2003 年 4 月 30 日 星期三 【晴】

今日一整日都比份ＣＢ　ｏ既ｔａｋｅ　ｈｏｍｅ　ｅｘａｍ纏繞住
由朝諗到晚都未諗倒ｓｉｎｇａｐｏｒｅ，香港同上海有咩ｐｒｏｄｕｃｔ係唔同ｏ既
真係咩人都問晒，包括屋企同朋友仔仲有男朋友仔．．．
輕輕落街食ｏ左個ｌｕｎｃｈ就番ｏ左屋企繼續做喇．．．雖然同ｔｒａｃｙ傾ｏ左好耐．．．
不過大家都研究唔倒ｏ個條點做．．．真係苦惱ｏ左我好耐．．．．

知唔知道咩時候最能分辨何謂朋友呢？？就係當你有困難ｏ既時候呢個人會點幫你喇．．．
除ｏ左問ｔｒａｃｙ同埋一齊讀ｏ既朋友仔之外．．．竟然又係佢．．．
我今次最感激ｏ既依然係我個女－－－大口恩～
因為佢根本未讀過呢個ｃｏｕｒｓｅ，而且我都唔係第一次問佢呢個問題
難得佢又真係好願意幫你諗，好願意幫你做，好願意幫你搵資料～
呢個時候真係知道咩叫人情冷暖喇，有ｄ人係我問ｏ左佢之後佢會話”唔知呀，你自己諗下啦～”
大佬我又唔係同你一班，一班就話驚我高分過你ｏ者，咁都唔幫手諗下係人唔係？
仲要係ｏ個ｄ如果係游手好閒無ｏ野做ｏ既，竟然不如我一個聽日要趕交份ｏ野ｏ既女．．．
（其實我係睇呀女個ｏｄ先知道佢都係要聽日交份ｏ野，有ｏ野做都肯幫手，多謝！）
佢係真係好到去ｏ左ｓｉｎｇａｐｏｒｅ　ｄ　ｗｅｂ　ｓｉｔｅ幫我睇下ｌａｗ～
朋友真係好重要，真正對自己好ｏ既朋友都好重要．．．呀女兩次訓身幫忙實在令人感動喇～
仲有多謝ｔｒａｃｙ同我傾ｏ左成個鍾兩個諗到頭爆啦
多謝ａｎｔｈｏｎｙ　輕輕打電話比我諗住幫我啦（雖然我ｍｉｓｓ左你個電話）
仲有比ｒｏｎｏ響ｆｏｒｕｍ見倒ｄ　ｒｅｌａｔｅｄ既野話比我知啦～

當然重有小拜仁啦～為ｏ左幫我重特登問ｏ左佢響ｓｉｎｇａｐｏｒｅ住ｏ既ｕｎｃｌｅ
咁就幫ｏ左我一大把～有你咁錫我我真係好開心！！

真係要特別鳴謝小拜仁同大口恩，響我有困難時ｏ野ｏ野都係你地幫我～
錫晒你地～　（拿～如果呀女你係唔想要ｏ既我絕對可以比埋負拜仁ｏ架ｈｅｈｅ）

聽日好似有好多ｏ野做咁．．．要努力喇～

丫～琴晚發ｏ左個好可惡ｏ既夢呀！我永遠唔要發生呀！
咩ｋｏｋｏ妖魔，我要收服你！！

瘀瘀事件簿：
話說琴日還完袍之後我地去ｏ左食ｌｕｎｃｈ
咁席間有位朋友見我動作太大有走光之危險就話”喂！你小心ｄ！唔好烏低身，好易走光！”
點知呀龜就即刻拉高少少自己件衫喎．．．
那位朋友就話”ｓｏｒｒｙ呀！我唔係話你，我係話ｂａｒｂｉｅ，走光都需要少少天份ｏ既．．．”
比人入到咁應，呀龜即係ｂｅａｒ一聲，而我地就笑到傻ｏ左喇．．．
算啦．．．其實佢都唔想無ｏ野露ｏ既！我深信！
呢次入得咁應真係好瘀ｌａｗ！ｏ個位朋友都係太過份喇．．．

