2004 年 5 月 31 日 星期一 【晴】

今日朝早公司阿媽打黎搵我
好好笑‵‵‵　佢話佢在新公司ＨＡＮＧ機
又話閂唔到機
佢未試過咁～～佢打黎求救囉
佢老細連個大掣都閂埋囉
話要隔半個鐘先好開番，唔係好易壞
呢Ｄ濕濕碎啦～　我一星期都無數次
我成日都hang 完即開架啦！～　
之後我同佢講開番得架喇（果時都隔左幾個字）
都冇事～～自己嚇自己
晏晝佢就上左黎公司啦！因為我話老細去開會囉
都冇乜點同佢傾到～　因為今日個輔導員番
唔方便講咁多野
放工去左麥麥度傾計囉
呵呵～～　佢話有人同佢講我進步左呀
好開心呢～　

夜晚去左阿婆度食飯，因為今日係阿公的生忌喔

>>June 2, 2004 at 6:24:57 AM GMT+8

2004 年 5 月 30 日 星期日 【酷熱】

今日番工到10點鐘就要出去
真係勁慘呀～～
熱到爆炸＞＜好彩地我係著背心仔
又要拎住部Handycam，又要拎住相機
又要帶住班人～～
去左３度地方呀，又晒又熱又陰公
不過拎左出去，老細又霸住左黎影
本來我用部ＤＣ拍片架嘛=.=
佢又唔知影乜東東～搞到我用果８ＭＢ黎影野
都唔知出去做乜，又拍得唔多喎！
唉唉！！總知慘啦～～～
１２點半先番公司～～成身汗呀。
又累喎！～　唉唉
成個晏晝都唔知做乜咁！！
番到屋企訓到九點先食飯

>>June 1, 2004 at 8:28:11 AM GMT+8

2004 年 5 月 29 日 星期六 【晴】


今日玩足成日呀　　～
好耐冇試過咁喇　！
朝早１１點過左ｋ度囉～
吾吾^^........　多謝ｋ煲麥皮俾我食
好食呀～～
掛住 你！～

夜晚之後就同左ｋ小姐去左皇室堡度睇戲
我地睇７點３果場＜明日之後＞囉！

真係超好睇呀～～～　不過就有Ｄ慘　
尤其係個男主角個仔呀～～　超正呢
有Ｄ似力宏ＦＥＥＬ架！
水準之作！值得一看～～
之後散場我同Ｋ小姐就行左陣銅鑼灣
行到１０點半先搵食～～
本來諗住食車仔麵的～～但唔知做乜超多人
我地就是旦咁去食麥當勞喇。。。。
係！又係麥當勞呢～～～　唔爆暗瘡就奇＞＜
Ｋ小姐又轉工啦，真係快速轉工
點解我又唔係Ｄ咁既人呢～　
佢話依家在ＫＡＷＡＩＩ（日本魚肝油棒球仔）度做
人工八千五～真係羨慕人地丫
今日Ｋ小姐朝早行街買左Ｄ野送俾我～～
次次見到佢都送野俾我既～真係客氣囉
鍚哂妳丫

>>June 2, 2004 at 6:37:39 AM GMT+8

2004 年 5 月 28 日 星期五 【晴】

今朝番工實在好多野做～
搞埋ｄ野拎去影印丫嘛！！！
（９點半果陣我同雲姑娘閃左入廚房整果涷呢）
咁時間係過得好快的！～～
話咁快就１２點～～～今日阿二番來
因為佢放假丫嘛～～佢回來探會員同埋執野
見到佢感覺好似怪怪地咁！～～
我同同事仔都對住佢好奇怪咁！～　
之後１點我地收工～～
ｄ果涷整好喇！～
今次係＜綠茶萍果汁奇異果士多啤梨果涷＞
都ｏｋ咁啦！～～～　幾好味架（因為有我份搞的）
之後放工落左中環行左陣^^...
當然忍唔住手買左條鍊～～～～～　因為都鍾意左一陣子喇
番屋企之後，阿媽又買壽司番黎食
都食唔哂～～　
之後我訓晏覺ｚｚｚ！～
訓到最舒服果陣～ｋ小姐竟然打黎～～
叫我出去睇戲＜明日之後＞～～　因為我太眼訓
所以話聽日先出啦^^.....................
本來阿晴話同我去睇～～
但係ｋ小姐約左我喇．．．下次先同番阿晴睇啦^^

