2004 年 7 月 19 日 星期一 【晴】




聯地營大成功！

很有成就感，自己首次擔任一個大型活動的統籌，同時負責（唔係指一個人話曬事的專權）指揮、設計、宣傳、司儀、物資收集、營刊編寫，竟然能夠創出預料之外的佳績，除了要稍為讚讚自己的用人之法、廣開言路和靈活變通外，最最最大原因當然是各聯地好幹事，好戰友的盡責、機智、互信精神！！

感謝各位戰友：（不分先後）
Ada（銀禧）、阿Mi（港大）、Amanda（蕭明）、Sam（恩主教）、Alan（恩主教）、異形（聖文德）、歐陽（聖安當）、Ivy（保祿六世）、Cherry（保祿六世）、樂（聖文德）、陞（聖文德）、企鵝（漢華）、Judy（蕭明）、Joanna（蕭明）！！

感謝：（不分先後）
添全（浸大）、Roy（浸大）、阿釗（英皇）、Johnson（英皇）、Alex（英皇）、Trino（英皇）、Daniel（培正）、阿婷（培正）、Eric（中大）等比面撐場！

我們的活動小組，被譽為聯地三小組最具士氣的小組。我知道原因。

……

聽日約左我最尊敬的聯地BU前輩Fiona去城大傾計，希望我可以透過她的經驗作出某個決定。

「外務秘書一職的存在，是一個悲劇。」
－－－某兩個聯地BU代表的共識

－－－－
Queen：想覆妳好耐，不過之前SHOWHAPPY DOWN左。我大概估倒點樣整……一個可以釘在牆上的紙枕頭，簡直正爆！！

>>July 20, 2004 at 5:35:29 PM GMT+8

2004 年 7 月 11 日 星期日 【晴】

昨晚同飲組怒吹，痛快！

今日父母返大陸有事辦，自己則死守家中，享受「絕對自由」，哈哈！

晨早洗澡，中途驚覺自己的沐浴露已經徹底耗盡，無可奈何地改用了家人的Opal沐浴露……鳴呼！「男人老狗」弄得一身花露水味度……

說來也好笑，「Opal沐浴露」……哈哈！久聞市場上也有一款叫「舒膚佳」的沐浴露，令我曾被人戲稱「舒膚佳」……又因為該沐浴露名字予我某種不雅的嘔心聯想，故我從未糾膽一試。

後來又出了一種叫「呼佳」的特效鼻塞憤霧，令我中五時期又被人戲稱「呼佳」。聽到這個名字自己非常不安樂……「路人甲在藥房買了呼佳（我），然後對準自己閉塞發臭的鼻孔發射，我被迫湧向鼻涕，把它們喝光或挖空，令路人甲呼吸暢順……」

終於寫好本camp book，好開心！

－－－－－－
Opal：咁強？帶埋私人枕頭？真係唸都無唸過！

－－－－－－
為節省口水，在此公開今年的UE劣績（哈哈，連Moses上年的分數都未有）：

Listening D
Writing C
Reading D
Oral C
PS D

Overal D

>>July 12, 2004 at 7:39:39 AM GMT+8

2004 年 7 月 9 日 星期五 【晴】

昨日我、阿強、飲姐朝早翻左漢記，陪D中七師弟妹等放榜；見倒有人考得唔好，就過去安慰幾句，比下意見。

有件事幾興奮，黃襯歡校長助理無啦啦走埋來搵我，問我可唔可以下個學年頭，同中五、中七生share下所謂我的學習態度、方法／進路（應該係演講形式）；雖然唔知佢算唔算有眼無珠，好搵唔搵我，但既然有人認同自己（無論認同我的部份是否只是假象），我當然一口接啦！何況我一直想試下address a speech（report、present就試過，用中文speech真係第一次）。

之後同地理科關sir吹水，佢叫我副修biology；考慮左半日，決定聽佢話，唔修history，改修biology；原因係history的研習方法早已大概摸清，而歷史知識比較不實用（最初學歷史學原因係訓練分析能力，但而家掌握了思方學，效果可能重好）；但biology自己素來有興趣，而且只有中三程度，如果而家修讀，一定可以學倒好多好多野。加上Biology與地理的連繫，「實際上」遠大於History。

之後同左卓sir食飯。

然後同浸會莊員precamp。


……（略過）……


（剛剛去完Pre-ocamp翻來）

頂！真係比我估中，AL英文得個D……D細分重好笑添……我唔制呀～～～

灰。遊戲失敗。

（恭喜Moses考試成功︿︿）


－－－－－
Suki：係呀，快d通知Jess／沙律啦︿︿

Queen：哈哈，果然係「人才少時必頑劣」（我的片面性觀察所得結論）呀！

Tracy：其實係我報錯料（邱仔EMAIL指正），原來邱仔唔係轉校，佢一早已經quit左珠海，話果度D教授、同學太不知所謂；轉讀之後，佢亦唔係讀二年級，而係一年級。

