2004 年 4 月 22 日 星期四 【酷熱】

好開心！今日終於見到大大嚕^^好掛住ａ 仲有老細今日又放假啦！耳根清靜 不過都成５點半搞埋ｄ手尾先走得 去到灣仔都６點幾～同大大經過間舖頭 好唔好彩間野ｄ衫真係好平又好吸引^^ 入去之前有人話破產 但都忍唔住手買左２件衫呢 咁真係好靚好特別又襯佢喎 （haha都係我唔好啦！我一句話就出事嚕） 我都只買左一件綠色間條0者^^.. 之後我地去左食豆腐花～～ 跟住又湊埋阿妹黎^^阿妹又大個左咁喎 同左阿妹買埋防晒就返去西灣河了 我地去左食平麵～～ 經過出面見到對鞋好靚！但係就冇黑白色＞＜ 又路過唔知做乜申請左張citibank咭～～ 我都唔用既！！！？？ 不過見個細我少少個弟弟咁賣力咋 同佢又傾左幾句～ 我最近都冇咁怕醜啦～ｈａｈａ 之後就去大大屋企唱ｋ啦 我都當左係半個家架嚕．．呵呵 開始唱我都會係五音不全的=.= 而且唔夠氣（hehe） 容祖兒好難唱～關心妍唱到ｄ 盧巧音唱左少少～ 唱得最有感情都係ｂｏｙ’ｚ同埋吳浩康 我發現原來我係唱男聲的 好鍾意同阿妹合唱ａ～ 阿妹又比按摩機我用（真體貼呀．ha） 0係佢度留到１２點先走丫 好眼訓～～～～～～～

>>April 23, 2004 at 2:56:05 PM GMT+8

2004 年 4 月 20 日 星期二 【晴】

今日朝早老細又去左聽書啦
唔駛見到佢真係爽耶
不過朝早又要電腦班
同埋喔..交通安全隊..又係我的
要同佢地報告Ｄ野～
自己把聲又細喎=.=
我講一句佢地又講．．
有ｄ唔合作喎～～
不過算啦！佢地最後都明就得啦
之後一直在忙～～
全年檢討要例牌要我打
打極都打唔完咁呀。。
３點幾打到老細番黎都未打完
唉0也！乜咁架～～～
樓下head office話send左memo黎
話叫我個post續約之前要放哂ｄ假去！
但收唔到喎～～～
老細叫我好快ｄ放哂去呀
點放呀～～　
我仲有１５日大假！３３個鐘ＯＴ呀
３３個鐘ＯＴ可以放６日半晝啦
一、二、三、四、五都有電腦班～
其他班佢地就可以幫我跟者
難道我真的要放下我的會員嗎？？
我想６月放我的生日月囉～～～
生日果個禮拜要放好多好多假
（同事話「你就好啦，生日次次都有得放」）
的確生日^^冇一年要比佢地糟質
同老細針下先～～～

>>April 21, 2004 at 2:54:29 PM GMT+8

2004 年 4 月 19 日 星期一 【晴】

好忙呀今日！雖然今日成日老細都唔番．
但係我真係超多野做
本來我係好鍾意星期二的嘛
今日新一期電腦班～～係jason教．．
我當然要幫手．．９點半到１１點半
但係我１０點半又要走番出黎幫同事仔手賣飛
（好彩個變態婆冇黎到）
之後我又要番返去幫手電腦班了
唉！教新一班完全唔識電腦其實好苦的
下次如果有錢我諗住搞中班好了

