2003 年 6 月 1 日 星期日 【晴】

呢幾日圍繞住我身邊好似發生ｏ左好多事咁．．．
好似我正決定去唔去倒日本啦
出ｏ左成績啦～
ｔｒａｃｙ姐撞車啦－－＞仲要係比關淑怡撞親．．．都唔知問唔問佢拎簽名好．．．
ａｎｔ先生比星探發掘啦－－＞救命！詳情可上佢ｏｄ睇一睇！
有個鄰居出殯啦．．．
好似好多ｏ野發生ｏ左添．．．

繼台北晚９朝５之後，我今日睇ｏ左毒自美麗
台北晚９朝５呢套戲真係好適合中大人睇－－＞其實港大可能更適合
因為戲入面ｄ主角就係晚晚都去癲番晚，成班ｆｒｉｅｎｄ出去一間相熟ｏ既ｂａｒ　ｏｒ　ｄ玩～
個感覺就好似ｄ住宿ｏ既大學生，晚晚都係不夜天，夜晚就玩，朝早就走堂
好似好頹廢呁，但係佢地都幾開心ｏ既．．．或者時下ｏ既年青人就係咁ｏ架喇～
不過如果有一班成日可以周圍去玩ｏ既朋友都唔係太差ｏ者．．．
只係你唔會有咁多青春可以比你咁玩法ｌａｗ．．．
講三級呢套又唔係真係話咁三級，係露下ｏ者．．．

毒自美麗．．．睇完好似無睇過咁．．．
都唔知有咩好講．．．
正如我琴日睇ｏ既ｍａｔｒｉｘ　ｒｅｌｏａｄｅｄ一樣
咩都唔識講．．．
因為好難．．．ｄ英文好難，講得好快，ｄ　ｔｅｒｍ好ｔｅｃｈｎｉｃａｌ
睇字幕你會仲ｒ頭．．．正如你將ｍｏｕｓｅ譯成滑鼠一樣咁奇怪！

>>June 2, 2003 at 3:16:30 PM GMT+8

2003 年 5 月 31 日 星期六 【晴】

多謝小拜仁接我放工～好感動呀！

６月１日一定要分開寫ｏ架～
因為今日係我番工ｏ既大日子～
大日子唔係因為要番工，而個重點亦都唔係因為要番工
重點係放工．．．
因為．．．竟然一放工就成個小拜仁企ｏ左響我面前～
好開心好開心呀～小拜仁接我放工呀～好似自從佢ｒｅｓｉｇｎｏ左馬會之後都未試過喇．．．
有人接你放工個感覺真係好開心好溫馨好感動ｏ架～
仲要佢原來係閒逛ｏ左５個鐘等我放工．．．真係超開心呀～
之後佢要姐姐請食雪糕補番數～ｈａｈａ
去ｏ左ＵＡ買飛～點知個呀姐英文都唔識聽，我只係輕輕用英文講ｏ左個戲名ｏ者．．．
佢就用英文同我交談，好可惜我係想買ｎ位佢就比ｏ左ｍ位我．．．過份！
唔係情侶位ｏ既ＵＡ係唔好坐ｏ架～
因為龜姐之前講過睇呢套戲係要睇到最尾ｄ字幕過晒黎睇第三集預告
咁我就等啦．．．等ｏ左勁耐ｌａｗ
我想話真係一做完就成間戲院ｏ既人走晒～淨番我同小拜仁同另一對情侶．．．
個個都好似唔知有得睇預告咁．．．但係我地等到ｄ打掃ｏ既人都走晒都未等倒～
再猜ｏ左唔知幾多次十五二十先等倒～ｈａｈａ
之後食ｏ左個飯，我日日都食菜菜．．．差ｄ比小拜仁鬧我減肥．．．
好彩睇戲ｏ既時候我狂食薯片－－＞你覺唔覺得ｄ薯片甜甜地？ｈａｈａ
原來放ｏ左工之後仲可以咁開心ｏ架喎～

