2004 年 9 月 5 日 星期日 【晴】

(￣(エ)￣)|||

過份過份過份～～
今朝一早就俾老細　孖差　了
本來心情好地地
我在出面整番ｄ報紙時
俾人召返入office
我仲以為咩事～～　
點知同事仔＆我就係咁俾佢剷左一獲
話我地唔寄ｄ會員通訊～　放哂0係度！！
「呢ｄ野星期二拎黎，都整左好耐架啦！～
　放哂0係度唔寄做咩呀！ｄ活動要宣傳宣傳哂啦！
　要拎既人都拎哂啦！幾時寄呀？？平時邊個寄架！」
同事仔好好聲氣咁應左佢～　我聽完佢發0翁風之後就出番去整報紙
不過我都係頂住條氣～　果ｄ野都係星期四先整完咋嘛！哼=.=
同埋教電腦喇．今日想繼續教耐ｄ電腦～幾唔想番入去對住佢呀＞＜
幸好我今天沒有遲到　勉得又給她一個借口破口大罵了
同事仔暗下跟我說話佢咩態度呀！閂櫃門又大聲～　bib ibangbang咁
點做社工架～　點去輔導人呀！！自己都係咁
我咪話囉！我地上次寫份野比黎生～　好膚淺（近期我同事仔專用）囉！！
我地實在太好人～～～～～！！
非常不幸～　佢每樣野都搵黎講
連寫張紙仔俾佢都問：「邊個寫架？」「下次寫埋係邊個留架！」
不嬲都冇架啦！～～　第一日入黎做果陣你又唔講．車
之後我番入去又叫我影印～　又叫我俾野黎老闆～　
又叫我拎野落family．．　我見到ａ仔呀～～　係ａ仔ａ仔^^
我以為佢走左添！！！　我問佢：「你唔係走左架咩！」
佢話：「未呀！１０月頭先！～」　見多佢一面
好彩12點出左去同會員傾計
不過我都唔明既～～　人地食緊飯出去阻住人食
雖則人地係醫生　都唔駛咁架．痴住人．
同事話：「佢多病丫嘛！」話時話咁又係喎
到lunch time我冇帶飯就一個人閃左落街食野了

晏晝呢～　我又唔明佢可以當若無其事咁架喎
0係度同我扮friend．　我又好辛苦．．
強顏歡笑　～～　做人真係好難呀
為著大局著想　扮下開心都要架喇
一陣唔睬佢　又唔知發生咩事架喇
難逃一劫．連雲姑娘都俾佢話～可悲可悲
oh... 連阿大都難逃一劫喎!!
話說同事仔交左份evalaution...咁老細無端端
唔知講咩michelle叫陳咩話?
本來都唔知佢講乜~ 我問番同事仔先知
係原來話佢冇咩叻～最叻都係同會員關係好！
（早就話架啦　係佢唔抵得呀）
我唔知呢ｄ彈定讚啦=.= 無聊　搵ｄ舊人黎比
老細話話佢唔前日開始唔舒服
我們３個斷定～！佢係period呀
救命～～　佢個個月都係咁就唔得了了

呼呼～放工約左阿大在中環mtr閘口度「交貨」

閘口～交貨的好地方．　今日在等佢其間交貨物品包括
交文件～　交物品　～交錢　　就連交ｂｂ都有

等到佢啦！今日係交裙　同埋交加營素比佢　
佢都趕時間做重要既事...
希望佢件事唔好拖咁耐啦
應該一早有個解脫！！！

>>September 7, 2004 at 2:54:59 PM GMT+8

2004 年 9 月 4 日 星期六 【晴】

　今日媽咪生日^^ 生日快樂

１１點幾起身～　上左陣網
又攤陣～～　好快到２點幾
同媽咪落街食ｔｅａ．
今次去食大快活
大快活ｄ野原來都幾好味^^
之後去左ｏｋ便利店拎左本周杰倫ｄｈｃ^^正
然後陪媽咪行先施　多人到又迫又焗
阿媽話好多自由行喎　　我就覺得好焗好想嘔
頂唔順就走～　番屋企嚕
到５點幾又出門口食飯啦
食到８點坐叮叮回來
去了惠康！！！　買左５０蚊百事（嘰嘰）
有３ｐａｃｋ～　仲有野送添（一個牌仔）！！
揀得好辛苦架！！　不過又冇周仔＞＜
我逐ｐａｃｋ摷～（多得阿爸阿媽掩護我囉）
　揀左言承旭　朱孝天　仔仔
３個不同款的～　其中言承旭係送比表姐仔的
朱孝天係送比同事仔的　至於仔仔我都唔知比邊個好
自己要住先啦。　
阿爸行完超巿會話：「冇周杰倫喎！得周杰倫條女！」
真係笑死我～
阿媽尋晚聽收音機又同我講「訪問王力宏呀！女」
「周杰倫囉獎呀女！」
真係多謝阿爸阿媽經常陪我痴線
　話說周杰倫只在台灣出百事罐裝
有一日同台灣阿良傾計佢仲引誘我話佢儲左幾罐喔
恨死隔離喇～～　

