2003 年 9 月 7 日 星期日 【晴】

今日可以用個累字黎形容我呀......琴晚可能夜夜地訓啦!加上放完假個人既心情都鬆散曬啦~~kaakak!所以今日又要早早起身真係好唔慣呀!呼~~冇計啦!頂硬上啦!

都係咁返工啦~~之不過今日既上午同下午都係過得好快呀!唔知點解呢?或者係多野做啦~~呼! 係早早既時候我仲譫心緊點樣樣挨過呢日tim~~家下唔洗驚啦!right?

收左工......返屋企啦!太累啦!都冇乜心機啦已經.....我只想抖抖讓我訓陣吧...... 返到去....又鬼死咁肚餓tim.....都係食左飯先啦!呼.....食完之後就訓啦!唔好講笑.....

之不過我都係訓得果一陣間咋!因為.....要起身睇''come on go go go''哈哈~~ last 最後一個禮拜結局啦!仲唔追唔睇埋佢點對得住自己呀~~kakakakak!

睇完之後大雄上左黎呀......拎左d書俾佢啦!呼...... 更住自己都白白啦!白白完......都唔知做乜好啦!個人又累wor......結果......上網啦!撐住先啦~~

臨訓既時候仲......食左個美心相黃蓮蓉月tim呀!哈哈...... 嚇死我個小公主啦!

我同佢傾左陣電話就訓啦......實在太累啦!

sorry.....

小公主妳都要早d訓啦!知冇..... 就返學啦!係時候要習慣下嫁啦......如果唔係到時就知味道!

>>September 9, 2003 at 3:44:13 PM GMT+8

2003 年 9 月 6 日 星期六 【陰】

嘩~~琴晚.....好激呀!因為夜晚走左落街同立仔曾仔波子一齊去左睇波呀!話時話我地都好耐冇一齊成班去睇波啦!kakakak~~正呀!頭場英軍對馬其鈍!結果......2-1啦!有驚冇險呀!我地睇波既地方係香港仔既香港風情呀!嘩~~全場爆滿呀!哈哈~~好有氣氛呀!~!~ 我地就邊食邊睇啦~~今餐呀!由阿立少包起左我地呀~~哈哈!真攪野呀~~所以我地都盡全力食野!無求佢破財呀!kakakak~~睇完頭場我地都順便睇埋尾場啦!荷蘭豆對奧地利呀!結果......係我地好眼訓既情況抵下3-1啦!呵呵~~ 係時候鬆人啦~~我地都好眼訓啦!大家都係果句.....返去即訓呀!哈哈~~我地仲講埋下次邊個請客呀!結果由曾仔大熱勝出呀~~kakaak!不過今晚大家出黎見見聚聚都好開心呀!哈哈~~我圬1雖然係耐冇見之不過.....我地幾個既感情依舊都係冇變呀!yeah~~

呼~~返到去真係即訓啦!唔好講笑......結果一訓就訓到.....2點先起到身!如果唔係話食飯我邐我會訓落去啦!kakaakak~~起左身食野先啦!更住.....睇報紙......之後.....頂唔順冇電腦用既日子啦!結果都係要拇出去俾人整.......呼!攪左好耐呀.....結果到到最後都攪掂曬既!爽呀~~不過就要破破財啦!唉....激死呀!呼~~ 唉~~另外一樣激氣野就係......今日原先要帶隊比賽既!之但係我到到最後都係趕唔切到場.....sorry呀!周傑又要你自己一個人撐住先啦!呼~~今日仲要係冠軍戰呀!到到最後我地隊波都係要輸.....1-3呀!可以話失望又可以話係好既開始既~~話時話第一次帶隊已經有咁既成績都已經唔錯啦!唔好灰心啦!周傑~~ok?

呼~~我攪掂曬部腦之後返屋企白白先啦!更住.....等出街啦!因為今晚約左我個小公主唱k呀!呵呵~~小公主都等左呢日好耐啦~~我地去左aberdeen度唱呀!順便食埋k-buffer呀!呼~~計計下我都......近排成日唱k啦!兩個禮拜已經係第三次啦!都咪話唔西利~~之但係.....哈哈!呢三次我唱k所唱既歌都係差唔多......真係俾佢激死啦!都冇新歌出既~~哼!電視機又話有扼人既~~

唱完之後送埋小公主返屋企先啦!雖然係遠,不過no problem啦!一次半次~~人地小王小柅對多妳一陣ma!心地好掛住妳呀~~kakaakak!