>>May 29, 2004 at 3:48:42 PM GMT+8

2004 年 5 月 28 日 星期五 【晴】

有陣時在中心真係好勞氣呢！
好似今日生日會咁！～
咁個男同事真係醒少少好唔好
我唔係話嫌～
咁我已經在禮堂做緊野～
好忙架啦！～
上黎問左我Ｄ野放晌邊
咁我已經講左俾佢聽在士多房了
搵唔到咪問樓下Ｄ姑娘囉
以為佢會搵到啦！～
點知～～　Ｄ會員又話番俾我知話冇喎
好啦！我以為會放左在好入，搵唔到係正常
我就落番２樓，個男同事係企晌度唔知做乜！
我一開士多房，舊野放在當眼位置，而且！
仲貼住左紙呢舊裡面係乜野囉
跑上跑落好累喔！
之後個男同事竟然唔番上黎幫手
同事仔話我知，佢坐左0係度唔知做乜！？
咁我咪打電話落去叫番佢上黎囉
我本來都好有心機想教佢野！～
幫得佢Ｄ乜就幫！
但我依家心淡喇～因為幫得一時唔幫得一世
佢都係要靠自己～
我觀察左咁耐，佢係要有專人督住佢做野，磅住佢
但我做不到～～～

放工同麥麥番聚會啊～
我地食左～～我成年冇食過的！麥當勞！！！
我覺得好新奇咁～～　好耐冇食唔知有咩食
原來依家一個餐已經係二字頭咁貴=.=
我對上果次吃都係一字頭嘛
今日的聚會個個都分享佢地的見証呢
仲有分享聖經～～
我即場都分享左段仔啦～
好艱辛架（憑我腦海裡面的最深刻那段）
不過我講完都唔知自己講乜東東！！！

>>May 29, 2004 at 2:49:25 PM GMT+8

2004 年 5 月 26 日 星期三 【晴】

今日返工冇簧管呀～～
事關兩個社工都走左開會！
全ｄａｙ都係囉～～
咁今日同事仔話哂事嚕
我就大把野做～～
好累呢！！～～　
今日有個好耐冇見的會員
一見到我～～就話我好似瘦左呀～～
實質今日去磅......真係好似輕左咁＞＜
放工都未做哂想做的工作．
明天請早了！！！　
放工　又同麥麥傾計呢～～

呼～～　聽阿爸講話
昨天被爆竊那戶唔見左部手提電腦=.=
真係好驚喔

>>May 27, 2004 at 2:42:34 PM GMT+8

2004 年 5 月 25 日 星期二 【晴】

今朝好早起左身訓唔番～～
阿爸阿媽以為我醒左又同我講野
我就索性起身喇。。
之後食早餐～～～
到２點出去樓下飲茶
因為係阿爸出去搵位的～
我之之整整先出門口囉～
咁我出到去等笠，無端端有個男人0係左手邊對走火門行出黎
金毛副黑超整左上頭的！～　之後我望左佢一眼！
之後有條友在右手邊（即係我門口）對門走出黎～
（本大廈結構一層４個單位，係左一對右一對走火門的）
佢地之後對話，佢話「捉ｅ恩」呀？又話幾多樓，又話２４又話２５咁！？
因為未見過呢兩個人咁～～而且佢地個樣好不良！
我就臨入笠都望左個走火門一眼，睇下有冇匿埋在門後！我驚佢地係爆竊！～
咁呢～　我落去飲茶都當冇事發生啦
飲完同阿爸阿媽行樓下電腦城～～
之後行左一陣西港城～
爸＆媽去買送～～我就自己回家
咁回到家的管理處～～
我在等笠～～咁我見到ｄ人啦！
同個看更講野，係ＣＩＤ～～　原來有人報警！
１７樓Ｄ有人被爆竊呀＞＜
我當時一個人個心真係怯一怯！
個看更個樣好無耐！因為ｄ差人問佢係咪全日佢當值
之後又話佢冇睇住架咩！！！！咁樣喎
好慘呀．．．我心諗邊睇得住咁多ａｒ．行開行埋　
跟住ｄ差人就上去睇勒！
我就搭另一部笠的～～　我自己真係好驚囉
上到去喎！～　咁有個人企正在我門口！
想嚇我咩=.= 好彩佢著住ｄ護衛衫咋～
佢同我講，冇乜事丫嘛呢度？
我話冇卦！？我都未開門點知？
之後佢話樓下有個爆竊，叫我小心ｄ咁囉
我話：「哦，唔該．」
果陣時我都有少少震架＞＜好驚囉
一個人在屋企～～～　又諗番今日晏晝果兩個人喎
會唔會係佢地呢？！　慘啦，佢地見到我架喎
唉唉！好驚！～～～～～～～～～～
阿爸阿媽阿哥番到來我就同佢地講晏晝發生既事囉
仲係好驚～～～




