度打波呀~~yeah!又有得打波啦~~呢排我好想多d運動呀!岩曬~~今日都幾齊人下嫁!有明仔,大雄,華仔,鵬仔,權仔,龍仔,彭仔....yeah!正呀~~攪到我好有mood呀!所以今日我由頭到尾都差唔多係著曬火嫁~~勁呀!今日我主要係分波同助攻呀!有好多球靚波呀~~kakakaka!爽呀! 打到佢關燈先捨得走人呀~~爽曬呀!heeee~~~~之後就緊係返屋企嫁啦!即刻打俾大人啦!不過佢覺左呀~~好彩都俾我嘈醒左佢起身!哈哈~~yeah~~更住就白白食飯啦!最後就要早d覺覺啦~~聽日仲要返工呀!係呀~~返埋聽日又放一日啦!哈哈~~真攪野呀!

hay各位人仔~~下個月我真正放假既日子係:7月1,2,3,6,8,12,13,17,18,20,24.27.30係咁多啦!真係有賣要快呀!手快有手慢冇呀~~哈哈!

周傑比心機d踢啦~~winning今日你仲咩野呀?大失水準既?呢排你仲勁玩嫁?我唔理呀!下次我登門到彷既時候係要勁d嫁~~哈哈!

wingwing sorry ar !聽日我又要返工又掛住走去踢波!唔好嬲倫倫啦~~至多我星期日陪返妳啦!ok?錫啖妳啦~~

>>June 28, 2003 at 6:17:02 AM GMT+8

2003 年 6 月 25 日 星期三 【陰】

又俾周傑講中左次tim~~哎呀!真係好累呀~~琴晚又夜訓又踢波~~想唔累都幾難啦!係唔係~~所以今日我返工既時候都唔知自己做緊咩野既~~唉!家下先至係早上咋!幾時先挨得黎夜晚收工呀?唉~~

不過今日唔知仲乜鬼野wor~~d時間好似過得特別快咁既?成個朝早都係得個坐字~~走上走落咁啦!都唔太忙啦~~真係話咁快就lunch啦!今日要食苦瓜呀!我至唔鍾意呀~~激死呀!食完都係要抖抖啦!最好就係訓陣間啦! 兩點啦~~又夠鍾要再做野啦!下午既時間過得仲快呀~~yeah!!話咁快就放工可以走人啦!放左工最好既地方係邊度呀?當然係銅仔啦~~right?家下我差唔多日日收左工都係過一過去睇一睇老婆仔大人呀!

等埋阿靚女收工都係時候啦~~更住就係我地兩個人既節目啦!今日女朋友仔話去食元氣wor~~都好呀!好耐都冇食過啦~~嘩!頂呀!一去度果度已經幾叉多人啦~~唉.....又有排等啦!結果~~ 我地等左成個鍾先至到我地咋~~成個人又餓又累呀!唔洗講野呀~~一黎就即刻叫左幾多壽司先呀~~食左好耐呀~~飽飽呀!不過......埋單果陣就真係幾金下啦!228蚊呀都要成!不過都已經折左嫁啦~~算啦!好味就得啦~~至緊要女朋友仔鍾意就得啦!right?人地戀愛大過天~~家下wingwing大過天呀!哈哈~~

食完野之後更住去邊度好呢?行一陣先啦!對多女朋友一陣都好呀~~話時話我同wingwing都好耐冇正正式式咁去次街啦!好~~星期六或者星期日要去多次街呀! 行多陣我地就歸家啦~~因為我真係好累啦!送埋wingwing返屋企之後我自己都返埋屋企啦!返到屋企就大件事啦~~

我on9冇幾耐就去左睇下留言板,點知就真係大件事啦~~呢獲野點攪呀?我睇完都好傷心啦~~唉!又咁既?更住我見事態嚴重結果即刻叫左肥仔老明周傑開個高層會議啦!再唔澎澎聲攪掂佢都真係唔知點收科啦~~呼! 我就連女朋友仔打黎我都唔聽住啦~~sorry呀!我地傾左好耐呀~~連我自己都未沖涼tim嫁~~呼~~不過好彩到最後都攪掂曬!大家都傾得掂~~yeah!