更住自己都返屋企lu~~返到屋企.....kakaak!yeah~~我部電腦終於復活啦!爽呀~~kakaakak!有得上網同wingwing傾計啦!可以睇新聞啦~~可以打機啦!可以....akakakaka!好好好好多野呀!

不過聽日要返工呀~~如果唔係就更爽啦!

呼~~

>>September 8, 2003 at 11:24:59 AM GMT+8

2003 年 9 月 5 日 星期五 【乍寒還暖】

唉~~寫埋星期六啦!

琴晚都仲係好夜先至訓呀~~點解?因為傾電話lor!

今日返工真係呆曬呀~~冇乜心機啦!呼.....好累呀好眼訓呀! 返到去.....坐左陣就有大單野做啦!就係去airline度ticket呀!呼..... 仲要係去到尖咀之後再去旺角分行呀!

今日我又要敏一陣OA仔啦~~KAKAKKA!!

呼~~頂呀!我出去既時候落雨WOR!煩到死呀~~唔理啦!

搭船過去尖咀更住搵埋ZANDY啦!見見都好呀~~之後行行下點知撞到阿苦榮WOR!乜咁岩呀~~KAKAKK! 佢都係要返工呀~~

拇左機票之後就過左去旺角分行啦! 放低左D野之後就走人啦!

果斛時已經成點啦~~諗諗下不如直接收工走人LOR~~哈哈!

我就咁樣直接走左去中央啦~~因為......要打日記呀!哈哈~~我就係咁由1:00-4:00都係坐左係度打日記睇下野!CHECK 下E-MAIL咁啦~~呵呵!

走人啦~~之後去左搵小WINGWING先啦~~見見都好呀!

更住就返屋企啦.........之後............訓陣先啦!因為今晚要同電視機打仗呀!KAKAAKKA~~~

>>September 6, 2003 at 7:20:10 AM GMT+8

2003 年 9 月 4 日 星期四 【暴雨】

嘩~~琴晚或者夜訓啦!結果今日一起身......唔洗多講啦!累呀~~ 返丁公司呆呆下咁~~好彩琴日做曬d野咋~~呼!不過...... 有個同事上左黎總行wor!佢就係......alan kam呀!唔知佢上黎仲乜呢?嘩~~好似好大獲咁wor!因為.....佢入左去大老闆房呀!我個意思即係仲勁過機票部果個經理呀!即係星晨果個大大大經理呀! 發生乜事呀?唔係呀fa??

過左陣.....佢出黎啦! 結果............原來佢爆左大大獲呀!所以俾人炒左呀.........我知道呢個消息之後好唔開心呀!好失望咁呀.......因為話曬佢都教過我野!我都好尊敬佢......唉!總之就.....唔開心啦! 唉~~佢走之前仲叫我俾人機呀! 多謝~~ 而佢炒既原因.......因為成日爆獲而炒lor~~呼! 不過佢都好勁呀~~佢放假啦!我地個主任打俾佢啦~~點知!alan kam仲''吊9佢wor''哈哈~~俾著你你會點呀!呼~~不單子咁呀! 佢對住我地機票部經理既態度都唔係好好嫁咋~~呼! 算啦~~

今日好累好眼訓呀~~不過.............kakaak!今日華仔搵我幫佢............kakakaka!總之有生意啦!佢仲買埋個m記餐過我食呀~~正呀! 食完之後..........都冇乜時間訓啦!睇下報紙啦~~ 下午都係咁過啦! 收左工啦~~去左邊度呢?死啦~~唔記左tim??

哎呀~~仲乜野呀? 點解會唔記得既? 講真嫁~~死火!

我只係記得........睇美麗在望啦!更住......白白......更住......傾電話......