二女爭論一男的故事。
勝利的女孩最後才發現，
自己千辛萬苦去爭，可能只是為了啖氣。
她真的那麼愛那個男孩嗎？
其實不是，一切只是好勝心在作祟，
但好勝心令人累。
其實兩個女孩都輸了，男孩大獲全勝。
她們不明白，在感情關係裡，
沒有輸和贏，只有愛與不愛。

最後勝利 -

你有背叛我嗎　你有秘密見她　不過你不敢認嗎
我要信直覺嗎　我兩個就散嗎　因你會揀她是嗎
愛到擔驚受怕　誰人也歡迎的你　可愛得太可怕
你要去難道我追　追得到我共你都太累　我只想跟你做對最穩固伴侶
時常在發著惡夢有人搶去你　其實我很怕當你感情的後備
太保護你　攔著雙臂　避免跟我爭你的人碰到你
誰能料最後我亦可能不愛你　但最初我猶如冒了死去爭這啖氣
到最尾我勝利　我得到你　為何又害怕一世一生對住你　尚要百般遷就你


你眼裏又有她　你玩侶又有她　將有天守不住嗎
我勝過十個她　我有勝利過嗎　慘過放心輸掉嗎
愛到擔驚受怕　全球有影迷的你　可愛得太可怕
你要去難道我追　追得到我共你都太累　我只想跟你做對最相愛伴侶
時常在發著惡夢有人搶去你　其實我很怕當你感情的後備
太保護你　攔著雙臂　避免跟我爭你的人碰到你
誰能料最後我亦可能不愛你　但最初我猶如冒了死去爭這啖氣
到最尾我勝利　我得到你　為何又害怕一世一生對住你　尚要百般遷就你

仍然在發著惡夢有人搶去你　絕望到給你趕到感情的絕地
我不服氣　拿著兵器　沒有空放低兩手來抱緊你
從來沒發現我亦有權不愛你　大半生也提防著某君　進攻　爭奪你
到最尾我勝利　放低兵器　回頭望共對手都輸光了力氣　大概勝出的是你

是愛　讓女人一敗塗地

>>May 26, 2004 at 12:28:23 PM GMT+8

2004 年 5 月 25 日 星期二 【綿綿細雨】


今朝番7點10呀～～
要７點起身～～
眼訓到我ｚｚｚ
仲諗住落雨唔駛去丫嘛
點知～～落雨都要去
今日去左動植物公園街展～～
順便係做問卷囉～～
我都同人做左好多張嚕
我本來係留番比ｄ義工做家嘛～～
想懶都唔得添

之後９點半就返番中心嚕！
番到去又忙忙啦！
我個位又俾人坐左喇～
因為佢要打字～～
搞到我都唔知做乜好喔
之後開完例會就超忙嚕
一個人頂住個counter真係好唔掂呢
又要賣飛寫飛幫佢地續証影相等
其他姑娘就出面，今日係健康檢查丫嘛
又賣奶粉～
搞埋在例會裡～真係未忙過麼
咁我一個人頂住都ｏｋ！但有時睇唔過眼，
係有個人0係度都幫唔到我～就係個男仔勒！～
淨係坐0係度～=.=　有時真係要醒少少丫．救命．
算～～～～～～～～
之後好搞笑～有個會員黎旅行飛喎！
個會員話個旅行地方未去過咁～～去下
咁我照賣啦～～
佢地唔知點解好興問邊個帶的～～
（我只係間中帶旅行嘛～～今次都係同事仔帶）
之後佢又望住我笑笑口咁講～　上次同我講果件事點即！？
咁喎！～～詳情請參閱４月１７日之日記啦
一睇就知佢想同我講乜喇．ｈａｈａ
我尷尬到飛起呀=.=　之後耍開左佢喇．呵呵
呢個女會員真係好鍾意我咁喎～
希望今次同事仔帶完佢去旅行，就揀佢啦
唔好揀我喇～～我唔岩佢個仔架！！　
之後我忙完一輪了～～行左出去找人
咁有另一個會員用個信封塞左ｄ野俾我
～佢去左上海番來買左條頸鍊俾我呀
我又收受利益添～　我都叫左佢唔駛買野俾我架喇
呼！！！！
本來我真係開開心心架！～
之後吳姑娘入黎講左一次野！
我完全聽唔到佢講乜，因為太嘈！～　係咁二應下佢就算
咁佢又要講第二次喎！佢話個死惡婆黎左
我話邊個死惡婆，佢話：「你最憎果個！」
呢個形容詞已經係俾３個人公認左，
用黎形容果個人必用之詞囉！
例如我尋日問雲姑娘邊個黎架，佢都係咁講：「你最憎果個！」
咁我本來好地地睇佢唔到睇佢唔到家嘛
點知係都要俾我見到佢呢！我之後就好驚，
搵窿捐～～　唔俾佢見到我喇！
好好彩！！佢買完奶粉就走～冇黎counter即
吳姑娘番黎又話個死惡婆口黑面黑，一入到黎就問雲姑娘0係邊
又話佢一入到黎就成股殺氣咁！！我覺得真係恐怖呀！驚驚
之後佢走左就冇事啦^^....

