2004 年 5 月 11 日 星期二 【晴】

我都唔明白ｄ變態人做乜咁既！
好唔好彩又係我接個電話！
正一變態老姑婆黎架～～
佢頭頭搵雲姑娘既！
每次都好唔好彩！雲姑娘唔0係度的
我話唔好意思佢放左工喇喎！
佢即刻好唔好老皮咁話：你地收幾點架！
我答：５點
果時已經係５點２啦！
佢問係咪尋日有人打電話搵佢！
我點Ｑ知即～我話我唔係咁清楚～
之後我彈左個電話比吳姑娘聽
唉！老細我都對你唔住囉～～
之後老細問佢係貴姓名！
佢話佢係「河肇○」（此乃譯音也）
變態婆問咁「你」又係邊個！
吳姑娘咪答吳姑娘囉～～
佢話：「我知！你係吳ＸＸ丫嘛！」
之後佢地就講講講～～
吳姑娘收左線之後勁慶囉！
話佢有精神病既！！
我就覺得賀爾蒙失調啦
唔怪得佢嫁唔出啦～死老姑婆
佢叫我地小心ｄ呢條友～～
我叫番吳姑娘叫佢小心ｄ～


臨收工整fax機既哥哥仔先黎
費事一個人閃左人先啦！～
部機一定好嚴重喔！整咁耐
所以等佢整埋５點９先走得人～～

之後過左銅鑼灣搵大大～～
過到去幫佢試下修理部printer！
可惜死得好嚴重喔！雖然是自然老死～
但之前肯定是疲勞過度吧！
換過部新吧～～～～
之後我地又影左ｄ玉照啦^^...嘰嘰





黎！整啖先啦～～啜...卜

仲有同佢傾左陣心事～～～～
每次都會好珍惜相聚的時刻ｘｘ～
９點先去ｓｏｇｏ度買魚生壽司^^
仲有綠茶姐姐呀ｐｕｆｆ～～
去埋許留山度買芒椰龜苓爽～～
之後就去ｃｉｔｙｓｕｐｅｒ度食啦
唯一一個吃東西好地方呢！
食飽飽後就去銅鑼灣地帶行左一陣就走喇
１１點幾了嘛　.... 眼訓

>>May 15, 2004 at 4:22:54 PM GMT+8

2004 年 5 月 10 日 星期一 【晴】

今日都冇拎到價添～～
我都費事拎啦～～～
不過媽咪星期五係都要我陪佢啦～～
只可以拎朝早～～
hehe...　咁大大屈就下～～
我星期三放工先可以見到你喔
好耐冇行街街啦^^ 耶
要努力完成公司ｄ工作喇
就黎俾老細吹到頭都爆
今日唔小心夾親隻中指～～
痛到我（ｘ．ｘ）～～
瘀左～～嗚．．．
比隻手仔休息下啦．

>>May 11, 2004 at 2:04:00 PM GMT+8

2004 年 5 月 9 日 星期日 【晴】

今日朝早係兩隻手都痛呀><
唉．．．．．．．．．．．
媽咪幫我卒完先番工

今日返工自己試下整番部電腦上網
唔知點解之前幾日都上唔到呀
要搬哂ｄ機出黎～～左插右插
每個方法都試過～～都唔得喎
我用埋最後一個方法！～
我冇可再試先用～
就係重ｓｅｔ過個ＲＯＵＴＥＲ喇
點知～～得喎！開心死我啦ＸＤＤ
因為可以自己搞掂嘛
我整番好５分鐘之後～～
麥麥竟然出現囉^^.....
我話我已經整番好喇．．Hehe
不過佢黎都幫我整過ｄ線