到最後既就係同埋女朋友仔傾陣電話先啦~~傾到差唔多3點就覺啦!係佢覺先姐~~我就去左白白更住就睇法國對土耳其呀!好睇呀~~以快打快呀!勁呀~~睇到成5點先訓咋~~所以累到我pk呀!

聽日要過去肥西屋企打機呀~~yeah!好耐冇一齊打機啦~~winninh大賽呀!唔知聽日邊個係冠軍?邊個係神射呢?哈哈~~

另外仲有個消息既~~就係我地隊波終於參加左果個足球聯賽比賽啦!yeah~~好開心呀!之不過......希望隊波大家會盡力俾心機踢啦~~我希望今次藍風會有次好好既成績呢?

>>June 27, 2003 at 8:07:26 AM GMT+8

2003 年 6 月 24 日 星期二 【晴】

琴晚好早就訓左啦~~因為仲諗住今日一早就出門口過去wingwing home tim!之不過都最後都係去唔成~~反而係wingwing一早過左黎呀!哈哈!係wor~~今日我係放假嫁!yeah~~等左我幾耐呀!kakak~~~有得抖下休息下啦! wingwing真係好早就過左黎啦!10點就報到啦~~嘩!早呀!之但係我都係掛住訓呀!佢呀......一樣呀!heeee~~大家訓到1點半就鬆人啦!因為wingwing要返工呀!辛苦曬佢啦~~返工前我陪埋佢整埋個電話先同埋食個lunch先~~食食下既突然......

我地鈄對面張抬有對母女係度嘈交wor~~哈哈!睇真d原來係住利東既麻煩友呀!佢地都出曬名嫁啦~~我仲同佢同一小學既!哈哈~~佢地打架既原因係個家姐同個妹嘈先~~ 突然個家姐打個妹wor~~個妹幾勁呀!還拖tim呀!之後老母加入戰團~~個老母仲問人借電話話報警wor~~哈哈!攪笑呀!我睇曬成個過程嫁~~我真係忍唔住笑左出黎啦!哈哈~~成個大家樂d人都望住佢地啦~~打打下差人黎埋!出戲真係好睇呀~~正過''千歸變''呀!yeah~~~

食完wingwing返工我就去踢波lu~~係呀!今日又有波踢呀~~哈哈!踢到我人都癲呀!首先係去黃記先既~~今日......好灰呀!冇人黎既~~同埋.......造馬咁既?唉~~咩mood都冇曬啦!今日我同vieri/人猿/老明/文仔/小朋友/小B一隊....竟然爆大冷羸波wor~~哈哈!咩氣都冇曬lor~~仲要係大勝呀!佢地冇入過我地波呀!我地幾勁呀~~不過文仔就own goal左球呢!哈哈~~own goal文呀!yeah~~ 踢到咁上下就走人啦~~都算早走啦~~因為.....我要到下一站啦!

the next station is 維記!係唔係好出奇呢?突然走左出去維記~~冇呀!我叫左vieri每次出去踢維記都叫埋我咋!我好想出去見識一下呀~~一黎想提高自己既實力,二黎想睇下出面既情況,係時候做家功課踢足球比賽嫁啦! 今晚係同vieri既同學仔踢既~~佢地有d係浸仔嫁!都見過下啦~~嘩!出到去搵一搵女朋友仔見一見面(太掛住佢啦)更住食個M仔餐就黎料啦! 第一場已經好勁啦!我地頂左人地成9個字呀!真係唔係少野呀~~雖然係比人切住咁踢,但係頂得住都好勁嫁啦~~不過呢場.....我仲未入到局!算係差嫁啦~~第二場羸波呀!勁呀~~西利呀!呢場我就慢慢黎料啦~~踢得好左啦!不過.....都未合格呀!第三場啦.....雖然輸左之但係!呢場先至係Alan十號仔嫁ma!好左好多啦~~不過我覺得都係岩岩合格咋!呼~~維記既魔法真係難破呀! 希望下次會好d啦~~嘐踢左呢3場之後就走人啦~~好累呀!散散地咁啦~~搭車車~~

返到屋企白白.......同wingwing玩icq!不過~~不過有個好消息同一個壞消息......聽左之後我都唔知點咁.....呼~~算啦!

