2003 年 7 月 7 日 星期一 【晴】

日日都熱成咁，真係咩都溶ｏ左啦！
琴日因為我成家人都唔響屋企ｏ既關係，屋企就無開冷氣
而擺響我間房電腦木台上面ｏ既臘手亦因為抵受不住咁熱ｏ既天氣而溶ｏ左變ｏ左形
痴線ｏ架！！點可以熱成咁樣ｏ架！對臘手係我同小拜仁上個月先整ｏ架咋！
而家佢地已經”溶”為一體，真係溶到變ｏ左形呀！！＞＜”
唔知係心血來潮定係無聊ｏ既關係，琴日我臨出門口之前就同佢影ｏ左張相
可能因為咁岩入完南丫島ｄ相而個ｄ　ｃａｍ又響對手隔離啦．．．
而家仲有對手ｏ既遺照．．．


都係講番我個南丫島之旅先～
話說星期六我４：００去到中環碼頭，同小拜仁研究緊去邊搭咩船
之後見４：３０有班船去榕樹灣，咁我地就決定去榕樹灣先喇～
唔好以為南丫島無咩人去呀！係超多人呀！每一班船都係咁多人！
響暈船浪ｏ既情況下，小拜仁又照顧ｏ左我一程船ｏ既時間，好不容易到ｏ左南丫島
時間都不早了，搵ｏ左個地方落腳就去搵下個沙灘響邊喇！
點知原來要行去沙灘係非常遙遠ｏ既事，結果我地就折返，食個靚ｄｉｎｎｅｒ先～
去到南丫島就梗係食佢ｄ海鮮啦～唔洗講，當然係勁新鮮同好味啦～ｈｅｈｅ
食完晚飯之後就去ｏ左碼頭散步喇～
寧靜ｏ既碼頭就只得我同ｂｒｉａｎ兩個．吹住海風聽下ｄ海浪聲傾下計
真係同城市ｏ既生活好唔同，心境特別舒暢！！
真係覺得自己好幸福呀！！！
第二朝一早就去ｏ左沙灘游水喇，ｄ沙係極熱，水係清涼可惜不太清＞＜”
我就勁怕晒倒，ｂｒｉａｎ就勁想晒黑，佢就係咁游，我就任由海水衝激
又傻豬豬咁帶ｏ左泳鏡目及女．．．我係話我呀！
不過玩ｏ左一陣就要趕下一個行程喇～
由榕樹灣行去索罟灣，當地人話只需個零鐘ｏ既時間，我地就食完ｌｕｎｃｈ之後起程
烈日當空，我係查ｏ左防晒再帶帽再帶太陽眼鏡再出埋遮～
不過ｂｒｉａｎ就除埋衫諗住晒得靚ｄ．．．真係比佢激死！
好在ｂｒｉａｎ一路幫我拎住袋”行李”鬼死咁重又鬼死咁熱真係無ｏ左佢都唔知點算．．．
極熱ｏ既情況下我地係不停地買野飲同停低休息
之後去ｏ左另一個沙灘，ｂｒｉａｎ就晒ｏ左一陣太陽
晒完太陽就順住條家樂徑行番去碼頭喇～
仲比我地見倒神風洞，好鬼死攪笑呀！！！

除ｏ左見倒好多奇怪ｏ既石頭之外，我地仲見倒好多蜘蛛，係ｏｋ大隻ｏ既蜘蛛
仲有一條想向ｂｒｉａｎ襲擊ｏ既小蛇！
我地就好似ｄ探險家咁，抱住點都唔會死ｏ既精神
不過神風洞就真係無入到去
唔知係唔係真係可以入ｏ架呢？？？
我真係驚有蝙蝠咋～死人ｂｒｉａｎ又嚇我．．．

