2003 年 12 月 26 日 星期五 【乍雨乍晴】

華仔係樂壇真係.....大哥之中既大哥呀!!


我好勁呀!!我琴晚1點訓今朝都成1點起身呀~~嘩.....哈哈哈哈!!我差唔多訓足成12個時呀!!係勁唔係勁先~~heeeee!!因為太累啦所以......如果唔係肚仔餓我諗會訓多陣嫁,哈哈~~起身即時食野先,更住就睇報紙啦,再之後就上網,到到最後就打winning啦!!哈哈~~呢排我都唔知仲乜鬼野成日都打既~~呼......不過有一場就最攪野既,話說我同小朋友踢左張世紀大戰呀,中國對法國呀~~佢用法國我用中國,我以9-0-1戰術迎戰,上半場互文白卷,我就俾人攻到暈,到到下半場中段我既一下突然攪掂左佢個出緊迎既巴夫斯呀!!哈哈~~好勁呀!!等多等就出門口啦~~去黃記踢波啦!!yeah~~終於有得踢波啦,計計下好似好耐冇踢波啦,呢排成日睇波所以自己都成日腳痕痕啦!!

一落街咋~~嘩!!凍到阿媽都唔識得啦~~真係冷得我吞吞震呀!!去到球場......嘩!!原來我地9見左張場紙呀!!呀??唔係老明領隊度wor~~乜原來係我度既咩??哈哈!!我真係大頭蝦呀~~我自己都冇乜印象既??咁點算??今日人腳都仲要係幾齊下嫁,而且黃記又好多人踢bor.......哎呀點算??結果我地向左當場既管理員求情lor......開頭佢都唔肯既但攪攪下我地都傾掂數呀!!yeah~~有場踢波啦!!雖然今日加埋都係得11個踢但都唔錯啦~~咪當自友人增加默契同熱下身lor,踢踢下阿波車wing都黎埋呀!!哈哈~~今日我既狀態都係麻麻咋~~呼......有入波同助攻而且仲多次傳靚波俾周傑呀(不過佢白浪曬我既心機呀!!哼~~)踢到8點幾就鬆人啦!!呼.......

返到屋企打邊爐啦~~呼......岩曬啦!!凍凍打個邊爐就最爽既~~heeeee!!飽飽之後就收拾一下聽日既行裝之後打埋日記就白白啦!!白白完.....又上網......掛??哈哈~~

今日係我個聖誕假期既最後一日......呼!!銖唔捨得呀~~餐餐都係咁既!!哈哈~~如果我快d中左六合彩就好啦!!因為唔洗做你地話幾好呀!!heeee~~真係發白日夢lu......

岩岩我個腦海諗到到些少野......''球場上既閱讀能力''唔知道你地知唔知係乜野黎呢??哈哈~~簡單d黎講可以算叫做係球場上睇野通透唔通透,哈哈!!對於成日踢波或者睇波既人都會聽到......''嘩,阿碧咸真係睇得通透啦,大腳傳去左手邊''又或者''踢波要慢慢黎,睇得通透d,唔好下下大腳''其實係場上面既任何球員都要對''球場上既閱讀能力''有一定既認識,由其係對於中場既球員更為重要呀,換句話講呀~~一個攻勢有冇威脅都好睇中場發牌個球員既''球場上既閱讀能力''!!傳唔傳到靚波都睇佢啦......不過呢家野就真係要慢慢練返黎啦!!---當今球壇''球場上既閱讀能力''最好既球員有:派路,韋拉,施丹......仲有香港南區代表''迪比Alan''呀!!哈哈~~

納豆下一站係''意大利國家隊''??


>>December 27, 2003 at 3:56:05 PM GMT+8

2003 年 12 月 25 日 星期四 【颳風】

希哥全家福呀!!


一早.....先返到屋企咋!!好累呀??又唔係呀~~眼訓??又唔太啦!!所以我都冇抖冇訓啦~~上網,打機,食野.....呼!!更住白白啦~~哈哈!!我都唔知自己講緊乜啦!!