聽日返工肯定累死呀~~哈哈!出面真係好勁呀~~如果你冇返咁上下真係.....死人呀!快上快落.....身位好,腳頭重.....我誓要有好大既進步呀!我要以維記做目標呀!Alan~~你要加油呀!

周傑下次出去維記叫埋我呀!我要......更加西利進步呀!

>>June 27, 2003 at 8:06:24 AM GMT+8

2003 年 6 月 23 日 星期一 【晴】

呀~~琴晚我冇睇波呀!少有呢?巴西我都唔睇呀~~如果唔係wingwing叫我唔睇呀!我彩第二個都傻呀!哈哈~~之不過當我知道巴西輸左波都有d心痛呀~!~!我知點解佢會輸啦!最衰都係我啦~~冇捧佢地場呀!一家係呀~~哈哈!不過冇睇有冇睇既好嫁......起碼今日起身都冇咁辛苦冇咁眼訓呀!個人都精神d呀~~

返到公司......唉!都冇咩好做既~~越做越悶啦!好灰呀~~眼見其他同我一樣既clerk有得跑數而自己又.....呼!好矛盾呀~~所以我成個上午都係呆呆下咁過既~~算啦! lunch有雞翼雞蛋咁多多既送啦!呼~~想多d都冇啦!食完都係訓左一陣咋~~醒左又係做同樣既野~~直到收工前收到個唔知係好家係壞既消息啦?哈哈~~ 下個月我又有好多假放啦~~都有成8日嫁!yeah~~yeah乜鬼呀!人工又少左呢!頂呀~~唔開心係我少左人工lor!開心既咪有假放可以抖下玩下lor~~kaakak!不過最主要既係.....放假既其中兩日咁岩撞中係wingwing生日同拍拖一年既日子啦!yeah~~之前我仲煩緊點算好!家下no problem 啦!yeah~~ 等我話俾你地知我放邊幾日啦!有買就快啦~~哈哈!7月1,2,3,6,12,13,17,18,20,24,27,30好似冇記錯呀!係掛~~都差唔多嫁啦!

放左工走人lu~~過左去銅仔呀!搵wingwing呀!諗住買野過佢吃啦!點知吃左啦~~咁算啦!我買左糖糖食更住坐左陣就走人啦!返屋企飯飯lu! 呼~~返屋企途中我好激氣呀!但又唔知點解wor!天氣熱掛?返到屋企都唔想食飯住啦~~頂呀!我叫我食wor......PK呀!食完就算啦~~上網睇下報紙同人地傾下計就係咁多啦!呼~~等埋wingwing放工!等埋佢白白傾左陣電話我都覺覺啦~~都冇咩心機啦!

日頭仲好地地既~~等放工,又有假放,又可以去黃金海岸wor.....呼!唔知去唔去得成呢?

>>June 25, 2003 at 7:04:50 AM GMT+8

2003 年 6 月 22 日 星期日 【晴】

today......勁眼訓呀!直情係唔願起身打開隻眼果隻呀!如果唔洗返你話幾好呀~~right?或者係琴晚一黎夜訓,二黎踢波又出得太多力啦!呼~~今日起身都見隻腳仔幾痛下呀!算啦~~

返到屋企......真係冇咩心機做野呢!只係想訓覺,俾我訓一陣可唔可以呀?好彩上午都唔太多野做咋!更lunch既時候.....我今日食叮叮通粉呀!正呀~~不過咁既細野都要成$9.9呀!貴呀~~如果唔係冇飯帶我真係唔會食呀~~不過話時話d通粉的而且確係幾好味嫁bor!哈哈~~ 食完野即訓呀~~同女朋友仔講左兩句度咋都係~~sorry wingwing!訓醒之後又係辛苦既開始,哈哈,呢句講得冇錯呀!唔知仲乜鬼野突然多左咁多野做既~~痴嫁!想我死咩!呼~~攪左一輪啦!諗住算啦~~掂曬啦~~頂你個PK仔呀!有個客上左黎wor~~激死人啦!本來客呢d野冇咩問題既~~之但係佢係一個勁煩勁7既客呢!我足足俾佢玩左我成個鍾呀!差d想死咁啦~~ 不過同佢玩下都好既~~攪攪下都差唔多收工lu,俾條友仔耍完都成5點啦!整埋些少野就係咁多啦!又可以走人啦~~呼.....辛苦的一更呀!

