2003 年 10 月 17 日 星期五 【酷熱】

琴晚同左阿joey握完手仔之後訓覺覺豬都爽呀!!不過點都係過左去嫁啦~~就當一個靚靚既回憶啦!今日一早起身既時候.....嘩!發呆wor!都唔知自己做乜?著咩衫返工好呢?kakakak~~由佢啦!好肚仔餓呀~~想買飽飽既,但係都係放棄左......趕車車啦!返到公司.....頂呀!竟然係最早果個wor!早知我唔係咁趕啦~~返到去上左陣網啦!更住就開工啦~~一早就出左去灣仔個counter度收拾好d野啦!呼.....伙左我星期一開始而作好準備呀! 攪左都成個鍾啦~~kakaak!心諗又少左個鍾啦~~更住就跟左主任學野啦!今日佢教左我睇大飛,點出airpass,zore幾zore幾果d野野啦!呼.....都好難呀~~不過話曬我都係個天才呀!所以.....kkakaka!掂曬呀~~教到收工啦!同公司d人仔度左d波啦~~哈哈!佢地成日問我有咩心水呀!因為我準掛?kaakakak~~

收症工去左買車仔面食呀~~外賣拎埋去球場食啦!身為個好隊長真係要有好好既責任心呀!我好重要呀~~try my best !去到球場.....呼!得個幾個人仔咋~~好多人都放曬飛機呀!失望呀~~不過好彩我都叫左利安仔姐!結果我地同佢地踢左幾場啦!哈哈~~有入波既不過又有失波呀!2-4啦總括黎講~~下次要踢好d啦! 或者係自己知自己事啦!所以有好多時都唔敢太過去盡佢呀!盡事一陣大單野啦~~所以都要就住就住咁呀!小心呀Alan~~踢左都幾耐下啦!之後就返屋企啦~~係呀!今日其實話就話教波既!不過出得黎街場都預左係鬥波多嫁啦~~呼.....返屋企啦!白白之後等埋咩Q野NOW.COM既人仔上黎整機wor.....呼!嘩~~原來可以set係部腦度嫁!正呀~~kakaakk!! 話時話都幾抵既~~家下推廣期連埋上網都係每月百幾蚊冇限上網.....真係正呀!又有免費波wor~~又可以上網bor!一舉兩得呀~~哈哈!聽講話佢遲d仲會有更多更多既足球直播賽事嫁!諗起都爽呀~~kakaakk!話時話家下既科技真係好勁呀~~一條電話線就可以睇波睇其他野.....真西利呀!正呀~~

攪掂曬啦~~出去街街啦!因為約左小公主呀~~不過途中發生左d小插曲呀!就係....唉!之後我都係搵左小公主~~又打邊爐啦!正呀~~上曬癮啦~~呢獲野真係點攪呀?我仲買埋福字面係最尾食呀!真係好Q正呀~~爽曬呀!哈哈~~kakakka!冇得彈呀!下次如果你地都有機會就都試下咁樣樣呀~~兩個人仔一個爐加多些少野就岩岩好啦!飽飽呀~~kakakaka!(我出左糧都要走去日本城睇下有冇得買個爐仔先,買返個返屋企得閒十下十下都好呀!kakakaak)呵呵~~

今日係星期六呀!又係一個球迷最繁忙既一日呀!!哈哈~~又係好波連場呀!!真係睇到眼都花花呀!!kakaak~~好彩聽日放假既姐!!kakakak~~
我今日都買左狼隊win/draw呀!!兩番波呀~~因為.....kakakak!!非羸則和嫁啦!!羸就多d各就少d~~kakakak!!
另外我估......國米應該又再失分嫁啦!!
巴塞都係輸多嫁啦.....拉科掂曬呀!!
曼仔玩下手失分,至於祖雲就......我都驚驚地佢會失分呀!!
呼.......


>>October 19, 2003 at 12:56:23 PM GMT+8

2003 年 10 月 16 日 星期四 【陰晴不定】

琴晚都咪話唔夜訓呀~~又差唔多要成2點先真係訓得著呀!!呼.....所以今日起身既時候都幾辛苦下啦!!呼.....一早買左個墨西哥飽吃啦!!更住搭車車.....好好味呀!!今日一早返工都係同前果幾日差唔多啦!!之不過今日仲衰....值情唔知做乜野好??冇野做到......唉!!成個早上都係分番好d Fare啦!!為左落分行而準備既~~突然我自己覺得我唔係留返係總行做酒店果個人仔呀!!因為.......未上黎前我條數都唔係野少呀!!所以經理點諗.....明眼人一睇都知既!!所以佢都叫我有咩唔明就問,做好曬準備啦~~ lunch時又係同阿Carol一齊吃呀!!呼......今次佢帶左我去乜Q野茶餐廳呀??咩野野....燒雞米加冰20蚊雞呀!!都幾好味啦~~唔錯呀!!佢原來成日都係自己一個人仔食野都搵左好多食平野既地方呀!!真係睇唔出呀~~之後又要撐埋下半天啦!!不過下半天就好似好過左咁啦!!因為我自己出左去Counter度收拾好自己個位先!!點都要好好睇睇掛??係唔係~~話曬都係自己既位呀!!

