2003 年 6 月 20 日 星期五 【雨】

一個人病ｏ既時候係最脆弱ｏ既．．．
病ｏ既時候就好想身邊有個人照顧自己關心自己．．．
我病ｏ既時候，我會好想我最錫ｏ既人響我身邊照顧我關心我
迫我睇醫生，餵我食藥．．．
我記得有一次我病ｏ既時候你失驚無神上ｏ左我屋企探我！
仲記得有一次我個胃痛到死ｏ左你由ｓｈａｗ仆落大學火車站
之後仲揹ｏ左我番屋企．．．
你預先打電話比我屋企人叫佢地搵定胃藥同暖水比我
我一番到屋企之後就食ｏ左藥，訓ｏ左響張床上面典ｏ黎典去．．．
之後你仲好溫柔咁響床邊ｔｕｍ我訓覺．．．
睇住我等我無咁唔舒服先走．．．
我到而家都好記得！！
那是我最愉快的日子．．．

正因為我自己係咁所以我以為其他人都係咁
我自己好想病ｏ既時候我最想佢響我身邊ｏ既人真係可以響我身邊
所以當你病ｏ既時候我唔想只係做一個旁觀者！
我都好記得ｏ個一次你作病．．．咁ｏ岩我成晚都響你身邊．．．
咁我就真係照顧ｏ左你成晚，幫你ｄｕｐ骨ｌｉｎ骨，敷下熱熱ｏ既額頭，琴番你副ｏ左ｏ既被
第二日．．．你就好番ｌｕ～
我唔想距離你咁遠，只係可以隔住個電話問你仲有無唔舒服
我唔鍾意你病！因為你病ｏ左你唔想我擔心會話無事，之後又唔比我理你！
我唔係怪你浪費ｏ左我一個假期，而係怪你每一次病都唔比我同你一齊睇醫生
唔比我ｏ黎搵你．．．

我真係希望病ｏ個個係我！
因為我可以有好多時間休息
而且我病ｏ左都可以見倒你，你唔會捨得我自己一個病！
但係你病ｏ左呢．．．我係連搵你都有困難～

一個禮拜先得一日可以見面ｏ既機會，i really treasure！
一個禮拜都唔可以見一次．．．
我會好慘！

病病～
你見我可愛過佢，肥胖過佢，白淨過佢，美麗動人過佢．．．
你過ｏ黎我度啦！！

>>June 21, 2003 at 5:54:15 PM GMT+8

2003 年 6 月 19 日 星期四 【雨】

呢個禮拜好快地ｃｈｅｒ左張小嫻兩本小說
一本係雪地裡的蝸牛奄列，一本係荷包裡的單人床
其實之前好似睇過，不過唔記得ｏ左劇情就再睇一次～
前者真係好睇好多，仲係令人好感觸ｏ個隻．．．
如果佢係以一套戲ｏ既手法做出ｏ黎．．．
我已經喊ｏ左好耐喇～

本來想約好朋友仔今日出去郊遊
點知其中一條死仔話要去長實ｏ既招聘日，咁又有條死女比佢昆ｏ左去
咁就唔成團啦～郊遊呢ｄ梗係越多越好ｏ架啦～
點知．．．ｅｎｄ　ｕｐ係條死仔因為懶而無去，咁女ｏ既就因為無人陪而唔去．．．

本身諗住星期六捲土重來再約過．．．
點知星期五ｏ既夜晚ｃｈｅｃｋ天氣．．．先知有狂風雷暴
真係好煩～潮漲又唔可以去，落雨又唔可以去，又只係可以星期六日先去倒．．．
我諗我去東坪洲ｏ既夢想都幾難實踐喇．．．
黃莉仲恥笑我話我中學ｇｅｏｇ教ｏ個課ｏ既時候話想去，到而家都去唔倒．．．
都過ｏ左起碼５年６年喇．．．
佢仲話佢大學ｏ個份final year project係做東坪洲
所以好熟識咁話．．．我知道好靚．．．但係個天都唔想比我去咁ｏ既．．．

