2004 年 8 月 26 日 星期四 【雷雨】

今日夜晚番聚會喔
由朝到晚都很睏
到夜晚放工同食晚飯時都一樣
不過喔！唔知點解番到去聚會果陣
突然好精神～～～～　

今日講：
聖靈所結的果子，就是：
仁愛、喜樂、和平、忍耐、恩慈、
良善、信實、溫柔、節制。
到底我有幾多樣？^^

>>August 29, 2004 at 7:48:58 AM GMT+8

2004 年 8 月 25 日 星期三 【陰】

今日黎老闆諗住將封意見信登落通訊度呢
咁佢就寫左幾段回應
ｏｈ．他好像有點蒙蔽了．
我們戶外活動不是經常有ｇｕｉｄｅ帶的
安全問題：唔係好安全囉！１個帶成四十幾五十個
聽聞是１對最多３０個倒～
咁我之前同雲姑娘陰ｄ陰ｄ講，佢在會上都不敢提出
我們是很多時都一個人帶！尤其是要我出埋果ｄ活動
咁我打落通訊度果陣！我就好夠膽地順住個勢問老細
我問佢個比例即係幾多對幾多！仲有如果冇旅行社帶又點計
佢竟然回避我個問題囉～　佢答左佢都唔知，然後拉開話題=.= 過份
因為我地經常１個人帶咁多個
實在出多個worker都唔得果隻～～　我都冇氣同佢爭持
講多都哂力氣～　今日同事仔帶隊　～個領隊都以為會有２個職員喔
其他中心都係有２個職員囉　．　ｔｏｏ　ｂａｄ　唉

放工嚕～　首先同左同事仔去行人電梯度咇咇２蚊先
行番落去之制　～　撞到狄狄．ｈａｈａ
佢好搞笑地問我地咁早既！我地都話唔早喇=.=
佢話佢去搵工呀！　祝佢好運啦
跟住我地就搭ｍｔｒ～　我在銅鑼灣落車
去買左２杯許留山芒芒上去大大office 飲喇
多謝大大在泰國買回來給我的手信ａ
星星耳環係咪真係襯孖寶姐姐呢．嘰
之後傾下傾下成９點先落去買野食
我地去左ｓｏｇｏ度買壽司上番佢公司度食
之後食到１０點幾１１點倒　我地就落番去行
行左銅鑼灣地帶　哇！去左位於１樓的手飾店
入到去睇個sales「個樣好似」幾好人咁
大大想買耳環丫嘛！　咁就拿左黎拼啦
個sales哂左好多口水tum人買～　其間都話佢要埋數喇
大大就心大心細唔知買唔買好～　最後都係唔買住，走
咁我地行出左舖頭３步倒，就聽到佢自言自語講：
「唔買就唔好哂人咁多時間啦，ｘ你ｘｘ臭ｘ！」
唔駛咁呀～　今時今日咁既服務態度死梗！
係人背後講好無品喎，夠膽就0係面前
好眉好貌生沙虱　～嫌　最毒婦人心
我好記得我地入去只不過係１０分鐘倒者
（因為佢正播著周杰倫那隻碟，我只聽了２首歌耶）
切～　咪開門做生意丫笨！　以後都咪洗止意我會幫襯
行經必同ｄ朋友講呀！！　等摺埋啦　
之後都夜喇！～～　我地就搭ｍｔｒ走喇！
下次再會啦．大

>>August 27, 2004 at 3:18:02 PM GMT+8

2004 年 8 月 24 日 星期二 【晴】

今朝教電腦
然後佢地今日開組長嘛
討論呢個戶外活動既問題
心諗完全地將封意見信Ｙ曲事實丫老細
當時寫信人係在我電腦班裡的
聽到佢地講，我同佢都在笑=.=
即係寫信都冇用啦．　算


因為尋日夜晚出左街食～既關係
所以今日係冇飯帶
一心諗住出去食啦
咁我同佢地講我今日冇帶飯呀
咁岩今日又有ｄ包包
係法國果ｄ包包
而且今日開完組長會有個會員比左ｄ包包過黎
咁我就有兩個包包
諗住食包包食飽了
咁雲姑娘又話同佢一齊食肉醬意粉啦
佢都食唔哂咁～～　
咁我就唔客氣啦！
點知ｄ阿姐聽到我冇帶飯
又走去留左ｄ飯飯加送送比我
結果就係咁．食左一個飽
一碗飯送．一碗肉醬意粉
飽到上心口喔．．．