>>July 10, 2004 at 1:07:13 PM GMT+8

2004 年 7 月 7 日 星期三 【晴】

今日一上網去check email，哇！好驚喜！邱仔send email比我呀！

原來佢可以轉去讀嶺南中文傳媒寫作副文學士二年級，認受性高左，重可以讀少一年書，真係替佢開心。

我一直都好欣賞邱仔，我覺得佢係我朋輩中，少數有獨立思考能力、見地、理想的人。

妳要加油呀！！


重有一個好消息，原來我補考PE的成績出左……下？！竟然有B？乜唔係補考唔可以超過C+ o既咩？！

我明明absent多過Brian（3次對0次……），考試分又高唔過Brian，筆試又唔見得考得好，做乜可以同佢同grade GA？！！

實係阿SIR錫我啦，見我入院咁死慘，加我分啦（我天真地咁認為）～～～～

>>July 8, 2004 at 8:49:09 AM GMT+8

2004 年 7 月 7 日 星期三 【晴】

早前與文聰回味在一間Band5中學讀書的滋味，回味無窮，大嘆再難有這些經驗（雖然我亦不想再有）。

第一是見識過黑社會，自己亦曾主動地得罪部份會員，落得被圍摳至「爆江」之田地；現在回想，頗覺有趣。

第二是學會反叛，串老師，罵老師的情況依然在目；自己有份參與其中，現在有點後悔，但又頗感滋味。

第三是嘗試過結伴欺負同學；當然，自己被各方還擊、攻擊的次數更多。

第四是自己扮演過自己最厭惡的「遍激性書呆子」，以學業成績作為攻擊不讀書者的工具；由於自己太串，手法太狠、太露，加上成績太好（哈哈！），成為全班的眾矢之的，受盡苦楚，自作自受。

第五是在這裡自己較易成為當中的頂尖份子，受盡老師、校長寵愛，有恃無恐，攻擊弱勢老師（陳鋼老師是當中的受害者，在此請陳老師原諒我昔日無知），不可一世；大有那種討厭的Goodie-goodie及得寵太監味度，毫無美感，嘔心非常。

第六由於自己得寵，屢犯校規，甚至打至同學身受重傷（蛇王），然後居然毫無處分，還拿「品學優異獎」……老師真的很溺愛我。

第七是會考只有十七分，竟然有轟動同學、老師層的效果；現在回想，臉上紅了兩片。



中學時代的惡行，對我來說，是一種青春的光輝；現在我最遺憾的是沒有拿一、兩個過，連缺點都沒有……總覺遺下了甚麼在中學時代。

>>July 7, 2004 at 7:57:38 PM GMT+8

2004 年 7 月 6 日 星期二 【晴】

《石大呂》

他，是我小學第一個朋友，最老友的一個。
他，是一個念舊的人，最重朋友的一種。

可是當年……

我，是一個亳無教養的混蛋；
我，是一個喪心病狂的仆街。

所以現在……

……

無論如何……

雖然未必每人的童年都充滿歡樂
但是肯定自己的童年已成為歡樂

>>July 6, 2004 at 4:23:46 PM GMT+8

2004 年 7 月 5 日 星期一 【晴】

今日，無啦啦同阿媽講起讀完書做乜好；唔問由自可，一問都幾擔心。

初初同人講話打算教書，其實只係隨口講下，自己其實無深思孰慮。

自己唸左一陣，越唸越驚……

（除第一項外，其餘為遠期目標，並唔係天真到，以為一讀完書就有得做）

1、如果做教師，咁我就要成世困係間學校度，好難再有其它出路；要我成世教一樣野我會喊GA……我相信過多廿年，（自信）自己會係一個極之博學的人……要我只係教一樣野……唔得唔得！！要我呢條得來不易的生命，用一半花費同一樣工作（且該工作難度不變），唸起都驚！！如果入倒間學校，d高層太蠢（唔係我自負，事實上我見過唔少），專做無聊野，大大增加教師的工作量……咩「提升XX後切認知能力」、「愛國XXX」、「xx機制」、「xx制度」、「xxxx的教育學」、「全方位xxx」……又係一個字……「頂」……

2、讀博士？做教授？唔好理做唔做倒先，但真係有唸過，因為自己好適合做研究。但問題係，做倒大學教授又有樣野好驚（雖然我唔太旨望做倒）……半世人做學術研究？然後hea下hea下咁教大學生？（實會hea，因為認唔認真教無人CARE……而且教授同學生的關係，素來冷漠）自從見過kk、yy類教授，真係好驚。

3、進入一（無限定）機構做管理層人士？呢個最好玩，人工與能力掛勾，多勞多得；天天有驚喜有變化，又可以滿足我做領袖的欲望……不過，呢d工邊個唔想做丫，好難論到我lu……

