2004 年 5 月 21 日 星期五 【晴】

今日足不出戶呢～～～
好難得星期六有得放假～
不過悶到我ＸＸＸ
今日流程圖
起身→食野→上網→又訓晏覺→
起身→睇電視→食飯→又訓覺
媽咪今日同左Ｄ朋友去街街！
阿媽煮定飯～夜晚阿爸炒Ｄ飯俾我地食囉＞３＜
大小姐0係屋企係唔做野架！

>>May 24, 2004 at 4:23:39 AM GMT+8

2004 年 5 月 20 日 星期四 【晴】

今朝老細放假...
咁我寫返ｄＯＴ假
上次去馬場竟然只有4個鐘ＯＴ～
５點到１０點喎～　蝕左１個鐘～
不過算啦算啦～～　反正我多的是！
都好似放唔哂咁既！
晏晝老細番黎～　
之後佢就幫我簽番ＯＴ時間～
我估到佢實叫我放架喇．呵呵
我順口叫佢放我聽日得唔得啊！
佢話：「你話得唔得丫！」
我話：「我唔知道呀！你係老細丫嘛^^..嘿嘿」
佢話：「聽日呀！得啦！」
其實我知佢有點唔想俾我放～～
佢長週一定好多野想比我做．．
我就突登在佢長週時放假的耶

痴痴地？我唔明老細點解用呢句話男同事仔’
佢最多話我發緊夢者(我都係當笑話黎聽！)
老細成日驚人無野做～　不過個男仔呢又唔覺得佢俾人話緊架喎


放工同麥麥返教會 ~
今日講到聖經裡＜使徒行傳16:16-34>保羅、西拉及禁卒均遭遇不幸
保羅、西拉好心救了一個人，反被俾人禁左入獄，被誣告、指控～
之後傳道人唔知做乜次次都要問我想法！～
問我有冇試過～～　我一諗就諗到喇！
我話有時真係好心著雷砍～　咪又係果件事
好心出去問條友仔電腦識唔識用之類～　反而俾人針對番轉頭
好話人地驚死佢整壞部電腦咁～　老細話齋：痴痴地！
得我一個有呢類事件分享．嘿！
聖經最後都講到保羅及西拉不但沒有埋怨
反而仲在獄中唱詩讚美　神．之後有神蹟，天使把他們救出
但他們並沒有逃走！禁卒以為他們走了，便打算自殺（因為走犯很大罪）
於是保羅及西拉大呼不要～　之後他們便跟禁卒講道．．
禁卒的家人都因此相信　神．
。咒詛變成祝福。

搭車果陣架１０１個司機係咪技巧有問題
左搖右擺到飛起呀．．
幾想快ｄ落車呀．．都未坐過ｄ巴士咁既

>>May 23, 2004 at 3:36:48 AM GMT+8

2004 年 5 月 19 日 星期三 【晴】

能者多勞！
老細同我講的～～=.=
我一直都深信呢句話的～早就知！
唉0也～～本來出去街展只有一日
依家２日都要我出去喔
佢諗黎諗去都解決唔到個方法
因為另外一個連埋交通安全活動
要我出去囉！
我一句話：唔去得唔得？～
佢都聽唔到架喇！
～　仲要出去拍viedo ?!
拍完都唔知播唔播到～！
多此一舉

小老闆呢個名函果然名不虛傳
好好笑！今日我閃左去叮飯～
個男仔同事同同事仔講叫佢同我講
佢打哂Ｄ續會電話架喇～
但係有Ｄ打唔到～～～～
我之前已經同左男同事仔講～～
「你唔駛匯報比我聽架喇」
呢個男同事仔一日講野唔超過10句~
佩服佩服～～

>>May 20, 2004 at 3:16:32 PM GMT+8

2004 年 5 月 18 日 星期二 【綿綿細雨】

返到公司～～
老細又呢又路～～
夾手夾腳做哂Ｄ野去嚕
連我班電腦班都冇理
又有交通安全隊丫嘛～
行左出去Ｄ會員仔就唔放人走啦
之後就一直在出面了～～

今日舊老細打俾我～～
叫我幫佢搵番ｄ代理商資料～
ｎ年前咁耐！而且個資料box file都成寸厚
仲要在老細面前唔可以搵！～
幾辛苦先找到幾個比佢！但係．．．
ｄ電話都唔知update唔update.....