>>August 27, 2004 at 9:03:32 AM GMT+8

2004 年 8 月 23 日 星期一 【晴】




今朝早一番到公司就忙！生日會～～
上到５樓禮堂～　忙準備好一切
今日節目尚算精彩啦^^ ～　
～　但係中途賤賤有黎　=.=
不過我當然會避之則吉啦
佢在禮堂後面　咁老細驚佢搞串個ｐａｒｔｙ
老細行左去後面 賤賤就同個義工講野
又問有乜節目架！乜要買飛架咩！
老細就問佢拎左禮物未！
佢話「拎左～拎多份都唔驅」
我覺得佢態度唔係咁好囉～　算！我冇接觸佢
之後一切交比雲姑娘處理了
今日生日會之前準備好哂ｄ野～
我就企左0係度睇下有咩搞之制
都冇乜人之制．．
有個會員望下望下咁走埋黎　～　塞左ｄ野比我
話佢今個月生日　，所以想送野比我
我係咁話唔駛喇　～　佢話佢老人家生日
送野比我　，當係聽佢話收左去
咁推推擁擁之制．係收左既=.=
搞到我唔好意思囉．個活動完左落到去
佢又塞埋比同事仔　又經一輪塞來塞去之制
又收左．．．　我地拆開　
哇玉蝴蝶　我同同事仔即刻唱　「我叫你玉蝴蝶....」
乜咁破費呀ｘｘｘ　我地呢ｄ講心架嘛．呼
之後樓下又有人買左個蛋糕　一黎有人生日　
二黎狄狄farewell～　咁又食左個芒果蛋糕
走左幾個Y.A．阿狄都算勁囉．有人同佢farewell
之前果ｄ冇的仲有做左成年既都冇～
然後我就食午飯囉．飽囉
晏晝既時間過得好快！　我地話唔捨得阿狄
阿狄話都唔捨得我地呀　我地叫佢得閒番黎做義工囉
又冇人分擔下ｄ工作了
放工咁滯 麥麥打比我囉　
咁我順路經過去探一探佢
我話要去中環咇咇２蚊　順便且佢咇埋
因為佢放５點半　我就咇完５點９在ｍｔｒ度等佢
之後一齊搭ｍｔｒ．佢返學～　我就去柴灣
點知阿媽又話我咁早落去呀？！（又係佢叫我放工即刻落去囉）
咁落到去走到新光阿媽佢打麻雀，我就浦一浦頭先
之後表姐放工就打比我喇
我在零食物語等佢^^ 之後同佢行新翠
行完就上左佢屋企度　佢同我畫指甲
我將我ｄ手指交比佢任佢魚肉囉．ｋａｋａ
佢同我畫左２隻士多啤梨落手指公度囉．kawaii
之後８點半去食飯勒
點解咁嘈架
搞到大大打比我都接收得一半訊息咁
But anyway always support u baby
之後我都同表姐協定左好快我地又去行街街．正

１１點回家嚕．眼訓訓ｚｚｚｚ

>>August 25, 2004 at 1:29:42 PM GMT+8

2004 年 8 月 22 日 星期日 【綿綿細雨】

今日同事仔冇番
有ｄ寂寞添～冇人同我吹水耶
不過都唔係既
ｈａ～～　我教完電腦班番黎
我通常都勁講野．　我唔講野好似唔得咁
淨番狄狄比我做唯一的傾訴對象喔
咁我通常都勁笑架嘛^^．　
我話都係佢衰啦！因為我成日學佢講野囉
真係衰呀～～　我講野變哂懶音
例如「睇」字我讀成「tie」音咁
成個大陸婆咁～～　咁老細見到唔知我笑乜鬼
我就講佢知都係狄狄仔衰囉～搞到我講野咁～
因為狄成日叫我「小朋友」嘛～
我就話我係小朋友會跟人講野架～～　^^ haha
之後狄就話我：「你不嬲都傻傻地架啦！」
我：「ｈａｈａ！你就傻！」
好好笑呀ＸＤＤＤ
今朝有食神～～　１１點整個ｐｉｚｚａ　
１２點食唔落飯　’’’　=.=
之後食飽飯差ｄ嘔～～
今日個直線電話又響係找雲姑娘
聽到個電話一響我誓必唔聽（除非得番我一個）
ｏｈ．阿狄就老點人囉～　真夠膽
之後打左３次都找不到雲姑娘的
我叫阿狄聽日保護我呀^^.....
保鑣

晏晝搞埋ｄ籌備　生日會　手尾～
狄話佢一次都可以吹５個汽球啦
我就叫佢聽日表演比我睇
呵呵

>>August 23, 2004 at 3:27:24 PM GMT+8

2004 年 8 月 21 日 星期六 【綿綿細雨】

今日12點起左身喇～
之後行下企下食埋早餐^^
0係房度聽歌仔～
好快就到２點～
同左媽咪去食大家樂ｔｅａ
食完ｔｅａ行左去中環
諗住買野俾媽咪當生日禮物～但又冇岩佢的=.=
之後自己買囉～　無事出街少破財呃
行呀行～　行到６點半先回家
之後執左一陣野
８點去左阿婆度做節
佢地燒街衣嘛～～
我就在睇楝篤神探
個結局好慘喔

