2005 年 11 月 23 日 星期三 【晴】

今日係一日要記得o既日子,我要將佢紀錄低...

今日其實約o左班friend開開心心慶祝生日,點知...虎晏晝打電話比我叫我睇newsgroup
睇完真係好嬲好嬲,好想reply,但係虎叫我唔好咁小朋友,唔好咁衝動! 空穴來風未必無因...
我即刻搵個電腦好得o既朋友仔幫我check下佢講o既係唔係真...唔洗問呀貴,當然佢又係寫流料
但係比人咁寫,完全影響o左我個人o既integrity,唔開心,但係咩都做唔倒
心入面只係有一個想法,一定又係"某人"o既傑作...忍唔住打電話去問佢,例牌知佢會話"唔係"
好想搵o個條友出o黎打佢一身,再問個朋友仔點check倒傷害我o既係邊個,因為佢話有d message係同一個人做
但係佢同我講叫我唔好為o左呢d無聊事浪費自己咁多時間...諗諗下都有道理...

我其實覺得比人話唔係問題,有成千個part time,當中有人不滿你係好正常,總唔會全世界人都鍾意你
但係呢一次唔係咁簡單,我見倒都嚇親我...
睇倒...個心好灰...點解有人要咁對我呢?大家都係人,我都會難受,點解要咁對我呢?
好多人都叫我唔好為o左呢少少o野唔開心,但係呢次唔係咁簡單...
唔開心o左成日,諗o左好耐...心真係好灰...心入面出o左resign o既念頭
要中傷我o既人會趁我一日仲o係度都會繼續,可能我走o左佢地條路會好行d啦
所以用呢d招數咁撚化我啦...但係我都會唔開心o架...咁做係唔係過份o左?
為o左d咩要咁唔開心都咁做落去呢?我唔信我出去搵唔倒一份更好!

講真o個句,自從我掉o左team,日日都好多o野做,晚晚OT,放假都要番工
以前我係一個好開朗o既女仔,成日可以準時放工...
而家?眼見第二d同事可以得閒到打e-mail當icq成日,但係都可以準時放工...自己呢?
我都想番屋企食飯,追電視劇集,約朋友仔食晚飯唔遲到,但係我做唔倒!
咁辛苦係為咩呢?換番o黎係比一d同事惡意中傷(仲係自己人),心灰得很
諗下諗下,竟然喊了....第一次為公事流眼淚...請問...咁辛苦係為咩呢?

睇倒message o既人唔會好似我咁得閒搵證據,唔多唔少會信o左
我咩都唔可以做...因為只會越描越黑!但係真係好唔開心...好心灰...
我諗...我唔想做呢份工了...呢d咁o既輿論壓力..,我受不了!!

想同想中傷我的人講~你贏o左喇,唔洗再花時間玩我喇!你傷害倒我喇!
但係請你小心:今日吾駒歸故土,他朝君體也相同!請你自己小心...

>>November 24, 2005 at 6:45:38 PM GMT+8

2005 年 11 月 18 日 星期五 【颳風】

今日係一個好特別o既日子...台慶?唔係!susu生日??唔係...
係我公司o既productivity day!大家未必知道係咩,不過...做到我死...
個game好玩嗎?對其他人就會好玩...對我?唉...做做做做!

琴日已經好緊張,交幾萬樣o野,又review又要report又要做餐死...都算!
今日,番工o既都係有關同事,個個都好睇得重今日...開檔前o黎個檢討...開始後真係好刺激
成日都要0係五分鐘內搵番晒所有同事開機賣飛...第一個被foul出局係因為o係一分鐘內少o左一個人!係一個人!
我地份內留神...最緊張一次係5分鐘內要多二百人開機...好緊張,跑晒咁樣...
竟然同個敵人今日friend o左,勁同心合力,勁無計較,勁打電話比對方幫手,friend晒!
最後,o係一分鐘入面本來差8個,唔知最後會唔會被foul,但係我地今日真係做得好好!
但係...無品o既上司竟然要我地聽日又交齊d數...大佬呀...放過我地啦....
唉...好慘...日日都OT到十一點幾先番屋企...為o左咩呢?

