2004 年 6 月 10 日 星期四 【晴】

今日好努力咁做左個統計...
用電腦整左個result出黎
之後又繼續放入個POWERPOINT 度
好努力地....臨放工整好上半part
我冇idea...老細係想點整下半part
真的救命

拿拿臨放工.....今日同麥麥去尖沙咀浸信會度聽talk
我上到佢office佢都未收得工
我就坐左0係佢度睇電腦雜誌
等到佢6點9先走....
我地去到都係7點1..
我地唔等住喇
上去坐住先....
好難先霸住到d位丫...
佢地7點7先黎到喔...
今日講既野都幾科學丫！！
但都幾有趣耶．．．．
我地到講完個ｔａｌｋ先去食野咋
真係勁肚餓呢

>>June 15, 2004 at 4:38:09 AM GMT+8

2004 年 6 月 9 日 星期三 【晴】

上午．．．到底我在忙啥？很忙喔
在做PowerPoint～　插不到影片
唯有用一個方法！！～突然想到唷
反正那片段不很長～　改成Ｇｉｆ圖片啦！耶
中午．．．黎老闆教我用電腦做統計唷！
做完就吃飯～可是我很快便忘記
下午．．．吃過午飯後！
就要帶他們出去西營盤綜合大樓部操了～
呼呼～　我們今次是跟樂民社聯合步操
準備下星期六的活動唷．．．
４時多完～～　當然是走路回去明愛啦
順便當然可以遊一下街啦！～
當然是資料搜集=.=
４點９回到去～　差不多都下班了丫
因為老細去了開會丫～～
今日有個驚喜丫！
ｄ同事同我預祝生日丫！～～
點解唔在下星期？因為唯一今日老細走左去開會囉
好感動呀～～　有蛋糕丫蛋糕丫
好味架
佢地叫我許個願先啦！我好快就許左！～
好簡單～　我覺得自己好幸福架喇
因為我好似乜都有咁喇～^^
同事仔祝我早ｄ搵到個長期飯票^^...好！承你貴言
雲姑娘祝我快高長大^^..都好！高同大都好架．嘰
同事ａｒ．我好鍾意你地


我們的３６５紀念。。。　

>>June 10, 2004 at 2:30:58 PM GMT+8

2004 年 6 月 8 日 星期二 【晴】

今日開始整個powerpoint...
但發現click住click住咁～～
插唔到影片＞＜奇怪奇怪
（但我在屋企就得丫！？）
仲覺得我手頭上既資料唔夠！唉
無從入手！老細又冇指引？！
我一個人諗咋．反覆思維中

晏晝舊老細打黎公司找我～～
係咁同佢傾計囉～～　
佢打親黎都係問野多
因為佢要帶旅行囉
佢都同我傾左好耐
我問佢請左人啦？！
佢話請左個好似我咁既
我話「咁咪好好！」ｈａ．
之後我要做野要收佢線喇

放工之後大大打比我～
話有份會計工在上環的
但我好似唔係咁鍾意會計
ｂｕｔ台灣公司啊！
我鍾意台灣啊！！！
呼～～　不知怎樣才是好喔

好掛住叮噹
唉～點解你會唔見左

>>June 10, 2004 at 12:02:40 PM GMT+8

2004 年 6 月 7 日 星期一 【晴】

本來傑仔今日黎整機～
諗住拉我部機出去就偶到
但佢話尋日買唔到線喔
而且要度下ｄ線要買幾長
佢真係好好人呢～～
所以今日淨係黎整番ｄmembership
set 番ｄ機～　佢話我地真係好呀
我地ｄ料自己執哂落另一部機度
第二ｄ中心就要佢搞哂～　^^
傑仔走左果陣．雲姑娘問我佢得唔得
我話梗得啦！仲係「好得果隻」
佢問我嗒唔嗒？我話我嗒唔起呀
真係搞笑～～　
嘰嘰～同事仔同我講～
尋日去完旅行ｄ趣事～～～
果個幫個仔搵女朋友既會員
真係有問佢丫！呵呵
我就勁笑～～　因為我都知必定會架啦
佢話佢個仔嗜好～睇電視～打機etc....
同事仔就話佢有男朋友～～　so...耍開左佢啦
真係勁ａ～　

