2003 年 10 月 7 日 星期二 【晴】

嘩.....好累呀!真係好累呀~~琴晚食埋飯睇埋戲返到屋企成個人已經差唔多散曬啦!呼......琴晚都算早早覺覺豬既!之不過今日一早起身都係咁啦!辛苦+眼訓呀!唯一值得安慰既咪係今日星期3l or~~一半啦!呼......算快啦!不過仲有成兩日要撐埋佢呀!唉......突然間只想放假抖抖吧~~不過.......唉!就算係放假又咪呀!我諗又係落街睇波呀,去街呀.......踢波呀!咁咁咁嫁啦~~邊度真係有時間俾到我叉電呀!呼....... 返工啦!係車車度又訓得到呀~~爽得一陣啦!一陣又落車啦!返到公司......累呀!唔想做野呀~~所以今日成個早上都係行行企企就算啦!都冇乜做過野既~~呼!加上又有個人仔呢~~都唔洗我做啦!乜Q野都交曬俾佢做呀!哈哈~~我真係睇佢做嫁咋~~呵呵! lunch時間啦~~又係好大個飯呀!又係食唔曬呀~~或者一心只想訓啦!訓左幾個字啦!起身又工作啦~~突然好掛住之前放假既日子tim!唉.....激死人呀!哈哈~~下午既時間快左dd咁啦!都差冇幾嫁啦~~放工啦!終於可以抖抖鬆一鬆啦!總括黎講今日成日我都唔知自己係唔係返緊工既!唉......真係得個坐字!希望聽日會好d啦~~

返到屋企......原來佢地過曬阿爺度食wor!下~~咁我食咩呀?好早就打日記啦~~更住白白就覺覺啦!真係要早d訓黎叉返我之前失望既精神呀!呼........

仲有兩日半.....我就開始工作既另一頁嫁啦!因為下星期我就要跟唔同既人做唔同既野.....到到最後就會再分番我係會去邊度?跟邊個嫁啦......唉!突然有些少驚tim.....唉!今日我諗過啦~~由聽日開始我要操fit番自己少少啦~~因為下星期開始要認真返嫁啦!到時真係要日日都精神日日都要醒目呀!

之前我咪同你地講左我會.....有機會落返分行既?而下一站係可能''康山''既......不過又收到風我可能......有機會落''旺角''啦!呼.....我唔知係真係假啦!唉......希望.....呼!點都好啦!眼前既野至重要......攪掂埋下個星期開始既特訓先啦!ok ?

希望在明天呀~~

琴晚自己隊波去左踢波呀!睇返佢地寫返出黎既表現......呼!我好想去踢呀!我好想落場呀~~我想......踢波呀!呼......



>>October 8, 2003 at 1:05:11 PM GMT+8

2003 年 10 月 6 日 星期一 【晴】

今日都算冇咁累啦起身既時候~~不過都係累累地嫁啦個人.....呼!仲記得琴晚臨訓既時候.....仲睇左一陣賊公子呀!有古仔份嫁~~呵呵!又係好型果隻呢~~今日起身搭車車都係訓著左呀!kakakak~~兩日都係咁啦!呀~~又係打開左個口仔訓嫁!哈哈~~好似大口仔呀??kakakak~~返到公司.....食左兩個雞尾飽先啦!更住又係一日既開始啦!希望今日快d過啦d時間..... 真係快左少少既~~今日我主要都係教個新人做野既~~呼!佢都好似唔係咁得咁bor??慢手慢腳呀!kakkaak~~自己又走上走落呼.....咁樣樣又1點食飯飯啦!頂呀~~今日勁多人帶飯呀!要我等左好耐呀~~成點四先開得餐......激死呀!仲話出面counter有客問野wor!頂呀~~玩咩!食飯時間呀! 食完訓左陣啦~~又起身工作啦!撐埋半天先啦!呼.....都唔知自己做咩好啦!教左仔友仔野之後......自己就好似多餘左出黎tim!不過好彩今日其他同事都係學我咁悶冇乜野做姐!kakakak~~呼!話咁快收工啦!收左工......未走住既!坐左陣~~不過都係走先啦!因為要去接小公主呀!因為今晚約左同事出黎飯飯呀!kakakak~~