>>May 1, 2003 at 6:57:04 PM GMT+8

2003 年 4 月 29 日 星期二 【晴】

今日．．．至少而家呢一刻我係好唔開心！
而家係１２：５５ａｍ，但係．．．我仲未搵倒我想搵ｏ既人．．．
呢一刻ｏ既擔心同憂慮．．．我唔知可以點講出ｏ黎，有邊個會知呢？
係做咩都無心機．．．做咩都無心機．．．．．
”你打ｏ既電話暫時未能夠接通．．．”史上最乞人憎ｏ既說話

今日番ｏ左中大還袍．．．還完袍之後食飯，之後上ｏ左ｋｋ　ｌｅｕｎｇ幫ａｎｔ交功課
之後去ｏ左ｂａ　ｌａｂ　ｈｅａ一陣
之後呀龜又上ｏ左我屋企交流喇．．．
結果我又係咩都無做過．．．
份ｔａｋｅ　ｈｏｍｅ　ｅｘａｍ都係聽日乖乖地留響屋企做啦
反正我聽日都無咩特別ｏ野要做．．．
公眾假期對我ｏ黎講係無分別ｌａｗ！我日日都係咁ｏ架啦．．．

今晚唔知我會點過呢．．．．

>>April 30, 2003 at 4:57:03 PM GMT+8

2003 年 4 月 28 日 星期一 【晴】

要比心機做埋份ｅｘａｍ佢呀！張比比～

今日．．．都係響屋企交流．．．想做ｅｘａｍ，又發現超級唔識．．．所以一ｄ都無做過．．．
聽日就要還袍喇，戇居居咁番一番中大還袍．．．之後都係要快ｄ做下份ｅｘａｍ先得！
今日好攪笑．．．一起身個天好好，之後落雨．．．係超大雨．．．之後又好好太陽喇．．．ｂｅａｒ

講番琴日，話說我同一班好朋友番ｏ左中大影相，不過之前就響ＵＣ　ｌｉｂ整ｏ左好耐
因為琴日有個ｐｒｏｊｅｃｔ　ｄｅａｄ，咁我地就趁最後一秒整靚佢喇～
而我地攪掂之後．．．都４：００ｐｍ喇．．．就去ｏ左ｃｏｆｆｅｅ　ｃｏｎ食ｔｅａ
我想話我ｅｎｊｏｙ同大家吹水多ｄ　ｌａｗ
講番大家ｙｅａｒ１　ｄ白痴ｏ野．．．
例如小拜仁幫ｔｒａｃｙ拎番份功課啦．．．ｈａｈａ
之後想影相又覺得好晒．．．隻眼都擘唔大．．．
結果響ｕ　ｌｉｂ門口玩ｏ左好耐．．．之後想再影ｏ既時候．．．
太陽落山落得好快．．．大家坐ｏ左響地下．．．支力到死ｏ左
結果．．．呆坐ｏ左一陣就出ｏ左沙田食ｄｉｎｎｅｒ
食完又唔捨得走．．．傾計傾ｏ左好耐．．．講下結婚，講下之後ｏ既出路．．．
食飽飽之後．．．都係唔想走住，就去ｏ左飲杯ｏ野喇．．．
點知．．．．
去ｏ既時候係１２：００ａｍ．．．番屋企就好恐怖喇．．．．
我係灰姑娘ｏ黎ｏ架．．．唔可以遲過１２：００自己番屋企
如果唔係就好恐怖ｏ架喇．．．．＞＜
下次都係要乖ｄ，早ｄ番屋企先～

小拜仁之前真係贏ｏ左呀～ｙｅａｈ！

還袍喇．．．
畢業喇．．．．．

>>April 29, 2003 at 1:08:21 PM GMT+8

2003 年 4 月 26 日 星期六 【晴】

祝福小拜仁～希望你今晚會贏啦～＞３＜錫錫～

今日要番工呀．．．之後本身放ｏ左工約ｏ左小拜仁睇戲
不過佢因為唔係太舒服ｏ既關係就無出到ｏ黎喇！
咁我就番ｏ左屋企．．．好乖咁做下功課．．．真係估唔倒我會咁乖女～ｈａｈａ

