2006 年 2 月 19 日 星期日 【晴】

好耐都無寫日記lu...可能因為我放工番得屋企o黎都已經好夜啦...

近排收倒一個大學朋友仔就o黎結婚o既喜訊,真係令人開心
不過呢個係一個25歲o既男仔...可能我會覺得男仔未必肯咁早結婚啦...
咁講真...男仔又真係唔想咁早結婚喎!
第一,可能無錢...無錢擺酒,無錢買樓,無錢比禮金
第二,有邊個男仔想一放工唔去happy hour就番屋企陪老婆丫?
第三,男仔無三十係唔會定性...可能有d會我唔知啦~

咁對於一個女仔o黎講...早d結婚會唔會真係好重要呢?
我會覺得係law
大佬呀...過o左三張o野market都細o左啦
無人要咁點呢?
之但係如果男仔咁後生係唔想結婚而女仔又想早d結婚咁可以點呢?
咁咪搵一個大過自己o既男人law

琴日同個同事傾開計,佢都話香港女仔唔可以好似以前咁高竇
因為而家香港女多男少,再加上北妹越來越強橫
香港o既女仔要小心無人要咁話喎

不過我怕o既會係揀錯人多d
同o左呢個男人一齊,佢會唔會比倒幸福我呢?
會唔會去o左搵第二個女人,搞婚外情呢?
會唔會要一齊挨窮
會唔會打老婆,唔錫仔女,又賭又煙又酒?

又要怕無人要
又要怕個老公唔好...
唉...

>>February 20, 2006 at 6:56:22 AM GMT+8

2006 年 2 月 5 日 星期日 【晴】

好開心~
因為我今日o既考試合格o左!!

今年新年收倒好多利是
仲多過上年
好開心~

新年之前去o左disney
真係好感動...
雖然d自由行真係好衰好無品
但係都無破壞我o既心情
聽住首動畫主題曲
o係睡公主門前睇煙花
好感動...真係睇到喊o左出o黎
真係好有童話feel,個人都好似番o左去童年咁...

終於知道點解有咁多人去disney
大家都係想搵番童年,尋找快樂
一個可以玩一日o既地方,唔洗諗住工作,唔洗諗住其他唔開心o既o野
只係玩...玩同玩
三百蚊...抵比!

好開心
真係好開心...

>>February 6, 2006 at 2:23:01 PM GMT+8

2006 年 1 月 17 日 星期二 【暴雨】

我唔知道自己原來咁耐無寫日記...
以前讀書o既時候總有太多o既時間日日都會打日記
到o左而家真係唔得....

今日o係公司我大佬同我講話就o黎一年o既performance review又到
叫我快d做多d"大事"出o黎,prove下自己做o左幾多o野
我真係比佢激Q死,喂大佬,好很得閒咩?屎忽痕無o野做麼?
可能佢自己唔知道自己個朵有幾臭,如果我下下跟佢教我咁做o野我一定得罪好多人!

講真o個句,佢諗o個套唔work啦...有咩建樹唔係要做晒出o黎比全個世界知道
send得太多e-mail,太aggressive係never會係一件好事
會換來好多話柄...比人講閒話
過份o既奉承同agressive都會係好肉酸

我心諗...我之前做o左咁耐都係好低調...但係我知道我performance review係比其他人高分
低調都可以高分,係做倒o野就做倒o野,都升o左啦...放過我啦...
我之前個呀姐仲勁啦....佢仲低調!咪一樣勁高分....

其實大家出o黎做o野
大都係同事,點解成日攪到好似戰場咁o既?
點解要踩住人地上?將自己d功績寫o係自己塊面上面呢?
我好慶幸我一入o黎做唔係跟佢...如果唔係會中o左佢o既毒
令人不自覺地又得罪o左好多人

我唔擅長社交,但我o既"唔肉酸"令我有好多好同事
呢樣o野係我做得開心o既原因
但係佢而家不停要我做肉酸d...我真係好憎...好憎

我呢d淡薄功名o既人都係早d退休吧....唉...我應該真係來自金星....

