2004 年 1 月 5 日 星期一 【晴】

梁柄今年成績掂曬啦!!!


嘩.....今日終於到我遲到啦!!!太累太眼訓啦~~我真係好唔想返工呀!!!但都冇計呀~~真係d booking 要跟心呀!!!唉......麻鬼煩呀!!!哼~~我雖然冇射波但我遲左半粒鍾先返啦!!!都算係早嫁啦~~哈哈!!!比我訓多個鍾都好既~~!!!heeee.....返到去都係做同一樣野啦,跟番幾單booking之後就清清閒閒咁上網ICQ度下波啦!!!哈哈~~又一日嫁啦!!!Lunch食通粉,訓左陣更住又行下企下又等收工啦,呼......冇咩大樹又過左日啦!!!heee~~

收左工即返屋企啦,好肚仔餓呀!!!食左兩碗飯更住就坐定定睇波啦!!!yeah~~意甲重開啦,首場賽事Juventus對佩魯賈呀!!!掂曬呀~~一開波Juventus已經好積極迫對方盡快爭取入球啦,係完半場前15分鐘尼維特中路帶順左之後鵝眉月頂起腳勁射!!!Goal~~Goal~~Goal!!!入波啦,世界波呀!!我成個人障起左呀~~真係好靚呀入得!!!更住下半場DelPiero一下罰球中柱可惜呀!!!好彩對方又有兩野中柱唔入咋!!!heeee~~完場Juventus1-0全取3分!!!榮升次席力追羅馬呀!!!

睇完場波之後就打日記啦!!!heee~~岩岩睇見Nedved入左球靚波之後我都腳痕痕tim!!!哈哈~~喜歡足球既人就係咁嫁啦,睇見自己愛隊或者球星有好表現就自己都好開心都想踢埋一份嫁啦!!!哈哈~~希望係我有生之年可以到一到迪爾艾比球場觀賞我既愛隊Juventus比賽啦!!!如果照計既話~~黎緊最快要係星期日踢夜波呀!!!真係想快d到果日呀!!!

世界波呀!!!!


久未露面既祥嫂


>>January 6, 2004 at 4:16:49 PM GMT+8

2004 年 1 月 4 日 星期日 【晴】

明日意甲重開!!!


最衰手頭上有幾單booking呀!!!如果唔係真係好想射一日波唔鬼返工呀~~哼!!真係激死人啦!!!今日都係咁樣樣返工啦~~之但係.....今日頭頭果個幾鍾都係得我自己一個撐住間行咋!!!點解??哈哈~~之唔係果兩隻大老虎都遲到lor!!!Rockie都好d既~~遲左粒幾鍾啦,至於Alex就.....差唔多成兩粒鍾啦!!!真係俾佢地吹脹啦!!!呼......正因如此一日得我自己一個所以都係比較特別忙碌既一個早上呀!!!一返到去就跟番自己幾單booking先啦,點知....先發現d單全部留曬係屋企bor!!!呀~~唔係fa??大單野啦,咁點攪??邊單打邊單??幾時出發幾時D/L??真係......麻煩啦!!!好彩我醒字行頭姐,動動腦筋就攪埋曬啦!!!呵呵~~全部都已經唔係問題啦!!!掂曬~~!!!

忙左一個大清早之後......呼!!!終於有得抖抖啦~~等lunch之後訓左陣啦,更住又做野啦,收埋幾單尾數先啦!!!呵呵~~掂曬呀!!講幾個好消息過你地聽呀!!!今日我足足開左5張單呀~~全日計算銅仔得我一個開左單撐住間行咋!!!heeee~~另一個好消息既係,直到家下我條數係銅記穩守第一位呀!!!哈哈~~掂曬呀!!!最後一個好消息......heeee!!!上個月我做左$13500既數呀~~足足幫公司賺左咁多錢呀!!!我已經重拾佳態,尋回信心啦!!!而且我上個月呢條數仲成為左做Clerk至Trainee最高數既一位呀!!!我呢個小數王返黎啦!!!哈哈~~我仍需努力呀!!!比心機呀~~自上個月開始我已經順風順水啦,到到家下我都係呀!!!希望上年既好運可以順帶埋今年啦!!!呀~~不過仲有多樣野值得開心既,就係我近排都冇乜大獲野要拆呀!!!由此睇見.....我已經日漸企穩陣腳啦!!!開始小心冇咁大意啦~~希望係新公司我都可以keep住落去啦!!!