下午又有個新班，又係我跟的
幾慘，我在朝早狂踢人入去呢個班
因為唔係咁夠人咁～～
ｄ同事又肯幫我踢～ｄ人又好好又肯入喎
（不過哂左好多口水tum佢地入）
搞到我好似迫人咁
個老師又好好人（係我地會員來的）
咁到３點半完～～
有個同學睇掌好叻的～贈左個老師幾句個同事話佢想生ｂｂ～～
之後原來佢話佢有個表可以計生仔定生女架喎
我0係旁邊聽覺得佢好勁ａ．．．
之後佢就入左黎我地office 傾計
講左好多野！～
都好有道理架！獲益良多（聽果時）
可惜我呢頭入果頭出。冇咩記性喔
不過仲記得少少野覺得好有道理的
佢舉左５隻手指出黎做例子
母指話：「我係第一，豎起手指話第一係我，而且我排第一！」
食指：「我係第一，因為我係指人做野的」
中指：「我係第一，你睇下我係五隻手指中最長的」
無名指：「我先係第一，Ｄ金銀珠寶都帶哂落我度的！」
尾指：「我先第一，Ｄ人雙手合十敬拜時我出先既！」
其實個個都第一，大家都有用架！！～～～
互補不足～～～～～～

>>April 22, 2004 at 5:08:11 AM GMT+8

2004 年 4 月 18 日 星期日 【晴】

今日好熱呀＞＜公司個冷氣都唔係冷氣
開左等於冇開～～朝早教電腦
之後番返入office執哂ｄ文件落個箱度
張檯的確大左好多喎！
但係到下午個姐姐仔黎裝電腦丫嘛
咁我張檯就有兩部電腦0係度了
遲ｄ將部舊機ｄ data過哂新機度
部機window xp係p4仲有120gb架，好多呀～
有排用嚕．．．又有新機用
希望唔好好似以前咁成日hang 機啦
其實今日實在好累丫！
我今日做咩都唔係咁順利！～
唉～～～　心灰意冷中（心淡ａ）
公司ｄ野搞到好煩呀＞＜
今日同事話我好燥咁喎
係呀＞＜！
我今日幫佢地整番個printer jam 紙丫嘛
咁要好暴力先整到！～
咁佢地就話我原來真係唔好恰。
當然．．唔發火當我病貓
個同事就話「我叫果個人小心ｄ先得」
果個人嚴重地成為本中心首個頭號黑名單人物（通緝犯）
突然覺得好大既「童年陰影」，以後睇人都要小心ｄ
以前既我好勇，見新會員一ｄ都唔怯場架嘛
下午麥ｓｉｒ0係出面裝下裝下咁～～
咁我見到佢咪yap佢入黎囉～～
好開心～每次有困難想問野佢就會出現
今次佢入黎請我地食野（佢真係好好好好人呢）
好好食ａ三角型的山渣餅
之後我都好忙好忙咁打電話～
唔知做乜咁多野做的～～～
到５點鐘收工～～～
搞埋ｄ手尾～～又要教佢地用個v cam
之後留低八下！^^
今日ｔｖｂ入黎中心拍野丫嘛
之後佢地又去拍埋社區中心
星期日明愛暖萬心！記住睇ａ
今日好累喔

>>April 19, 2004 at 2:23:50 PM GMT+8

2004 年 4 月 17 日 星期六 【晴】


今朝食完早餐之後去左沙田同Ｋ一齊～
多謝Ｋ送比我的ＫＦＣ大雄啦＞３＜
錫哂你呀。。。
不過今日冇得睇＜魔幻廚房＞添
都係我懶。。ＨＡＨＡ
之後我地六點幾就走嚕
我每次都會好唔捨得架