>>September 5, 2004 at 2:23:38 PM GMT+8

2004 年 9 月 3 日 星期五 【晴】

今日朝早好忙～～
得我同同事仔做野咁
不過當我們靜下來時
就不其言地傾計～～
講到佢尋日老細同佢做ｅ～
佢話老細同佢講～佢寫份野太「膚淺」
應該寫多ｄ缺點！！！？？
我話唔係呀化？我同佢講上次我地俾面佢
寫佢份野交比督導主任時！！幾多野冇寫落去呀
我們就是太好人。。　我只係寫左句
比我地認識多ｄ社區資源～　因為成日都唔識答人
但佢同同事仔講番～　佢都好忙～～　叫我地自己睇filingｄ資料
不負責任囉．．　又叫佢帶多ｄ活動　因為我地都意味到
有一日冇左我個位之後　慘喇～　我ｄ野都塞哂比同事仔做
老細佢舖定路喇．．．　　
我覺得一個好同事真係可遇不可求
一齊工作夾既．開心既．冇是非既
聽其他朋友講既工作真係世途險惡囉
原來留0係呢度真係一個溫室囉．

呼～放工！食左碗粥就走嚕
行左陣中環
買左條手鍊^^... 仲有扭蛋扭左隻小飛象
一隻送比ｋ小姐的～　ｋ小姐上次話鍾意丫
之後就回家　睡個晏覺

今日好開心～～　申請到google個ｇ-ｍａｉｌ呀
１ＧＢ咁多．　任塞都唔爆呀

>>September 5, 2004 at 2:22:40 PM GMT+8

2004 年 9 月 2 日 星期四 【晴】

今日晏晝麥麥打比我～
話今日會有特別安排
佢話放工上去佢話我知
我話咁驚嚇～ｈａ
咁上到去佢就話：「今日天鍚哥哥可能約你食飯」
我諗一諗先～
我第一個反應就係：「你唔要我拿！」
我問佢係咪要番學～　佢話係呀咁樣
我就扮到好慘把聲～話：「嗚嗚～你唔要我喇」
之後佢話係呀！！ｈａｈａ
我同佢話早知我同同事仔食飯啦～
因為佢要番學～　佢話：「同我食都得格」
咁我地就行番去「沾仔記」度食左碗粉
咁係我俾錢的～　我同佢講佢生日我都冇請佢食飯
cheap cheap 地收左去啦～
之後佢送我行去天橋度～€　叫我乖乖地喇
我就獨自一人搭船又搭車去到～
點知仲好早～　我就企左在管理處度等佢地喇
一個人有ｄ驚呀　其實果度都有ｄ陰森＞＜
完左自己番屋企啦　

>>September 4, 2004 at 4:25:19 AM GMT+8

2004 年 9 月 1 日 星期三 【晴】

今日既下午好正～
淨番我同同事仔２個人～
耶^^V 開心呀
我地都傾計～～～
好搞笑～　講到我問佢時先適合結婚
佢話都唔駛咁早結啦～
起碼３０歲先係適婚
我彈一句：「女長人呀」爆笑
然後我話：「唔係搵到個好男人先結咩！」
之後我問佢結婚後生幾多個
佢話唔生喎～　又話我似生一仔一女咁呀
又叫我生一個排球隊啦．哇．生到老ｄ仔女都未大呀

今日準時收工！～
　有節目　～　就係同ｋ小姐去街街
因為月頭通常佢都想去街買野嘛
我地約在聯合等囉
之後同佢行左陣聯合
佢買左件外套同埋本ｎｏｎ-ｎｏ
之後佢話佢個朋友開金魚舖
咁佢就去探佢個金魚佬朋友勒
咁因為係要上樓上既關係～
點知間舖頭係開正在「架步」隔離的
有ｄ尷尬～～　ｈａｈａ
咁入到去ｄ熱帶魚魚都幾靚架
仲叫金魚哥哥同我地影左張寶麗來～

之後我地就去左花園街度行～
篤魚旦同埋煎襄三寶～～
之後就去左新世紀廣場行下
然後我地就搵食　　
因為實在唔知食乜
我地唯有食大家樂勒
食飽我地就去左扭蛋蛋
ｋ小姐原來都同我一樣有呢個嗜好喔
至同道合的朋友仔．ｈａ
我就扭左２樣野^^..好彩唔係最核突果ｄ
跟進我地行埋去旺角　～　行左兆萬囉～
兆萬果度見大大話鍾意條裙～
咪打比佢問佢買唔買
好彩佢今次聽電話囉～平時成日飛去留言喎
幫佢買左之後ｋ小姐話走嚕
但係我有下場喎～　
咁就賴甩左ｋ小姐佢要自己回家（我真係衰）
因為咁岩小ｋ又在旺角同朋友食飯
行到去果度咁岩又在佢附近
咁順便就約埋佢囉～^^
之後就同佢行左一陣打左陣機
路過街邊ｄ車仔檔
小ｋ就買左個Little Twin Stars滑鼠護手墊比我
我未睇哂就要走鬼了＞＜
無奈～　小ｋ就送我搭地鐵～　
佢就搵番佢ｄ朋友一齊會合走嚕