要繼續為安心咁去放假努力工作啦！

>>June 8, 2004 at 2:19:48 PM GMT+8

2004 年 6 月 6 日 星期日 【暴雨】

今日個新同事番工！～
當然醒過舊果個多多聲啦
原來之前果個男的～
同吳姑娘講佢唔想返過ｙｃｓ．
佢話鍾意留0係度～～
竟然有人話鍾意留0係度！！！
真係好笑～　=.=
今日果個做野都幾好咁．有待觀察
之前當然已經見過佢在ｙｃｓ啦
今日又入問卷ｄａｔａ．
入到一百五十幾分．．距離目標不遠
咁老細問我６月１７日做咩放假
我話梗係大日子啦！
佢問我做唔做得哂ｄ野架！
（因為６月１９日有個大function嘛）
我點都會話做得哂！！！！我要放假就放
跟住仲好笑～雲姑娘見到６月２１日原來吳姑娘都放
佢又寫左放假紙老細都簽埋的，咁我下午又拎C.L假
ｏｈ～　咁唯有雲姑娘冇得放咁喎
我本來拎下午半日～　之後老細話放埋上晝啦咁樣
即刻幫我改左張紙咁囉．咁都得既佢．．
又要跟住佢放假．．佢好似好鍾意我同佢一齊放咁喎
不過算啦．．連住ｄ假期正呀．呵
放工路過麥麥度（果時都已經５點９了）
佢都未走，我咪入左佢度傾左陣計囉^^
之後佢都番學啦～～～
ｋ打俾我佢在上環啦^^...
咁我就叫佢打陣機等我～　
我就行番去搵埋佢
我地去左信德中心度食麥當勞（係陪佢食）
衰ｋ～你越黎越肥啦．
跟住就同佢落左去打左陣機
有我好耐冇玩的結他機
初初唔記得左點玩，起碼２年冇玩過
之後諗番起．．．先前真係勁樣衰
但係我越玩越開心～會玩到上癮架～～
跟住送埋ｋ搭地鐵我就番家吃飯了

>>June 7, 2004 at 2:52:16 PM GMT+8

2004 年 6 月 5 日 星期六 【暴雨】

今日起身之後上左陣網
洗完頭..1點先食早餐
1點半出門口同阿爸阿媽搭車落柴灣
因為姑姐在英國回來....
一班親戚就要聚埋一起飲個茶
見番第二次見的表妹
她在英國出世嘛...正式「祝星妹」
我覺得佢好搞笑呀...
同佢玩左一陣就熟左....
同佢傾計好好笑...因為佢講野唔正
帶左d英文口音的... 我問佢叫咩名
佢話「楊hei田」中間個字講到似粗口咁^^
最後個字讀錯音.... 其實佢叫楊希婷
之後表姐問佢有冇玩煮飯仔？
佢話咩黎架？仔黎架？
表姐話「沙煲冷餐」果ｄ呀
佢又話係咪餐黎架～～　真係笑死人啦
飲完茶本來諗住去銅鑼灣搵ｋ小姐
ｂｕｔｋ小姐話唔好去喇！就落雨咁樣
我同表姐就周圍行街街。又陪佢地去暴龍樂園
哇．．．真係十年未去過呢ｄ地方
之後去左表姐屋企坐坐
冇幾耐就食晚飯喇．．．．

>>June 7, 2004 at 2:21:46 PM GMT+8

2004 年 6 月 5 日 星期六 【晴】

每日番工如事的忙碌～
原來逢星期六都那麼忙
因為有一段時間都只剩我一個人做野～
一腳踢ｘｘｘｘ

下午老細炒左ｄ飯俾我同同事仔食～
咁岩今日媽咪唔同我食LUNCH～
食完我自已去左行街街
買左個背包^^...想買左好耐^^..
不過去旅行用就好～
我平時都唔鍾意用大袋
仲有買左條褲～～

夜晚同去左西環＜權發飯店＞同阿爸慶祝生日
食到好飽～～～　
阿爸好似好開心咁呀～～
因為有我同哥哥請佢食飯～～
少有少有～　
話時話．．．我阿哥都未俾番錢錢我
大拿拿７個人出去食都幾融下～

>>June 6, 2004 at 3:15:44 AM GMT+8

2004 年 6 月 3 日 星期四 【晴】

朝早開職員會～～
一直發夢=.=
因為好眼訓喔
之後12點9就食飯。。
因為1點半就要做野
今次竟比人賣豬仔
原來今日吳姑娘係唔會跟我出去架
咁我就要跟住班交通安全出去街外宣傳
出親去都又熱又哂～又要拍VIEDO。。
邊度搵個阿公阿婆亂過馬路～～
之後做左個幾鐘已經熱到暈咁滯
就返中心啦！～ 都係中心D冷氣最好

放工之後就同麥麥番教會啦
今日講＜人生的價值＞～
我就比較沉默～ 但我都有用心咁聽！
馬可福音～～ 講到耶穌怎樣求了一個被鬼附的人
神蹟～～


仲有今日係^^.........................登登登凳
生日會(我今年慶祝的第一個生日會^^)
今日係慶祝第二季^^六月份生日的！～
有我同埋詠芬～～ 我地都係0617架！！
我地食左個好美味的蛋糕~`
黑森林...好好味

