2004 年 5 月 1 日 星期六 【晴】


今朝好早起左身喇．．．
放假呢幾日黎我都好早起身^^
上左陣網啦～～
之後就出街喇
去左百佳買魚生壽司+綠茶去ｋ度食
一邊睇＜魔幻廚房＞一邊食
今次竟然用剩「一枝魚」～
咸少左．嘰嘰
不過原來＜魔幻廚房＞唔係太好睇
有點九唔搭八咁喎
之後６點幾就走喇～～～


<世上只有>

望著你講 也許更易 濃於水的三個字
從我降世 一開始 到永遠 不休止
你亦是我支柱 動力和意義

You make me cry make me smile
Make me feel the love is true
謝謝你的關顧 與及無償的愛護
年月漫漫 多艱苦 你也永遠優先擔心我喜惡
唯恐我並未得到 最貼身保護 Oh I love you

但是我知 你都有夢 仍將一生給我用
全個世界 幾多種 愛與愛 在互動
也未及這種愛 能完全獻奉
Repeat *
Yes I do I always do
Make me cry make me smile
Make me feel the love is true
謝謝你的看顧 與歷年來的愛護 年月漫漫 多艱苦
我再重也不肯拋低我不顧 從不會立下私心 怕會給辜負
Oh I love you Yes I love you I always do

>>May 3, 2004 at 10:01:41 AM GMT+8

2004 年 4 月 30 日 星期五 【晴】

悶到發霉既一天ａｒ～～
朝早８點幾起身未訓過
在床典來典去=.=
之後２點幾阿爸買雞脾紅豆冰比我吃
正打算好好享受我既美味午餐時
有人按門鈴～～
平時既我唔會睇下係邊個先就開
ｂｕｔ今日心血來潮心知不妙走去裝下
ｏｈ　ｎｏ！又係阿哥帶個女仔番黎
我走都走唔切～～拿拿臨搬我ｄ午餐番入房
以９秒９速度閂埋房門
我著住屋企衫丫嘛！
乜你咁搞法阿哥！！！！
之後我一直匿埋，好可憐喔
後來我都訓著左
佢地唔知0係幾時就走左嚕
起身之後講左陣電話
睇左陣煙花（呢排有得睇番丫嘛）
又食晚飯了．．．
又係阿爸買
我成日冇出過去呢．．．．．．
悶．．．．．．．．．．．．

>>May 1, 2004 at 5:03:53 PM GMT+8

2004 年 4 月 29 日 星期四 【晴】

今日放假～～～～
好好休息中！～～
好舒服呢～～～唔駛比老細煩住
朝早自己起身上左陣網
屋企冇人其實都幾悶下
阿媽１點幾先回來～～
之後佢訓左陣～～
３點先出去食下午茶
食左個叉燒瀨～～
之後就去周圍行
去左ｊｕｓｃｏ十蚊店買左個盒裝我ｄ「豬二盛」
買左個護膝俾媽咪～　（一個手痛一個腳痛=.=）
之後就番屋企嚕～～
７點幾我先洗頭～～　７點半就出門口
今日同阿婆慶祝壽辰嘛

去左寶湖～～～
不過等到９點幾先有得食
因為等埋其中一家人～～～
今日見到好耐冇見過既表妹！
哇～成年冇見佢喇～～～
佢仲記得我上次見佢係４月同佢去換shine演唱會飛
不過成場我地都掛住睇電視，好少傾計．
好似疏左咁～～
HAHA...哥哥搵部相機對住我地
我地都好有默契地^^v幾得戚

之後食到成１１點咁滯=.=
大家各自歸家嚕
當然在人少少期間～～
我地先至走去塞錢俾婆婆買野食啦
阿哥同我左一個右一個夾住阿婆
阿婆成日話唔駛唔駛！～
係咁想塞番比我地～不過當然我地唔會要啦
雖然我地唔係比得好多！不過只係心意者．．．^^....
（但不過勝在我已經出左量！比完阿婆，又要比家用，
　又要係５月母親節，節衣縮食的５月，最多我唔買野啦）