放左工~~我仲要走過去咩野軒尼斯道3號換電話wor~~死野呀!人已經累嫁啦~~仲要攪埋咁既野!我幾白痴呀~~係走果陣見到有黃頁拎啦!我一拎就拎左兩本,你地都知黃頁有幾細本嫁啦! 我仲要拎埋咁既野過去銅仔度~~哈哈!我就死人啦~~過銅仔度係搵女朋友仔既~~我買左野食過佢食呀!辛苦曬妳啦女朋友仔,知妳返工辛苦啦~~更住我坐左陣都係時候走人啦!

返到屋企食飯飯~~就即刻訓左啦!~11點度啦~~起身白白啦!打埋日記,睇下新聞,見肚仔餓就煮個面食住先啦~~ 呼~~我要早d覺覺啦!睇黎今晚果場洲仔杯都係唔得嫁啦~~祝巴西羸波啦!之但係羸左都死呀~~出左線第一場就係大熱既上介冠軍法國呀!哈哈~~有意思呀!

聽日我要返工呀~~之前我仲以為係放假tim!溪死呀~~仲要撐埋聽日呀!希望聽日冇咩大單野啦~~快d過呀!快d過呀!星期3我要訓覺,我要叉電呀!yeah~~

>>June 24, 2003 at 11:59:35 AM GMT+8

2003 年 6 月 21 日 星期六 【晴】

琴晚真係激死我啦~~我一心一意唔訓挨夜諗住捧阿巴西仔啦!仲諗住佢會黎料打真軍啦!諗住實多波入有野睇啦~~頂呀!激死我啦!入得果一粒,仲要入得唔靚果隻bor,符符碌碌咁就入左啦!唉.....巴西真係,失望呀!足球強國wor.... 人地日本仲踢得好過佢地成隊呀~~真係......遲下巴西如果冇左家下呢班骨幹都唔知佢點死呀!法國隊就算出d副選都真係好過巴西果班野啦!唉.......

因為琴晚睇到好夜所以今日都唔太早起身既~~12點幾1點度啦!如果可以再訓耐d就仲更加好啦!唔知仲乜野呢排成日都好想訓晏d唔咁早起身嫁wor~~之但係反而成日咁諗就更加早起身嫁wor!唉.....激死呀! 起左都冇咩做啦~~同wingwing傾左一陣電話就刷牙洗面食lunch啦!今日好好味呀~~食炒冬冬呀!哈哈~~好耐都未食過啦!更住仲食埋西瓜tim呀!真係爽呀~~ 飽飽啦~~更住就上下網睇下報紙啦!家下我好注意轉會市場既動向呀!因為想睇下仲有冇咩野大單野呀~~例如:Vieri轉會去東方/托度去京都不死鳥/安利去藍風......等等!哈哈(激死周傑呀)

望望個鍾,4點啦~~出發!出發去大街,去大街踢波呀~~今日周傑叫圭我一齊返左成年冇踢既教會果隊波呀!真係好耐冇踢啦~~呼!去到球場見到傑仔坐左係度呀~~嘩,今日好多人呀!要分成4隊踢呀!結果.....開頭冇我地份踢嫁!後備~~主角同秘密武器都係最尾先出場嫁ma!哈哈~~ 等左好耐呀~~終於都我地啦!yeah~~我第一場著5號施丹呀!勁呀~~不過都係打後面既左閘呀!哈哈~~冇得showtime呀!踢左一陣當熱身先~~點知.....人地開個角球我差d owngoal呀!嚇死我啦!我幾驚呀~~如果我真係owngoal左既話,我諗我咩信心都冇曬啦~~呼......驚驚! 不過.....我個拍擋傑仔就死火啦!一頭頂入左個龍門呀~~自己果個呀!shit!打得好地地竟然......唉!算啦~~下場啦!try again啦!