4、已經唸唔倒啦……




強烈警告死Brian，唔好再扮人妖呀！！！

>>July 6, 2004 at 1:08:34 PM GMT+8

2004 年 7 月 2 日 星期五 【晴】

今日聯地營前會，簡直大大考驗我的應變能力。

翻到去先知連LT1都無冷氣，搞到我要跑去換場，book左新校一間房，再跑去ITSC開電腦，開咪；

無啦啦一D骨幹成員病左，來唔倒，人手真空，又要立即重新分配人手。

然後召集D幹事，做breifing，確認佢地自己的職份；然後又立即跑到新校，作最後準備，叫所有幹事留在LT1接人過新校。

跟住又發現有一組的組長缺席，自已一give完speech又要頂埋個組爸做……

好在，大部份幹事都好做得野，好醒目，又盡責，先順利過倒呢關。


夜晚，參加左樹仁中學校友會聚餐。見翻好多舊同學（無見3年啦）。

回想翻3年前，自己真係變左好多。面對這班曾讓我體會最深自卑的同學們，我第一次能夠充滿自信地與他們相處，非出於學業成績，而出於性格、舉止、學識、啖吐、風度的真自信；真正的自信是沒有自大成份的自信。我知道今日，我完全沒有看輕他們之感，反而覺得他們很可愛。

雖然走左3年，但係原來自己都幾出名（一直都唔知），有時會有D我唔識的人問我，你係咪梁俊佳呀？

今晚最開心，就係向我自己最尊敬的老師們，送上我最近一年來的多則喜訊（AL呀、升BU呀，GPA 3.x呀，做左聯地副主席呀，英文大進呀，讀曬李天命呀……）。不是為了認叻（絕不是），而係想他們知道，「你們教出了一個好學生」。

哈哈，原來中史科的miss chan比過李天命教，重讚不絕口。

全晚最痛快，要算是同黃卓權老師吹水；以前都同佢好frield，但係一向都唔明佢講乜；但因為我突然學會了思考方法，所以今日大家特別投契，佢甚至大嘆「你我真係相逢恨晚」、「我地簡直係絕代雙驕，驕傲個驕」。

吹吹下，我地兩人決定偷走，出去食糖水，唔鬼埋學校同校長；吹左幾粒鍾，我知道了一件事（是知道，不是相信），呢位黃sir，雖然學歷低（無學位），但係論真材實學，論思考方法，論中文水平，我知道無一個我中學時代的老師強得過佢。

>>July 3, 2004 at 7:43:14 PM GMT+8

2004 年 6 月 30 日 星期三 【晴】

今日翻BU去聯地會，頂，全校冷氣壞曬，結果我地十三行人，去又一城間KFC開會，一開就五粒鍾；真係估唔到在KFC都開倒會，而且重開得好流暢、好多point；就算有人搞gap，都好快可以重入正題……我地今日sit會的主席不禁讚嘆：「你地真係好ACTIVE」。

開完會，醒起71遊行，成修中環至銅鑼灣D路堆滿曬人，我呢個住華富村的人，無得翻屋企，唯有去彩虹，上文聰家坐，重一齊去左觀塘富臨食火渦，吹水吹得好痛快！

十二點半返到屋企，即刻沖涼，然後開工。我要將今日個會所有的議決打一份比各位幹事，然後整理名單，分埋組……再寫好份入營須知……已經係早上四點鍾……

死啦，重ok左RAYMOND話早上九點半去幫城城搬野……咁我咪要七點鍾起身？而家都四點半啦……

最慘係，下午一時半重要開GEOID會議……之後我又要踩排後日做司儀……

救命！～～～～～～～～～～～～～～～～～～～～～～～～～～

>>July 1, 2004 at 8:31:44 PM GMT+8

2004 年 6 月 27 日 星期日 【晴】

黑仔……

原本打算將舊電腦的Sound Card、DVD ROM、同埋Harddisk移殖到部新機（即係HALL果部）度，點知發生易外……被槓杆原理整爆左新機的80GB硬碟的電源插座（成個爆開），即時報銷……

而家即係，將舊硬碟（40GB）移到新機度，然後無左個新硬碟（80GB）……

諗住拎去保養度整，又唔見左張單……

我…我做乜咁手多呢……唉（Roy式發音）……


因為在聯地日營表演左一次雙腳踏上紙製青馬大穚而無整爛，即時得到一個新花名……哥斯佳！吼～～

當日真係唔該曬阿Roy、阿添同Viola的幫忙！

－－－－－－
Tracy：我都好驚奇，估唔到大家咁大個人（個個廿張啦已經），重係咁無誠信……如果當時我係阿茂，一定小到佢地飛起～～

>>June 28, 2004 at 3:52:43 PM GMT+8