>>January 18, 2006 at 6:20:19 PM GMT+8

2006 年 1 月 7 日 星期六 【乍雨乍晴】

雖然放o左兩日假,但係都無咩時間真係可以坐低check下d e-mail
o岩o岩睇番兩個年半前o既e-mail...哈哈~個感覺好得意...
好似好溫馨咁...

2004年o既e-mail...好似琴日發生咁...
轉下眼又到2006年
中間發生o左好多事
但係諗番原來好似發生o左唔係好耐咁...

正如我寫呢個OD係由2002年7月開始寫...一直到而家
有人話我開頭寫o既OD都係好開心,將所有甜蜜溫馨都寫晒出o黎
直到我開始番工...o個段時間好似開始唔開心
但係我又刻意隱瞞我o既唔開心,無再好似以前咁咩開心唔開心都寫出o黎

無錯!
我覺得我自己已經大個女了
唔係咩都要寫晒出o黎比人知
我唔寫出o黎唔代表我唔在乎我愛o既人又或者唔想比人知我地發生緊咩事
只係我發現原來幸福係唔可以"晒"出o黎
如果唔係...個天係會收番o既...
"害怕悲劇重演,我的命中命中,越美麗的東西我越不敢碰"

傷心o既事寫出o黎
又會影響讀者心情
咁咪唔寫law
真係咁重要咩?

同我熟o既朋友或者同事就會知道我o既感情生活
我唔想多提...
(醒d啦~~~唔會o係度講咪唔好o係度講law,我o既od係我 9 up o既地方,呢度我話事! :p )

而家睇番之前o既OD
覺得自己之前好低B (--->得!!!唔好話我其實而家都好低B)
早就想開過第二個OD了...但係覺得如果我捨棄呢個OD,日記先生會唔開心的....

仲有一樣o野好想好想講
點解我個樣係似一個好惡好霸道o既女仔先?
我真係好鬼死憎你呀!!"真gay"!!!你又唔識我!!!點可以咁樣話人地!!! :(

仲有!!!
點解susan會係似廿零歲而我似28歲呀??
d人係唔係盲Qo左呀???

嬲!!!

>>January 8, 2006 at 5:49:41 PM GMT+8

2006 年 1 月 1 日 星期日 【晴】

唔洗問~呢期放緊大假,當然係開心啦~
大佬呀...31號晚去倒數...1月1日唔係番早呀ma???
所以放下假唔知幾開心呀~~~

今日我約o左o係san fransico番o黎o既大表哥,話帶佢周圍去
一早約o左佢o係沙田等....o係龍華食lunch,雖然我住o左o個沙田咁多年
但係都無乜去過龍華食...去過2次only,今次係第三次
原來d乳鴿真係幾好食,仲有d山水豆腐花真係幾好食~

之後...懶惰o既大表哥竟然話唔想周圍去...結果我同佢係沙田一日遊
我都覺得我幾勁,佢想買咩我o係沙田都搵倒比佢
不過好悶...就係陪佢同去機鋪打機,其實我都想打下,但係實在太多人喇...

我最討厭沙田o既地方係我無論o係邊度都會見倒d part-time,仲要係有好多...
不停同人打招呼,好似成個沙田我睇晒咁~haha
唉...死啦!佢地見倒我同個男仔兩個人放假行街
唔知又唔會比人誤會呢 :p

雖然今日一整日都係為o左大表哥頻頻撲撲,鬼死咁累
但係佢應承o左我下次我去san fransico玩佢會take care我呀!
佢話會專登請假陪我添~不過我媽媽話如果要佢撘15個hours o既機要撘business
大表哥話要4000大元....美金呀.....shit!
如果我去撘economy呢就要5000零港幣來回
我最長o既假會o係九月尾十月頭,我真係有d想去呢?有人陪我去就好lu :)
玩6日都好丫!!!