我公司有個同事,好男仔頭,大家都懷疑佢係唔係...但係...佢真係好攪笑好可愛
成日引得我笑得好開心...我諗...如果我都係...o既話!我都會揀呢d
可愛到真係好想咀佢一啖...佢可愛得o黎又體貼,仲好攪笑,都真係有少少型喎~
雖然我係佢supervisor,但係佢唔係擦鞋o個d人
我比較討厭o個d好圓滑好世故o既人!我覺得佢地好假!

不過...今日比我上司訓話我...話我份人太真,喜形於色...
大佬呀...我o既性格都要管?話埋比你知我幾時m到丫~o個排仲惡仲串呀!
睇o黎...呢份工唔係咁o岩我...係咁OT都唔係辦法...一係掉走我丫!!
睇o黎....要action了!! P&G?? 空姐都仲得呀?定政府工頹d呢?好苦惱~
我都係想做marketing o既o野...呀女就好啦....

要諗諗...讀個master先定轉工先...

>>November 19, 2005 at 5:14:56 PM GMT+8

2005 年 11 月 7 日 星期一 【晴】

琴日去o左睇NANA!!
雖然係預o左d男主角會令人超級失望,但我都係懷有希望去睇
因為我都真係會追佢o既漫畫!!
首歌好好聽,佢跟得好足個原著,睇完之後感覺好好,輕輕有感動位
睇完令人好有"好想知道之後點發展"o既心態,haha,問我啦問我啦,我知道~~yeah!

之前都已經會鍾意vivien westwood 呢個brand,睇完呢本漫畫簡直係迷上了~
浮誇得o黎好型!好正~~

多謝我o既一班好朋友,今年應我要求都係買o左個vivien westwood o既銀包比我做生日禮物
我未捨得用住~不過我真係好鍾意~雖然呢個brand有d line係比教肉酸
但係龜姐揀o既我就完全放心晒!!!

好難得o既齊人聚會...可惜ant出唔倒o黎,不過有稀客rono同大口出現令我地個gathering生色不少
當然仲有龜姐同tracy姐o既真情剖白~再o黎barbie小姐大篤爆!好爽呀~~~~~~~~~

仲有!有樣o野好想講好想講~
今日無意中睇倒一個大學朋友仔o既web page,話說佢係一個男仔
而家做o左中學老師,佢整o左一個web比佢同佢o既學生,我睇o左一d
都覺得好sweet,如果我有一個咁o既呀sir就好喇!
見倒佢同自己o個班學生o既班相,諗起以前中學o既老師...原來係咁兒戲...haha
以前一個傻下傻下o既男仔...竟然做o左中學生o既班主任...仲好似好成功好滿足咁~
我都好想有一班人仔比我教下...一定好溫馨 ^^

識我o既人會唔會以為我講緊系mic呢?
我唔係講佢~佢就威啦~o係中大SPE系已經係靚仔o既佢出到o黎做o左中學o既體育老師
仲有好多妹妹仔勁"lum"佢添~
不過真係想像唔倒一個又煙又酒又粗口難舌又紋晒身仲會飲醉酒亂打人o既PK而家究竟係一個點o既教師...
香港o既教育果然係令人擔心...

不過...我講緊o個個...係叫威記!無錯!係董玉娣(呀女~媽媽記得呀!)o既佢!!
haha~如果有興趣o既朋友,可以o係佢icq搵倒一個web site...
佢...依然係一個傻樣~好可愛o既一個中學老師~

>>November 8, 2005 at 5:26:41 PM GMT+8

2005 年 10 月 28 日 星期五 【晴】

唉...無啦啦又病...好慘...

27/10係我放完假第一日番工o既日子,亦係我一位好同事o既last day
佢並唔係resign,只係掉過去第二個department,不過...再唔係o係沙田番工...而係o係跑馬地
一行十幾人出o黎同佢fraewell,嘩,送o左個LV銀包同散紙包比佢
好浮誇!!
但作為佢其中一個好朋友我知道佢唔鍾意LV呢個brand,更唔會用散紙包...
不過我無講出o黎...因為始終係大家o既一份心意,無論係點佢都會好鍾意o既...

