2004 年 6 月 30 日 星期三 【清涼】

痴線ｏ架
真係好熱好熱呀～
呢兩日都唔知咩事．．．可以熱成咁樣樣．．真係爭ｄ就溶ｏ左喇．．．
行兩步就出汗．．．都唔知有咩暗病．．．真係驚呀！
大汗多士？蒙古產品ｏ黎ｏ架～～ｈａｈａ

終於都完ｏ左辛苦ｏ既ｅｕｒｏ　ｃｕｐ喇
真係日日都開兩個會係會死人的．．．所有ｉｄｅａ都嘔晒出ｏ黎喇．．．

>>July 1, 2004 at 12:43:11 PM GMT+8

2004 年 6 月 30 日 星期三 【晴】

原來我好耐無寫od喇...

不過因為EURO CUP o既關係我已經由肥變廋由廋變番肥...

下次再講...

>>June 30, 2004 at 6:18:19 PM GMT+8

2004 年 6 月 14 日 星期一 【乍寒還暖】

有時我會發現...
唔可以咁信一個人~
當你好信佢之後又發現原來佢唔係好信得過o既時候你會好唔開心...
或者有do野你唔應該知咁多,問咁多,睇咁多
如果唔係唔開心o既會係自己!!

現實永遠都係殘酷o既...
同你自己想像o既永遠都爭好遠
有時我真係情願我自己蠢d
知得太多可能會更加唔開心...

可能我生錯o左響呢個時空呢個咁o既世界
注定我呢一世都會係咁樣....


呢兩日去o左training
學access...
終於可以脫離呢個歐洲國家杯o既惡夢...
之後o既roster改晒...
日日都番早放尾
都唔知想點
出鐘都已經O晒T咁樣
今個月肯定死梗...
我呢個睡寶寶已經超級唔夠訓喇!!

黑眼圈先生又出動喇~
死都纏住我唔放...
放過我啦...
我同你無可能o架!!!

如果可以咁樣減下肥都幾好喎~

我今個月先至係真正o既瘋狂六月呀!!!

>>June 15, 2004 at 1:05:38 AM GMT+8

2004 年 6 月 10 日 星期四 【晴】

今次真係死梗喇．．．
歐洲國家杯開始就係我地做到傻ｏ既開始．．．
假．．．無得放．．．
ｏｆｆｉｃｅ野．．．無得做．．．
好討厭歐洲國家杯呢！！！！！！

不過．．．其實多ｏ野做就仲好．．．
我鍾意留響ｏｆｆｉｃｅ多ｄ喎．．．
好過放假又唔知做咩好．．．．
而家連放ａｎｎｕａｌ都無人陪我去旅行呀
ｓｈｉｔ

今日因為小女子趕時間
所以唔係太得閒打太長ｏ既ｏｄ
只係想話肯定以後都要ＯＴ喇．．．

今日係我同小學同學ｏ既聚會
但係我仲未出席
串串貢ｏ既我梗係壓軸出場啦～
ｙｅａｈ！

好開心呀～～～～

>>June 11, 2004 at 1:39:20 PM GMT+8

2004 年 6 月 7 日 星期一 【清涼】

今日又係放假o既日子~
好開心~終於可以休息一下喇~~

上個星期五話說我夜晚番training,canteen又close左
咁諗住叫人買個飯飯番o黎比我食啦...點知...竟然比開飯盒o個個同事發現入面有隻甲曱o既屍骸
另外o個一碟就比個賤賤格格o既同事話"雖然呢盒無甲曱,但係都係同一個鑊炒o架!!你食唔依丫?"
頂...無得食...又係食杯麵o既一晚...陰公呀!!
唔知係唔係我得罪o左個同事所以佢要咁樣毒害我 ><"
不過話時話,我都好似未比番錢佢喎... :p

o個晚放o左工之後同同事去o左唱K啦...
之後去o左一個廁所,咁我就拎埋個電話放o左份衫袋啦...
去完廁所發現掛響電話o既小熊熊唔見o左喎...即刻個心入面驚一驚...
之後就入番廁所勁搵啦...點知都係唔見o左...沿路行o左幾次都係唔見小熊熊o既蹤影
心諗...算啦...有do野唔係你o既就唔係你o既
唔見o左就想搵都搵唔番o架喇...
番到入房...發現小熊熊竟然響我個袋上面...原來有心人見我跌o左幫我執番...
失而復得o既感覺好好...原來小熊熊係唔會離開我o架!!
o個度個停車場好恐怖o架"wewe"聲o架,仲有一架荒廢o左o既私家車封晒塵咁樣樣...
勁有恐怖片feel呀,個心都寒一寒呀!!之後個死人同事仲開大個收音機--講緊鬼故...
即刻我就大大聲唱番首歌仔先~~以後都唔敢去到咁夜喇....