今日攪手係Rockie呀~~都唔知點解要食既?哈哈~~是但啦!今日都算多人既~~有我啦!公主,Rockie一對啦!Carol,Sendy.Ida,Ricky Yiu,Alex仔呀~~我地去左食意粉屋呀!kakakaka~~正呀!叫左幾多野食下啦~~更住大家有講有笑啦!不過......因為全部都係自己友仔同事呀!講埋d野都係公司為主既~~所以都有少少悶親我個小公主呀!唉.....sorry呀!悶親左妳tim! 食完之後叫埋野飲先~~kakakak!更住我同Rockie一對小公主走先啦~~因為要去睇戲呀!無間道2呀~~kaakakak!途中仲見到馬騮姐呀~~kakaakka!呀~~係呀!今餐由我個師傅Alex仔請客呀~~呵呵!多謝曬呀~~之後入場啦!呼......係Time's度睇既~~嘩都算多多地人啦!真係勁呀~~不過我自己都好耐冇出去睇戲啦! 睇完之後......我都聽到有好多人下話出野唔係咁好睇既~~好失望!仲差過第一集~~唉!係我角度就係預左嫁啦~~不過我反面覺得出野都唔太差呀~~都幾好睇呀!其實呢出戲講d野都幾深下嫁......呼!開頭都唔明既~~更住明啦!kakakak~~希望第3集會好睇返啦!呼.......

睇完啦~~送wingwing搭車車先啦!更住自己都搭車啦~~返到屋企.....上陣網啦!白白打埋日記先啦~~更住就訓啦!頂唔順啦~~要覺啦!要為聽日再努力啦!加油比心機呀~~

wingwing sorry ar !我諗我唔應該叫埋妳去食飯同睇戲既......唉!sorry呀~~我都知妳會同我d同事悶嫁啦~~大家講既野都唔同......呼!下次我會小心嫁啦~~sorry呀!就因為我怕妳悶所以之前同事成日叫我帶埋妳出黎.....我都係怕妳悶咋!sorry呀~~希望妳唔好嬲啦! i love u ar !

無間道2有幾句都係幾正嫁~~d對白!
---''冇野嫁,過泰國食下翅,揼下骨,叫返兩條女黎起埋相飛''~~~傻強講既
---''爸爸教落,出得黎行,就預左要還''~~~阿考講既(吳振宇)
---''做兄弟既,你有難唔通唔幫咩?''~~~張sir講既(胡軍)
你地知唔知咩叫影帝呀?係呢出戲就搵到曬答案......



>>October 7, 2003 at 5:56:58 PM GMT+8

2003 年 10 月 5 日 星期日 【晴】

嘩嘩嘩嘩嘩~~琴晚既大戰......我睇唔到呀!哈哈到最後都係頂唔順訓死左啦!呵呵~~不過AC同華倫雖然冇左我既支持佢地都羸左波呀!kakakaka~~AC羸佢個好兄弟國米呀!3-1/華倫就一球險勝主隊巴塞呀!睇黎......巴塞今年都冇咩運仔行啦!主場未打開勝利之門.....唉!魯營巴塞面子何在呢? 至於國米就......唉!阿古生你想點嫁?話買兩翼啦,好啦!買左啦......又攪成咁!家下兩翼有成3對組合啦!真係......係唔係要連預備組既兩翼係列高巴同廬斯安奴至開心呀?唉.......睇黎今仗之後阿古生係國米既地位,帥印都危危乎嫁啦!(現請一領隊,高薪但壓力大,手上有多多人選,想買邊個就買邊個,懂意大利文優先)

今日起身都幾辛苦下嫁~~加加埋埋都係訓左6個鍾都唔知有冇啦!唉.....都唔知點死!死頂啦為有......唉!係車車度我話訓就訓啦!呼.....真係爽呀!不過可以訓多陣就好啦!一早上我已經冇咩心機做野啦!太累啦~~諗諗下餐餐禮拜日,星期一都係咁唔得嫁wor!我要返工嫁bor!點可以咁既.......呼!要諗諗計啦~~我打算下個月買部錄影機呀!........可以錄抵我想睇既節目留返夜晚星期日睇都好呀! e.g.意甲,英超,西甲,德甲精華都好呀!又可以錄埋電視劇tim呀!呵呵~~一於咁話啦!平平地都殺呀!誚番今日啦~~返返下......突然有3個新同事bor!其中一個就係接我位置既......呼!正呀~~終於有替工啦!kakaka~~我終於榮休啦!呵呵~~ 其餘2個就落分行啦!ST同BC......呼!突然諗返起上年既差唔多時間我同我一班同期既都係咁樣樣嫁........呼!呀~~留返d最尾話當年都好bor!kakaka~~更住我教佢一d基本既野啦!呼......佢係個女仔黎嫁!(女朋友仔大可放心呀!我絕對唔會鍾意佢既,放心放心呀!)教左陣就飯飯時間啦!嘩~~咁快既?更住.....我過左去灣仔搵小公主一齊食啦!kakakaka~~我冇帶飯?(錯啦!其實係有既,不過.....我唔食姐!突登走出去同我個小公主吃咋!kakkaak)見一陣都好啦!人都精神左一陣陣啦!kakaka~~

