2003 年 6 月 19 日 星期四 【陰】

嘩~~散曬啦!好眼訓呀~~唔返工得唔得呀?好累呀~~冇計啦!頂硬上啦~~我要係車車度訓呀~~呼!想你慢d你就快,想快d就慢d,玩我呀家下~~激死呀!返到公司......唔好叫我做野啦!我好眼訓呀!呼~~好彩今日又係冇咩野做姐~~如果唔係我死俾你睇啦!所以我今日我時時都走左去''揸流灘''呀!哈哈~~

飯飯啦~~澎澎聲食埋佢要訓呀!訓到咁上下又做啦~~做呀做呀.....快d放工呀!結果都係要六點先走得人啦~~放左工我過左去銅仔搵wingwing呀!睇下佢點ar ma!其實係我掛住佢先係咁咋~~哈哈!! 我買左雲吞河+陽光過佢吃呀!yeah~~攪到我自己都好想吃tim!我仲上埋分行呀~~因為太掛住銅仔啦~~上到去!痴線嫁!咁多人既?唔係玩下fa~~哈哈!不過都好既,咁即係話.....旅行呢行黎料啦!不過大部份人都係報團既~~好過冇呀!加油呀~~上到去坐左一陣咁啦~~嘩!上面個counter亂到你呀!俾人打劫呀?哈哈~~我真係好掛住CB呀!

搵埋女朋友仔就走啦.....好累呀!我要覺覺~~女朋友仔話今日好累呀!返左好耐啦~~呼!辛苦曬啦~~聽日等倫倫接妳放工啦!ok?akaakakak~~~~

呼......終於都打完啦!一口氣打左成3日既日記~~真係.....死人嫁!辛苦呀!

>>June 21, 2003 at 11:38:29 AM GMT+8

2003 年 6 月 18 日 星期三 【晴】

今日......累都PK呀!眼訓到PK呀~~因為琴晚睇波lor!呼~~一起身果陣真係好辛苦呀~~唔想返呀!唔洗返就好啦~~唉.....不過日本真係好勁呀~~中田+中村=勁呀!哈哈~~加埋小野仲洗玩既?不過法國就真係令人好失望啦!踢左成場我都唔知佢踢乜既?哈哈~~

搭車車就即訓一陣啦~~頂呀!唔夠一陣就到啦?PK呀~~平時都冇咁快嫁~~仲乜鬼呀?玩野呀?返到公司呆呆地咁啦~~差唔多成個上午都係咁既~~好彩唔多野做咋!如果唔係都唔知點死啦!不過突然阿rockie叫我出街拎機票wor!仲要係MK咁遠,更住仲要拇埋過去中環分行~~激死呀! 不過都有好處既~~就係唔洗留係公司lor!時間又會過得快d既~~kakaka哈哈~~lunch既時候....仲洗講既~~即訓一陣先啦!2點啦~~咁快嫁!又要做啦!希望今日怏d放工鬆人啦~~呼~~!!

放左工....我都係好累呀!之但係我冇返屋企住呀!反而過左去搵女朋友仔呀!因為我覺得女朋友仔有少少唔開心咁啦~~呼!我好譫心嫁~~過到去見到佢都放心d,買左些少野食過去吃啦!佢都好開心呀~~yeah! 夠鍾啦佢都走人啦~~可以街街啦!不過可能我又累佢又累啦~~所以......大家都少左出街都唔係咁願行啦!我地去左食粉粉呀!更住係時候返屋企啦~~雖然係早左dd,之但係.....我同佢聽日又要返工.....早d抖啦!

我自己都快d返屋企啦~~因為自己都好累呀!白白飯飯傾左好耐電話就覺覺啦!今晚我又要加油啦~~因為又係老洲呀!之但係.....有心冇力呀!睇唔到我既巴西呀!唉.....算啦!訓下仲好啦~~哈哈!

>>June 21, 2003 at 11:22:15 AM GMT+8

2003 年 6 月 17 日 星期二 【陰】

今日我都係放假呀~~hahaaha!幾好呀~~不過放埋今日就要返番兩日嫁啦!唉.....家下成日放凌都放到我個心都放曬啦!都冇曬心情返工嫁啦~~真係煩呀!不過由佢啦~~放下假都好既~~可以係屋企打下機,睇下電視呀~~right ?