到到收工啦.....話咁快又一日啦!!!放左工去左M記買18件雞啦又.....哈哈!!留返聽日lunch既!!!呵呵~~食左兩碗飯啦,更住就打winning啦!!!近排都成日打呀~~係時候打下NBA嫁啦!!!打到10:30啦,就上網啦,更住白白之後打埋日記同wingwing嗲左幾句就訓啦!!!因為佢聽日又係返早呀~~而且我又要返工呀!!!heeee~~精精神神聽日要比心機加把勁學多些少野呀!!!Alan唔好浪費留係星晨既日子呀!!!盡學呀~~

今日收工.....搭車途中突然想起.....將來唔知道我會係點既呢??突然想起呢個問題呀~~但呢個問題就已經令我好譫心啦!!!因為.....我睇唔到將來條路係如何行走呀!!!都係做機票counter呀??定係有其他發展呢??哈哈~~我都唔知啦!!!總之就......好蒙胡啦!!!唔知道你地又有冇想想呢個好似唔係咁重要既問題呢??哎呀......睇黎我要認定自己既路向啦!!!

呢條友仔都唔知有咩好??


>>January 5, 2004 at 5:23:34 PM GMT+8

2004 年 1 月 4 日 星期日 【晴】

阿殊哥.....我鍾意!!


今日......訓到成兩點先起身咋!!!太累啦~~太累啦!!!唔叉返足d電點先得住自己呢??如果唔係肚仔餓我肯定再訓多陣呀~~呼.....累死啦!!!起身~~叮左個通粉吃先,更住睇省港杯啦,結果......香港重奪省港杯啦!!!哈哈~~恭喜恭喜呀!!!更住我同左小朋友打winning啦~~heeee!!!終於唔洗成日對住電腦咁死啦,有個對手反下啦!!!heeee~~更住就落街lor!!!去左百佳掃貨呀~~heeee!!!如果唔係自己有$150現金卷我都唔肯買野呀!!!留返d錢錢ma~~heeee!!!買左都幾多野嫁~~差唔多成兩舊水呀~~都買左幾多野食啦!!!哈哈~~返到屋企就飯飯啦!!!之後就做左苦力啦!!!heee~~因為幫拖搬左張台同個櫃返屋企呀!!!好重呀......辛苦呀!!!成身汗啦~~更住就睇電視啦!!!heee~~足總杯呀!!!曼聯更住直落阿仙佬呀~~更住頂唔順啦!!!白白埋之後就訓啦......又要迎接新既一天啦!!!希望事事順境啦~~

今日我就係咁啦........平平淡淡過左一天啦!!!有好有唔好既~~好既咪可以叉叉電養足精神!!!迎接下星期既辛苦lor!!!呵呵~~唔好既就僧可能覺得有點兒浪費左呢天既假期lor!!!呼......不過算啦,街街都去左好多啦,留返個錢仲好啦.....加上wingwing又要考試!!!比心機呀~~wingwing!!!考完我地先街街啦!!!

AK47


幾型bor!!


>>January 5, 2004 at 5:19:29 AM GMT+8

2004 年 1 月 2 日 星期五 【颳風】

速龍.....


呼.....原本今日我係可以放假抖抖既!!!但.....同左人調lor,所以今日我要返工啦,仲要係返旺角呀~~哈哈!!!好在今日係返12點咋~~所以琴晚玩到夜夜都冇咁辛苦啦!!!呼....今日都訓到成11點先起身啦,更住搭紅VAN過海啦,返到旺角都係咁啦,開頭都唔係太多客仔既,都係好得閒但.....過左冇幾耐突然多客到佢呀!!!忙都踢曬腳呀~~今日我過黎拍住果兩位同事都係未拍過既之前.....所以好有新鮮感,呢個咁難得既機會緊係叫下人地教下我野嫁啦,係我快將離開呢度既時候好學多d野黎增進自己啦......