好愉快ｏ既週末
最愛郊遊！
討厭城市ｏ既煩囂！！
唉．．．睇黎我都係適合住響新界ｏ架喇．．．
雖然係熱又熱ｄ凍又凍ｄ
仲要花成個鐘先可以出到港島區番工．．．


>>July 9, 2003 at 8:49:10 AM GMT+8

2003 年 7 月 5 日 星期六 【晴】

嘩！真係好耐無寫過日記喇～
因為呢幾日都出ｏ左去又好忙ｏ既關係，所以連響屋企坐低寫ｏ既時間都無！

講番星期五先～約ｏ左呀女出ｏ黎玩～
都係不斷地飲飲食食ｏ既情況！講ｏ左好多ｏ野比佢聽啦仲！！
食ｏ左一個好ｅｎｏｕｇｈ既ｔｅａ，係無時間食ｏ野ｏ既情況
之後帶ｏ左佢去繪本店！死人ａｎｔ猛響度話蝕晒蝕晒！真係想中佢！
難得呀女買倒本佢想買好耐ｏ既書，行多兩級樓梯就覺得蝕ｏ左
真係比佢吹漲ｏ左！
龜姐出ｏ黎ｊｏｉｎ我地，行ｏ左一陣就去搵地方ｄｉｎｎｅｒ喇～
因為周圍都好多人ｏ既情況，所以我地去ｏ左無間道食
佢ｄ格局輕輕似和民，但係就唔係太好食
而且服務態度好差，結果係要龜姐發脾氣鬧人先有人幫我地埋單！
之後我地就各自歸家ｌｕ．．．

我亦都係要早ｄ訓啦
因為第二朝一早要去港島ｏ個邊ｉｎｔｅｒｖｉｅｗ
係８：４５ａｍ，即係我要７：００ａｍ起身啦．．．．
星期六人地仲約定小拜仁入南丫島ｏ架～
因為個ｉｎｔｅｒｖｉｅｗ既關係攪到我一出一入，來回港島新界，真ｂｅａｒ！

講番個ｉｎｔｅｒｖｉｅｗ先谷氣，ｗｒｉｔｔｅｎ　ｔｅｓｔ３個鐘，但係一ｄ都唔易
ａｐｐｔｉｔｕｄｅ　ｔｅｓｔ就預ｏ左係做唔晒
但係之後再黎多兩份ｐａｐｅｒ，就有如考緊ａ－ｌｅｖｅｌ既英文一樣
係ｓｅｃｔｉｏｎ　ｃ同ｅ兩份咁ｏ既卷，都唔明洗唔洗咁囂張
響之前ｏ個晚因為南丫島之旅ｏ既緊張而訓唔著ｏ既情況下
我係訓ｏ左４個鐘倒．．．絕對係惱閉塞ｏ既情況
做ｍａｔｈｓ既ａｐｐｉｔｕｄｅ　ｔｅｓｔ心算已經想死
唔好話要諗極難ｏ既英文．．．．．ｄａｍｎ！！！！
唔抱任何期望，都唔係話一定要成功ｏ既～

ｉｎ完就飛奔番沙田，１２：００放１：１５番到屋企
沖個靚涼食個靚飯執拾細軟就離開ｏ左屋企
踏上南丫島ｏ既旅程！
因為之前ｏ個晚超級唔夠訓ｏ既情況，所以輕輕覺得眼訓
因為呢個死人ｉｎｔｅｒｖｉｅｗ攪到我玩得無咁盡，真係好慘慘呀！！

南丫島之旅實在係太令人興奮喇～
而且仲好靚好特別，比起咩大嶼山同長洲真係唔同ｄ～
下期先再講！！
ｈｅｈｅ^^

>>July 7, 2003 at 5:12:53 AM GMT+8

2003 年 7 月 1 日 星期二 【晴】

一生人都係得一次ｏ既大學畢業聚餐
再唔係叫謝師宴，因為如果要請晒成間大學教過我地呢班畢業ｏ既學生ｏ既老師
真係十圍都唔夠佢地坐．．．

去ｇｒａｄ　ｄｉｎ，個個都著得好ｇｒａｎｄ好靚
當然化妝ｏ既有ｄ都化得好濃．．．不過睇下人地點著真係好得意
最正ｏ既真係ｖ領黑色連身裙＋LV小手袋＋Ｔ－ｂａｃｋ響我身旁ｏ既朋友仔
雖然係響日航呢間頹頹地ｏ既酒店，但係大家都著得好靚ｏ架！