>>August 23, 2004 at 2:40:18 PM GMT+8

2004 年 8 月 20 日 星期五 【暴雨】

今日返工係好開心既
因為今日老細係短週的
然後雲姑娘放左２日假番黎呢
ｈａ～　佢一番到黎就好搞笑
因為佢剪到個頭好短呀
原先長頭髮～～　佢今日短到．．
第一句話自己好似同事仔
我地勁笑！因為真係幾似
咁慘啦！我地３為１體了
因為我同同事仔經常被人認錯啦
然後同事仔話雲姑娘似帶左個假髮
就好似楝督神探既劉綽琪扮ViVi果個假髮咁
真係好好笑呀。
之後雲姑娘叫阿狄切檸檬
咁我路過入左去廚房～
睇佢切好搞笑丫～～
同佢傾左一陣計　
我費事佢切親手我就番出去喇
然後今日既時間又好快過啦
好快又到放工既時候
呵呵！今日在廚房食埋粥同埋粉先走
仲有雲姑娘整既馬蹄糕
仲有檸檬利賓立，原來都幾好飲架喎
放工回家啦
３點昏睡到７點～　好正喎
之後起身睇乒乓球男子雙打決賽
睇到憫丫！香港個李靜打得好好架嘛
佢另一個partner屎波囉～
．．．．．．．．．．．．．

>>August 22, 2004 at 5:04:01 AM GMT+8

2004 年 8 月 19 日 星期四 【綿綿細雨】

今朝電腦班ｄ同學問我唔係放假咩
我話唔放啦！　（放黎都冇意思耶）
我寧願返工　　（工作狂）

晏晝受不住又上去５樓逛逛了喔
看見那些人手上１０個８個袋袋
又忍不住了=.=　唔買好似對唔住自己咁
揀了個不錯的
不過落到去唔比人知啦=.=
今日用左２個字食飯咁大把
之後出番黎果陣見到ａ先生！！！
佢上黎借錄音機錄野囉
佢搞黎搞去都搞唔到喎
之後佢行開左之制
同事仔抵死地對我說：
「周杰倫有冇唱七里香俾你聽？」
我冇經大腦地答：「冇呀」
之後我又諗一諗之後我拍左佢一下囉
作屎佢呀～～玩我=.=ｈａｈａ
跟住ａ先生番黎我同佢去電視機上面個ｈｉ-ｆｉ度錄囉
今日都見到佢好幾次～佢上左黎起碼５次囉
佢次次都淨係識問我有冇搵「阿邊個」我話佢去左旅行啦
～～　呼！　佢都唔係帶住我地送比佢隻錶錶嚕＞＜

噢薛～　今日個賤賤打黎啊
不出我所料～～　老細講幾句我已知是她！！
難為了老細～　個人又問「你貴姓！」
哇佢丫！又話人唔打俾佢話有生日會
一陣打比佢我地咪出街！　
打又比人話，唔打又比人話，想點呀？！
果個人又超唔ｌｉｋｅ老細架嘛（都係因為我卦）
之後老細又同埋鄒姑娘講呢個人既惡行
仲話我果陣俾佢整到喊　一．一
鄒姑娘好明解～　佢在home help果時遇到好多
慘喇！條粉皮星期二會黎　睇下到時又發咩癲
我同老細表示我好驚呀～　佢話我呢ｄ係病態
唔知道=.=　我最慶係條友屈我囉
老細話唔驚架！同佢牚過．佢牚擺啦．我冇力

下午開完會之後～～　
咦！見到個意見箱有張紙喎
咁我同同事仔出左去裝下先
咩都睇唔到喎　=.=
到差唔多放工先賴過同老細講下．ｈａ
佢仲話等到開組長會先開ａ
我就話下～　你唔快ｄ跟進呀？
佢就好聽話開左個箱拎出黎睇下咩意見
佢話係比佢的～～　之後睇睇下竟然笑
哦哦^^ ... 之後佢話有關同事仔，俾埋我地睇
原來係關於旅行點解成日都得一個姑娘去？
唔搵多個人跟車喎！咁樣好危險～～
而且點解ｄ姑娘冇預一個位食飯
只係周圍攝～　（慣左啦^^）
個出發點係覺得我地帶出去旅行既姑娘好慘咁
我同同事仔講：乜你果次真係好慘咩
因為果次唔夠食咁～　
ｈａｈａ～　老細唔知邊個寫呢封信的
我睇到第２段就完全知道啦
好少會員咁同情我地～　
同埋我成日出去教電腦時同佢地傾計
通常都係有第一手資料^^（雙子座搭通天地線性格）
後知後覺既老細估左幾個都估唔到
我地冇講佢知係邊個^^估下啦 ｈａｈａｈａ　　

