2004 年 8 月 29 日 星期日 【晴】

終於都番ｏ左屋企喇～
而家可以日日都上網好似好唔習慣咁．．．

玩ｏ野～
無番一日工都可以有咁多變化．．．
而家我今個月又唔洗番夜喇～
無番一日工好似ｍｉｓｓｏ左好多ｏ野咁．．．

不過而家番工真係好開心
雖然日日都要ＯＴ
不過最開心係可以同好朋友一齊番工．．．

同自己呀姐做好朋友好似好奇怪咁
我諗唔係好多人做得到
因為多數ｄ上級都掉晒ｄｏ野比細ｏ既做
不過～我就無喇～可能係我又乖啦～

打倉頡
好累呢～～～～

>>August 30, 2004 at 3:15:32 PM GMT+8

2004 年 8 月 26 日 星期四 【晴】

前幾日我上ｏ左公司ｏ既ｔｒａｉｎｉｎｇ
而家學識ｏ左倉頡，雖然只係輕輕識打，仲打得好慢
但係我而家都迫緊自己去用倉頡打
咁樣我先會識打！

不過，雖然話識打，但係成日都無咩機會用倒
好似而家咁打咁多倉頡都真係第一次！

講多無謂
都係講下小女子近日ｏ既大事先
我就快搬番上屋企喇
屋企仲翻新ｏ左，而家簡直係正呀！
只係真係遠ｏ左少少－－＞其實係好多．．．
不過又要開始番夜喇～
無錯～我要番夜喇！！
不嬲我都好憎番夜，而家真係要番喇．．．
不過都好彩，成年都只係番２０日，即係兩個月，每個月番１０日ｏ者
我就一開始就番，分別係９月同１１月
雖然係有ｎｉｇｈｔ　ｓｈｉｆｔ
但係賺咁多都補唔番啦！

開始擔心以後ｏ既生活．．．

仲有ｏ既轉變我諗係我肥ｏ左啦
雖然之前都已經唔係瘦．．．即係而家簡直係慘不忍賭呀！
為ｏ左唔嚇親大家，我已經絕少出席人多ｏ既聚會．．．
大家唔好怪我呀．．．

成篇都係用倉頡打的
突然間有點兒感動～～
好叻女呀張寶明～～～～

>>August 27, 2004 at 11:40:25 AM GMT+8

2004 年 8 月 16 日 星期一 【晴】

只係想生活得開心一點，原來一ｄ都唔易．．．

除ｏ左有屋企人，朋友，愛人，同事之外，呢個世界仲有小人．．．
小人就最鍾意響係身後放暗箭
除ｏ左話你做ｏ野唔掂，態度唔好之外
仲有好多中傷你ｏ既方法
以訛傳訛．．．再傳番入你耳中ｏ既唔方係好事．．．

人言可畏
但係做唔倒任何事去補救

唔係唔介意
只係介意都無辦法
清者自清
再講只會越描越黑
要信我ｏ既就會信我ｏ架喇．．．

好似好有性格咁樣
不過呢個傳言我忌倒都真係覺得有ｄ攪笑！

我都係覺得
我做唔倒要全世界ｏ既人都鍾意我
你唔喜歡我ｏ既話就唔喜歡我
我真係無所謂
反正唔鍾意得我ｏ既人我都唔希罕同佢做朋友

我已經覺得而家擁有ｏ既同事朋友已經好足夠
不多不少
本來我就活得好開心
比我平平靜靜咁樣得唔得呀？

鬼唔望ｏ個ｄ暗箭傷人ｏ既ＰＫ爛咀爛舌
車輪都打唔倒！－－＞唔好得罪女人呀．．．

琴日發生ｏ左一件令人好嬲ｏ既事．．．

我就係唔信呢個世界無公理！
就算你係高級過我
你做唔倒野就做唔倒ｏ野
唔該唔好屈我
我態度差係因為你呢ｄ咁ｏ既人唔值得我去尊重！！！
睇下點．．．

>>August 17, 2004 at 10:08:59 AM GMT+8

2004 年 8 月 10 日 星期二 【晴】

唉.....

越來越多o野煩.....

唔開心...

>>August 11, 2004 at 8:26:38 AM GMT+8

2004 年 8 月 3 日 星期二 【晴】

好似好耐無見過一班朋友仔
見倒o既時候原來大家都無變到~
只係呀女廋o左啦...個口好似大o左....
呀龜黑o左啦...anthony真係唔識個死字點寫...咁直接話龜姐黑左
anthony又神秘o左啦
仲有某人索o左o架下！
（Ｐ．Ｓ．　請不要說我ｋａｗａｉｉ同索～以後禁講呀下～）

小同中同大同都有約會
好似好忙咁
但係又唔係喎

心情呢．．．
一時好一時壞～開始懷疑我要食靜心呀！
真係唔好得罪我呀，我真係會發火咬人的～～
就好似響機舖鬧人咁樣．．．女人．．真係唔得罪得呀～
比我鬧到條死肥仔ｓｈｏｒｔ很ｏ左～ｈａｈａ
詳情唔會話比你知～費事比人話我惡惡的．．．