到到收工啦.....我今日埋單足足收左3個客仔呀!!!成績都不過不失嫁啦,算係咁啦~~我已經決定左離開呢度啦,雖然對自己黎講可能係早左但我會比心機做好自己既~~希望可以係離開之前盡量有幾多就學幾多啦!!!放左工就即刻過去搵wingwing啦,因為佢地班丫之仔話今晚BBQ wor !!哈哈~~我幾經辛苦搭左成差唔多兩粒鍾車先到到石澳呀~~去到....我個人已經都幾累下啦!!!呼.....好在wingwing叻女燒左唔少既野食服侍我姐~~heeee!!!而且我仲見到Rockie係石澳BBQ呀~~嗲左幾句啦!!!更住到到咁上下11點度啦就散水啦~~我就返屋企先,而wingwing就上左佢表妹屋企玩呀~~我都好累啦!!!

返到屋企.....白白先啦,更住上陣網打陣機就係咁多啦,好累好眼訓啦......呼!!!好在聽日我放假可以叉叉電姐......呼!!!

周傑~~我講堅嫁!!!wingwing阿妹勤勤佢睇過你張相個樣之後話你唔差嫁.....你地幾時出黎相睇呀??呵呵~~

今次既離開.....我問過好多人既意見!!!大部份答案都係''魚唔過塘唔會肥''希望我今次既選擇係冇錯啦~~已經決定左既野就要盡力比心機去做好佢呀!!!Alan你下一站係....銅仔康泰!!!

佢地把聲好得意嫁...


香港濕地公園


>>January 4, 2004 at 8:49:56 AM GMT+8

2004 年 1 月 1 日 星期四 【微冷】

哼....


哎呀呀~~~琴日又要人地返工,攪到個人已經累累地啦,雖然琴晚係好早訓呀,但今日起身都係廿分辛苦呀~~唔想起身呀!!!直情唔想返tim呀!!!不過......諗諗下手頭上有幾個booking,如果唔返就大獲啦!!!所以我要返工撐住先啦~~不過我自己都度過嫁啦,攪埋好自己手頭上既野先,更住先射一兩日波先啦!!!heeee~~(射波係我呢行=請假唔返)哈哈!!!

返到公司.....哈哈又有免費早餐食啦!!!因為Alex佢又買野食請我地食黎換自己一次既唔遲到!!!呼.....飽飽啦更住就做野啦,攪埋手頭上幾個booking先.....一攪就攪左我成個朝早啦!!!呼~~時間真係快過呀!!!更住Alex條友仔一出就出左成兩粒鍾食lunch wor!!!唔係fa~~激死人啦,飽死人咩!!!更住我食完之後去左搵wingwing呀~~嗲左幾句又返公司先啦,做多一陣間野就鬆得人啦~~heeee!!join埋立仔曾仔我地三人行啦!!!向香港仔水塘進發~~go go go !!!

其實今日係我地中學班友仔既聚會.....呼!!!都有幾多人下嫁~~波子,B仔,吳志窮,威仔,波車榮,周傑,庭爺,立仔,曾仔.肥魚,Alan,最後仲有主角大頭呀!!!哈哈~~我地大家都好耐冇聚埋一齊lor!!!其實我地都間唔鍾都攪下一兩次既聯誼會既~~heeeee!!!嘩.....今日香港仔BBQ個場靜英英呀!!!真係.....我地大家有講有笑,大部份講既野都圍繞爆笑+白痴+低B既野呀!!!哈哈~~大家真係好耐冇見啦.....大家依舊冇變,見返佢地令我又諗返起唔少攪笑,難忘既中學片段......哈哈!!!其實今次既BBQ最主要都係為左大頭既~~因為佢係外地讀書難得返黎......所以大家聚聚lor!!!呼.....開心既時間特別快過,到到11點幾就鬆人啦,更住我地去左三樣好度吃野下下火啦,更住就各散東西lu.....今日日別它朝何時再聚呢??

返到屋企....好累呀好眼訓呀~~白白之後同左wingwing嗲左陣就頂唔順啦!!好早就走左去訓啦~~呼.....唔早訓都唔得啦,因為.....聽日我要返工工呀!!!仲要又係旺角呀~~而且放左工仲要BBQ呀!!!一定要早早訓叉足電啦~~呼.......

呢條仆街害人不淺


>>January 3, 2004 at 4:17:32 PM GMT+8

2003 年 12 月 31 日 星期三 【微冷】

梁柄今年咸魚番生呀!!