呀女．．．唔好話我晒幸福啦～我幸福大家應該開心先係ｏ架～
咁我都係同大家分享下我ｏ既幸福ｏ者～唔係人人都可以咁幸福ｏ架
你應該替我開心先係ｏ架．．．又唔係好肉麻之ｏ麻．．．

至於ｊａｎｉｃｅ會知．．．我都覺得好驚訝．．．
因為我只係響ｉｎｆｏ寫ｏ左２６．．．唔係好特別ｏ者．．．
好似係寫”２６～一個令人興奮ｏ既數字，定時提下你先”咁．．．
佢就估倒我係話同小拜仁結婚ｏ既年齡．．．大佬．．．係佢醒ｏ者．．．
其實正確係佢２６我２５．．．為免我太老太肥．．．ｈａｈａ
不過．．．．
之前玩吊介指呢．．．．吊倒我２２就結婚．．．好驚．．．
即刻成日比人串要小心ｄ．．．ｈａｈａ

易滿足ｏ既人就越快樂
我要日日都開開心心～唔可以再比自己同身邊ｏ既人唔開心！！！！

我係開心ｏ既小芭比～我會帶ｄ歡樂比大家～ｙｅａｈ！


>>April 27, 2003 at 3:01:53 PM GMT+8

2003 年 4 月 25 日 星期五 【晴】

對唔住呀～日記先生～我琴日又無ｕｐｄａｔｅ喇～
不過我唔ｕｐｄａｔｅ係有原因ｏ既～因為我琴晚成晚同小拜仁一齊～
我都無上過網點會打倒ｏｄ呢？
話說琴晚我等小拜仁放工加落堂，之後就相約８：１５響旺角等喇～
其實番工真係幾慘．．．佢琴日就要ｏｔ喇，所以遲ｏ左少少放．．．好慘呀～
之後就去ｏ左食晚飯～咁我就比ｏ左我家姐比佢ｏ既曼城球隊ｏ既ｈａｔ佢
仲有我響好遙遠ｏ既繪本店買ｏ左”月亮忘記了”個月亮比佢～咁就日日都係月圓啦～
食完飯．．．我同佢就由旺角行ｏ左去尖沙咀，都唔知係第幾次咁樣行去喇～
總之每一次都發展得好攪笑啦！
琴晚ｏ既約會，令我忘記ｏ左之前ｏ既唔開心同之前ｏ既痛苦
不過．．．原來世界係每一分鐘都會有新”驚喜”
我而家只係覺得自己好擔心，好似ｏ個ｄ等判ｏ既犯一樣．．．
究竟我係會無罪釋放定係會判死刑呢？

今日就更加無咩特別，就只係番ｏ左中大傾下ｐｒｏｊｅｃｔ．．．
話說我有一科係ｔａｋｅ　ｈｏｍｅ　ｅｘａｍ，而個ｐｒｏｆｅｓｓｏｒ又鬼咁死毒
ｄ問題係難到你睇完之後都唔知佢問咩．．．仲要係勁唔識做ｏ個隻．．．
諗住大家一組做ｐｒｏｊｅｃｔｏ既人可以一齊傾下份ｏ野點做啦．．．
點知可能因為我ｏ地ｏ個組ｄ人唔係好熟－－＞ｐｒｏｆｅｓｓｏｒ因大家生日ｏ既日子而將大家分組
即係同一個月生日就會一組，呢ｄ咁ｏ既分組方法有好有唔好，好係可以同多ｄ唔識ｏ既人合作下
唔好ｏ既係可能本身你有ｄ好憎ｏ既人都要同佢一組．．．好在ｍ字頭賤人小姐唔係一班ｏ者～
就係因為咁我地ｏ個組ｄ人唔係太熟，加上有好多係ｙｅａｒ２，ｏ岩傾的就只有一兩個
大家都知道邊個人係好讀書，而又一早同ｏ左佢另一個同學仔研究過．．．
而呢條友竟然唔理我ｏ地，一ｄ都唔同我地講下ｄ問題，呢ｄ就叫ａｃａｄｅｍｉｃ　ｓｅｌｆｉｓｈ喇～
大佬～而家又唔係話要你去死，洗唔洗好似會蝕晒咁唔同人地傾下呀？
我知道你呢ｄ人係好似好醒咁，但係洗唔洗咁樣呀，有少少利益衝突ｏ者，見死不救．．．
ｐｅｅｒ　ｅｖａｌｕａｔｉｏｎ我就ｅ死你！！！！－－＞好毒！我就係咁毒！吹咩？

