2004 年 5 月 12 日 星期三 【晴】

聽日就去做義工喇～
我係一個良好ｏ既青年啦～～～

近排真係忙到飛起～
日日都好似唔夠訓咁．．．
黑眼圈又出番ｏ黎
真係唔知點算
月尾呀姐放ａｎｎｕａｌ
大鑊！！！！

而家已經做到殘ｏ左喇．．．
唉．．．
唔知人地會以為我幾多歲呢？

>>May 13, 2004 at 10:19:12 AM GMT+8

2004 年 5 月 9 日 星期日 【晴】

番工而家唔止番工咁簡單．．．

如果有公司比賽要去做啦啦隊－－＞好多ｏ野做都唔可以唔去！
如果有咩新ｏ野要切燒豬拜神都一定要到－－＞即使你放假
如果有義工做報名ｏ既話，能出席ｏ既都最好去啦～
漸漸．．．越識越多人．．．唔知道係好事定壞事呢？？

公司又有一件喜事喇．．．
就係有個同事要結婚喇！！！！！
好攪笑喎～
呢個男同事平時吊兒郎當，白白痴痴都竟然會咁早結婚．．．
不過其實佢都三十幾啦．．．

星期六．．．
黑色暴雨警告喎
人地番８：３０會７：４５先起身ｏ架ｏ麻
點知勁多人打電話比我問我洗唔洗番工
７：３０係第一個．．．不過都係咁我先知道係黑色暴雨咋．．．
諗住勁好心咁打比家姐話比佢知唔洗番工
（其實自己已經準備番，鬼咩，我咁鬼近，又實有同事番工喎，仲有人客一定會打電話ｏ黎，馬咪一樣會照跑．．．）
點知８：００就即刻變ｏ左紅色喇
對我ｏ黎講真係無咩特別
因為我已經準備黑色都番工．．．幾乖女～
不過番到公司先攪笑．．．因為竟然滴水．．．仲係老細房喎．．．
咩都濕晒，好攪笑．．．．

番ｏ左差唔多一年工喇
ｏ岩ｏ岩做完個ｐｅｒｆｏｒｍａｎｃｅ　ｒｅｖｉｅｗ
我無龜姐咁勇，我呀哥響２３：１５先搵我去傾我都無意見
點敢話走就走丫．．．．
結果做到２４３０
痴線～
其實唔係講ｏ左好多ｏ野
點解咁耐我都唔知～
可能我ｃｅｎｔｅｒ有ｄ同事更不滯啦～
佢完全都無點插過我～ｈｅｈｅ
證明我一定係做得好好啦～
ｙｅａｈ！！！！！

>>May 10, 2004 at 10:50:03 AM GMT+8

2004 年 5 月 1 日 星期六 【晴】

琴日係公眾假期，不過都要番工，因為有馬跑丫ｏ麻．．．
我呀～５月份ｏ既ｒｏｓｔｅｒ都未出呀～而家係一日問一日洗唔洗番工咋～
佢問我想今日番定下個ｗｅｅｋ番，我梗係想今日啦～因為有好多ｒｅｐｏｒｔ未攪掂呀．．．
點知有個同事又話想番喎，我份人咁好又點會同佢爭呢．．．結果就讓ｏ左比佢喇
之後就問ｏ左星期一洗唔洗番～又話唔洗喎～咁我ｄ　ｒｅｐｏｒｔ點呀？？
呃人地ｏ既．．．
不過呢個休孖ｄａｙ真係幾開心ｏ架
因為之前番ｏ左好多日其實都累喇～～～

