2003 年 9 月 17 日 星期三 【晴】

哈哈～
今日又係放假ｏ既日子～
我真係好耐都無上過網喇～
無得ｉｃｑ真係同少ｏ左ｄ好朋友聯絡～
想知道佢地ｄ野都真係要ｕｐｄａｔｅ下佢地個ｉｎｆｏ先略知一二．．．
唔知呀龜開倒單未呢？？
ａｎｔｈｏｎｙ原來番ｏ左幾日工喇．．．．
ｔｒａｃｙ原來都係番緊工．．．真係完全唔知呀．．．
可能因為我放假ｏ既時候佢地班友仔都要番工啦～
而我上網ｏ既時候又永遠都見唔倒佢地啦．．．
總之就係永遠都見唔倒啦！！
唔係因為今日打電話比ａｎｔ都唔知佢地ｏ既近況．．．

唔知點解我有個感覺
我真係唔係好覺得我係番緊工咁．．．
可能響ｏｆｆｉｃｅ入面ｏ既同事都好好人
個個都真係好好人咁，而且雖然係多ｏ野做
但係暫時都ｈａｎｄｌｅ倒～
不過琴日我負責ｉｎｔｅｒｖｉｅｗ　ｄ　ｓｔａｆｆ
主要係要佢地簽信．．．內容都係書面ｏ既ａｄｖｉｃｅ或書面ｏ既警告
本身都好地地ｏ既，因為我比較仁慈，佢地都唔會覺得我衰－－＞我諗
不過有個師奶就真係比較煩，死都唔肯簽封信
真係發晒脾氣，企到硬晒ｏ個隻．．．我真係比佢激死！

仲要琴日我見義勇為幫個同事頂ｏ左個發緊爛渣ｏ既客人
唔知我係唔係同我細佬溝通得多
佢ｏ既粗口我真係完全唔驚！！
雖然個客擺明玩ｏ野個個都要投訴，但係我都成功令佢收線～～
唔知佢會唔會連我都投訴埋呢．．．

一諗起當我ｄ同事聽番帶研究番單ｃｏｍｐｌａｉｎｔ既時候聽倒我同人客ｏ既對答就覺得嘔心
唉．．．呢個世界ｄ人客真係麻煩～～～

>>September 18, 2003 at 8:23:07 AM GMT+8

2003 年 9 月 10 日 星期三 【晴】

嘩～～
各位係唔係好耐無見過我呢？？
有無掛住我呀？？？
我過得好好呀～～

不過可能我搬ｏ左去第二度住
而個電腦唔係跟住我走ｏ既關係
我一個星期都上唔倒一次網．．．．

呢段時間都係勁要番工
不過番工都唔係悶事
因為每一日都有好多ｏ野做～～
好開心因為覺得自己已經知道公司發生緊咩事
雖然被工作纏身
忙到死
但係起碼都叫做上ｏ左手啦～～～

我佈置得我張木台好靚呀～～
雖然輕輕有ｄ亂．．．
不過真係好多裝飾～ｈｅｈｅ

我公司有個女同事送ｏ左份中秋節禮物比我呀～～～
勁靚勁開心呀～～～～～～～好ｏ野！！！！！
我亦都係放ｏ左響木台頭～～

而家放假就好想去買ｏ野
好想約ｄ朋友仔出ｏ黎～～
好掛住大家呀～～～～～～～

無得ｉｃｑ同上網好慘呀～
除ｏ左ｅ－ｍａｉｌ日日都爆之外
我係燃燒緊我手提ｏ既分鐘．．．
無晒朋友仔喇～～～～～～～～～～～～～～～
朋友仔唔好唔記得我呀～！～～

不過好在ａｎｔｈｏｎｙ都仲記得我～
搵倒工都識得打電話比我同我講．．．

唉．．．
番工ｏ既生活真係．．．．

１２月４日．．．
畢業大日子
重臨中大唔知會點呢？？

>>September 11, 2003 at 11:25:25 AM GMT+8

2003 年 9 月 4 日 星期四 【乍寒還暖】

嘩～～
原來我已經好多日無上過ｏ黎呢度寫ｏｄ喇～
不過唔係我忙到上唔倒網．．．
而係我根本上唔倒網．．．

不過．．．日子都係咁過．．．
除ｏ左番工之外就係休息喇．．．．
不經不覺我已經番ｏ左一個月ｏ既工，不過都未係好習慣番有馬跑ｏ既日子
因為．．．真係要企到死＞＜”

