2004 年 7 月 15 日 星期四 【驟雨】

今日勁正呢 ～
哇！無端端掛８號風球耶
朝早聽到話就掛～
已經冇咩野做架啦
之後到真係掛８號風球
唔夠５分鐘已經執好哂ｄ野走人啦

番到屋企休息下～
訓著左～～
３點鐘媽咪買午餐比我地食囉^^
然後～～
我就好開心地搞下我個網頁仔喇！！

>>July 18, 2004 at 3:27:58 AM GMT+8

2004 年 7 月 12 日 星期一 【晴】

今日朝早10年難得一見~~勁多人！！
班會員又番黎抽籤去沙田馬場
之後就一窩蜂黎ｃｏｕｎｔｅｒ買飛
真的夠了！！又唔多排隊．係咁質哂埋counter喎
真係聯想起以前！！某某同事哎「停！停！停！」
明知抽到就有位留比佢地架啦～
我已經係咁叫佢地逐個黎～實有位
佢地都要塞哂ｄ錢黎ｃｏｕｎｔｅｒ～真係有ｄ憫架
而且本來同事仔想聽老細用果個方法
順個抽籤次序比座位～
之後我企左0係度唔知點做～呢個方法就唔ｗｏｒｋ
更加拖慢啦～　呼！之後就是旦啦
個人行埋黎就是旦俾個位佢地！咪煩

今日又有人話我同同事仔似兩姊妹啦～ｙａ^^

晏晝呢～～老細又放假！！
我勁無野做～～　
基本上有部份時間在發牛竇的
之後４點半就火警演習喔
比我走下冇咁悶

>>July 13, 2004 at 12:01:04 PM GMT+8

2004 年 7 月 11 日 星期日 【晴】

今日番工實在好得閒呀
真係冇咩野做
我冇野搵野黎做都幾辛苦
咁我食飽Lunch...我番到入office對住老細好辛苦啊
我就在出面滕來滕去～
同事仔在廚房見到我問我係咪好得閒．ｈａｈａ
我話：我唔想單獨對住你老細．唔想佢係咁同我講野呀
我就繼續0係出面行行企企～　用出面部電腦scan下ｄ相
點知．．老細走左出黎～～　我以為佢出黎睇下我做咩添
因為我成半個鐘唔見左人．ｈａｈａ
ｏｈ．佢出到黎我岩岩scan完閂機！～
佢就話：你閂左機喇？
原來佢收有個ｅ－ｍａｉｌ幾正～
叫我SAVE比ｄ會員聽歌～　
幾廿年代的歌嘛～～咁都得
下午又係無無聊聊咁過～～
放工我地４個人一齊行啦^^



大大ｂａｂｙ～生日快樂

>>July 13, 2004 at 5:11:18 AM GMT+8

2004 年 7 月 10 日 星期六 【晴】

勁懶！成日冇出過街～
係屋企食左個包做早餐
然後晏晝食左碗粥做午餐
然後再雜食～～
我半日都在整個web site呢^^
不過識少少扮代表
整左一頁就係俾大大做生日禮物之一架呢^^

>>July 12, 2004 at 1:10:03 PM GMT+8

2004 年 7 月 9 日 星期五 【晴】

今日番工好快就收工嚕～
星期六的時間過得特別快
尤其沒有老細在的日子．哈哈
１點鐘放工但係雲姑娘都未帶完活動回來丫
又唔想剩低阿狄一個嘛
我地就入左去食粥～～
好快食完出番黎就上下網
等到佢番黎．．佢仲去左泰昌買沙翁同蛋ｘ比我地食
ｈａｈａ．
放工後我就自己行左落中環囉
好開心周圍行周圍行^^...
成個中環比我行哂．．
番到ｈｏｍｅ就訓晏覺去．
嘰^^......