各位新年快樂!!!琴晚大家玩得開心唔開心呢??heeee~~~好啦,家下係2004年呀!!!希望大家開開心心啦係今年~~呼!!!

一早....起身呀!!!因為我今日要返工呀~~激死人啦!!!哼.....邊有公司咁衰嫁.公眾假期都要人返工既,唉.....其他人返好啦,好選唔選又會選中左我今日返既!!!真係激死人啦~~你地話呀,有假放都等於冇假放啦!!!唔只咁呀~~今日我仲要返既地方係旺角呀!!!唔係fa??真係.....又遠又貴啦!!!原先我1月開始係返呢度tim,好彩家下......heeeee!!!冇計啦~~照返工啦!!!之但係.....咁鬼遠想我唔遲到都幾難啦!!!哈哈~~換句話講即係我今日又遲到啦!!!呵呵~~~返到公司今日拍住既同事係Sendy Kowk & Noel 都之前都係未拍過嫁所以......我要小心行事呀!!!哈哈~~不過......你地都知今日係紅日啦加上琴晚又係除夕今日都唔係太多客仔咋~~呼.....但話曬今日都係新一年既第一日呀!!!開番張單都好掛??結果.......我係lunch前同收工前都開左張單,加埋兩張算係咁啦,如果我好彩d呀,我諗仲多呀~~呼......

收工鬆人啦~~heeee!!!難得本少爺係旺角.....wing姐就出左黎join埋我街街啦!!!呵呵~~行左陣我又凍凍同埋累累啦!!所以.....又令到wingwing話我啦!!!呼~~我都唔想呀,對唔住!!!下次街街我唔係咁嫁啦~~我會買野嫁啦,之但係.....都唔知仲有冇下次啦!!!更住就搭車啦~~係車車度我訓左呀,我地去左華仔記吃野,都好耐冇吃啦!!呼.....食左唔係好多野咋但已經冇乜胃口啦!!!呼.....或者近排成日係街食飯食到曬掛??哈哈!!!更住自己都返屋企途中搭42號點知岩岩格離38號見到立仔wor!!!哈哈~~真係7仔呀!!!返到屋企.....好累呀!!!咁岩有得睇叱吒wor,咪睇陣先啦.....結果係......待續聽日先講過你地聽啦!!!

1月啦,換句話講我上個月既數都完啦,今個月又要由頭黎過啦!!!我要比心機呀~~呼.....我都知會更辛苦嫁啦!!!聽日講埋過你地聽我12月最後既數係幾多啦.......但有件大樹我仍然係未想通嫁!!!如何是好呢??係呀~~聽晚BBQ呀同埋班中學同學仔~~大家都好耐冇見啦!!!

Twins又開演唱會啦!!


>>January 1, 2004 at 5:07:20 PM GMT+8

2003 年 12 月 30 日 星期二 【颳風】

估下係邊隊既波衫??


今日係2003年最後一日啦!!!唔知大家係呢年有冇d乜野大樹情同埋難忘係好值得回味既呢??哈哈~~係唔係考起你地呢??緊係啦~~突然你問我我都唔可以即刻答到你啦!!!heeee~~不過聽日就2004年啦,唔知大家今晚又有咩節目呢??倒數~~??例牌嫁啦!!!呼.....不過係每年既今日即係最後一日我都會同自己講呢番說話''新一年新開始,舊年所有既唔開心失望既野都要一一忘記,明年再努力過啦~~!!''都係果句啦~~希望在明天呀!!!heee~~

今日一早就白白啦,更住阿rockie哥請左我食早餐,食飽飽之後就做野啦,之但係.....都係咁啦,冇野好做,上網,聽電話,睇報紙,影印......呼,突然我個堂妹恩恩上左黎搵我bor,嘩~~咁突然既??原來佢今日冇人睇住佢所以陪左媽媽返工,哈哈!!!佢地坐左陣啦~~就走啦,仲叫我食麥當奴tim.....但我未餓呀!~!~哈哈!!!佢地走既時候我仲俾左d台灣甜品過佢地呀~~正呀!!!到到lunch啦~~食左幾啖就冇食啦!!!訓左陣啦~~更住就等收工lu......呼!!!係收工前我都收左兩單生意仔,heeeee!!!勁呀~~好野夠鍾鬆人啦,但我都未行住既,留左係公司打日記先啦,哈哈~~都唔知去邊好啦,wingwing又未收工又未夠鍾睇戲......到到咁上下就出發啦!!!