呀~~wingwing成日都話唔知過時過節大日子都唔知送乜俾我既,等我俾d tips 妳啦奀豬豬!!呵呵~~其實我都有好多野係有啦,數碼相機,銀包,電話,鞋.....好多好多野啦!!但有一樣野我係至想妳送俾我既,就係.....妳啦!!我好希望妳可以應成我,會跟我成世,做我個奀豬豬老婆仔呀!!哈哈~~家下講出黎都俾人笑呀!!但我個心的而且確係咁諗.......

近排佢地個勢好勁呀!!


卡達又成為明星賽票王之王啦!!


>>December 26, 2003 at 9:54:11 AM GMT+8

2003 年 12 月 24 日 星期三 【颳風】

西裝骨骨,睇佢個樣幾神氣


話咁快就到聖誕既第二日啦!!呼.....今日我既行程係.....上午訓覺覺豬(原先約左班朋友仔唱k既,但自己太懶訓啦!!sorry~~)更住下午就.....出發lor!!去邊??kakakak~~出到銅記放好曬d野打點好一切就返左上公司度啦,heee~~返公司上網呀,家下我突然覺得公司有點兒似間網吧呀~~因為我一得閒冇野做上一上去玩下又好點都好呀~!!~!!更住行多陣就去接女朋友仔啦~~接佢收工更住去會展食飯飯啦!!無錯呀~~今晚呢餐係食自助餐同埋大雄同江少同埋君君既!!間野叫港灣茶餐廳,如果係聖誕節黎計都唔算太貴既,但野食放面就比較單調左dd啦!!呼......都冇計啦,鬼叫自己窮,冇曬錢錢咩!!

食野途中我地幾個都影左幾張相既,哈哈~~特別有幾張係好傻仔又好攪野既!!呵呵~~食完之後我地去左環球嘉年華啦,呼......好多人呀!!人山人海呀!!多到佢呀~~之但係我地去度既時候佢都差唔多收工啦,所以我地都冇玩過野只係睇人玩lor!!嘩.....佢果度d機動遊戲都唔少抖wor!!睇落去都真係好嚇人下呀~~睇見都心寒呀!!不過我又好想玩bor!!唉......更住我地行返出去lu,之後就各自各搭車車啦~~大家都好累呀!!大家都帶係疲乏既心情回家啦!!呼......

係wor!!今日我收到女朋友仔既聖誕禮物啦,你地估下係乜??哈哈~~真係好有心思呀!!我都估唔到佢會......哈哈!!真抵錫呀!!我既奀豬豬~~I Love You!!至於小弟就送左.....我講左出黎我諗你地未必會信,哈哈,但如果講左出黎你地又可能話我痴線+傻仔wor.....唉!!我送既聖誕禮物係---''一隻礸石介子''係唔係好誇張呀??

淇姐都幾索wor!!


估唔估到佢係乜水??


>>December 26, 2003 at 9:37:25 AM GMT+8

2003 年 12 月 23 日 星期二 【微冷】

佢地出埋郵票....真巴閉呀!!


平安夜聖斯夜......又或者係''平安夜失身夜呀!!''哈哈~~

一早都係返工啦!!今日我好叻仔呀!!又早起身白白又早左返到公司呀~~哈哈!!之但係就辛苦左dd啦!!呼......一早阿rockie話食早餐wor!!咪買黎食啦......飽飽呀!!更住就迎接我最後一day啦!!澎澎聲完啦今日,更住就可以放假happy一下啦!!哈哈~~掂曬!!唔知點解啦~~或者又係冇野做關係啦!!所以.....d時間過得特別慢過人既??唉.......幾經辛苦先到到lunch啦!!lunch落左街買車仔面吃呀~~呼......又係飽飽呀!!更住大雄佢上左黎呀~~哈哈!!佢又收早呀今日成3點就可以鬆人啦~~幾正呀!!呼......佢上左黎都見我冇野做,大家嗲嗲計啦~~到到咁上下華仔都上埋黎啦!!哈哈~~原來佢地係要買禮物wor!!原來如此.....heeeee!!

