2003 年 12 月 6 日 星期六 【晴】

嘩~~琴晚你地估下我睇波睇到幾點啦??都咪話唔勁呀~~個答案係今早6:00am呀!!哈哈~~得講下我琴晚睇波既timetable呀!!利記對紐記,曼聯對維記&車仔對列斯,拉科,祖雲對拉拉,最後係皇馬對巴塞呀!!真係......家下諗返起我都服左自己啦!!哈哈~~勁呀!!計計下我都好耐冇撐到咁耐啦~~呼......之但係唉......我親愛既祖記呀!!點解會咁??我好傷心呀~~點解??呀~~發生左乜樹呀??納豆阿納豆你要諗諗計啦!!Juventus各隊員都唔該拿拿臨振作起黎啦~~


講返今日啦!!唔好以為我咁夜訓今日就可以訓到王蕉八晏呀!!咁諗就錯啦~~我一早就起左身啦!!12點半呀~~足足只係訓左6個Hour咋~~Help!!真係好辛苦呀~~我自己都想訓多陣呀!!唉.....冇計啦!!今日屋企要大掃除呀!!所以就俾人嘈醒啦~~呼.....訓多陣都唔得!!起身~~食左隻雞之後睇埋報紙就開工啦!!哈哈~~開工.....洗唔洗咁誇??都咪話唔誇呀~~又要攪呢樣攪果樣呀!!哈哈~~就係咁攪左成個afternoon啦!!呼......收拾野果陣時呀~~沙塵滾滾呀!!收拾果陣我先發現自己原來有好多垃圾嫁!!哈哈~~真傻仔呀!!

更住到到5:30pm啦!!就出門口啦~~呼.....今日約左自己隊藍風對仔波足隊呀!!呼......結果我地就算人強馬壯啦!!反之對方就......唉!!不過點都好啦~~有波踢我就happy啦!!今日我既表現狀態都係麻麻地咋~~不過不失啦!!係進更方面就有d有不從心既feeling呀~~反之防守就都算好呀!!哈哈~~或者近排自己慢慢習慣踢後防既工作啦!!呼......踢到8:30pm就鬆人啦!!返到屋企......飯飯啦!!每次踢完波都係咁嫁啦~~叫我食飯我硬係食唔多既,今次都冇例外呀!!更住就上網一陣度波呀,更住就白白啦!!白白完之後.......呼......睇陣波啦!!好開心自己既成績呀!!但係好眼係訓呀~~所以諗住同wingwing早d嗲電話就早d訓啦!!點知......唉.....都唔知係我錯家係佢錯啦!!唉.......攪到我都冇曬心機啦!!呼.....

上星期我因家中發生左大單野所以馬會個A/C冇多冇少啦,反之週中既比賽我買左dd啦,但成績下滑中呀!!及後到今週啦,諗住大展權腳啦,點知......Saterday一役就攪到我形勢急轉直下呀!!大單野呀~~我買兩次六串一都係差一場,天呀!!點解要咁玩我??幸好今日.....heeeeee!!2串3呀~~中到佢應一應呀!!所以......唔洗講野,我要食住個勢呀!!馬會睇住黎啦~~我就黎可以由你個A/C度提款嫁啦!!我自己講過冇一千我都唔會提既~~我就快達成目標啦!!

呀~~你條友仔呀!!後備入一陣姐就入兩球,真係勁呀!!


>>December 7, 2003 at 4:39:47 PM GMT+8

2003 年 12 月 5 日 星期五 【晴】

嘩~~好野呀!!終於又一個week啦!!到左今日我好開心呀~~因為撐埋呢半天就可以放假輕鬆輕鬆啦!!諗起都正呀~~之但係我都識講啦!!仲有半天呀~~冇計啦!!返埋佢啦~~今日一早起身算幾精神啦!!之後落街啦~~一落到去就見有人賣旗仔啦!!我即走埋去買張先!~~哈哈!!點解??因為每當我買左支旗仔之後果一或一段時間都係幾好運嫁~~哈哈\!!所以咪都老都買返支先啦~~heeeee!!返到公司前係樓下買左燒埋同腸粉食呀~~因為我餓lor!!哈哈~~之後就上公司併博啦!!因為今日係星期六所以我頭兩個鍾都係只係得我自己一個咋!!呼......撐住就撐住啦!!哈哈~~好彩冇咩大樹發生咋!!yeah~~有電話我都唔Q聽啦!!由佢死啦~~heeeee!!