最攪笑就真係唱番校歌同學生會會歌！無機會再唱ｏ架喇！
其實成晚大家都唔係為ｏ左食ｏ野，而係同好耐無見ｏ既同學寒暄下
知道有好多同學都搵倒份好工真係開心，仲知道有好多人已經脫離ｏ左ｋｐｍｇ既魔掌
張越華教授同我地講，崇基ｏ既同學平衡收番ｏ黎ｏ既成績真係比其他書院好
搵工都會易過其他書院．．．ｈａｈａ希望真係啦～

ａｎｔ講得ｏ岩ｏ既，大家雖然可能同一間大學畢業
但係其實大家ｏ既質素都好唔同，有ｄ可以搵倒份好工
佢可能只係你身邊ｏ既一個同你讀得差唔多ｏ既朋友，但係佢就搵倒好ｇｏｏｄ既工
係因為人地真係勁，英文好，又真係名校出身，原來真係咁大分別．．．

好開心中ｏ左份獎品，雖然只係崇基ｏ既一條ｔｉｅ
但係都好有紀念價值，我一定會迫ｂｒｉａｎ帶ｏ既ｈａｈａ
都唔知道點解崇基永遠都係同逸夫作對
琴日播ｏ既短片都係串逸夫ｏ既．．．雖然係好攪笑．．．
但係我都唔明點解要咁做．．．真係難為我係ｓｈａｗ菜．．．

食下飯，傾下計，笑下，八下，影下相就走喇
咁我就離開ｏ左中大，不過有人就以後以中大為工作地方！

之後就寺ｏ左坐低飲杯ｏ野喇～
等埋ｓｈｉｒｌｅｙ　ｌｉ出黎傾ｏ左一陣就已經係無火車番屋企喇
搵ｏ左好耐都搵唔倒我ｏ個架通宵ｖａｎ．．．幾拗底呀～
好在有ａｎｔ呢位體貼ｏ既男仕護送咁多位美女上車ｏ者^^
ｈｅｈｅｈａｈａ咁過ｏ左一晚，成班人聚下真係開心ｄ！！

見番好耐無見ｏ既同學，仲有院長等等．．．
個感覺好親切．．．
我知道玥無機會見倒咁多崇基人喇．．．．
三年真係過得好快．．．．＞＜
ｓｈｉｒｌｅｙ　ｌｉ唔去真係蝕呀！！

>>July 3, 2003 at 8:40:50 AM GMT+8

2003 年 6 月 30 日 星期一 【晴】

七．一大遊行．．．
唔知有幾多我識ｏ既人有去到呢？
可能有ｄ人覺得去ｏ左好戇居
又熱，又晒，又等鬼咁耐，仲要係無結果．．．

不過呢一個係我地呢一代人ｏ既共同回憶
因為呢一次ｏ既大遊行係好難得ｏ既一次
情況就好似之前ｏ既ｓａｒｓ一樣
都係香港人難得ｏ既共同回憶

我好記得ｏ個陣時去ｏ左外國ｏ既朋友都好似好慶幸ｓａｒｓ唔響香港
因為咁就唔洗驚中招，不過都要擔心屋企人同朋友ｏ既．．．
但係我真係覺得呢一役係好難得
除ｏ左成街人都帶口罩之外，見倒ｄ醫護人員仆心仆命咁真係好敬佩
ｏ個時有好多新聞專輯講佢地ｏ既響ｓａｒｓ既生活，真係感動到想喊．．．
呢個係香港人ｏ既共同回憶！！