收工啦~~今日我都係收早呀!!嘩~~掂曬!!又係早早一個鍾咁大把啦!!放左工join埋華仔大雄先啦~~更住行左陣我地各有各節目啦!!我去接埋wingwing先啦,更住就上左世貿中心間''tong romas''啦!!哈哈~~因為係zandy姐叫到所以就俾俾面出席啦!!之但係.....今晚食飯既人大多都唔太識既!!佢地都係金仔同zandy既師傅wor!!呼.......順道慶祝埋zandy條仔生日呀!!哈哈~~但......悶呀!!佢地講3野都唔岩我同wingwing既.....呼!!真失望呀~~哎呀!!悶親我個小公主啦~~點算??嘩.....死人啦!!更住wingwing返屋企就自己都返屋企啦!!呼......返到去好累呀!!白左就訓啦~~早早訓聽日要精神過聖誕呀!!希望聽日會開開心心啦!!

呢兩日都冇講足球家下又講返先啦!!上次就講到陣式啦,今次就解下陣式既野啦~~呵呵!!每一個陣式都有佢特別之處既,而且每個陣式既作用都好唔同所以要留意啦,千祈唔好亂用啦!!例如進攻方面就最好用3-4-3/4-2-3-1/3-4-1-2......至於防守最好用4-5-1/5-4-1/9-0-1......所以大家千祈唔好賽前既排陣部署啦,其實一場波成功與否除左在於球員實力外,而陣式都係好重要既,希望大家切記,唔好睇少呀!!至於小弟最愛既陣式就係......3-4-3啦!!仲記得以前打winning時候成日都好鍾意用巴西,法國,阿根廷呢d進攻足球黎玩既~~哈哈!!因為我鍾意入波lor!!heeeee~~~

豐澤牌微波爐$299送俾屋企做禮物啦!!


>>December 25, 2003 at 8:42:04 AM GMT+8

2003 年 12 月 22 日 星期一 【颳風】

我開始迷戀上她.....


越來越越接近聖誕啦~~聽日就係啦!!哈哈~~話咁快又一年啦!!呢個時候最好既就緊係同大家分享下上年同時候我既回憶啦!!呼......我仲記得上年既平安夜係同左我二伯一家飯飯既,而呢次飯飯仲係wingwing第一次同我屋企人吃既一餐便飯呀!!哈哈~~諗起都有d攪野呀!!仲呀~~好緊張嫁,著裙仔啦我地係去左食大久保既,呵呵!!食左麻麻地多野啦~~至於食完野之後....就唔太開心既,因為wingwing佢唔舒服既,希望今年唔好學似上年咁啦!!

今日起身......哈哈!!又遲到啦~~掛住訓lor!!訓一下一陣訓下一陣......今個月第四次啦!!呼......我返到公司既時候.....已經10:30啦,之但係.....哈哈!!另外果兩個大佬都仲未返wor竟然,呀??原來銅記今日集體遲到呀!!哈哈~~真傻仔呀!!不過返幾點都係咁嫁啦~~因為好簡單---冇客!!冇客=冇野做=上網=等放工呀!!哈哈~~收左工同左小朋友同埋wingwing去左買衫衫同褲仔呀!結果.....又係幾經辛苦我先買到件大褸呀!!唉.......我都唔知點解成日都買唔到衫衫既??太貴啦係我既角度黎睇......呼!!

更住就返屋企啦~~返到去.....冇白白呀!!因為要留返聽朝先啦~~哈哈!!都係慣左啦~~上陣網更住都訓啦.....呼!!要精精神神過明天既聖誕呀~~

係度順手同大家講埋Merry X'mas !! 2004 Happy New Year !!

小蕙姐呢期慶玩......


好靚呀.....


>>December 24, 2003 at 5:35:29 PM GMT+8

2003 年 12 月 21 日 星期日 【微冷】

歐洲足球先生


一早起身白白先啦~~哈哈!!因為琴晚夜訓呀~~所以想個人自己精神d最好既方法就係一早白白啦~~哈哈!!我既決定的而且確係冇錯呀~~成個人醒曬呀!!係搭車既時候......突然有個電話打俾我呀!!至於......講咩呢!!哈哈~~你地自己估下啦~~呵呵!!返到公司今日係我最早返既一個呀!!哈哈~~更住都係咁啦~~傻傻下又一日嫁啦!!之但係今日待我同rockie兩個人仔撐住間行咋!!哈哈~~alex鼠佢去左康始果頭頂行呀!!哈哈~~到到lunch啦!!食飯飯啦~~過左陣仲有雪糕吃tim呀!!同埋麥樂雞呀~~因為今日係星期一M記佢九件送多九件呀~~哈哈!!爽呀~~正呀!!好好味呀~~我同rockie仲傻到猜包剪揼黎食雞呀~~哈哈!!真係唔似返工呀~~我地兩個都玩到傻啦!!哈哈~~好free既一日呀!!