途中我係度諗.....終於有一個屬於自己既公司位啦!!好開心啦~~可以自成一角啦!!我恨左好耐啦~~雖然係CB既時候都有個位仔既!!不過.....家下我覺得自己真係掂曬呀!!kakakak~~諗番上黎.....自己撐左成年啦!!終於有dd成果啦!!都算係個小小既安惠.....不過我唔會自滿,因為我既目標要更遠更大呀!!kakakak~~盝繼續比心機啦Alan!! 好啦~~收工鬆人啦!!不過係收工前主任突然又問我落CB好唔好wor??呀......有好有唔好既!!佢都知呀~~但係佢突然又話CB唔係就中環嫁啦!!佢自己諗.......我心諗,唔係fa?中環?d客仔好難頂嫁wor!!點死好呀?希望打死都唔好啦~~我寧願落CB出現一d競爭仲好啦!!呼........ 走人啦~~途中買左杯''乜之甘露''呀~~哈哈!!10蚊都幾好飲呀~~我搭船過去尖咀先......join埋小公主呀!!冇情情仲乜過果頭??之唔係今晚有大單野lor~~就係''New卡拉OK贊助既容Joey演唱會''哈哈~~過到去買左M仔記啦~~頂住肚呀!!之後慢慢行過去啦~~去到......join埋雄仔啦!!kakakak~~佢都係Super Fans呀!!

入場啦~~今次係我有生之年第一次睇咁貴既飛---$380+$20,第九行鈄鈄地對住個台啦!!呼.....真係一分錢一分貨呀!!同平時睇開既百幾蚊真係好唔同呀!!雖然個心係痛痛地~~大出血!!不過有幾何呀?又見到小公主鍾意開心既就冇所謂啦!!ok?好啦~~開場啦!! Joey Joey Joey ~~好正呀!!一開始到到尾都係咁好睇呀!!不過我最衰唔係super fans呀!如果唔係我會仲更加投入既!!呵呵~~係個唱途中......送大禮呀!!有Neway一年免費唱K,$5000手飾現金卷,最後.....呢個就正啦!!可以同Joey一齊手拖手拍陣拖拖呀~~呀!!好正呀~~睇見出面條友仔可以出去真係......呀!!如果係我就好啦~~點解唔抽中我呢?? 不過最唔抵既係出去出面同Joey拍拖果個男仔係好Q 傻仔嫁!!呀~~又唔靚仔又唔型仔......點解咁唔公平?呀.....如果我出左去實訓唔著呀!!!kakakak~~呼!!算啦~~更住握握手呀~~正呀!!我未試話點都要試下既!!而且要近距離影番d相先!!kakaak~~小公主就好啦!!握曬呀~~係Joey走既時候......突然返番轉頭同我握番wor!!幾開心呀~~kakakaak!!正呀~~掂曬!!大雄都有dd既~~捉到少少手指咁啦~~kakak!!佢所以好激氣呀~~哈哈!!

到到最後啦~~起曬身跳埋舞呀!kakaak~~正呀~~走人啦!!係走既途中大雄同小公主抵抗唔到Joey既魔力呀!!結果.....又出血啦!!各人買左兩套Photo呀~~kakaakk!!不過話時話都幾索幾靚呀!!之後小公主仲係後門等埋Joey出黎先肯走人呀~~哈哈!!Super Fans呀~~不過見到自己既偶像的而且確係好開心好難望既......最重要既係咁近距離呀!!真係好近嫁~~面對面咁嫁~~哈哈!!正呀!! 今日都幾滿意啦~算佢啦!!如果唔係就真係激死呀~~走人啦!!送左小公主搭車車啦~~更住自己都搭車啦!!呀~~我遲過佢上車竟然我快過佢返到屋企呀!!kakakak~~點都好啦!!平安返到去就最好啦!!更住......白白啦!!打埋日記就訓啦~~好累呀!!聽日仲要返早嫁!!點算~~不過唯一好既係我返半日lor~~哈哈!!換句話講.......又一個Week Lor~~呵呵!!

今日Joey個唱嘉賓係......李克勤呀!!呼.....都幾好啦!!諗住係古仔醫神tim??呼......唔打緊啦!!嘩.......唔入去睇真係唔知呀!!今次Joey演唱會佢全程都係好性感嫁!!嘩~~真係唔肉佢平時保守既作風呀!!我都打開左個口得個隆啦!!哈哈~~勁呀!! 不過今次個唱都幾好睇既~~加上又係第一次睇$380呀!!所以......唔錯呀!!突然間我好想睇多次Tim.....我個意思係$380呀~~哈哈!!真係好正嫁~~超近距離見面呀!!真係爽曬呀~~哈哈!!正呀~~

覺覺豬啦~~聽日仲要做啦!!有咩聽日先講啦......不過我個膝頭哥都仲係......唉!!咁點算呀?

''New卡拉OK贊助既容Joey演唱會''---最開心既莫過於係我個小公主......啦!!kakakka~~真係越睇越索呀!!



>>October 17, 2003 at 6:31:21 PM GMT+8

2003 年 10 月 15 日 星期三 【微雨】

仆街啦呢獲.....!!點算好.....真係好死大獲啦!!大檬樂加蕉啦......

你地見到呢個開頭.....見咁大獲野都唔謊好嫁啦!!唉......呢期真係甘啦!!一起身個膝頭又......好痛呀!!呢次仲甘過上過禮拜果獲呀!!點解會咁嫁?又係突然間咁bor~~前幾日食曬d藥諗住冇樹嫁啦!!頂呀~~家下又黎料啦!!點解咁嫁??醫生仔仲話我冇咩大樹嫁!!點解突然又咁既.....死啦!!怕怕啦~~係刷刷下牙既時候我諗......我既球員生涯會唔會就此完結呢??我諗真係要想想辦法根治好佢啦.......