晏晝好多野要做！到５點想收工，老細又諗到ｄ野
要我即刻做～～　搞到６點２先走
放工都撞到麥麥，之後同佢一齊行
傾計囉～～　同佢講我想轉個部80gb既機，佢話好丫好丫
我又想整埋燒碟機～佢又話三百幾蚊有埋ｄｖｄ，
好想整丫！！！！！！！！！

番到屋企本來好開心，點知一開門，開都未閂就俾阿媽省左一大餐
原因：我ｄ衫太多顏色！！要阿媽分開幾十筒洗～～～
仲有一件甩色添（我唔小心掉左件未著過的出去洗）
究竟係咪我的錯！！
之後食完飯阿媽又當冇事發生。。。
氣～～～～～但．．算～～～～～

>>May 26, 2004 at 4:20:31 AM GMT+8

2004 年 5 月 23 日 星期日 【晴】

今日呢～朝早老細又開會．
成朝電腦班～～定左段時間
我功成身退返番入去工作啦
佢地係繼續玩的
我就由得男同事0係出面教佢地
（佢實在太冇野做喇）
ｏｈ　ｎｏ！我完全唔知個男同事識ｄ咩咁囉
黎老闆話佢好勁架喎～係咁入黎問我點整點開
初初擔心有人搶我飯碗～
但係之後我好想有人幫我分擔下ｄ電腦班架
我實在累了
我出去入番黎都幾次！好彩到老細番黎我都打得切ｄ字
佢一番黎就問我打好未！我話打好但未印～（次次都係咁答架）
晏ｄ佢又去左開會嚕！老細真係多會要開
不過好開心囉～～呵
好快就放工:P
咁0係堅道又遇到個小學同學～～
真的唔知同佢講咩好～～
佢問我有冇收到小學聚會果個唔知咩！？
我話冇呀～我都冇同小學同學聯絡了
佢係咁講幾個名出黎～我只係記得個名
match唔番個樣呀～或者有既，小學時果個樣
幾十年前喇喎=.=　我覺得見番ｄ人都冇野好講
兩個字～～尷尬！！好似格格不入咁囉
呀～今日佢化左粧幾靚女
佢同我講佢第一次化的～
佢去左red earth 叫人教佢就化成咁喇～
靚靚～～

>>May 24, 2004 at 1:59:49 PM GMT+8

2004 年 5 月 22 日 星期六 【晴】


今日１１點倒先起身
之後洗頭～～～
本來諗住早Ｄ出去街街
但係唔想唔陪媽咪囉～～
晏晝陪媽咪去「好好」度食雲吞麵^^
都幾好食既～～不過Ｄ檸檬茶就麻麻地喇
跟住就行先施～～瘋狂大減價丫嘛
但係都冇野買喔
之後媽咪去買送～我就番屋企先

約左Ｋ0係銅鑼灣囉～～
我地去左世貿打機先^^～
Ｋ踢波都幾勁咁喎～嘰嘰
似得我咩！～　我第一次打太鼓打到咁樣衰咋
揀錯左個難既＞＜
同埋都係Ｋ唔好！唔同我玩雙打～～ＨＡＨＡ
屎到爆呀＞＜仲可以用瘀黎形容添～嗚嗚～
仲有打泡泡龍囉^^..仲有拍拍機

之後我地就出去影咭咭^^....２０蚊咋
質素都唔差架
跟住肚仔餓喇～～我地就去搵食！～
本來諗住食壽司，不過唔知去邊度食好喔
有一間原來執左都唔知添！
我地周圍行‵～見到沙爹王就上左去食喇
等位等位等位～～
不過都唔係好耐～
Ｋ係咪當我好大食～
叫左兩個飯一個小食～～
白咖哩豬扒飯
照燒紫菜雞扒飯
仲有個魷魚餅～～
飽飽飽～～～～～
食飽就行街街囉～
行過一間睇中左對耳環喔
２０蚊４對呢～～
同埋Ｄ介指仔都幾平！
但冇買～～=.=０'
跟住同左Ｋ去揀左條牛仔褲
幾靚喎^^
最後去左維園一陣'
１０點幾就一齊搭地鐵走喇～～
唔捨得＞＜


>>May 24, 2004 at 1:27:32 PM GMT+8