2004 年 6 月 30 日 星期三 【晴】

今日朝早起左身就冇訓過
上網～～
下午同阿爸阿媽阿哥去飲茶
呼～　飽飽
番到屋企洗頭沖涼～
今日約左honey呢^^
約左佢６點半在老地方等
我地又去銅鑼灣啦
因為要就佢～～
估唔到今日會見到佢個honey喎
佢個honey即係二公（我係大婆^^）
送佢過黎陪佢等埋我黎先走～
勁恩愛喎～～～　羨慕死隔離
跟住我地落左city super度食野
６點半坐到９點～傾左好耐計
好彩我地搵個位都幾縮埋一角....
多謝honey 送比我既生日禮物～～
我第一個反應～～～～
「又係鏈」～笑～　
不過唔緊要～我一樣咁鍾意
好靚架～紫色石～天使～
頭上面仲有個小十字架^^
仲有個Little Twin Stars既八達通套套
多謝妳～～
９點鐘之後我地行左CitySuper度行一陣
１０點幾佢就送我搭地鐵走喇
好唔捨得！！！

>>July 2, 2004 at 6:45:31 AM GMT+8

2004 年 6 月 29 日 星期二 【綿綿細雨】

今日係中心迎新會
都冇帶飯．．
因為實有野食的
通常都有人拎埋比我地食的
半食半做野。。
傑仔今日黎睇下我地ｄ電腦ｏｋ唔ｏｋ丫嘛
咁我地就試比佢睇．又要問番佢ｄ野
之後ｄ會員又好ｎｉｃｅ．拎埋俾佢食
咁我本來叫會員拎多碟～等佢做完野先俾佢食的
但已經多左碟啦～　本來諗住比阿姐的，但原來佢有啦
ｈａ．我同同事仔又少少飽～嘰嘰！
就出去問麥麥食唔食野呀．佢打緊乒乓波中
佢實話食的～佢平時又唔食Lunch淨打波～
咁我就拎左出去俾佢食喇^^
仲有同事仔驚我地唔飽請我地食蕉^0^
今日．狄　好搞笑～　最近同佢friend左好多丫嘛
我地就成日互寸～　ｈａｈａ
今日lunch time佢番黎果陣～～　落大雨丫嘛
佢濕哂～
我問佢「你冇帶遮呀，濕成咁既！」
佢話：「有都濕啦～」之後佢勁抵死，
張開手話：「黎個擁抱先！」
之後同事仔食緊野架嘛～　就話勁想嘔呀．．
哈哈哈～～　衰野
下午就勁忙了～～～～
唷！放工就約左個恒生保險review
好彩仲有媽咪陪我囉
之後都無聊既～　阿媽係咁同人講股經
悶到我=.=　但係個恒生保險人仔幾靚仔架
成個ｋｅｎｎｙ咁＠＠

>>July 1, 2004 at 4:17:25 AM GMT+8

2004 年 6 月 28 日 星期一 【晴】

今日哈哈哈....心情大好耶！
好鍾意自己成日都咁開心

今朝老細好搞笑！佢番黎問我尋日有冇食包？
我一口就話冇呀～做咩呀？
佢話尋日食政治飯果陣。。
個「政治家」問起搞電腦果個（我）點解冇黎～
叫老細打包２個叉燒飽俾我吃=.=
佢問黎老闆有冇拎俾我，因為尋日只有黎老闆回來嘛
我話我冇見過黎生喎～　反正我都唔愛吃叉燒飽耶．算吧
我同老細講豪比黎老闆啦！嘰～

晏晝我覺得自己勁爆笑呢！我好耐冇試過咁白痴喇
咁我全神貫注地坐在老細張檯度做緊野丫嘛
（老細下午又放假耶）
咁我個手機響～～　意識上我以為自己拎起左個公司電話
我係拿住個手機講：喂！長者中心。
之後俾同事聽到～～　即笑爆咀！
我講完長者中心之後就勁笑～不過個來電者唔知我發生咩事
哈哈哈哈！我幾年冇發作架喇～估唔到今日又發作
初初做呢份工在屋企聽電話都會想講架！！