下午啦~~又開工啦!唔知係唔係有條友仔呢?要教佢野呀!所以d時間硬係覺得好似過得咁快既?呀?真怪怪呀?真係話咁快就鬆人啦~~呼!心諗又一天了!辛苦了一整天最開心莫過於鬆人落到樓下呢一刻呀!呼........ 返屋企啦!太累啦!係等車期間.....等左好耐呀!係我面前見到有個站長呀!突然我想試下做佢個位呀?哈哈~~或者我個人就係咁啦!咩都想試一餐既?所以我成日都好想可以出外國見識多d嫁!睇下外地既風土人情,文化歷史呀!呼.....可惜我窮呀!冇錢錢......要比心機啦!如果要達成自己既願望就要! 返到屋企勁餓呀!食左筒薯片同食左兩碗大飯呀!我都唔知點解嫁wor!呼......之後飽飽啦!訓陣先~~kakakak!!爽呀!訓左兩個幾鍾啦~~就起身啦!白白啦同埋打日記啦!kakaak~~同小公主玩陣icq先啦!不過都係傾左陣咋~~因為佢明天返早呀!好早就訓左啦!呼......乖豬豬呀!我愛妳呀!kakaakak~~之後我都覺覺豬啦!早d訓,聽日精神d至得!

好啦~~想當年時間啦!kakakak~~仲記得我係9月23號入星晨既!當時我係個傻奸奸咩對呢行咩都唔識既一個小伙子!呼......早上返左總行先既!更住就分左我同其他同期人仔落分行啦!而我就係......銅鑼灣啦!好事呀~~因為近ma!仲記得......第一次上到CB分行既情形,哈哈!傻仔咁咩都唔識!kakak~~仲記得第一次見到Zandy,哈哈!唔知佢又記得唔記得呢? 諗起都好好笑呀!我記得換左制服之後.......都唔知做咩既?企下坐下咁啦!開頭......對CB同事既印象係驚驚嫁!因為話曬呢份都係我第一份真正出黎做事既第一份job呀!呼......有好多野都值得回味呀!呀~~最後我仲記得......果陣時我個hair係......Eason每一個明天既hair!哈哈~~好記得果陣時d人仲叫我做爆炸頭呀!佢地不停問我......喂!你電親呀?kakaka~~ 我聽到都唔係咁開心嫁!不過家下諗起都好想笑啦!呼......時候過得真快呀!轉眼一年啦!現在我已經係師兄啦!我唔會因為咁而自滿我要更比心機呀!我既目標要係更遠更大呀!

呀~~話時話你地仲記唔記得我個爆炸型仔頭係點嫁?kakaka~~小公主妳仲成日笑我嫁!哈哈~記得ma?''一碌蔗'' 又記唔記得我地仲係岩岩開始呢?哈哈~~我仲咇Li巴啦咁講返工的第一天呀?哈哈?

呀~~記得果陣時.....有人話同我睇,更住又......好似同左第二個睇bor有人? 邊個呢?kakaka~~


>>October 6, 2003 at 4:16:36 PM GMT+8

2003 年 10 月 4 日 星期六 【晴】

琴晚都唔算係玩得太放太夜既一晚既~~呼!有少少令人失望啦~~難得兩日假期!唉....算啦!琴晚打機打到呀~~頂唔順呀!用祖記大炒國米之後就訓啦!咁樣我訓都訓得開心d呀!呵呵~~今日成點半先肯起身呀!真係爽呀~~好耐都冇咁爽呀!kakakak~~起身之後就煮野食啦!.......公仔面啦!加幾粒雲吞啦!呵呵~~飽飽啦!更住就打陣winning啦!唔跳點解呢排我打winning係防守上面都勁左好多咁既?家下要入我波睇怕都幾難啦!kakakak~~ 到到咁上下小公主打俾我叫我出去接佢放工啦!是但啦~~冇所謂啦!見係妳咋~~奀豬豬!呵呵~~出到去.....等左半個鍾度啦!我地就行左陣維記啦!果度多左好多攤位呀~~有野食啦!又有拍賣既!當我地走到......一蚊拍賣既時候.....睇落都幾攪野既!哈哈~~d人係又舉唔係又舉既!更住叫價條友仔又係亂咁黎既~~唉!真白痴呀!到到最後.....嘩然拍賣一座琴仔呀!呼~~小公主係至在必得既情況下就咁樣舉手買左佢啦! 呼~~成惠$180啦!呼......原價$380家下~~哈哈!至緊要小公主開心既姐!是但啦~~彈下琴仔都好既!更住我地就搭車去食野啦!今晚.....呵呵!又係打邊爐呀!呼.....今年第二次啦!我要好好咁make低佢呀!我好想知道今年到最後總共打左幾多次呢?kakakaka~~ 食完之後.....都好似唔太飽咁既!不過算啦~~我都唔想洗錢啦!唔食其他野啦~~忍住返屋企食公仔面啦!送埋小公主返屋企之後自己都搭車車啦!幾累下啦~~頂呀!等車都等左幾耐呀!激死呀~~呀!返到屋企岩岩好睇到車仔完場啦~~嘩!臨天光入波呀!基斯普呀!更住瞄埋意甲果邊先~~呵呵!祖記又羸啦!kakakaak~~加上ROMA失分打和~~祖記升上榜首啦!kakakaak~~yeah!一哥真係一哥呀!勁呀~~ 更住上網打日記啦~~之後白白啦!食埋個面先啦!訓一陣又起身睇過波啦!因為今晚有兩場大大戰呀!巴塞對華倫/國米對AC......名符其實既大大戰呀!