>>May 8, 2004 at 2:40:10 PM GMT+8

2004 年 4 月 28 日 星期三 【晴】


番到公司～
同事仔就好似比老細話左幾句咁
=.=佢要溫書所以要在大型活動的日子放假
老細唔比丫嘛．．．
老細就同我講左幾句野~
佢話要做好多野～　３ˍ３
之後我唔理佢地。。
我去幫手電腦班喇..
唉．今日幫足全程！～去到１１點半
番到黎老細同我講！～～
叫我帶下星期三個旅行～
天呀！～我冇心理準備丫嘛
個旅行仲要咁早～８點３集合
仲要係行咁多路～去米埔睇雀仔
我極之唔想丫嘛～～勁多藉口=.=
老細話：「一係我帶囉！！！！」
哇～～小人不敢呀
ｈａ～　不過佢話會有個靚仔跟我一齊去
下個星期一會有新同事番工
即係果個「２個我」既同事冇得撈換過個
咁我都好大責任～～　ｄ老人家我擔心佢地唔行得咁多
今次仲要係自己帶！冇跟團果隻～～
我完全唔知發生咩事呀
我同同事仔講「你真係好帶hit」
因為老細比佢放假去溫書～
星期二就要佢番！～
（之後有個會員都去旅行架嘛，
佢學過觀鳥，我同佢講，「我靠你架喇～
我唔識架！我平時都教得你電腦多，
你幫番我一次，計起黎你都有著數喎..haha」
之後佢叫我唔駛驚！有咩驚都俾哂佢！
好感動呢～～　）
唉～跟住開始做下星期二要準備的東西
佢又唔早ｄ　ｐｌａｎ定ｄ野喎
諗到乜野就要人做ｄ乜野！
比少少時間我丫！我聽日又放假
即係得兩日=.=
仲有個會訊都要執下＞＜
又要整backdorp...程序表... 司儀稿
powerpoint...嘉賓紀念品...　
雜項都未數呀～～　得我一個做哂咋
今日下午好努力咁～～　
廁所都唔得閒去．．
做左程序表．司儀稿～
四十幾張powerpoint！

臨收工果陣～得番我同老細
佢又好鍾意講野喎～好嘈ａ
唔應佢又唔得～～
佢又話「你就好啦！唔駛對住佢」
個佢指肥妹！因為佢好難教咁樣
乜咁講野架～　講真！佢都係１８歲者
雖然佢成日做錯野～～　都唔好咁話人丫
跟住佢又入左廚房喎～
番返出黎之後～～　佢好突然咁問我
「你有冇入過廚房呀？」
我話冇呀～我一直0係度做緊野．做咩呀咁樣～～
因為出面都熄左燈～～都好黑的
佢又話眼尾見到有野0係側邊行過咁！
佢心諗話我做乜走出黎喎！所以番黎問我
我話有冇咁恐怖呀～～　不過佢話唔驚
佢有十字架喎=.=
不過我都唔驚～我都冇做壞事
呢ｄ事件只有在佢身上發生咋喎
幾次佢都係同我講～～　
之前又話聽到笑聲～～
唉！拿拿臨六點半收工喇！～　


