2003 年 5 月 21 日 星期三 【晴】

話說小拜仁比人話佢好似黃又南喎～～
唉．．．
激死我！

好悶好悶好悶
好熱好熱好熱～

可以做ｄ咩呢？？

>>May 22, 2003 at 6:15:08 AM GMT+8

2003 年 5 月 19 日 星期一 【晴】

我頭先ｏ岩ｏ岩睇完龜姐借比我ｏ既”她比煙花寂寞”，都係忍唔住喊ｏ左出ｏ黎．．．
真係幾好睇．．．我幾鍾意個故事內容同表達手法～一個字－－＞絕！

無無聊聊響屋企．．．最開心係收倒小拜仁百忙中ｓｅｎｄ比我ｏ既ｅ－ｍａｉｌ～
錫晒你！！>3<

琴日．．．龜姐無啦啦要番中大見ｐｒｏｆｅｓｓｏｒ
原因係．．．因為佢太頹，成日唔上堂又有人幫佢簽到喎，咁佢又比ｐｒｏｆｅｓｓｏｒ發現ｏ左
呢條ｐｒｏｆｅｓｓｏｒ都算勁喇，出ｏ左ｇｒａｄｅ啦，仲要召見番ｄ學生．．．
好在最後都比龜姐甩到難ｏ者～開心啦你～ｓｈｉｒｌｅｙ　ｌｉ～ｈａｈａ

唔知點解我又真係好鍾意又好樂意番下中大食ｔｅａ
因為中大ｏ既ｔｅａ永遠都係最好的～所以即使係有ｄ無聊我都係番ｏ左中大
不過係唔知點解連ａｎｔｈｏｎｙ都番ｏ左ｌａｗ～仲要係我同佢都話會４：００前番到．．．
點知我搭ｏ左４：１５ｏ個班校巴，佢就搭４：３０ｏ個班校巴．．．ｂｅａｒ
響ｃｏｆｆｅｅ　ｃｏｎ食完ｔｅａ，本身諗住出去，點不知大家又上ｏ左碧秋ｈｅａ
個感覺就好似ｏ個年響ａｎｔ宿舍咁同呀女，ｗｉｌｌｉａｍ一齊ｈｅａ左ｏ個一日佢
最慘就係呀龜，佢又唔識打中文－－＞好心你咁ｑ得閒就學ｏ左佢啦～
好不容易離開ｏ左中大．．．ａｎｔ就離我地而去，去ｏ左大ｏ組聚－－＞好似好開心咁
我同龜就出ｏ左旺角～行ｏ左一陣就上ｏ左ｐａｒｉｓ飲野順手食埋ｄｉｎｎｅｒ
我地坐ｏ左響窗口位，咁我就輕輕望落條街度．．．．
其實係真係好多女都著到ｂｅａｒ一聲咁行黎行去．．．
仲輕輕係ｏｎｅ　ｄｏｇ　ｆａｃｅ咁～呢ｄ真係等緊客咁啦～
其實條件又真係好似唔係好差ｏ者．．．見倒佢地咁真係覺得呢個世界係好現實ｌａｗ

同呀龜分手之後－－＞ｉ　ｍｅａｎ各自番屋企，唔好誤會！
我自己一個人行番屋企啦～雖然今日做灰姑娘，但係都係成條街一個人都無～
都唔明白，旺角１１點仲超級多人，沙田就水靜河飛．．．
好恐怖ｏ既感覺，就係響呢個恐怖ｏ既時刻．．．電話響起．．．．一睇來電顯示．．．原來係．．．．
呀龜～唔知咩事呢？？？
原來呢條八婆知我自己一個人行番屋企輕輕係會驚，所以想陪我講住電話番屋企
ｈａｈａ真係好人喇～原來呢條八婆有時輕輕都唔係太八婆～
如果我係ｌｅｓ．．．我第一個考慮你呀下～
最攪笑係呀龜話如果法律容許我地結婚佢就真係會ｌａｗ～
之後我就話如果ｂｒｉａｎ容許我地結婚我都會ｌａｗ～

呀龜今日講錯ｏ既說話：
１）我特登拎ｏ左去旅行ｏ既”ｃａｔｅｇｏｒｉｅｓ”（ｃａｔｅｌｏｇ）呀小姐～
２）地中海同ｃｙｒｕｓ係有關ｏ架？你咁掛住ｃｙｒｕｓ咩？？
３）想講戇９又想講戇居結果唔知講ｏ左咩．．．
４）想睇ｖｃｄ又講ｏ左ｔｈｒｅｅ　ｄ　ｃ！！what the fuck are u talking about?