七．一大遊行．．全港差唔多係十個去ｏ左一個
十個之中可能計埋ｄ小朋友同老人家．．．多數精壯ｏ既人都去ｏ左
當大家烈日當空遊行ｏ既時候，我正在人都唔多隻ｏ既尖沙咀．．．
見倒大專院校ｏ既學生咁支持呢一次遊行，我真係覺得學生會今次做得ｏ岩
平時佢地只係響學校反對咩反對學校開麥記，反對學生無份選院長同踢爆迎新營淫穢ｓｌｏｇａｎ
早知就參加埋響中大ｏ既最後呢一個活動，以大專生ｏ既身份去遊行
費事成日比人話大學生唔關心政治．．．

呢一次ｏ既共同回憶
我無份參加
參加ｏ左ｏ既大可以同其他有參加ｏ既朋友響將來講番呢一個共同回憶
但係．．．唔好同我講．．．

無去遊行ｏ既就只有睇下新聞報紙
感受下ｏ個種氣氛

>>July 2, 2003 at 8:02:55 AM GMT+8

2003 年 6 月 29 日 星期日 【晴】

琴日係星期日，除ｏ左係ｆａｍｉｌｙ　ｄａｙ之外仲係一個禮拜難得同拜仁拍拖ｏ既日子
不過當然我地都係訓到好晏先起身ｏ個隻啦～
為ｏ左星期三晚一個ｇｒａｎｄ　ｇｒａｎｄ地ｏ既ｇｒａｄ　ｄｉｎ
我真係苦惱緊唔知點著好．．於是叫小拜仁陪我去尖沙咀睇衫～
揀一件我同佢都覺得ｇｒａｎｄ既晚裝原來係好辛苦ｏ架～
頂！為ｏ左一晚又要買件靚衫．．．唔值！
一係就太暴露，一係就太貴喎．．．都唔知點算！
結果就係仲未買倒．．．＞＜星期三就係喇～點算呀？

之後我同ｂｒｉａｎ發現．．．我地成日去ｏ既地方竟然面目全非
咁點好呢？以後都無得再去喇～以後曾經我地成日去拍拖ｏ既地方無ｏ左喇！！
好唔開心呀～

聽日係７．１大遊行
又係大家放假ｏ既大日子．．．
唔知有幾多人會去遊行呢？？
我．．．就唔會喇～
輕輕著件黑色衫支持下啦！！

>>June 30, 2003 at 8:32:29 AM GMT+8

2003 年 6 月 27 日 星期五 【陰】

琴日係約ｏ左成班好姐妹出去ｏ既大日子～
本身係約ｏ左大家日少少ｏ既
不過呢個又話呢樣ｏ個個又話ｏ個樣．．．結果係出ｏ黎食個晚飯．．．

我係同ｏ左雯雯姐出ｏ黎先，去ｏ左以前成日放ｏ左學去食ｔｅａ既地方
之後就出ｏ左旺角喇～
明明姐同霖霖姐都準時出現～係莉姐麻煩到死ｏ左．．．
又係坐低飲ｏ野傾下計
不過兩個響外國讀書番ｏ黎ｏ既朋友仔講ｏ既ｏ野我同雯雯姐都聽唔明ｏ既
唔同ｏ既地方真係有唔同ｏ既事情發生
不過我絕對唔係好想去外國讀書
因為既然有幸可以響香港完成整個課程又唔洗ｓｉｄｅ屋企咁多錢供我去外國
其實已經係好好喇～～

之後因為９：００ｐｍ之後入座打邊爐平ｄ
所以我地ｈｅａ左好耐先入去食～
ｈａｈａ夏天打邊爐你都咪話唔熱呀～～～～
之後我地五個女仔大談男人經．．．ｈａｈａ
好難得先可以五個好朋友一齊同一時間有男朋友．．．
唉．．．都係黃小姐唔爭氣～ｈａｈａ