今日好開心～　我地３個齊齊放工呢^^V
我地仲一齊專登去中環行人天穚度「咇咇」慳２蚊地鐵
６點半過到銅鑼灣～約左Mandy小組....
都好耐冇見喇～　係６，７月我ｄ朋友仔先會彈下出黎
同佢行左一陣我地就去左花園餐廳度食晚餐
我就鋸扒～佢就叫左個意粉～　
同佢傾左好耐計丫~~~　
講開ｄ臭男人真係衰丫～～　哼哼
難道真係１０個男人９個賤？
真的真的～一個男人（仔）要的是上進心～
對人幾細心係唔可以當飯食～～
唔該為將來諗下！！難道要一個女仔照顧你一世嗎？
呼～　食到飽飽～坐0係度歎茶（只是檸檬茶）～　
ｍ小姐話我唔似大人呀！又唔飲咖啡又唔飲奶茶=.=
我就不喜歡～～～^^
之後佢送左佢去泰國既手信比我～　３樣咁多啊
真係多謝妳呢～～　行多陣我就送埋佢番屋企
唔知下次又幾時見啦～～　朋友仔^^
(永遠都係朋友仔對我最好！！！）
之後我就行左去灣仔搭叮叮回家～～
途中比ｉｎｇ　ｄ人截住左囉～
我好心幫佢做份問卷～點知=.=
俾人拉左上車講左一陣保險囉
真係唔知佢講甚麼．只是一堆數字
我就是數學白痴嘛～　那就完全不明白
當然不會幫襯啦～　走人．嘰嘰
今天都不知幹嘛～　我行去等ｍ小姐之制
有個類似大陸女人的拍一拍我話阻我一陣
我望一望佢我拎下個頭～就冇理佢～佢又話唔駛驚
不過你唔好比我批中你第一句係會講：
「小姐你係咪著細碼衫」～
切～　我在銅鑼灣已遇過第３次啦！
當本小姐ｌｕｌｕ嗎！？
可能本小姐樣子長得太愚蠢了～　

晚上回到家～～～　
已經開著冷氣等我啦．．哈哈哈
身水身汗回到去那種涼快
人生一大樂事也（幸福！～！）

>>June 29, 2004 at 4:08:23 PM GMT+8

2004 年 6 月 27 日 星期日 【晴】

今日番工最搞笑既係～
我同同事係做左ｔｗｉｎｓ啦
因為我地今日都著左一樣色的衫
個款都差唔多的....條牛仔褲又差唔多色的
平時我地唔係一齊著果陣已經覺得似架喇
點知今日我地心有靈犀一點通～　孖公仔^^
我叫佢做呀嬌～　佢話：「點呀！阿ｓａ」
笑爆咀！！！^^

老細今天去了吃政治飯
（幸好那個「政治家」叫我去，我也不去耶！）
對住ｄ大粒佬誰吃得下！吃下也背脊骨落
我就叮飯吃～　吃過後～和雲姑娘出左去買雞蛋^^
有待星期三用的～　然後「路過」玉葉糖水
買了芝麻糊＆紅荳沙回去一起吃^^
兩碗混起來的分給幾個同事吃～甜
下午大半在發呆！！因為今天彼閒的～　
而且老細下午又開會～
臨收工她回來～　但不過五分鐘又去了力神父的追思會了
準時收工！！！！

>>June 28, 2004 at 3:00:11 PM GMT+8

2004 年 6 月 26 日 星期六 【晴】

尋晚好夜先訓～今朝熱醒～
好無聊！～起左身！！坐下
之後過左２個鐘又好眼訓．．
又訓～訓到１點起身食左隻粽～～

晏晝落街路過樓下d商場.....
咦！～我見到....KFC隻叮噹呀
～～估唔到係上環俾我見到佢
我問佢幾多錢～～　哇！
心諗唔好去搶．成＄１５０一隻～
當然我係唔會買啦～　
算啦！得閒落去望佢幾眼就夠喇
之前本來會有～　但係原來唔係你既野
始終都唔係～～　失去左始終係失去
再有番都已經唔係果回事～～　
家裡孤獨的大雄！！！　獨奏怨曲