女朋友仔話我唔鍾意佢wor......哈哈!何出此言呢?奀豬豬真係傻豬黎既!放心啦~~冇樹既!唔好自己嚇自己啦~~不過.....老實講呀!我真係真係唔鍾意妳既又.....不過.....我係好好好好好愛妳姐!呵呵~~

呀......我師傅Alex個死仔呀!唔聲唔聲嚇我一驚呀~~呢兩次佢賭波......大豐收呀!加加埋埋.....肥仔水啦!突然.......我有咁既諗法啦!賭波既好處同壞處啦.......見佢中左咁多我都想學似佢咁呀!如果真係中左既話生活上可以輕鬆d.......之但係賭波真係咁易中? 呼.......我個心係好想羸外快呀!不過......到到最後我都係冇買到既今晚咁多場!因為......忍忍心啦!玩下姐~~呼!我都係識合玩d幾十蚊果隻嫁啦!呼........自己不如俾心機啦!

Del Piero傷左冇得出場,但係都到場為隊友打氣......Juventus有你呢個隊長真係.....榮幸呀!


>>October 5, 2003 at 3:59:38 PM GMT+8

2003 年 10 月 3 日 星期五 【清涼】

今日係重陽呀!換句話講今日即係紅日公眾假期呀!yeah~~即係又有得放假啦!kakaka~~為左要好好利用今日同珍惜今日.....所以我決定一早就去左踢波啦1其實都係琴晚臨時決定既~~今日一早8點半就起身啦!呼......都好早呀!同返工既時間差唔多啦!一早波子打俾我叫我起身啦~~更住就搭車入黃記啦!開頭諗住今日會係好多人嫁啦~~點知....都冇乜人係度鬥波既?有d失望又有d開心既~~呼!失望就係冇得同人鬥波,好既咪可以自己友練下lor~~kaakakak! 同一時間小公主又好早起左身啦!因為佢要轉工啦!所以同番舊公司講聲啦~~更住佢都去左飲茶茶啦!kakakak~~聽日開始佢又要返工嫁啦!我都知佢會辛苦嫁啦~~唉!更住傾左陣電話就開波啦!呼~~結果搵左班小朋友仔黎踢啦~~因為對手唔太勁!所以我都好輕鬆呀~~慢慢咁踢啦!由後到前都慢慢黎呀!就係咁一踢就踢到成點先走人啦!真係西利呀!我地話時話都好耐冇踢早場啦!今日又.....呵呵!大家都幾好表現呀! 而我都keep得到上場既狀態~~有助攻同入波呀!兩場入波同兩場助攻啦!如果照咁計既話狀態最好既就係我啦!我要keep住落去呀!加油努力呀!踢完之後返屋企啦~~白白同上網啦!食埋個面呀~~之後頂唔順啦!訓一陣先啦~~到到5點半就起身啦!因為.....今日約好左隊波d人去''香港風情''度開球會既事宜同埋一齊成大班睇波wor!呵呵~~ 一開始就已經幾多人下啦~~慢慢越來越多人黎到啦!哈哈~~加加埋埋都有成11個啦!幾多人呀~~真係爽呀!咁多自己友一齊睇波至正嫁ma~~kakaaka!我地仲一路食飯就一路睇波啦!kakaak~~開左一陣會啦!真係得一陣咋~~3個字都冇既?kakaaak~~大家都掛住睇波呀~~

頭場利記呀~~結果......哈哈!真係好攪笑呀!有人捧阿仙佬有人捧利記.....最後阿仙佬羸啦!哈哈~~大家都議論紛紛呀!哈哈~~都係成班一齊睇好正呀!又有得一齊講又有得打下牙交.....總之就樂趣無窮啦!kakaakk~~ 更住到到曼聯啦!呵呵~~真係.....又愛又恨呀!開頭都唔知踢乜?更住先似返d樣~~唉!波就係咁嫁啦~~kakaakk!睇完之後我地就散水啦!真係散水啦~~大家都好累啦!返到屋企我同小公主icq左陣啦!之後佢覺覺啦!而我都白白啦~~更住等多陣就睇波啦!打住機等開波呀!