更住到到最尾果場啦~~呢場先係我地兩個發放光芒既一場啦!!哈哈~~呢場我都係做左閘,傑仔就打右閘!個頭我地開得幾好嫁都~~一陣就入左粒先啦!更住就睇住黎踢啦~~我地係後面都清左唔少既波呀!勁呀~~南區第一閘呀!A.Cole+Puyol哈哈! 或者我本身就係一個前鋒出生呀!所以我經上走左上去助攻嫁~~有得有失啦!呼~~結果有一野就俾我打到個突擊門前輕掃入網啦~~yeah!呢球對我黎講都幾重大意義嫁!因為踢街波入波wor!難度高左入左自己都開心d呀!right? 其實呢場波我都踢得幾好下嫁!係呀~~呢場波我係著番自己既lunck no.10呀!yeah~~真係luck呀!之後我都有幾下好既助攻又守得ok咁啦~~不過都吞吞地雞呀!哈哈~~

踢完之後行返屋企lu~~同傑仔由大街行呀行呀~~吹呀吹呀!幾快呀~~返到屋企!即白白即食野啦~~餓死啦!又累死人啦!更住打下SINA麻雀打埋日記同女朋友仔傾左陣計就係咁多多啦~~好累呀!夜晚仲要睇波tim呀!今晚真係傻嫁~~成6場波呀!人都癲呀~~哈哈!GOOD NIGHT~~

周傑唔好灰心啦~~下次我地一齊入波呀!加油努力呀~~比心機呀!下星期日我地南區第一閘要發威呀!yeah~~ 今日既入波令我諗返去當年我第一次跟教會班教友踢波既情境呀!果陣大家第一次見面就踢第一場波啦~~我好記得果場我係踢攻勢中場既!自己一手一腳入左粒,都係靚波黎嫁!估唔到家下又入波啦~~真係......happy呀!希望下次甚至以後都入多d波啦! 踢街波個feel真係唔同好多嫁~~爽呀!兩隊都快上快落~~如果自己一跟唔到個節奏就係咁先啦~~所以難度係高左.....但係我唔驚呀!因為我鍾意~~希望我隊藍風都可以變番惜日咁啦~~惜日既我地係......班勤力博命既後生仔!

Do u kiss football ?
yeah~~i kiss football !

>>June 24, 2003 at 11:58:11 AM GMT+8

2003 年 6 月 20 日 星期五 【雨】

PK仔呀~~又落雨呀!激鬼死人啦~~訓訓下突然聽到d雨聲都心知不妙嫁啦!唉.....好灰呀!仲諗住今日可以去swimming啦!見前果兩日個天好到不得了......定下竟然.....反我呀?好失望呀!冇得swimming啦!唔制呀~~

唉....今日我都算早起身啦!放假都咁早!12點未夠就起左身啦~~一起身去左book黃記場先,更住還埋幾本叮噹先!之後就返屋企啦~~好肚餓呀!澎澎聲煮野食先~~今次係栗米湯+長通粉呀!正呀~~yeah! 更住一路食就一路on9睇野啦~~到到2點啦係時候出門口啦!因為rainning所以我地成隊波轉而陣地去左踢波啦!今日有12個人仔岩岩好咁啦~~係就憬岩岩好呀!之但係個個都好似唔願踢既?冇黎認真.....唉!好灰呀!次次都係咁~~3次啦!呼......

踢完返屋企啦~~白白之後就飯飯啦!肚仔餓呀!食完之後就走左去訓一陣先!哈哈~~食飽就訓=豬豬呀!訓左個幾鍾度就起身出門口啦!出門十點啦~~去邊?咪就係接阿老婆仔大人放工lor!出到去仲見到佢個friend小婷呀!之後11點啦~~yeah!走人啦~~不過..... 我仲諗住陪wingwing食飯tim,點知佢....要返屋企食呀!激死人啦~~好灰呀!呼~~送埋返屋企我自己都返屋企啦為有......冇計啦!

返到屋企....嘩!好肚餓呀!打埋日記同女朋友仔傾左陣電話就煮野食啦~~更住.....一路食一路睇波啦!正呀!巴西加油呀~~yeah!

>>June 22, 2003 at 5:54:26 AM GMT+8