今日好不幸～～
我不幸的事都不外乎係聽到個ｐｋ打黎
好不幸佢打親黎都係我聽．
條友第一次打黎找雲姑娘
但佢行開左～　
之後佢話：「唔該你地唔好ｃｕｔ我線，我打左幾次黎」
我頂丫！冇人得閒ｃｕｔ你線！
不過我都冇理佢～
跟住我第２次收到佢電話，已經係臨放工
咁岩雲姑娘又講緊電話～
條友好無品～佢話佢打左黎第３次喇！（不幸地我聽了２次）
佢話等佢啦！咁樣～～之後雲姑娘聽果陣佢又收ｑ左線
因為我認得佢把聲所以叫雲姑娘打番比條ｐｋ
之後佢地講左勁耐呀～　其中一件事呢
咪４月我帶旅行既～　旅行早上發生果件事
我喊哂果次吳姑娘幫我出頭～　
佢同番雲姑娘講番～　問果個（即吳姑娘）係邊個黎
佢話佢ｄ態度差！想投訴佢咁喎～
因為吳姑娘一見到佢就起哂「降」～「你就係何ｘｘ喇！！」
咁樣！所以條ｐｋ好氣憤！！不過先撩者賤！
係佢搞到我喊得咁勁～吳姑娘保住我先會咁者
所有事都情有可餘～～　如果佢真係比條ｐｋ投訴！
我會內疚之餘～～都會同條友牚過～～哼！太過份喇
之後幾恐怖呀～佢想參加我跟果ｄ班～～
我係咁同雲姑娘耍手～～　真係怕佢搞寸個班
咁係咁話滿額！！佢又話想同個朋友去旅行喎
好彩今次去完即～～佢個朋友想去蓬瀛仙館丫嘛～～
唔係我就大獲喇=.=　不過佢朋友暈車浪暈到我都未見過咁勁的
希望每次旅行都唔好有佢地～
最難為既就係雲姑娘要係咁叫佢何小姐！冷笑中
都６０勾啦～唉！節省少少好喎～～頂頂頂

５點幾諗住收工走啦～～
點知舊老細打番黎搵我囉^^..
佢同我傾左好耐呀～～
原來佢依家在救世軍做半晝呀
佢果邊都請人～～佢順便問我做唔做
都有三千八百幾蚊～～番下午２－６囉
因為佢話係佢請人的^^...
我同佢講番記得以前佢同我講～～
「三年之後你要自己搵工架喇」
三年後的我～～依然^^......ｈａｈａ
我都好想佢做番我老細呢

夜晚到阿爸同我卒手仔呢
原來爸爸粗糙的手掌也會令我覺得很溫暖
雖然有點像沙紙～但勝在卒得我的手熱滕滕呢
舒服也。。。

>>May 11, 2004 at 12:28:45 PM GMT+8

2004 年 5 月 8 日 星期六 【晴】

今日好開心天氣好好呀
每年的母親節～
例必同媽咪婆婆出去玩嘛
所以早早就起左身～～^^
上左陣網啦‵‵
之後就拿拿臨去飲茶
今日都有特價喎^^
ＨＡＨＡ～
之後我地就坐巴士入赤柱
遊左成個鐘車河呢
去度赤柱廣場落車
行左陣～之後在赤柱周圍行啦
當然唔少得美利樓～
因為婆婆成１０年冇去過赤柱了嘛
行埋赤柱大街～～
咁都撞到個中學同學呀
不過唔係好熟～所以點下頭就算
仲有去左惠康～～
前身係警署果間惠康囉
幾得意呢
最後一站係赤柱海灘～～
哂左一陣好舒服呢～
勁想落水玩呀～～～～～
本來想去埋懲教博物館！～
但好似好遠咁
就冇去喇！～
之後好累了
坐番巴士回去呢
夜晚去左鋸扒呀～～～

>>May 10, 2004 at 7:31:11 AM GMT+8

2004 年 5 月 7 日 星期五 【雨】

今朝俾天文台玩啦一定係
ｈａｈａ～～
不過其實今朝真係唔知道掛黑雨囉
我諗住起身番工架喇
點知阿媽睇電視話黑雨～～
我都係攤0係度攤多一陣
諗住冇死啦～～可以訓多陣喇
又諗住唔駛咁快番工真好啦
阿媽都落街買早餐比我地食>3<
之後佢一番上黎既時候已經掛番紅雨
拿拿臨換衫番工囉
番到去都係９點～～我都濕哂啦
都冇人番到黎既
得我咋～～～
老細９點半先回到來ａ～
之後今朝的活動都停！！ｈａｈａ高興
今日呀～我又好恐懼囉～～驚驚呀
果條ｐｋ打黎呀～～　係男同事聽的
佢唔識答彈比我聽喎～～
我一聽聲就知係佢啦！真係佢化左灰我都認得佢呀
佢簡直係不可一世呀～～～～～～
我又壓低把聲同條友講野～～唔係我怕無辜辜俾佢罵
收左線之後～我發覺自己係震緊架
之後我同老細講我好驚囉～～
死啦～～我諗條友下星期二會黎呀＞＜
好想請假呀～～我擔心自己又控制唔到會激到喊呀
做埋ｄ野１點４收工～
行左陣中環同媽咪食野跟住就番屋企訓覺喇