到到收工啦~~放左工同左周周傑齊齊行一陣街街呀!!因為佢話SOGO大特價呀!!叫埋我一齊去睇睇有冇野岩買wor!!呵呵~~行左一個鍾度啦,更住大家都要返屋企食飯做冬呀~~係呀!!今日我地係早收呀~~因為冬郵所以收早一個鍾啦!!yeah~~聽講24號平安夜都係wor......嘩.....係等車既時候見到阿偉仔呀~~哈哈!!周傑同埋偉仔一見面就即刻......互插呀!!佢地都唔知係唔係前世亂左骨頭既??過左陣有車啦~~但上唔到呀!!太多人啦~~老唔知仲乜野野咁叉多人既??唉......結果我地去左總站搭啦!!就算係總站上車我都.....哈哈!!我返到東村都已經成8點啦~~真辛苦呀!!呀~~係呀,係搭車既時候仲見到肥威同埋佢細佬呀!!哈哈~~打7佢呀!!食完飯飯之後.....就返屋企啦!!

哈哈~~我又買左9件雞食啦~~正呀!!好好味呀!!copy d相落部腦度之後.....燒埋碟諗住訓一陣啦再起身白白打日記......點知.....呼!!一訓就.......呵呵!!

利維特全家福


實至名歸呀!!


>>December 23, 2003 at 5:37:39 AM GMT+8

2003 年 12 月 20 日 星期六 【乍雨乍晴】

奪得「飛躍大獎」金獎既陳小春


今日又係凍到P曬K果隻呀~~真係呀.....但係唔凍既話咁又點算叫冬天同埋聖誕呀!!哈哈~~真係自傷矛盾呀!!琴晚都幾夜先訓呀~~差唔多成3點先肯去訓.....所以今日一早起身都係發曬呆咁呀!!哈哈~~今日小弟要返工呀~~所以.....唉......我真係好唔想星期日返工呀!!我鍾意放星期日呀~~哼!!一早落樓或者天氣凍啦條街都冇乜人,我返到公司坐左成個上午呀~~真係成個上午呀!!一個客仔都冇呀,而且個電話又冇乜點響過bor!!哈哈~~Alex仔咪話lor,係唔係俾人cut左條電話線??哈哈~~都唔知因乜解研成早都冇人有野好做既~~唉......不過咁都好既,咪當抖抖lor,坐係度上網睇報紙,度波仔,嗲下icq......呼,總之就無聊啦!!

到lunch啦~~今餐食返琴晚打邊爐留低既野呀~~哈哈!!更住就訓左陣啦~~唔知點解個人硬係累累地咁既!!更住臨收工前都收左個客仔係去漢城既......更住我今日既工作到此完畢啦!!唉......又一日啦!!我走既時候.....睇見康泰果邊多客都暈呀!!我心諗.....如果遲下有機會轉會既時候......我又會點呢??家下我或多或少都慣左家下星晨既冇乜野做日子啦!!哈哈~~!!

收左工行左陣啦自己.......因為就黎聖誕節ar ma!!所以.....係時候諗下買乜俾我女人啦!!呀~~買乜呢??我真係諗唔到呀.....是但買樣野就算啦!!行左個幾鍾啦就搭車返屋企啦!!返到屋企即打日記先~~因為我唔想太夜先打呀!!我諗我夜d都係拎返d冬季衫衫出黎著啦,睇波,白白,訓一陣......呼!!仲有3day就聖誕節啦!!唔知道你已經plan好曬呢個聖誕係點過未呢??哈哈!!

4-4-2/3-4-1-2/4-2-3-1/4-5-1/9-0-1/5-4-1/3-4-3.....等等,當你睇到呢d咁攪野既數字時你會諗起d咩呢??相信對足球有一定認識既人都明白我以上既意思啦!!哈哈~~作為一個球迷,甚至一個球員我相信對呢d野都唔陌生嫁啦,因為呢d數字正正反映出自己既位置呀!!呼......我想左好耐嫁啦,我想由今日起講下我對足球既認識,希望可以同大家分享一下.......希望未來幾天既讀者會多多支持啦!!