講返今日啦~~一早既時候恩恩個阿媽拎左部相機借俾我呀~~因為要黎聽日借俾傻雄用既!!(傻雄=大雄)一早8點幾起左次身啦!!更住又訓過啦......今日我真係訓晏左嫁!!成9點15分先肯起身既~~今日趕趕地啦!!所以都冇買早餐吃啦.....搭車車啦!!返到公司......今日好似好左dd咁啦~~一開始我就跟住主任學野啦!!呼.....仲有兩日半咋!!我老死都要學埋d野呀~~ 聽左主任點樣同d airline 追位溝通既技巧之後就.....哈哈!!我地兩個竟然係度吹水wor!!哈哈~~真攪野呀!!邊會咁嫁?突然佢又問我布冇睇假如愛有天......佢話好好睇嫁wor!!仲好睇過野蠻女友呀~~攪到我都好想睇下tim!!kakaak~~我地又講下呢樣果樣啦!!呼.....就係咁又lunch啦!!佢姐不過....1-2pm呀~~而我就食2-3pm呀!!kakakaka~~1-2pm成個鍾我都係度上網呀~~哈哈!! 到到2pm同左Carol一齊食野呀~~佢叫到又冇理由唔陪既!!結果我地去左食大家樂呀~~kakaak!!食下午茶餐呀.....平就平啦不過唔飽呀!!算啦~~唉......更住又返上去博殺過啦!!!我問左好多野呀~~都係果d fare既野呀!!呼.....都唔係好辛苦姐下午,時間又快快咁過lu~~

因為我返晏呀所以公司好多人都走曬啦~~得返我啦,主任,經理阿Man,Danny四個仔咋......呼!!我坐左係度突然.....阿Man出左黎係我後面wor!嚇死人啦~~仲問我個新人點wor??得唔得係工作方面.....又話佢好似好悶咁,好靜叫我好好睇住佢教多d佢野wor!!呼.....我地嗲左幾句啦!! 突然佢又問到我.....如果下個月返番去CB覺得點??呀.....突然咁問我都唔知點答好啦!!我咪話應該都幾好既~~因為都係果度一排啦!!而且又近自己返工唔會成日遲到既!!kakaak~~更住阿Man又問我會唔會落番行既時候俾佢地點我做返以後後勤工作既野??我就話......唔會掛??之後我地又傾左幾句閒計咁啦~~哈哈!!大家笑笑咁啦~~不過我都唔知佢個心點諗啦!!唉...... 不過佢突然間有此一問實有d野既.....我估佢想我落行係專注跑數,操起我既,但係又唔知去邊間好??又怕我做返以前既野......呼!!不過佢突然咁問佢個心都係諗住放返我係CB,都有咁既機會呀!!幾好呀~~good~~good~~

阿Man走左人啦~~之後我同主任大家坐埋又嗲左幾句呀!!哈哈~~又係咩都傾呀!!好攪野呀~~佢講左好多以前既野呀!!例如入行前,係星晨既野,仔女呀,住邊,最攪笑既係佢自己話如果一食牛腩河既時候佢成日都食到有曱?wor!!哈哈~~又會咁既!!仲要係大大隻既tim!! 傾傾下先知原來佢同經理細細個就識,原來想當年佢又係由trainee做起嫁wor!!直到依家呢個位---主任!!加上佢自己又出左去見識一下,所以先2今日既成就.....好好既榜樣呀!!呼.....大家傾到7點就鬆人lu~~呼!! 返到屋企...飯飯lor!!之後打返琴日既日記先,更住訓左陣個幾鍾啦~~又起身白白打日記啦!!kakaakak~~之後要煮煮野食醫下個肚仔先啦!!更住覺覺啦!!呼......聽日要俾心機呀!!

今日同主任傾計既時候.....哈哈!!我原來先知阿Man係好睇好我嫁~~未上黎之前同幾個同期既人仔比我係最好最突出果個所以阿Man當日諗緊留邊個既時候我係第一個有得留既人仔呀!!哈哈~~另外原來阿Man又有d重男輕女嫁Feel嫁!!哈哈~~不過.......唉!!可惜呀我上左總行,如果唔係我諗我既成績一定比家下更好比其他人更好呀!!突然我又好有決心係呢行發展呀!! 睇見主任,阿Man,Dicky.....好多人做左出黎,只要有恆心肯負出既話,到到最後個結果一定係好既!!呀~~唔講你又唔知呀!!阿經理仔阿Man佢以前原來又係由Trainee做起嫁!!做到家下咁lor~~哈哈!!真係西利呀~~所以我都希望自己會係呢行有一返作為啦!!係呢度有咁多人咁支持咁睇我,我一定唔可以令佢地失望既!!比心機呀~~Alan!!

到第二樣啦!!今日阿Man問我係CB既野.....唔通佢真係想我返落去?如果係就好啦!!kakaakak~~因為果度先係地頭!!希望到最後既結果係果度啦!!Alan the next station is .....CB !!不過點都要到到下個月頭先知個結果啦!!呼....... 仲有半個月咋......我真珍惜我要比心機我要加把勁!!

將來冇人知會係點?但現在呢一刻命運係你手就要好好咁把握!
呀~~呢句野唔知係邊度聽話下嫁啦!家下我明白dd咁啦~~kakakkkaak!
都係果句啦!希望在明天呀~~

係H.K.都有如此靚靚既風景.....希望大家保護大自然!


>>October 16, 2003 at 5:00:15 PM GMT+8

2003 年 10 月 14 日 星期二 【微冷】

呼....首先講個夢俾你地聽先啦!!哈哈~~琴晚小弟發左個好攪攪野既夢呀~~哈哈!!我記得我同左小公主去左旅行既!!而我地既目的地係Japan呀!!kakaakak~~正呀!!係呀~~當我地去到果邊既時候我地兩個都唔識講日文,好似個鄉理咁呀~~哈哈!!我記得我地係果度係3日兩夜既~~呀!!見想玩多幾日咪住多幾日lor~~哈哈!!老子出場啦!!呢個時候就發揮我既小宇宙啦!!撥個輪搵阿Zandy Book多幾晚酒店啦!!kakaakak~~做呢行都有呢行既好樹呀!!呵呵~~係唔係好無聊呀?我都覺呀~~哈哈!!