我想去好多好多地方玩呀!!!!!!!!!!!!!!!

>>January 2, 2006 at 6:29:02 PM GMT+8

2005 年 12 月 27 日 星期二 【暴雨】

好多o野想寫~
首先!係想問呀女king kong係唔係真係唔好睇,因為我plano左31號晚睇呀...

之後想講下我呢幾日o既行程!好忙呀好忙呀!d booking去到出年喇!但係仲未約得晒所有朋友仔
仲有d被遺忘無啦啦放o左飛機都唔記得....十萬個sorry...
話說我個大表哥o係LA番o左o黎...第一日我地就同o左呀表哥去沙田馬會會所洗塵
無見呀大表哥咁耐,知道佢發展得唔錯,不過真係無乜機會同佢傾計,我同佢爭兩年咋
唉...十年無見lu...大家都唔同晒

今日我正式參觀過沙田馬場o既會所,原來呢個五樓o既百俊廳真係超grand
o係入面食晚飯勁有氣氛,呢d先真係有錢人去o既地方,勁浪漫勁有格調,唔識形容...
好可惜...我都未入過去食飯...不過入面都真係一個人都無呢...
可能我番開馬場覺得馬場好多o野都好殘舊,就算係食中菜同攪model staff o既venue都唔覺有幾grand
原來上多兩層咁唔同o既...haha

今日...其實超級喉嚨痛...但係仲死o左入去西貢渡假屋燒o野食...
大家又玩交換禮物,唉...我都係無抽獎運啦 :(
而家...我個喉嚨想死咁...真係唔得佢死... :(

聽日
又要食一餐
又再交換禮物,請問係咩人發明交換禮物呢?我買o左起碼廿份禮物
用o左差唔多二千蚊啦~shit!
仲要勁食,食同食...唉...又肥啦會 :(

>>December 28, 2005 at 6:19:07 PM GMT+8

2005 年 12 月 24 日 星期六 【晴】

咁多個節日,我最愛o既就係聖誕節
因為我覺得聖誕節最浪漫...

聖誕節最好就係同心愛o既人一齊過啦!
祝大家有一個快樂o既聖誕節!!!

唔開心!
今年無聖誕禮物... :(

************************************************************************************************************

睇o左harry porter,我真係覺得超級好睇!
完全唔覺得過o左2個半鍾
而且全無廁所位!亦無悶場!
雖然我個part-time話好多人覺得harry porter好悶而king kong好好睇
但係我都會極力向大家推介"harry porter"!!!!

而x'mas要聽o既歌
一定係唱K必唱o既eason曾幾何時一首好好聽o既悲歌"lonely x'mas"
但奉勸自己一個人過o既男仔一定唔可以聽呀!!

聖誕假期都要番工....真係好可悲 :(

>>December 25, 2005 at 5:39:34 PM GMT+8

2005 年 12 月 10 日 星期六 【晴】

今日...同琴日一樣...放o左工之後留低做o野...今日好d...有人陪
點知,有個夜更o既組長(呢個平時無咩兩句)行埋o黎比o左粒金莎我食
仲同我講"你琴晚又咁夜今日又咁夜你食o左晚飯未呀?"
頓時好感動...真係完全愛上o左佢...粒金莎...講笑 :p

今日我d part-time問我想要d咩聖誕禮物,我先記得原來聖誕節就o黎到
反而係我老細叫我幫佢買聖誕咭我都無為意係聖誕節--->你話有無攪錯?
by the way,私人秘書咩?叫我幫佢買聖誕咭?有無攪錯!-->雖然我最後都係叫我d part-time幫我買
可能我d part-time都心諗"私人秘書咩?叫我幫佢買聖誕咭?有無攪錯!" haha

不過話時話...咁多個festival我最鍾意christmas,因為覺得好似好浪漫咁
最開心係收倒好surprise o既聖誕禮物!! 唔知今年有無呢?唉....應該無啦...年年都surprise就唔得啦

諗起聖誕就諗起放假,諗起放假就諗起朋友仔
好想知我個anthony而家情況究竟係點,有無人可以話我知呢?
佢都就o黎生日喇~呢個我記得!咁我地幾時見面呢?
幾時可以一齊去旅行呢?
小龜個筆試點呢?好擔心你呀!呢個無得出貓o架!!
tracy個"coflict of interest"又點呢?
ron先生個絲綢之路又點呢?
呀女個口又有無大到呢??-->得!!唔好講我個額....
好想見呢??