>>May 8, 2004 at 3:34:52 PM GMT+8

2004 年 5 月 6 日 星期四 【晴】

今朝交托左個電腦溫一溫俾個男同事
陰公呀..因為呢班有d麻煩
堂堂都話要學新野...邊得黎咁多新野俾佢地學呀
難為了同事～今朝我係咁同佢地講道理咁=.=
我今朝真係過份憫既
呼～～因為今日要匿埋在office 度打字呀
老細又經常遲先比我打
佢今朝比我打～晏晝就要黎開會
可能佢真係知我實打得哂～～
打唔哂死都死出黎比佢啦
當然～～我都打得哂比佢
有時老細最鍾意講：「發緊夢呀」
我真係會當笑話咁聽～因為知道佢把口係咁架啦
雖然我成日都發夢架啦～衰得過我發緊夢都做得掂呃
下午開會ａ～
真係救命～～黎老闆叫我同男同事一齊開個電腦班
唔好玩我啦～　一陣冇人參加就慘喇
同埋我唔識企0係度成個老師咁對住一大班人講野架嘛
你叫我逐個教就得～～好似果陣秘撈上門教人電腦咁
本來我唔收錢～但佢都塞左封利是比我咁樣
之後又講到交通安全隊啦！有個大型function喎
老細話邊個跟呀咁樣～　
佢話佢只不過係隊監～～
咁我心諗佢實係想塞比我啦
我只不過係幫你架咋喎，我都係副！！
不過始終都係佢跟啦．ｈａｈａ
開會開到成６點～～即閃人啦
番教會嘛！！！^^

>>May 8, 2004 at 3:12:02 PM GMT+8

2004 年 5 月 5 日 星期三 【晴】


今日係電腦班最後一堂～
終於辛苦完，雖然唔係我教囉
但係我要做助教都幾係！
今日同佢地做檢討～雖然人丁單薄=.=
但係每次做既檢討的成績都唔錯
有會員話我地熱情．ｈａｈａ
我臨尾都同佢地影左張相留念
其中一個會員仲要同我影相^^hehe

今日成個下午老細都去開會
我就默默咁打佢吩咐做既工作
同時又要教個新同事做野
我係讓左我個位比佢打字
我就用左第二部機囉
不過教佢好似唔知點咁!?
佢又唔出聲喎．
我真係好佩服佢可以唔出聲
真係好似想當年的我囉
不過佢比我還要靜
我都未見過男仔靜成咁既
我係咁撩佢講野！佢都係講一句咁多
搞到我好冇癮=.=