今日都係訓到成點先起身既~~又係例行既動作!刷牙洗面上網更住就.....夠鍾出街啦!去踢波呀~~yeah!今日其實原本係要返工既~~之但係見今日有波踢先唔返走去踢波嫁咋! 之但係今日.....去到都好似唔太得咁既.....唔太開心嫁其實今日踢波!唉...又係咁啦!成日都係咁既~~呢幾次都係咁既~~個個都死死氣冇黎精神都唔知點攪啦!呼~~ 所以今日大家都踢得唔係太好咋~~唉.....激死人啦!成日都係咁攪到我自己都冇曬心機啦!結果我踢踢下都冇踢啦~~走人啦!冇曬心機啦~~

之後我踢完唔係返屋企呀~~反而仲走左去鴨仔度打波呀!因為大雄江少約左我呀!累累呀踢完波之後~~不過都冇計嫁啦! 或者耐冇打啦~~自己都好似唔識打波既~~激死人啦!就連d傻仔都要好辛苦先羸到~~激死呀!更住肥鵬又上埋黎~~打到識燈先走人既~~ 呼~~累死人啦!返到屋企.....頂呀!又用唔到部腦既?咩樹呀?激死人啦~~算啦~~ 之後白白飯飯1埋女朋友仔傾左好耐電話tim呀!哈哈~~更住我未訓嫁~~因為...有波睇呀!yeah~~老洲杯呀!哈哈~~睇到我呀!成5點先訓到呀!嘩~~今日又踢波又打波~~聽日又要返工....都唔知點死啦!

>>June 21, 2003 at 5:05:30 AM GMT+8

2003 年 6 月 16 日 星期一 【晴】

好野今日個天終於係白色啦~~爽呀!成個禮拜既黑暗日子終於過左啦~~我等左太陽伯伯出黎等左好耐啦~~等到我頸都長呀!哈哈~~真開好呀~~

今日~~我放假呀!唔洗返呀又~~所以今日都好夜先至起身呀!都差唔多成點先起身呀~~如果唔係關左冷氣我諗我會訓多陣咁啦~~呼!一起身~~就即刻去煮野食同埋打個靚電話俾女朋友仔先~~kakaka! lunch既時候我煮左''蘑菇忌廉湯+通粉''呀!正呀~~好好味呀!我既招牌lunch呀~~哈哈!食完之後就打機啦~~yeah!有得玩[三國冇傷]啦~~正呀!一陣又打下winning一陣又打下CM一陣又上下網真係癥呀!kaakka~~~好high呀!玩到我成個人都傻傻地啦~~heee!

打到咁上下就飯飯啦~~嘩!頂呀~~都冇岩我口味既野食tim~~結果今晚我食左一碗仔飯咋!都真係唔夠喉呀!呼~~~食完飯之後就try again啦!打打打~~我要打死曹操/我要打死孫權/我要打瓜董健華.....哈哈! 打到咁上下就唔玩lu,上網搵女朋友仔傾icq同埋睇下d news咁啦!

到到咁上下就要覺覺啦~~臨覺前緊係同我個豬豬傾傾電話先嫁啦~~哈哈!妳點呀?返工辛唔辛苦呀?.......

聽日呀~~我又放假啦!哈哈~~爽唔爽呢?聽日點樣樣好呢?起左身就煮野食更住打陣機,之後落街還書,再之後就去黃記踢波啦~~最後仲要過去東村打波呀!聽日我個plan就係咁啦~~哈哈!希望聽日都係好好天啦~~

>>June 18, 2003 at 5:31:44 AM GMT+8

2003 年 6 月 15 日 星期日 【晴】



今日我起身果陣都係好累呀,因為琴晚起左身睇左陣重蘇呀,不過都係睇左一陣咋~~因為晏左起身呀!唉.....睇住重馬羸而皇蘇又輸都有d心傷tim....其實我係鍾意皇馬多過皇蘇既,不過如果你有睇成季既話我諗你都會幫下皇蘇講外幾句好說話既,right?因為重蘇佢今季真係抵讚呀!成隊波成季都打得好呀.....可惜可惜呀!