呀~~我記得啦!係去左踢波呀~~係啦!放左工之後係去左黃記踢波呀!冇錯啦~~kakaka! 仲係落係毛毛雨踢tim呀~~yeah! 好耐冇踢啦~~爽呀!仲要係落住雨tim呀! 真係爽呀~~唔知你地覺唔覺呀!當自己俾雨淋既時候真係好舒服嫁......好舒服呀! 所以今晚我既狀態都算好啦!kakak~~開頭就唔係咁好既~~之後越踢越好呀! 跑左好多呀!或者咁樣先可以keep住自己d體能啦!yeah~~總之就爽啦! 係啦~~踢完之後就返左屋企睇美麗在望啦!

呵呵~~返埋聽日就可以放假啦~~kakaakak!真係爽呀~~

係呀~~聽日仲要去拇埋月餅tim呀!

>>September 6, 2003 at 7:12:11 AM GMT+8

2003 年 9 月 3 日 星期三 【晴】

今日......都唔係咁記得今日發生左d tim! 盡寫啦....係呀!今日要返工呀~~終於放完曬果5day假期啦!呼~~好唔捨得呀! 冇計啦~~都要返啦!真係好唔慣呀~~ 點知今日我竟然又遲到wor!最激死既係....岩岩遲到一分鐘呀!激死人啦~~

今日返到公司.....可以話多唔多野做既~~其實都算多嫁啦! 一個上午攪掂一半啦!食埋個飯啦~~之後訓一陣啦!下午又要做啦!呼....... 下午話咁快又收工啦!kaakak~~~ 放左工......

過左去搵豬豬啦~~ 其實今日都唔係乜野特別既~~因為太掛住佢啦!kaakka~~ 等埋wingwing收工之後就街街啦! 食野先啦~~''car boy noodle''kakaka~~好耐都冇食啦! 食完之後......諗住過去會展睇果個乜乜激光波波呀!哈哈~~都唔知乜黎既! 點知......行過去既途中見到阿曾同埋傑仔wor! hay曾仔long time no see呀!佢好型呀~~d頭髮好長呀!哈哈~~ 去到既時候......都唔知乜黎既??哈哈~~由佢啦!我地去左影相相先啦!yeah~~ 之後就各自各散啦!

我送埋wingwing返屋企先啦! 話時話都好耐冇送wingwing返屋企啦! 呼........每次送完wingwing返屋企自己都係好唔捨得佢既~~呼! 自己都返屋企啦~~白白啦!更住就等埋wingwing之後就傾電話啦!呵呵~~不過...... 唉!或者係自己問題啦......sorry呀!

>>September 6, 2003 at 6:54:46 AM GMT+8

2003 年 9 月 2 日 星期二 【暴雨】

今日......係我最後一day既假期啦!我要訓晏d先至得呀~~呼!之不過成日都係咁諗既~~之不過都係唔得呀!都係早早就起左身啦!睇金裝4大才子呀!嘩~~由上個月做到家下啦!都仲未做完既?乜咁鬼長嫁~~呼! 好肚餓呀!不過.....頂住先啦!等一陣出街先買埋野食啦!因為一陣要出去中央打日記同埋搵我個小wingwing呀!呵呵~~ 真係越來越麻煩啦!冇電腦既日子真係......總之就激死人啦!呼~~4點出到去啦!去到中央即打日記同睇下有咩新聞大件先啦!呼~~不停咁打~~累死人啦!

打完之後......就過左去搵我個小wingwing啦!呼~~佢今日好早就收左工啦!之不過唔係同我去街鱥呀!而係同......第二個呀!唉~~ 冇計啦!鬼叫自己應成左話去東村食飯咩~~話時話都真係好耐都冇過去食飯啦!呼~~今晚話係同我慶祝個生日仔!呼~~

過到去飯飯啦!呼~~我都係食得唔係太多野啦!次次都係咁嫁啦!我自己都唔知點解既? 呼~~反而打邊爐就爽啦!kakaakak~~ 講起打邊爐......我都想打tim!仲記得上年既冬天我同小wingwing差唔多晚晚都去大家樂打打邊爐既~~kakaakak!家下諗返都好回味呀!唔知今年冬天又會點既呢?哈哈~~wingwing妳仲記得ma?