首先既係去接左wingwing收工先啦~~更住就去左M仔記買左12件雞翼食啦!!!哈哈~~係戲院入面一路睇就一路食呀!!!真係服左自己啦~~我地睇既戲係金雞2,都唔錯下嫁wor,又攪笑又有少少既感人呀!!!唔錯呀~~所以我都建議大家去睇下都好既!!!睇左差唔多成兩粒鍾啦~~更住就完啦!!!之後wingwing好錫我呀~~買左幾件衫衫過我做新年禮物呀!!!哈哈~~多謝wingwing!!!更住又夠鍾啦~~入席食自助餐啦!!!今餐我地去左......Italian Tomato 間意大利餐廳食野既,間野主要食既野係蛋糕同埋意粉~~嘩.....真係好好味呀!!!佢個價錢又幾抵嫁wor!!!$130每位任食佢餐牌上所有既野食同埋野飲呀!!!真係幾抵呀~~正呀!!!最開心既莫過於可以食多款既靚靚好味蛋糕呀!!!正呀~~

食飽飽就落街倒數啦~~點知.....行行下d人已經倒數啦!!!呀??哈哈~~真係攪野呀!!!而且係路面上既車車都響起個安黎迎接新既一年2004!!!之後我送埋wingwing返屋企啦,途中收到唔少既電話恭賀既說話,自己都打左唔少電話俾人呀!!!哈哈~~除夕真係開心呀!!!返到屋企上陣網都訓啦~~因為.....我好累啦已經同埋聽日我又要返工呀!!!旺角呀~~

各位讀者新年快樂啦!!!yeah~~come on go go go !!!

(唔知點解除夕夜既女仔比聖誕靚女左既??哈哈!!!)
(不過我個小公主都好靚靚嫁~~嘩.....哈哈哈哈哈!!)

好靚呀!!


>>January 1, 2004 at 4:48:47 AM GMT+8

2003 年 12 月 29 日 星期一 【颳風】

傻強真係傻嫁~~


起身....落街經過報紙灘得知梅姐已經離我地而去啦......唉!!雖然我冇乜聽梅姐既歌但佢都係一個係娛樂圈既一顆巨星,回想一想今年已經先後有3大巨星離開呢個娛樂圈.....真係令人傷心呀!!!

今日返到去都係行行企企等LUNCH啦~~唉......我既生活真悶呀!!點算好呀??今日lunch我既送係麥樂雞~~哈哈!!真得意呀~~更住去左搵wingwing齊齊去買戲飛今晚睇無間道啦!!呼......更住順手買埋金雞2留返聽晚既之後訂埋自助餐~~heeeee!!聽晚又係一個豐富既除夕晚上啦,家下諗起都開心呀!!heee~~返番上公司啦......突然阿經理打電話黎wor!!因為佢得知我唔撈所以......唉!!佢多次既游說令我知道些少野啦~~原來經理都知我係CB唔開心,經理都知我唔想過旺角.......呼!!!聽完佢講一輪之後我都唔知點好啦!!!學似佢咁講啦~~認認真真考慮清楚先啦!!!呼......家下我仲係心大心細!!!唔知點好啦~~轉會定......星晨好既之處係真係學到野,但睇下乜水教啦!!!哎呀~~激死呀!!!

係我冇乜心機做野之制.....有條友仔話book機票呀!!哈哈~~佢真係唔好彩啦!!!我都唔知仲乜野~~mark up左個票價咁高啦~~我呢張飛足足賺左成二千銀呀!!勁唔勁呀??哈哈~~值得開心呀!!!更住收工鬆人啦~~過去搵埋wingwing就入場睇無間3啦!!!呼.....都幾爆下wor!!咁岩我地睇既係加長版wor!!哈哈~~開場睇戲lu.....途中更有好味既爆谷呀!!!完場啦~~睇完之後都覺得出戲唔差呀,雖然係有點兒亂左,又前又後~~哈哈!!但我明白佢嗲乜既~~都唔係學似d人咁講乜都唔明呀!!!唔錯既~~呼.....不過最值得敬佩既係咁多位影帝啦~~真係出神入化呀!!!表情動作都係No.1呀!!