因為咁所以我今日返工都好辛苦嫁,今日仲差d遲到tim呀,好彩仲差半分鍾姐,哈哈!之不過今日我朝早做野果陣真係好累好辛苦嫁.....唉.....算啦,希望今日d時間快d過左去就算啦!ok?直到lunch我終於可以抖抖啦,我澎澎聲食左個飯佢更住就訓左成半個鍾啦,累到我呀....呼~~ 好差足電下午再黎過啦,過左一陣嘩又差唔多4點啦,再過多陣就差唔多5點啦,更住....哈哈!yeah~~夠鍾放工走人啦!今日係我自上總行以黎最快走人既一日呀!點解?因為我.....約左小朋友仔攪PS2呀!因為我地拎部野去整整佢呀,整好部野等佢可以直讀,玩game都爽d呀!不過就真係幾貴下啦,都要成$380呀,心都痛痛地呀!

嘩~~我地諗住放低部野等人地整啦,轉頭一陣先拎番啦,頂呀!等左幾耐呀~~由WC行去CB,又由CB行返去WC.....想死人咩?等左成兩個鍾啦,等埋女朋友仔放工佢先至ok得咋~~等到我差d變埋長頸鹿呀!哈哈~~ 攪埋曬拎埋野走人lu~~我/wingwing/小朋友一齊去左食吉野家呀!更住我送wingwing返屋企啦,小朋友自己攪掂啦!好累呀~~係車車度我同女朋友仔傾左陣自己就覺左lu.......

返到搭車車果陣我差d又唔記得落車呀~~成日訓到傻傻地咁啦,哈哈,都好彩~~呼!返到屋企白白先~~更住玩電腦,而小朋友仔就試下部野有冇樹先?good呀~~爽曬呀!玩到玩得方便d呀!更住我都累累啦~~都玩左唔係好耐咁就覺左lu~~臨覺前同wingwing傾左陣咁大把啦~~哈哈!sorry ar ~~~torrow i with u talk more time la !ok ?

仲有個好消息仔既~~就係我個keybound冇樹啦~~之前我咪話唔知仲乜左邊d key用唔到既?家下我換左個keybound就冇樹啦!真係好呀~~我打字都方便d都快d呀~~ 今日真係唔知係開心定喊好啦?因為....改左機/keybound好返係開心!反而洗左好多money就好傷心啦~~我諗今個月都好辛苦啦~~冇計啦!為左我地既......澳門

>>June 21, 2003 at 4:50:31 AM GMT+8

2003 年 6 月 15 日 星期日 【陰】

今日我起身果陣都係好累呀,因為琴晚起左身睇左陣重蘇呀,不過都係睇左一陣咋~~因為晏左起身呀!唉.....睇住重馬羸而皇蘇又輸都有d心傷tim....其實我係鍾意皇馬多過皇蘇既,不過如果你有睇成季既話我諗你都會幫下皇蘇講外幾句好說話既,right?因為重蘇佢今季真係抵讚呀!成隊波成季都打得好呀.....可惜可惜呀!

因為咁所以我今日返工都好辛苦嫁,今日仲差d遲到tim呀,好彩仲差半分鍾姐,哈哈!之不過今日我朝早做野果陣真係好累好辛苦嫁.....唉.....算啦,希望今日d時間快d過左去就算啦!ok?直到lunch我終於可以抖抖啦,我澎澎聲食左個飯佢更住就訓左成半個鍾啦,累到我呀....呼~~ 好差足電下午再黎過啦,過左一陣嘩又差唔多4點啦,再過多陣就差唔多5點啦,更住....哈哈!yeah~~夠鍾放工走人啦!今日係我自上總行以黎最快走人既一日呀!點解?因為我.....約左小朋友仔攪PS2呀!因為我地拎部野去整整佢呀,整好部野等佢可以直讀,玩game都爽d呀!不過就真係幾貴下啦,都要成$380呀,心都痛痛地呀!