>>May 2, 2004 at 1:31:45 AM GMT+8

2004 年 4 月 16 日 星期五 【綿綿細雨】

呼！覺得自己好無用呀
今日又忍唔住～0係公司喊！
為著同一個變態人！！
佢今日又屈我呀！
呢個人真係有問題架！老屈！！！
今日係我帶隊出去旅行家嘛～
（本來今日旅行好開心，點知比佢搞到掃哂慶）
好唔好彩變態人都有在（佢陪人一齊去）
咁我地今日在飯堂集合
我已經好小心佢架喇．
冇望佢！！因為我由頭到尾都好忙
點名派lable etc. 咁到一班會員圍住我散之制！
變態婆話：「你依家得閒ｄ喇可！」
我話：「係！」
變態婆話：「你記唔記得你上次收左我幾多錢？」
我話：「唔係我收錢架喎！」
變態婆：「我記得係你！」
我話：「唔係我收架喎！」
變態婆：「係你！！！」
我話：「總知唔係我！」
之後我忍住條氣！番返去中心度
同同事仔講！之後就好激動喇
喊左~>.<~好冇用呀！！
我呢世人最憎人屈我架！！
因為跟本唔係我做，我係唔會認既！
之後老細都0係度丫嘛！
咁我係咁喊哂口～～
同事仔就代我同老細講番件事
咁我已經好安慰，老細出去找佢同我出頭啦
但佢無端端番到入中心找悔氣
之後同事仔出左去頂住
條變態最鍾意問人：「你貴姓！」
之後老細番入黎見到佢了
變態婆竟然得罪埋我老細！
今次佢死梗喇(hahaha)！！！老細都知佢惡行喇
好開心，老細保住我地呀（有時佢都幾好既）
係咁同佢正面對質！！
老細叫我唔駛驚佢！！如果佢有ｄ咩唔滿意
老細話寫report都唔緊要！！仲叫我小心ｄ！
以後bad list呢個人！
咁我好努力咁收哂聲～準備出發
唉（仲喊緊好樣衰呢）
不過我點都唔坐佢架車架喇
0係在１車其間都好開心架
今日去大埔海濱公園～～
咁好唔好彩！變態婆個朋友嘔
佢又話要留在車上～又乜又七咁
咁ｄ同學仔又不知所昔～
講多左句～　之後比佢用英文問候囉
（懶英文勁咁ｘｙｚ％＄＃）
咁我建議佢不如落車啦～
架車因為會駛走～～
而且架車局住會可能更加唔舒服
咁我叫佢自己選擇啦
之後佢就落左車！我就去人地果度個辦公室裡問下坐唔坐得
安頓左呢單野～
但一落車本來小雨～～
越行越入就.........
ｄ人已經決定取消呢個行程～
咁好快就出番黎走人啦
之後我地就去食盤菜了
我是旦攝左一個位扒左幾啖飯就閃出黎
因為我見到班學生義工有ｄ冇得食
有趣事件：我排緊去toilet果陣，前面有個學生．
望住我問我ｆｏｒｍ幾？好好笑～～我呆左一呆
我話我係中心職員！佢話唔似既？！我話我同佢差唔多大架咋
佢話我似form 6，我話都老懷安慰嚕，ｄ人話我似form ４架咋．ｈａｈａ
～～那時個天開始放晴了！～～
之後去到last一個行程：沙田文化博物館
行去途中竟然撞到沙田單位既阿晶！即係都係第一次識佢既地方（真有緣）
(對上都係自己帶佢地去的，記得係同大大一齊去，仲去埋沙田中心交流）
之後果兩條友都冇落車！
本來有兩個人跟住佢地！但．．
佢地竟然２個一齊去toilet，番黎架車竟然駛走左
（比警察趕）
oh ..真係嚇死我！因為果２個人我驚唔知會點諗
咁我諗果２個人遊車河了
我同大家都行左幾個館～～之前都同佢地黎過啦
咁有件事比較有趣～臨走果陣返到落去集合
我地去左陣視聽廳度集合～
咁我呆滯咁坐左0係度等ｄ學生點齊人啦
我突然望過另一邊～有個女會員一路望住我笑喎
之後我同佢一齊行出去，佢問左我ｄ好好笑問題
（佢一路拖住我隻手問我）呢單野有前科架喇
佢之前在中心都問過我！佢問我有冇男朋友
之後佢係咁sell佢個仔出黎！（我之前已經見過張相啦）
～好勁咁樣架～我就話我襯唔起你個仔耶
但佢話佢個仔好靜！我就話依家唔興呢ｄ野架喇
唔信問下個仔啦～～之後我話我怕醜架．耍開左佢囉
不過個會員佢真係好鍾意我咁喎．ｈａｈａ

到回程！我被迫要坐２車了＞＜
條變態仲坐我斜後面～真恐怖說（望都唔敢望）
我只係做左我應份做既野，問另一個仲有冇唔舒服
之後就唔再望了！望多一眼都想嘔呀
好難捱的９個字車程終於回到中心
我都冇諗過同佢地做檢討既～
點知比人拉左去～～我都冇講到乜野
班學生竟然當我係社工！ｈａ～似咩？
我話我唔係呀～～