嘩~~3個都索呀!!


>>December 21, 2003 at 11:04:22 AM GMT+8

2003 年 12 月 19 日 星期五 【乍雨乍晴】

苦男人


賣出自尊　 賺數十元　 但一日總未完
內心極端　 因你著迷意亂
內心受損　 賣相健全　 日思夜想沒完
什麼弱點　 使你逗留很遠
你說我倆最相沖　 愛你有難題附送
很多夾縫　 很少贊同　 很多要填充　 (不想再填充)
由此至終我給你的　 你總不讚頌　 (壓迫感帶動)
由此至終你給我的　 也彷彿惡夢　 (我多麼信奉)
從愛上了你我已失控　 而你對我語帶譏諷
難勉強愛你　 也怕失去你
越戰　越勇　越痛　越愛　越戰　越勇...越痛
目光幻想　 沒有類同　 像失效的合同被擊中　 溫暖面容轉
--------------------------------------------------------------------------------------
無論如何


無論歡笑　還是憤怒
想與苦工作交際想你都知道
無論喜好　庸俗深奧
壞與好一切因你喜愛的程度
無論我愛你甚至多於自己
選你怎歡喜但你喜歡仍是你
無論我因你生與死
我給你一切都完美
都仿似減價三折起
你心中價值無幾
無論我因你心痛死
你總看不起
莫非已經愛戀未期
才懂珍惜　才懂唉聲嘆氣
無論想法　還是對白
能看出給你的愛不會只一剎
無論資格　零或一百
壞與好一切因你方會可成立

>>December 20, 2003 at 5:09:59 PM GMT+8

2003 年 12 月 18 日 星期四 【乍雨乍晴】

久違左好耐既......


講個消息過你地知呀......由下個月起我要調行啦!!而我下站既工作地點係......BC旺角銀行中心!!呼......唔知呢個消息係好定係唔好呢??對我黎講就一定唔好嫁啦~~因為地方又遠左車費又貴左,唉!!計計埋埋~~搭平車都要$14蚊來回970巴士,至於搭小巴更要$12蚊一程呀!!都唔知點死!!我既車馬費又上升啦~~真係......至於可以算叫做好既係.....起碼過到BC有人仔教下我野wor!!哈哈~~好過CB冇人教呀!!唉......雖然BC果樹既人仔同我都冇乜兩句嫁啦平時,但冇計啦!!我知係主任佢想我學返d正統野先係咁姐~~呼......咁就離開CB啦!!CB是我家.....拜拜啦!!有緣我會返去CB既!!

講返今日啦!!一早.....又係凍到死呀!!所以我又係唔願起身呀~~哈哈!!結果咪又係......遲到lor!!真係習慣成自然啦~~第三次啦今個月!!好凍呀~~一落床就.....洗面換衫衫!!哈哈~~你地估下我著左乜衫返工今日??heeee~~衛衣加短褲仔呀!!哈哈~~好凍呀!!一落樓d風就呼~~呼~~呼~~啦!!好鬼凍呀!!哈哈~~但冇計呀~~我太懶啦!!仲未換季呀d衫衫~~呼.......返到公司先好d咋!!返到公司又係咁啦~~坐下玩下嗲下又一個上午啦!!到到下午.......我冇去食野呀~~反之就過左去灣仔會展度買野啦!!哈哈~~買廿五號晚既聖誕大餐入場卷呀!!都咪話唔貴呀~~成$218一個人仔嫁!!加埋我地Totel5個啦!!呼......但其實呢間野就已經算係平啦!!買完之後......就返工工啦!!撐埋果一陣仔先啦~~因為返多陣我地就可以放工啦!!哈哈~~因為今日要開會呀!!所以放早~~開會都係借口咋~~茶實今晚公司係開聖誕聯歡會呀!!yeah~~