今晚同埋聽晚都係辛苦嫁啦~~唉!聽晚又係好波連場!唔睇都係對唔住自己呀~~kaakkaak!車仔對米堡,米蘭打比大戰,華倫對巴塞......點攪呀?唉......真係呀!
等我呢個專家預測下d賽果啦!kakakaka~~
米杜士堡 對 車路士 2-4
國際米蘭 對 AC米蘭 2-3
巴塞隆拿 對 華倫西亞1-1

呢兩次既自己友仔踢波大家都有好既狀態.....我都有d恩惠!雖然大家都有唔同既問題,但我都留意到各人甚至球隊都進步緊......希望越踢越好啦!

送張超級無敵靚到暈既相俾你地啦!kakakak~~我個二號女朋友呀!呵呵~~


>>October 4, 2003 at 5:11:06 PM GMT+8

2003 年 10 月 2 日 星期四 【晴】

又個星期啦!今個星期我都係返左兩日工咋~~估唔到咁快又有得放假啦~~仲要係兩日咁大把呀!kakaka~~好呀~~爽呀!所以今日老死都要撐住呀!因為琴晚早訓叉曬電呀~~所以今日起身既時候都唔算太累啦!幾咁精神下啦!或者知道聽日放假掛?返到公司....呼!慢慢睇住份報紙等開工啦!因為我今日早左幾個字返所以......呼! 今個月我都冇好似上個月咁呀~~一開始就遲到呀!kakak~~仲唔知驚咩!我要好好咁留返d遲到呀!因為到到咁上下就好有用~~就係要黎book場呀!突登遲到黎book場呀!唉......唔講啦!講返今日啦! 成個上午都係冇乜野做咁過啦~~之但係又未停過手嫁bor!又唔係好忙姐~~呼!唔明呀~~公司有位同事仲帶左相簿返黎俾我地睇呀!咩野嘩~~去左果度叫做.....肯陪拉呀?好似係呀~~澳洲首都呀!幾靚呀當地既風景~~攪到我自己都好想去睇睇玩玩tim~~呼! 佢仲話8日連住連酒店食野都係$8000-$9000咋!可以話係超值啦!做呢行的而且有呢行既好呀!更住就飯飯啦!今日又有人請食lunch啦!因為我又幫佢嬴左些少咁啦!呵呵~~開頭佢仲話食扒嫁!我話等遲d甘d先啦~~哈哈!食完之後走既時候又經過蘇記又見到傑傑仔呀!kakka~~今日佢著藍間條衫呀!kaakakka~~佢又係見唔到我呀!呵呵~~ 下午既時間唔快唔慢啦!不過我都係未做曬d野就鬆人啦!因為......冇乜心機做啦!因為都放假啦~~留返星期一先啦!kakaak~~講開星期一有個新人返呀!!黎頂我個位呀~~kakaak!爽呀~~換句話講我就功成身退啦!可以落返行掛?希望啦~~呼!

收左工.......過左去銅記先呀!搵阿Alex仔先啦!同埋rockie呀~~見下大家傾左兩嘴啦!見到佢地咁free同happy.....我都好想呀!呼~~更住wingwing出黎啦!其實今日約左佢街街既~~首先陪我去搵課程讀先啦!更住就陪返佢搵老闆啦!呼.....即係舊果間呀!結果.....等左好耐呀!成兩個鍾啦差唔多~~呼!好累呀~~更住我就發脾4啦!呼......之後都係對唔住wingwing啦!唔好嬲啦!我知錯啦~~我地去左筲箕灣打邊爐呀!kakaakak~~終於有返啦!我地既至愛呀!呵呵~~爽呀! 食食下仲諗返起上年同一時間.....真回味呀!食完之後送埋小公主返屋企,自己都返屋企啦~~係車車度訓著左呀!呼....返到屋企...白白,約人聽朝一早踢波!更住....打日記....打陣winning先啦!見聽日放假~~kakaakk!訓lu~~曾仔立仔叫我出去都唔啦!覺覺豬啦!

今日......我知係我唔岩既小公主......sorry very much 呀!靚女公主不記小人過呀~~知錯啦!唔好嬲啦~~至多我送隻龜龜swatch既手錶俾妳呀!呵呵~~

見係妳咋~~知你鍾意佢呀!