收到個驚人o既消息,有個好朋友又話要resign了.......
只係淨番好多d唔係朋友o既含lin怪!!

>>December 11, 2005 at 5:37:49 PM GMT+8

2005 年 12 月 5 日 星期一 【乍雨乍晴】

哈哈~又係好耐無上過o黎寫OD喇...因為...好忙...但係有d o野一定要寫!

03/12係跑馬o既日子~不過我唔洗番工!好開心~個感覺好爽!!
唔好講咁多o野,入正題先~

話說當晚12:00一班爛玩的人齊集在登龍街某間pub
我同龜姐雙雙赴會!入場只見基哥已經醉醉地,開心到通場飛,比人係咁隊酒
略串的呀嫂(記憶中係高高的,廋廋的,哨哨地牙,輕輕濃妝但係真係態度欠佳又串實實的!)--->
講講下除o左廋廋的之外好似話緊我自己!!哈哈~
言歸正傳...略串的呀嫂一心護基,人地想隊佢o既時候完全係有架子呀!串到比我係o個條友會車佢一巴~
不過...在場的觀眾都各有各玩...

最開心係見番一班玩得之人,有高大靚仔為人師表的"系mic"廋o左斯文靚仔o左的串實實老師"豬gap"
勁型的金傑仲有係估佢唔倒的斯文rono...仲有一個我無咩留意(但可能有人勁留意)又好似孫耀威o既"如花"
在場有三個係中學教師喎...但係...最粗口最多煙酒o個幾個就係我地o既老師團! shit!

純情的我因為唔識玩"幸運骰",o係猜partner時狠狠地被gap聰歧視...
仲要係o個d所謂芝華士係溝晒綠茶同冰勁稀...我一向唔鍾意飲酒,但係我唔會咁而醉的!
仲要係好煙霧迷漫...頂佢對眼流晒眼水...

最開心係聽呀金傑講起佢之前o個日同人地一齊搭泥鯭的o既時候因為口角之後落車打交o既故事
經典呀!佢贏晒!好型!但好好笑!多謝金傑o既分享~
過o左無耐...我就走o左lu...

其實呀主人家一早已經"lum"o左...無晒癮...

最奇怪係"系mic"知道我o係OD寫佢D野,又同我講o左d好玄妙又關於威記o既說話
最奇怪o既係威記已經無將佢同佢學生o既web page post出o黎...
其實我好想睇呢....

>>December 6, 2005 at 5:34:35 PM GMT+8

2005 年 11 月 30 日 星期三 【晴】

哈哈~好開心~因為今日筆試成功了!!
但係...仲有一個好艱難的test等緊我....為o左我o既前途我要加油喇!

近排有個friend蜜運成功,真係替佢開心,不過個故事o既簡單直接程度簡直令人嘆為觀止
哈哈,原來緣份要o黎係咁易~(其實要走都好易呢~)
分享o左大家o既睇法,conclusion係"講就易做就難"
可能我o既思想仲好細個啦~
又或者係佢地好老啦~hahaha有一個係呀龜~當然好有呢方面o既experience啦~lalala

今日考完一個試,今晚又要溫第二個test喇!唔係唔得呀o麻...已經比人笑喇...
仲辛苦過番工!

下次希望路試都會咁成功啦...

今日好開心 ^^

>>December 1, 2005 at 2:46:00 PM GMT+8