我好想去東坪洲呀！
如果今個暑假去唔倒我呢一世都唔會話要去喇！！

仲有ｄ咩去晒想去ｏ既地方郊遊呀
去離島渡假呀咁ｏ既夢想
全都沒了．．．

活在一個再沒有夢想的世界．．．

又落雨．．．
我最憎落雨！！！！！！

>>June 21, 2003 at 9:26:17 AM GMT+8

2003 年 6 月 18 日 星期三 【晴】

又係一日熱到死ｏ既一日！
今日，我相約ｏ左成年無見ｏ既好朋友一齊出ｏ黎
可惜黃小姐要早走．攪到我地只可以留響沙田．．．

一班朋友好耐無見最好就係坐低飲下ｏ野傾下計
一坐就坐ｏ左三個鐘．．．我地無所不談
言談間，發覺我地都長大了！！

以前唔係個個都有拖拍，唔知係唔係戀愛中ｏ既人特別多ｏ野講
大家都會講下佢同自己另一半ｏ既生活如何如何．．．
愛情似乎就佔去ｏ左我地ｏ既世界
真係好難想像一世都無愛情ｏ既人ｏ既日子係點過．．．

人大ｏ左，真係多ｏ野煩ｏ左．．．以前讀中學ｏ既時候真係好輕鬆
只係會擔心下唔知考試成績點呀，考唔考倒自己最想上ｏ既大學呀咁．．．
好好彩，呢一方面ｏ既問題我都唔洗擔心，因為我入倒自己最想入ｏ既大學同學系．．．
不過．．．就係響中學畢業ｏ個一日開始，已經有ｏ左為前途而煩惱ｏ既問題喇．．．

讀唔倒香港ｄ大學ｏ既同學仔會為唔知去邊度讀書而煩惱．．．
一ｄ唔讀出ｏ黎做ｏ野，一ｄ就搵學校繼續讀書
最終攪到一個去ｏ左東一個去ｏ左西～
出國ｅｘｃｈａｎｇｅ係一件好事－－ｇｉｖｅｎ你ａｆｆｏｒｄ得起
起碼可以睇多ｄ野，學下人地ｏ既ｃｕｌｔｕｒｅ
就正如我地都一致認為我地間學校真係唔可以同其他學校比
我地係由細細個唔識ｏ野ｏ個一日開始就被父母安排ｏ左我ｏ既人生
小學同中學的確可以ｓｈａｐｅ倒一個人
而我．．．遺憾地覺得我同我父母係無知地入倒屋企附近又ｇｏｏｄｏ既學校就算
而家我地每一次出ｏ黎聚都會埋怨我地間中學比唔倒我地想要ｏ既我地
反觀我地身邊ｏ既大學同學，就知道一間好學校係幾咁重要
你ｏ既前途不只在於你讀邊間大學，更在於你讀邊間中學．．．

好似我ｍｅｎｔｏｒ咁，佢話佢好不滿香港ｏ既教育制度
於是佢ｏ既仔女都係讀國際學校．．．一個月每人成皮野ｏ既學費
佢話人地ｏ既教育係ｉｎｔｅｒａｃｔｉｖｅ同埋ａｌｌ－ｒｏｕｎｄｅｄ
我輕輕聽佢ｄｅｓｃｒｉｂｅ都覺得係．．．
不過．．．呢ｄ係有錢人ｏ既玩意，我真係玩唔起～

真係唔明白．．．原來呢個世界真係有錢先可以買倒智慧
想入好幼稚園咩？有錢咪得ｌａｗ！
想入好ｏ既小學咩？有錢咪得ｌａｗ～只要你輕輕考得好
咁你就順理成章地入ｏ左間好ｏ既中學，想令自己更叻咩？
有錢咪去ｅｘｃｈａｎｇｅ，無錢就諗都唔洗諗啦～
畢業搵唔倒ｏ野做？去ｄａｄｄｙ　ｏｒ親戚公司做番份工先ｌａｗ
又或者，繼承ｏ左父母ｏ既生意，咁就咩都唔洗憂啦！！
女仔ｏ既又可以搵個有錢ｏ既嫁ｏ左佢咪算ｌａｗ！
點解有人要挨得咁辛苦．．．有人卻咁幸福呢？？
終於明白點解貧者越貧，富者越富．．．