之後Rockie都返埋黎啦!!更住兩個人點都輕鬆d既~~所以我都行行企企咁啦!!唔係點做野咋~~做下影帝啦!!更住到到lunch啦~~上左去搵搵wingwing啦!!更住自己買左個外賣之後.....返上公司食啦!!食得黎都差唔多收工啦~~到到收工鬆人啦!!我結果開左兩張單呀~~但今日有單野要Refund呀~~失望呀!!算啦~~鬆人啦!!上左去搵搵wingwing say goodbye先!!哈哈~~之後我都返屋企啦!!因為自己都幾累呀~~都費事去街玩啦!!加上自己又冇乜錢啦~~呼.......

返到屋企~~嘩!!好快就飯飯啦!!今晚係打邊爐呀~~岩曬我口味呀~~但我都好耐冇打啦!!Right??wingwing快d陪我打呀~~食到飽飽之後就到我睇波既時間啦~~哈哈!!爽呀~~聽日又唔洗返工今晚可以睇死我都得啦!!heeeee~~就係咁......睇呀睇呀睇.......直到Juventus!!

相愛無夢（西關大少主題曲） 張智霖

跟妳抱著 未等於愛上
不再抱著 未等於不想
妳我在這分鐘
說過無緣再見
下秒鐘再湊巧碰上

即使一起 貌合卻又神離
分隔兩地 日夜掛著愁眉
再各自結新歡
卻暗地拿妳去比較現有的
始終偏袒妳

有心愛妳卻愛不到
抱緊了妳卻又未想終老
再等到與對方失散之後
就會知 原來誰最好
愛不到至會更想愛
抱緊了妳我又無心裝載
我跟妳也破不到
男與女之間 愛情的定數

一個過活 恨抱著情人
一對過活 又掛念誰人
到了話要分開
妳我尚有惻隱
又再探聽對方新聞

>>December 7, 2003 at 9:21:45 AM GMT+8

2003 年 12 月 4 日 星期四 【晴】

真係快呀!轉眼間今日又到星期五啦!點解會咁快又一個禮拜既??哈哈~~到低係好定唔好呢??點都好啦!!返埋呢日同埋聽日又可以放假輕鬆下啦!!諗起都爽呀~~呵呵!!唔好理啦~~返工啦!!琴晚都算訓得唔錯既~~之但係....臨尾都唔知仲乜鬼野牙仔勁痛呀!!所以真係好辛苦呀~~一早起身刷牙時已經.....叫苦連天呀!!Help!!Help!!唉.....點攪!!返到公司都冇心機啦~~太痛啦!!連講野都唔想啦!!坐係度都冇曬心機啦~~唉.....之後lunch時,我個細姑姐上左黎呀!!哈哈~~探下我wor!!都幾好呀~~heeeee!!之後我自己食飯啦~~食左兩啖都冇心機食啦!!訓陣仲好啦~~結果訓左成9個字呀!!連wingwing上左黎我都訓呀!!更住倒曬d飯就起身try my work啦!!呼.......

今日其實成個朝早都係得我同Zandy兩個人撐住間行姐~~因為Alex仲未返,突然佢竟然返左黎bor!!呀??原來佢考察完所以......下午返工啦!!哈哈~~佢買左手信俾我呀!!多謝曬你先呀~~更住.....我地3三個一排咁啦!!哈哈~~突然令我諗返起好多好多既野呀!!家下既情境就好似當日我地三個齊齊坐行既情況呀!!真令人懷念呀~~之但係......唉!!算啦!!到到收工啦~~我著左wingwing買俾我既新衛衣呀!!靚靚呀~~但原來好貴嫁,我都好心痛呀!!唉.....著係我自己身上貴都冇用嫁啦,我都冇咩要求!!開心就得啦~~不過點都好啦!!多謝妳呀!!