之後番到公司,發現條衰婆send o左個e-mail比我地幾個人
講埋d令人傷感o既說話...睇倒佢寫o既o野同someone o既repy之後
我又諗番好多我o係度做o野o既每一件事

一入馬會就part住呢個"呀姐",雖然佢唔係好理我做o既o野有do野又放晒手比我做
有時攪到我仲多o野做過佢,但係我依然覺得佢教o左我好多o野
part住佢識倒而家好多o既朋友仔,仲記得一入o黎比某centre d惡人鬧
但係佢都會幫我做和事佬,身為一個"呀妹"我都真係算對佢好好
可惜我同佢永遠都係仇人更...

仲記得我o個時o岩o岩穿o左耳窿成日發炎,佢就買o左一對防敏感耳環比我,haha,真係好人~
過o左一年多之後,我掉o左過隔離team,日日都同佢番工,成日一齊放假,所以仲friend o左添~
不過過多半年,升o左職之後就少o左見面lu...

雖然我真係強烈感受到佢要做o既工作比我呢個team係少好多同無咁煩
但係我知道佢係一個好叻好聰明o既人,o係呢個team真係"side"o左佢!
我諗o係而家呢一個moment,無一個人好似佢咁咁無所謂
唔會下下計住計住,o係工作上做多d佢係唔會計較,對任何安排亦欣然接受
佢o既大方真係好難搵倒...

o係公司又失去o左一個可以傾心事o既朋友喇....
以前o既centre2已經面目全非...
真係覺得而家個office比之前靜o左好多...好多....

>>October 29, 2005 at 2:30:02 PM GMT+8

2005 年 10 月 15 日 星期六 【晴】

十月十四日,係我request off 的日子, 因為我約o左我一班part-time同事去玩~
去o左一個豪宅,同一班年輕人玩了一個下午,好累...到今日腰骨仲痛緊,但好開心
雖然平時番工有時會比佢地激死,但係放假o既時候大家出o黎玩係會好開心的~
豪宅真係豪宅,咩都靚過人...

我比較喜歡現在這一班小AA,因為有一個傻的,一個超多o野講的,一個好靜的,一個好負責的, 一個好乖的
應有盡有,而且佢地其實好好玩好得意的~ :)
掉o左center之後,有好多唔開心o既事情發生o左,最開心係一班AA比之前的易管教
回想起最開心o既日子,就係之前同susan, joseph & grace一齊o係c2 o既日子
下個月所有面目全非了...估唔倒2年就有咁多人事變更...唉...真係令人感慨
要數公司中o既好友...一個一個咁走o左lu...其實我...都係做o左2年o者...

出到黎呢個社會,有好多o野要面對,每個人o係工作上都會遇到佢o既敵人
只怕你自己都分不清某一d人是敵是友
睇穿o左一d人唔係朋友之後,仲有一d以為佢係朋友o既原來係敵人
往往"sin"你於無形...

我係一個愛恨分明o既女仔, 我當你係敵人o既你唔洗旨意同我講一句私事,同我食一餐朋友飯
亦好對唔住,我暫時係一個喜形於色o既人,我憎一個人係會憎到出面

有時好難理解一個人點解會諗埋d衰o野做埋d衰o野
但係我會好明白,呢一d人註定係無朋友! 因為呢d人係會出賣朋友!
我唔再對呢個人有任何期望,一個會出賣朋友的人肯原諒佢一次已經好大方了
第二次,我開始憎你!唔好要我討厭一個人! 女人討厭一個人係會好絕的!

以筆,可以將事實委曲,可以令人氣憤難下,可以天花龍鳳,亦可以得罪好多人
可笑o既係...差一點我和我的同事就原諒他了,但他又發起另一事端

不要在我面前裝傻!
雖然我唔知你下一步會行咩棋,但係你行o左o既每一步棋都留o左痕,我亦知道你想點做
好清楚,比我知道你係一個咩人

我好嬲,因為我曾經當你係好朋友
但係我會叫自己唔好再嬲
因為我永遠唔會再當你係朋友!!

我EQ已經好高了...

>>October 16, 2005 at 5:45:06 PM GMT+8

2005 年 10 月 9 日 星期日 【晴】

今日我去o左睇黎明演唱會....無錯!!係第一場o既黎明演唱會...
一個字...正~

我都無留意佢今個演唱會o既名,原來係叫crazy classic
成個演唱會佢都唱佢o既舊歌...一d街知巷聞o既舊歌...
成晚o既高潮...係佢邀請o既一個嘉賓--光亮...佢連帶住個鋼琴一齊出場
大家都估倒,佢一定係唱呢期至hit o既童話!估唔倒o既係全場人有好多都一齊唱,呢首歌真係利害
高潮並未因光亮離開而停下,因為黎明緊接唱出"夏日傾情"同"情深說話未曾講"
真係令所有黎明fans感動o既歌!!!