今日都係同前幾日都係一樣啦!!早訓早起啦~~今日仲西利呀!!早左成4個字返公司呀!!哈哈~~真係呀!!早知就訓多個幾字仲好啦!!今日返到去簡直係悶死人啦!!呀~~都唔知做乜野好啦!!激死我啦!!家下我真係好唔知點既~~因為做之前既野又唔係做其他又唔係呀!!唉...... 結果上午就咁樣浪費曬啦~~今日我冇帶飯呀!結果同左Carol去左''蘇記''啦~~kakakak!!係地知唔知係乜呢?傑傑仔間公司呀~~哈哈!!難得出去飯飯咪試下間野lor~~KAKAAKK!!幾好味啦~~嗲左幾句啦!!因為佢自己都要開工呀~~呼!!星期六唔好唔去呀~~哼!!

下午啦~~就好dd啦!!因為阿主任又有些少野教教我啦!!都好過得個坐字既!!kakakak~~教到六點啦!!呼.......我就係收7點既,不過.....今日因為公司要開會呀!!kakaka~~早左一個鍾啦!!呢個鍾我去左食茶點呀!!哈哈~~即係公司旅行團果邊要黎俾人當茶點既野食呀!!呵呵~~正呀!!kakaakka~~更住等埋齊人就開會lu~~呼!! 計計下都好耐冇開會啦!!自SARS單大野之後......唉!!由佢啦~~今日見返好多同事呀~~唔同行咁多個都上曬黎呀!!kakaka~~好齊人呀!!呵呵~~大家都好耐冇見呀!!一見到對方都係咁樣嗲呀~~kakakaak!!就係咁......由7點開開開到......9點啦!!嘩.....眼訓死人啦~~好累呀!!死火.....突然又胃痛bor!!好辛苦呀~~ 開完啦~~諗住鬆人之際......Zandy叫我飯飯既!!不過我推左呀~~更住Alex佢地又叫我去飯飯呀!!唔係~~應該唔係用個叫字!!應該係''夾''呀~~俾佢地夾左我去呀~~呼!!是但啦點都要食嫁啦!!結果我地過左去銅仔福園啦!!嘩.....原來都有幾多人仔下嫁bor!!呼.......

我地去左打邊爐既!!呼......食呀食呀!!不過自己又胃痛wor!!所以今日既發揮完全唔掂呀~~咁點算!!唉.....食啦!!要錢嫁ma!!老死都食呀~~嘩!!佢地叫左好多野食呀~~有象拔磅,三文魚,鮑魚,帶子....嘩!!真係好豐富呀~~我咁大個仔都係第一次食曬咁多好野嫁咋~~呼!!見到咁多好野食~~胃痛.....又如何!!kakaakak~~~ 好啦~~散水啦!到到12點既時候.....埋單啦!!嘩~~係地估下幾個??8個人加埋TOTEL要成141幾呀~~呼!!為起黎每人都要$170呀~~好心痛呀!!我都知貴嫁啦!!但係冇預咁貴呢........唉!!不過算啦~~學阿carol咁講啦!!有幾可呀~~又唔係成日開會之後一齊食既!!算lor~~呼!!咁呀.....是但啦!!之但係真係好心痛呀!!今個月都冇乜$$嫁啦~~家下仲.....嘩!!死人啦~~呼!!

返屋企啦~~白白更住上陣網啦!!............冇打日記呀~~留返聽日先啦!!好累呀~~聽日仲要返工呀!!咁點算??唉......

小公主sorry呀~~成日返工,更住開會,最後仲去左飯飯.....都冇陪妳都冇同妳傾電話tim.....對唔住呀!!希望妳唔好嬲啦~~are u ok ?

仲有兩日咋~~妳記唔記得呢?kakakaka~~
我就好大頭蝦嫁啦......記得提我帶飛呀!!如果唔係就大見事.....


>>October 16, 2003 at 12:28:12 PM GMT+8

2003 年 10 月 13 日 星期一 【陰】

呼~~琴晚又早左dd訓啦!即係12:30啦~~哈哈!!今日一早我仲諗住早早起身走去大家樂食早餐嫁!!因為佢出左個乜鬼野早餐睇落去好似好大份又多野食bor~~真係好好味咁bor~~諗起都正呀!!不過話時話我都唔知點解自己呢幾日食量都係大增嫁!!一呼掛住食~食~食~哈哈!!不過真係好好味呀~~睇見乜野好味好食既就放入個口度啦!kakakaak~~ 講返今日啦~~一早買左個飽啦!更住搭車啦~~今日我都早左些少起身,費事好似琴日咁啦~~預到d時間岩岩好咩~~結果早左兩個字返啦!!哈哈~~kakkaakak!!返到去就聽到人講英超單強姦案係車仔既C.高爾同埋紐記既贊拿斯呀!!都唔知堅定流啦~~遲下就知嫁啦!!哈哈~~ 今日一早又係跟左主任學野啦~~佢講左Ticketing Dep 既 Staff Handbook呀~~哈哈!!冇野講到咁啦~~仲有聽日後日大後日~~睇下佢點死啦!!呼~~成個上午都唔知做乜咁~~好似浪費緊d時間咁呀!!呼......到到食飯啦!!原先係約左Carol一齊食既~~點知佢放我飛機呀!!激死人啦~~早講啦!如果唔係我帶飯食呀ma~~哼!佢仲話聽日食返wor~~聽日先算啦!!