>>June 2, 2003 at 7:03:12 AM GMT+8

2003 年 5 月 30 日 星期五 【晴】

好多日無寫ｏｄ喇．．．
好似有好多事發生ｏ左咁．．．
先由星期五講先啦～

星期五我同龜，ａｎｔ，ｗｉｌｌｉａｍ同ｔｅｒｒｅｎｃｅ去ｏ左加太賀食晚飯～
雖然食ｏ左ｄ覺得唔係好好食ｏ既ｏ野，不過都好開心ｏ既
我地食ｏ左個海陸空！我發現真係好大好誇張－－－個死人碗．．．
我覺得ｏ個日好似真係好開心咁．．．
因為全程都係不停地笑～
之後就去ｏ左旺角坐低飲下ｏ野傾下計．．．都笑得幾開心～
　　

星期六．．．龜姐晨早打電話比我
話比我知出ｏ左ｒｅｓｕｌｔ，好緊張咁開ｅ－ｍａｉｌ　ｃｈｅｃｋ
真係等ｏ個下極度拗底ｏ架下．．．好在都考得幾好～ｈａｈａｈａｈａｈａ
同上次一樣～我真係發現．．．書係你越唔讀就越高分．．．：ｐ
考得咁好，梗係第一時間話比ｄ最重要ｏ既人知啦～～～

之後龜姐剪頭髮，剪完就輕輕行ｏ左一陣，佢就要番屋企喇．．．
咁我就響街度自己行ｏ左一陣等小拜仁打電話比我喇～
點知佢話佢場波８：００先打完．仲要係響ｃａｕｓｅｗａｙ　ｂａｙ添
結果．．．等ｏ左佢好耐啦．．．兩個人勁支力咁．．．
見倒面食完個飯都好似好夜咁喇．．．
所以就決定ｏ左唔番屋企～～

>>June 2, 2003 at 1:03:46 PM GMT+8

2003 年 5 月 30 日 星期五 【晴】

　　

唔好以為個海陸空好大碗呀～
不消數分鐘就比兩個David wong食晒．．．勁！
我都係覺得冰火－－＞唔好以為係衰ｏ野，冰火活鰻好食ｄ～ｙｅａｈ！
好開心呀ｏ個日真係！！！



>>June 2, 2003 at 1:02:55 PM GMT+8

2003 年 5 月 28 日 星期三 【晴】

今日同ｏ左龜龜出去交流呀～
事緣係佢本身約ｏ左豬ｇａｐ幫佢整電腦，點知話條死仔前ｏ個晚打通霄麻雀喎．．．
咁無ｏ野做就出去食個ｔｅａ，睇下書，坐低飲下ｏ野咁勁悠閒．．．
難為小拜仁今日開會忙到我打ｏ左十個電話比佢佢都唔得閒聽．．．

我係輕輕想去呢個日本旅行ｏ架下．．．
不過係同shirley li and shirley li's friend去自由行ｏ個隻ｌａｗ～
問ｏ左小拜仁比唔比，佢話原來佢都想同我去日本玩～因為佢知道我鍾意．．．
頓時唔想而家就去ｏ既感覺～
我問佢我去旅行佢第一個反應會係點，我ｅｘｐｅｃｔ佢會話輕輕會掛住我～
佢竟然話"記住買手信比佢．．．”唔買比佢我會買比邊個呢？傻豬～
真係比佢激到我ｂｅａｒ一聲～
唔知成唔成行呢～都係同小拜仁商量下先～
我係問ｏ左小拜仁都未問我ｄ屋企人ｌａｗ～好似佢主宰ｏ左我ｏ既一切咁～
不過如果佢話怕我會有危險我就唔會去！我講真的～老公仔ｏ既說話一定要聽～～～

今日最興奮ｏ既事係收倒小拜仁ｓｅｎｄ比我ｏ既ｅ－ｍａｉｌ
雖然係一封短短ｏ既ｅ－ｍａｉｌ，但係係佢響番緊工百忙之中寫比我ｏ既
我睇完之後好安慰～
詳情已經寫ｏ左響ｉｎｆｏ～因為我覺得我ｏ既幸福應該同我ｏ既朋友仔分享～