>>June 5, 2004 at 2:13:24 PM GMT+8

2004 年 6 月 2 日 星期三 【晴】

今朝番到黎老細就問我尋日D信寄左未
我話未呀～我都唔知寄去邊
咁佢問我放左去邊
我就同佢講俾佢囉尋晚
佢又話冇喎
咁佢就落左樓下工藝社去買野
我就去摷佢D野，因為我真係俾左佢嘛
但係都摷唔到喎！～～之後呢
我諗到我尋晚係夾住張FAX一齊俾佢的
我叫佢搵下啦~佢就在走去找尋日D FAX果D野。。
點知真係0係度喎
成日都係咁架～無數次＞＜
之後我去左影印，落番黎之後～
同事仔同我講～男同事打左俾我個仇家
哇～～　心諗大鑊喇！次次都好唔好彩打左俾佢
嚇死我咩，因為次次佢地做錯野都係我無啦啦食左隻死貓的！
我都唔明既．．早早就叫左佢唔好打俾呢個名的人啦
今日咪一味唔聽果邊個電話．真係唔好講笑
ｄ同事仲講笑話，如果果個人打番黎係我聽的話就扮
一聽到佢把聲就講：
「長者中心...由於線路繁忙，請你留底你既姓名電話，
　我地會盡快覆你！」哇．．絕！
老細同同事講：「慘啦～依家ｘｘ（即係我）聽到把佢把聲都驚呀。」
的確，老細真的有點了解！～大家都會照住我
不過我今日好好彩^^V！聽唔到果個人把聲ａ～

今日好好笑呀～　朝早我同同事仔一齊收錢果陣有人話：
「你地兩個好似樣呀！我成日都分唔到邊個駱姑娘邊個林姑娘」
咁我地話唔係呀哇！我冇戴眼鏡，佢戴眼鏡～
個會員就話除左眼鏡就真係好似！～
咁呢～～　到左下午又埋counter度～　
又有另一個會員話我地兩個好似樣！係咪孖生姐妹
又話分唔到我地兩個～～　同事仔就話係咪夾定架！
兩個都係咁講！！好搞笑呢～～　
係咪要轉一下個ｌｏｏｋ令佢地分到我地兩個呢．hehe

呀～下午老細開會．好開心我地又可以作反呢！～
我地在office 播歌（實質想睇下ｄ歌岩唔岩佢地者）
開心的時間永遠都過得咁快的！

放工行左段路．．．點知勁撞到人
會員都４個．．但只有兩個我要social 下
咁之後又撞到個小學同學喎
最近都撞得多左佢～～　對上個禮拜先見到佢
佢同我講今日佢同ｄ小學同學聚會完
佢尋晚ｉｃｑ已經問我去唔去
但我要返工～～　
之後上去佢個日記睇到ｄ相！～哇！唔認得ｄ人嚕
成十幾年冇見過咁．．尤其ｄ男同學～～變哂

>>June 3, 2004 at 4:43:29 PM GMT+8

2004 年 6 月 1 日 星期二 【晴】

今日佢地0係出面開會
而我就教佢地電腦囉...
教到11點鐘...
番到入去又打信．．．
之後又入問卷data，我係咁話冇用的東西
我地都知我地做左好多冇用既野
但奈何............................

好快就食飯～　食完飯出左去拎野
撞到雲姑娘一齊去7仔度買野飲野食
之後又做～～
今日老細好似成日唔見人咁
因為佢有組要開啦．．
個男同事同我講：「我依家冇野做，你可以俾野我做」
但係當時的情境係.......雲姑娘0係佢隔離
同事仔都0係我隔離...點解佢唔搵ｄ職級大過我的問
但係我都冇野俾佢做囉XDD
咁個男同事見到老細番黎又講同一番說話
老細咁岩又要閃去傾野
老細又叫我教佢寄左ｄ通訊去啦咁樣
咁我就要整個mailing list出黎俾佢囉～
佢就搵番ｄ要通訊既人出黎
我都會教佢，遲ｄ冇得教啦
係老細唔要佢咋～～～　
依家佢真係吸收得幾多得幾多架喇
臨放工老細最興先黎諗到野做
我又要幫佢爬高拎ｄ野=.=
佢著住條裙囉～～　
我唔著裙番工就係咁～～爬到咁高
５點半麥麥打電話黎找我
佢話佢在旺角～～　佢問我係咪買燒碟機咁
佢話平呀～～～　我話我想換埋個hard disk咁囉
佢話遲ｄ佢考完試先幫我慢慢睇．ｈｅ
麥麥真係好呢～
（我記得尋晚發夢佢都係幫我整機架喎，真巧合？！）

夜晚番到ｈｏｍｅ，聽阿爸講，個看更伯伯要俾人炒呀＞＜
話上次大廈俾人入左黎，話佢失職．．．
我覺得真係好慘．．我都唔開心，他都不想的嘛
佢好好人的～～但他年紀都大了．．想找過一份都難了．

>>June 2, 2004 at 2:57:13 PM GMT+8