嘩~~我地諗住放低部野等人地整啦,轉頭一陣先拎番啦,頂呀!等左幾耐呀~~由WC行去CB,又由CB行返去WC.....想死人咩?等左成兩個鍾啦,等埋女朋友仔放工佢先至ok得咋~~等到我差d變埋長頸鹿呀!哈哈~~ 攪埋曬拎埋野走人lu~~我/wingwing/小朋友一齊去左食吉野家呀!更住我送wingwing返屋企啦,小朋友自己攪掂啦!好累呀~~係車車度我同女朋友仔傾左陣自己就覺左lu.......

返到搭車車果陣我差d又唔記得落車呀~~成日訓到傻傻地咁啦,哈哈,都好彩~~呼!返到屋企白白先~~更住玩電腦,而小朋友仔就試下部野有冇樹先?good呀~~爽曬呀!玩到玩得方便d呀!更住我都累累啦~~都玩左唔係好耐咁就覺左lu~~臨覺前同wingwing傾左陣咁大把啦~~哈哈!sorry ar ~~~torrow i with u talk more time la !ok ?

仲有個好消息仔既~~就係我個keybound冇樹啦~~之前我咪話唔知仲乜左邊d key用唔到既?家下我換左個keybound就冇樹啦!真係好呀~~我打字都方便d都快d呀~~ 今日真係唔知係開心定喊好啦?因為....改左機/keybound好返係開心!反而洗左好多money就好傷心啦~~我諗今個月都好辛苦啦~~冇計啦!為左我地既......澳門

>>June 18, 2003 at 5:30:57 AM GMT+8

2003 年 6 月 14 日 星期六 【雨】

嘩頂呀.....一旰點都未夠就俾人嘈醒啦,激死我呀,好地地訓緊嫁ma又突然叫我起身,唉.....攪左d野又再訓過呀。唔好嘈我呀.....結果我一訓就訓到成兩點啦差唔多,哈哈！好耐都未試過訓到咁晏嫁啦,爽曬呀

起左身就刷牙洗面上網啦.....過左一陣就過左去搵江少大雄佢地打牌啦,哈哈,佢地個個都係高手黎嫁,而我....都唔識打既,結果我去到果陣大雄老豆都打緊啦,我都冇得玩啦,大雄俾我玩左兩鋪,更住我都係走人啦,唉.....話時話我都唔知自己過黎仲乜既?呼...... 返番屋企.....玩CM更住訓左陣啦....累累呀！家下叉足電留返d力今晚睇波先,哈哈。咁上下又係食飯啦.....食完毫打埋日記白白打多陣CM先就同女朋友仔傾左陣電話就去覺覺啦！ 唔知今晚我睇唔睇到呢?哈哈......我又驚聽日返工會好累tim！

頂呀,個天都唔知仲乜鬼野既...今日又落雨啦,日又落夜又落都唔知佢想點啦....唉。成日咁落攪到我自己個心情都冇咁開心呀.....唉！

係呢,你地今日睇個日記有冇留意到多左個古仔呀?哈哈.....靚唔靚先?wingwing妳好叻呀多謝曬妳....


>>June 15, 2003 at 2:59:30 PM GMT+8

2003 年 6 月 13 日 星期五 【陰】

今日終於返番工啦要.....成三日冇返工啦,唔知公司多唔多野做呢?不過就算多都no problem la因為今日係星期六呀,都係返半日姐,我諗都唔會有好多野攪既姐....哈哈！今日一早去左買早餐食呀,係唔係好少有呢?因為我有3張M仔果d話送薯餅既野呀,爽呀,哈哈。

返刑公司即做野啦,真係幾多野做嫁wor死野呀,做呀做呀.....不停咁做呀,都未停過手啦,累累啦！連去次所都冇時間唔得閒呀,哈哈,不過多野做既時間係過得特別快既......話咁快成點啦,又係時候走人啦。 今日放左之後就忙到暈啦又係......因為一陣要去踢波呀,一早約好曬嫁,冇得唔去呀......