睇完之後去左食榮記車仔面啦~~更住買野飲就搭車車返屋企啦~~好累呀!!但我冇白白呀~~哈哈!!聽朝先白啦諗住~~更住打陣winning同埋打日記就係咁多啦~~聽日係2003年最後一日希望可以順順利利過埋呢年佢啦!!!係度順道祝埋咁多位讀者2004 Happy New Year 呀!!!新一年新開始~~come on go go go !!

''冇野嫁,出黎行唔係你爆我樽就係我爆你樽嫁啦,咁家下點先....''
''對唔住,我係差人~~我都係差人!!''
''嚇親你呀??吓~~唔好意思''

靚靚呀!!


>>December 30, 2003 at 5:31:41 PM GMT+8

2003 年 12 月 28 日 星期日 【微冷】

我叫做''丁常旺''呀!!


今日我睇左好幾位隊友既日記.....佢地都係分別寫左同一樣野!!~~''終於贏波,好開心''/''打邊爐飲橙杯''哈哈~~如果你真係睇曬每個人仔既日記你就會發現呢樣咁攪野既事情啦!!哈哈~~咁都好既!!証明左樣野先呀~~就係琴晚一戰大家都好滿意賽果同埋每位球員都係好難忘!!學似老明日記咁講呀~~如果更住落黎既日子都係咁順利同埋咁開心就好啦!!right??

今日......足足遲左成粒鍾先返到公司呀!!原因只得一個......唔願起身呀!!真係好辛苦嫁~~返工,走去青衣踢比賽,更住直落食埋飯,夜夜先返到屋企,打埋日記,加埋訓得幾個鍾.......呼!!所以今日我見到其他隊友可以留係屋企上網on9叉叉電幾咁好呀!!唉......好累呀!!因為琴晚踢到兩隻腳都秋跟所以今早相腳都好辛苦呀!!我個心由早到收工都係諗同一樣野,就係快d收工返屋企訓陣啦俾我!!!哈哈~~今日lunch過左去柴灣搵星晨家姐lunch順手拎埋搭佢幫我買既一d野食呀!!係台灣既地道好好味甜品呀~~有綠豆糕同埋蜂蜜蛋糕,其實搭佢買都因為我知好好味諗住買黎俾wingwing同未來外母佢地吃既!!哈哈~~唔知佢地鍾意唔鍾意呢??(結果wingwing麻麻就好鍾意呀,我都安樂d)

終於等到收工啦~~係返屋企前咁岩經過M記呀~~呀!!醒起今日買9件送多9件呀~~結果.......18件返到屋企當飯咁吃啦!!呼.......飽死啦,就連飯都冇食一粒呀!!原來要一個人征服曬18件雞的而且唔係件易事呀!!相信就等如琴晚大家飲左咁多杯既橙汁一樣!!哈哈~~家下諗起都好好笑呀!!睇見佢地個個樣都......哈哈!!真係笑死啦~~到到咁上下我訓左上床度lu!!呼......好累呀!!到到12點俾人嘈醒左,諗住訓多陣既但......都係唔好啦!!白白上網同wingwing玩啦!!點知.....wingwing個有線唔知仲乜Q??上唔到網呀~~呼......唔好憫呀!!更住打埋日記都係時候訓訓啦~~迎接聽日既黎臨啦!!!

到家下我都仲係好回味琴晚既比賽.....係場上各隊員既認真,團結,盡力,毅力!!!到琴晚一戰就真真正正睇到隊波個型出左黎啦!!!雖然琴晚一戰非主力上曬陣,但我地既後備都已經發揮到超水準既演出,真係學似阿叔果句啦,波係圓既!!!又或者好似我成日講果個廣告台詞呀~~''凡是唔係絕對既,希望在明天ar ma!!''呼......希望係日後我既隊員都可以學似琴晚咁樣樣,一落到場就習中精神,盡全力,撐到底啦!!!

洗唔洗咁多個獎呀??