ｈａｈａｈａｈａｈａｈａｈａ
好好笑
好開心～

你最掛住邊個？？？
異口同聲答－－ｊａｓｏｎ～～～～～～

ｈａｈａｈａｈａｈａｈａ

睇完唔好小我呀好朋友～


>>May 23, 2003 at 8:57:45 AM GMT+8

2003 年 5 月 18 日 星期日 【晴】

夜晚無得寫日記真係令到我寫少ｏ左好多～
對唔住呀日記先生～我唔係唔想ｏ黎寫你ｏ架，我係唔響屋企咋．．．

琴日我要番工呀，我想話我番工ｏ既時候係成家人都未起身．．．
之後放ｏ左工就打電話比小拜仁，因為約ｏ左佢同佢屋企人食飯！！！
一放工就搭火車轉ｍｔｒ，果然話咁快就到，唔洗９個字就到ｏ左藍田～
世伯伯母都好好人，知道我同佢地食飯就苦思一個好地方，好似我係咩貴賓咁～
雖然我見倒伯母有少少希面，因為佢地唔知我地想點～ｈａｈａ
之後好在伯母同我講ｏ左ｄ秘密．．．就係大家一齊講小拜仁壞話～ｈａｈａ
好啦～我決定行奶奶政策，兩個女人一齊對付小拜仁先得！！！！
食完飯又係番屋企ｏ既時候，開始覺得我住ｏ既地方好煩！因為無車直達！
而佢就可以勁近就番到屋企．．．行兩步就商場同ｍｔｒ　ｓｔａｔｉｏｎ
唉．．．灰姑娘真係灰姑娘，唔可以太夜番屋企．．．一黎無車，二黎真係好恐怖．．．
攪到我成日都掃大家興．．．ｓｏｒｒｙ！

開始ｏ左放暑假，但係真係唔知有咩可以做．．．
大家勁無奈咁問對方有無咩書介紹下，有咩ｖｃｄ可以借ｏ黎睇～
唔知我地ｏ既畢業旅行成唔成團呢．．．．
聽講有人好似６月就要番工喇喎！我唔知係唔係真係９月呢？
其實我真係好想搵多一份工ｌａｗ，雖然我屋企人同小拜仁ｏ既屋企人都覺得ｋｐｍｇ真係好ｇｏｏｄ
不過講真我唔挨得咁辛苦ｌａｗ．．．．係我懶ｏ左好多好多啦～
鬼咩！響中大學識ｏ左渣灘同頹－－＞跟呀龜學啦～有佢五成功力～頹呢？？ｈａｈａ
最攪笑係之前ｂａｒｔｓ個ｆｒｉｅｎｄ　ｔｅｓｔ問大家有無一科係大家一齊上過堂ｏ既
除ｏ左我同ａｎｔ知道係有之外斬無人知啦～
因為龜姐走晒所有堂，功課又唔係一齊做，狂抄ｏｎｌｙ．．．正頹精
係之後我同ｔｒａｃｙ解釋ｏ左好耐佢都唔記得係同過龜一班！超攪笑～～～～～

好～
比心機去玩同搵工先～～～～～

>>May 19, 2003 at 7:00:17 AM GMT+8

2003 年 5 月 16 日 星期五 【晴】

話說琴晚龜姐姐屋企無電，所以上ｏ左我屋企訓覺．．．
呢條八婆真係好可愛ｏ架下．．．即係我已經儘量滿足佢ｏ既要求，令佢有賓至如歸ｏ既感覺
不過呢條友實在係太難服侍喇．．．
算啦～其實都好耐未試過同佢一齊孖床訓喇～仲記得ｙｅａｒ１成日屈佢蛇．．．．