>>October 3, 2003 at 5:35:36 PM GMT+8

2003 年 10 月 1 日 星期三 【晴】

今琴晚睇埋曼仔同皇馬先訓．．．．．哈哈！咁今日一早既表現就唔洗多講啦！呼～～真係好辛苦呀～～訓得果三個鍾咋～～想訓耐ｄ都唔得呀！不過琴晚都要多謝史特加既～～呵呵！羸波呀～～ｋａａｋａｋａｋ！今日一早返到公司．．．．靜英英咁既？　　　　　　　哦～～原來都有個同事琴晚都係睇波！其他同事都係放左假都冇乜心機做野～～所以今日返工睇起上黎就好似好輕鬆啦！都好既～～好彩又冇乜野做姐！又可以發下白夢啦！ｋａｋａｋｋａ～～計計下返埋今日同聽日下星期一就要新同事黎頂我個位嫁啦！呵呵～～我終於可以下山啦！ｋａｋａｋａｋ～～我要出去文明既社會呀！我要好好珍惜埋呢個幾禮拜係總行所學到既野啦！

而且公司又供左我讀果ｄ乜乜鬼野課程呀！都好呀～～唔洗錢又有野學而且考得好仲有張証書呀～～所以我自己都計劃好啦～～下星期一開始收左工過一過去中央溫下書至得呀！要ｋｅｅｐ住自己最好狀態～～溫返ｄ英文呀！要嫁啦～～同借幾本有用既書呀！真係唔係講玩呀～～聽日我諗會出去報埋個普通話課程ｔｉｍ既！　　　　　　　　　上午我就係咁啦～～諗埋ｄ咁既野啦！哈哈～～ｌｕｎｃｈ有好大個飯呀～～食左一半就冇食啦！飽掛？其實係自己眼訓姐～～訓左成半個鍾呀～～更住又係呆呆咁撐埋下半日佢啦！都係咁過啦～～唔多野做既！走黎走去．．．．．等放工啦！收左工即走呀～～哈哈！０６００部隊呀～～ｋａａｋａｋ！嘩然好攪笑呀～～搭〔車立〕既時候．．．．．哈哈！基本上成部都係我地星晨既人黎呀～～佢地就叫我同另一個人企前ｄ啦～～等人地見到冇位入咁迫就唔入嫁啦～～哈哈！佢一開門我地諗都唔諗即關呀～～ｋａｋａｋａｋ！

返到去屋又落返街啦！去左買飽飽啦～～留返聽日做早餐呀！同埋問馬會收返些少錢啦～～更住眕下銀行有幾多銀先～～預返聽日要報課程呀！更住．．．．．呀！仲有呀～～上左去鋪頭探探契媽呀～～之後買埋雞蛋同去左ｏｋ買雪條食就返屋企ｌｕ～～今晚我食左兩碗飯呀！更住就去左覺覺豬啦～～好累呀！之後．．．．．起身呀！白白同埋打日記呀～～ｋａｋａｋａ！咁就一日啦～～過埋聽日我又可以放兩日啦～～呵呵！ｋａｋａａｋａ～～

下個月頭我就要上課程啦～～唔知自己得唔得呢？我怕衰左會．．．．．唉！我要撐住呀～～更住落黎下個月既日子就係我心生既另一頁啦！如果撐得過去就．．．．唔得就．．．．．呼！

近排我有些少譫心我阿爺呀～～因為佢入左醫院呀！唉．．．．．老人家就係咁啦！多病呀．．．．真係要好注意自己既身體健康呀～～呼！祝爺爺早日出院啦！吉人天相啦～～

今日．．．．我收到個幾大既風．．．．如果我落返行既話．．．．．第一站將會係．．．．康怡分行．．．．唔知堅定流呢？對我黎講是福是禍？我會自己諗清楚既．．．．．呼！

祖記既四大主力兼靚仔呀！呵呵～～


>>October 2, 2003 at 4:01:01 PM GMT+8

2003 年 9 月 30 日 星期二 【酷熱】

大家國慶快樂呀！呵呵～～ｋａｋｋａｋａ！哈哈～～ｈｅｅｅｅ！ｙｅａｈ～ｙｅａｈ～今日係我國既大日子呀！不過我完全感受唔到果種節日既氣氛ｌｏｒ！哈哈～～真係怪怪呀！因為琴晚既幾場大戰．．．．．睇到呀！今日一訓就訓到成點先起到身咋～～係我既預期都已經算係早嫁啦！算啦～～更住就落左街飲茶茶啦！同好堂好同佢father & mother ～～其實佢地最主要目的都係找2張ｊｏｅｙ演唱會飛俾我既姐！我又要俾埋錢佢地呢～～呵呵！我都唔係食左好多野咋～～或者．．．．．冇胃口啦！其實我好想食好多野既～～唔知點解心情又差差地咁啦！唉．．．．．或者因為小公主因為ｄｄ問題而唔開心啦！呼～～