成場都一d都無冷場,即使janice出場唱出一首不知名o既歌
但係佢都唱得好好聽...
廁所位會係黎明唱出o既一首超新o既國語歌"有情郎"
全場亦只有呢首歌我係唔識由頭唱到落尾...
黎明o既忠實fans真係會覺得呢個concert好正...

不過...一向唔識講o野o既黎明依然係唔識講o野
好在佢仲有Mark Lui,仲搵o左杜汶澤做MC,都有笑位~

好可惜...黎明一首快歌都無唱...仲有2段時間同人握手...好瘋狂...但係比我好近地望倒黎明o既正面!!!
睇完concert,喉嚨好痛...因為我都嗌o左成晚,我無嗌"黎明"係嗌晒佢所有歌...

聽完呢個concert,我真係覺得佢係陪住我成長
好多歌我都係完全仲係成首歌o既歌詞都係識背...黎明真係好靚仔,對我黎講好親切,就好似我一個老朋友一樣
佢每一個concert都鍾意唱o既無名份的浪漫...亦係我o既至愛之一
仲有記得o既"那有一天不想你","對不起我愛你","沒名字的歌無名字的你", "我這樣愛你", "今生不再" ,"今夜你會不會來", "我的另一半", "最後的戀愛", :如果言是情","深秋的黎明","送你一瓣的雪花","藍色街燈","長情","一言為定",:兩個人的煙火",別舔傷口"

wa~
記得o既係咁多,唔知會唔會miss o左
我好想再去聽多次!!!
邊個話會唔好賣?100%坐滿+超壯觀螢光棒~GOOD SHOW!!!!!!!!!!!
好滿足呀~~~~~~~~~~~~~~~~~~~~~~~~ :)

黎明~我愛你!!!

>>October 10, 2005 at 5:15:59 PM GMT+8

2005 年 10 月 2 日 星期日 【晴】

wa~我又大一歲啦~今年終於19歲lu!!!
呢兩日都好開心,仲做o左多o野tim :)
包括--食o左幾餐勁肥仔o既飯,睇o左"童夢奇緣",去o左南丫島行山+食海鮮,仲有去o左唱k
好開心好充實呀~~~~~~~~

雖然生日正日要番工,但係番工o個日都收倒好多生日禮物呀~
有 part-time送比我o既melody音樂盒,kylie送的蝴蝶耳環,part-time送的水晶耳環同生日蛋糕,呀哥俾的利是,Lesina同susan送的耳環同香水仲有"親手整"的cheese cake,小part-time們送的一set keroro公仔

嘩!仲有排收呀...只係正日咋~其他都未講....唔好講笑~lalala,o個d未送o既人識做啦~ (唔洗講係邊個啦~)
唔好再送耳環喇!我得一對耳咋....

講番睇"童夢奇緣"...唉...我竟然喊o左出o黎...真係無用...但係走o既時候見倒好女仔都喊緊...haha
原來大家都係比佢感動倒....
成日都睇戲睇到喊
就黎睇龍咁威都喊喇....

今日就去o左南丫島行山同食sea food
d sea food真係無得頂呀!
超好味!!!!!!!!!!!!!!!!!!!!!!!!!!!
好開心好開心好開心~~~~~~~~~~

不過...諗起聽日要番工就唔開心....
拿!
今個week係我o既生日week
咩都係我大晒!!
yeah~

>>October 3, 2005 at 5:31:03 PM GMT+8

2005 年 9 月 28 日 星期三 【晴】

今日係我放假O既大日子
但係我都仲係好担心...都係要番公司睇一睇
我琴日發現O左一樣O野...就係上一個月我比人地做得更好...慳O左51K~YEAH!
證明我O既努力係唔會白費O既~LALALA

今日我約O左一班同事去BBQ
經過一番爭論,本身諗住食豪O野,但係改為BBQ
咳都未好番....又BBQ,無計...一個月前已經應承O左出席呢個GATHERING...