今日．．．當我自己一個人搭緊火車ｏ既時候．．．我見倒有對情侶一齊坐啦～
佢地好似好溫馨咁，肩並肩咁坐，男的攬住女方條腰－－＞本身！
之後竟然．．．竟然比我見倒佢猛力一渣．．．我即刻ｂｅａｒ一聲．．．睇到呆ｏ左
大佬！響火車啦話晒都係～之後我就扮無野繼續做我乘客ｏ既角色．．．
可惜我隻眼始終停留ｏ左響佢隻手上面～
唔洗講，一不離二，佢地旁若無人咁樣勁ｘ．．．我真係睇到眼都突．．．
之後我就響大學落ｏ左車喇．．．嘔呀！！！

暑假開始喇～我決定ｏ左用多ｄ時間睇書，仲要係趁我仲係學生身份搭多ｄMTR
仲要番中大借多ｄ書睇下，我睇完本等待董建華發落喇～
所有有政治成份ｏ既我都飛晒無睇，而佢講ｏ既人物故事真係幾ｉｎｔｅｒｅｓｔｉｎｇ
想借交換日記，可惜借ｏ左出去．．．．

我今日拎番蕉蕉先生番屋企喇～
仲有米奇啦，大頭狗啦同埋一本相簿～
我送舊ｏ個時撻ｏ左ｏ個支香檳都仲響度ｌａｗ～
不過就唔知飲好定噴好喇．．．

琴晚我真係好難過呀～
原因係小拜仁竟然無打電話比我就訓ｏ左．．．
係史無前例ｌａｗ，真係勁擔心呀
又唔知佢係唔係有咩事喎
不過我都知道佢呢排有好多ｏ野做ｏ架喇～
成日都要ｏｔ．．．比心機啦～～～
比心機～比心機～錫錫～



>>May 17, 2003 at 10:53:55 AM GMT+8

2003 年 5 月 14 日 星期三 【晴】

今日好似好開心咁～
因為同ｏ左ｂａｒｔｓｏ既成員去ｏ左唱ｋ！
唱晒所有新歌，仲有好多舊歌！仲記得上一次唱你有心係同呀女一齊去唱
而家呀女就無得唱ｋ喇．．．
仲有今日唱ｏ左負擔不起－－＞ｏ個時同呀女話新人仲唱ｄ咁難ｏ既歌，一定紅唔起
仲唱ｏ左只能抱著你呀～上次係呀女介紹ｏ架～今次呀女就響遠方
佢要唱ｏ既就唱英文歌啦～ｈａｈａ
我仲同ｏ左ａｎｔｈｏｎｙ唱ｏ左好多首合唱歌～勁白痴～不過係唔准望歌詞
係要大家係眼望我眼咁樣唱情歌．．．有嘔心ｏ既感覺ｏ架ｏ下！
最唔開心係個死人蝦蝦刺身一ｄ都唔好食啦～
最開心ｏ既係ｔｒａｃｙ勁樣衰地跌親－－－＞呢一跌仲要係走晒光啦同埋差ｄ咀ｏ左落ａｎｔｈｏｎｙ度～
ｈａｈａ笑ｏ左成分鐘，ａｎｔｈｏｎｙ仲要超ｂｅａｒ咁好驚ｔｒａｃｙ咀倒佢添！
不過我地ｏ個３”狗”（粗口音）－－＞ｂｙ　ｒｏｎｏ　３”狗”ｎｕｔｓ好貴呢！！
呢排ｒｏｎｏ兄經常講錯ｏ野ｌａｗ
１）國”盟”生產值
２）佢內心好自ｂｉｋｅ
３）３”狗ｎｕｔｓ
４）ｄｉｕ你無帽
救命呀！！！！

之後呀龜上ｏ左我屋企訓ｌａｗ
鑑於當事人而家響我身邊睇我打緊ｏｄ　ｏ既關係
我都係講唔倒任何佢ｏ既衰ｏ野～
聽日再講！
呢條八婆真係好煩！！！！！

>>May 16, 2003 at 6:38:17 AM GMT+8

2003 年 5 月 13 日 星期二 【晴】

而家都係要朝早寫日記
真係好唔習慣添＞＜”