月尾我就真係大檸樂喇～
因為我呀姐又放大假喇．．．
我就攪ｏ左個救救小芭比大行動
問晒ｄ　ｐａｒｔ　ｔｉme小朋友仔月尾番唔番倒工．．．
好驚呀～～～～

唉．．．
公司有個被陷害妄想症ｏ既人
真係好驚呀～～
好在．．．
佢而家ｏ既矛頭唔係指向我喇～

唉．．．
其實最無辜ｏ個個係我
ｄ小朋友仔怕ｏ左佢地就搵我過橋
你話死唔死丫．．．

>>May 2, 2004 at 10:35:21 AM GMT+8

2004 年 4 月 26 日 星期一 【晴】

本來呢幾日都開開心心ｏ既～
不過又有ｄ煩惱纏繞緊我．．．

番ｏ左工都未夠一年，真係未識得睇其他人ｏ既面色
又唔識得點去對一ｄ自己唔鍾意ｏ既人
最難ｏ既係ｏ個ｄ仲係高你幾級ｏ個ｄ
你係對佢好不滿呀
不過人地又大過你喎
你同佢過唔去即係同自己過唔去ｏ者
但係我又唔想好假咁樣去擦佢地鞋
有時真係好難頂ｏ架！

我響處理呢ｄ關係ｏ既時候都仲係十分之幼稚
有一ｄ真係犯眾憎ｏ既人係唔知自己犯眾憎ｏ架喎～
仲鬼死咁麻煩添
我真係好難好聲好氣咁對佢地

又係ｏ個ｄ我唔得圓滑呀講ｏ野好直呀ｏ個ｄ問題．．．
再次重申
我唔會因為呢個社會需要ｄ咁ｏ既人而刻意去改變自己做到咁假
做ｏ左我都會唔開心啦
但係為ｏ左大家都好過ｏ既時候我會作適當ｏ既改變
唔至於得罪人先
但係要我去做埋ｄ討好人呀奉承人呀ｏ個ｄｏ野我就真係做唔到
當然．．．如果ｏ個個係我真心覺得佢係好人而又ｏ岩咀型ｏ既我都會對佢好好
響外人ｏ既角度就會覺得我擦佢地鞋
但係我知道我係用個心去對人ｏ既
我諗對方都會知道

”話不投機半句多”
”道不同不相為謀”
日常工事上ｏ既ｏ野可以幫下手
私底下就真係免喇．．．．

這就是我！！

真係激死我喇！！！！！！！

>>April 27, 2004 at 8:34:29 AM GMT+8

2004 年 4 月 19 日 星期一 【晴】

放ｏ左咁多日假之後番工，真係覺得自己慢ｏ左好多
勁驚．．．
有３７４封ｅ－ｍａｉｌ未睇．．．結果我乖乖地坐ｏ左三個鐘睇晒ｄ　ｅ－ｍａｉｌ
（其實係ｄｅｌｅｔｅ晒～）
咁耐無番過工，即刻覺得自己ｏｕｔ晒．．．

仲要一睇張ｒｏｓｔｅｒ就想打人
點解之後勁番無得休息ｏ既呢？

快ｄ挨ｏ左個４月佢啦
５月會唔會開心ｄ呢？
但係５月到我呀姐放假喎．．．
今次真係死梗喇～～～～

好討厭呀～
夏天又到喇
好熱呀！！！！！
但係仲要著ｓｕｉｔ．．．．．．
制服誘惑咩．．．．
可唔可以唔著呀？？

要減肥呀！！！！
不過我買ｏ左好多薯片呀．．．
要戒口即係叫我去死ｏ者．．．．＞＜”

>>April 20, 2004 at 12:38:09 PM GMT+8

2004 年 4 月 12 日 星期一 【晴】

我琴日就好想寫ｏｄ，好可惜無開電腦所以寫唔倒＞＜”
今日就係最後一日ｏ既ａｎｎｕａｌ喇！聽日就開始番工喇～
放假最開心ｏ既係可以去郊遊，仲有就係．．．．
我睇ｏ左三國演義啦～～

因為打ＰＳＩＩｏ既關係我開始打”三國無雙”
亦因為咁樣而好想睇三國演義，買ｏ左好耐但係都無睇．．．
睇完之後真係有好大ｏ既感觸令我再睇番”出師表”，讀書ｏ個陣都唔係好明
而家再睇．．．明晒．．．好感動．．．
真係好鍾意蜀國ｏ既人物好似劉，關，張，趙雲，姜維，諸葛亮
一路睇一路好激氣，好嬲呀！！
睇完之後我又好想打番無雙，用蜀國打番戰敗ｏ既戰役～