>>September 5, 2004 at 2:28:48 PM GMT+8

2004 年 8 月 31 日 星期二 【晴】

今朝教電腦～
ｄ會員又請野我食
又話我好正XDD（係咪樣靚身材正先！哈哈）
又話我好叻=.=
又話我好有天份～^^
又話我可以去開舖頭
我只不過係教佢用個軟件整左張咭
另一個就教佢搜尋左好多湯水篇出黎
咁佢地就好滿足～　好開心

１２點繼續開工～
用左１個鐘時間
整左五十幾張powerpoint
又係老細既所為
臨開會先叫我幫佢整的
雖則我係快～　不過係趕囉


今日舊老細打黎中心搵我
佢同我講～　佢要做手術喔
但佢番工唔方便講咁多囉
我只能叫她好好保重～～～

下午老細又出去開會勒
太好。。。～
我還是愛在發夢！

回家有ｊａｙ看～
邊跟大大傾電話邊看
不知看了甚麼出來
只是爆型XDD




還有半點頹～
呼呼～～～　
不開心原自甚麼？

放開會很容易嗎？

>>September 2, 2004 at 8:10:30 AM GMT+8

2004 年 8 月 30 日 星期一 【晴】

返工...日日返工返工
本來今日想放晏晝
不過老細尋日叫我不如放星期三啦
冇野講... 我係唔鍾意放星期三

今日睇到一個listing...
令我諗左d野...
個listing寫左d人名..寫左d職位
見到起碼兩個我識既其他單位既
以前係同級既... 人地都變左做AA或者係CA
人地入明愛我入明愛
人地有老細我有老細...
人地老細會想個細既有好前途
為何我又會留在一個這樣的地方
沒前途.... 沒有進 ... 只有退 的地方
為甚麼　為甚麼 　為甚麼？
傷感說．．．．．．
同事仔問我如果有AA位問我去唔去做
根本就冇內部職位空缺傳閱．
有好位都比人薦左上位先啦
我話人地有好老細牚佢上位
我冇呀．．．．．

原來一個唔開心既人
買東西是可以發洩的
買東西來安慰一下自己吧

083104　不再有動力了嗎
動力原自誰？

>>August 31, 2004 at 3:02:24 PM GMT+8

2004 年 8 月 29 日 星期日 【暴雨】

老細又放假．．
社工為什麼如此多的假放
一年廿四日假期，人工又甚多？
冇野做冇野做既今日

非常準時地５：０５收工

>>August 31, 2004 at 2:19:14 PM GMT+8

2004 年 8 月 28 日 星期六 【暴雨】

１２點幾起身
１點有阿爸阿媽既外賣　肉醬意粉
加飲茶後打包回來的　馬豆糕
還有近期愛爆的　可樂

上網　聽歌　
行行企企
又一天．完

>>August 31, 2004 at 2:25:51 PM GMT+8

2004 年 8 月 27 日 星期五 【暴雨】

今日番工，好忙整會訊
要出版啦。。

呼！今日在公司收到個電話
咁係樓上ｄ接線生算搭線
搭左去唔知咩部門
然後果個部門就叫果個人等等
一等之下ｃｕｔ左佢線
佢再打黎個接線生今次搭左黎長者中心
係我聽的～～　佢就話頭先有個姓梁既ｃｕｔ左佢線
我話應該係另一個部門～　我地呢度係長者中心
有咩可以幫到佢咁囉　～　佢就一輪咀咁講左一大段野
感覺到佢幾大壓力　不過我又唔係社工幫唔到佢
佢話「依家ｄ社工都唔知用黎做乜！！」
我心諗：「你講得好岩！！！」
我問佢介唔介意留底電話
佢話佢搵左好多間機構留左好多次電話都冇一間覆佢
咁我話依家社工岩岩行開左，我會叫佢盡快覆佢囉
之後老細番黎我就拋左個波比佢嚕．
我老細話都唔識答佢個問題喎
搵左好多電話先轉介比人囉
我都同老細講：「佢話依家ｄ社工都唔知用黎做乜！」
老細都在笑囉～～～～　同事仔又在笑囉
經我觀察社工既工作：經常放假、委派工作比ｄ細既做哂去
講電話、家訪、開會、寫報告、一年搞幾次活動咁．．．．
終於到佢食飯既時間，我同同事仔就開心既時刻
今日睇報紙先知棟篤神探播番個好結局
尋晚冇番去睇　今日上網睇番囉
就在１２點幾同同事仔一齊睇勒^^呵呵
個結局冇咩分別咁喎ｘｘｘｘｘ搵笨
之後放工，好累～然後回家
媽咪買野食番黎比我吃

>>August 29, 2004 at 8:06:15 AM GMT+8