而家開始放我人生最後一個暑假喇～
不過都唔知可以做ｄ咩好．．．
我真係好想去旅行～因為覺得之後唔係有好多機會．．．
不過我都好想響香港郊遊多ｄ～
不過而家日日都咁熱．．．真係要留響屋企多一分鐘都好辛苦呀！！！

今日約ｏ左ｄ好囂張ｏ既朋友去唱ｋ
點解佢囂張呢．．．．係呢條死仔叫佢響留言版留言以示忠誠度
但係佢竟然唔理我地．仲係要留ｏ左之後ｄｅｌｅｔｅ番佢～
話睇下我地夠唔夠膽玩，玩唔玩得起喎．．．．
真係好乞人憎呀～
死人ａｎｔｈｏｎｙ～而家都唔知係唔係變ｏ左小王子之後囂張ｏ左！！
激死我同呀龜！！！！


>>May 15, 2003 at 5:06:46 AM GMT+8

2003 年 5 月 12 日 星期一 【晴】

ｙｅａｈ～～～～
我個ｏｄ又可以比我寫ｏ野喇～雖然係朝５晚７，不過好過完全死ｏ左啦～
我係唔會好似呀女咁放棄ｏ左個ｏｄ架～～～
咁多日無寫日記真係想記低番之前ｏ既所有ｏ野!

5月9日，我同一班好友去ｏ左行山山，唔知點解亂行都上ｏ左山頂公園
枉呀龜一身行山ｏ既裝束，ｏ個日竟然係凍ｌａｗ，唔單止搭巴士上去ｏ既時候好凍
係上到山頂ｏ既時候係凍到你媽媽都唔認得，上到去空氣真係清新ｄ，真係忘記ｏ左非典型肺炎
之後我地圍繞ｏ左個唔知咩山行ｏ左一圈，勁支力，係唔知行ｏ左幾多公里，支力到大家都死ｏ左咁．．．
之後搭番車落ｏ左中環食飯！我地竟然去ｏ左ｓｏｈｏ區食飯，我真係唔係好識呢ｄ地方ｌａｗ
覺得自己好市井添．．．不過撞口撞面都係鬼．．．好似唔響香港咁．．．
仲要係所有ｗａｉｔｅｒ同ｗａｉｔｅｒｓｓ都係外國人，真係唔ｔａｌｋ得就唔洗食～
去ｏ左龜龜推介ｏ既ｐｅｐｐｅｒｏｎｉｓ，感覺好似ｒｕｂｙ　ｔｕｅｓｄａｙ，食物都好似
不過ｐｅｐｐｅｒｏｎｉｓ係平ｄ同好食ｄ添～真係好鬼飽，行山所減ｏ既磅都未夠呢一餐
之後同ｒｏｎｏ，ｔｒａｃｙ搭船番尖沙咀，再行去火車站，係支力到你媽媽都唔認得～
最開心ｏ既係影ｏ左一張好攪笑ｏ既相．．．係響金鐘ｐａｃｉｆｉｃ　ｐｌａｃｅ影ｏ架下
我已經ｐｏｓｔ　ｏ左上我個ｐｈｏｔｏ　ａｌｂｕｍ，諗緊整唔整上ｏｄ
之前呀女問我我而家ｏｄ張相係唔係風景相咁簡單．．．其實唔係ｌａｗ
係ｏ個日我同家人影緊畢業相見倒個天好靚而影ｏ既～相入面係有小拜仁響我前面影緊個天！
幾正呢～

星期六，放ｏ左工之後就去ｏ左ｃｃｂａ既送舊．．．我諗呢個係我響中大最後一個參加ｏ既ｆｕｎｃｔｉｏｎ喇
搭巴士入ｏ左西貢，天已經黑晒，等埋我ｄ好朋友就一齊入場～
迫走ｏ左人地就霸ｏ左個爐．．．真係好乞人憎．．．成爐人就係得自己ｄ好朋友
同其他人完全無接觸．．．真係成日都離群，又唔知會比咩人話串喇．．．
玩遊戲──＞強項，因為係估歌仔，ｄｅｍ　ｓｌｏｇｏｎ──＞崇基五聲道，超攪笑
成班人癲ｏ左一晚，衰在得一個仔去ｏ左ｏ者，唔係應該仲好玩～
過ｏ左呢一晚之後，中大ｏ既生活正式完結！唔係話唔難忘ｏ既，都好開心丫～我地自己．．．
ｃｃｂａ個系太大啦，淨係得ｄ莊員玩晒，其實我地班細ｏ咁開心真係好難得啦～
唔好講笑～原來玩都係好支力ｏ架！