番公司聽倒好多ｏ野
真係ｂｅａｒ　ｂｅａｒ聲～發現世界上真係有ｄ咁奇怪ｏ既人～
仲要我個呀哥教精我唔好立亂信人．．．．好驚～咩事呢？？？
仲要悿ｐａｒｔ　ｔｉｍｅ同事煩死
呢樣又投訴ｏ個樣又投訴．．．蝦我ｏ既．．．

唔開心呀～
黑色眼圈警報現正生效
有效時間直至另行通知．．．

>>August 4, 2004 at 9:11:42 AM GMT+8

2004 年 7 月 25 日 星期日 【乍寒還暖】

心情很差
卻想不到解決的辦法

每次有煩惱解決不了
我都會選擇逃避

想好好想清楚
可是卻越想越亂...

想太多了.....

人就是這樣
越是按著自己不去想
那些煩惱就好像要死纏著你一樣
揮之不去
像陰霾般無處不在

或許...
這不是我能力之內所能解決到的....

>>July 26, 2004 at 11:09:05 AM GMT+8

2004 年 7 月 23 日 星期五 【晴】

其實有一個od真係幾好～
好ｏ既係自己可以睇番晒究竟之前發生過ｄ咩事
如果係人地ｏ個個呢．．．就可以八下佢之前發生過咩事．．．咁就可以了解呢個人多ｄ～
不過原來都有一ｄ唔好ｏ既地方ｏ架．．．
例如如果你之前係好開心ｏ既說話．．．而家又唔係好開心ｏ既話
比人睇倒ｏ既係一個對比．．．
又或者係你之前同之前ｏ個個另一半開開心心ｏ既往事你記低ｏ左．．．
之後到你同佢分ｏ左手之後睇番就真係”螺”景啦．．．
又或者係當你識ｏ左一個新ｏ既另一半佢睇番你之前同另一個人幾咁恩愛就真係ｂｅａｒｂｅａｒ聲呀～

睇過一個最複雜ｏ既ｏｄ
就係一個死ｏ左開過一個．．．之後無心繼續又爛ｏ左尾，ｏ岩ｏ岩又開多一個當係新開始
不過而家又唔寫ｌｕ．．．（唔洗唔認～係你條死懶龜！）
真係最憎ｄ人係咁樣ｏ架～你咁樣你就會無讀者ｏ架啦ｏ麻～
仲有ｏ個ｄ寫埋ｄ唔”啦更”ｏ野落去ｏ個ｄ．．．
真係想丙佢一身呀！！
有時有好多ｏ野就算你係同佢相處都好
你都未必知道佢某一方面ｏ既ｏ野
但係ｏｄ就幫倒你．．．
所以無聊ｏ既時候我都會追下一ｄ唔識ｏ既人ｏ既ｏｄ．．．當然係輕輕知道佢係乜水不過唔熟ｏ個ｄ啦～

近期追ｏ左一個女仔ｏ既ｏｄ－－＞請留意，我係追女仔ｏｄ多ｏ架，因為女仔先會比心機寫好佢（除ｏ左龜～）
好奇怪．．．我又唔係真係識佢ｏ個ｄ，但係咁ｏ岩見倒佢個ｌｉｎｋ就去睇下佢ｏｄ啦
竟然發現呢個人好有格，佢唔似ｄ好表面ｏ既女仔，咩開心唔開心都係咁寫晒出ｏ黎ｏ個ｄ好敷淺ｏ既人
而係一個好似好有內涵ｏ既人．．．，好想同佢做一個ｐｅｎ　ｆｒｉｅｎｄ
佢真係好似我一個好朋友潘先生而家條女一樣．．．好內斂－－＞諗ｏ左好耐喇呢個字～
睇完佢ｏ既ｏｄ就好似已經同佢ｆｒｉｅｎｄ左一樣
呢個感覺真係幾得意．．．

近期好似好多約咁樣
分別係呢個小學同學啦，中學同學啦，大學同學周埋同事ｏ既約會
好熱鬧．．．．．但係輕輕有寂寞ｏ既感覺．．．．
寂寞．．．．但係又高興．．．．．．真係”又寂寞又美好”－－＞睇ｏ左．．．都幾好睇～
想得太多了．．．．

唔通所有ｏ野都有一個限期，就連開心都有？
係唔係我已經用晒所有ｑｕｏｔａ喇？
有ｄ野好似暗地裡發生緊但我係全不知情咁
好討厭呢種感覺．．．

>>July 24, 2004 at 9:39:27 AM GMT+8

2004 年 7 月 20 日 星期二 【晴】

原來我都有好多日無寫日記喇...
開始覺得日記呢樣o野好神奇...唔係日日寫而係得閒先寫...
銷量一定下滑啦...
不過其實我寫日記係希望自己第時可以睇番自己之前o既生活...所以都係寫多一d比較好~