最近工作又多起來！
好煩Ａ～　又要街展～
唉！又要早起身喇＞＜
累～～～　
很想放假喔！～
我話過６月生日要放好多假架

放工時間都留左0係ｏｆｆｉｃｅ做多一陣野先走
麥麥打俾我～～　我問佢有約我咩？
佢以為順延唷～～　但我放工都有上去佢office搵佢傾左陣計囉
佢地上個星期五的聚會呢～～好多人咁喎
麥麥分享番上星期ｄ野俾我聽～～
有個未信的醫生朋友問左佢地一樣野！
比如有兩個人同樣病啦！～
咁一個係基督徒～一個唔係咁講啦～～
咁基督徒果個人同唔係果個人有咩分別呢？
基督徒又係人！唔係基督徒果個都係人者！
佢地同樣都係要咁！～　唔會因祈禱而即刻或者快ｄ好番
麥麥就問左我一個問題！假設係咁～基督徒祈禱係祈ｄ咩架呢？
原來未信的人眼中～　以為基督徒係會求神俾佢快ｄ好番～
或者叫神「我要「ａ」呢個答案！」希望神會俾到佢
（當然呢ｄ都係初信既表現^^，俾著我都會）
咁麥麥呢ｄ年資深厚～　佢俾到我的答案係．．．
只會求神俾勇氣佢去接受～　無論ａ，ｂ，ｃ，ｄ....至ｚ的答案都好
我覺得好有道理呀～～～～～～
又上多左一課

>>May 20, 2004 at 3:40:11 PM GMT+8

2004 年 5 月 17 日 星期一 【晴】

今日晏晝有甜品食～～
老細同樓下個同事整架^^.....
薑汁撞奶同埋冰花燉蛋～～～
勁好味唷！

晏晝都見到ａｌｅｘ喎
唔知佢做乜入黎借電話=.=
怪怪地咁～～　
唔知做乜見到佢同我ｓａｙ　ｇｏｏｄｂｙｅ既時候
又係怪怪地既感覺～～～
唉唉唉～～～

>>May 18, 2004 at 2:26:08 PM GMT+8

2004 年 5 月 16 日 星期日 【晴】

尋晚發惡夢呀．．．好驚=.="
發夢見到個變態婆老姑婆呀＞＜
嚇親～～無論佢做過ｄ乜～～
我都係會好驚囉，見到佢就好驚！嗚．．．．
好似邪烏婆喔＞＜
搞到我今朝好好好眼訓囉

中午family個方生打黎找老細～～
但老細開會～～咁我只好留低個message俾佢！
老細番黎覆番佢～　我心裡都諗到架喇～～～
方生係會找ａｌｅｘ哥哥上黎借野！～
。。我半年冇同過ａｌｅｘ講野喇！
有ｄ唔知點既感覺～～～～
哥哥都會順口問我「有冇搵阿邊個」。。
次次都係咁架啦～～唔知佢係唔方便講個名定冇禮貌=.=嘰’
我話梗係有！～　我都費事寸佢話「即係邊個呀？」
佢又問「阿邊個」係咪仲0係果度做！！？？
之後問番我拎番「阿邊個」既電話～～
我順口叫佢得閒同我地食餐飯！～
佢都話好囉！！～　反正臨近我生日啦～～　呵！
仲有一個月呀～～～～～　耶！