食正餐完之後就食brithday cake啦!yeah~~嘩!好靚呀~~豬豬黎嫁!kaakakak~~ 好味呀!飽死啦~~更住就返屋企啦!返到去......睇陣電影先啦!乜野9龍冰室呀!嘩~~越睇就越爽呀~~kakakkak!正呀~~唔錯呀!更住就白白啦~~ 唉!冇得上網呀!.............等wingwing啦!傾電話.......點知......唉!唔知點講好啦~~ 訓啦!點知......wingwing突然打黎wor!哈哈~~好開心呀!因為.....平時叫wingwing臨訓打俾我佢都唔會打既~~點知今晚就.......呼! 訓啦~~聽日又要返工啦!希望唔好有太多野做啦~~ok?

>>September 4, 2003 at 10:43:59 AM GMT+8

2003 年 9 月 1 日 星期一 【驟雨】

嘩~~今日我好早就起左身啦!因為今日係本大爺既牛一呀!呵呵~~起左身諗住落街買野食啦!去圖書館上網打日記啦!點知......激死人啦! 買左野食返屋企啦!冇得上網呀!太多人啦~~食食下野......天文台話掛3號風球wor!下.....唔係呀fa?玩野呀? 今日係本少爺牛一呀!唔係攪d咁既野呀?點知......過多陣!又話下午會掛8號風球.......頂呀!點出街呀? 當堂謝曬好失望好唔開心呀~~因為今日係本少爺牛一呀!又諗住同小wingwing一齊街街嫁ma......家下乜都冇啦!打咩野野風呀~~哼!

咁冇計啦~~為有留係屋企啦~~打機啦!呼......當我心諗會過一個冇乜意義既生日時候......大雄突然打俾我叫我開門!我一開~~嘩!江少佢拎左個蛋糕黎同我慶祝呀! 我好感動我好開心呀~好突然呀!其實佢地兩個死仔包琴晚周今日都冇打過電話俾我嫁~~我諗佢地咁冇義氣??激死我啦~~仲話兄弟!點知....... 佢地會咁突然攪埋d咁既野呀~~呼!好啦~~我許個願先啦!更住食蛋糕啦!呼~~爽呀!好好味呀~~多謝你地兩個呀!好兄弟呀~~ 更住我地打左陣winning啦!之後......諗住出去灣仔唱k既~~不過......又話掛8號9號風球呀!冇曬車wor!頂呀~~呼!我地為狼落左去香港仔newway度唱啦!哈哈~~ 去到既時候都好多人下啦~~或者係打風啦!呼~~都貴左些少tim呀!不過no problem啦!照去馬啦~~ 我地係咁唱呀!乜都唱呀~~唱左好多好唷既歌呀!哈哈~~我自己又牙痛呢!好辛苦呀~~呼!唱到12點就鬆人返屋企啦~~呼!出面好大風呀~~呀!哈哈~~

返到屋企.....白白先,更住同小wingwing傾電話啦啦隊我地講左好多野呀~~哈哈!!不過......sorry呀!又係我.....我又係好累啦!所以又訓著左啦!對唔住呀~~

今日......可以話係又悲又喜啦!喜既係......有兩個咁好既兄弟咁突然送我一個蛋糕呀!好多謝你地兩個呀~~呼! 而悲既係......冇得同我愛的人一齊過生日呀!我唔制呀!我好失望好傷心呀~~另外最重要既係......冇左個brithday kiss呀!我唔制呀~~

計計下都有好多個人仔同我講生日快樂呀!好多謝你地咁多位先啦!我會記住嫁~~ 雖然有好多個人都話......alan你好可憐呀!生日先黎打風!唔逍連個天都唔鍾意你?哈哈~~ 不過我開頭的而且係好失望呀!不過......諗深一層今年既生日都好特別呀!因為9號風球ar ma !玩下手成世人都唔會有咁既機會呀!所以都好特別呀~~哈哈!點都好啦~~

自己大個仔啦~~廿歲人啦!係時候要搵返個老婆仔嫁啦~~ 快d儲定個錢啦~~kakkaak!

人人話講左個生日願望出黎會唔靈~~之不過我唔理咁多啦!我都照講啦~~

我今年既生日願望.......