下午啦~~都係咁過啦!!自己開始收拾緊d需要帶落行既野啦~~都係時候為自己裝備一下嫁啦!!另外我自己又不停咁樣做d假booking呀~~因為自己太耐冇做啦!!要操返自己既狀態,做一蹶booking要快而準呀!!所以我都做左好多個啦~~自己又溫返陣書啦!!即係check機票既format呀~~果d咁啦!!做呀做呀~~又收工啦!!7點即走啦~~快d返屋企呀!!條街好凍呀~~返到去.....飯飯啦!!之後又唔知自己做乜啦~~上網睇埋d無聊野啦!!唉...... 打埋個日記啦~~白白埋啦!!之後......發呆啦!!食埋個宵夜就覺覺啦~~呵呵!!聽日要早早起身呀~~唔可以遲到呀!!呀~~仲有呀~~聽日我要開會呀!!呼......介紹新同事之餘....我諗經理會講下我地既野掛?希望聽日吉人天相啦~~唔會有咩大單樹啦!!

呀~~我就黎悶死嫁啦!!原來放左工返屋企係咁悶嫁~~唔似得出街咁呀!!係條街度都話曬可以傾計,行陣呀~~睇下野呀!!食埋飯呀~~真係好悶呀!!唉......放工係屋企一係就訓覺會好d既~~不過......呀!!唔跳呀~~~help!!

死啦~~我越來越鍾意......打邊爐啦!!咁點算呀?唔知點解會咁既?死啦~~我上曬瘾啦!!呢獲野唔通我真係要成日大家樂見??

小公主.....天氣開始轉凍啦!!返學返工記緊著多件衫衫呀!!ok?唔好冷親呀~~我愛妳!!

睇見呢d野我都好想.....(小豬豬妳記唔記得呢度呀?)


>>October 14, 2003 at 2:11:40 PM GMT+8

2003 年 10 月 12 日 星期日 【陰】

琴晚既早訓加埋今個禮拜開始既返晏(10AM)......呼!今日起身真係精神到爆呀~~呵呵!爽呀!!kakakak~~不過就算係咁我今日都差些少又遲到啦!呼.....真係好好彩呀!差一分鐘咁大把啦!kakaak~~我諗聽日我要早返些少起身先至得呀! 今日開始係我工作既另一頁!一早我就開始跟主任學野啦~~首先係教我點樣樣係web度搵返d機票價錢先啦!呼.....真係方便快捷呀~~爽呀!!kakaka~~不過之前其實我自己都試過用下嫁啦!!所以都好快就上曬手啦~~一陣間咋學左!更係......呼!上午就係學左咁多野咋~~唔係fa?我仲諗住係好辛苦好難既tim~~之後我仲同主任係度嗲左幾句啦!!聽下佢既當年如何呀? 又講下近排呀~~哈哈!都唔似教野返工既?佢呀~~仲爆左俾我聽阿經理好睇我嫁!!之前係咁多個當中我係最好既~~點曬名讚果味呀!!哈哈~~我幾開心呀!!kakaakak~~如果唔係SARS炒左人我都唔係咁黑仔上黎總行就無聊野啦!! 佢仲問我驚唔驚過返分行,又問下我總行辛唔辛苦唉......我都死都扮曬傻仔啦!!做人真係有時唔好咁精咁醒啦~~呼!!就係咁啦~~哈哈!原先我係食2-3pm既!!點知佢又叫我食1-2 wor!咁是但啦~~

食完之後訓左陣啦~~之後又學過野啦!不過......唉!!學乜Q呀~~我都識曬既~~之前d大哥大家姐教曬lor!!不過我都要扮下野~~係咩?原來係咁?我唔知嫁......哈哈!!呼!!就係咁等到收工啦~~因為今日我返晏呀~~所以收工都係收晏~~7點先有得鬆人咋!!不過期間6-7pm呢段時間真係冇野做嫁~~坐lor!行下行下咁等收工~~哈哈!都咪話唔爽呀~~kakaak!! 收工啦~~原先係返屋企既!不過諗諗下又好想打邊爐啦~~結果過左去搵小公主一齊又大家樂見啦!kakakaak~~真係傻仔嫁!!不過真係好好味bor~~唔信你地都試試呀!!8:30先好去食呀~~因為會平d嫁~~順便可以加埋個翅都咪話唔爽呀!!kakaka~~ 我地又買埋雲吞食呀今次~~kakakak!!真係爽呀~~正呀!!嘩~~掂曬~~kakakak!!又飽飽啦!!更住送小公主返皇宮啦~~自己就返屋企啦!!點知......呀!!自己又訓著左唔記得落車呀~!!~激死人啦!!諗住可以準時早d返屋企嫁啦~~真係.....又要用多$2.5啦!!

返到屋企......同小公主icq陣傾左陣電話.....白白.....打日記.....食埋個宵夜啦!kakakak~~呢獲唔肥過肥仔水都唔得啦!!kakakaak~~

第一個禮拜跟主任學野/第二個禮拜係灣仔counter做客仔/第三個禮拜跟酒店人學野/第四個禮拜要去考abacus機位課程証書......第五個禮拜開始落分行跑數.......直到6個月後就有結果啦!!結果係點.....冇人知......現在睇自己先知啦!!

想當年我有小小數王之稱......未知落返分行後會點呢?好多人都話我最可惜,唔抵既一個......因為同期既人仔都有一定經驗,反而我就.......呼!!經理主任....都係咁講......睇黎我家下面對既考驗都真係幾大啦!!

我地3個當中......有一個可能會留返係總行學做酒店出機票既野......唔知係邊個呢?呢個位有好又有唔好.....好既係唔洗跑數,冇乜獲要拆,唔大問題......反而唔好既係......發揮空間比出面跑數既少......呼!唔知邊個會坐呢個位呢?