ａｄｖｅｒｔｉｓｉｎｇ　ｏ個科又係咁．．．傾ｐｒｏｊｅｃｔｏ個組有條仔比我串過之後唔忿氣
而家次次同我傾ｐｒｏｊｅｃｔ都希面！我真係頂佢丫．．．比面色我睇喎！
我完全當ｏ左佢透明，睇下你講ｏ野多ｄ定我講ｏ野多ｄ
有時我唔係串（雖然周街ｏ既人都咁話我＞＜無辜呢！），係有時係講多ｏ左句窒下人ｏ者
窒得你應ｏ左就比人憎喇．．．ｃｈｅｒ～一係比人話串喎．．．煩死人喇！
我同呀龜真係同病相憐，ａｎｔｈｏｎｙ都係．．．－－＞成日比人話串同ｃｏｏｌ
明明我地就係平易近人，白白痴痴，和藹可親，只係唔係做到好假ｏ既ｓｏｃｉａｌ王ｏ者～
好煩呀～人地點睇就點睇啦～我唔理喇！係朋友ｏ既就明白我ｏ架啦～

只要我ｏ既好師兄小拜仁一直響我身邊我就已經覺得好足夠喇！！！！

>>April 26, 2003 at 4:26:40 PM GMT+8

2003 年 4 月 23 日 星期三 【晴】

今日番ｏ左中大傾ｐｒｏ～晨早就起ｏ左身喇～而家真係越來越熱呢！
今日去ｏ左眾志食ｌｕｎｃｈ～四個人食四個豪ｏ野，好開心呀！
心情其實好番好多～因為番學之前打電話比小拜仁講ｏ左陣！
而家一日最開心ｏ既事情就係收倒佢ｏ既電話同佢ｏ既ｅ－ｍａｉｌ～
原來想開心係可以好簡單！只要你知足！！

傾完ｐｒｏ同ｏ左龜龜出沙田，行ｏ左一陣，睇ｏ左旅行ｏ既ｏ野
就坐低飲ｏ野傾計．．．傾ｏ左好耐好耐呢！！
呢位朋友其實真係可以拎去解剖．．．我簡直唔明白佢係咩構造．．．
我發現．．．無拖拍ｏ既呀龜係最可愛ｏ既．．．
其實我都唔係好習慣佢無ｏ左男朋友，我問佢習唔習慣而家ｏ既生活．．．
佢話無ｏ左男朋友就等於無ｏ左一個可以隨時煩ｏ既對象．．．
我即刻話唔係．．．因為佢而家都隨時煩我～

呀龜話．．．小師兄打完電話比我之後我個笑容係好難頂．．．係好想一巴車埋ｏ黎ｏ個ｄ
其實．．．呢ｄ係幸福ｏ既笑容．．．只係一個電話．．．我已經好開心喇！

我要開始學習做一個好妻子同媽媽，我要我ｄ　ｂｕｂｉ仔ｂｕｂｉ女都好幸福～

要快ｄ做埋手頭上ｏ既ｏ野喇．．．
我好想去旅行呢！

>>April 24, 2003 at 6:42:07 PM GMT+8

2003 年 4 月 22 日 星期二 【晴】

琴日．．．考４０４０　ｔａｋｅ　ｈｏｍｅ　ｅｘａｍ．．．２４個ｈｏｕｒｓ
我一早起身，ｃｈｅｃｋ　ｅ－ｍａｉｌ睇下份ｏ野．．．
發現同呀龜ｏ個班係一樣！所以．．．繼續訓．．．結果並唔係想像中咁易做．．．
結果我做到４點幾．．．係零晨喎～其實做到一點都差唔多做完．．．
但係我真係一ｄ心情都無．．．結果份卷就咁爛尾．．．成績係點我真係唔係好在乎
我最在乎ｏ既係我身邊最愛ｏ既一個人．．．佢唔開心，我就唔開心．．．．