星期六...係我一個男同事結婚o既大日子
盛晒裝出席...好可惜成個宴會係極悶極無聊...係好食law...好好食law...好悶law
人生第一個婚宴就咁就過o左...真係蝕o左啦.......
即刻響度諗定晒第時自己o既婚宴一定唔可以咁頹!!要點好玩點感人...
死梗喇...又係我恨嫁恨到出面o既表現喇...sorry....

唔開心
最憎人先斬後奏!!!!!!!!

>>June 8, 2004 at 8:35:37 AM GMT+8

2004 年 6 月 2 日 星期三 【晴】

今日係一日好熱ｏ既假期．．．
番ｏ左咁多日工都終於可以放番一日假喇～
無計，呀姐ａｎｎｕａｌ真係忙到暈忙到癲．．．我ｄＥＱ都唔差ｏ架！！

開始覺得有時寫日記唔係咁實際
究竟日記係比我記低自己ｏ個一日發生過ｄ咩事丫定係比人地睇我寫ｏ既ｏ野呢？
ｏ拿！講真～我有幾何係會寫自己ｄ唔開心ｏ既ｏ野出ｏ黎先～
寫極都係ｄ好平常ｏ既ｏ野．．．連我自己睇番都覺得有ｄ悶－－＞肯定睇緊ｏ既你都好ａｇｒｅｅ
但係唔知由幾時開始
日記成為ｏ左一ｄ人ｏ既發洩工具，其實佢ｏ地寫日記ｏ既原因只有一個－－－
就係想一個人睇倒．．．咁不如唔好寫日記啦～ｓｅｎｄ　ｅ－ｍａｉｌ仲好啦．．．
不過又有一ｄ無聊人－－－＞包括ｏ左我，明知個作者係咁都會繼續捧場
我覺得好得意ｌａｗ，一個日記其實就等如一個故事，即使唔係同ｏ個個人好熟都會覺得好好睇
我記得我之前仲讀緊大學ｏ既時候都成日睇ｄ唔係好熟ｏ個ｄ同學仔ｏ既ｏｄ架
可能我個人比較無聊啦－－－＞係唔係好認同先？？

可能我而家個生活同之前番學ｏ既轉變太大喇～
我ｏｄ所表達ｏ既ｏ野都唔同ｏ左好多
睇番原來我差唔多寫ｏ左呢個日記先生有兩年喇．．．
雖然而家我寫少ｏ左好多日記，不過都睇倒我ｏ既一ｄ轉變．．．
我都好想睇番晒我之前ｏ既ｏｄ，就當係睇番呢兩年所發生過ｏ既ｏ野
咁唔知三個鐘可以睇完未呢？？？

我隻腳ｏ既紅點已經無咁明顯喇．．．不過我係完全都無睇過醫生．．．
因為日日都要番工ｌａｗ．．．
唉．．．
原來我好耐都無搵過我ｏ既朋友仔喇．．．
有時真係做到人都癲呀！！！
不過．．．有時做ｏ野ｏ既時候都可以從中搵番ｄ樂趣ｏ既．．．

唔開心
但係唔想講咩事

ｏ岩ｏ岩家姐番ｏ左屋企
無啦啦又發我脾四．．．
佢真係提早更年期ｏ個批
勁小氣勁無品ＥＱ勁低．．．
我永遠都係受害者．．．
ｒｅａｌｌｙ　ｓｈｉｔ！！！

我要搵番我ｏ既開心番ｏ黎！！！！！！
ｙｅａｈ！
（正白痴婆．．．）

>>June 3, 2004 at 11:58:15 AM GMT+8

2004 年 5 月 26 日 星期三 【晴】

好慘呀~
好唔開心~~

我隻腳而家變o左紅豆冰呀~
仲要係好多一點點o既紅色點點呀!!
勁想死呀~

仲要係我永遠都係只係著裙裙咋....
而家都唔知點番工先好~
比人地見倒都唔知點好....

真係唔想做人喇...
好唔開心
好好好好唔開心呀....

每一次望倒隻腳腳變成咁就唔開心喇 ><"


哎呀
聽日就得我自己一個人做一件好難好辛苦o既工作喇~
之前我會有呀姐同呀哥睇住我o架
而家得番我一個咋...

點算呀!!!!!!!!
好驚呀~~~~~~~~~~~~~

好唔開心呀!!!!!

我對美腿呀~~~~~~~~~~~~~~~~~~~~~~~~~~~~~~~~~

唔知幾時先會好番呢....