呢幾日其實同小拜仁ｏ既溝通唔係咁多，因為佢日日都要ＯＴ
但係我依然好ｔｒｅａｓｕｒｅ每一個同佢ｃｏｍｍｕｎｉｃａｔｅ既ｍｏｍｅｎｔ
星期日見倒我一定會鍚番佢～佢咁努力做野賺錢養我～ｈｅｈｅｈｈｅｈｅ
黃又南先生剪ｏ左頭髮我都未見過呀！！！
話時話，我今日同龜響元綠食ｄｉｎｎｅｒ見倒ｓｈｉｎｅ個ｍｔｖ都輕輕真係覺得ｂｒｉａｎ似又南～
不過ｂｒｉａｎ靚仔好多～ｈａｈａｈａｈａｈａ

死啦～
好ｈａｒｄ　ｓｅｌｌ添而家我．．．

呀龜～你唔好嬲呀～
你始終響我心目中ｏ既位置都好高ｏ架．．．輕輕低過ｂｒｉｎａ啦～
因為我地見得太多喇．．．你唔好唔開心啦～下～


>>May 29, 2003 at 6:16:31 PM GMT+8

2003 年 5 月 27 日 星期二 【晴】

ｓｏｒｒｙ　ｓｏｒｒｙ～
琴日無寫到ｏｄ．．．

不過．．．
琴日比起塔門之旅真係無ｏ野好寫．．．
不如花多ｄ時間睇下我塔門之旅仲好～ｈａｈａｈａｈａｈａ

經過兩日休息之後我同我ｄ朋友仔都已經ｒｅｃｏｖｅｒ左喇！
而家好期待下一站．．．東坪洲之旅～
不過．．．因為只係響星期六日先有船入．．．我真係想同埋小拜仁一齊去呀～～

呢排勁見倒呀龜，仲係晚晚ｉｃｑ　ｏ個隻
見佢ｏ既時間仲多過小拜仁
我又ｐｌａｎ住同佢去個旅行．．．
大佬～佢會唔會愛上ｏ左我呢？真係有ｄ拗底．．．

我想去日本呀～唔知成唔成行呢？

>>May 29, 2003 at 7:43:00 AM GMT+8

2003 年 5 月 26 日 星期一 【晴】



我好叻女呀～我地好叻叻呀～琴日我同好朋友仔一齊去ｏ左塔門郊遊～
塔門響邊？響一個好遠好遠ｏ既地方～
我地相約ｏ左１１：００響西貢等～估唔到個個都準時到達～
響未到達之前，竟然比ａｎｔ見倒我地個好組媽－－＞ｉｒｅｎｅ－－＞呀女～你仲記得佢ｏ麻？
竟然比我地發現ｏ左佢同我地一樣去郊遊．．．不過佢就同佢爸爸媽媽
最邪係我地個目的地係無咩人會去啦，但竟然同佢地一齊去ｏ左
係成個島得大約四組人去郊遊，佢同我地係兩組喇．．．．

好～講番個行程先～
１１：００到達ｏ左之後，我地就去ｏ左百佳買ｏ左ｄ野諗住野餐～勁開心咁～
之後就搭巴士去黃石碼頭喇～果然係有路ｏ既地方就有９巴～
搭ｏ左半個鐘頭ｏ既巴士就到ｏ左碼頭，之後就等船入塔門．．．
當然唔上等啦～仲影ｏ左好多相．．．響塔門ｏ既時候ｄ水已經係超清喇～

　

之後我地約響１：００左右到達ｏ左塔門～
琴日真係天公造美，太陽晒到你ｘｘ都唔認得～不過我地都做足防晒ｏ既措施～～
開始跟住地圖行～行ｏ左一陣就上到去一個好靚好靚ｏ既地方～就係第一張相相ｏ個度～
青青ｏ既草地，吹到頭髮亂飛ｏ既海風，仲有勁靚又大浪ｏ既石灘
真係影ｏ左十萬張相都覺得唔夠～
我地就係響呢個咁優美ｏ既地方度享用ｏ左我地ｏ既午餐
大家都係十分之開心咁樣，雖然大風ｏ左少少－－＞都唔係少少，係超大！！
食完ｌｕｎｃｈ，我地就開始今日ｏ既旅程喇～
個亭就係我地ｏ既中心點～我地先向左行落ｏ左石灘先，之後再向右行．．．
我地發現ｏ左，響個刻度係收倒電話－－＞雖然我已經係”零格ｐｈｏｎｅ”
無論你向左行定向右行，好快就變ｏ左中國漫遊喇．．．