滿懷理想ｏ既我都係要面對現實，沉實地幹吧．．．

>>June 20, 2003 at 10:34:12 AM GMT+8

2003 年 6 月 17 日 星期二 【晴】

今日suddenly要同mentor食飯～
仲約ｏ左１２：３０響沙田食喎．．．平時呢個鐘數我都未起身＞＜
好彩今次一聚有ａｎｔ同我一齊．．．如果唔係真係有ｄ戇居呢～
當然響ｍｅｎｔｏｒ面前真係要慎言啦！所以都唔係好講ｏ野～
不過之後一邊食飯，ｍｅｎｔｏｒ一邊講佢自己ｏ既人生經驗．．．
對於一個就ｏ黎退休ｏ既佢同我地呢ｄ即將投身入社會做ｏ野ｏ既我地．．．
佢係好似同我地上ｏ左一堂咁～猛講唔好怕跌倒，跌倒起番身又無人會知～
如果自己真係有實力ｏ既話就唔洗奉承上司～
佢話佢唔會做ｄ咁ｏ既ｏ野，而且佢個性格都唔係咁樣～
好明顯．．．我都唔係！

可能圓滑ｄ真係適合生處響現今ｏ既商業社會中．．．
但係我唔鍾意咁ｌａｗ，我份人係比較直，亦比較真
有朋友仔話如果要響現今社會生存ｏｒ要切合番呢個世界就要改變一下自己ｏ既性格．．．
我真係做唔倒，亦都唔想咁做！
點可以因為咁樣而去改變ｏ左自己ｏ既性格呢？
咁同隨波逐流無分別，我亦都唔想失去ｏ左自我！
如果所有人都為ｏ左迎合社會要求而去改變自己，無錯！咁可能會令你易上位ｄ
但係我想追求ｏ既唔係呢ｄｌａｗ
ｇｉｖｅｎ我以而家咁樣ｏ既性格都搵倒份工，做倒自己想做ｏ既ｏ野
咁就足夠啦．．．我唔想無ｏ左自我，無ｏ左性格
每個人總有自己ｏ既uniqueness，呢個亦係一樣ｏ野有價值ｏ既原因
如果個個都改變到好似商業老手咁，仲有人可以相信咩？
算～各人有各人ｏ既志向，想點只有自己先知道！！

同ｍｅｎｔｏｒ食完飯，ｏ個ｄ時間真係唔知可以做咩．．．
呢樣又唔係，ｏ個樣又唔係！最衰係ａｎｔｈｏｎｙ！
無聊的我地係研究緊一年要交廿幾萬稅ｏ既ｍｅｎｔｏｒ係幾多錢月薪．．．
有無人可以解答呢？

之後就番ｏ左屋企，訓番個靚覺先～
因為早ｏ左起身對我ｏ黎講簡直係想死！！
一訓．．．訓到唔知醒起身番工！
好在ｂｒｉａｎ打個電話比我ｏ者！！
我係著住ｏ個套衫訓之後起身再著番對鞋就出門口喇．．．ｈａｈａ

ｂｒｉａｎ好似病病地咁．．．
每次佢病病我都唔響佢身邊照顧佢．．．
唉．．．

琴晚我又聽ｏ左近２００個ｃａｌｌｓ喇．．．
最後一場希望唔會係咁啦．．．頂！

>>June 19, 2003 at 5:58:24 AM GMT+8

2003 年 6 月 16 日 星期一 【晴】

番ｏ左屋企喇～打番個ｏｄ先～

話說我要去ｋｐｍｇ聽ｂｒｉｅｆｉｎｇ啦～
咁個ｔｒａｉｎｉｎｇ　ｃｅｎｔｒｅ係響灣仔～咁我就早ｄ出去搵ｂｒｉａｎ食ｌｕｎｃｈ～
唉．．．熱到死，仲要著ｓｕｉｔ同絲襪，真係想死～
不過一見倒ｂｒｉａｎ佢見倒我就話好鍾意我咁著．因為好好睇！！
仲話我著ｏ左ｓｕｉｔ好似ｓｌｉｍ左！真係好開心！
第時日日都要著喇．．．