今日仲要係力宏生日喔！

>>May 17, 2004 at 3:35:56 PM GMT+8

2004 年 5 月 15 日 星期六 【晴】

早早起左身食早餐～～
大大個ＰＵＦＦ～～～～～～
好甜Ａ～～這個可以稱得上甜到嘔耶
同媽咪傾左陣計喔～～～
呼～～尋晚做左個情緒病的節目
咁媽咪就話佢有焦慮症！！～～
我都有點兒擔心喔！～
我那個是驚恐証啦～～嗚！
下午去了Ｋ度喔！～
ＫＫＫＫＫＫＫＫＫＫ！！！
無聊！～

>>May 17, 2004 at 4:42:28 AM GMT+8

2004 年 5 月 14 日 星期五 【晴】

今日都冇咩野做過添！～
番工等放工！～
放工等食午餐！～
食飽午餐大昏睡！～
４點半訓到８點～～
不醒人氏！～ｚｚｚ

夜晚好無聊呢
望住條街～～拍戲！～
好好笑～～遠睇都見到ｄｄ
0係文武廟前面拍的！～
彭一聲～有個人中槍～
之後累左0係地～～
仲要拍幾次～～ｄ聲都幾響下喎

>>May 16, 2004 at 2:29:19 AM GMT+8

2004 年 5 月 13 日 星期四 【綿綿細雨】


今朝早係放假的～^^
不過都早起身啦～
因為係媽咪叫我請假陪她的嘛
早早都陪媽咪去換野～～
同埋婆婆去～～岩岩換到６樣野
每人兩樣丫嘛～咁就有個３份多功能電話＆磅～～
不過之前已經換過架喇～～所以媽咪都係換完送俾姑姐～～
之後落大雨呀～　我地都去左飲茶！～
食唔哂ｄ野打包拎走～～　係留番比我午餐呢^^
咁我番左屋企一陣先～１點３就番工喇～～
番到去先叮野食囉^^...

好快就到４點鐘！～集合哂ｄ人仔呢～～
就要出發喇～～～　老細都一齊去唷！
我地今日係去沙田馬場～～
今日果個係＜馬會愛心萬歲宴＞
估唔到係露天～～
不過今日天公造美呀！～夜晚係冇落雨囉
好舒服的天氣喔～～～
更加估唔到係有野睇的！～雖然唔係對正台！～
今日既唯一的工作就係出左在台前幫個會員影相～～
好難得迫左個前位呢！～　ｄ工作人員又阻止喎
不過部相機又唔夠ｚｏｏｍ～～　算
之後番去食野都好舒服丫！唔駛點做
而且唔駛同老細一檯～～　呵呵
岩岩分開左～～～　我就同班會員傾計好開心ｅｅ
今日有翅食喔～貴妃雞...全部都好好味架
馬會ｄ野有水準嘛！！最正當然係＜楊枝金露布甸＞啦
haha...呢個節目係同香港電台合辦的～～
有埋嘉賓～～　今日有２Ｒ～吳浩康～容祖兒～陳奕迅呀
當然唔少得ｄ老歌手啦！　
而且仲有紀念品添～～～　好彩冇"收歸國有"即
完場都成１０點～～　落左少少毛毛雨
番到堅道都１１點！！～好夜喇！～
ｈｅｈｅ～～不過有個會員一樣住上環
同我一齊番去啦！途中見到林家棟拍戲唷
番到屋企將ｄ紀念品送哂俾阿爸阿媽唷
阿爸好搞笑！！好似好開心咁呀
有隻錶有盒餅(都係一齊食架啦）囉～～～
阿媽就有ｄ鮑魚麵(都係煮比我食架啦）～
仲有其他立立雜雜既野囉！！～呵呵
開心心！！！！　　好好玩