全程有好多爆笑ｏ野～
好似佢地成日講錯ｏ野比我捉住係咁入啦．．．
仲有人大聲話”壯陽苑”
有人勁大聲話”安全期”
頂！！！響旺角街頭幾多人望住晒呀～ｈａｈａ

不過．．．
真係好開心呀
中學同學都仲ｋｅｅｐ住咁ｆｒｉｅｎｄ～
ｙｅａｈ～

好～
等我ｕｐｌｏａｄ完ｄ相上ａｌｂｕｍ再叫大家睇下先！！！

>>June 28, 2003 at 6:14:59 PM GMT+8

2003 年 6 月 27 日 星期五 【晴】

聽日就有得見小拜仁喇～



>>June 28, 2003 at 6:14:44 PM GMT+8

2003 年 6 月 25 日 星期三 【晴】

超級開心呀～
話說琴晚我響屋企等緊小拜仁電話啦～
咁零晨十二點半左右佢就打電話比我喎！
佢話比我知佢仲響街啦．．．大佬，聽日晨早要番工ｏ架！唔洗訓咩？
咁我就想鬧佢成日都玩唔知時間番屋企啦～
點知佢就同我講：你而家落一落ｏ黎丫，我響你樓下呀！
唔係呀？夜麻麻個傻豬仲唔番屋企做咩呢？
二話不說就衝ｏ左出門口，都無理自己著住咩衫同埋個死人頭有無亂．．．
落到半路就見倒一個傻豬醋行緊上ｏ黎～睇見佢行到身水身汗咁．．．
問佢做咩咁夜坎上ｏ黎啦．．．
佢就話：我想見你一面ｏ麻！
ｌｕｍ死ｏ左．．．
之後佢因為要趕尾班火車又沖沖地走ｏ左喇～
望住佢個背影．．．我覺得好幸福！

今日同ｏ左ａｎｔ同ｒｏｎｏ出去～
死人ａｎｔ買ｏ左部新電話－－sony ericsson T 610～條死仔真係勁有錢！
不過響度玩下影相之後ｓｅｔ左做來電圖像都勁開心ｏ架喎！
不過唔好整ｏ左ｄ白痴相做ｗａｌｌ　ｐａｐｅｒ啦～好難頂呀！
試諗下．．．當我打比ａｎｔ既時候佢就見倒我個靚樣，真係仆倒接啦～ｈａｈａ
而某人呢．．．而家比我改ｏ左名做齊輯輯
想知道點解就要見一見佢真人喇～ｈａｈａｈａｈａ
我地去ｏ左紅螞蟻食ｔｅａ啦，點知有ｄ智障ｒ同學打爛ｏ左個水杯
仲飛到我成身都係玻璃～呢期仲唔係你智障？？
上次ｏ係ｐａｒｉｓ笑ｏ左我咁耐．．．ｆｌｏｋｅ丫～

不過最驚係隔離木台，響袋度拎一ｄａｐ銀紙出ｏ黎又唔知幾多十萬叫人數
頂丫．．．係咁拎出ｏ黎數望到我地眼都突晒．．．
係不停地有好多錢，痴線，勁驚～
之後係聽倒佢地應該係收數佬．．．勁驚食食下ｏ野有人尋仇！
我地已經諗定ｏ左呢埋響邊度避開ｄ子彈．．．頂～都唔知有幾多百萬響隔離～
其中一條友隻礸石介拍都唔知有幾多卡．．．．嚇死人喇～
好在智障ｒ字頭同學打爛野無整親叔叔ｏ者
唔係即刻拎支鎗出黎指住我地個頭呀．．．．．．．．．．

時間．．．唔知點解過得好快，玩下影相自拍都入夜喇喎～
弱智ｏ既ａｎｔ竟然唔記得拎番最重要ｏ既－－畢業相呀！！！！
全體畢業照呀～好想快ｄ拎番屋企呀！！！！！！！！！