>>April 30, 2004 at 4:56:59 AM GMT+8

2004 年 4 月 27 日 星期二 【綿綿細雨】

尋晚用左條毛巾仔包住隻手腕訓覺
舒服左少少...
打字打得多的關係
我諗我都係職業病多架喇=.=
但係我又咁鍾意打字喎

今日都唔想同老細講野
畢竟咁多日冇見佢咁
老細追我地幾時d野可以搞得掂～
我都只敢用個背脊「得」住佢答佢咋
唉！都唔知搞唔搞得掂添格
高難度動作！要同同事仔有默契先得喇
今日啊～　以前個老細仔打黎中心喎
咦！佢一聽仲認得我呀^^呵呵
同佢傾左一陣。。　基本上佢打黎問我識唔識ｄ野
我第一次答佢唔識呀．．ｈａｈａ
因為唔熟ｓｑｓ丫嘛！～
之後佢個電話太沙～佢晏ｄ再打比我
跟住佢問我果ｄ野我都答到佢呀～
當然要問依家個老細先答到佢個問題啦
我之後問佢依家做緊乜～～
佢話聽日再打比我同我講^^ hehe
好開心大家雖然各散東西都仲可以係朋友！
回望過去！～雖然感覺，環境不同了
但感情依舊！～～～　不會變！～
好似今日咁～個會員又講番我以前ｄ野
佢一路睇到我0係度大^^...　真係提點左我好多
（請姑息我，不足之處我有太多，得各位禮待我，
　很清楚......請姑息我，我犯了許多錯，加許多錯摸，
　給我多一點時間長大，好好發揮我......）輯自關心..心妍
放工落中環買左個護手腕喇。
１０蚊２個啊～～　橙色同粉紅色架
戴左真係舒服得多～～
番到屋企媽咪叫左阿爸幫我用油卒下隻手
好番好多喇＞ｗ＜

>>April 28, 2004 at 3:06:52 PM GMT+8

2004 年 4 月 26 日 星期一 【晴】

今日點解又好似好忙咁呢..？
本應星期二既我好得閒格
ｏｈ～點解老細放假我都咁忙架
朝早電腦班搞左我個幾鐘去
之後冇幾耐就食飯啦
食完飯又搞埋另一個班
佢地畫水彩！
我又要幫佢地喎～～～
不過好似好好玩咁
因為呢個班幾新鮮嘛
呀～～～～今日公司阿媽番左黎幫手呀
健康檢查丫嘛～～
佢一番到黎我就要攬攬佢啦^^
今日好搞笑呀～～～個會員話我成熟左
ｈａｈａｈａｈａ．．比起以前丫嘛
以前成個0靚妹仔咁唷

放工又去左麥ｓｉｒ度傾計丫
今日啟發左好多個問題出黎～～！
好深呀～～～
不過今課都好熟啦^^.. 唔駛口啞啞

今日隻手仔好痛呀＞＜
唔知做乜事．．唔打咁多喇

>>April 27, 2004 at 2:51:19 PM GMT+8

2004 年 4 月 25 日 星期日 【晴】

尋晚發左個惡夢..好驚呀＞＜
發夢見到個變態婆呀．．．．
驚驚驚．．．．．．

今日好開心呀．．
揀日子放下晝
朝早好開心咁教完電腦
之後打一陣會訊就放工啦
耶～～～～～～
放工之後．．．．
行左陣街
買左對閃石耳環好靚呀^^
考慮左好耐架喇．．．
節衣縮食了
最近太瘋狂了