仲有!
我而家沉迷玩一隻轉寶石GAME, 不過無人係我O既對手....
無敵是最寂寞...唉....

>>September 29, 2005 at 8:10:03 AM GMT+8

2005 年 9 月 18 日 星期日 【晴】

中秋節係我最愛o既日子之一
因為我好鍾意睇月亮睇星星,而且秋天係我最愛o既季節,所以我對中秋節係特別重視

好可惜...琴日我要番工....仲要做到九點幾先走...shit!

每逄佳節倍思親...過節就一定要同自己o既親人或者愛人一齊過...特別係中秋節,人月兩團圓o麻~
呢個中秋...我最想念o既...係bubi,唔知點解,我真係突然好掛住佢
不過...我無同任何人提起過,因為我唔想其他人同我一樣諗起bubi唔開心 ><"

諗番起之前每一個中秋,都無一個係會打風見唔倒月亮...好在琴日都見倒o者~
人大了,玩燈籠都覺得自己有d低b,雖然我今年有個keroro燈籠 :p
或者...我真係老了...
心態老了,樣子都殘了...身材都走樣了.... -->好似好灰咁

今日我放假,正好如我所願,同我最親的人一起過了這個中秋
下一年,又會如何?

咳...還是沒有好過來...
鬼叫自己戒唔倒口,仲要去燒野食咩....都唔知幾時先好

對唔住
都係無開心o既o野想記低
唯一有一樣值得開心o既係...
前兩曰,有個久違了o既大學朋友仔竟然打電話比我問我電話...好突然
仲要係咁o岩o個一日o既lunch時,我同另一個而家係我同事o既大學同學提起呢個人
我個同事都記得呢個咁摺o既朋友仔...hahaha
又令我諗番起我o既大學生活了~~~~~~~

聽日又放假了~
lalala~

>>September 19, 2005 at 5:32:14 PM GMT+8

2005 年 9 月 12 日 星期一 【晴】

ummmm...
想講o既依然係o個一個話題 -->好悶呀,講o左好多日喇!

我今日o係度諗,其實咁都好丫,可能因為呢件事比我睇真d一個人
我覺得我失去o既唔多,領會倒o既o野就有好多
我失去o既係因為網上面有一d咁o既傳言--->精明o既人唔會信o既,精明o既同事都唔會比佢煽動倒
而呢d傳言係對我工作上有短時間o既阻滯! -->我要用我同我teammate o既實力證明比大家知,我地兩個係好負責任,好比心機做o野o既主任,唔係只會hehehaha
但係因為呢樣o野,令到我以後都會小心去對待每一個人... time will prove!

而相對地...佢失去o既一定比我多,仲要係long term
雖然我無同高級過我o既人講 --> 我諗比第二個人佢會咁做! 我亦無周圍同其他人講
但係信得過o既姊妹都知道...咁起碼呢幾個人都唔會信佢 -->雖然佢地話不嬲都唔信係我先信佢!!
而且...佢失去o左最重要o既一樣o野
就係一個真心當佢係朋友,工作上處處會幫助佢而又唔會害佢o既一個好同事
佢失去o左我呢個好同事
咁佢已經搵唔倒另外一個了...

其他人無咁嬲,因為佢地對佢係無朋友o既感情,一個普通lunch一齊食飯o既同事!
而我係真心以為呢個人係可以做朋友的...
我對每一個朋友都好真,我同得你friend就唔會害你,我係一個典型天秤座o既人!! -->雖然我成日挖苦我d朋友... esp. 龜同miricle tracy :p
我依然嬲佢,除o左真係唔明佢點解要咁做--->都仲係未有一個合理o既解釋!
仲有係因為我覺得我比一個"朋友"出賣了...

我會原諒他嗎...其實我唔係一個小器o既人
只係...可能我唔會再信佢,同佢講咁多o野....
呢個就係佢對我做出d咁樣o既事o既代價!!
唔知佢會唔會後悔 --> 可能佢而家un un 腳勁安心訓緊覺,只有我成個傻婆咁仲咁銀住
如果佢後悔o既話我會覺得佢係抵o既,佢打段o野o既時候應該諗下會有咩後果
唔係"貪玩"就可以咁樣做!!

夠喇!!!
我下一次o既OD唔要再寫D唔開心o既o野!!

>>September 13, 2005 at 4:30:44 PM GMT+8