接左收工之後我地去左食元氣呀!!呼.....計計都好耐冇食啦!!但計計我地又好似成日食咁bor!!哈哈~~真有錢呀!!我地食左都唔係好多咋~~唔知點解呢??其實我都想食多多既!!但......更住我地周圍行下啦~~睇下衫睇下鞋啦!!但我自己唔會買住既~~因為諗住留返年尾大減價先買,家下儲定子彈啦!!呼.....更住行埋SOGO Market之後就搭車啦!!我送埋wingwing返去啦!!話時話我都好耐冇送wingwing返上樓啦,仲諗住耐冇見.......唉!!

自己都返屋企啦!!返到去.....白白打日記啦!!
今日wingwing送左兩樣野俾我,1.小春演唱會VCD,但唔係我度,因為wingwing話要睇先!!2.件靚靚衛衣,但係好貴呀!!
呢幾晚我都成日係臨訓前聽以下呢首歌......(請留意歌詞)

決戰十一(主唱古巨基)

強橫的妳　如皇馬
勤奮的我　未怕
我在明星的腳下
如讓賽　都不降價

領著黃牌想衝撞
還幸我是男子漢
似地球戀上火星
忘掉越位　勁射破網

和妳結婚一生怎會只生三四五六個
要儲夠二十二位跟妳競逐過
妳我各選兩隊盡情踢
床畔欣賞轉播
妳意下如何

賢能的妳　如同意
定有施丹和議
我像紅魔鬼鬥士
期望妳生出魯爾

＃妳夢幻跟我組合
來日要製造班霸
訓練孩子騎木馬
誰人受罰　射十八碼

和妳結婚一生怎會只生三四五六個
再要有後備入替起碼四十個
妳勝我輸兩隊又來過
百子千孫比個　妳意下如何

REPEAT ＃

如若真想比個　妳沒我不可

>>December 5, 2003 at 5:20:16 PM GMT+8

2003 年 12 月 3 日 星期三 【晴】

今天要返工啦終於都.......呼!!放左幾日都算叫做大假呀~~都幾free呀成個人都!!哈哈~~掂曬呀~~我每次放左超過兩日假之後既我當我返番工都會傻下傻下咁呀!!哈哈~~傻奸奸咁,叫我做阿呆都得呀!!哈哈~~真係唔知自己做緊乜呀!!不過由佢啦~~返到公司我最關心就係自己條數啦!!哈哈~~我放左幾日假唔好以為我咩都冇做冇乜數呀~!!~~!!heeeee好彩我醒目呀!!係上個月我唔開曬d單,留返d係今個月先黎開呀~~結果.....我冇返工3day竟然都已經有成$2100啦!!真係好開心呀~~

最開心既係我家下係CB仲要係第一位呀!!勁呀~~西利呀!!yeah~~我要比心機呀!!不過.....heeee!!好戲陸續有黎呀!!唔講d衰野啦~~今日返工既只有我,Zandy,阿成(呢個係新同事黎嫁!!)至於Zandy佢為左教我野所以......落左黎CB睇住我呀!!多謝曬妳呀~~成個上午大家都冇乜野做呀!!又冇客bor,而我忙住攪Rockie單野lor!!個客勁煩呀~~俾佢吹脹呀!!自己又冇booking要跟bor!!呼.....就係咁坐到lunch啦!!同左阿成飯飯呀~~哈哈!!我地嗲左好多野呀~~原來佢又係鍾意打winning同埋跑長跑嫁!!哈哈~~岩計啦!!但最衰佢唔踢波打波呀~~如果唔係.....哈哈!!之但係唔好睇佢新黎呀~~原來佢都係呢行做左3年啦!!今年佢廿歲呀~~所以....自己都好似有d傻仔呀!!怪都怪自己起步比人遲啦!!