>>May 13, 2003 at 9:40:33 AM GMT+8

2003 年 5 月 5 日 星期一 【雨】

今日．．．原本約ｏ左龜姐３：００尖沙咀，好可惜呢條友戇ｊｅｉｊｅｉ咁．．．
以為自己可以頂成晚唔訓，咁就唔會遲到．．．但係好可惜，佢ｏ既遲到紀錄係１００
即係等於如果佢準時你要感動到喊ｏ既ｏ個ｄ情況！！
我已經好醒水咁１：３０打電話比佢叫佢起身．．．果然．．．佢係訓緊．．．
出到尖沙咀，輕輕食ｏ左個ｔｅａ都已經係４：３０．．．行ｏ左一陣就去ｏ左旺角喇～
我地去ｏ左搵ｖｃｄ　ｌａｗ，係佢地有買我無買等佢地借比我ｏ個ｄ　ｌａｗ
是但，睇下都ｏｋ開心．．．行ｏ左一陣就去ｏ左食飯飯．．．佢地．．．．
拿～今晚ｏ既高潮呢係響之後呀下．．．亦都係我比人話係智障ｏ既內幕
當講完整件事出ｏ黎，就會發現我根本係無辜ｏ既！！！！！！
話說食完飯之後我地去ｏ左一間ｃｏｆｆｅｅ　ｓｈｏｐ坐低傾下計．．．
咁大家叫ｏ野飲啦．．．死人ｒｏｎｏ懶型咁叫ｏ左杯熱ｃｏｆｆｅｅ
咁上ｏ左杯ｏ野啦．．．就分開一杯咖啡一杯奶──＞類似ｔｅｓｔ　ｔｕｂｅ咁上啦
呢條友仔扮型地飲一口齋啡，可能佢諗住飲一口露一手啦．．．．
咁龜姐響呢個時候拎ｏ左包ｃａｒｔｉｅｒ出ｏ黎．．．諗住ｃｈｅｒ啦佢．．．
咁我輕輕想拎ｏ黎睇下咁啦．．．你知我呢ｄ純情少女無咩機會接觸呢ｄｏ野今ｏ麻．．．
咁就唔小心．．．係唔少心地打翻ｏ左ｒｏｎｏ杯奶，咁又唔小心打爛埋個死人ｔｅｓｔ　ｔｕｂｅ
即係呢ｄ我都唔想．．．好明顯係有人做我啦．．．
咁所有ｏ野都係倒晒落呀龜度──＞其實絕對可以相信我係有預謀咁做！
佢就好似好想中我咁．．．一邊整理一邊暗小我──＞我真係無辜＞＜
根住兩條友就當住全場話我智障ｂａｒｂｉｅ．．．一時有想中佢地ｏ既感覺！
其實我只係一個純情大學生，有ｄｏ野真係未見識過．．．邊有龜姐咁利害ｏ者
咁你拎ｄ咁ｏ既ｏ野出ｏ黎．．．我呢ｄ小妹妹唔識世界．．．好奇ｏ者．．．
我未見過世面啦．．．唉．．．ｔａｂｌｅ　ｍａｎｎｅｒ都無乜，點及龜姐身經百戰喎＞＜
ｓｏｒｒｙ～令大家出醜添．．．下次我識做ｏ架喇．．．
話我智障ｂａｒｂｉｅ呀．．．你地出街行路小心ｄ呀！！！！！
李海龜～做人留一線好喎！