而我ｏ既ｄａｙｏｆｆ都係一個月有十日～～～
不過今個月好ｄ，有好多星期日都有得放～～
真係開心～～因為就算放平日ｏ既話都唔知做咩好．．．個個都唔得閒ｏ既．．．
諗諗下一個月放十日都好似真係好多咁～～～
今個月就有好多星期日放．．．
不過下個月就應該相對地少番～～～

之前龜龜入ｏ左醫院．．．原本諗住同ａｎｔ探下佢
不過因為打風ｏ既關係，所以取消ｏ左～～
原來去醫院探病都係一個節目ｏ黎．．．

９月１日係開學ｏ既日子
亦係我正式暫別學生身份ｏ既時候喇．．．
我大個女喇～～～要開始番工喇～～～～無得再放暑假喇．．．

不過．．．
如果做ｏ左ｍｉｓｓ咪可以放下假ｌａｗ～～
ｙｅａｈ！！

>>September 5, 2003 at 12:48:20 PM GMT+8

2003 年 8 月 30 日 星期六 【晴】

今日係第一日跑馬～
好開心因為見倒好多同事今日番工
好開心因為好多野都上ｏ左手
好開心因為ｄ　ｔｅａｍ　ｌｅａｄｅｒ開始尊重我
好開心因為我ｍａｎａｇｅｒ記得我個名（仲成日ｃｈｅｒ住要我整野）
好開心可以響夜更同事面前狂惡鬧佢地

不過企足一日係好痛苦ｏ既事
無計啦
今日係第一日跑馬．．．

聽日ｏｆｆ一天
ｙｅａｈ！

>>August 31, 2003 at 3:25:32 PM GMT+8

2003 年 8 月 28 日 星期四 【晴】

話咁快今日就係星期五喇～
原來我番ｏ左工已經有一個月ｏ既時間．．．
不過始終都係未開ｒａｃｅｄａｙ
始終都係唔知咩情況．．．

好多ｏ野都可以話上ｏ左手
佢地都會放心比我做喇
雖然可能仲有做錯下一ｄ野
不過都係好細微ｏ者～～

而家就連我ｄｐａｒｔ－ｔｉｍｅ既ｔｅａｍ　ｌｅａｄｅｒ都開始信我喇
起碼佢地終於肯報野比我知．．．
有問題都會問下我
不過．．．
都係有好多ｏ野都係要問番其他人：ｐ
最開心ｏ既係暫時都發現我ｄ同事都好好人
起碼我會知道有咩人係好人有咩人係ｘｘ

我發現ｏ左原來呢個社會真係好複雜
唔好話人地同你有無利益衝突
就算係無ｏ既有ｄ人都好想跣你一鑊金ｏ既．．．
真係要小心ｄ．．．

可能做得多ｃｕｓｔｏｍｅｒ　ｓｅｒｖｉｃｅ啦
而家如果打電話去其他公司搵ｏ個ｄ客戶服務主任我都態度囂張咁
因為我地ｄ同事都成日比ｄ客人鬧～～
純粹係報仇ｏ既心態．．．
係唔係好變態呢？？

>>August 29, 2003 at 1:18:26 PM GMT+8

2003 年 8 月 24 日 星期日 【雨】

打風唔成．．．
連續番ｏ左兩日早工喇＞＜”
好在星期六放ｏ左個靚假～～～
仲要邀請倒小拜仁上ｏ稷我屋企過夜添～～
不過呢個傻豬係掛住打機～
我訓ｏ既時候佢都仲打緊機．．．
第二朝我起ｏ左身番工佢仲訓到隻豬咁～～～ｈｅｈｅ

仲諗住打風可以唔番添
點知打唔成＞＜”