佢原先係康泰既~~嘩,聽佢講康仔果頭好正嫁,人工$7500都好高啦,但紀律就唔似呢邊咁好啦~~好嚴嫁!!唉.....算啦!!等我啦~~我過多幾個月後就會.....出去出去離開此地出開見識嫁啦!!現在我要做既就係打好自己既根基呀~~OK??學得幾多就學啦!!放左工.....返屋企啦!!飯漢睇埋西瓜大少之後就上網打日記啦!!哈哈~~好眼訓呀!!我想早d訓呀!!白白完之後.....攪下呢樣攪下果樣就訓啦!!聽日要街街呀~~所以要養足精神呀!!

Twin's+Boy'z足球隊


皇馬皇子''魯爾''


>>December 4, 2003 at 4:10:24 PM GMT+8

2003 年 12 月 2 日 星期二 【晴】

一連3日既假仔......已經去到尾聲啦!!即係今日係最後一日啦~~所以我會好好咁珍惜呢一日既!!呼.....即係我要好好咁抖抖啦!!原因好簡單~~呢幾天既大單野同埋為左迎接今個月返工條數呀!所以.....真係要比心機抖抖啦今日!!原先琴晚諗住訓一陣起身睇波既~~但.....哈哈!!或者自己真係好累啦~~所以就起唔到身呀!!一訓就訓到今日11:30度啦!!呼......咁上下啦!!訓得太耐個人仲累呀~~哈哈!!更住小公主打黎嗲左陣計啦!!更住就出門口食茶茶啦~~嘩.....原來唔只我請多日假抖抖就連其他屋企人都有呀!!哈哈~~

係茶樓食左好多野呀~~太肚仔餓啦!!食左好耐呀~~食到成4點先鬆人呀!!真係耐到佢呀~~返到上樓.....又唔做乜野好!!訓左陣抖抖啦~~更住打陣winning啦!!之後.....又落街lu!!呼......又出去食飯啦!!哈哈~~呢幾日我差唔多餐餐都係街出面度食既!!真係股曬自己啦~~早午晚宵都係食街外野~~都有d悶啦!!呼......食完返屋企白白啦!!好凍呀~~之後.....收拾好自己房既野先啦!!之後就訓啦~~明天又要返工啦!!我幾時都話我放得假耐左要返番三真係好辛苦好唔願呀!!放多幾日好嗎??

Leo Koo出左新碟啦!!---遊戲''基'',係裡面全隻碟咁多首歌都算係好好聽呀!!真係幾好聽呀~~呢d咪叫實力派歌手lor!!真係好西利呀!!佢都好耐冇出碟啦~~今次呢隻碟.....我都想買呀!!不過......唉!!惜日既偶像而已!!



大單野!!Juventus兩連敗呀!!


嘩.....


>>December 3, 2003 at 3:27:28 PM GMT+8

2003 年 12 月 1 日 星期一 【乍雨乍晴】

一早攪埋些少堂上既儀式之後.....就要送阿爺上山啦!!係出發前因為可以望多次阿爺容貌既......所以我向阿爺致敬!!我會記得阿爺個樣嫁.....係搭車途中或者太累啦,所以都訓左陣啦!!至於阿爺既新地方.....原來唔係同麻麻一樣既將軍澳呀!!我有d傷心啦,反而係......柴灣呀!!呼......我都未去過嫁,都係第一次去既,我會記得點去既!!之後送埋上山就大致完成左對阿爺既最後道別啦!!阿爺,當我地下次黎既時候,我必定係第一個上到黎既人!!OK??