希望下年既今日可以同我個靚靚老婆仔小wingwing一齊過呀! kakaakakak~~~

因為我真係太愛佢啦~~

i love u ~~

>>September 3, 2003 at 9:34:43 AM GMT+8

2003 年 8 月 31 日 星期日 【陰】

今日......kakakak!放假呀~~唔洗返工呀!爽呀~~yeah!呵呵~~雖知今日係放假呀!但係我都唔太晏起身嫁咋~~起左身之後就打陣winning7先啦!kakakak~~ 更住就落左野買野食醫下個肚仔先啦~~食食下半路阿周傑打黎呀~~叫我出街wor!好啦~~出就出啦!見係你咋~~ 4:00pm係吉百利度等啦!今日我著得好......哈哈!祖記波衫20號''泰基拿迪''(上年wingwing既生日禮物)+新買既波鞋''air force''+普通既褲仔.......係咁多啦!都幾靚仔嫁.....我自己覺得!哈哈~~不過wingwing就話我好細個啦!呼~~

放低左d野俾wingwing之後就街街啦!唔知周傑約我出黎做咩呢?哦....原來!佢要買對新波鞋呀~~好啦!做兄弟既就陪下你幫下眼啦~~ 更住之後......佢仲話買份禮物俾我呀!我都話左唔洗嫁啦~~不過.....好兄弟呀!抵錫~~結果買左件祖記第27次既聯賽冠軍tee俾我呀!多謝你呀~~ 行行下大雄打俾我啦~~哈哈!佢打俾我既時候原來係我樓下真攪笑呀!kakaaka~~唔只tim呀!阿周傑周大雄都係國米fans所以佢地都幾岩傾啦~~kakkaak!大家做個朋友仔啦~~~ 之後大雄要返學啦!而周傑就陪我去左中央打日記呀!多謝曬呀~~到到咁上下我去小wingwing啦!而周傑都返屋企啦!多謝曬份禮物呀~~

我去左接小wingwing放工呀!更住......8:00pm我地行左陣啦!嘩~~小wingwing都想買鞋鞋wor!不過睇唔岩呀!唔好唔開心啦~~遲d再睇過呀! 更住搵埋wingwing媽媽我地3個去左打邊爐呀!呼~~唔知咁樣算唔算係見家長呢?平時我成日都話要見~~之不過今晚.....我又唔知講乜好wor!有d驚驚tim!呼~~ 到到食完既時候啦.....就係12點啦!唔知2地仲記唔記得12點係咩野野既大日子呢?呵呵~~之不過.....原先我仲係諗住同小wingwing一齊倒數我既大日子既.....點知.....唉!好失望呀~~唔制呀!哼!激死人啦~~

到到12點wingwing先打俾我啦!呼......唔係唔開心既!之不過......有點兒失望姐!唉~~算啦!由佢啦~~聽日街街返為有! 係回家既途中.....我收左message同電話!好多謝仔地咁多位呀~~我好開心呀!你地真alan既好朋友好兄弟呀!thank you !

臨訓既時候同左小wingwing傾電話呀!都傾左幾耐下呀~~呼!傾完就覺覺啦~~

唔知點解呢排我都係好早就已經好眼訓啦!點解呢?就因為咁樣~~小wingwing就唔係咁鍾意啦!唉......sorry呀!我知......我唔岩!不過.....呼!希望妳明白啦~~

唉~~仲有樣麻鬼煩野呀!就係部腦到家下都仲係未好番呀!激鬼死人啦~~麻煩呀!點解呀~~原來冇得玩電腦都真係好鬼可憐嫁! 冇得打日記啦/冇得玩game啦/冇得睇報紙啦.....不過最重要既都係......冇得同我個靚靚小wingwing icq呀!唔制呀~~

>>September 3, 2003 at 9:15:25 AM GMT+8

2003 年 8 月 30 日 星期六 【晴】

呼~~今日雖然係星期日之不過.....今日我都係好早就起左身啦啦隊一早10:00am就同左大雄明仔江少君君去左唱k呀!話時造我都好耐冇去唱k啦~~ 今日或者太早起身啦~~唱得都唔太好咋!直到......唱!時光倒流二十年同每一個門天就好好聽啦!呵呵~~yeah!