>>December 29, 2003 at 5:52:29 PM GMT+8

2003 年 12 月 27 日 星期六 【乍雨乍晴】

Penny仔.....以前我最喜愛NBA球星


嘩.....你地唔好以為今日係星期日我係放假呀!!哈哈~~我都想係放假呀!!可惜唔係呀~~係要返工既!!琴晚唔太夜又唔太早訓啦!!好彩今日又返晏姐11點所以都冇咁辛苦~~heeee!!今日一早返到公司......嘩!!阿rockie仲未返既??佢仲要係返10點嫁wor!!呀??佢遲成粒鍾呀~~真係服左佢啦!!今日係星期日呀~~唔好以為放假我地做呢行就好忙嫁啦一定.......咁諗又係錯既!!應該咁講~~零零捨捨我間星晨係特別得閒,特別冇野做,特別冇客仔既~~哈哈!!好笑唔好笑呀??所以我都係坐,坐,坐!!我睇見康泰,永安.....其他好就嫁!!點解呢??唉.....我真係好得閒呀!!on9玩ICQ,上網,嗲計.....我都唔知今日返黎仲乜??雖然係好free呀,但.....好唔充實lor!!下個月過到去新環境唔知又會點呢??呼........

lunch食完野訓左陣撈多陣野,阿周傑竟然上左黎wor??呀~~嚇親我呀!!因為今晚有比賽呀~~所以原來約左6點SOGO等既,但佢上黎接我先姐,更住join埋威仔,肥仔,老明,偉仔,華仔更住就起行啦,搭MTR過青衣先join埋金仔再搭Bus上山,因為對方既地頭正正係高原之地,人稱玻利維亞主場既''青衣配水庫''哈哈~~嚇鬼咩!!講黎講去咪又係水庫~~heeee!!去到球場對方原來已經踢左一場賽事先嫁啦,結果敗陣1-5,接著就到我地作賽啦!!開賽前訓示一番等大家盡快投入賽事先啦,好啦開波!!

一開波穩穩陣陣先,守住先......膠著左一輪我地先開紀錄啦,偉仔右路一射入網,過左冇幾耐都唔知發生左咩事阿沙加傑犯手球??被判罰12碼.....俾人追成平手啦!!但我地好快就再次返超前啦,由我係中場控住個波先,帶左兩野引對方兩條友仔過黎更住一下鈄直線俾左路由後面上黎既偉仔一射.....Goal!!!!Goal!!!!2-1啦~~yeah!!係中段華仔都有兩次機會但把握唔到咁就上半場完啦!!接落黎......我已經傷左啦,左腳腳指公又再次損左流血,冇計啦撐住呀,下半場我地以死守保持賽果直到完場為目標.....我地都有幾次既入球機會嫁,哈哈!!係幾經波折抵下我地終於聽到球証既一下完場雞啦!!我地個個都好開心,個個都興奮......我地終於成功啦!!呼......真係好似發夢咁呀!!成場波每個球員都踢得好好呀~~肥威既驚心動泊撲救,3大後衛既穩健,中場既發電機,前場既緊迫,後備既併博.....今場比賽真係贏得不易呀!!

踢完波我地都好開心出左去旺角度慶功啦!!yeah~~飲勝~~我地一去到幸福樓就齊齊賀賀佢先啦!!哈哈~~我地今餐打邊爐既,呀~~周傑佢一言驚醒夢中人呀!!哈哈~~因為計計下原來計埋今餐我已經係今個月第9次打邊爐啦!!唔知係未來3日會唔會整多hit呢??哈哈~~岩岩好10次啦!!大家食到飽飽啦~~就玩遊戲啦,我地猜包剪揼輸左既整一口大杯燈汁呀,要一口氣嫁bor!!哈哈~~一開波華仔同周傑叮噹碼頭,更住老明同威仔後來居上,四位平排鬥到鹿死誰手呢??結果係威仔既發力底下第一個到終點飲5杯既送多杯即係6杯呀!!最後華仔去左放水先所以整多杯呀,哈哈照咁計佢都計左成5杯啦!!呢個遊戲真係好玩呀~~逗得個個都好開心,到到咁上下就鬆人啦都成2點啦,搭得車返去都成3點啦,更住打埋藍風日記就訓啦......聽日肯定好辛苦啦!!呼......但今日所發生既事情,幾辛苦都值得既!!

華仔連掃五獎呀!!


>>December 29, 2003 at 1:03:06 PM GMT+8