更住到到1點度啦,就返番東村啦!!食飯啦,攪埋些少手尾呀~~嘩....去到荼樓已經有成4圍啦,乜頭先有咁多人送阿爺上山嫁,我都話我阿爺西利嫁啦!!不過.....我仲有好野想同你講,有好多野未做,我真係唔捨得你,由上個禮拜到今日我麵好想好想自己係發緊夢呀!!可惜.......我想請你飲茶,我想聽你講多d野,我想你留低呀!!阿爺.....依家每當我講出聲''阿爺''既時候我都.....忍忍作痛呀個心!!阿麻,老豆,阿爺.....我唔知可以點呀!!三個最錫我既人都已經.....我唔捨得呀!!

阿爺辛苦曬啦,我知你撐左好多年撐左好耐嫁啦!!以後日子自己小心啦,我地照顧唔到你啦,凍就著多件衫,食多兩啖飯啦!!對唔住呀.....阿爺!!

成班親戚食完飯之後就返上去東村屋企先啦!!因為我地要傾埋些少野,呼........之後就返屋企啦!!好凍呀!!個個隻眼仔都好累好辛苦,我知道既,通宵成晚,又咁煙攻眼,又凍......返到去我未訓住呀!!但我都係好眼訓嫁其實.....白白先睇左陣電視就上網啦!!打日記呀同埋睇報紙之後.......訓啦!!聽日好在自己醒目請多日假黎叉叉電姐!!自己要抖抖啦~~

>>December 2, 2003 at 3:50:34 PM GMT+8

2003 年 11 月 30 日 星期日 【晴】

今日係星期一.....正常既我係要返工既之但係今日就.....一早就起左身啦!!食埋早餐就過左阿爺度啦!!上到樓打點好一切咁上下就出發啦......

去到醫院......做好登記就跟車去紅磡啦!!更住見仲有時間,我地幾兄弟姊妹去飯左先啦,如果唔係就有排先有得食嫁啦......到到3點啦!!儀式正式開始.....

當我望見他時......不禁地就哭出來了,之後每當望見他的時間......都係不禁哭出來了!!唉......

因為我係個孫仔所以....都唔知點講好啦!!加上我又要替老豆......呼......

唉......唔知點講好啦!!

總之......夜少少既時候契媽契老豆都有黎到,有心啦!!我唔記得左攪左幾耐啦~~到到咁上下12點度啦!!首天既儀式完成啦.....接落黎既係.....我地自己人既守夜啦!!
食過宵夜後我地個個都好累啦,加上地方又好凍呀!!所以大家都訓著左啦~~而我都撐撐下都要.....不過真係好凍呀!!我都俾佢凍左幾野呀!!

到到6點度啦......起身啦!!食過早餐就要迎接次天既儀式啦......

今日雖然係一日9開心既日子....但我諗阿爺都應該幾開心啦(有怪莫怪)因為......今晚黎左好多親朋戚友呀!!佢地一到場都好激動......我睇見佢地個個對我阿爺都有一定既感情.....而我都因此而被感動到流淚!!每個到場既人我都覺得佢地熟口熟面既!!哈哈......因為佢地係我親戚lor!!或者係啦~~有d我仲記得係以後阿爺阿麻帶我出去時見過下啦!!不過都真係好耐以前啦!!佢地有d認到我有d就唔記得啦!!不過點都好啦!!有心啦~~多曬呀!!

到到好夜啦~~守夜既時候.....我計左好耐呀!!嘩.....原來守夜既唔只我地原來加加埋埋都有成50幾人嫁.....嘩!!阿爺你好勁呀~~好多人都好俾面你呀!!因為咁啦~~所以我覺得阿爺今晚係開心既,因為見到咁多兄弟親戚,我都好開心啦!!有咁多人陪.....唉.....