>>July 12, 2004 at 11:25:28 AM GMT+8

2004 年 7 月 8 日 星期四 【晴】

臨放工ａ仔上左黎找我
我以為佢上黎唔知做咩的
本來我諗住Counter既同事應酬佢就算（因為我食緊野=.=）
點知佢係走過黎係望住我（佢對眼同我講野咁）
呼ａ～我咪走左出去～搵我緊係借野架啦=.=
佢諗住上黎借釘鎗既釘～　！～
但最後.. 原來..樓下都有.只不過佢係....掉轉左支鎗黎入釘呢=.- 傻瓜
我同佢講我ｓｅｎｄ番ｄ相俾佢喇～～
佢個野問我做乜唔哂番出黎～
我叫佢自己拎去哂啦！！

今日單拖夜晚番聚會
麥麥要番學嘛
我就一個人搭船過海～轉５A巴士
去到麥當當等麥太～瑤姐姐（麥麥話麥兜啊）
我只在麥當當裡涼冷氣耶
（同埋睇Hello Kitty..最靚係粉紅＆粉紫色）
等到佢之後就去左茶餐廳度食晚飯～
然後就去聚會啦～～
唉！有個弟兄既仔仔（得4歲）
本來星期日就好地地～
但係星期一入左醫院～
醫生就話佢有Blood Cancer...><
仲要係急性～～　仲要換血
我上次去ｂｂｑ見過他一次
雖然只有一點印象～
但還是希望他能平安
為他禱告吧！～
今日睇果段聖經～
講到神係會聽到人的禱告～
看到人的眼淚的～～
生命不是人可以掌管的～
神主宰一切！～～

>>July 10, 2004 at 4:06:04 PM GMT+8

2004 年 7 月 6 日 星期二 【晴】

最近實在很懶～(-.-)懶寫日記耶
而且都冇乜特別～就唔寫啦
晏晝ａ仔打俾我問我點呀今晚？！
咁我再打比大大問佢～～
再晏ｄ再找番ａ仔同佢講我地去銅鑼灣啦
同埋我同佢講我唔等佢放工
我自己去找大大先
等埋佢成七點啦！～

５點幾放工～　搭ｍｔｒ去大大公司度
買左２杯芒椰龜苓爽去佢度飲
同大大傾計～～～
我會明白你的感受！！
明白你受到的傷害～
正所謂天下烏鴉一樣黑
　　　十個男人九個賤～～
無謂為左ｄ咁既人而傷害自己
記得要識得好好保護自己呀
有咩都可以同我講啦～
我隨時都會聆聽你心事的
之後ａ仔就踩到上黎喇
經過大大嚴刑迫功～
所有我唔想知道一路估估下既事～
都知道哂喇～～
不過冇事～我好耐之前都已經心淡哂啦
都唔明佢地成日講大陸大陸大陸～
我同佢地都好似唔岩咀形咁
我都習慣沉默～
不過大大有時行開左～
ａ仔都有撩我傾計囉！～～
了解佢更多～
感覺到我地３個係朋友！
唔係同事＆同事之間既關係
傾到８點鐘～我地先落去食野
我地今年又去左The Spachetti House度食
ａ仔話佢今日在明愛餐廳食錯野
唔舒服～～　佢都唔係食好多
我們一年的一次^^...　但感覺唔同左
今年開心ｄ架～～　
我地叫左個「友情套餐」～～
我就同ａ仔請大大食～～
當係同佢慶祝生日～
仲有ａ仔切埋ｄ豬仔骨俾我地食丫
頭一次覺得佢有風度=.-
之後食飽之後我地又拍個照啦

又一年 三人合照


大大祝妳生日快樂呀 一3一


『留下你合照細望才知道 我跟他人更合襯』


偷拍的耶～爆型說=.= 　遮掩了一半臉的眼神...超迷人
眼晴像ｊａｙ耶～

飽飽埋單後我地去左義順甜品度食～
佢地要左個蓮子雙皮燉鮮奶～
我就對蓮子麻麻～
只係叫左個馳名雙皮燉鮮奶
勁好味丫^^....
之後ａ仔覺得夜喇～
我地就送佢搭巴士
然後我就同大大繼續行下銅鑼灣先
不過大部份都收哂舖嚕
我地淨係在銅鑼灣地帶睇廚窗囉～
好夜１２點先走～～