我咪就係坐最前面果檯囉。好鍾意個大瑩幕


我地成隊交通安全隊！好難得咁齊人！




容祖兒唱世上只有呀

>>May 15, 2004 at 9:01:46 AM GMT+8

2004 年 5 月 12 日 星期三 【晴】

13代表不詳！係咪真係咁黑仔！
唉～～我朝早已經講架喇～～
點解開口中架＞＜
ｌｕｎｃｈ　ｔｉｍｅ既時候！
又係得我一個人0係ｏｆｆｉｃｅ～
佢地去哂食Lunch丫嘛！
我每次聽到３６４個電話響我就怯架喇
因為條友例必在１２點幾打黎既～
條變態老姑婆仲做緊公關架！
梗係在Lunch時間打黎啦！
今次比我批中左係佢又打黎囉
尋日死心不息丫嘛！
唉～～一聽就知係條ｐｋ！又要壓低打聲同佢講
佢一開始就搵雲姑娘丫嘛！我咪話佢去左食lunch囉
我頂佢丫！搵雲姑娘佢唔0係度你就收線啦
仲咁差多野！！佢又講番尋日單野～之後佢問我查到未
咁我又點ｑ知道邊ｑ個搵你即！我咪話要等雲姑娘番你先覆佢囉
佢之後又發神經喇喎！我都唔明我有ｄ咩野講錯過！咁我係唔知丫嘛！
而且我的語氣係極之小心！佢聽得出佢好憫咁～
佢話：「你貴姓！」我咪話：「林」成間中心ｄ職員都比佢問哂貴姓喇
佢話佢發覺次次都係同我溝通唔到！！！　係呀！我都認呀
你估我好想同你溝通呀！！！頂佢個肺！
慶得我丫！之後佢咪收線囉～～～
唉！我又受氣好辛苦～～～～之後諗諗下又喊～～～
但係又要對住出面班人扮開心～好辛苦
同事仔番黎我又同佢講番件事～～到底我做錯左ｄ咩？
點解所有佢打黎的電話都係我接哂～
之後１點幾雲姑娘打番比佢～～
原來個電話咪係星期一個新同事打比佢果單野囉～
好衰唔衰雲姑娘收個男仔打電話又唔抽起佢個名先
因為原來全部會員中！！得佢一個唔肯簽私人權條例果張紙個名
個電話唔交比其他人的～～
不過我頂佢既原因！！佢尋日打黎係話前日（星期二）既事
但係件事已經係星期一！又話果個人姓潘！其實係姓馮！
係咪真係有精神病呀！！！！
聽番雲姑娘講～～　佢真係好敏感囉！！
事緣呢～～　原來係我好心著雷劈囉
咪我討厭呢個人既第一次～～既原因！
佢原來真係將事實歪曲囉！第一次佢0係出面玩電腦
（３月１８日之日記有提及）
我只係驚佢唔識開（因為ｓｅｔ左pw)
我出去問下佢得唔得之類者！！！
佢原來真係覺得我方死佢整壞部機咁樣囉～～
其實我果時聽佢ｄ語氣已經知架喇！
唉～～～～～～～～～
之後～～　馮男仔0係出面打緊會員電話薄丫嘛
佢走番入黎講：「駱姑娘，我依家打到『河肇○』果度」
0係我耳邊聽到呢個人0既名囉～～
點解五百幾個會員你唔講，就講中呢個
我問同事仔！呢ｄ係天意還是巧合～～
她答我：「是緣份！」=.=

真係好激氣囉～～～～～～激死我喇
之後吳姑娘開完會番黎又講番尋日件事
雲姑娘話依家知道我點解會咁慶咁激氣
因為條變態老姑婆既態度真係好差好差好差囉
點解會比呢ｄ咁既人影響到我既情緒呀
我知我對住佢講乜條友都係會叉架喇～
我講乜都冇用！！！

對我成長期有有影響囉～～～
我仲發緊育架嘛！！童年陰影呀～～

臨收工黎老闆話教我野～
我走左去佢ＯＦＦＩＣＥ度囉
ＨＡＨＡ～同事仔話黎老闆係咪低估我
佢教我去google度搜尋呢～～
事關遲Ｄ有個programme要好多交通安全的資料喔

>>May 15, 2004 at 4:37:51 AM GMT+8