>>December 2, 2003 at 12:00:19 PM GMT+8

2003 年 11 月 29 日 星期六 【微冷】

對唔住咁多位親愛既讀者先呀!!因為小弟係前兩三天都有要事做所以未能打日記!!請見諒......

ok!!開波~~首先講埋今日先啦!!今日唔好以為係星期日所以我有假放呀!!如果咁諗就錯啦~~因為今日我都要係返工嫁!!仲要係返旺角呀~~都唔得你死呀!!遠就真係遠左d嫁啦~~冇計啦!!搵食呀~~其實今日我原先係放假既~~但同事話想同我幫佢返一日,咁咪no problem啦!!是但啦~~佢都差我一日啦!!ok??heeee~~等我諗家放邊日啦!!呵呵~~之但係......今日我終於又遲到啦!!哈哈~~今日既遲到都有些少係自己拎黎既~~因為.....唉.....琴晚lor,掛住睇波所以就......眼訓呀!!真係呀~~訓多陣啦訓多陣!!結果就係咁而遲到啦!!唉......


返到去.....唉.....估唔到旺角既生意都係咁.....差呀!!真係意想不到呀!!我原先仲諗住可以係度大展拳腳收多d客嫁啦!!真係激死人啦~~lunch叫左個外賣仔食呀~~都幾好味呀!!平靚正呀~~哈哈,之但係過左陣又肚仔痛.....都唔知關唔關事呀!!更住等收工啦~~到到六點鬆人啦!!成日總結開左一張單仔咁大把啦!!之後.....同埋Alan Kam一齊出去尖咀搵埋Zandy啦!!因為.....下個月Zandy佢落返CB啦!!所以佢叫左兩個Alan齊齊幫拖拎野過去啦......

途中我地3個嗲左好多野呀~~大多都係關於我......唉.....真係.....更住係CB坐左陣嗲左陣之後去接埋小公主啦!!我地5個人地一齊去左維記食巴巴燒呀!!哈哈~~(Alan Kam GF)好凍呀~~因為我地係坐左係露台位嫁~~真戚凍死人啦!!所以d野食好快就凍啦~~攪到我既胃口都大大減少呀!!呼.....但走果陣我都係飽飽咁既~~呵呵!!之後返屋企啦......返到去.....岩岩好睇車仔曼記啦!!哈哈~~最後.......


之後我都早早覺覺啦!因為聽日一早就要......

>>December 2, 2003 at 11:39:43 AM GMT+8

2003 年 11 月 28 日 星期五 【晴】

今日係星期六換句話講....今晚又係足智彩既時候啦!!今日足智彩總共開左34場賽事!!記住.....係34場,唔係得3,4場呀!!記得冇??哈哈~~你地話係唔係誇張呀??我就覺得係啦~~呼......洗唔洗咁多呀??真係好多呀!!唔通賭波真係成為左香港人既其中一種娛樂同風氣??唉.....真係....唔好以為見今日有波賭而且又咁多場我實有買啦!!你地就錯啦~~今日我一場都冇買呀!!因為.....哈哈!!大難啦~~好難估呀!!冇心水呀~~所以.....算啦!!唔通仲要我夾硬黎咩!!right??

今日我要返工呀~~返早呀!!所以10-12呢兩個鍾都係得我自己一個咋!!呼.....所以哈哈!真係得閒呀~~呢兩倨鍾真係可以話係.....白費呀!!有電話都唔理啦,由佢啦~~有客??耍佢走啦~~或多或少都因為自己知道今個月條數都已經夠曬啦!!所以都放棄啦~~唔洗去到咁盡呀!!等自己抖抖都岩掛??呼.....更住Alex都返埋黎啦~~但係都係一樣咁悶呀!!唉.....總之就一言難盡啦!!更住.....飯飯啦!!我諗住去搵小公主食既~~但.....我發脾買走左啦!!哈哈~~返自己公司食左個蟹肉伊面呀!!正呀~~但都幾貴下啦!!不過由佢啦~~見係出左糧先咁豪咋~~哈哈!!