ｐ．ｓ　希望大大鍾意份禮物啦
　　　　哈哈～～　第３個^^
　　　　會唔會好悶？又係果種物品
　　　　又係果隻花～但只係唔同款～^^

>>July 9, 2004 at 4:55:49 AM GMT+8

2004 年 7 月 3 日 星期六 【晴】

今日同爸同媽咪去飲茶後
我地就去左間雜貨舖度
新開張８折嘛
我就買左２個Folder係Little Twin Stars黎架
我儲開的^^........靚
番到屋企執房
比我執番好多回憶呀
不過臨訓前都執唔哂
成地野～我都走去訓喇

>>July 8, 2004 at 8:38:13 AM GMT+8

2004 年 7 月 2 日 星期五 【微雨】

今日放工之後係約左我５年冇見既舊同學～
本來約左佢１點９～　
之後佢一早入左碧瑤灣囉～
佢又等唔到車番出黎～～　
之後搞到２點半先至見到佢
我約左佢在天星等嘛～～
好彩有凳坐下咋。。
見到佢之後！～我地就坐船過尖沙咀喇
佢話佢十世冇坐過船喇～
仲同我講以為要成５蚊～　
原來只係$1.7～～咁平～　真係笑死我
我話佢係自由行咁囉
過到去尖沙咀～　我就同佢行去食「紅螞蟻」
已經係下午茶既時間喇～　
一路食一路傾計囉～～　
原來我地係未一齊出過街架　
中一識到依家～十年！！足足十年～！！！
我地第一次出黎去行街咋～　
除左放學後果ｄ，以前只係送佢番屋企
原來我地都ｋｅｅｐ得幾耐下
食飽後咪同佢行加連威老道～
去左利時～～　佢買左２條鏈
好平咋～　不過我實唔買啦=.=
行完之後去左甜蜜蜜度食甜品^^
我都知佢鍾意架喇～～　
佢美國果邊都冇咩好野食～
好食就超貴～～　佢話最平都係買名牌咋
所以番黎就要同佢食多ｄ啦
我地叫左個 芒果春卷沙翁 既物體（全名實在太難記）
都幾好味架～　 之後又黎多個朱古力酥皮豆腐花（又名傷心豆腐花!）
佢又話好耐冇食過豆花～　因為果邊果ｄ好似石頭咁硬！
上次同ａ仔食～　佢就連個酥皮都食哂～　
今次食淨個碗邊ｄ皮～都唔知佢上次係點食既！
香港真係多好野食～～^^
我地又行番去update mall果頭～
去左影貼紙相囉～～　我地第一次合照咋（除左全班相）
影左都唔知做乜～　話影完架喇！？真係搞笑
跟住我地又行番去星光大道～～　佢未行過嘛
下午行同夜晚行真係別有一番風味呀
我地行到去近尾果邊呢～咁岩有得坐囉
今日既天氣涼涼地～坐0係度真係勁舒服呀～
坐到六點幾七點～　佢又約左佢ｄ親戚～
我就陪佢行過去～行番去果陣時已經黑黑地喇
個地下就有ｄ燈幾靚～　
之後我就搭番船回家～　佢就繼續有節目喇^^
我臨走同佢講～１０年後又見喇～　嘰　

>>July 4, 2004 at 9:10:43 AM GMT+8

2004 年 7 月 1 日 星期四 【晴】

朝早開Staff meeting
腰酸背痛～勁辛苦喔
勁難挨先開完

夜晚同麥麥番教會
番去之前去左弟兄個親人的安息禮拜
之後食完野番教會團契
分享分享分享～～

>>July 6, 2004 at 2:01:41 AM GMT+8