2006 年 5 月 24 日 星期三 【晴】

休孖day :)

>>May 25, 2006 at 4:57:01 AM GMT+8

2006 年 5 月 8 日 星期一 【晴】

點解??
我究竟做錯o左d咩?
點解個天要咁對我??!!

又話五月會開心d o既?
點解五月都係咁o既?

有無攪錯呀?
可唔可以幫下我呀?

>>May 8, 2006 at 4:49:02 PM GMT+8

2006 年 4 月 28 日 星期五 【乍寒還暖】

今日比我知道o左一個大秘密....(真係一個???)
真係人神共憤...忍唔住打電話話o左比我d好同事知
但係都未令我釋懷
好過份好過份好過份呀!!!
如果你都想知...就打電話比我問我啦...我一定會將呢d咁唔公平o既事話你知!!!

好唔開心呀!!!!唔公平呀!!!!

simon....對唔住...係我唔好...你唔好怪我啦~
一日最衰都係henry!!!!我憎死你呀!!!

好~
我講過...唔開心係成個四月唔開心o者
五月我要換個全新形象
開心番晒!

虎仔~
多謝你!!!
當全世界都係bad news都有你比d good news我!! (有無呢??)

今日係28/04
仲有二日....

>>April 28, 2006 at 5:01:26 PM GMT+8

2006 年 4 月 15 日 星期六 【乍暖還寒】

呢幾日o既天氣真係飄忽,無啦啦又咁凍...真係唔知點解....
今日係星期日,又咁o岩係復活節假期,而我今日又可以放假...
好耐無試過一家人去飲茶喇~
好開心....雖然都係好普通o既一餐茶...但係我真係好耐都無試過喇...

之後同屋企人o係沙田行街街...
話說我媽媽就o黎生日,又話想換錶,身為孝順女o既我當然同佢睇錶
最後買o左隻我同佢都覺得靚p既錶送比佢生日禮物...
用o左好多錢呀今日~
又請飲茶又買禮物...千九幾蚊呀!!!
不過...賺錢就係想買o野"乙水"自己錫o既人開心
所以我會花錢買o野送比我錫o既人 :)

好幸運地
聽日我都放假
好relax
真係有唔想再番工o既感覺....
每一次我連續番幾日0900要早起身o既時候呢
我就o係度諗緊我幾時可以唔洗做
早起身唔係為番工係為湊仔呢?

>>April 16, 2006 at 4:23:27 PM GMT+8

2006 年 4 月 6 日 星期四 【晴】

好耐無寫日記喇~
唔通...連我都忙到無時間寫日記?

近排都發生o左好多開心o既事
最開心o既係我考倒車牌喇~~~~~~~
yeah!!!!!!!!!!
仲要比呀龜串我...以為我實唔得!!
仲有我honey...佢就想!!仲有死人henry仲同人賭話我一定唔合格
佢條衰仔!!衰人有衰報,等我都o係度咒佢今日o既interview唔得先!!!!

我唔鍾意4月
因為4月人人都放好長o既假...
讀緊書o既仲係清明連easter一齊放
咁多假放...去十幾日旅行唔知幾爽!!
但係我做呢行...紅日就更加忙喇....

唉...
當我放假o既時候,身邊所有人都番工
到所有人都放假o個陣,我又要番工...
好似聽日咁...又番0830喇...星期六...好多人都放假
但係我就鬼咁早要起身...

我唔制呀!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

>>April 7, 2006 at 3:17:43 PM GMT+8

2006 年 3 月 26 日 星期日 【暴雨】

唉...
人真係要到無o左一樣o野o既時候先識得珍惜
好似而家我個situation咁
有時又覺得自己條team番咁多人唔知做咩...晒錢又無位做o野
但係而家先知...原來係永遠都唔夠人
因為佢地真係做得好慢...

原來呀don係咁重要...
無o左佢我真係無o左對手...
真係爭好遠...
唔怪得之有人話一個人o既value係要o係佢放假o既時候先令人最清楚
平日佢雖然傻下傻下
有時又走去hea左唔知去邊
但係...佢做o野等於特效必利痛...快五倍!!!!
佢hea佢玩佢食o野一定係手頭上o既o野做晒先hea
所以佢hea得o黎我又真係話唔倒佢...

但係我好憎o個d之前o係度hea呀傾晒計咁
收工o個時又交唔倒功課又OT晒咁
仲要係講廿次都唔明都係錯晒
少少o野就打o黎問(人地放假唔係0900打比人問下話!!)
不過算!!我係呀姐!佢地所有o野我都好緊張
因為佢地任何一樣o野做錯我都瀨o野...
我大佬一定"Barbie, please review and report"
呢句係我入o左呢個center之後收倒最多o既e-mail!! shit!!!

唉...
今年o既performance review又o黎喇...
今年呀哥唔同o左,上兩年就真係好高分....唔係都升唔倒啦....
但係今年條友仔肯定唔比高分我啦,我成日頂佢咀...
咁我今年o既bonus無望啦....:(
唉...一講番工就唔開心.....無mood喇...唔打喇!!(其實係因為已經打o左好多所以唔想打:p)

>>March 27, 2006 at 12:42:52 PM GMT+8

2006 年 3 月 20 日 星期一 【晴】

究竟我自己係一個咩人...
連我自己都唔清楚lu...

自從星期六玩o左晚激o既之後
到今日都好似仲未回倒氣咁
有d唔舒服o既感覺
我都好耐無試過咁早番屋企同屋企人食dinner喇...
我話番屋企食媽咪即刻買o左好多好食送比我...
真係慚愧!!!