係呀~~我出左糧啦!!yeah~~終於等到呢刻啦!!真係好辛苦呀~~冇錢同埋等錢果種心情你地明白嗎??哈哈~~之後我臨走前好好彩呀!!咁都俾我開到3張單仔呀~~雖然唔係咩野大單野但都好過冇呀!heee~~留返下個月既子彈都好呀!!呼.....更住6點幾就走人啦!!過左去搵小公主呀~~呼.....齊齊去剪頭髮啦!!哈哈~~結果我地去左間7野呀!!等左我地幾Q死耐呀!!激死我啦~~加上我又...胃痛呀!!個人又憫憫地wor!!真係.....最後我同小公主出黎既時候.....哈哈!!大家個頭都好似冇乜點剪過咁既??哈哈~~真係.....傻仔呀!!

更住我地去左飯飯啦~~諗住去.....火鍋城既但多人到佢呀!!結果死死氣咁去左花園啦!!唉......失望呀!!所以自己都唔係太好心情飯飯咋~~不過今晚加料呀!!就係.....可以對住我心愛既人一齊飯飯呀!!哈哈~~之後我去左買Juventus既鍾呀!!同埋個乜Q野呀~~哈哈!!正呀~~之後都澎澎聲返屋企啦!!因為條街都真係幾凍呀!!冬天真係黎啦......返到屋企.....上網即訓啦!!嗲左陣icq啦~~好累呀!!訓陣先啦......琴陣夜d再起身睇波呀!!意大利打比戰呀!!Juventus VS Inter ......我估3-0啦!!哈哈~~Nedved呀!!

今鋪國米有難啦.....


At 20.30, Juventus-Inter


Trezeguet: "Ready for Inter"


>>November 29, 2003 at 5:02:22 PM GMT+8

2003 年 11 月 27 日 星期四 【晴】

唉~~今日總括黎講都唔算係過左一個開心既weekend呀!!呼......總之就一言難盡啦!!諗返都真係辛苦......呀!!點解會咁??我究竟又做錯左d咩??我知自己近排都係好好好好黑仔嫁啦!!唉.....我唔想咁呀!!真係好黑仔呀~~冇曬運仔呀~~做乜野就衰乜野!!咁樣......唉......我可以點做姐??唔通個天真係想玩死我咩??激死我啦~~呀!!

一早都係返工啦!!都一樣冇乜心機冇乜心情嫁啦!!呼......又係上網啦!!玩下icq啦~~電話都費鬼事聽呀!!總之......冇心機啦!!跟返自己些少既booking啦!!計下計下唯一值得開心既之唔係自己條數lor!!因為終於都到$5000啦~~而且俾個突佢tim ar !!即係......$5630.4啦!!哈哈~~總算都譫心少左樣野,壓力都因此而減少左dd咁大把啦!!呼......

今日我都係食通粉呀!!3分鐘就食得都幾方便呀~~哈哈!!屋企琴晚冇留飯自己帶呢個黎食都幾好咁bor!!heeee~~之後......唉!!又要3面對唔開心既工作啦!!唔知點解由今個禮拜一開始至今我返咁多日工係冇一日開心過既.....唔似得以前呀!!唉......家下我可以做既咪頂硬上撐住啦!!對住人咪要苦笑lor!!呼......我知自己再係咁唔係辦法~~但我可以點呢??

收左工周傑接我放工呀~~哈哈!!多謝曬呀~~因為我地要返浸記嗲返教會足球既野呀!!所以......收左工都唔可以輕鬆住呀!!呼.....話時話我地都好耐冇教過隊波啦!!或多或少都因為.....我自己落返分行要返工啦!!時間學周傑咁講~~真係好難就呀!!唉.......

更住我同傑傑仔去左食老友記呀!!呼......一路食大家嗲下計啦!!呼......講下大家既近況又講下自己家下既苦況......呼!!多謝你呀~~周傑!!更住都要澎澎聲返屋企啦!!哈哈~~因為條街勁大大大風呀!!!好凍呀!!返到屋企即白白啦~~更住.....上陣網就訓一陣啦!!之但係一訓就訓到......對唔住呀!!小公主冇同妳傾到電話......請原諒啦!!ok??

出糧我要買左佢......


好靚呀......


出左新野,我都唔知tim~~


>>November 29, 2003 at 2:30:08 AM GMT+8