我地去ｏ左表哥度食～佢就食埋ｄ核突ｏ野！仲猛撩屎忽．．．ｈａｈａ
食完飯送ｏ左ｂｒｉａｎ番公司，我就上ｏ左ｋｐｍｇ喇．．．
聽完個ｅｘａｍ　ｂｒｉｅｆｉｎｇ，仍然係一頭霧水，睇ｏ黎都要問下人意見先～

之後就落ｏ左銅鑼灣，買ｏ左飛睇六樓後座，之後就一個人閒逛ｏ左一陣銅鑼灣
當你無聊等人ｏ既時候最好去書局睇書！
我就係咁等ｂｒｉａｎ放工等ｏ左３個鐘！＞＜

之後趕入場睇戲啦！
一開場ｂｒｉａｎ叫我除ｏ左件ｓｕｉｔ褸，我唔除啦～
都唔知咩事．．．到完場起身走人ｏ既時候．．．竟然發現我身後有ｄｏ野．．．
望真ｄ．．．原來係一樣我曾經講過好鍾意而又唔捨得買ｏ既ｏ野！！
ｂｒｉａｎ竟然背住我買ｏ左比我！ｏ個一刻真係感動到爆！
我真係覺得佢好錫我～因為佢咁做係想ｔｕｍ我開心！呢一份心意係好難得！！
多謝你！！！我真係開心到笑到唔識收口！我覺得我自己好幸福！

睇ｏ左六樓後座～我真係覺得好ｏ岩我地睇～
因為講ｏ既就係我地ｏ既生活，我堵ｏ既寫照！我同ｂｒｉａｎ都係咁覺得
我諗真係好適合大學生去睇下～輕輕有ｄ觸到心處ｏ既位，又好多笑位！
真係又令我諗番呢三年大半玩ｏ左佢ｏ既大學生活！！

出ｏ左去就發現ｄ番工ｏ既人ｏ既生活係好唔同仲好得意．．．
我呢ｄ新界人出到港島真係好似大鄉里出城咁！！
有好多幾靚ｏ既ＯＬ，當然都有好多ｏｋ　ｇｏｏｄ既男仕們啦！
個個都著得好靚啦，ｓｕｉｔ呀，ｓｍａｒｔ　ｃａｕｓａｌ呀！
個個都係趕住一個ｈｏｕｒｓ內食個ｌｕｎｃｈ，成班同事一齊食咁！
可能無咩情侶會一齊食ｏ既關係，我覺得我同ｂｒｉａｎ被好多羨慕ｏ既眼睛望住～
個感覺其實好似我係一個第一日踏出呢個社會ｏ既人，完全未見過世面
佢地ｄ人係個個都急急腳咁行，好似好多ｏ野等住佢地做咁．．．
唉．．．由讀書到出ｏ黎做ｏ野呢個轉變真係好勁！你必須要面對．．．
不過我ａｔ　ｔｈｉｓ　ｍｏｍｅｎｔ就仍然好迷茫，有無人可以幫下我呢？

>>June 18, 2003 at 8:57:37 AM GMT+8

2003 年 6 月 16 日 星期一 【晴】

今日係非常開心ｏ既一日～
我除ｏ左出ｏ左灣仔接ｂｒｉａｎ食ｌｕｎｃｈ之外仲接佢放工！
之後去ｏ左睇戲～咁ｏ既番工生活真係好開心ｏ架！！
但礙於我而家趕住出去同我ｍｅｎｔｏｒ食飯ｏ既關係．．．
我都係要趕住出門口喇～
希望我一陣間番屋企ｏ既時候打倒ｏｄ啦～
換件衫衫先～