究竟我係唔係一個好o既supervisor
我自己都唔知
但係我發現我越來越長氣
同一個staff interview可以閒閒地用一個鐘
不過...
呢三個比我"長氣"轟炸之後
都由"勁唔順氣""勞勞嘈嘈"變為感激我同勁滿意我o既arrangement
無錯~我覺得最重要o既係溝通!!!
我份人係唔鍾意輸!!!太好勝喇...
所以我想其他人buy我個concept

其實咁樣都幾辛苦自己....

>>March 21, 2006 at 11:31:18 AM GMT+8

2006 年 3 月 12 日 星期日 【乍雨乍晴】

死梗~
而家睇呢個"大鬧廣昌隆"睇上癮
晚晚就等睇呢套o野唔訓覺...
再照下鏡
發現個黑眼圈真係大得過份....不嬲唔化妝o既我竟然被人話我唔化妝個樣好殘...
唉....灰o左... :(

唔知大家會唔會有發夢o既習慣
唔知點解我差唔多每日都會發夢
仲要係好得意o既
夢入面o既o野有d醒番仲記得
有d會唔記得o左
我有時想搵個人幫下我解夢
因為實在咩都有....

不過如果o係我夢中出現o既人
我都會好愛佢...一日咁多
haha :)

點解係夢唔倒黎明呢?shit!!

>>March 13, 2006 at 5:32:19 PM GMT+8

2006 年 3 月 2 日 星期四 【乍雨乍晴】

嘩~~~~~我唔制呀....我又仆街喇!! --->唔好以為我講粗口,我最憎人講粗口的! :p
仲要係同上次仆街一樣o個條路,o個個位...仆低o個陣都係做同一樣o野...就係望下有無人見倒...
可能因為條路真係太靜...永遠都無人....
上次整親左腳,今次整親右腳...唔好話我唔公平喇!!!
今日仲發炎tim...個膝頭哥好熱咁...

呀Don姐話我咁大個人永遠都係咁論盡,一定要有個人24小時o係身邊照顧我咁話...
結果...m痛佢迫我食藥,買暖貼比我,我仆街佢就迫我消毒,買埋紗布比我
真係好似一個超級溫柔體貼o既"男朋友"咁...

我記得我當初同佢講話好唔明點解有咁多女仔會鍾意TB,仲同佢鬧晒交咁話男仔同TB好唔同!
有D o野係TB做唔到但男仔做得到!
諗諗下...可能佢都有佢道理...有好多o野TB做倒但係男仔做唔倒~

唔好誤會...我絕對唔會對TB有興趣~
但係我都覺得好o既男仔(仲要無女朋友o既)真係死晒...令到咁多les.....出現
好男仔??
唔煙唔酒唔賭唔睇波唔睇四仔唔大男人...細心,有情趣,有上進心o既男仔...仲要睇得上我
唔會咁易比其他女仔引誘,唔會咁快唔愛我,唔會嫌棄我o既缺點....
你話...幾難搵?

可能遇唔倒....緣份o既o野好難講...
可能遇到但唔識珍惜...人...總會o係失去某一樣o野o既時候先識珍惜
可能貪新忘舊,想追求更好...點會有追完的一刻?...最後卻發現原來最好的一早就出現...卻放棄了...
可能遇上過,但卻捉不住....最美麗的東西永遠最難捕捉!
可能想緊緊捉住...卻令對方透不過氣...

有太多的可能
有太多的無奈
開始覺得人一出生就要面對無限o既煩惱直至死一刻
究竟人生有咩意義呢?

唉...由仆街衍生到人生的意義,你話係唔係離晒題丫?
呢篇日記唔合格呀!

>>March 2, 2006 at 5:38:19 PM GMT+8

2006 年 2 月 27 日 星期一 【雨】

真係唔寫日記都唔得...
因為連我都實在太開心了~

點解我咁開心?因為我honey結婚喇!!!

真係好老套但好成功o既求婚
但係又真係好令人感動!!
恭喜晒~

雖然下年先到...但係真係好令人期待
多謝你搵我伴娘喎~不過你唔怕人地話我仲靚過個新娘咩??
真係連我自己都好開心...好緊張...
又有d唔捨得喎...
咁以後我honey唔得閒陪我行街去玩啦...

今日我個腦入面不斷o係度諗緊...點樣為佢攪一個佢一世難忘o既婚禮呢?
我一定要攪喊佢!!!!!!!!!!!!!!
任何人有任何大計請私I底下話我知...多謝~

honey~
我愛你呀!!
我唔捨得你結婚呀~
我永遠都咁愛你o架!!!

點番首今日勁聽o既金曲過你...姊妹

聽過你太多心事 但已經不再重要
眼見你快做新娘 做蜜友的真想撒嬌
我與你太好姊妹 為你竟哭了又笑
時裝都棄掉 穿一世婚紗算了

唯求好姊妹 抱我一抱
唯有我聽過你對我哭訴
蜜運後又離又合 苦心得好報
有聽你勸告 不要計數
他錯了要故意扮成糊塗
終於你守得到怎麼我和我的他 忍不到

每當我愛到跌入漩渦 將錯就錯 關係亦出錯
我總太愛人 逼到愛人 變做朋友再變生疏
若我說我願意誰在乎過 你知道那答案快提示我
分半點福氣給我 不准留低我一個

我信我有這一日 伴侶肯專注待我
每晚也固定安樂 像俗語講開花結果
卻怕我愛得轟烈 沒信心可以渡過
情感可錯贈 婚紗照不敢拍錯

若我說我願意誰在乎過 你知道那答案快提示我
總有天親耳聽到 我愛侶對天宣佈
生與死都愛惜我 我要講

總有天找到一個 真的值得我


祝你永遠幸福快樂!!~~

>>February 27, 2006 at 4:55:23 PM GMT+8