今日真係唔經唔覺就過ｏ左．．．
可能太耐無見齊輯輯，所以不停地傾計不停笑～
ｇｏｏｄ！開心ｏ既一日～

唯一ｏ既缺點係我今日買ｏ既今期ｏ既六合彩一個字都唔中．．．＞＜
唔知ａｎｔ有無中呢？
我有兩毫子股份ｏ架．．．．

>>June 26, 2003 at 5:39:55 PM GMT+8

2003 年 6 月 24 日 星期二 【晴】

哈哈～趕番ｏ黎屋企就係為ｏ左響８：００前打好今日ｏ既ｏｄ～

今日好得意呀～我執屋ｏ既時候搵番初戀情人送比我ｏ既頸鏈呀！

話說我琴晚發ｏ左一個夢．．．
夢中我番ｏ左中學時代．．．所有地點同人物都係中學ｏ既人．．．
但係我個樣同髮型卻係今日ｏ既～
我仲記得響夢中我見倒一個我好鍾意ｏ既數學呀ｓｉｒ
我仲點頭同佢打招呼．．．一切就好似真係番ｏ左中學咁．．．好奇怪～

我記得ｏ個個課室門口！係我中七ｏ個時ｏ既門口
ｏ個陣唔記得ｏ左我係唔係班長喇．．．因為我中六我記得老師因為我成績好點ｏ左我做班長．．．
我仲記得ｏ個個課室有個洗手盆
我地成日都響ｏ個度玩水．．．
中六ｏ既文科班，只得唔夠十個男仔．．．更唔好講佢地係唔係高大靚仔了．．．
反而係響中一至中三就覺得學校有幾多靚仔～ｈａｈａ
ｏ個時最鍾意就係同班女仔放ｏ左學之後留響操場睇人打籃球
因為有好多ｆｒｉｅｎｄ都有ｄ偶像係打籃球ｏ既．．．
最記得有一次係黃小姐．．．大約係我中二啦～
ｏ個時黃小姐係全級數一數二ｏ既靚女～而家就．．．ｈａｈａｈａｈａｈａｈａ
佢ｏ既男朋友仔更加係我覺得全級最靚仔ｏ既！
不過．．．原來男ｏ既要離開香港讀書．．．我同黃小姐ｏ個時係好朋友
知道佢留響操場係想睇多佢男朋友仔幾睇．．．
我仲好記得我見倒佢望住男朋友仔ｏ個ｏ野深情ｏ既眼神．．．我就忍唔住喊ｏ左出ｏ黎
真係無聊～不過初戀仲係會令人懷念ｏ既～
佢ｏ既初戀就係中一中二開始．．．之後咁多年一直無人要－－＞ｈｅｈｅ
到ｏ左今年，終於都有人啃ｏ左佢喇～
不過．．．我ｏ既初戀並唔係發生在中學時代，而係響小六～ｈａｈａ

中學ｏ個段時間係好開心的，除ｏ左中五放假真係讀下書之外．．．
大多數時間都係玩啦～我地ｏ個時讀男女校ｏ既～我成日放ｏ左學都會留響學校目及仔～ｈａｈａ
不過．．．都唔及黃小姐跟蹤一個佢地覺得靚仔而係隔離學校ｏ既靚仔放學番屋企ｏ個下勁！
巧合地．．．佢地跟蹤ｏ既呢位靚仔，就係我初戀情人個呀哥！！
故事ｏ既發展簡直係不可思議～我其實好應該跟ｓｅｑｕｅｎｃｅ寫ｏ既！
不過為ｏ左吸引讀者，我決定之後再寫出ｏ黎～ｈａｈａ