>>June 18, 2003 at 8:31:32 AM GMT+8

2003 年 6 月 16 日 星期一 【晴】

唉！
日記先生又ｏ黎個朝９晚５政策．．．麻煩！
想打ｏｄ都要一早打！！

今日好難得～一早起身竟然陽光普照～
係咁耐而ｏ黎難得一見ｏ既晴天！

好可惜，我係極度唔希望今日出太陽！！
因為今日我要著ｓｕｉｔ番ｋｐｍｇ．．．勁熱～
大佬！仲要著絲襪喎！點頂呀！

我咁早起身－－其實而家都係１１：００，不過我都係校ｏ左鬧鐘！！
我其實係換緊衫．．．
不過諗起今晚又無得打ｏｄ所以打住先～
因為今日出開灣仔～我而家係出寺搵小拜仁食個ｌｕｎｃｈ先～
之後我去完ｋｐｍｇ就等佢放工．．．．
ｐｌａｎ住就係咁～結果係點我諗要聽日先講倒～

要我呢個夜遊人一早起身打ｏｄ真係慘．．．．
我晚晚都係訓之前先打ｏ架～
點可以規定我幾時打ｏｄ呢！！！！！！！

>>June 17, 2003 at 3:09:17 AM GMT+8

2003 年 6 月 14 日 星期六 【雨】

今日係父親節，不過我就唔洗同我ｄａｄｄｙ慶祝．．．
咁ｏ岩又係ｂｒｉａｎ媽媽生日ｏ既大日子～
所以我就被邀請同佢地成家人一齊過呢一日ｏ既父親節喇．．．

約ｏ左四點幾響金鐘．．．去得金鐘就知道我上山頂啦～
搭ｏ左纜車！經過佢間中學－－＞聖保羅男女－－＞我最憎！－－＞唔好問點解！－－＞你知ｏ既！
不過好似真係好大好靚咁．．．呢ｄ就係名校ｏ既分別啦！
之後係沿車影ｏ左好幾張風景相，又真係好靚ｏ架喎！
（好想ｐｏｓｔ比大家睇，但係部ｄ　ｃａｍ比ｏ左ｂｒｉａｎ～遲ｄ補番！）

上到山頂，ｏ個ｄ咩”信不信由你”我係睇過十幾次，ｄｆａｋｅ人ｏ既野我全部知道．．．
咩臘像館更加唔ｏ岩我睇啦．．．雖然有新ｏ既陳慧琳，不過都唔吸引．．．
結果就係世伯同伯母入ｏ左去玩，我就同ｂｒｉａｎ二人世界
我同ｂｒｉａｎ整ｏ左個ｗａｘ－ｈａｎｄ臘手呀！好似好開心咁
我ｄ手指真係又靚又廋，顏色配搭都好好，不過都係無得ｐｏｓｔ出ｏ黎＞＜
過ｏ左一陣就去ｏ左山頂ｏ個間ｍａｒｃｈｅ食ｂｕｆｆｅｔ喇！

講開呢間ｏ野我諗大家都知係幾ｇｒａｎｄ，ｇｒａｎｄ係ｇｒａｎｄ在．．．
佢有ｍｏｖｅｎ　ｐｉｃｋ既雪糕任食！有十個正同抵～
即係你去食兩個雪糕球都要７０蚊ｏ個隻．．．
而今日我同ｂｒｉａｎ係夾埋食ｏ左９個球，９種唔同口味ｏ既雪糕～ｇｏｏｄ！
我地坐個位仲係美麗ｏ既風景位，睇倒香港ｏ既夜景！
唔洗問，我係有影相，不過又係ｐｏｓｔ唔倒出ｏ黎．．．住．．．＞＜
好食，狂飽，狂滿足，ｄ死人三文魚刺身又新鮮又大塊，十個好食！！