我地沿住草地上被人踏出ｏ黎ｏ既小徑，穿穿插插，經過矮叢－－＞係要好似鄭中基跳舞咁行先唔會整損～
上ｏ左一段本身已經覺得好斜ｏ既山路－－＞之後覺得不外如是！
終於到ｏ左一個平原．平原上除ｏ左草之外就係牛屎，超多牛屎．．．
唔知過ｏ左幾多個平原，我都唔知點解可以睇住個地人地圖自己搵路～
唔好以為可以好快搵倒條路，因為真係唔係咩行人路，係隱蔽得好過份，就算見倒都唔知係唔係路
上完好斜ｏ既路之後就要落番去喇～因為我地想去個石灘睇舊好奇怪ｏ既石．．．
ｏ個條死人又濕又超斜又暗ｏ既泥路．．．係如果無ｏ左ｄ樹幹都行唔倒落去
其實我地真係唔知ｏ個條係唔係路．．．曾經多次因為覺得好易死而想放棄
但係有外展經驗ｏ既朋友仔ａｎｔ同龜好似雄心壯志咁，我就咁就轄ｏ左條命出去～
響竟然無死同無拗柴ｏ既情況下，我地安全到達ｏ左石灘－－＞比我行多次都驚！
大舊大舊ｏ既石灘唔好以為行得好易，真係差錯腳都會死～

正當大家休息ｏ既時候，一身唔係郊遊ｏ既ｔｒａｃｙ－－＞牛仔褲＋ｃｏｎｖｅｒｓｅ
竟然想掂下ｄ海水，ｏ個ｄ石頭其實係好冼，因為輕輕有青苔
我叫住佢唔好行話會冼低，條友仔好豪咁話”最多咪跌落水．．．”
話口未完就想行落去．．．點知冼ｏ左落水！
我係ｏｂｓｅｒｖｅ倒全個佢仆街ｏ既過程ｌａｗ，笑死我～

本以為已經見倒舊奇怪石，點知原來唔係．．．仲要爬過一舊先得．．．
結果真係用爬ｏ既方式過去，響爬ｏ既時候，因為真係太難爬ｏ既關係又曾經想放棄．．．
ａｎｔ響爬ｏ既時候跌ｏ左部相機，唔見ｏ左粒電，顯得極為心痛
不過係值得ｏ架～因為ｏ個舊石真係好奇怪～～～

影ｏ左好多相．．．之後又要行番條好難行ｏ既路．．．
用ｏ左２個鐘ｏ既時間又番番去個亭．．．係有命番到已經好勁～

帶住勁興奮ｏ既心情，我地繼續去埋右行搵疊石～
雖然係好支力好支力，不過都係轄ｏ左出去～
影完舊石，影埋海浪，我地就離開喇．．．
當然仲買ｏ左ｄ手信比媽媽啦～～～～～～

出番西貢，已經係７點幾ｏ既事，我地就搵ｏ野食，食完之後係狂飽
之後我地去ｏ左碼頭傾計，響度唱埋ｄ死人歌，之後去ｏ左滿記食甜品
就番ｏ左屋企喇．．．．
好支力！
不過好滿足～～～～～～
我覺得我好叻女呀～～～～～～～～～～

>>May 27, 2003 at 9:49:25 AM GMT+8

2003 年 5 月 24 日 星期六 【晴】

今日真係勁開心～多謝小拜仁呀～

今日係星期日～係我同小拜仁出街街ｏ既日子～
因為我病病ｏ既關係，所以都唔敢去邊玩．．．小拜仁話我係支氣管有事喎．．．
於是佢帶ｏ左我去沙灘度吸下新鮮ｏ既空氣，吹下海風咁話～～
結果我地先去ｏ左淺水灣，ｏ個度已經有超級多人，仲有好多比堅尼女士．．．
我同佢一齊望ｏ左好耐，真係有ｄ勁索ｏ既女仔，當然亦有好多係身材好好ｏ既醜人啦～
估唔倒我呢個女朋友唔單止容許男朋友ｇｕｐ女，仲幫手ｇｕｐ下有無正ｏ野響附近
有仲即刻叫小拜仁望多兩眼～ｈａｈａ
響淺水灣行ｏ左一個圈，我同佢講話明白佢用意－－＞減下肥等下次我又可以著比堅尼～
佢又話明白我咁幫佢ｇｕｐ女ｏ既用意－－＞係對自己超級有信心～ｈａｈａ
之後就正式踏上我地今日ｏ既目的地．．．南灣～