去到球場換衫等整人就開波lor,今日有12個到呀,其中六個著左橙橙呀,咁就岩啦！呢d就一隊啦.....結果橙橙就輕取佢地啦,我隊波個個都入曬波呀,但只有我未入......可惜呀！ 更住佢地話累wor....所我我地呢隊橙橙就過左去搵阿叔鬥波啦,諗住我地得曬啦,今日咁勁......點知都係輸多羸少既,不過有球入得好靚嫁,我右路快放更住傳中12碼點阿人猿撞入呀,諗諗下都幾似尼維特呀！ 之後走返去同返自己友玩,順便加多左幾個靚仔一齊踢呀,班小朋友仔都幾好波嫁wor有番兩度呀,明日之星呀！

踢完就澎澎聲返屋企白白啦,更住就出去睇戲啦,就係睇低B的天空啦,哈哈....我係同大雄江少周佢女朋友同埋wingwing幾個睇既......都ok啦出戲,不過太貴啦60蚊.....心痛死呀！ 出戲係講班天生或後天已經有缺憾既人點樣黎睇自己同埋人地係點睇佢地既.....都可以講係幾可憐下嬤出戲,不過都有好笑既場面既。我諗你睇左之後都會對做人或者對人都會有唔少既改善既......我俾出戲75分啦。

睇完之後我地去左飯飯呀,又係琴晚果間呀....係呀我知道間野叫咩名啦,係叫新森林呀,焗野專家呀！真係正呀......之後我地就各自回家啦,我當然係送wingwing返屋企嫁啦,係車車度wingwing知我唔太開心......sorry ar 我知妳對我好,好關心我....但係我今次都唔知自己可以點做好啦.......sorry ar ！let me think ......

我自己都返屋企啦...大雄江少話出黎吹水wor....但到最後都係next time sin la 。我返到屋企上網網之後同女朋友仔傾電話啦.....唉！又係咁既.....傾傾下又係唔開心咁就收左線啦！我想傾得開心d呀,傾耐d都唔得既......我都唔知自己做錯d咩呀......呼。

之前咪講過我同大雄果d可能去澳門既.....之但係家下可能得番我同wingwing兩個去咋....佢地請唔到假呀....可惜呀！

聽日係父親節啦,你地諗好左同老豆去邊未呀?送咩未呀?哈哈......希望你地有個開心既father day la 。

>>June 14, 2003 at 7:04:22 PM GMT+8

2003 年 6 月 13 日 星期五 【雨】



頂你個仔呀.....阿老天爺又落雨呀,佢真係呀成日喊嫁.....係唔係男人黎嫁?計下計下都已經差唔多落左成粒個禮拜嫁啦wor....真係頂佢唔順呀。今日我訓訓下都已經聽到果d死人雨聲啦.....嘈到我呀,唉.....冇覺好訓呀。算啦.....更住訓訓下聽到電話響啦,係wingwing打黎既....佢驚驚呀,因為佢發左個好得人驚既夢呀！不過佢講左發咩夢之後我都好想笑呀,因為....攪笑lor,豬豬放心啦,扼人嫁.....我仲係度呀yeah！不過我都要多謝一下阿周生發個咁既夢俾wingwing等佢驚下都好呀,哈哈。

起左身之後所做既野同前日既都差唔多.....煮野食先,更住上網睇報紙呀又呢樣果樣,最後仲玩埋CM4呀,真係好耐冇玩啦.....我要攪起返祖記先得.....玩左好耐呀我,由兩點玩到5點直到出街呀,哈哈爽曬呀..... 玩玩下阿恩恩又上左黎呀,我個好堂妹呀,佢又靚左啦kakaka等我界下佢先....到到5點幾啦係時候出去lu,去邊?接wingwing放工工呀,佢家下佢銅仔度做緊野既.....係做精品果d呀,得閒既話你地都上下去幫幫手買下野呀,哈哈！

頂呀.....搭車出去塞到我呀,暈曬啦,sorry ar wingwing要妳等咁耐tim.....唔好嬲倫倫啦ok?更住我地周圍行下先啦,我好餓呀,結果落左去SOGO下面買左d野食食lor....下面真係好多野食呀,i mean 試食果d呀,哈哈。 行多陣我地就去左食正餐啦,好正呀.....暈呀,你地估下我食左d咩?有個焗字既.....果度都幾high卡嫁話時話,價錢方面....唔太貴啦。俾d tips你地啦,係天樂里Neway附近既,係間小小地既餐廳,下次你地出銅仔果陣望望你地既右手邊就知係咩嫁啦.....ok?