今日仲要響公司發生ｏ左ｄ小風波
真係越來越覺得呢個世界有ｄ人真係好衰．．．
唔開心
下次ｏｆｆ先寫番咩事啦．．．

因為番早又唔係番一日放一日ｏ既關係
我而家已經好眼訓喇．．．
星期三先有得ｏｆｆ！
挨埋聽日佢啦芭比～～～

生個ＢＢ仔先定ＢＢ女先好呢？？
ｈｅｈｅ

>>August 25, 2003 at 4:11:36 PM GMT+8

2003 年 8 月 20 日 星期三 【陰】

哈哈～
真係成日有假放喎～～
可能咁講會比ｄ六日都要番ｗｈｏｌｅ　ｄａｙ既李小姐小
但係我今個ｗｅｅｋ係真係放二，四，六
勁開心～因為有星期六放～～～～做番個平常人！！ｙｅａｈ！！！！

琴日係公司ｄｒｙ　ｒｕｎ既大日子
可能ｄ同事番一番會覺得好悶好無ｐｏｉｎｔ
因為係試下ｄｏｗｎ機，試下停電，試下走火警．．．
我係聽倒有ｄ同事話”我最唔鍾意走火警！！”
我心諗．．．如果有一日ｔｏｕｃｈ　ｗｏｏｄ講句真係火燭咁大家知唔知要點做呢？
有ｄ野係到發生之後先知個重要性就太遲ｏ架喇！！！！
琴晚最後攪到成１：００ａｍ先可以放工．．．
好在今日ｏｆｆ者～～～～

今日約ｏ左ｄ中同
談天說地開開心心又過ｏ左一日～
不過有ｄ朋友仔仲未讀完書
而家係放緊暑假ｏ個隻．．．
唉．．．
番ｏ左工之後個世界真係唔同ｏ左ｏ架喇．．．
要識得點防人，唔可以太信人
因為真係有ｄ人想跣你一鑊ｏ架～～～
所以要好小心去做ｏ野
不求有功，但求無過～～～～

聽日又要番早喇～
聽晚係約ｏ左ｄ大學同學
唔知可唔可以準時放工呢？？？
＞＜”

>>August 21, 2003 at 3:08:35 PM GMT+8

2003 年 8 月 18 日 星期一 【雨】

今日同ｏ左小拜仁出街街～
都係我等佢放工先出去ｏ架喇～
鬼叫我平日先ｏ黎ｏｆｆ咩！！！
去ｏ左原來都好似好耐無去過ｏ既旺角行街街
原來真係好耐無去過旺角喇～
之前係成日同呀龜去～之後再上ｐａｒｉｓ係梗ｏ左ｏ既
而家．．．就難ｌｕ，就連朋友仔都唔係成日有得見咁．．．
ｔｒａｃｙ就ｏ黎走喇．．．都好耐無見過大家，ｒｏｎｏ更加係失ｏ左蹤啦～
唔知今個星期ｏ既ｇａｔｈｅｒｉｎｇ會唔會出得齊人呢？？

今日同ｏ左小拜仁去ｏ左芝士屋食ｏ左個二人餐～
但係呢個二人餐絕對係三人餐～～
我同小拜仁都食到飽到唔識出聲！！！
小拜仁好好呀～毫無怨言咁陪我行ｏ左咁耐～
仲肯陪我去男性禁地添呀～～～～ｈｅｈｅ

食飯ｏ既時候仲講番好多以前ｏ既ｏ野
我諗呢ｄ野我地兩個都係一世都唔會忘記ｏ既～～

下次唔知幾時先可以再見小拜仁ｌｕ．．．＞＜

>>August 19, 2003 at 4:40:58 PM GMT+8

2003 年 8 月 17 日 星期日 【晴】

哈哈～好似好耐無寫過日記咁．．．
因為呢個禮拜好忙呀～星期五我番ｏ左中大睇ｃｃｂａ同ｓｃｂａ片呀～
今年ｃｃｂａ可能多ｏ左ｄ男仔ｏ既關係，聲勢都好似大ｏ左咁
所以今年ｏ既片好好睇！
而且ｃｃｂａｏ既大組長係絕對地靚仔過ｓｃｂａ既
雖然番一番去有ｄ無聊，不過見倒佢地片得咁開心咁感動－－因為片完好多人喊
我都覺得值回票價～～～

星期六同星期日都係番夜ｏ既日子，因為有賭波ｏ麻！！
１７００－２４００雖然已經番ｏ左好多人，但係依然係好似唔係好夠人咁
邊個話香港人唔買波呢？？
星期六放ｏ左工之後去ｏ左踩場，因為ｃｃｂａ去ｏ左陳根食宵
除ｏ左呆睇佢地狂ｄｅｍ　ｓｌｏｇａｎ－－＞梗ｏ左ｏ既節目
仲同女女仔仔同我組爸組媽輕輕傾下計咁，痴ｏ左幾張相影下就走人ｌｕ