我都知我咁打出ｏ黎係好無聊～但係我真係好想同大家講－－羅貫中真係好好野
三國演義真係好好睇～全力推薦～～
不過如果大家想睇ｏ既話就應該唔好睇文言文ｏ既版本，雖然係原汁原味
不過．．．實在太難明喇．．．
我好想搵個人同我傾下三國演義ｏ既劇情呀～～～～～
係唔係唔係好似女仔呀？我應該鍾意下買衫呀，貪下靚呀咁．．．點會睇呢種小說ｏ架？
正如去整指甲同做ｆａｃｉａｌ既龜姐一樣．．．幾時連龜姐都ｔｒａｃｙ左ｏ架呢？
龜姐話女人唔保好易老喎．．．ｂｅａｒ．．．但係我又唔係喎．．．．


而家又愛上ｏ左睇書喇～
攪到我又成日好夜先訓覺．．．

有無好書介紹呀？

>>April 13, 2004 at 8:20:02 AM GMT+8

2004 年 4 月 10 日 星期六 【晴】

嘩～
今日突然間又好熱喇～

今日我又訓到十二點幾，可能係因為琴日行得太累ｏ既關係．．．
一起身就十二點幾喎～跟住諗下．．．今日又係跑馬日，個個都要番工，真係個心都涼埋～

就ｏ黎又放完假喇～
除ｏ左郊遊之外都好似無ｏ野做過咁～
不過～～～好開心～～～因為郊遊真係好開心
見倒ｄ好靚ｏ既ｏ野喎～
最開心係搭船船ｏ個時感受一下海風，超爽呢～
雖然行完山有十個累同九個眼訓，不過依然覺得好值得～

如果有車就好喇，我肯定係會勁遊車河ｏ個ｄ人～

原來香港都有好多地方可以去ｏ架～
原來香港都有好多地方ｄ水好清ｏ架～
原來香港都有得潛水睇珊瑚同海膽ｏ架～

我真係越來越鍾意行山睇下ｄ奇怪ｏ既石頭，搵ｄ靚景同研究大自然ｏ既奧妙喇～
我想游水，想（學）踩單車ｈｅｈｅ，想學煮意大利紛（ｃａｒｂｏｎａｒａ？？）

放假真係令人開心喇～～

番工ｏ既時候都唔知自己生存ｏ黎做咩，起身就換衫番工，放工番屋企就食飯跟住就訓覺之後又起身番工
咁樣ｏ既日子曾令我一度感到頹廢．．．

好似ｔｒａｃｙ姐咁，難得有一日放假唔洗番工先唔想特登早起身去郊遊呀～
但係．．．．
如果後生唔去ｏ既話老ｏ左就一家去唔倒ｏ架喇．．．
所以．．．一定要去多ｄ！！！！！！

>>April 11, 2004 at 8:15:16 AM GMT+8

2004 年 4 月 4 日 星期日 【晴】

真係太開心喇~~

琴日我同一眾好友去ｏ左東坪洲～有兩位人兄不能出席，認真蝕桌～

一早８：１５響大學火車站集合，點知見倒勁多人勁多旅行團都係去東坪洲，仲勁驚無船飛
ａｎｔ就仆去買飛先～船飛有兩種～一隻係１４：４５回程，一隻係１８００回程
因為黃莉姐姐話行兩至三個鐘就會行完ｏ既關係所以我地就揀ｏ左４：４５回程喇～

船上．．．得我同呀女無訓．．點知搭ｏ左個半鍾先到．．．
三百幾個同船ｏ既人好似突然響東坪洲消失ｏ左咁．．．
我地唯有四個人拎住個（應該係同個”條”字）地圖就開始我地ｏ既旅程喇～