>>May 27, 2004 at 7:37:22 AM GMT+8

2004 年 5 月 21 日 星期五 【晴】

休完一個孖day之後今日番早
聽日．．．又放假～
唔好睇我好似好開心咁．．．．
其實係之後想放假都難呀～～～

無計啦．．．呀姐放ａｎｎｕａｌ．．．．
唉．．．
唔知點解又要咁ｏ岩響呢個時間放ａｎｎｕａｌ
真係唔知番工可以點過喇．．．

我呀～
日日都好似唔夠訓咁樣樣呀！
但係又唔可以訓好多咁ｌａｗ．．．

有時有ｄｏ野真係好奇怪ｏ架
我開始覺得自己有幻聽喇．．．
痴線ｏ架～明明好似聽倒有人嗌自己個名咁樣ｏ架～
但係又好似唔係咁樣．．．
我都唔知應唔應好．．．
真係思覺失調喇今次～～

好想買多ｄ好靚ｏ既耳環～－－＞其實已經買ｏ左好多～
無計～ｏ岩ｏ岩穿之ｏ麻～～～

>>May 22, 2004 at 1:47:58 PM GMT+8

2004 年 5 月 19 日 星期三 【晴】

而家先發現...
原來忙都係一件好事....
起碼唔洗因為太過得閒就諗埋ｄ唔開心ｏ既ｏ野
雖然工作上真係好忙好纏繞好煩
但係真係有ｄ”志同道合”（－－＞ａｎｔｈｏｎｙ最鍾意ｏ既ｔｅｒｍ）ｏ既同事

身邊聽倒太多ｏ既愛情故事
每一個都係令人惋惜ｏ既
究竟而家係一個咩世界？？

算吧啦～
有好多ｏ野都唔可以改變ｏ既～
輕輕諗多ｄ開心ｏ既ｏ野ｌａｗ．．．
連睡寶寶都唔想咁早訓喇．．．．

好！
要講ｄ開心ｄｏ既ｏ野先得～～～～
今日係２０號～呢個５月ｏ黎講我已經放ｏ左十日假喇～番ｏ左２０日放ｏ左１０日喇～ｙｅａｈ！
（ｙｅａｈ乜鬼ｏ者～即係之後你無乜假放ｌａｗ，傻婆）－－－＞講講下開始語無倫次添～
唔得！話明要講開心ｏ野就要講開心ｏ野！！

丫～有喇有喇～
琴晚臨收工之前收倒我同事ｏ既請帖呀～
佢結婚喇結婚喇～～～～～
呢張係我人生第一張收ｏ既請帖呀！！！！好緊張呀～～～～
不過如果第一張收倒ｏ既係我好朋友ｏ既話會好ｄｌａｗ－－＞喂～唔準講埋ｄ唔開心ｏ野喎！
哈～
唔知幾時到我呢？？－－＞恨嫁恨到出面喎～～～

好開心呀～
有人真係話我廋ｏ左呀～
ｏ拿～
講明先～
我廋ｏ左又靚ｏ左ｏ既時候係絕對會勁食ｏ野獎勵我自己ｏ架～

丫～
仲有～～我ｏ既ａｎｎｕａｌ　ｌｅａｖｅ　ｐｌａｎ左係１８－２４喇～
放假梗係想去旅行啦～如果玩得開心得滯我唔番ｏ黎ｏ架喇～
不過．．．．７月５日希望睇倒場終極大戰啦～

>>May 20, 2004 at 7:44:32 AM GMT+8

2004 年 5 月 16 日 星期日 【晴】

今日
晨咁早ａｎｔｈｏｎｙ打電話比我，話佢考到車牌
首先要恭喜你先～都唔知你肥ｏ左一次再考過～
第二～好在你都記得我鍾意遊車河～快ｄ買架車先啦～～～
第三～你個死仔唔等埋我先去學．．．咁邊個陪我呀？？？
嘩～
好耐無見你地喇～
不如搵日番中大食ｔｅａ丫～～～～～

講番前日ｏ既事先～
五月十四日我去ｏ左做義工呀～
本身都唔係話真係咁有心去做義工
只係成班同事一齊諗住開開心心玩番一日ｏ者～

其實ｏ個日起身都覺得好似好支力咁
唔係咁想去做
難得有一日ｏ既假期．．．
不過之後就好開心喇～
見倒ｄ公公婆婆見倒我同我呀姐兩個猛讚我地靚女
仲爭住同我地影相添～ｈａｈａ
好似大明星咁呀～
其實照顧佢地唔難，因為佢地都係長者義工
不過最ｂｅａｒ一聲ｏ既係當咩李香琴呀薜嘉燕唱歌表演ｏ既時候佢地就睇得好開心
到ｅａｓｏｎ呀容祖兒唱ｏ既時候我想睇下啦，佢地成班又要我帶佢地去廁所
真係比佢地吹漲．．．

不過見倒佢地食ｏ個餐咁好食而我又無得食都真係好唔開心ｏ架．．．
我又鬼死咁肚餓喎．．．

其實我真係唔係一個好稱職ｏ既義工
因為我都係掛住同ｄ同事玩．．．
不過到送佢地走ｏ既一刻先真係覺得好有意義咁樣～
真係開心喇～

而家真係好似番工仲開心過放假咁
番工都仲有ｄ志同道合ｏ既同事玩下傾下計
放ｏ左工之後就好似無ｏ野做咁．．．

係呀．．．
真係好悶呀．．．
真係好煩呀．．．．．．

>>May 17, 2004 at 8:20:42 AM GMT+8