我夢倒ｏ個位數學呀ｓｉｒ曾經我係幾咁仰慕佢呀！
可能我中三ｏ個年又係班長，而佢又係第一年入ｏ黎教書ｏ既關係
而且佢仲係我地呢班問題班ｏ既班主任，我日日放學都要搵佢報告班中情況～
佢後後生生斯斯文文，又超級好人，身上永遠有一ｄ香味～(ｏ個時開始鍾意聞ｏ野！）
ｏ個時真係同佢好似好ｃｌｏｓｅ咁～我生日佢仲送ｏ左份禮物比我添ｏ架～
其他同學仔都無ｏ架！我幾鬼死開心呀！
之後我同我好朋友霖霖ｄ　ｍａｔｈｓ又鬼死咁差
佢仲好人到成日放學之後同我地補數學！仲要係到中四中五唔係佢教我地ｏ既時候佢都肯呀！
可能就係由ｏ個時開始．．．我就鍾意一ｄ比較成熟，又比我叻ｏ既男仔ｌｕ～

而家．．．好耐無見過呢位呀ｓｉｒ喇～
佢都離開ｏ左我間中學ｌｕ．．．
唔知道佢知唔知道我曾經咁鍾意佢呢？

時間關係！
寫住咁多先～

>>June 25, 2003 at 11:58:20 AM GMT+8

2003 年 6 月 22 日 星期日 【晴】

哈哈～因為星期日同星期一都懶得寫ｏ既關係，所以無寫日記添～
而家補番先啦～因為我仲記得好清楚！

星期日係我ｌａｓｔ　ｄａｙ番工～
不過真係好唔開心，因為ｄ朋友仔番工ｏ既時間好唔同
為ｏ左唔遲得咁過份就唔可以一齊番工＞＜
我係番最遲ｏ既一個，咁諗住輕輕番早ｄ就番佢地啦～
點知等車等ｏ左十年，仲要係晒住等ｏ個下陰公～
結果響暴晒ｏ既情況下，我當日係全程塊面都好紅ｏ架下！！
番到去比我原定時間遲ｏ左，但係有人一早就番ｏ左ｃａｎｔｅｅｎ等我
仲係趕住走ｏ個隻！好在有好兄弟carmen同irene用可以食十個飯ｏ既速度食一個飯
輕輕幫我拖延ｏ左少少時間，咁佢地先等到我～ｓｏｒｒｙ呀！！

夾硬就同ｏ左佢地一齊坐，唉．．．最後一日番工，以後都唔知有無機會
所以我好努力咁．．．傾計！可能真係玩得太過份ｏ既關係
到真係聽ｃａｌｌ既時候都唔係好認真！
有條友打電話黎：戶口號碼１２３４５６”能”(零)－－＞忍唔住笑ｏ左．．
之後仲話：三重彩單”塞”(色)－－＞忍笑忍到我死ｏ左～
點知因為咁而幫佢落錯ｏ左，仲比佢問候兼ｃｕｔ我線～
唉．．．聽ｏ左大額咁耐我都好耐未試過咁樣喇．．．臨尾香添＞＜

ｏ個日除ｏ左係馬會勁狗比勁少時間你去廁所之外就係勁多ｃａｌｌ喇．．．
好在兩樣都唔關我事，皆因我係偷偷地去ｏ左佢都唔知ｏ個隻，仲要係無咩ｃａｌｌ
話咁快就放工，如常地等馬車，如常地幫定其他人排隊，如常地番沙田
我以為今次呀黃生會醒水ｏ黎接我放工啦～
我落車ｏ既時候就已經周圍ｓｅａｒｃｈ喇～佢上次都係唔知呢ｏ左響邊度等我啦～
點知．．．今次佢無ｏ黎到！有十個失望！
輕輕打ｏ左去佢屋企，伯母話佢同ｄａｄｙｙ落左ｃｌｕｂ　ｈｏｕｓｅ打桌球喎～
好ｏ野！扮傅嘉俊～
咁我就輕輕同ｏ左我ｄ同事去食下野喇～
最後一次喇～以後都唔洗番喇！！
番ｏ左兩年喇．．．
不過～今日收倒佢封信話要減薪．．．
ｈａｈａ！唔關我事ｌｕ～～

星期一
條衰公係自己去ｏ左睇ｂｅｙｏｎｄ演唱會ｏ架下！！！！
激死我喇！！！！！！！

>>June 24, 2003 at 5:28:23 AM GMT+8