上到總行首先係開陣會先啦~~都冇乜太多野講咋!!更住就開Party啦~~yeah!!有好多野食呀!!哈哈~~火雞,沙律,生果,炒飯,意粉,春卷......總之就多啦!!哈哈~~我唔食lunch都為左呢餐咋!!heeee~~食到咁上下我地就玩抽獎啦!!首先係問答遊戲呀~~結果.....我果組第一round就輕取啦!!heee~~我地既問題分別係''騎士既狀元占士著幾多號波衫?''/''國際米蘭隊中廿號仔係邊個?''yeah~~因為我地個機票部真正識足球同籃球有幾多個呀!!所以......heeeee!!更住第2round啦!搶答題呀~~結果.....呼!!我果組得第二咋~~哈哈!!問左好多時事呀~~所以我都唔識既,但......臨尾問左3條體育呀,所以保返住個第三!!哈哈~~''一場波每換一個球員需補幾多時?''/''碧咸個老婆叫咩名?''真係......so easy呀!!哈哈~~最後我地就玩埋交換禮物同埋大抽獎就鬆人啦!!哈哈~~頭獎係現金$300呀!!可惜.....我衰左呀!!差少少咋~~激死!!到到咁上下大家都帶住歡欣既心情回家啦!!

總結:$100百佳現金卷/美心$50現金卷/坐台月曆/福字掛牆月曆/毛巾仔/一筒麥提沙.....今個聖誕開始啦!!今年係第二次係星晨開party啦~~唔知下年仲有冇機會呢??

聽返主任講星期一就知道我另一邊個結果會係點嫁啦....呼!!

今日一早我去check銀行啦!!睇下馬會過左數未啦~~點知.....嘩!!好多錢呀~~起初我諗緊邊到黎嫁d錢??直到.....返到公司原來今日出左糧呀!!下??點解既~~因為春節wor.....所以公司就.....咁都好呀!!起碼係聖誕時都多個錢呀~~

迪比亞路....返來lor!!


>>December 19, 2003 at 3:37:13 PM GMT+8

2003 年 12 月 17 日 星期三 【乍雨乍晴】

好索bor~~


今日......哈哈!!我終於榮升左做遲到大王啦!!heeee~~都係果句啦!!可以唔洗遲既但自己係要訓多陣就訓多陣啦!!heeee~~返到公司......呼!!都係坐住上陣網先啦~~哈哈!!之但係都有大單野要攪既~~就係.....聖誕節有咩節目lor!!首先搵左幾間餐廳先啦~~嘩......間間都咁貴下既??唔係fa~~咁點攪??結果......好彩有立少幫我拖姐,果然識多幾個朋友仔多多幾個好兄弟真係好Q有用呀~~哈哈!!到最後book左灣仔會展果頭啦,中中廷廷啦!!最後我就book左5個位啦heeee!!有我啦,小公主,大雄,江少,君君呀!!我地係廿五號吃呀~~掂曬!!kakakak~~有得食聖誕大餐呀!!

更住到到lunch啦!!同左阿zandy出左去食南記呀~~哈哈!食完之後周圍行下因為我要買禮物呀~~買俾.....我個好堂妹恩恩呀!!唉.....行左好耐都睇唔岩呀~~真係傷腦筋呀!!更住又返番上去做野啦~~呼......老實講呀!!今日真係客仔都唔多個呀~~點攪呀??所以直到放工我都係坐住上網多過sell客呀!!唉....就係咁等到收工啦!!收左工......等埋wingwing一齊更住就搭車車啦!!我地去左.....哈哈!!我二伯度食餐便飯呀!!今餐又係打邊爐呀~~heeee!!wingwing都算叻嫁啦~~佢終於肯同我一齊去同家人飯飯呀!!呼......

上到去~~wingwing即刻俾我個堂妹恩恩捉住唔放呀~~哈哈!!平時我上到去佢就捉住我玩唔放手啦~~今日竟然.....哈哈!!大家玩左陣就飯飯啦!!yeah~~打邊爐呀~~爽呀!!天寒地凍最好食呢味野啦!!之但係......近八日我都已經食左六次啦!!真係好熱氣呀~~唉......嘩!!好多野食呀~~飽飽呀!!更住食埋士多啤利就鬆人啦!!好夜啦~~成11點啦!!送埋wingwing搭車之後自己都要澎澎聲返屋企啦!!因為條街真係好Q凍呀!!呼......返到屋企即用熱水暖暖先啦!!更住上陣網睇陣野就覺覺啦~~又係好累呀!!我諗聽日我又......哈哈!!

嘩~~都幾似嫁wor!!


好姨冇得撈呀~~


>>December 19, 2003 at 6:08:54 AM GMT+8