入到南灣發現真係無咩人．．．個場點都係靜ｄ啦～
我想話其實ｏ個度ｄ沙真係幼ｄ，ｄ水都真係清ｄ啦～
最開心ｏ既係佢ｄ好清涼ｏ既海水．．．令我身上ｏ既傷都好處得以復原．．．
好開心咁響海度跑黎跑去，又走番上沙度跑黎跑去～好舒服呀真係～
最攪笑係我掂下ｄ海水之後舔ｏ左一下之後個樣勁ｉｎｎｏｃｅｎｔ咁話好咸．．．
鬼咩～我真係咩都鍾意舔一下ｏ架～ｈａｈａ
只見小拜仁呆ｏ左咁望住我～ｈａｈａ～我實在太可愛喇～～～～
好感激佢揹我去更衣室呀～仲要係行沙灘咁揹．．．真係超級辛苦咁～
不過ｏ個度真係好舒服好舒服～～即刻咳少ｏ左好多啦～

出ｏ左ｃａｕｓｅｗａｙ　ｂａｙ，唔知點解今日周圍ｄ女都咁ｓｅｘｙ．．．
仲記得響ｒｅｐｌｓｕｅ　ｂａｙ有條女著ｂｉｋｉｎｉ，沿途ｏ既人ｏ既視線就落ｏ左響佢身上
出到去都係令我地目不轉睛，真係多ｏ野望喇．．．．
不過出番市區就咳到仆街．．．
食ｏ左個好開心ｏ既晚餐～唔知小拜仁係唔係真係鍾意呢？
我真係覺得個春卷好ｇｏｏｄ喎～你再叫我搵多一次我都真係會去ｏ左文輝～ｈａｈａ

食完ｏ野行ｏ左一陣，我地去ｏ左新開ｏ個間ｆｒａｎｃ　ｆｒａｎｃ度行
個ｓｏｆａ真係好好好好舒服．．．不過咁就２千幾真係痴痴地～－－＞好押韻喎～
之後因為太支力ｏ既關係就搭巴士番屋企喇．．．我真係響ｏ架巴士上面訓ｏ左呢～

番到屋企，我收倒一個驚人ｏ既消息．．．
我細佬竟然換ｏ左ｎｏｋｉａ　６１００．．．一個中三ｏ既死ｏ靚仔．．．
我即刻想掉ｏ左自己部已經用到壞壞地ｏ既電話
如果唔係情侶電話，我諗我真係會聽日就去買部勁ｄｏ既～～～～
好激氣呀～我老母真係偏心到死ｏ左～
佢錫我家姐係因為佢會比一半糧佢做家用
而我細佬呢．．．就係因為成日小我老母．．．ｉ　ｍｅａｎ鬧我老母
我媽媽又驚我細佬發爛渣喎．．．
唉．．．我係一個好可憐ｏ既細佬女．．．
最ｂｅａｒ係佢地已經幫我諗定我份糧會點分．．．
痴線，成家人都痴線ｏ架！！！

見倒我細佬部死人６１００就火滾～
可知我ｏ個陣時幾想買呢部電話．．．．
聽日趁佢番ｏ左學掉落地踩兩腳～～～～哼！！！！！！

>>May 25, 2003 at 4:41:37 PM GMT+8

2003 年 5 月 23 日 星期五 【晴】

好開心呀～呢度終於都可以２４小時比我入ｏ黎寫ｏｄ喇～
ｂｅｆｏｒｅ我今日ｏ既ｏｄ，首先要同龜姐講聲ｓｏｒｒｙ先～
不過其實Shirley Li都幾好聽丫～唔洗咁下話，我想話我比你地ｔｒａｉｎ到唔怕聽ｊｉｊｉ聲喇～