今日上ｏ左一堂．．．ｐｒｏｆｅｓｓｏｒ同我地講話張國榮ｏ既死對佢ｏ地ｏ個代ｏ既人好大影響
佢ｏ既好朋友都紛紛ｓｅｎｄ　ｅ－ｍａｉｌ比佢，叫佢好好珍惜下身邊ｏ既朋友同妻子
無錯丫～一個人唔係無ｏ左一樣ｏ野佢係唔會珍惜ｏ既！人真係無知！！！
我知道我有好多ｏ野係做得唔好，我知道，我真係知道．．．
我好想多謝一個無論點都會響我身邊ｏ既人，原來佢真係我全世界
我發現我見倒身邊ｏ既任何一樣ｏ野都會諗起佢，我感到慶幸我可以有呢一個人響我身邊
一直都咁錫我，咁就我
呢個人，都同ｏ左我一齊好耐喇，我會覺得自己唔可以失去呢一個人
今日同ｔｒａｃｙ講．．．佢竟然話”下～我已經預備幫你地做姊妹ｏ架喎～”
我要好好珍惜我眼前ｏ既呢個你！

未同呢個人一齊之前我完全唔知道自己係做緊咩，生活又有咩意義，我完全係無方向
同ｏ左呢個人一齊之後我就對自己ｏ既未來有ｏ左計劃，成日憧憬住之後ｏ既生活
我知道我同佢行ｏ既呢條路沿途有好多ｏ既考驗．．．
而我又成日發埋ｄ死人小姐脾氣．．．其實我知道呢個人已經對我好好
一路以ｏ黎．．．呢個人都對我好好．．．無論我做錯ｏ左咩事都好．．．佢都原諒我
一生人入面可以遇上一個人係好難，同得一個人一齊都係好難．．．好應該要珍惜
但係我呢個白痴就成日都激親呢一個愛護我ｏ既人．．．
但係其實．．．響我心底ｏ既深處，真係想同呢一個真正錫我，了解我ｏ既人一齊
呢個人應承ｏ左我好多ｏ野，我都記得晒．．．我係唔會比佢離開我ｏ架！！
呢個人對我真係好重要，我唔可以無ｏ左佢！

多謝你．．．小拜仁～

>>April 23, 2003 at 4:10:19 PM GMT+8

2003 年 4 月 20 日 星期日 【晴】

今日一朝早就番ｏ左中大傾ｐｒｏｊｅｃｔ
之後約ｏ左龜龜２：００尖沙咀等．．．佢．．．竟然．．．成晚無訓過覺．．．好驚
之後佢教ｏ左我聽日我考ｏ既ｏ野，就去ｏ左間賣繪本ｏ既書店，買ｏ左少少ｏ野
仲想買多本書．．．書名係”親愛的　ｍｙ　ｄｅａｒ”作者係ｊａｓｍｉｎｅ
真係幾想睇，不過無睇要幾多錢．．．

龜姐～其實我今日都唔係好開放好露ｏ者．．．邊及你露得咁多丫？
講著得少我琴日仲著得少啦，不過咁都比ａｎｔｈｏｎｙ見倒我喎．．．蝕ｏ左添．．．

聽日又有個ｔａｋｅ　ｈｏｍｅ　ｅｘａｍ喇．．．２４個鐘內要ｆｉｎｉｓｈ．．．

原諒我今日真係無乜心情打ｄｉａｒｙ．．．真係無心情去做任何ｏ野．．．
呢一刻我只想回到兩年前ｏ既今日．．．．兩年．．．．．．兩年．．．．．
原來．．．你ｏ既人生中總有另一個人係比任何ｏ野都更重要．．．
要懂得珍惜．．．