>>October 13, 2003 at 4:53:19 PM GMT+8

2003 年 10 月 11 日 星期六 【陰】

嘩~~琴晚一戰又用左我唔少既精神啦!呼......所以今日我幾大都要叉足曬d電佢呀!kakaak~~唔訓餐飽飽都唔姓李呀!呵呵~~結果今日一訓就訓到成點幾兩點先肯起身咋!呵呵!如果唔係d車車係到嘈住曬我諗我會訓耐d呀!kakaak~~起左身見肚仔餓餓.....煮個通粉食先啦!(頂好牌通粉,3分鐘就食得!)哈哈~~加多兩條腸仔啦! 食完之後上陣網啦~~不過上左陣都冇咩心機啦!睇陣報紙啦!睇完之後就見眼訓訓地啦!就去左訓覺覺豬啦!呼~~訓到......6:10pm啦!更住起身啦!呵呵~~要出街啦!冇理由星期日都仲留係屋企掛??結果出左去接小公主放工啦!

去到既時候......呼!好肚仔餓呀!同埋小公主周圍搵野食啦!kakaak~~我地都食左好多野呀!正呀~~真係食唔停口呀!!之後我地仲去左買條頸鏈呀!哈哈~~情侶板砌圖呀!!靚靚~~不過都幾貴啦!多謝曬小公主大大人!! 之後我地去搭車車lu!去左佢地頭食''大家樂見''哈哈~~可能係星期日啦!!勁多人呀~~買完野食等都等左成幾個字呀!!餓死人啦~~而小公主今日就加料呀!~!~買左魚蛋,貢丸,豬仔丸,牛丸呀!同埋銀針粉呀~~kakaak!嘩~~加埋隻船都有好多野食啦!!睇怕今餐我地實飽飽啦!呵呵~~ 好啦~~開餐!我地係咁食係咁食.....嘩!!唔知係唔係太多野食呢?d野又難熟.....結果我地食到打佯呀間野!!哈哈~~真誇張啦~~都係第一次咁巴咋!!kakak~~之後效埋小公主返屋企自己都搭車車啦!!返到去11點幾啦~~白白打日記lu!!早早訓又要迎接新的一天,新的一個禮拜LU......

今日.....呼!見我有得出街街仲係同埋小公主.....咁你地都知我同佢都冇樹啦!!真係可吉人天相呀~~可得上天呀!!thx u very much 呀!哈哈~~小wingwing多謝妳原諒我呀!!我愛妳~~

聽日開始我就要跟主任學野啦......唔知係好定係壞樹呢?突然真係驚驚怕怕tim......不過聽日見步行步啦!!希望吉人天相啦~~老死都要頂落去呀!辛苦都要撐落去呀~~因為我仲要養家活口嫁!!哈哈~~誇果頭tim!點都好啦......Alan你得既!

yeah~~意大利終於入到歐洲國家杯啦!!仲記得自巴治奧果期開始意軍係國際賽既表現成績都係一般,往往令人失望既!!98world cup,europ2000,2002日韓世杯.....明年既葡萄牙歐洲杯!!唉....希望佢地會有好成績啦~~哈哈!老實講以佢地家下既人腳.....真係可以做一哥嫁!不過.......天意弄人呀!!

(4-2-3-1)意大利最強陣容:
保方
彭路基/尼斯達/簡拿華路/森保達
派路/辛尼迪
甘莫蘭尼斯/托迪/迪比亞路
韋利
後備唔洗多講呀!!人才仔仔呀~~多不聲數呀!!真係唔明點解佢地會攪成咁?唉.....如果比卡比路,文仙尼,納豆呢d Top fit既教頭帶既話.....我諗意大利真係No.1

意大利加油呀~~


>>October 12, 2003 at 5:34:29 PM GMT+8

2003 年 10 月 10 日 星期五 【乍寒還暖】

今日真係難以形容呀!!的而且確係難以形容呀.......心裡好down好black!!呼......近排都唔知發生左咩事攪到自己咁霉咁黑仔既??我做錯左d乜??

今日係星期六所以都係返半日工既姐!!kakakaka~~好快過既姐!!之不過今日就係我十月份第一個遲到啦!!唉......都怪自己琴晚啦!!打日記打左成3次先成功~~邊有人好似我咁7嫁?唉......加上琴晚又有少少失眠tim.....唉!所以今日就算鬧中係8:00起身我都訓到成8:30先肯起身呀.....呼!不過算啦~~由佢啦!都係今個月第一次姐!希望今個月唔好又多過3次啦~~ 返到公司又係咁呀!訓唔成咁既款....真係麻煩啦!唉.....自從果條新人友仔返左之後我都冇乜野做啦!行行企企咁啦~~不過等佢辛苦下都好既!不過話時話條友仔有時都幾串嘴!激死人啦~~冇計啦~~又係等收工既一刻!不過收工前收到封信呀!你地估下係邊個俾我? 係阿經理呀~~呀!咩樹?大單野啦~~原來係公司話我上左遲到榜所以窕下俾封警告信我姐!嚇死人啦~~不過都幾麻煩下啦!今個月同未來幾個月都唔可以再係咁嫁啦!我真係要自己小心啦!!