夜晚去左柴灣度食飯～
遙又遠得很落去食餐飯～
好累
番到屋企同阿晴傾計
食緊飯果陣佢打左兩次比我
打番比佢又聽唔到喎～
咪番到黎同佢ｉｃｑ囉
同佢傾左陣同呻左陣囉～
都係阿晴好～唔會呃我
應承我佢一定會記得同埋會做的
同佢傾傾下都有ｄ感動～
眼濕濕＞＜

>>June 28, 2004 at 7:06:14 AM GMT+8

2004 年 6 月 25 日 星期五 【晴】

今日番工hehe哈哈又放工！～
１點鐘仲留在ｏｆｆｉｃｅ傾陣計先收工
這種生活真不錯！！！
因為表姐今日約左我呢～
佢打比我已經去到北角ＭＴＲ
咁我就拿拿聲行落去搭地鐵～
在金鐘等佢囉^^...
我地去到太子～～　食野
我地食左雲南米線～　實質我唔鍾意雲南（有ｄ人都知點解架喇）
但本來我地以為有下午茶餐（門口貼住左）
因為我都係講緊電話的～所以係無端端唔知做乜入左去
入到去原來下午茶係星期一至五先有
但係是旦啦．入到黎～　不過咪駛止意我再幫襯呢間野
之後出黎果陣見到張下午茶先冇左！？
我地就行去花園街啦～～
當然由街頭行去街尾．．由街尾行番去街頭啦
淨係同表姐先會咁行架咋
因為我地既品味完全係一致的！！～　
永遠眼光視線都係同一方向
有好多時都買埋同一樣野架
好似今日咁～～　我地掃得最多係耳環
上次同ｋ在銅鑼灣睇中左的那對～但佢好似唔想陪我揀咁
我就冇買啦～～　今次見番呢對！！我實買啦^^..耶
藍色架！靚靚！我要左對圓～　表姐要左對方的
之後我又揀左隻皇冠再揀多隻ｏｒｂ星球耳環呀
呵呵～～　好開心呀！～　
仲左塊little twin stars鏡鏡^^
繼我上次好搞笑地將ｄ耳環改成頸鍊之後
表姐又學埋我ｄ野喇～　
依家咪好多誇張大大地既耳環～
我地就搜羅左３間～～　揀左３對！
買埋繩繩將佢地變變變！　變成左每人３條鍊鍊^^
大家都好滿意！因為成本好平咋～～he..
之後我自己都睇中左條鍊！勁特別我先買咋
唔係我都唔想一日變多４條鍊出黎=.=
仲有幫大大睇個Monchichi手機套
買比阿妹的^^..真係好靚架
我地都未行夠就要走喇．．因為都七點幾
至少都未行聯合呀＞＜！～

多謝表姐仔送比我既生日禮物呀～
好ｃｕｔｅ呀～岩哂我用架^^..
仲有哥哥尋晚回來買左份生日禮物比我囉
呵呵～～～係最愛之一　多啦ａ夢公仔仔^^


好可愛啊！佢地就係Monchhichi前身？
哥哥話我知佢會買～～

>>June 26, 2004 at 3:40:12 PM GMT+8

2004 年 6 月 24 日 星期四 【晴】

今日 １０點幾～
Ａｌｅｘ打黎公司搵我～
我仲以為邊個添
不過老細係度我費事講咁耐呀
佢同我講（好似解釋既語氣）
佢果日真係病左～發燒
去左睇樓下個醫生～
食左藥～　另一日咪放假！
佢話佢就休息囉咁樣
又問我果日點～～我話「幾好丫」
之後佢又話再約幾時丫！？
我同佢講去睇埋阿邊個先～
佢同我講話９月之前啦～
因為佢要調去東頭度做喇～～
我就同佢講話約七月啦～再睇下點先
一至四好喇！星期五至日大家都唔得架啦！