好飽呀d野食....正呀。更住我地行多陣消化下d野食就走人啦,走之前女朋友仔買左對大口仔拖鞋呀,靚靚,而我都睇左陣數碼相機呀！i want ......係車車度唔知係唔係頭先食得飽果頭呀?女朋友仔都唔太舒服咁既.....希希車車快d到啦！結果女朋友仔都冇咩事.....休息下啦ok?譫心死我啦.....而我都搭車車返屋企lu......都係咁啦,白白日記傾電話呀！

wingwing多謝妳呀,幫我整到咁靚靚,錫曬妳呀.....哈哈。 我個日記仔家下係唔係靚仔左呢?都係多得wingwing咋,你地快d多謝阿李太啦.....kakakaka

>>June 13, 2003 at 4:41:23 PM GMT+8

2003 年 6 月 11 日 星期三 【晴】

頂你呀......竟然冇曬d野既,激死人啦要我打多次。

今日都係咁啦,一早起身就要返工啦,都攰呀起身果陣,或者係琴晚踢波太西利掛?哈哈,好想訓多陣呀,不過都冇計啦要返工做野呀。 返到公司好似有好多野做咁bor....不過原來係嚇鬼既姐,做落狙都唔係咁多野做既姐,easy job la....比著之前黎計。不過我做做下就越覺得唔太得啦,因為個肚仔痛痛地呀,又痌症幾獲wor,吓.....唔通又係腸胃炎?唔知仲乜鬼我成日都係咁嫁bor.....唉。 不過由佢啦.....諗住頂埋佢嫁....之但係都係唔得啦要睇醫生仔啦,結果同左阿秘書仔同埋經理講唔舒服呀,佢地都好好人冇咩野肯俾我走人去睇醫生,仲叫我抖下啦,記住帶醫生紙返黎呀,哈哈。

咁就走左啦,yeah....又可以放假啦,又可以抖下啦,kakaka我搭車車返去睇醫生啦,途中同女朋友仔傾左好耐電話呀,嘩睇醫生貴左既要成45蚊呀,不過由佢啦......好彩仲有d錢頂住。 返到屋企煮左通粉食呀,勁正呀,yeah.....更住阿小朋友仔話要同我winning wor仲夠譫死話要3蚊鋪呀,哈哈。佢真係唔知個死字點寫嫁,同阿叔玩winning。結果我4勝1負呀,都好呀羸左d車馬費kakaak 之後我就訓左啦.....訓到7點幾起身呀,女朋友仔放工啦yeah....之但係佢好似好累咁wor.....呼,之後我就飯飯啦,飯飯完諗住打俾佢啦.....搵唔到wor竟然,死啦實係電話冇電呀,我打左好多次呀譫心死我啦.....原來佢同左媽媽一齊食飯都d呀,我個心都放心d啦。

之後我都冇咩野做啦,打左我好耐冇玩既CM4呀,呼.....真係好耐冇玩呀,更住夜晚打埋日記同埋女朋友仔傾埋電話咁又一日啦。

嘩聽日我又放假啦,yeah....都唔知係笑好定點好啦?其實今個禮拜我加埋都只係返左一日半工咋,哈哈,星期二同埋星期六既半日,akakaka.......

我諗你地實會諗Alan喂乜你唔驚俾人炒呀?成日都唔返....哈哈,家下唔係我唔想返呀係公司唔俾我返咋,我都冇計啦。所以我家下個心狀都唔係太驚咁既.....有得做咪做lor冇都冇計,希望既係佢肯用埋我到9月啦。

http://www.friendtest.com/viewquiz.php?account=delpialan10
喂你地如果未去既話就去玩下呀。
都好好玩嫁.....kakaka

>>June 12, 2003 at 2:11:54 PM GMT+8