仲響ｏｄ串我．．．好明顯就做我啦～想擺我上木台～
我深信ａｎｔｈｏｎｙ係會支持我ｏ既！最多串我半年！！！

聽完龜姐ｏ既一番言論．．．更覺得要珍惜眼前人呀！

其實我真係成日都好擔心，心入面始終有樣ｏ野好掛心．．．
希望事情儘快得以解決啦～～
無論點我都會支持你ｏ架～小拜仁！


>>May 6, 2003 at 7:08:21 PM GMT+8

2003 年 5 月 4 日 星期日 【雨】

我放暑假喇～我要去玩呀！！！！
唔開心呀～
呢兩日我都上唔倒ｏ黎呢度打ｏｄ呀～我以為永遠都見唔倒日記先生喇．．．
而家真係想打番晒呢兩日所發生ｏ既ｏ野呀～

首先係星六，星期六我去ｏ左圖書館搵中國社會ｄ書，順手再睇下有咩書可以借
我真係好耐都未入過中央圖書館借書喇．．．
結果比我借倒本等候董建華發落．．．我一定要睇ｏ左佢～～
星期六都無咩特別，不如講下星期日啦．．．

星期日我本身一朝早要傾ｐｒｏｊｅｃｔ，９：００響ｃｕ．．．
大佬星期日唔係叫我９：００ａｍ番到中大呀？好過份ｌａｗ．．．
結果我輕輕遲ｏ左到啦，不過唔洗問，有三條友都無到．．．唉算～唔提！
之後番工啦，咁就５：４０就放工啦，放ｏ左工之後就係等小拜仁出ｏ黎喇．．．
睇ｏ黎小拜仁呢排真係好似好慘咁．．．我真係好希望可以幫倒佢
因為我真係好擔心呀！！！
最ｂｅａｒ　ｏ既係我地發現一個我地成日去ｈｅａ既地方竟然．．．
竟然變成而家咁．．．睇ｏ黎我地係時候要發掘更多拍拖ｏ既好地方先得～
我地去ｏ左元氣食壽司呀～唔洗問我係唔會白痴到排十年隊入去食．．．
其實我琴晚唔係話好得閒，因為今日５：００前輕輕要交份ｔａｋｅ　ｈｏｍｅ　ｅｘａｍ
但係我自己好覺得同ｂｒｉａｎ出去係比呢樣ｏ野重要十倍ｌａｗ
因為平日佢都要番工工，星期六就要踢波．．．唔踢都要．．．睇波．．．（以後唔比睇喇！）
所以只有星期日先可以見面，咁我梗係會好好珍惜啦～
見番屋企夜ｏ左，咁佢就輕輕送ｏ左我番屋企喇．．．沿路我地講番好多以前ｏ既趣事．．．
唉．．．我地都老喇．．．我地ｄ白白痴痴ｏ既仔女都變ｏ左做老鬼喇．．．
好難想像大口恩對住ｄ　ｙｅａｒ１會唔會係咁講粗口ｄｉｕ佢地．．．

之後小拜仁上ｏ左我屋企探ｂｕｂｉ，ｂｕｂｉ真係對佢情有獨鍾，
因為佢見倒咩人都會狂吠狂惡，上次差ｄ咬親呀龜（哎呀～點解咬唔正？）
佢係見倒小拜仁就老母──＞即係我，都唔認得，只有小拜仁先係咁樣．．．
我諗ｂｕｂｉ同我一樣都係咁鍾意呢個男人喇．．．ｈａｈａ

之後小拜仁離開我屋企，ｏ個陣時一滴雨都無，佢仲好型咁話唔洗遮．．．
點知．．．幾分鐘後．．．一個電話打ｏ黎話超大雨向我求救
咁我梗係英雄救美咁飛身救佢啦～點知．．．因為我太趕ｏ既關係．．．
我著住對死人拖鞋，響我行斜路ｏ既時候係極為困難，極易仆街
於是我就好型咁除ｏ左隻拖鞋勁豪咁赤腳．．．勁驚踩倒青蛙．．．
小拜仁亦順利回到家中．．．一日ｏ既辛勞令我都不禁早ｏ左少少訓
而我份中國社會當然係未做完啦．．．．

今日．．．輕輕早ｏ左少少起身，就開始做喇．．．其實ｒｏｎｏ同學不停用電話轟炸我
大佬，借比你抄就唔好嫌三嫌四．．．真係好過份．．．
結果，經過一番ｃｏｐｙ　ａｎｄ　ｐａｓｔｅ，我終於成功ｏ左
今日一整日都係做中國社會，好想打人呀～～