今日我都係如常地番工，不過我ｏ既咳咳好似嚴重ｏ左．．．
個人周身都唔係咁舒服，好辛苦～講ｏ野仲辛苦～成日都因為喉嚨痕而咳．．．
不過．．．當每一晚同小拜仁傾電話ｏ既時候，佢都會問我好番ｄ未
而我．．．又真係好似越來越唔舒服
唔舒服其實都有一個好處，就係你會知道你身邊有人會關心你喇～
聽見小拜仁話要捉我去睇醫生，又話好擔心我，仲話就算有ｓａｒｓ都唔怕，因為我係老婆仔．．．
就覺得即使我係病都病得好幸福～
佢雖然係有ｄ惡，鬧我飲凍野，食雪糕．．．ｈａｈａ好似ｄ老公公咁！
就只有佢一個會留意倒我ｏ既病情，關心我問候我．．．
連呀龜都無呀！！仲話好朋友．．．shirley li shirley li～～～

睇完ｏ左她比煙花寂寞之後，我問ｏ左龜借ｏ左毒自美麗
因為暑假無聊ｏ既關係，真係周圍借ｖｃｄ同書睇下，消磨下時間～
雖然呀龜借比我睇ｏ既ｖｃｄ會有ｄ文藝人ｏ既感覺
不過我又真係幾鍾意睇呢ｄ戲～雖然我好唔鍾意比人話我係文藝人！
識我ｏ既朋友仔都知我唔係咩文藝人，鬼唔知睇下笑片笑下開心ｄ咩～
但係你真係無理由自己一個人響屋企睇笑片．．．雖然我輕輕問龜借百年好合想睇下．．．
我都想睇百年好合啦～不過過年ｏ個排咩戲都無睇過．．．
咩chicago, the hours, catch me if you can, lord of ring II同百年好合我都無睇！
行運超人都係同小拜仁響佢臨落畫睇ｏ既．．．
我夠想比錢睇ｄ開心笑ｏ既戲啦～唔係一定要喊晒咁樣！
需知道我真係幾易喊＞＜

我真係覺得你自己一個人睇笑片無咁開心ｌａｗ
因為我開心ｏ既原因係見倒身邊ｏ既人開心，好大聲咁笑
我笑ｏ既係笑我身邊ｏ既人笑ｏ既樣．而唔關套野事．．．輕輕都關啦～
所以我好覺得自己一個睇劇情片，自己一個喊，喊完之後打電話比人鬧係最好ｏ既～
其實我真係有好多戲無睇過．．．唔知仲有咩ｇｏｏｄ戲呢？有無好介紹呀？

書方面．．．我響中大借ｏ左本書．．．
唔係咩等待董建華，而係李敏ｏ既愛情小說
點解唔借張小嫻ｏ既愛情小說而借李敏？？？
原因有二．．．
一）淨番一本我想睇ｏ既係賣海豚的女孩，我幾世前睇過
二）呀龜借ｏ左我又唔想借
而且我覺得張小姐ｏ既愛情小說係麵包樹上的女人最ｏｋ
之後ｏ個ｄ都不敢恭維．．．唔好話麵包樹系列ｏ既真係唔出好過出，破壞ｏ左第一集ｏ既完美～
而李敏ｏ既小說我鍾意佢比較短，唔會為想整長ｄ而夾硬整長ｄ
好舒服好好睇～～雖然文筆好似無張小姐咁靚．．．

花ｏ左個幾鐘乖乖地坐低睇小說ｏ既時間
我就已經睇完喇～書名係”新男友的舊女友”故事峰迴路轉
我推薦ｏ左比媽媽睇，個結局真係意想不到～
如果無聊ｏ既話真係可以借ｏ黎睇下，都有３粒星星ｏ既～