近期我成日都響度諗一個問題---究竟我係一個點樣o既人,究竟我需要d咩-->小姐呢度係兩個問題啦~
我係一個點樣o既人呢?原來我生活o左廿幾年都唔係好了解自己...
近期有人話我個人好惡...好惡咩?真係第一次比人咁話...
串呀...態度囂張呀o個d就聽得多啦~惡都真係第一次...
umm...我覺得我係o個d要識落先知道我有咩優點o個d...o岩o岩識我o既人都唔會鍾意我o既!
所以開頭番工真係唔係太開心o架...因為仲會比人蝦呀,人緣又唔會好好...
(始終我都唔係識socialo既人...仲唔係幾鍾意socialo既人...我會覺得好難去搵一個話題同d唔熟o既人傾計law)
不過而家真係番工番得好開心...雖然唔會成日都見倒o個d同事...
其實我真係好覺得好覺得"真"會好過"social" that's why我o既"真"就成為o左我一個結交倒朋友o既重要因素
朋友唔需要好多...只要係大家真係互相信任互相喜愛的話...一個就已經很足夠了...
咁究竟我係一個咩人呢??我諗我比較極端...鍾意我o既會好鍾意我,憎我o既亦可以好憎我
but who cares?不喜歡我的就儘管不喜歡我吧~反正我也不會喜歡你的~
要做到全世界都喜歡自己是很困難而且很辛苦自己的事...我是一定不會這樣做的!

咁究竟我需要d咩呢?
我諗我需要o既唔只係吃喝玩樂,咁當然吃喝玩樂都係需要啦...
以前我可能好簡單-->唔係頭腦簡單呀下
簡單到覺得日日可以同自己最愛o既人一齊...即使咩都唔做都已經好滿足
不過而家又覺得...除o左愛情之外...屋企人都好重要...可能因為近排拜仁兄都一反常規勁痴家o既影響啦...
我需要o既係心靈上o既滿足...
umm...譬如...我唔需要我男朋友比好多好多o野我,唔需要送好多好多o野比我
只要我知道你心入面有我,可以令我完全相信你...咁就已經好足夠...好簡單o者~
不過...原來響而家呢個社會係好難o架...因為實在係太多引誘喇...
引誘唔只係講緊響一段感情入面有其他人介入...而係講緊一d追名遂利o既心態...令一個人完全改變
又或者係為o左迎合呢個社會而變得庸俗...連真正o既自己都忘記o左...
我真係唔想咁樣...我需要一個唔係咁樣o既另一半...我願意同佢一齊挨...
我需要o既滿足...好難解釋...
譬如...我做o左兩次義工...做之前我都覺得自己好似好傻咁...點解放一日假都要早起身做埋d咁辛苦o既o野呢?
但係每一次做完之後..我都有好大o既滿足...雖然實質上我無得到任何o既o野...
見倒d公公婆婆開心其實自己都會好開心,佢地其實係好悶...無任何娛樂...
人到o左晚年其實已經無欲無求...真係好想帶d歡樂比佢地呀!!
做完義工先發現自己對自己屋企人都唔係好好...平時都好少孝順一下爸爸媽媽...
真係突然間心入面有種不安o既感覺...
所以上星期日放假就同媽媽去o左街街...好滿足...不過依然覺得我付出得太少...

唉...
究竟做人點先可以開心d,點先可以對得住自己呢??

心情好複雜...

就此停筆!
放假應該比自己relax下o既...

>>July 21, 2004 at 9:52:21 AM GMT+8

2004 年 7 月 11 日 星期日 【晴】

好似日日都唔係好夠訓咁...
無論我訓o左幾多幾點訓幾點起身都好...
黑眼圈就越來越大....
睇落去真係好似成個食白粉咁!

唔得~
唔可以咁醜樣o架!

除o左唔夠訓之外就係番工番到傻o左喇~
點傻呢??
唔係好忙好多野做...
就係無野做o個下先慘慘...
一日仲要番o既時候咁長
又無咩特別野做喎~
好似聽日咁又番0900-2030
痴線o架
爭30 mins就個鐘啦~
但係又係無野做喎~
點算呢??

聽倒有人話我好惡...
我真係好惡咩?我真係唔知~
我咁大個女都係真係第一次聽倒有人用惡黎形容我...
其實我都唔知幾咁大方幾咁好人....

>>July 12, 2004 at 11:50:14 AM GMT+8

2004 年 7 月 5 日 星期一 【晴】

而家我係放緊annaul
勁開心日日都可以訓好多
雖然都係番o左公司,不過係去玩呢~~~

而家真係覺得番工可以好開心~真係睇下你用咩心態去番law~
聽我兩個好朋友仔講佢地番工都唔係番得好開心
我就真係好開心喇
可能唔同心態啦~
我又唔係o個d 好aggressive既人,又唔會走去同幾個波士講要加人工
咁我係同d同事傾下計,hea下一齊食下o野咪算law
而家真係好開心呀
反而放假就唔開心lu....

不過好快又番工喇
而家個copa america真係衰呀
攪到有d同事要番2300放3100
真係補唔番呀....

希望大家番工o既開開心心啦~

>>July 6, 2004 at 7:52:39 AM GMT+8