收左工.....就行灣仔188啦!!嘩~~自己諗返原來都好耐日子冇行過啦~~行返真係好唔慣呀!多左好多野買咁bor!!結果我買左條皮帶同埋個搖搖頭公仔啦!!呼......今日係星期六呀!要去埋教波呀!不過今日rainning呀!所以都冇乜幾個返左咋!!唉.....算啦!!全部人加埋我都係得果10個岩岩好呀!!哈哈~~ 仲打左陣籃球tim呀~~kakaakk!!之後開始啦~~1&2,攻防戰咁啦!!今日就係咁啦~~之後就鬥埋波呀!!哈哈~~真係複碌呀!!傑傑仔成日都俾佢地蝦真係好衰嫁!!教完之後訓住上阿爺度白白出去街街既!!點知~~冇人係屋企自己又冇帶key wor!!激死呀~~見自己又冇乜時間真係.....直接出去join小wingwing先啦!!呼.....出到去自己行左陣.....點知就出事啦!!

唉.....遲左陣就已經攪到大家都唔開心咁tim!唔開心呀~~又激親wingwing啦!!唉.....sorry呀!!遲左少少咋唔好嬲啦~~之後我地行左過去維記啦......唉!!總之就大大大單野啦!正所謂一波未平一波又起......正是如此!!唉......我都好傷心啦!! 我地坐低傾左幾耐下啦........呼!!之後行左去食野啦~~係維記d小食亭咩都食下啦~~呼!!果度d野都幾貴下呀.....唉!!又唔太好味tim呀!!最記得就係果條死人雪條呀!!話就話兩雞野......頂呀!!扼死人既~~難食到嘔呀!!呼......之後送小wingwing搭車啦!! 係食野既時候大家都好左dd既.....有出下聲......點知係等車時就......唉!陪佢等2X!!等左好耐呀~~唔知點解今日輛車好耐都冇呀!!呼.......係等車途中我諗左好多野!!好想講但知點開口好啦......唉!!我望住佢.....直到有車黎啦!!唔知係唔係上天要輛車遲d黎,等我兩有更多時間一齊呢??

返屋企啦!!白白完.....就落街啦又.....又係香港風情呀!!好幾個禮拜都係咁啦!!約埋幾個朋友仔吹吹水睇睇波,傾下計.....呼!!今日有偉仔同我同傑傑仔呀!!更住立仔曾仔都落埋黎......呼!!睇左兩場波之後就歸家啦!!洗面即訓啦!!頂唔順呀~~希望聽日會有好既開始啦!!

wingwing......對唔住!!真係真係希望妳唔好再嬲我啦!!
現在我真係真係好痛苦呀!!


唯一值得我恩惠既係妳戴左我送俾妳第一條鏈......真係好靚! thx u !


>>October 12, 2003 at 8:40:40 AM GMT+8

2003 年 10 月 10 日 星期五 【晴】

今日係相十節呀!都係咁過啦~~所以起身到返工既.....都係咁過啦!所以唔講太多啦~~反而收左工既有好多野想講呀!好啦~~今日就由收左工講起先啦!你地準備好未?因為今日我要寫論文呀!哈哈~~因為太多野寫啦!kaakakak~~

死啦~~wingwing仲係好嬲我呀!都係琴日既事啦~~唉!點知會咁?點攪好呀?收左工諗住買野飲賠罪啦~~點知都係唔成功呀!呀~~死火啦!大大獲啦!對唔住呀~~唔好嬲我啦!豬豬~~因為一早約好左班同事踢波呀!所以希望妳原諒啦! 之後我上左去CB分行坐坐呀!太掛住啦......當我住返果度既時候.....唉!一陣先講呀~~ok?去球場之前......買左個豬蛋(kakakak~~你地估下係乜?)呵呵~~更住去到球場啦!見到有Teddy,Dick,Jacky,Alan Kam,輝輝.....呼!好多人呀~~不過佢地過左去細場踢住先呀!而我就等埋周傑呀~~因為佢今日會帶埋保良班人仔黎嫁!大家踢返場波啦!kakaakk~~不過......最重要既係.....呵呵!周傑仲叫到威仔同偉仔呀~~勁呀! 計計下今日~~嘩!個陣好勁呀~~有攻有守!西利呀~~不過......激死人啦!

3個場都俾人book曬呀!7-9pm好啦~~等你,點知...9-11pm咩話又有book??你地話啦~~激死9激死人啦!呀~~唔制呀!仲難得今日咁整人腳,又咁完整......點解?最重要既係.....一場都未踢過就濕曬身啦!因為......呀!連個天都玩我呀?咁黑仔既?落大大大雨呀!呀~~激死人啦! 我地咁唔係辦法呀~~結果我同周傑,威仔,偉仔一口氣跑左過去皇室M記先啦!kakaka~~傾左陣我地計劃左''大家樂見''哈哈~~去打邊爐呀~~kakaak!爽呀!當堂醒曬呀~~kakakak!!好起程啦~~嘩!出面都仲係好大雨呀~~但係唔理啦!我地跑左過去恆隆地庫大家樂先呀!不過....冇曬wor!攪錯~~ 唔緊要~~仲有既!怡和街有間~~我地由HK Bank又跑過去啦!哈哈~~好攪笑呀!跑呀跑~~kakakak!傻仔咁呀~不過.......都係買曬呀!唔係fa?玩咩?唔打緊,仲有Time's呀!我地越過三越過去啦!哈哈~~又濕曬身啦!不過......去到既時候.....售罄!唔好玩我地啦~~點解? 周傑話仲有間呀~~我地去埋啦!呢間仲離譜~~收左工啦!激死啦~~結果我地去左食吉仔咋!唉.....可惜呀!我地食完之後吹左陣水啦~~kakakak!我地不停叫偉仔入隊....不過都最後都係失敗......有點兒失望啦!呼......

之後就返屋企啦~~白白.....打日記啦!之後覺覺啦~~仲有半日要撐呀!加油努力呀~~

呼.....今日我撞到兩位老朋友......本應係好開心既!大家見面wor!不過從佢地口中我聽到......唉!失業!果一刻我好冇耐.....佢係我好兄弟!唉......我想幫佢地呀!但係有心冇力......點幫呢?呼.......