當中有個小插曲，就係我地張ｂｕｆｆｅｔ卷係要帶住出去拎ｏ野食ｏ既
咁後面有個重要事項，係話要大家一定要ｋｅｅｐ住張單埋單
如果唔係就要享受８個鐘頭ｏ既洗碗樂．．．勁攪笑
之後我同ｂｒｉａｎ夾埋玩佢媽咪，響聲東擊西ｏ既情況下我偷ｏ左佢張卷
之後扮若無其事，後來佢發現唔見ｏ左之後極度拗底！仲周圍搵～
而佢ｄａｄｄｙ亦幫手四出搜尋．．．我同ｂｒｉａｎ即襯機會將張卷ｚｉｐ落盆底．．．
佢地番到ｏ黎都係唔發現ｏ既時候係極擔心真係要洗碗．．．激死
之後仲話要同ｗａｉｔｒｅｓｓ姐姐講，說時遲那時快
ｏ個個毛文姐姐收碟，伯母隨即發現佢張卷．．．ｈａｈａ好攪笑
到而家都係無人知道係我同ｂｒｉａｎ玩佢ｏ既．．．ｓｏｒｒｙ呀伯母！！

食埋生日蛋糕（真係飽到飛起）我地就走喇！
唔係！我再ｃｈｅｒ多隻生蠔，ｂｒｉａｎ就ｃｈｅｒ多個雪糕，世伯仲ｃｈｅｒ多個ｔｉｒｉｍｉｓｕ
ｏ係極度飽ｏ既情況離開ｏ左～

我地係行番落去金鐘地鐵站搭ｍｔｒ，沿途ｂｒｉａｎ更憶起佢中學ｏ既一點一滴
響佢忘我ｏ既時候．．．ｂａｌｅｔ一聲．．．佢踩死ｏ左隻蝸牛＞＜”
世伯同伯母真係好恩愛～成日拖住手手行．．．
世伯仲處處關心伯母，勁錫佢添．．．真係羨慕死人喇！
唔知你有無遺傳ｏ左世伯呢ｄ野呢？？

去到ｐａｃｉｆｉｃ　ｐｌａｃｅ，有間輕輕係露天ｏ既法國餐廳－＞又係懶ｇｒａｎｄｏ個ｄ
我地見倒靚女ｍｏｄｅｌ呀ｄａｎｎｅｌｌ－－＞唔識串呀！！！
真係幾靚女．．．我同ｂｒｉａｎ裝得幾辛苦呀．．．之後行前幾步．．．
有勁多佢響我地面前出現－－＞因為佢個ｏｌａｙ廣告穿插在地鐵通道中．．．ｈａｈａ

搭車番屋企ｏ既時候仲要比人鬧我”痴很線”係極度大聲極度惡ｏ既情況下．．．
我係完全唔知咩事．．．我係唔覺意整痛ｏ左ｂｒｉａｎ．．．唉．．．
諗住番屋企無咩野啦
點知．．．唉．．．佢又留低ｏ左響我屋企．．．
大家仲上網研究ｏ左好耐．．．．ｂｅａｒ！！！！
有咩難題呢？？我話係咁就係咁ｏ架啦～～～～

結果係呢個傻豬豬又係１２點幾先走～

拿～
你話要拖我隻手一世ｏ架！

討厭ｓｔ．ｐａｕｌ　ｃｏ－ｅｄ！
討厭ｓｃｂａ！

ｂｙ　ｔｈｅ　ｗａｙ～
你今日件粉紅色衫好靚呀～同我好襯呀！
下次一定要ｐｏｓｔ出ｏ黎！！

>>June 15, 2003 at 5:28:08 PM GMT+8

2003 年 6 月 13 日 星期五 【陰】

呀女～～你考完試未呀？幾時番香港呀？記住得閒搵我呀！

我個口粒ｏ野好ｑ大粒呀！好唔舒服呀！！點先可以整走佢呢？

今日而家呢個毛文我係超級無ｍｏｏｄ～
唔好問我咩事！
我唔會答！！

唔想寫任何ｏ野～
個人好亂！
係咁！　
０２：２５　ａｍ

>>June 14, 2003 at 6:21:58 PM GMT+8

2003 年 6 月 12 日 星期四 【雨】

又係落雨ｏ既一日．．．真係煩呀！幾時先停雨呢？

我發現自己越來越無用－－＞雖然可能有好多人一早已經覺得我好無用．．．
因為我而家已經失去ｏ左早起身ｏ既能力喇．．．
我今日只係約ｏ左我ｄ好朋友１２：００響火車站．．．
我竟然係要校ｏ左兩個鬧鐘，仲要叫埋媽咪叫我起身先得！
仲要係１１：００叫我起身我都仲要賴床ｏ個隻．．．