唱完之後.....嘩!頂唔順啦~~好累好眼訓呀!即訓啦~~一訓就訓到......4:00啦!更住又要出去啦!今次係去帶自己教果隊波利安隊比賽啦~~呼! 今日對手係大角嘴~~最後左閘由阿發一箭定江山啦!勁呀~~入到決賽啦! 下星期日係最後一戰啦!帶完波之後就到到自己果隊波踢啦~~今日對手係殺手足球隊呀!友誼賽黎既~~呼!結果......輸左2-3呀!失望呀~~ 今日既表現好差呀!我~~好失望呀~~唔知點解!每當控波上腳既時候都唔係咁ok~~落到場都唔太知自己做......所以自己就好失望啦!唉.....或者係自己耐冇踢波加埋自己又好累呢~~唉!希望遲d自己既狀態會有好轉啦!

踢完之後就返屋企啦~~坐定定睇波啦~~祖記呀!爽呀~~等左好耐啦!今年祖記強陣呀!好期待呀~~yeah! 最後祖記羸5-1大勝呀!真係好爽呀~~kakakaka!希望祖記keep住落去啦!今年要拇埋刷冠軍呀!3連霸呀~~yeah! 睇完之後諗住上網啦~~點知!頂呀~~又壞左~~激死我啦!哼!麻煩呀~~同wingwing傾左陣電話就覺啦!

唉!唔知仲乜鬼野牙痛wor~攪到家下食野都好辛苦呀!連講野都係呀~~琴日同今日我都冇乜食呀!攪到自己好肚餓tim~~呼!真麻煩啦!

>>September 1, 2003 at 11:19:36 AM GMT+8

2003 年 8 月 29 日 星期五 【酷熱】

yeah~~今日終於到星期六啦!只要撐埋呢半個工作天就得啦!因為可以放假輕輕鬆鬆咁啦~~kakaka!呵呵~~之不過今日我都係唔係咁想返工......因為小wingwing lor !呼~~冇計啦!撐埋佢啦~~ 今日返到公司.....呼!靜到乜咁呀!撬到唔知點咁tim~~其實我今日都好累下呀!因為琴晚又夜訓呢!我夜訓唔係睇波wor~~因為太累啦!kakakak! 好彩今日成個上午都唔係太多做咋!好彩好彩呀~~kakakaak!就係咁半做半抖既情況下返工啦!直到..... 1點啦!即鬆人呀~~收左工同左位同事去左買波玩下呀!見意大利波又開啦!緊係要支持下嫁啦~~kakakak!一終買祖雲啦!結果......星期日先知啦!

之後就返左屋企先啦!因為太累啦~~返去訓一陣先啦!更住到到咁上下就要返ablmcc教波啦!今日唔係太多人黎咋~~唔知點解呢? 更住我地上左水庫度踢呀!今日主要既野都係教波~~而冇乜點樣鬥波呀!呼~~或者今日天氣真係好熱啦!所以班小朋友都唔係咁願走呀!見佢地都冇乜心機練既~~~ 今日我好累呀!所以大部份時間都係交左俾周傑一個人去攪掂既!我都知佢辛苦嫁啦~~sorry呀!下個禮拜會好好多嫁啦~~

教完波啦~~之後介有節目呀!就係.....白白先啦!更住就同左大雄江少君君同wingwing一齊去睇戲啦!我地睇既係......一陣先講啦!呵呵~~ 我地出到去先食野先啦~~去左新森林度呀!d野食都好得下呀~~正呀!到到呁上下我地就去左街街一陣先啦!更住...... 夠鍾啦~~入場啦!我地今日睇既係~~龍咁威呀!kakak~~yeah!我地由9:40睇到11:00度啦?!出戲由頭到尾都好好笑呀!哈哈~~成出戲咁多個人都好好笑呀!笑唔停口呀~~哈哈!正呀~~好耐都冇睇咁攪野既戲啦! 真係笑到我喊曬口呀~~我俾90分佢啦!好介紹呀~~

睇完之後就送小wingwing返屋企啦!都夜啦~~聽日佢仲要返學呀!送完之後我都要返屋企啦!返到去白白~~更住......頂唔順啦!要覺覺啦~~呼!

>>September 1, 2003 at 11:03:23 AM GMT+8