原先見倒ｄ石頭真係覺得好得意，不停地影，不過原來成個東坪洲都係咁．．．開始覺得悶
而且所有地都係斜ｏ既，行得非常辛苦．．．
雖然ｄ石頭唔係好跣，不過依然有人仆街（ｔｒａｃｙｌｉｚａｔｉｏｎ）
ｕｍ．．．隻鞋濕ｏ左喎．．．砰一聲巨響加上地震，ａｎｔ都唔知．．．笑死我．．．ｈａｈａ
不過我都係問ｏ左你有無事先笑你～已經好比面喇～～

沿途仲見倒好多好得意ｏ既ｏ野好似水蝸牛啦水母啦仲有ｄ不知名又好核突ｏ既ｏ野

最ｂｅａｒ一聲ｏ既係行”難過水”呀女諗住探路，點知落ｏ左去成個字都落唔倒腳
隔離釣緊魚ｏ既呀叔仲要睇住你死都唔教你ｏ個下ｐｋ
完全搵唔倒條路，爬下爬下就過ｏ左去，隻手好痛，如果ｏ個下跣腳就真係就此玩完！
一路行一路覺得好肚餓，仲不時要爬上爬下先過倒．．．
比呀ｌｉ呃ｏ左啦～又話好易又話好快行完．．．

本身以為要跑先可以趕倒班船，好在ｏ個度搵倒條ｓｈｏｒｔ　ｃｕｔ去碼頭
我地仲可以食埋ｏ野先番去．．．

回程ｏ既時候．．．大家都訓到隻豬咁
因為．．．實在係太支力喇．．．．

呢個地方真係好特別
成個島ｄ石頭都好得意，響ｏ個度行好舒服
原來自上次塔門之旅之後
都差唔多有一年無郊遊過喇．．．
點解咁多人都情願去外國旅行而唔去呢ｄ香港ｏ既郊外地方睇下呢？？？

我隻腳，條腰同隻手都疲憊不堪．．．
今日都係響屋企休息下好喇．．．

>>April 5, 2004 at 11:11:33 AM GMT+8

2004 年 4 月 2 日 星期五 【晴】

哈哈～
小女子而家放緊我人生第一個咁長ｏ既ａｎｎｕａｌ　ｌｅａｖｅ
成個清明同復活節都放假～ｙｅａｈ！
不過．．．原來我同我細佬一樣放咁多日咋．．．
做學生你話幾幸福～～

我ｄ同事個個都問我放大假去邊度玩．．．
講真
我真係成個假期都係留響香港咋～
唔可以ｏ架咩？？大家都放假啦呢段時間～咁就成日可以約出ｏ黎玩啦～

聽日就約ｏ左ｂａｒｔｓ既成員去東坪洲喇～
不過唔開心
未出發已經有２個人話唔去．．．＞＜
我想去東坪洲好耐ｏ架喇～好緊張呀～
不過要８：１５去到大學站．．．好似之前上早堂咁．．．
希望太陽伯伯比下面我啦～
如果落雨ｏ既話我就好慘ｏ架喇～～

近日作出極度大膽ｏ既行為．．．
仲以為真係呢一世都唔會試．．．．
仲要忍三個禮拜添．．．
．．．．
不過為ｏ左靚靚ｏ麻～
ｈｅｈｅ

放心
我唔係去整容，唔係減肥亦唔係豐胸．．．我咁ｐｅｒｆｅｃｔ唔洗啦～ｈｅｈｅ
大家見倒我咪知ｌａｗ．．．

不過原來真係好驚驚ｏ架～

仲有咁多日假
ｐｌａｎ下去邊度玩先～
好開心呀～～

今日個個都要番工－－＞今日跑馬．．．
我就可以訓到十點幾
ｙｅａｈ！！

最爆笑ｏ既係我同黃莉做ｏ左同事喎～
我地可以ｓｅｎｄ　ｅ－ｍａｉｌ當ｉｃｑ喇～～

>>April 3, 2004 at 11:14:49 AM GMT+8

2004 年 3 月 24 日 星期三 【晴】

今日好凍

我好眼訓....

>>March 25, 2004 at 9:13:56 AM GMT+8