唉唷～今日才發現文化博物館星期二係休館的
我地又要諗過一處地方喇～～
本來想去金至尊睇金廁所的．
但我地上網睇果度好似真係幾好睇
ｗｈｙ唔想去既原因～～　因為同事仔唔想好既景點咁快去左
留下次ｐｌａｎ旅行先去！今次主菜係馬場，甜品就是旦去一度啦
Planning中～～　我都唔想去咁遠呢。帶住一大班人好辛苦嘛
．．．．．．．．．．．．．．．．．．．．．．．．．．．

>>June 25, 2004 at 1:43:17 PM GMT+8

2004 年 6 月 23 日 星期三 【晴】

今日老細番黎，朝早我執埋份會訊
晏晝然後印比佢睇。。
一直放左係度佢自己好忙唔得閒睇
到佢睇都已經好晏～
又話想改format.......=.=　
我改左少少就唔改嚕，因為費事遲收工
我去左做第二Ｄ野～～　
就係將ｄ上次在禮堂影的相變番光
用Photoimpact好難度高呢．．因為好容易失真
不過我技術真的很差勁呢
完全失哂真～　嘰！
唉！我下個月又要帶旅行喇～
今次又係去沙田馬場啦！！
係又去呀又去呀又去呀。。
真係悶呢。不過隔年先有得申請去的
（上次係義務團體有得參加嘛）
如果只係計車費～大概都係＄３０咋
又有馬會餐食（馬會ｄ野水準不錯）
如果今次去埋已經第三次去喇
又係諗住去沙田文化博物館
我同同事仔講又去呀？４月先去完ｄ人會唔會嫌悶啊
不過我們都認同，夏日炎炎，冷氣地方是最好的
我又係去過三次～　不過竟然同事仔一次都冇去過
第一次同大大去，第二次我帶住班義工仔同會員去
第三次仲唔到我同同事仔去？嘰
好耐冇試過同同事仔一齊出隊去旅行啦！！
今次應該會好開心既！！！！！

>>June 24, 2004 at 3:42:44 PM GMT+8

2004 年 6 月 22 日 星期二 【微雨】

今日番工好自由呀~
連放幾日不旦止...今日老細又去開會
但我好勤力咁編輯執哂份會訊
我都好耐未試過咁快整好耶
不過全靠阿迪幫我打哂ｄ字．嘰嘰
我打左少許啦！淨係負責編輯^^

放工行番屋企之制
之後電話響～～
我以為係邊個添～
如果我認真ｄ睇個電話就一定記得
原來係ｍｙ親愛的ｑｕｅｅｎｉｅ
５年冇見過佢喇～～
（p.s 我地由中一識到依家．１０年都有喇，
　　　除左中一同班之外～　都冇試過同班，
　　　不過一直ｋｅｅｐ住就係因為我地係咁
　　　互通「情信」～呵呵）
佢岩岩在美國番黎放暑假唷！
之後我企左在屋企樓下傾到都唔捨得收線
再傾多一陣頂唔順先要番上去喇
番到屋企阿媽傾緊～　我就費事打住
之後晏ｄ佢先再打比我再傾
佢講左好多搞笑野比我聽．笑死～
佢話香港變左喎～我話佢成個自由行果ｄ咁呀:P
佢仲記得我同佢講過一日儲＄１等佢番黎請佢食飯呢
數數手指．．都．．ｈａｈａ．可以食足佢一個月
嘰嘰！好開心等多一個禮拜啦～就可以見到佢喇！～～

>>June 24, 2004 at 2:08:05 AM GMT+8

2004 年 6 月 21 日 星期一 【晴】

端午節～　快樂！！？？

心淡、麻木、沒啥感覺～　
我也不想這樣。。
。
。





夜晚去左婆婆度食飯．．
唔係咁食得落=.=
好飽喔

>>March 30, 2005 at 6:35:55 AM GMT+8