放工～　同麥麥放工番教會
食飯果陣有乒乓球決賽睇丫嘛
咁佢咁鍾意打既人當然唔錯過
麥麥就像電視機廣播乒乓球賽事
我一邊笑一邊睇.....haha

>>August 21, 2004 at 5:06:47 PM GMT+8

2004 年 8 月 18 日 星期三 【晴】

今日番工～同同事仔傾計
佢同我講佢連發夢都擔心個旅行唔夠人
仲話個夢裡面係搞唔成～仲喊埋添
我覺得好慘呀～　我知道佢真係好大壓力
俾著我都會呀～～　之後見到有人我地都會叫佢去囉
之後晏晝中文班～　同事仔都係靠我跟呢個班架喇
咁我係叫ｄ會員去啦去啦，同埋老師一齊去啦
另一個ｔｏｐ　ｓａｌｅｓ會員又叫啦！真係好勁
班左成圍^^V　成功了

今天下午ｌｕｎｃｈ　ｔｉｍｅ的時候
樓上５樓ｈａｌｌ有小型賣物會丫嘛
最愛八卦同埋買野既我當然唔執書啦
哇，好平呀！　明愛籌款0者！
我買左個袋袋呀　^^
我番到落黎都１２點８啦～　
冇咩時間食飯啦～
咦！同事仔今日同我一樣食１２點既
早知同佢一齊去睇啦^^
佢同我講「你老細驚你寂寞呀」
我就笑～～～～　因為今日雲姑娘無番丫嘛
之後我比個袋袋比同事仔睇
佢都話幾好喎^^...　呵呵！好開心喎
下午本來打算做埋ｄ証去！
點知老細叫我幫佢做佢自己ｄ野
整左我２個鐘～整到我眼瓊瓊
不過佢好似幾滿意咁喎．呵

>>August 21, 2004 at 4:23:35 PM GMT+8

2004 年 8 月 17 日 星期二 【晴】

今朝老細開會～
但佢臨開會之前都喜fing個電比我=.=
佢一開聲差ｄ唔認得，把聲咁搞笑既
佢尋晚搵過我丫嘛！問我有冇見個隻floppy
我話俾番佢啦！然後我話番工再幫佢搵下啦
佢今日打俾我既目的就係佢0係屋企搵番=.=
成日都係咁架啦．．．．
今日都要電腦班喔
冇得偷懶的～～
今日啊！我教左個新會員send咭仔
佢好似好開心咁
之後佢見到張咭靚．想Print出黎俾一個病人
（因為佢係醫生來的，佢退休都有輔導病人）
我就幫佢ｓａｖｅ低執番靚少少先ｐｒｉｎｔ
整左出黎之後佢就好開心^^ 好感激我咁
俾左２０蚊仲唔駛找，原本１張只是５塊錢
佢本來叫我袋的，我當然唔袋啦～
入番落去中心度^^........
食飽飯時間
見到有miss- call打番俾嘉朗^^
佢同我講佢今日要番去美國喇
仲要我打比佢果陣佢就要出門口了
我同佢講一路順風～　遲ｄ寫信俾佢
佢好抵死咁話１０年後見啦=.=
１０年既朋友～　我們再會喇
之後番去諗住同同事佢地傾計
不過我又埋頭苦幹地研究４部腦點解上唔到網！
佢地傾到興高采烈之制
突然彈出一句：「係唔係呀小老闆？」
我話我都唔知你地講緊咩^^
呵！終於比我搞番掂４部機～　開心
呀！老細回來的時候呢
佢臨開組問我ｅｘｃｅｌ　ｄ野
我就幫佢諗左一陣！！　其實我有點唔明佢講咩
ｏｈ．佢話係佢教會野黎架（我變了私人秘書？）
算啦！見佢唔多識電腦就幫幫佢吧
佢有時都幾慘既　（我太有同情心了-.-）
不過我做哂手頭上ｄ野先啦
然後大大小姐在船上臨行打俾我
很想念她呢～～～～～～　呼！旅途愉快唷

放工！ｋ在西環做野嘛
順便找我囉～
行左一陣
陪佢食左ｍ記
之後送佢搭車
我就歸家吃飯嚕

>>August 18, 2004 at 3:13:42 PM GMT+8