食完之後返到屋企先知一陣有波踢～～之不過又冇乜人去ｂｏｒ！所以我即ｃａｌｌ人啦～～呼！Alan親自打俾咁多個搵佢地啦！冇借口推啦掛？ｋａｋａｋａ～～到到咁上下就出發啦！去到球場．．．．．我早到左呀！身為隊長係應該既～～更住就見到華仔同老明啦！其他就．．．．？？有ｄ遲左幾個字，有ｄ遲成半粒鍾．．．．唉！不過算啦～～佢地肯俾面黎都好嫁啦！　　　　　　　　我地ｂｏｏｋ左場既～～不過未夠人呀！所以搵左ｄ街波友一齊踢住先啦！都好呀～～練下都好呀！第一場我地已經唔錯啦！呼．．．．．我仲入左球靚靚波呀！右路禁區頂第一時間唔射住，呃呃對方後衛先，更住再起右腳瞄住佢個網係一射．．．．破曬網呀！真係靚靚呀～～ｋａｋａａｋ！　　　　　　　　及後踢果幾場波我都有好好既表現，助攻助守呀！今日既我可以用一流呀～～我要ｋｅｅｐ住呀！或者今日大家又踢得好啦！老實講呀～～今日個個都踢得唔差既！加油呀～～到到８點就鬆人啦！ｋａｋａａｋ～～返到屋企食飯啦！不過我都冇胃口食啦～～唉．．．．．白白啦！之後睇左陣電視啦～～更住打日記啦！我諗今晚要早早訓嫁啦～～因為今晚又有波睇呀～～爽呀！而且聽日我又要返工呢！我既４ｄａｙ假又放完啦～～呼！突然好唔捨得ｔｉｍ．．．．想放多陣嫁！

近排我放多左時間係睇波度呀！所以個人有陣時都幾辛苦～～個樣會好累！呼．．．．．希望自己身體冇樹啦！撐住呀～～

小公主．．．．唔好唔開心啦！我支持妳呀～～大不了咪等我養妳啦！ｋａｋａａｋ～～比心機呀～～頂住呀！

琴晚阿尼維特好勁呀！入曬兩球～～一球靚靚死角罰球！另一球就靚靚放個冷戰勁射，眉低掛網入呀！勁呀～～我偶像呀！


今日踢踢下波我同阿傑仔講．．．．今日我覺得有ｄ似路斯基呀！我諗到個新名呀！㊣ Alan Rosicky ㊣哈哈～～


>>October 2, 2003 at 4:16:37 PM GMT+8

2003 年 9 月 29 日 星期一 【晴】

琴晚我發左個夢.....由恐怖變成為感人呀!個夢大約講我去左個島上面......起初都冇野既!更住.....一到夜晚就怪事發生啦!我記得有ｄ人係我識既～～仲記得有個殺人狂魔呀！係呀～～一到夜晚佢就出黎啦！將我地一個個咁殺呀！都幾得人驚嫁～～但又唔知道點解到到最後佢又變左個好人ｗｏｒ！我記得係因為我嫁～～但又唔太記得講左ｄ乜？最後我地仲攬埋一齊喊嫁！哈哈～～到到我起身既時候．．．．．真係有兩個眼淚係我面上ｗｏｒ！嘩．．．．．真係ｋａｋａｋａｋ～～

起左身睇左陣新鮮人啦！乜有ｊｏｅｙ做既咩？更住上陣網食左個月餅．．．．白白啦！之後就趕頭趕命咁出街啦！去邊？之唔係接我個大大公主放學ｌｏｒ！冇既～～見今日自己又放假，及後既日子又冇乜時候接啦～～咪去接啦！俾個驚喜佢都好嫁～～　　　　　　　搭１７０出發啦～～呼！我頂呀～～我足足坐左成個鍾先到沙田呀～～激鬼死呀！去到沙田都未到學校嫁～～仲要行一段路嫁！好彩我係網上面做曬功課姐！呵呵～～不過．．．．．咁岩果陣又熱ｗｏｒ！我又行左成半個鍾先到呀～～呼！辛苦呀～～出曬大汗呀！呀～～我仲大譫到入埋學校係埋佢班房門口等佢啦！哈哈～～個校工問我去邊，我咪話上堂ｌｏｒ！ｙｅａｒ２呀～～讀ｂｕｓｎｉｅｓｓ嫁！哈哈～～　　　　　　　　　結果等左幾分鍾啦！佢出黎啦～～傻豬黎既，佢都睇唔到我既～～更住我地行返去沙田新城廣場度行左陣啦！諗住去買件衫衫嫁我．．．．祖記最新款Tee呀！點知．．．．．唉！失望而回銅鑼灣啦！唉．．．．．可惜呀！仲諗住買ｔｉｍ嫁．．．．．失望呀！我地仲去左史路比世界呀！好靚呀～～我鍾意呀！