>>April 26, 2004 at 2:32:04 PM GMT+8

2004 年 4 月 24 日 星期六 【晴】

今日訓到11點幾~~起身上陣網
2點鐘同爸&媽去飲茶囉
3點幾同左媽咪去shopping.....
買左幾件衫同牛仔褲....同埋性感小背心
又來瘋狂一番～～～～
臨走時～～阿爸打黎
話阿哥帶左個女仔番屋企！！！
咁阿媽打比阿哥～
我就搶左個電話黎孖佢=.=
我間房成個堆填區咁架嘛
太過份了！！打得少呀
咁番到去屋企幾唔自在呀＞＜
多左個人！！食飯都唔知點咁呀
我問個女仔係咁阿哥個女朋友
佢又淨係識得笑喎
我記得0係電話聽過佢笑聲架=.=
食完飯佢又閃番入我阿哥間房
佢話我似１８歲喎！～
我生得後生咋嘛！～長唔大
食完飯我匿番入房閂埋門囉
之後我入緊手機歌仔無端端有電話入丫嘛
仲以為邊個添
原來係之前果個citibank個弟弟
佢打黎追我ｆａｘ番ｄ資料比佢囉
真係奇奇怪怪咁～～
好好笑同佢傾左十幾分鐘電話
佢又講佢住邊～又話埋佢中學讀邊間
佢話佢住長洲～～中學讀明愛聖方濟各
又問我做乜架！好好笑～佢問我讀書0羅幾個Ａ
我話冇喎！佢話佢有幾個！！車～～～abs!!!!!!
佢仲話佢之前係做麥當勞～～～
講講下佢又話佢連畢業典禮都冇去
佢話佢有少少金毛個老師唔比佢入去～～
叫佢搞番掂個頭佢！
之後噴番黑佢～個老師都唔比佢入
（呢ｄ無關痛養都講一餐，真係笑爆咀）
又話得閒出黎飲野。。。好好笑呀佢
冇啦！我話我星期二先ｆａｘ比佢嚕！
佢話佢近期去左側魚涌度擺呀～～
我又問佢我朋友有冇黎拎番隻豬仔
（笑死我同埋佢！！心邪到死）
佢話佢今次帶左好多豬仔出街
但係都唔見我朋友咁喎！！哈哈

>>April 25, 2004 at 3:37:35 PM GMT+8

2004 年 4 月 23 日 星期五 【晴】

今日好開心！
～～老細短週～～
雖然好忙呀～～但係！！！
最意外既就係１０點幾果陣！～～
公司阿媽番黎探我地呀～～
當然佢好厲害咁計岩老細唔番既日子先回來啦
真係好開心呀～～～好掛住佢丫嘛
佢一入到黎比ｄ會員攔截左一段時間先入到來呀
佢入到黎請我地食朱古力～之後我打緊會員通訊架嘛
但係佢都問我野～～佢依家做part time要打單
問我電腦ｄ野～～～今日我都傳受左好多比佢
hahaha我最鍾意教哂我識既野比人架啦
咁我張檯依家有兩部電腦丫嘛～
佢咪用左新果部電腦黎試下我教佢既野囉
一邊教佢我都停左手係咁同佢傾計。。。
之後佢同雲姑娘去食lunch嚕喎
番黎我同同事仔收工都傾多左幾個字先走

今日約左Karen食lunch～順便見下行下街
我地去左銅鑼灣食粉，好平丫！因為過左２點下午茶價
佢今日送左條佢整既士多啤梨水晶石手鍊比我～
mix and match得好靚呀～～
佢每次都送野比我既～所以我今次早有準備
送左條頸鍊比佢～佢ｄstyle 好襯佢^^
好俾面～佢即刻戴～我都即刻戴起佢送比我條鍊囉
之後我地咪周圍行囉
哇～～～
我地0係世貿見到關心妍呀
好靚呀～不過望左兩眼咋
佢搞左個簽名會丫嘛～～我地去果陣岩岩完～
行金百利啦～之後去左間民族舖頭
本來佢話買生日禮物比人既
點知就買左比自己囉～～～～
佢買左對耳環！！好靚～～
送左一隻比我^^.......　開心哩
６點倒～落少少雨粉～～
我地一齊搭５號巴士走喇


>>April 25, 2004 at 5:53:08 AM GMT+8

2004 年 4 月 22 日 星期四 【晴】

真係好仰慕電腦好叻好有研究既人呀
今日其他單位個同事傑仔來左開會丫嘛
咁落到黎借我地個projector
我地就捉住佢問野喇！～
佢超好人咁答我地囉
咁到開完會我地又捉住佢問佢野
佢好人到留0係度逐一解決我地問題
又解釋比我地聽！～～
仲有佢好勁咁班埋ｄ線幫我地link哂ｄ機
好叻呀！！！！！！！！！

>>April 24, 2004 at 3:24:50 PM GMT+8