今日返番娘家....CB,坐返自己既位.....我好有感觸!諗起當日既我......呢刻既我好怕好驚.....今個月我會跟唔同既人學野!呢個唔係問題....反而下個月就.....唉!突然個心好怕好怕!我怕敏唔黎.....令支持我既人失望!我怕輸呀~~做唔黎!升唔到...... 現在我已經輸左俾佢地.....另外兩個可以坐分行吸收經驗....呢個最重要就係呢樣野!唉.......總之家下既心情真係......壓力!

爺爺仲未出院......其實我好想探下佢!個心真係好想.....不過.....行動就阻止左我......點解呢?唉.....祝爺爺早日康復!

係感情路上......近排都出現左問題......呢排我掛住玩,踢波,睇波......呼!以前既我唔係咁嫁ma!女朋友先呀~~家下都係.....不過我踢多左睇多左姐!比賽.....我想我隊波踢好d既成績....我想藍風好d呀!我好想攪好佢呀!反而就.....令我地之間發生左問題.....對唔住呀!wingwing...... 我知我唔岩....我錯!sorry......

對唔住呀!偉仔威仔傑仔.....係我叫你地出黎踢波既!反而就冇波踢......sorry呀!要你地白行一趟.....不過今日既大大雨都幾開心呀!哈哈~~當我睇見出面咁大雨我好想走出場中心嫁!哈哈~~玩水掛?哈哈~~我想個人醒神d諗野清澈d.......(細細個所以我好鍾意踢落雨天呀!哈哈~~玩水呀!)

多謝你先呀!睇左咁耐.....悶ma?thank you very much ......

講樣野俾你地知呀....哈哈!唔準笑我先呀....今日呢編日記我打左3次呀!哈哈~~因為前果兩次都係自己按錯左....close左呀!哈哈~~第一次打左一半啦!第二次打曬啦....點知....哈哈!今次第三次啦!結果......好彩呀!打到我呀!本來半個鍾既...家下打左成個幾鍾啦!咁你地話啦~~我係唔係好黑仔呢?唉.....

今日.....失望,傷心,冇耐,感慨,迷惑!
我都有曬....唉!
可以點?
希望係唯一既解決方法.....
近排我的而且確係.....好煩好多野諗......
wingwing....屋企....隊波....朋友....工作.....呼!
好累呀!

希望在明天.....


>>October 10, 2003 at 6:08:23 PM GMT+8

2003 年 10 月 8 日 星期三 【晴】

今日一起身既時候.....跳落床果下......唔知係唔係拉一拉呢?個菠蘿仔好傷呀!當我想換褲仔既時候.....就仲痛!換句話講.....坐低同用力整佢就痛痛啦!見係咁......我諗緊返唔返工既!結果....呼!唔好返啦~~難我 自己唔太舒服又想抖下都好既!更住自己訓多左陣就落街睇醫生呀!今次我睇左咩咩麥醫生wor!哈哈~~ 私家野呀!都幾貴下嫁~~$200不過好彩公司有得補返姐!有個醫療津貼kaakkak~~呵呵!貴少少都唔怕啦~~醫生話我拉親左,十字孕帶果樹呀~~呼!其實單野都唔係第一次嫁啦!之前都試過~~不過我不了了之姐!唉......算啦!睇左安心知道咩事先都好呀!

睇完之後.....返屋企啦!唔仲有呀~~間醫所d人都幾好!醫生又好人,護士又幾好人啦!佢地仲叫我係果度食左一次藥先好走人呀!哈哈~~都係第一次見呀!之後我返屋企啦!飯飯之後就訓啦!訓訓下.....小豬豬打黎啦!呵呵~~佢放左學啦!kakakaka~~好掛住佢呀! 傾左陣啦!我又訓過啦~~之後......呀!間醫所條友仔打黎bor!提我食藥呀!哈哈~~好攪野野呀!點解會咁好人既?好似私人醫生呀!kakaakak~~更住打俾wingwing話出去踢波啦!點知......俾佢鬧左一大獲呀!自己整親都仲好踢波,哼~~冇事就返工啦!痛又走去踢波呀!呼......結果佢就係咁嬲左我啦!

去到球場.....熱身先啦!更住開波啦!今日對手係腳子同班同學仔呀!呵呵~~友誼賽既都算!踢落去我都攪得掂呀!今日我都冇咁勤力啦!有好多時都留曬力啦!係後防留守同做龍門多啦!費事又整親啦!加上聽wingwing話!一陣又整親就大Q獲啦!呼.....對手都好彩唔係好勁姐!所以都比較輕鬆!哈哈~~不過今日我都入左兩球波呀!勁呀~~又係有助攻呀!kakaakk~~連續3場都有波入啦!哈哈~~3場熱身賽都有波入呀!好fit呀~~kaakakak! 更住踢完就過左阿爺食飯仔啦!之後好累呀~~快d返屋企覺覺白白啦!或者食左d藥啦!好眼訓呀~~聽日我要返工啦!比心機呀~~聽日要開始準備一下啦!

豬豬sorry ar !唔好嬲倫倫得唔得呀?我有乖乖食藥嫁!聽曬妳話啦~~好都係見好返左dd先去踢波咋!唔好嬲啦!一陣唔靚女呀~~至多.....我地遲兩三日就''大家樂見啦!''好唔好姐~~乖啦!唔好嬲倫倫啦!sorry呀!聽日我會返工工嫁啦!

唔好嬲我啦!小公主大大大人~~小人仔知錯啦!~~I Love You~~


>>October 9, 2003 at 1:08:16 PM GMT+8