番到入office，我咪同番老細講今日既野
講埋前幾日既野～　舒暢
老細都起左佢底呀！！佢都話佢係「老姑婆」
佢話佢仲係天主教～（即係同老細一樣）
佢話有失佢地天主教呀咁樣喎
（好彩佢唔係基督教即）
之後勁講衰野囉。。話有乜都唔好搵佢參加
佢參加都話滿額呀．．好呀好呀
其實老細已經算好錫我架喇（我今日覺得）

>>April 18, 2004 at 2:49:43 AM GMT+8

2004 年 4 月 15 日 星期四 【乍寒還暖】

夜晚番左團契！～～～
相信一句話～聽到詠怡姐姐講
佢都話就算一聽到個電話，
收左線之後好激氣～
但都唔好將件事放0係眼前！！
我好無用，我暫時都做唔到

今個禮拜日日都聽「愛是不保留」
連團契今日又唱^^

>>April 18, 2004 at 1:43:26 PM GMT+8

2004 年 4 月 14 日 星期三 【炎熱】

今日放工約左honey～～
６點３在ＳＯＧＯ等
１月到依家都未見過喇！
實在好掛住她呢～
呵呵呵。都冇變到呀～～
ＨＥＨＥ～佢係我大婆嘛！
今日佢諗左６個食野地方我選擇
（真係有我心）最後我選左花園餐廳鋸扒
金百利樓上果間ａ～
我地６點半上到去～～
環境不錯（幾浪漫架）
我地仲要係坐卡位
又有Ｄ好正既music聽～
又唔係好貴～　
我地一路食一路傾計～～
傾到成８點９先走
果度Ｄ人係咁想收我地Ｄ野咁呀
好好笑呢～我杯檸茶冇哂都係咁啜
我地想傾耐Ｄ＆坐耐Ｄ嘛！
ｄMUSIC足足都REPEAT左３次咁滯
埋單都係９９蚊！
之後我地咪行東角馬尺囉
呵呵！每次例必做既！
都係去世貿打機！
當然係打我最鍾意打既太鼓啦！
（ＨＡＨＡ，今日打終於唔係修行中）
打左３隻歌！～手痛！！
但好正！！因為我可以發洩～
當個鼓仇人咁（簡值岩哂我今日有Ｄ唔開心）
（幾想貼果個衰人個人頭上去打呀）
今日仲有個新機打！～　幾搞野
係琵琶咁樣架！^^
係咁撥囉～好搞笑呀！！
都唔知撥唔撥到咁的
但３蚊２隻歌都幾抵玩（玩左２次呢）
之後我睇埋hoeny玩埋其他ＧＡＭＥ就走嚕
0係地鐵站幾難捨難離呀＞３＜
下次又唔知幾時見喇