更住我地就去左元氣食壽司啦！頂呀～～又係等左我幾耐呀！激死呀～～食左唔太多野就飽啦！呼．．．．．更住行多陣啦！ｗｉｎｇｗｉｎｇ買左對鞋呀～～靚靚，好野有新鞋著！ｋａｋａａｋｋ～～更住就送埋佢返屋企啦！之後我都返屋企啦～～返到屋企．．．．．check e-mail打日記啦！等埋阿立同阿曾上黎就一齊睇波ｌｕ～～支持祖雲打倒國米！ｋａｋａａｋ～～

今日．．．．．我諗女朋友仔應該幾開心啦！因為佢點都估唔到有個傻仔男朋友仔真係由香港仔有情情走到沙田咁遠接佢放學．．．．．哈哈！（你問我點解？我只係答你．．．．我愛她）而且我又買埋ｊｏｅｙ最新出既大碟俾佢呀！哈哈～～特別版呀！又係靚靚呀～～最後仲送多對鞋仔俾佢啦～～希望佢今日開心啦！因為我怕以後既日子再好難可以咁啦．．．．．

今日係我返屋企途中，係利港俾我見到我三伯呀．．．．．佢岩岩放工咋！佢個樣好似好累好辛苦咁．．．．．我係遠處見到佢既．．．．．突然個心酸一酸．．．．．面上流下兩行眼淚！我會比心機．．．．．．

岩岩我聽左首歌叫．．．．．

找 個 空 間 唱 歌---陳 小 春

只 需 心 中 可 有 空 間 唱 歌
讓 大 地 亦 會 知 你 曾 來 過
你 會 察 覺 快 樂 事 情 無 多
有 空 間 可 找 到 更 多
可 快 樂 過

拋 開 空 虛 從 來 不 錯
不 別 問 我 誰 能 去 阻
可 否 不 需 像 蟲 一 世
不 知 道 這 世 界 有 更 多

拋 開 孤 單 從 來 不 錯
只 需 願 意 重 燃 愛 火
不 必 多 心 原 來 一 個
可 相 伴 過 你 滿 意 更 多

只 需 心 中 可 有 空 間 唱 歌
讓 大 地 亦 會 知 你 曾 來 過
你 會 察 覺 快 樂 事 情 無 多
有 空 間 可 找 更 多

如 你 可 找 心 中 可 有 空 間 唱 歌
就 讓 寂 寞 大 海 知 你 曾 來 過
你 會 察 覺 醉 人 事 情 無 多
有 空 間 可 找 更 多
請 記 住 我




>>September 30, 2003 at 5:31:55 PM GMT+8

2003 年 9 月 28 日 星期日 【晴】

今日.....一訓就訓到12點就起左身啦!呼.....爽呀!好耐都未試過咁爽呀!kakaka~~正呀!呵呵!起左身就搵野食啦~~食左個飯盒啦!食完之後就落左街一陣咁大把啦!行兩行啦~~無聊呀!成日係屋企都唔知做乜鬼野呀? 更住就打機啦~~kkakak!winning呀~~話時話我都好耐冇玩啦~~生疏曬啦!唉.....攪下呢樣果樣啦!又幫下d球會upday返d波衫啦!哈哈~~更住就上網打日記啦!現在時間係.....''1823''呼~~你話早唔早呀?更住落黎我諗夜晚都冇乜野做嫁啦?又係打機上網......呼!最衰今晚又冇波睇呀!激死人啦~~最得閒既時候又冇波睇!呼~~算啦!今日就當叉電的一天啦!

見今日冇咩野寫就講下其他野啦!呵呵~~呼......我出黎返呢個社會大學都成年啦!呢一年.....真係好寶貴呀!應該可以咁講......頭一年會可能係最辛苦既!因為岩岩出黎做事咩都唔識,唔習慣.......而且既係開左個頭對將來好重要既! 例如.....好似我咁呀!做左成年呢行啦!如果突然叫我做第二行會點啦?肯定更加辛苦同埋浪費時間呀!冇理由做左成年呢行突然轉行嫁ma~~咁樣咪浪費左呢年?咁呢年返黎做咩?所以我覺得開個頭一家要好呀! 選擇任何一份工都應該由自己既興趣著手先既!如果冇興趣咁要夾硬返咪係自己辛苦......right?返工要開心既......因為仲有好長既路要挨呀!我開始有少少明白敬業樂業果課書係講乜啦......

返工有少少似一樣比賽---''長跑'' 由自己起步果刻就要知道自己既路線,途程幾長......唔知幾時到終於,咁就要睇下自己先知啦!跑得快就快d到終點,慢既就要努力落去唔好半途而廢........

尼維特好型呀~~(終於著新既作客波衫啦!)


>>September 29, 2003 at 10:37:33 AM GMT+8