我放暑假喇～我要去玩呀！！


>>May 6, 2003 at 4:15:28 AM GMT+8

2003 年 5 月 1 日 星期四 【晴】

小拜仁～希望你比心機~要贏多ｄ呀～我保佑你呀～

嘩～我之前入唔倒ｏ黎寫ｏｄ呀～我幾驚係ｄｏｗｎ左以後寫唔番呀！
日記先生我唔可以無ｏ左你ｏ架！！好在你無死咋！

今日真係多采多姿ｏ既一日喇！首先今日係ｄｅａｄ　ｃｂ份ｅｘａｍ　ｏ既大日子～
咁因為我未做晒ｏ既關係我今朝輕輕早ｏ左ｄ起身啦～（都１１：００ｈａｈａ）
做埋最後ｏ既一ｐａｒｔ就ｓｅｎｄ　ｏ左比小拜仁幫我ｐｒｏｏｆ　ｒｅａｄ　ｏ左一次
唔知點解人地ｄ英文永遠都好過我～我錯ｏ左好多呢！　＞＜
之後就扮靚靚番去趕交份ｏ野喇～
扮靚ｄ唔係因為要番中大交ｅｘａｍ，而係因為之後要同媽媽食生日飯～
響搭火車之前我跟手響馬莎買ｏ左件衫衫比媽媽做生日禮物～勁乖女～
話說件衫衫係佢琴日同家姐行ｏ既時候覺得靚又唔捨得買ｏ既～我梗係豪出ｏ黎啦～
多謝＄４００！你都咪話唔貴！好在小拜仁慷慨解囊，一人一半一齊送ｏ者～
番到中大交完份ｅｘａｍ我就上ｏ左ｂａ　ｌａｂ等ＬＶ份ｏｎｌｉｎｅ　ｔｅｓｔ～
話說呢個ｔｅｓｔ係５：００開始，比一個鐘時間你做４條ｅｓｓａｙ，勁難．．．
當我收倒份ｏ野，一睇題目已心感不妙，難到嘔ｌａｗ．．．
最ｂｅａｒ係當我諗ｏ左一陣準備寫ｏ既時候，ｂａ　ｌａｂ竟然話５：３０要ｃｌｏｓｅ！
我頂丫．．．我即刻落番碧秋開機上網ｄｏｗｎｌｏａｄ番ｄ野．．．
一睇．．．５：３５．．．頂．．．．激動得滯就罷做喇！
咁得就豪ｏ左份ＬＶｏ既ＭＴ．．．唉．．．天不助我也．．．無計．．．
算！走人，同屋企人食番個靚飯～

７：００ｐｍ到達尖沙咀，小拜仁放工後亦飛奔到達──＞一個難得！抵錫！^3^
唔知由幾時開始我屋企有咩喜慶一定會搵埋佢，訂位一定訂６位～
小拜仁已經成為我ｏ既家人之一喇～ｙｅａｈ！
點知．．．原來老豆農曆生日同媽媽新曆一齊慶祝，禮物只有媽媽先有
即時令小拜仁懊惱不已．．．其實我一早幫佢諗ｏ左一份好好ｏ既禮物比我老豆同老母，係佢唔肯ｏ者．．．
份禮物就係同佢地講話佢願意啃ｏ左佢地個女──＞即係我～點知佢唔肯！><

送份禮物比媽媽o既時候佢好開心,因為佢真係好鍾意份禮物，不過．．．之後．．．
番屋企ｏ既時候佢竟然問我係唔係淨係小拜仁一個送．．．佢覺得我係無份ｏ架！心都傷＞＜
食ｏ左一餐好好好食ｏ既生日飯，席間我地都好融洽～小拜仁真係神奇～

希望聽日小拜仁都可以贏多ｄ啦～我支持你！

搵日同你研究下邊個最好先～～我都話白色封信ｇｏｏｄ　ｄ啦～ｈｅｈｅ


>>May 2, 2003 at 7:25:09 PM GMT+8