>>April 21, 2003 at 6:19:01 PM GMT+8

2003 年 4 月 19 日 星期六 【晴】

我不嬲做ｏ野都有自己ｏ既一份堅持．．．
我認為自己做唔倒ｏ既ｏ野我係唔會做ｏ架，我認ｏ左要做ｏ既ｏ野我就一家要做得好～
仲有！！！我絕對唔會比人大倒！！！我最憎人大我ｏ架喇！！！
好似今日咁．．．話說有條ｏ靚仔打電話搵我細佬，咁我細佬訓緊覺啦．．．
咁我就同佢講話佢訓緊覺啦，點知條友好大聲同好勞氣咁就嗌我叫佢起身聽電話喎．．．
咁身為我細佬ｏ既家姐，我輕輕問佢邊位搵佢啦？點知佢就講粗口喇喎．．．
”快ｘｄ叫佢起身聽電話啦～ｘ你老母”．．．我就問佢”你搵佢咩事呢？”
之後再係一句粗口．．．我無名火起，一打ｏ黎就係咁講粗口，尊重下我都好啦，點都係長輩
我就好串咁話”比ｄ禮貌好喎”，佢話”咩話”，我話”我叫你輕輕比ｄ禮貌好喎，而家你叫我做ｏ野！”
之後佢比ｏ左佢第二個ｆｒｉｅｎｄ聽．．．第一句”唔該搵ｘｘｘ”
我話”訓緊覺喎”，佢又ｏ黎幾句粗口相贈話”叫佢快ｘｄ起身聽呀ｘ你老母”
我再一句”比ｄ禮貌得唔得呀？”佢又ｏ黎多句”ｘ！叫你快ｘｄ叫佢起身聽電話呀！ｘ你老母”
我心諗．．．大我？？死ｏ靚仔真係．．．我即刻超大聲咁話”我唔鍾意呀！！”
之後即刻ｃｕｔ線，再將個無線電話掉ｏ左落梳化度，乾淨俐落，超型！！我好滿意我ｏ既表現～
姑勿論聽日可能比人伏．．．我真係唔大得！！！！！！

唔開心呀～～～
趕ｐｒｏｊｅｃｔ趕到癲ｏ左喇．．．．．
最後一分鐘打ｏ黎叫人地做．．．．
太過份喇．．．．

我係英文有限公司．．．．叫我吹咁多我好難受喎．．．．．

聽日１１：００中大傾ｐｒｏ．．．頂．．．．

>>April 20, 2003 at 6:42:40 PM GMT+8

2003 年 4 月 18 日 星期五 【晴】

今日其實無咩特別事發生．．．
係比ｏ左我ｄ同事睇我隻全世界最靚ｏ既復活蛋～實在太幸福喇～～～

之後番ｏ左中大．．．．傾ｐｒｏｊｅｃｔ．．．
點知龜姐話佢發燒唔番得．．．．希望佢唔係非典型啦下～
響崇基ｃａｎｔｅｅｎ傾ｐｒｏ．．．
無計，又撞倒王力宏．．．ｈａｈａ
傾完．．．拎ｏ左本畢業同學錄就離開ｏ左中大．．．．
番到屋企，好乖咁打ｏ左份ｏｕｔｌｉｎｅ，之後食飯．．．
之後睇晒成本畢業同學錄．．．
心情很差．．．
要離開．．．．唔捨得．．．唔想番工．．．．因為知道會好辛苦．．．．
有時唔係話人工好間公司又出名你就會好想做ｏ架喇．．．我而家真係有ｄ擔心呢～

我諗今日．．．．
除ｏ左番工入門口之前係真正開心過一刻之外．．．成日我個死人笑容都係扮出ｏ黎ｏ既．．．
可唔可以話比我知我發生咩事而唔開心呢？？
絕對唔係ａｕｎｔｉｅ　ｖｉｓｉｔ啦．．．
點解呢？？？

我要做灰姑娘亦要做睡公主．．．．
好好睡一覺吧～

你會想念我嗎？？

>>April 19, 2003 at 5:18:59 PM GMT+8