好搞笑呀～
有個會員仔叫我「事頭婆」
好笑～
原因係我尋日帶隊佢話我係話事人！
ｈａｈａｈａ

>>May 7, 2004 at 3:45:44 PM GMT+8

2004 年 5 月 4 日 星期二 【晴】

終於到左呢日！
今朝七點鐘就醒左喇
之後七點半就出門口番工
番到去７點１０～～
拿拿臨準備旅行ｄ野=.=
ｄ人好快就番哂黎喇
齊人就上車～～
幾驚險呀～～上車果陣仲落大雨架
咁我心諗大獲喇！
點知去到米埔又非常之好天氣～
唔涷唔熱～太熱又怕佢地中暑嘛～
因為我尋晚臨訓祈禱～
同左神講祈求今日順順利利呀
係神回應呀>^^...天氣報告都唔準既
又話落雨～等我嚇餐飽
去到米埔真係好舒服呀...大自然氣息
入到米埔（禁區）就算幾難得喇
襯後生去多ｄ地方呀嘛
我睇唔到ｄ咩雀仔（隻隻差唔多）
有會員曳到丫！叫佢唔好搞ｄ植物
佢係都要搞丫！真係中毒我唔識解毒架！
但...最大獲既係，有個會員跣左一野
呢個真係嚇死我～　佢個膝頭哥落地
擦傷左～咁咪要同佢急救囉=.=
我帶住個急救箱架嘛！不過有ｄ義工幫手
我就俾蚊針左幾野（抵丫！著短褲丫拿）好痕丫
但基本上佢地都睇得好開心
１２點半出番黎上車嘛～
下一站去粉嶺蓬瀛仙館到食午膳～
第４次去了喔～我帶佢地去齋菜部～
之後先安頓好佢地～我就去找數先～
好快起哂菜～最好味始終係「芋頭魚」
正正正丫！不過當然我都係比佢地食多ｄ架啦
我食少少夠架喇～～最緊要佢地夠飽
之後食飽飽就集合佢地一齊行去寶生養蜂場
呢個好彩我之前去過１次咁大把
我膽粗粗地帶佢地一彭人行過去
行過去５分鐘倒啦．ｈａｈａ
去到聽個人簡介ｄ蜜蜂囉～
之後行番落去佢地買蜜糖之類
咁個負責人請我飲左杯檸蜜（價值１０大元）
！好甜ａ～但發現原來我係一個賣點囉
佢請左飲！（之前冇人幫襯）我拎住黎飲～之後我ｄ會員就開始問我
幾多錢～好唔好味咁樣～我都係答ｏｋ啦
但都有好幾個人去幫襯～我間接幫佢地宣傳囉...haha
跟住３點鐘就走人回程了！我真的超累丫！！！
係陣車度講左幾句就叫佢地休息下啦
其實係比我休息下啦！
番到去咪要寫會員跌親報告囉～
之後報埋ｄ手尾～５點９先走

哇～我深愛的力宏出左碟呀
。Dream Again。>3<
新曲+精選～～有ｄ日文歌
ｉ　ｌｏｖｅ　ｉｔ！
遲ｄ先買啦～
我好似幾十隻碟都未買咁

>>May 5, 2004 at 2:51:53 PM GMT+8

2004 年 5 月 3 日 星期一 【晴】

又冇左成個朝早
今日係同佢地母親節慶祝暨義工嘉許典禮
真係有d亂呀=.=
不過唔埋得佢咁多架喇
我一個人做得太多野喇
又要影相...又要整powerpoint
又要上台幫佢地移好d咪
真係幾慘
個活動11點半完
搞埋d手尾都成12點
之後1點食飯
食完就同winnie 傾聽日旅行d野喇
同埋執旅行ｄ野
佢話點敢虐待我～
ｈａｈａ．．
話哂都係我同佢食左個旅行
帶完旅行真係人都散架嘛！

>>May 6, 2004 at 10:30:52 AM GMT+8

2004 年 5 月 2 日 星期日 【晴】

唉！今日返工真係好慘呀
忙到飛起！～～
隨左食飯之外～
我完全冇停既時候。。
好辛苦好辛苦～
成日都要走來走去
又呢樣又果樣咁
同事仔唔返就係咁架啦
應該話唔知點解今日特別忙
今朝個理髮搞到我丫=.=
要幫佢跟埋喎
ｄ人又奄尖聲悶！～
我出出入入搞到個鼻仔好痕丫
唉～～一雙手做咁多野
又要做聽日ｄ野！～
無端端又多左咁多野打！～
日日做到無停手
好多野我都唔想諗呀
做到臨收工先好似做得完咁
p.s今日有個新同事丫嘛！
咁耐第一個男丁呀～～
不過點解佢咁靜架！！（好似想當年的我）
慘啦！禮拜三旅行我諗住靠佢講野架嘛（我懶）
睇黎都係要我講哂架喇！慘慘慘
之後收工佢走左！雲姑娘同我講．
ｈａｈａ～～佢話佢唔係太「得」（不過都五官端正啦）
佢話佢唔0岩我喎～～我都話佢唔係我個type呀咁樣
我問雲姑娘～咁我岩ｄ咩type？
佢話要ｄ潮ｄ同ＩＮｄ既先襯我．hahahahahah
乜真係咩！！？？

放工番到屋企訓左陣！實在太累了
之後就我地一家人就同婆婆一家人出去食飯
今日婆婆生日正日嘛～～～^^
我地去左西環果間叫權發飯店食晚飯
之前聽阿爸講又平又抵食丫嘛
真係婆婆都話大碟又好味！～
好開心！最緊要係婆婆歡喜^^

>>May 3, 2004 at 3:35:35 PM GMT+8