好累呢。。。。。。。。。。。

番到屋企，ＯＨ　ＮＯ！原來舅母黎過
本來諗住等我番黎架
點知我成１２點先番到屋企
佢仲走入我間房！！=.="
亂到七彩咁囉‵‵‵
阿媽又唔阻止喎。
失禮死啦！

>>April 16, 2004 at 8:34:51 AM GMT+8

2004 年 4 月 14 日 星期三 【晴】


好唔開心呀
今日0係公司喊～～
喊到隻眼腫哂
我真係好耐冇0係公司喊過喇
點解？又係條出街囉！！！！
真係頂到上心口呀！
我諗我忍左幾日今日先喊都唔係好過份者

今日雖然條出街冇黎到！
但係電話度已經比佢頂死左啦
好似講句句野都唔岩咁
第一個電話，我已經壓低把聲癈事得罪佢啦
妖！佢都有問題的～～～
咁我依家好驚呀！因為佢星期六有份去旅行
佢今日打黎問集合時間！
佢話同之前另一個姑娘講有出入
又打黎一餐！！！ＸＹＺ％＃
咁我問佢：咁姑娘同你講幾點
佢話：不如你講我知啦！！
我話等我去睇清楚Ｄ先
之後我就搵肥同事問清楚～
我咪叫佢9:30-9:45番黎集合囉
基本上我聲線係ＯＫ的！
這個冇問題啦！
之後第二個電話，
因為今日食飯食到一半
都走番出黎做Ｄ野～
好唔好彩我接左個電話
又係呢條友！
乜咁麻差煩架
佢本來係搵肥果個姑娘的
但佢又唔知蛇左去邊喎
咁條友就繼續講佢既野！
又話乜又話七！
話之前肥姑娘打比佢另一個朋友
問佢參唔參加呢個旅行活動
佢話因為佢個朋友唔知個係咩活動
答左話唔參加！
（擺到明肥姑娘打錯電話）
（事發當天我係見到肥姑娘打的！！
已經即時提醒番肥架喇）
之後又嘈個活動名咁長～
「反斗耆青一家親」
佢話佢６０歲都未記到啦！
何況佢個朋友８０歲！
又問點解我地中心改個咁長既名
我話：唔係我地中心改的，
係我地同Ｄ學生合作，
學生改的！
佢又問點解要改呢個名
心諗：點知人地！
口答：可能佢地覺得呢個名活潑Ｄ，
　　　吸引多Ｄ人參加！
佢又嘈乜乜差差咁
之後我話：佢地學生可能未必明你地Ｄ長者咁樣！
我冇諗過，我講左你地Ｄ長者呢句有問題
咁佢話：「咁你係咩？」
我冇答，妖！幾想答咪年青人囉！
咁你入得黎長者中心！
你唔係長者！你係咪運吉呀？
門口寫到明長者中心啦！！
之後佢好氣憤咁收線！
我之後同番同事講，
就忍唔住喊＞＜
之後我喊好樣衰丫嘛
仲未食完飯～
一路食一路喊幾悽涼呀
咁旁邊Ｄ阿姐係咁安慰我
問我做乜！！
有陣時做野係咁架啦！
不過我都繼續喊＞＜
成５個人係咁安慰我～～
唉！最辛苦係對住會員強顏歡笑果下

下回分解：
之後我都仲係好辛苦呀
佢地都係咁ＴＵＭ我囉
又買野比我食～
買野比我飲～
講下笑～～～
都係想我開心番！
好彩今日老細冇番咋！唉
如果唔係就慘喇！！

之後我唔知係咪真係好唔好彩！
諗住打３６４既人唔會係佢囉
shit..一聽就覺得係佢
不過好彩佢唔知我貴姓～
佢搵肥果個姑娘
係找悔氣的～～
我行左出去～
番入黎見到肥黑面囉
一睇就知比人省完黎
之後雲姑娘就接左黎聽
（雲姑娘都係基督徒黎架）
聽番原來話我地收多左佢錢囉
但我地點過數都冇多左錢
臨走前又唔點清楚，
都隔左日啦！都有問題既
同事仔都話佢跟本就有心挑剔！！！

>>April 16, 2004 at 3:24:38 AM GMT+8

2004 年 4 月 13 日 星期二 【晴】

今日麥ＳＩＲ打比我
仲以為咩事添～～ＨＡ
原來今日有個特別聚會呀～
同團契差不多
今日係同李姑娘聚會^^
去到蘇姐姐老公間公司
（佢間廣告公司，我覺得好勁，
　即係有Ｄ樓咪有個廣句係cannon，
　部相機上上落落咁，係佢地公司整，
　仲有之後又話接埋百事黎做。哇）
今日講番既都係圍繞「十架」與我們的關係
每日都要諗既問題～～
今日我都冇帶聖經，同麥麥share咋
呼！呼！
跟住輪到分享囉～～
問我地最近成日諗既問題係咩？
我本來係分享，我個人其實冇乜野諗
但係講講下講到公司！
Ｏ～講係講左個冇品中既極品Ｄ衰野出黎
真的丫！因為我真係好怕見到佢！！！！

>>April 16, 2004 at 3:01:21 AM GMT+8