之後準時１２：００到達．．．沿途係勁眼訓未訓醒ｏ個隻．．．
真係覺得自己好過份．．．
但係原來經過呢一個月ｏ既暑假之後．．．我係靚ｏ左－－＞唔好講粗口住．．．
我係話ｄ皮膚靚ｏ左．．．
仲要係無眼袋無黑眼圈，暗瘡都唔生多粒ｏ個隻！
真係可喜可賀！（龜姐～好心你早少少訓，唔好挨到自己咁殘啦！）

好～講番今日先～我同好朋友去ｏ左尖沙咀！
去ｏ左新港ｏ個間ｅｘｔｒａｖａｇａｎｚａ睇ｏ野～
唉．．．我地都覺得ｗｅｓｔｗｏｏｄ有條頸鍊係好靚ｏ架．．．
不過成日都見唔倒有得賣啦！因為勁搶手ｏ既關係．．．＞＜
再行ｏ左去海港城ｏ個邊睇下新ｏ野，點知見番晒我響街口撞倒ｏ個兩個男仔．．．
原來一個響呢間野做ｓａｌｅｓ，一個就拎住外賣番舖頭！ｈａｈａ
真係有緣呢～不過唔係佢地又高又著得咁騎呢，（一個帶住個七彩ｈｅａｄｂａｎｄ留鬚
一個個頭ｇｅｌ到撤亞人仲穿ｏ左十個環響頭上），我都唔會認得．．．

之後我地就去ｏ左表哥度食ｔｅａ－－＞新開ｏ架！
正當我地研究緊呢間表哥同跑馬地ｏ個間係唔係一樣ｏ既時候．．．
老細張堅庭坐ｏ左響我地後面！好明顯真係新開張！
之後行ｏ左利時就番ｏ左沙田喇！

番到沙田因為媽媽話太大雨同埋腳痛ｏ既關係，
就由我呢位入得廚房，出得廳堂ｏ既美女去ｏ左街市買食送喇．．．
原來要諗一餐比成家人食都幾難．．．
我輕輕去睇下ｄ海鮮，但係又唔係好識買．．．結果買ｏ左菜先～
通菜好似好靚咁，我就係咁買ｏ左一斤喇～
之後就買ｏ左一斤大豆芽同５蚊蝦腸，２蚊豆卜，份量ｏ岩ｏ岩好！醒呀！
再買個牛柏業同魷魚就大功告成，番屋企喇～真係叻女喇～ｈａｈａ

原本諗住番到屋企就打電話比霖霖
因為條友仔今日飛番香港～不過響我歸家途中佢就打ｏ左比我喇！
ｈａｈａ～佢梗係知道我掛住佢喇．．．
跟住同佢傾ｏ左好耐ｏ既電話．．．好開心呀！
條友真係聽日就話要飛去剪個頭髮先，因為ｏ個邊無得剪餓ｏ左好耐喎．．．ｂｅａｒ
好ｏ野～呢個暑假有佢響香港會開心好多啦！

不過．．．
有ｄ小朋友今日又好唔乖喇．．．
又要我擔心．．．
係放工之前打ｏ左個電話比我之後就成晚毫無音訊．．．
唉．．．枉我等佢．．．電話咁耐．．．
我都係輕輕因為同霖霖講緊電話收ｏ左佢線ｏ者．．．
洗唔洗咁對我呀？又要我擔心佢一晚？
定係佢條小傻豬眼訓得滯訓ｏ左呢？？

究竟小拜仁係嬲ｏ左我唔理我定係唔覺意訓ｏ左呢？
聽日自有分曉！！！

擔心擔心＞＜”

>>June 13, 2003 at 6:53:18 PM GMT+8