好～
等我借多ｄ書同ｖｃｄ，響呢個暑假睇多ｄ先～～

聽日約ｏ左小拜仁．．．
睇戲好唔好呢？
定係比佢捉ｏ左我去睇醫生呢？


>>May 24, 2003 at 2:49:59 PM GMT+8

2003 年 5 月 22 日 星期四 【晴】

ｈａｈａ！琴日簡直係經典．．．真係白痴到爆ｏ左．．．
話說琴日有個ｃａｒｅｅｒ　ｔａｌｋ響中大舉行啦～咁我同龜相約ｏ左一齊番中大
咁個ｃａｒｅｅｒ　ｔａｌｋ３：３０開始，我就約ｏ左呀龜３：００響沙田火車站等啦～
結果．．．當然係龜姐話要遲少少啦～咁就約ｏ左３：２０沙田等啦～
咁我又輕輕遲ｏ左一個字喎，所以就趕唔倒３：３０ｏ個班校巴啦～
我地上ｏ左３：４５分ｏ架校巴，上ｏ左本部－－＞個ｔａｌｋ響ＭＭＷ舉行．．．
咁上到去ＭＭＷ一開ｌｉｆｔ門就諗住入去ｌｅｃｔｕｒｅ　ｒｏｏｍ啦．．．
點知．．．我地見倒有人開門之後行出ｏ黎．．．而人潮係不斷咁出ｏ黎ｌａｗ．．．
望真少少．．．”ｙｅｅ！唔係響呢度咩個ｔａｌｋ？點解ｄ人行出ｏ黎ｏ既？唔係咁快完ｏ左呀？”
之後問呀龜點算啦．．．一場ｏ黎到行唔行入去拎番ｄ野呢？問唔問下ｄ同學仔呢？
但係好白痴啦，人地完場我地先到．．．都唔知點好．．．
呀龜就話．．．”跟住ｄ人潮走啦～無人知我地ｏ岩ｏ岩先到ｏ架～ｄ人以為我地響入面行出ｏ黎咋！”
如是者就跟住ｄ人潮諗住走啦．．．係笑到我地兩個仆街ｌａｗ．．．
點知就響呢個時候．．．眼前出現ｏ左一個人－－－好實，真係好實！好廋，好ｌｅｕｎｇ．．．
仲係咁黑，仲係著得好七，廋ｏ左好多，輕輕似菲傭～不過個樣依然好似以前咁，輕輕有１分姿色
形容ｏ左咁耐，無理由唔知佢就係我最憎ｏ既人啦～～～咁都比我見倒佢．．．
諗住呢一世都見唔倒！！真係好想中佢！！！！！

ａｎｙｗａｙ．．．之後我同龜就走ｏ左啦．．．
呀龜不停指責我．．．話我唔睇清楚時間．．．好明顯係２：３０開始啦～
不過我話好在我地輕輕遲一班車，我同佢真係早一步都死！
試諗下你一開門行入個ｌｅｃｔｕｒｅ　ｒｏｏｍ，之後講者話”好～今日到此為止～”咁咪仲瘀！
真係不幸中之大幸喇～ｓｏｒｒｙ呀龜姐～今次係卵疏忽～對唔起呀下～

之後因為無聊ｏ既關係．．．龜姐係由將軍澳特登番中大．．．ｈａｈａ！ｓｏｒｒｙ
之後我地出ｏ左旺角～呢個女人真係好利害，行到邊買到邊．．．購買力驚人！
行得支力ｏ左，又係坐低飲番杯ｏ既時候．．．
兩條女坐ｏ左成兩個鐘，交流切磋ｏ左一陣，ｈａｈａ都唔知邊個叫邊個做師父～
好ｆｒｅｅ呀～好鍾意呢種開懷地傾計ｏ既感覺，多人ｄ真係做唔倒～
雖然龜姐可能覺得我輕輕成日有位就入佢．．．不過咁先有情趣ｏ架～ｓｈｉｒｌｅｙ　ｌｉ～

之後１０：３０離開番屋企啦，我就搭火車，佢就搭ｍｔｒ
雖然都係灰姑娘，唔夠１２：００行番屋企．．．不過條路都真係幾恐怖
好在．．．我ｏ既最愛每一次都響我番屋企ｏ既途中打電話比我．．．陪伴住我行呢條咁恐怖ｏ既路
而佢都係用佢ｏ既手提打電話比我．．．簡直係燃燒自己ｏ既分鐘．．．
佢真係體貼又細心．．．成日都擔心住我～
我真係好愛佢ｏ架～下次我真係會忍唔住咀你ｏ架～多謝你．．．．呀龜！
ｈａｈａｈａｈａｈａｈａｈａｈａ


多謝shirley li～shirley li shirley li！好朋友ｏ麻！




>>May 23, 2003 at 3:15:53 PM GMT+8