ｄ　ｓｌｏｇａｎ我都仲記得！
無錯～崇基係最好ｏ既～工商管理都係最好ｏ既～
崇基工管係ｂｅｓｔ　ｏｆ　ｔｈｅ　ｂｅｓｔ
不過當晚我只係ｄｅｍ左ｂｏｍ　ｂｏｍ　ｂａｋ同崇基四聲道
最ｇｏｏｄ既ｃｏｍｅ　ｏｎ　ｃｃｂａ無ｄｅｍ呀＞＜
好懷念ｏ　ｃａｍｐ呀！！咁樣我就過ｏ左四年ｏ　ｃａｍｐ
四年我都知道發生緊咩事喎～勁威！！
見倒ｄ仔仔女女大晒真係有ｄ感慨呀～～～
原來三年咁快就過ｏ左喇．．．我ｏ既仔仔女女都變ｏ左做老鬼喇＞＜”
時間過得真快～三年ｏ既ｈｏｎｅｙ　ｍｏｏｎ咁就過ｏ左．．．

見番好耐無見過ｏ既ａｎｔ，真係好耐無見喇～
其實ｔｒａｃｙ就ｏ黎走ｌａｗ，我地應該出一出ｏ黎ｆａｒｅｗｅｌｌ呀～～
ｒｏｎｏ又唔知死很ｏ左去邊．．．
呀龜又話開始唔想番工，想搵過份喎！
一番ｏ　ｃａｍｐ就諗番起大學一班朋友仔喇～
ｂａｒｔｓ既成員係陪伴我過呢三年ｏ既重要人物
當然仲有小拜仁啦︿︿
番工真係成日都見唔倒呀～仲要係我呢ｄ番ｓｈｉｆｔ既人．．．

最攪笑ｏ既係有一個我個仔ｏ既組仔原來賣波ｏ個日有番工
仲認得我呢個ｓｕｐｅｒｖｉｓｏｒ添喎．．．唉影響晒我ｄ形象
早知我去到ｏ既時候唔好大嗌住先啦．．．．
樣衰～十個樣衰～～～～～～～～～

>>August 18, 2003 at 3:20:20 PM GMT+8

2003 年 8 月 13 日 星期三 【陰】

琴日因為早放工ｏ既關係，加上龜姐誠意邀請
咁我就同ｏ左佢一齊去睇陶吉吉ｏ既演唱會喇～～～
仲要係唔洗錢ｏ既４００蚊飛喎！！ｈａｈａ

輕輕聽過佢唱ｏ既六首歌佢都有唱
好明顯佢唔係ｓｅｌｌ靚仔係ｓｅｌｌ唱歌好好聽
而佢真係唱得好好好好聽～
雖然真係唔係好多瘋狂ｏ既ｆａｎｓ．．．
呢ｄ就係現實ｏ既殘酷喇，唱得幾好都無用，因為唔夠靚仔．．．
當然唔可以ｅｘｐｅｃｔ好多人有螢光棒同ｂａｎｎｅｒ啦
而講真佢ｏ既歌又唔係話首首都有人識喎．．．
最出名ｏ既就係愛很簡單啦，當然呢首歌係最後出場啦～
呢首就好多人識唱喇，全場一齊”ｉ　ｌｏｖｅ　ｕ”咁樣
都輕輕感動ｏ架！！！！

仲有ｅａｓｏｎ做嘉賓
又見倒呀ｓａ黎睇
原來ｅｄｄｉｓｏｎ都有去ｏ架．．．
蝕ｏ左呀！！我竟然見唔倒佢呀．．．．．＞＜
我好想見下佢真人呀！！
蝕晒喇＞＜”

不過都成１１：１５先完場
其實都有幾多歌ｌａｗ
龜姐係極度眼訓ｏ個隻
我就咁ｏ岩今日ｄａｙ　ｏｆｆ
所以特別ｆｒｅｅ～～
好正呀呢個演唱會～

多謝晒龜龜呀～
下次有ｄ咁ｏ既荀ｏ野都要搵我呀！！！︿︿

>>August 15, 2003 at 3:26:40 PM GMT+8